I. NAFARROAKO FORU KOMUNITATEA
1.3. BESTELAKO XEDAPENAK
1.3.5. Estatutuak eta lan hitzarmen kolektiboak
105/2006 EBAZPENA, otsailaren 6koa, Industria eta Teknologia, Merkataritza eta Lan Departamentuko Lan zuzendari nagusiak emana, Olorizko "Aqualia Gestión Integral del Agua, S.A" enpresarako Lan Hitzarmen Kolektiboaren 2006ko soldaten berrikuspenari buruzko akordioa erregistratu, gorde eta Nafarroako ALDIZKARI OFIZIALean argitaratzea erabakitzen duena (espediente zenbakia: 16/2006).
Ikusirik Olorizko "Aqualia Gestión Integral del Agua, S.A." enpresaren lan hitzarmen kolektiboaren 2006ko soldaten berrikuspenari buruzko akordioaren testua (espediente zenbakia: 16/2006).
Gertakariak:
1. Departamentu honetan 2006ko urtarrilaren 27an sartu da soldatak berrikusteko akordioa, 2006. urteari dagokiona, negoziazio batzordeak hitzarmen hartan itundutakoa betez izenpetu eta onetsia (hasierako espedientearen zenbakia: 40/2004).
2. Espediente honen izapidaketan, aplikatu beharreko lege eta erregelamenduen manuak bete direla.
Zuzenbideko oinarriak:
1. Industria eta Teknologia, Merkataritza eta Lan Departamentu honek bere esku du lan hitzarmen kolektiboak erregistratu, gorde eta argitaratzea, martxoaren 24ko 1/1995 Legegintzako Errege Dekretuaren 90. artikuluan ezarrita dagoen bezala, eta hori, Lan zerbitzuak Estatuko Administraziotik Nafarroako Foru Komunitatera eskualdatzen dituen apirilaren 11ko 937/1986 Errege Dekretuarekin bat, bai eta irailaren 23ko 334/1996 Foru Dekretuarekin ere, Departamentu honi Estatutik transferitutako lan zerbitzuak esleitzen dizkionarekin, alegia.
2. Maiatzaren 22ko 1040/1981 Errege Dekretuaren bigarren artikuluak agintzen duela Langileen Estatutuaren III. Tituluan ezarritakoaren arabera egindako hitzarmenak hitzarmen kolektiboen erregistroan inskribatu behar direla.
3. Hitzarmen kolektiboak gordetzea, erregistratu ondoren, Industria eta Teknologia, Merkataritza eta Lan Departamentuaren eskumena da, zuzenbideko oinarrietako lehenbizikoan aipatutako manuen arabera.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluaren bidez eman dizkidaten eskurantzak erabiliz,
EBATZI DUT:
1. Olorizko "Aqualia Gestión Integral del Agua, S.A" enpresaren (kodea: 3106972) soldaten berrikuspenari buruzko akordioa erregistratzea, Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan, eta bertako administrazio unitatean testua eta dokumentazioa gordetzea.
2. Ebazpen hau Hitzarmenen Erregistrora bidaltzea, behar diren ondorioak izan ditzan.
3. Ebazpen honen berri ematea negoziazio batzordeari eta adieraztea ebazpenak ez duela administrazio bidea agortzen eta honen aurka gora jotzeko errekurtsoa jartzen ahal duela Industria eta Teknologia, Merkataritza eta Lan kontseilariari zuzendua, jakinarazi eta biharamunetik hilabeteko epean.
4. Ebazpen hau Nafarroako ALDIZKARI OFIZIALean argitaratzea, orok jakin dezan.
Iruñean, 2006ko otsailaren 6an._Lan zuzendari nagusia, José María Roig Aldasoro.
AQUALIA GESTION INTEGRAL DEL AGUA, S.A. ENPRESAK MAIRAGAKO MANKOMUNITATEAN (NAFARROAN) DITUEN LANTEGIETARAKO LAN HITZARMEN KOLEKTIBOAREN 2006. URTERAKO SOLDATA TAULAK BERRIKUSTEKO MAHAIAREN ERAKETA
A K T A
_Aqualia Gestion Integral del Agua, S.A. enpresaren aldetik:
Jesús Rodríguez Bernabé jauna eta Pedro Casillas Piñero jauna.
_Enpresako langileen aldetik:
José Raimundo Marco García jauna (langileriaren delegatua).
Oloritzen, 2006ko urtarrilaren 23an, Aqualia Gestion Integral del Agua, S.A. enpresaren bulegoan, bildu dira goian adierazitako aldeak eta akordio hau hartu dute:
1. Bi aldeok onartzen diote elkarri 2006ko lan hitzarmen kolektiboko soldaten taulak berrikusteko gaitasuna eta legitimitatea.
2. Aqualia Gestion Integral del Agua, S.A. enpresaren 2006ko lan hitzarmen kolektiboko soldatak berrikusteko batzordea eratu da, Mairagako Mankomunitateko lantegietarako (Nafarroa), adierazitako ordezkariek osatua.
3. Akta honen testua eta Aqualia Gestion Integral del Agua, S.A. enpresaren Mairagako Mankomunitateko lantegietarako (Nafarroa) 2006ko lan hitzarmen kolektiboko 2004, 2005 eta 2006ko lansarien taulak onestea. Akta honi erantsita daude.
4. Enpresaren ordezkarien esku gelditzen dira Hitzarmen Kolektiboaren berrikuspena errregistratu, gorde eta Nafarroako ALDIZKARI OFIZIALean argitaratzeko egin beharrekoak.
5. Hitzarmen Kolektibo honen aplikaziotik sorrarazitako atzerapenak 2 hilabeteko epea bete baino lehen ordainduko dira beranduenik ere, Nafarroako ALDIZKARI OFIZIALean argitaratzen denetik hasita.
Eta adostasunaren adierazgarri aldeek honako akta hau sinatu dute goian aipatu egunean eta lekuan.
SOLDATA TAULAK _ 2006. URTEA
Burutza kargua duen goi mailako tituluduna 995,02 149,25 188,72 1.332,99 995,02 19.975,96
Goi mail. titul. / Burutza kargua duen erdi mail. titul. 958,00 143,70 188,72 1.290,42 958,00 19.317,04
Erdi mailako tituluduna 947,20 142,07 188,72 1.277,99 947,20 19.124,68
Arduraduna 772,99 118,15 188,72 1.079,86 772,99 16.050,28
Administrari-arduraduna 947,20 142,07 188,72 1.277,99 947,20 19.124,68
Administrari-ofiziala 772,99 115,95 188,72 1.077,66 772,99 16.023,88
Administrari laguntzailea 673,91 101,09 188,72 963,72 673,91 14.260,28
Irakurle administratiboa 673,91 101,09 188,72 963,72 673,91 14.260,28
Irakurlea 643,17 96,47 188,72 928,36 643,17 13.713,00
Kapataza 934,62 140,19 188,72 1.263,53 934,62 18.900,84
Kapatazordea 848,09 127,21 188,72 1.164,02 848,09 17.360,60
Lehen mailako ofiziala 771,88 115,78 188,72 1.076,38 771,88 16.004,08
Bigarren mailako ofiziala 707,93 106,18 188,72 1.002,83 707,93 14.865,68
Hirugarren mailako ofiziala 675,57 101,35 188,72 965,64 675,57 14.289,96
Langilea 643,17 96,47 188,72 928,36 643,17 13.713,00
23. artikulua. Toxikotasun, nekagarritasun eta arriskuaren plusa (saneamendua): 1,15 euro lan egindako ordu bakoitzeko.
24. artikulua. Gaueko lanaren plusa (Edateko ura tratatzeko estazioa): 7,43 euro benetan lan egindako gau bakoitzeko
25. artikulua. Jaiegunetako ordainsaria -14 egun_ (Mairagako EUTE): 14,87 euro errekuperatuko ez den lan egindako jaiegun bakoitzeko.
25. artikulua. Gabon gaueko eta Urte Zahar gaueko konpentsazioa (Mairagako EUTE): 74,35 euro adierazitako gau bakoitzeko.
26. artikulua. Mantentze-lanetako ofizialen guardiak: 18,59 euro guardian emandako egun bakoitzeko.
26. artikulua. Mantentze-lanetako ofizialen guardiak (larunbat, igande edo jaieguna): 37,17 euro guardian emandako larunbat, igande edo jaiegun bakoitzeko.
26. artikulua. Mantentze-lanetako ofizialen guardiak: (larunbata jaiegun izanez gero): 74,35 euro guardian emandako larunbat bakoitzeko, jaiegun izanez gero.
26. artikulua. Kapatazordearen eta elektromekanikariaren guardiak: 185,88 euro hilabetean.
27. artikulua. EUTEko langileen garraio plusa: 133,84 euro hilean.
32. artikulua. Istripu aseguru kolektiboa. 30.000,00 euro.
Iragarkiaren kodea: F0602352
