I. NAFARROAKO FORU KOMUNITATEA
1.3. BESTELAKO XEDAPENAK
1.3.1. Lurraldearen antolamendua eta hirigintza
46/2006 FORU AGINDUA, otsailaren 9koa, Ingurumen, Lurraldearen Antolamendu eta Etxebizitza kontseilariak emana, Zizur Zendeako Arau Subsidiarioak "Gazolazko Jarduera Ekonomikoen eremua" izeneko sektorean aldatzeko espedientea, jabeek sustatua, behin betikoz onesten duena.
Zizur Zendeako Udalak idazpuruan azaltzen den espedientea aurkeztu du Ingurumen, Lurraldearen Antolamendu eta Etxebizitza Departamentuan, behin betikoz onets dadin.
Ikusirik aurkezturiko agiriak eta Lurraldearen Antolamendu eta Hirigintza Zerbitzuaren txostena, bidezko da behin betikoz onestea.
Ingurumen, Lurraldearen Antolamendu eta Etxebizitza Departamentuaren egitura organikoa ezarri zuen otsailaren 24ko 42/2005 Foru Dekretuaren bidez eskuratu ditudan ahalmenak erabiliz,
AGINDU DUT:
1. Behin betikoz onestea Zizur Zendeako Arau Subsidiarioak "Gazolazko Jarduera Ekonomikoen eremua" izeneko sektorean aldatzeko espedientea, jabeek sustatua.
2. Sektorearen urbanizazio proiektua Herri Lan, Garraio eta Komunikazio Departamentuaren kontrolpean jarriko da eta Herri Lan Zuzendaritza Nagusiak egindako irailaren 28ko 2005/280630 txostenean adierazitako sarbideak egiteko obrak jaso beharko ditu, sustatzaileak ordaindu eta egin beharko dituenak.
3. Sektorearen urbanizazio proiektuari errekak lehengoratzeko proiektu bat erantsiko zaio, Ingurumen, Lurraldearen Antolamendu eta Etxebizitza Departamentuko Ingurumenaren Integrazioko Zerbitzuaren kontrolpean jarriko dena.
4. Sektorearen urbanizazio proiektuan Ondare Historikoaren Zerbitzuaren txostenean ezarritako jarduketak jaso beharko dira.
5. Adieraztea foru agindu honek ez duela administrazio bidea agortzen eta espedientean interesa dutenek, administrazio publikoak izan ezik, haren kontra gora jotzeko errekurtsoa jartzen ahal dutela, Nafarroako Gobernuari zuzendua, hilabeteko epean. Espedientearen kontra administrazioarekiko auzi-errekurtsoa jartzen ahalko da, Nafarroako Auzitegi Nagusiko Administrazioarekiko Auzien Salari zuzendua, bi hilabeteko epean.
Administrazio publikoek zilegi dute administrazioarekiko auzi-errekurtsoa jartzea, Nafarroako Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du alde batera uzten Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan aurreikusitako moduan eta epean.
Epe horiek foru agindu honen jakinarazpena egin edo, bestela, Nafarroako ALDIZKARI OFIZIALean argitaratu eta biharamunetik aurrera hasiko dira kontatzen.
6. Foru agindu hau Zizurko Zendeako Udalari, sustatzaileei, Herri Lan Zuzendaritza Nagusiari, Ondare Historikoaren Zerbitzuari eta Ingurumenaren Integrazioko Zerbitzuari jakinaraztea eta Nafarroako ALDIZKARI OFIZIALean argitaratzea, behar diren ondorioak izan ditzan.
Iruñean, 2006ko otsailaren 9an._Ingurumen, Lurraldearen Antolamendu eta Etxebizitza kontseilaria, José Andrés Burguete Torres.
Iragarkiaren kodea: F0602699
