I. NAFARROAKO FORU KOMUNITATEA
1.3. BESTELAKO XEDAPENAK
1.3.5. Estatutuak eta lan hitzarmen kolektiboak
123/2006 EBAZPENA, otsailaren 9koa, Industria eta Teknologia, Merkataritza eta Lan Departamentuko Lan zuzendari nagusiak emana, Nafarroako "Iturgintza, berokuntza, klimatizazio, suteen prebentzio, gas eta antzekoen enpresa instalatzaileak" sektorerako lan hitzarmen kolektiboaren 2005eko soldaten berrikuspenari buruzko akordioa erregistratu, gorde eta Nafarroako ALDIZKARI OFIZIALean argitaratzea erabakitzen duena (espediente zenbakia: 20/2006).
Ikusirik Nafarroako "Iturgintza, berokuntza, klimatizazio, suteen prebentzio, gas eta antzekoen enpresa instalatzaileak" sektorerako lan hitzarmen kolektiboaren 2006ko soldaten berrikuspenari buruzko akordioaren testua (espediente zenbakia: 20/2006).
Gertakariak
1. Departamentu honetan 2006ko otsailaren 6an sartu da soldatak berrikusteko akordioa, 2006. urteari dagokiona, negoziazio batzordeak hitzarmen hartan itundutakoa betez izenpetu eta onetsia (hasierako espedientearen zenbakia: 64/2004).
2. Espediente honen izapidaketan, aplikatu beharreko lege eta erregelamenduen manuak bete direla.
Zuzenbideko oinarriak
1. Industria eta Teknologia, Merkataritza eta Lan Departamentu honek bere esku du lan hitzarmen kolektiboak erregistratu, gorde eta argitaratzea, martxoaren 24ko 1/1995 Legegintzako Errege Dekretuaren 90. artikuluan ezarrita dagoen bezala, eta hori, Lan zerbitzuak Estatuko Administraziotik Nafarroako Foru Komunitatera eskualdatzen dituen apirilaren 11ko 937/1986 Errege Dekretuarekin bat, bai eta irailaren 23ko 334/1996 Foru Dekretuarekin ere, Departamentu honi Estatutik transferitutako lan zerbitzuak esleitzen dizkionarekin, alegia.
2. Maiatzaren 22ko 1040/1981 Errege Dekretuaren bigarren artikuluak agintzen duela Langileen Estatutuaren III. Tituluan ezarritakoaren arabera egindako hitzarmenak hitzarmen kolektiboen erregistroan inskribatu behar direla.
3. Hitzarmen kolektiboak gordetzea, erregistratu ondoren, Industria eta Teknologia, Merkataritza eta Lan Departamentuaren eskumena da, zuzenbideko oinarrietako lehenbizikoan aipatutako manuen arabera.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluaren bidez eman dizkidaten eskurantzak erabiliz,
EBATZI DUT:
1. Nafarroako "Iturgintza, berokuntza, klimatizazio, suteen prebentzio, gas eta antzekoen enpresa instalatzaileak" sektorearen (kodea: 3103505) soldaten berrikuspenari buruzko akordioa erregistratzea, Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan, eta bertako administrazio unitatean testua eta dokumentazioa gordetzea.
2. Ebazpen hau Hitzarmenen Erregistrora bidaltzea, behar diren ondorioak izan ditzan.
3. Ebazpen honen berri ematea negoziazio batzordeari eta adieraztea ebazpenak ez duela administrazio bidea agortzen eta haren aurka gora jotzeko errekurtsoa jartzen ahal duela Industria eta Teknologia, Merkataritza eta Lan kontseilariari zuzendua, jakinarazi eta biharamunetik hilabeteko epean.
4. Ebazpen hau Nafarroako ALDIZKARI OFIZIALean argitaratzea, orok jakin dezan.
Iruñean, 2006ko otsailaren 9an._Lan zuzendari nagusia, José María Roig Aldasoro.
NAFARROAKO ITURGINTZA, BEROKUNTZA, KLIMATIZAZIO, SUTEEN PREBENTZIO, GAS ETA ANTZEKOEN ENPRESA INSTALATZAILEAK SEKTORERAKO LAN HITZARMEN KOLEKTIBOAREN INDARRALDIKO HIRUGARREN URTERAKO (2006) XEDATUTAKOA APLIKATZEKO AKORDIOA
Iruñean, 2006ko otsailaren 3an.
Bildurik Nafarroako Iturgintza, berokuntza, klimatizazio, suteen prebentzio, gas eta antzekoen enpresa instalatzaileak sektorerako lan hitzarmen kolektiboaren Negoziazio Batzordea, ondotik adierazten diren pertsonak eta ordezkaritzak dituena:
_Nafarroako iturgintza, berokuntza, klimatizazio, suteen prebentzio, gas eta antzekoen enpresa instalatzaileak Elkartearen izenean:
Juan Carlos Zabalza Moreno jn., Miguel Angel Aguado Laplaza jn., José Antonio Rivas Marín jn., Emilio Morales Apellaniz jn., Maríano Cardona Aznar jn., Ramón Zabalza Beraza jn., José Antonio Celaya Visus jn. eta Rosana Cigudosa Medrano and., eta Letratu aholkulari zereginetan Javier Adiego Reta jn.
_Sindikatuen izenean:
Unión General de Trabajadores (UGT), Ignacio Rey Recalde jauna; Langile Komisioak (CCOO), Juan Antonio Castillo Mendívil jauna.
Bi aldeek, elkarri onarturik Akordio hau formalizatzeko behar adinako legezko gaitasuna,
Hauxe adierazi dute:
Nafarroako "Iturgintza, berokuntza, klimatizazio, suteen prebentzio, gas eta antzekoen enpresa instalatzaileak" sektoreko Hitzarmen Kolektiboaren lehen klausula gehigarriaren 3) atalean jasoa dela 2006ko lansariak zehazteko prozedura; hirugarren indar urtea du hitzarmenak, eta 2006. urterako Gobernuak aurreikusitako KPI zifrari puntu bat gehitu behar zaio berrikuspenean.
Horregatik, ezaguna denez Gobernuaren 2006rako aurreikusitako KPIaren zifra, 100eko 2,00 alegia (berrikuspenaren menpe) bidezkoa da aplikatzea 100eko 3,00ko hasierako gehikuntza, 2006ko urtarrilaren 1etik aurrera.
Hori horrela, gaia eztabaidatu ondoren, batzordeko kideek, aho batez,
ERABAKI DUTE:
Lehena._2005eko abenduaren 31n indarrean ziren Soldaten Taulei gehikuntza bat aplikatzea, 100eko 3,00 gehitzea alegia, urte horri dagokion lansarien berrikuspena egin ondoren. Hasierako igoera honek 2006ko urtarrilaren 1etik aurrerako ondorioak izanen ditu.
Bigarren._2006a bukatzen denean, eta 2006. urtean estatuan benetan izandako KPIa ezagututakoan, berriro doituko da, behar izanez gero, 100eko 3,00ko hasierako gehikuntza hori, kopuru matematiko zehatza erantsiz, horrela Nafarroako "Iturgintza, berokuntza, klimatizazio, suteen prebentzio, gas eta antzekoen enpresa instalatzaileak" sektorerako lan hitzarmenean itundutako behin betiko gehikuntzaraino iritsi ahal izateko.
Eta adostasunaren seinale, eta halaxe jasota gera dadin, bertaratuek sinatzen dute burualdean adierazitako lekuan eta egunean.
2006KO SOLDATEN TAULA
(2005-12-31n indarra zuten soldatak 100eko 3a gehituz kalkulatu dira)
UZTAILEKO ABENDUKO GUZTIRA
1. mailako ofiziala 52,55 1576,50 1576,50 22333,75
2. mailako ofiziala 47,45 1423,50 1423,50 20166,25
3.A mailako ofiziala 43,11 1293,30 1293,30 18321,75
3.B mailako ofiziala 40,13 1203,90 1203,90 17055,25
Espezialista 33,25 997,50 997,50 14131,25
17 urteko langilea 25,77 773,10 773,10 10952,25
16 urteko langilea 22,88 686,40 686,40 9724
LANBIDE HILEKO UZTAILEKO ABENDUKO GUZTIRA
KATEGORIA SOLDATA APART. PAGA APART. PAGA URTEAN 2006
Biltegizaina / Menpeko lang. 1005,95 1005,95 1005,95 14083,3
Arduraduna / Atalburua 1670,97 1670,97 1670,97 23393,58
PRESTAK. LANGILEA
1. urteko prestak. langileak 583,29 583,29 583,29 8166,06
2. urteko prestak. langileak 657,55 657,55 657,55 9205,7
3. urteko prestak. langileak 789,04 789,04 789,04 11046,56
ADMINISTRARIAK
Izangaia 676,13 676,13 676,13 9465,82
Laguntzailea 846,71 846,71 846,71 11853,94
2. mailako ofiziala 988,78 988,78 988,78 13842,92
1. mailako ofiziala 1299,25 1299,25 1299,25 18189,5
TEKNIKARIAK
Goi mailako tituluduna 1786,90 1786,90 1786,90 25016,6
Erdi mailako tituluduna 1709,59 1709,59 1709,59 23934,26
1. hirurtekoa: 127,86 euros.
2. hirurtekoa: 255,52 euros.
3. hirurtekoa: 447,05 euros.
4. hirurtekoa: 574,63 euros.
5. hirurtekoa: 638,48 euros.
6. hirurtekoa: 830,41 euros.
7. hirurtekoa: 893,83 euros.
Ondorengo hirurteko bakoitzean 66,63 euro gehituko da.
Iragarkiaren kodea: F0602813
