I. NAFARROAKO FORU KOMUNITATEA
1.3. BESTELAKO XEDAPENAK
1.3.5. Estatutuak eta lan hitzarmen kolektiboak
90/2006 EBAZPENA, otsailaren 3koa, Industria eta Teknologia, Merkataritza eta Lan Departamentuko Lan zuzendari nagusiak emana, Azagrako "Navser, S.L." enpresarako Lan Hitzarmen Kolektiboaren 2005eko soldaten berrikuspenari buruzko akordioa erregistratu, gorde eta Nafarroako ALDIZKARI OFIZIALean argitaratzea erabakitzen duena (espediente zenbakia: 9/2006).
Ikusirik Azagrako "Navser, S.L." enpresaren lan hitzarmen kolektiboaren 2005eko soldaten berrikuspenari buruzko akordioaren testua (espediente zenbakia: 9/2006).
Gertakariak:
1. Departamentu honetan 2006ko urtarrilaren 26an sartu da soldatak berrikusteko akordioa, 2006. urteari dagokiona, negoziazio batzordeak hitzarmen hartan itundutakoa betez izenpetu eta onetsia (hasierako espedientearen zenbakia: 70/2004).
2. Espediente honen izapidaketan, aplikatu beharreko lege eta erregelamenduen manuak bete direla.
Zuzenbideko oinarriak:
1. Industria eta Teknologia, Merkataritza eta Lan Departamentu honek bere esku du lan hitzarmen kolektiboak erregistratu, gorde eta argitaratzea, martxoaren 24ko 1/1995 Legegintzako Errege Dekretuaren 90. artikuluan ezarrita dagoen bezala, eta hori, Lan zerbitzuak Estatuko Administraziotik Nafarroako Foru Komunitatera eskualdatzen dituen apirilaren 11ko 937/1986 Errege Dekretuarekin bat, bai eta irailaren 23ko 334/1996 Foru Dekretuarekin ere, Departamentu honi Estatutik transferitutako lan zerbitzuak esleitzen dizkionarekin, alegia.
2. Maiatzaren 22ko 1040/1981 Errege Dekretuaren bigarren artikuluak agintzen duela Langileen Estatutuaren III. Tituluan ezarritakoaren arabera egindako hitzarmenak hitzarmen kolektiboen erregistroan inskribatu behar direla.
3. Hitzarmen kolektiboak gordetzea, erregistratu ondoren, Industria eta Teknologia, Merkataritza eta Lan Departamentuaren eskumena da, zuzenbideko oinarrietako lehenbizikoan aipatutako manuen arabera.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluaren bidez eman dizkidaten eskurantzak erabiliz,
EBATZI DUT:
1. Azagrako "Navser, S.L." enpresarako (kodea: 3108432) soldaten berrikuspenari buruzko akordioa erregistratzea, Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan, eta bertako administrazio unitatean testua eta dokumentazioa gordetzea. Hori guztia negoziazio batzordeari jakinaraziko zaio.
2. Ebazpen hau Hitzarmenen Erregistrora bidaltzea, behar diren ondorioak izan ditzan.
3. Ebazpen honen berri ematea negoziazio batzordeari eta adieraztea ebazpenak ez duela administrazio bidea agortzen eta haren aurka gora jotzeko errekurtsoa jartzen ahal duela Industria eta Teknologia, Merkataritza eta Lan kontseilariari zuzendua, jakinarazi eta biharamunetik hilabeteko epean.
4. Ebazpen hau Nafarroako ALDIZKARI OFIZIALean argitaratzea, orok jakin dezan.
Iruñean, 2006ko otsailaren 3an._Lan zuzendari nagusia, José María Roig Aldasoro.
AZAGRAKO "NAVSER, S.L." ENPRESAREN LAN HITZARMEN KOLEKTIBOAREN SOLDATEN BERRIKUSPENA
Azagran (Nafarroa), NAVSER S.L. enpresaren lokaletan bildu dira, 2006ko urtarrilaren 24ko 17:00etan, enpresako zuzendaritzaren eta langileen ordezkariak. Hauek hain zuzen:
_Zuzendaritzaren aldetik:
Sara Virto Muro and., Angel Iñigo Pastor jn. eta José María Arregui Zamorano jn. (Enpresako aholkularia).
_Langileen aldetik:
Teodoro Jiménez Arnedo jn., Pedro Mangado Pinillos jn. (UGTko aholkularia).
Bi aldeok gaitasun aski onartzen diote elkarri eta erabaki dute:
1. Navser, S.L. enpresarako hitzarmen kolektiboaren 2006. urteko soldaten taula onestea eta sinatzea.
2. Ahalmena ematea José María Arregui Zamorano jaunari soldaten taula hori behar den bulego publikoan erregistratzeko eta Nafarroako ALDIZKARI OFIZIALean argitaratzeko izapideak egin ditzan.
Eta adostasunaren frogagarri sinatu dute goian aipatu toki eta egunean.
Langileen aldetik, Teodoro Jiménez Arnedo jn., eta Pedro Mangado Pinillos jn. (UGTko aholkularia). Zuzendaritzaren aldetik, Sara Virto Muro and., Angel Iñigo Pastor jn. eta José María Arregui Zamorano jn. (Enpresako aholkularia).
III. ERANSKINA
2006ko behin betiko soldaten taula, 1.792 orduko lanaldiaren arabera kalkulatua
1. MAILAKO OFIZIALA 1.001,71 15.025,65 13,70 0,84 1,26
2. MAIL. OFIZ./MAK. LAN./JASOMAKINAKO GID. 994,61 14.919,15 13,59 0,84 1,25
ADMINISTRARI LAGUNTZAILEA 958,36 14.375,40 13,10 0,84 1,21
PLANTAKO LAGUNTZAILEA 958,36 14.375,40 13,10 0,84 1,21
Urteko soldata = hileko soldata x 15 (12 hileko + uztaileko paga + abenduko paga + iraunkortasun paga).
Iragarkiaren kodea: F0602779
