Iragarkia
30. ALDIZKARIA - 2006ko martxoaren 10a
I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Plantilla Organikoa, Lan Eskaintza Publikoa, oposizioak eta lehiaketak
DEIALDIA, Funtzio Publikoaren zuzendari nagusiak otsailaren 20ko 453/2006 Ebazpenaren bitartez onetsia, Nafarroako Foru Komunitateko Administrazioaren eta haren erakunde autonomoen zerbitzuko ogasuneko teknikari izateko 16 lanpostu oposizio bidez betetzekoa.
Funtzio Publikoaren zuzendari nagusiak, otsailaren 20ko 453/2006 Ebazpenaren bidez, deialdi bat onetsi du Nafarroako Foru Komunitateko Administrazioaren eta haren erakunde autonomoen zerbitzuko ogasuneko teknikari izateko 16 lanpostu, 452/2006 Ebazpenaren bidez deituriko lekualdatze lehiaketaren ondorioz hutsik geldituko direnak, oposizio bidez betetzeko.
Hauta-probak lotuko zaizkie abuztuaren 30eko 251/1993 Legegintzako Foru Dekretuaren bidez onetsitako Nafarroako Administrazio Publikoen zerbitzuko Langileen Estatutuaren Testu Bateginean gaiari buruz xedatutakoari, estatutua garatu eta burutzeko sarrera erregelamenduari, Nafarroako 2006ko aurrekontu orokorrei buruzko abenduaren 29ko 18/2005 Foru Legearen Hamaseigarren Xedapen Gehigarriari, gainerako aplikazio arauei eta deialdi honetako arauei.
1._Deialdiaren xedea.
1.1. Deialdi honen xedea da Administrazio ogasuneko teknikari izateko 16 lanpostu oposizio bidez betetzea, funtzionarioen araubidekoak eta A mailakoak, txanda hauetan banatuak:
_8 lanpostu txanda irekian.
_8 lanpostu igoera txandan; horietatik 4 Nafarroako Ogasuneko kudeatzaile eta ikertzaile laguntzaile lanpostuaren tirular diren funtzionarioentzako erreserba txanda berezikoak izanen dira, baldin eta erreserbako txanda horretan parte hartzen badute Nafarroako 2006ko aurrekontu orokorrei buruzko abenduaren 29ko 18/2005 Foru Legearen hamaseigarren xedapen gehigarrian xedatutakoarekin bat.
1.2. Deialdi honen bitartez bete beharreko lanpostuak dira otsailaren 20ko 452/2006 Ebazpenaren bidez onetsi zen lekualdatze lehiaketaren ondorioz bete gabe gelditzen direnak; lanpostu hutsak aukeratzeko ekitaldia, deialdi honen 8. arauak aipatzen duena, lekualdatze lehiaketa ebatzi onoren eginen da.
1.3. Nafarroako Ogasuneko kudeatzaile eta ikertzaile laguntzaile lanpostuaren titularrentzako erreserbaturiko igoera txanda berezian probak gainditzen dituzten izangaien kopurua 1.1 arauan txanda horretarako ezarritako lanpostu hutsen kopurua baino handiagoa bada, gainditu bai baina lanposturik gabe geratu direnek ez dute eskuratzerik izanen igoera txanda orokorreko lanposturik, ezta txanda irekiko lanpostu hutsik ere.
Igoera txanda berezi horretan erreserbaturiko lanpostuetako batzuk betetzen ez badira, igoera txanda orokorrekoei gehituko zaizkie, lehenengoz, eta gero txanda irekikoei.
Bestalde, igoera txanda orokorrean nahiz txanda irekian lanpostuak bete gabe geratzen badira txanda horietako izangaiek ez dutelako lortu hauta probak gainditzeko gutxieneko puntuazioa, lanpostu huts horiek gehitu ahalko zaizkio Nafarroako Ogasuneko kudeatzaile eta ikertzaile laguntzaile lanpostuaren titularrentzako erreserbaturiko igoera txanda berezirako hasiera batean ezarritako lanpostuen kopuruari.
Txanda irekiko lanpostu hutsak. Kasu honetan, lehenengo eta behin oposizioa gainditu eta txanda horretan lanposturik lortu ez duten igoera txanda orokorreko izangaiek beteko dituzte eta, hori egin ondoren, lanpostu hutsik geratzen bada, igoera txanda bereziari gehituko zaizkio.
Igoera txanda orokorreko lanpostu hutsak. Lehenengo eta behin, igoera txanda bereziko kopuruari gehituko zaizkio eta, txanda horretan gainditzen duten izangaien kopurua lanpostu hutsena baino txikiagoa bada, soberako lanpostuak txanda irekikoei gehituko zaizkie.
1.4. Bestaldetik, igoera txanda orokorrean gainditzen duten izangaien kopurua hutsik dauden lanpostuena baino handiagoa bada, txanda horretan gainditu bai baina lanposturik eskuratzen ez dutenek aukera izanen dute txanda irekiko lanpostu hutsak eskuratzeko, txanda horretako izangaiekin lehian eta eskuratutako azken puntuazioaren arabera.
Era berean, txanda irekiko lanpostuak eskuratzeko aukera izanen dute, aurreko lerroaldean adierazitako moduan, deialdi honetako 7.2. arauan agiriak aurkezteko ezartzen den epea bukatzen denean deialdiko 2.1.2 arauko eskakizun berariazkoak betetzen ez dituzten igoera txanda orokorreko izangaiek.
1.5. Lanpostuek A mailako lansariak izanen dituzte, uztailaren 4ko 158/1984 Foru Dekretuaren bidez onetsitako Lansarien Behin-behineko Erregelamenduan eta, kasuan kasu, aplikatu beharreko gainerako xedapenetan ezarritakoari jarraikiz.
2._Betebeharrak.
2.1. Oposizio honetan onartuak izateko, izangaiek, eskabideak aurkezteko epea amaitzen den egunean eta agiriak aurkezteko epearen barrenean (deialdiaren 7.2 atalean adierazia) eta lanpostuaren jabetza hartu arte, baldintza hauek bete beharko dituzte:
2.1.1. Izangai guztiek bete beharreko baldintzak.
a) Espainiako nazionalitatea izatea.
b) Adin nagusikoa izatea eta erretiroko adina ez izatea.
c) Lizentziatu, ingeniari edo arkitekto titulua edo baliokidea izatea, edo eskaerak aurkezteko epea bukatzen den egunean titulu hori eskuratzeko moduan egotea.
Atzerrian lorturiko tituluak badira, homologazioa egiaztatzen duen kredentziala eduki beharko da.
d) Bete behar dituen eginkizunetan aritzeko behar den gaitasun fisiko eta psikikoa izatea.
e) Eginkizun publikoetan aritzeko desgaitu edo gabetua ez egotea eta Administrazio Publikoren baten zerbitzutik bereizia ez izatea.
2.1.2. Igoera txanda orokorreko izangaiek bete beharreko baldintza berariazkoak.
Igoera txandako izangaiek, aurreko idatz-zatian adierazitako betebeharrez gain, hauek bete beharko dituzte:
a) Nafarroako edozein Administrazio Publikotako langile finkoa izatea, edo Nafarroako Foru Komunitateko Administrazioari transferitutako Justizia Azministrazioaren zerbitzuei atxikitako langile finkoa, eta jatorrizko lanpostuan borondatezko edo nahitaezko eszedentzian ez egotea.
b) Deialdiko lanpostu hutsen maila berekoa edo apalagokoa izatea.
c) Administrazio Publikoetan bost urteko antzinatasun onartua izatea, Nafarroako Polizia Kidegoetako kideen kasuan izan ezik, horiek frogatu beharko baitute zortzi urtez eman dituztela zerbitzuak kidego horietan.
Nafarroako Administrazio Publikoetan lan egiten duten langileen Estatutuaren xedapen gehigarrietatik zortzigarrenean ezarri dena aplikatuz, igoera txandan esku hartzeko baldintzak betetzen dituzten Nafarroako Parlamentuko funtzionarioek ere txanda horretan parte hartzen ahalko dute.
2.1.3. Abenduaren 28ko 18/2005 Foru Legearen hamaseigarren xedapen gehigarriak aipatzen duen igoera txandako izangaientzako betebehar berariazkoak.
Igoera txanda honetan parte hartu ahalko dute soilik Nafarroako Ogasuneko kudeatzaile eta ikertzaile laguntzaile jabetzan izanedatutako funtzionarioek, baldin eta arau honen 2.1.1 eta 2.1.2. zenbakietan aipatutako gainerako betebeharrak ere betetzen badituzte.
2.2. Deialdiko 3.3. arauko bigarren puntuan aipatzen den salbuespena salbuespen, izendatuak izateko proposatzen diren izangaiek deialdiko 7.2 idatz-zatian ezarririko epean eta moduan frogatu beharko dituzte betebehar horiek.
3._Eskabideak.
3.1. Deialdian parte hartzeko eskabideak Lehendakaritza, Justizia eta Barne Departamentuko Erregistro Orokorrean (Karlos III.aren etorbidea, 2, atalondoa, 31002 Iruña) edo erregistro horretako beste edozein bulegotan (zerrenda 2005eko 33. Nafarroako ALDIZKARI OFIZIALean argitaratu zen, martxoaren 18an) aurkeztu beharko dira, edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 20ko 30/1992 Legeko 38.4 artikuluan adierazitako bideren bat erabiliz, deialdia Nafarroako ALDIZKARI OFIZIALean argitaratu eta biharamunetik hogeita hamar egun naturaleko epean.
Eskabideak deialdi honen eranskinean dagoen ereduari lotu behar zaizkio eta, haietan, izangaiek adierazi beharko dute eskatutako baldintza guztiak betetzen dituztela. Eredu hori Nafarroako Gobernuko Erregistro Orokorrean dago eskuragarri. Interneten bidez ere lortzen ahal da, www.navarra.es helbidean, bai argitaratzen deneko Aldizkari Ofizialetik abiatuta, bai Zerbitzuen Katalogoko Enplegu Publikoan dagoen deialdiaren aiputik abiatuta.
3.2. Minusbaliotasun aitortua duten lehiatzaileek, ariketak egin ahal izateko denbora edo baliabideetan egokitzapenik behar badute, zilegi izanen dute eskabidean eskatzea, eta hartarako, aparteko orri batean adierazi beharko dute nolako minusbaliotasuna duten eta zer egokitzapen eskatzen duten. Horrekin batera, legeen arabera minusbaliatuak direla frogatzeko agiriaren kopia konpultsatua ere aurkeztu beharko dute, organo eskudunak emana.
3.3. Eskabideari, behar bezala bete ondoren, agiri hauek erantsiko zaizkio:
Bat._Nafarroako Foru Komunitateko Administrazioaren kontuan 25 euro ordaindu izana frogatzen duen agiria. Kopuru horrekin espedientearen formalizazioa eta azterketa eskubideak ordainduko dira.
Azterketa eskubideak ordaindu izanaren ordainagiria aurkezten ez bada, izangaia baztertu eginen da.
Honako hauek ez dute tasarik ordaindu beharko:
a) Ehuneko 33ko edo gehiagoko ezgaitasun aitortua dutela frogatzen duten pertsonek, organo eskudunak luzaturiko jatorrizko agiriaren edo behar bezala konpultsaturiko fotokopiaren bidez.
b) Hauta-proben deialdia egin aurretik hilabete batez edo luzaroago lan-eskatzaile gisa inskribaturik egon diren pertsonak. Salbuespen hori aplikatzeko baldintza izanen da inskribaturik egin den bitartean eskainitako inolako lan egokiri uko egin ez izana eta lanbide sustapen, prestakuntza edo eraberritze ekintzetan parte hartzeari uko egin ez izana, justifikaturiko kasuetan izan ezik, eta, horrez gainera, lanbide arteko gutxieneko soldatatik gorako den dirusarrerarik ez izatea hilabetero.
Lan eskatzailea dela frogatzeko, Enplegu Bulegoak emandako agiria aurkeztu beharko da. Bertan, lan-eskatzaile gisa inskribatu zeneko data agertuko da eta, orobat, adieraziko da inskribaturik egon den bitartean ez diola uko egin handik eskainitako inolako lan egokiri, ez eta lan-igoera, prestakuntza edo eraberritze ekintzetan parte hartzeari ere, justifikaturiko kasuetan izan ezik.
Hilero lanbide arteko gutxieneko lansaritik gorako errentarik ez duela interesatuaren errentaren adierazpenaren bidez frogatuko da. Adierazpen eredua Nafarroako Gobernuko Informazio Bulegoan eskuratzen ahalko da, edo bestela internet bidez, arestian emandako helbidean.
Bi._Behar bezala sinatutako agiria, zeinean izangaiak hautapen-probak nola egin aukeratuko duen: Lehenbiziko Taldearen arabera (Arlo Ekonomikoa) edo Bigarren Taldea (Arlo Juridikoa).
Hiru._Deialdian igoera txandan parte hartu nahi duten izangaiek, Nafarroako Foru Komunitateko Administrazioa ez den Nafarroako beste Administrazio Publiko bateko langile finkoak badira, edo Nafarroako Foru Komunitateari eskualdatutako Justizia Administrazioko zerbitzuei atxikitako langile finkoak, lehengoaz gainera, deialdi honetako 2.1.2. arauan jasotzen diren eskakizunak betetzen dituztela frogatzen duen agiria gehitu beharko diote eskabideari.
Deialdian 18/2005 Foru Legearen hamaseigarren xedapen gehigarriak aipatzen duen igoera txanda bereziaren bidez parte hartu nahi duten izangaiek, berriz, parte hartzeko eskabidean igoera txandari dagokion laukitxoa bete beharko dute eta, horrez gain, "18/2005 Foru Legearen araberako igoera txanda" zehaztu.
3.4. Eskabideak aurkezteko epea ezin izanen da luzatu.
3.5. Eskabidean atzematen diren akats materialak edo egitezkoak ofizioz edo interesatuak eskaturik zuzentzen ahalko dira, noiznahi ere.
4._Izangaien onarpena eta erreklamazioak.
4.1. Eskabideak aurkezteko epea bukaturik, Funtzio Publikoaren zuzendari nagusiak ebazpena emanen du izangai onartu eta baztertuen behin-behineko zerrenda onesteko, eta Nafarroako ALDIZKARI OFIZIALean argitara dadila aginduko du.
4.2. Izangai baztertuek hamar egun balioduneko epea izanen dute, behin-behineko zerrenda Nafarroako ALDIZKARI OFIZIALean argitaratzen denetik, erreklamazioak aurkezteko eta, akatsik egin badute, zuzentzeko.
4.3. Erreklamazioetarako epea bukatutakoan eta horiek ebatzita, Funtzio Publikoaren zuzendari nagusiak onartu eta baztertuen behin betiko zerrenda onesten duen ebazpena emanen du, eta Nafarroako ALDIZKARI OFIZIALean argitara dadila aginduko du.
4.4. Izangaiei egotziriko arrazoiengatik baztertzen direnei ez zaizkie azterketa egiteko eskubideak itzuliko.
5._Epaimahaia.
5.1. Epaimahaiak kide hauek izanen ditu:
_Epaimahaiburua: José Ignacio Pérez de Albéniz Andueza, Nafarroako Zerga Ogasuneko zuzendari kudeatzailea.
Ordezkoa: Manuel Arana Soret, Nafarroako Zerga Ogasuneko Zuzeneko Tributuen eta Enpresa Handien Zerbitzuko zuzendaria.
_Mahaikidea: Rafael Santamaría Aquilué, Madrilgo Unibertsitate Autonomoko Finantza Ekonomiako eta Kontabilitateko katedraduna.
Ordezkoa: Jorge Tua Pereda, Madrilgo Unibertsitate Autonomoko Finantza Ekonomiako eta Kontabilitateko katedraduna.
_Mahaikidea: Rafael Lara González, Nafarroako Unibertsitate Publikoko irakasle titularra, Merkataritzako Zuzenbidean.
Ordezkoa: José Francisco Alenza García, Nafarroako Unibertsitate Publikoko irakasle titularra, Zuzenbide administratiboaren alorrean.
_Mahaikidea: langileen ordezkari bat, Administrazio Erroko Langileen Batzordeak izendatu beharrekoa.
Ordezkoa: langileen ordezkari bat, Administrazio Erroko Langileen Batzordeak izendatu beharrekoa.
_Mahaikidea: Juan Ignacio Goñi Saldise jauna, Ogasuneko teknikaria, Nafarroako Zerga Ogasuneko Fiskalitate Ataleko burua.
Ordezkoa: José Antonio López Bordetas, Nafarroako Zerga Ogasunari atxikiriko ogasuneko teknikaria.
_Epaimahaiko idazkaria, hizpidearekin baina botorik gabe: José María Cebrián Jiménez, Ekonomia eta Ogasun Departamentuko Idazkaritza Tekniko Nagusiko Barne Araubideko Ataleko burua.
Ordezkoa: Ignacio Royo Ardoiz, Administrazio Publikoko teknikaria (Arlo Juridikoa), Nafarroako Zerga Ogasunari atxikia.
Epaimahaia hautaprobak hasi baino lehen eratuko da.
5.2. Epaimahaia ezin izanen da eratu, ezta aritu ere, kideen gehiengo osoa bertan izan gabe.
Organo kolegiatuaren eraketak eta jardunak balio izateko, mahaiburuak eta mahaikide idazkariak edo haien ordezkoek bertan egon beharko dute.
5.3. Epaimahaiko kideek ez dute parte hartuko, eta organo dei egileari horren berri emanen diote, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legean parte ez hartzeko aipatzen diren egoeretakoren batean baldin badaude.
Izangaiek, halaber, zilegi izanen dute mahaikideak errefusatzea, arrazoi horietako bat gertatzen denean.
5.4. Epaimahaiak gehiengoz erabakiko ditu deialdiaren arauak ulertu eta aplikatzeko moduaz sortzen diren arazo guztiak.
5.5. Epaimahaiak aholkulari adituen laguntza izan dezake, proba batzuetan nahiz guztietan laguntzeko. Aholkulari horiek beren espezialitate teknikoetan baizik ez dira ariko eta horietan bakarrik emanen diote laguntza epaimahaiari.
6._Oposizioaren nondik norakoak.
6.1. Oposizioa 2006ko ekainean hasiko da. Onartu eta baztertuen behin betiko zerrenda onesten duen Ebazpenean berean finkatuko dira probak hasteko tokia, eguna eta ordua.
Ondoren, epaimahaiak jakinaraziko ditu gainerako probak egiteko iragarkiak.
Ondoren aipatzen dira oposizioko ariketak. Aipatzen den hurrenkeran eta deialdiaren eranskineko programan adierazten diren gaien gainean izanen dira, izangaiek Lehenbiziko edo Bigarren Taldea aukeratu eta hari atxikiz.
Lehen ariketa._Bi zati izanen ditu:
Lehen zatia: berdina izanen da bi taldeetarako eta epaimahaiak proposaturiko kontabilitateko arazo bat edo gehiago konpondu beharko dira, 5 orduan gehienez, deialdiaren eranskineko programan ageri diren gaien gainean.
Bigarren zatia:
Lehenbiziko taldea: gehienez ere hiru orduz matematika finantzarioko buruketa bat edo gehiago ebatzi beharko dira, eranskineko programan aipatzen diren gaien gainean.
Proba hau egiteko, lehiatzaileek taula finantzarioak eta logaritmodunak erabiltzen ahalko dituzte, epaimahaiak hala baderitzo.
Bigarren taldea: irizpen juridiko bat egin beharko da epaimahaiak programan berariaz aipatzen diren gaien gainean ematen dituen kasuei dagokienez.
Proba hau egiteko gehienez ere hiru ordu emanen dira. Lehiatzaileek egokitzat jotzen dituzten legezko testuak erabiltzen ahalko dituzte, baina horietan zuzenbide positiboa izanen da hizpide. Alegia, jurisprudentziaren aipamenak, doktrinaren iruzkinak edo lehiatzailearen beraren oharrak dituzten testu guztiak ez dira onartuko.
Bigarren ariketa._Teorikoa izanen da eta, taldea zein den, hauxe izanen du gaia:
Lehenbiziko taldea: hamasei galdera erantzun beharko dira idatziz, bost orduan gehienez, Ekonomia Orokorraren, Enpresaren Ekonomiaren eta Merkataritzako Zuzenbidearen programan sartutako gaiei buruz. Galderek ez dute zertan izanik gai-multzoetako epigrafe berberak.
Bigarren taldea: hamasei galdera erantzun beharko dira idatziz, bost orduan gehienez, Zuzenbide Zibilaren, Enpresaren Ekonomiaren eta Merkataritzako Zuzenbidearen programan sartutako gaiei buruz. Galderek ez dute zertan izanik gai-multzoetako epigrafe berberak.
Hirugarren ariketa._Teorikoa izanen da, bera bi taldeentzat. Bi zati edukiko ditu:
Lehenbiziko zatian bi gai garatu beharko dira, zozketaz aukeratuak, Zuzenbide Konstituzional eta Administratiboaren programan sartutakoen artetik. Idatziz egin beharko da, gehienez ere lau orduz.
Bigarren zatian bi gai garatu beharko dira, zozketaz aukeratuak, bata Herri Ogasunaren programan eta bestea Espainiako Finantza Sistemaren programan sartutakoen artetik. Idatziz egin beharko da, gehienez ere lau orduz.
Laugarren ariketa._Teorikoa izanen da, bera bi taldeentzat. Bi zati edukiko ditu.
Lehenbiziko zatian bi gai garatu beharko dira, zozketaz aukeratuak, Nafarroako Finantzen eta Zergen Zuzenbidearen programaren Zati Orokorrean eta Tributuen Prozeduren atalean sartutakoen artetik. Idatziz egin beharko da, gehienez ere lau orduz.
Eta bigarrenean, 20 galdera erantzun behar dira, idatziz, gehienez lau orduan, Nafarroako Finantzen eta Zergen Zuzenbidearen programaren Parte Berezian sartutako gaiei buruz.
Bosgarren ariketa: praktikoa izanen da, bera bi taldeentzat. Bi zati edukiko ditu.
Lehenbiziko zatian zerga likidazioen kasu praktiko bat edo gehiago erantzun beharko dira, gehienez ere lau orduz. Haien subjektu pasiboa sozietateen gaineko zergaren menpeko entitate bat izanen da.
Bigarren zatian zerga likidazioen kasu bat edo gehiago erantzun beharko dira, gehienez ere lau orduz. Haien subjektu pasiboa pertsona fisiko bat izanen da.
Bosgarren ariketan bi taldeetako izangaiek egin beharreko likidazioak epaimahaiak ematen dituen kasuen gainean eginen dituzte. Likidazioak egin ahal izateko, zergak kudeatzen dituzten organoek darabiltzaten inprimakiak emanen zaizkie lehiatzaileei. Halaber, lehiatzaileek legezko testuak kontsultatzen ahalko dituzte.
6.2. Oposizio honetan 18/2005 Foru Legearen hamaseigarren xedapen gehigarriak araututako igoera txandaren bidez parte hartzen duten Ogasuneko kudeatzaile eta ikertzaile laguntzaile lanpostuen titularrak diren izangaiek ez dute lehen ariketako lehen zatia eta laugarren zatia egin beharko.
6.3. Honelaxe kalifikatuko dira ariketak:
Lehenbiziko artiketari dagokionez, edozein taldetakoa delarik ere, lehenbiziko zatian gehienez 12 puntu emanen dira. Ariketaren bigarren zatian, berriz, 8 puntu emanen dira gehienez. Beraz, lehenbiziko ariketan lor daitekeen puntuazio altuena 20 puntu izanen da.
Bazterturik geratuko da gutxienez 10 puntu lortzen ez dituena, salbu eta Nafarroako Ogasuneko kudeatzaile eta ikertzaile laguntzaile lanpostuen titularrentzako igoera txanda bereziaren bidez parte hartzen duten izangaien kasuan, bazterturik geratuko baitira, ariketa horren bigarren zatian ez badute lortzen, gutxienez, 4 puntu, ez dutelako lehen zatia egin behar.
Bigarren ariketan, edozein taldetakoa delarik ere, 20 puntu emanen dira gehienez. Epaimahaiak proposatutako galdera bakoitzari dagokion kalifikazioa 1,25 puntu da gehienez. Izangaia bazterturik geldituko da baldin eta hiru galderatan edo gehiagotan zeroa jarri bazaio edo ariketan 10 puntura ailegatzen ez bada.
Hirugarren ariketan, gaietako bakoitzak 5 puntuko kalifikazioa izan dezake gehienez. Ariketa honetan, beraz, 20 puntu lortzen ahal dira gehienez. Izangaia bazterturik geldituko da baldin eta, guztira 10 puntura ailegatzen ez bada edo gaietakoren batean zeroa jarri bazaio.
Laugarren ariketan, gaietako bakoitzari 5 puntu emanen zaizkio gehienez. Galdera bakoitzari, ordea, 0,5 puntu gehienez. Ariketan, guztira, beraz, 20 puntu izanen da puntuazio altuena. Igoera txanda bereziaren bitartez parte hartuko duten izangaientzat aurreikusitako salbuespenarekin, ez baitute ariketa hau egin beharko, bazterturik geratuko dira ariketan, gutxienez, 10 puntu lortzen ez dituzten izangaiak, gaietako batean punturik bat ere jasotzen ez dutenak eta hiru galderatan edo gehiagotan punturik jasotzen ez dutenak.
Bosgarren ariketaren parte bakoitzak 10 puntuko kalifikazioa izanen du gehienez eta ariketa osoak, beraz, 20 puntu gehienez. Izangaia bazterturik geldituko da baldin eta ariketan 10 puntura ailegatzen ez bada.
6.4. Ariketak zuzendu ondoren, epaimahaiak jendaurrean jarriko du, Nafarroako Gobernuaren iragarki oholean eta ariketa egin den tokian, gainditu duten izangaien zerrenda, lortutako kalifikazioekin eta, halaber, oposizioaren hurrengo proba edo ariketa egiteko tokia, eguna eta ordua, gutxienez 48 ordu lehenago.
6.5. Ariketa bakoitzerako dei bakarra eginen da. Izangaiek Nortasun Agiri Nazionala eraman beharko dute edo, bestela, epaimahaiaren iritziz onargarria den beste nortasun agiriren bat. Oposiziotik kanpo geldituko dira agertzen ez direnak edo nortasuna aipatutako agirien bidez frogatzen ez dutenak.
6.6. Hautapen-probak egiteko, ezgaitasun aitorturen bat dutenentzat bidezkoak diren denbora eta baliabide egokitzapenak eginen dira, eskabidean azaldutakoaren arabera.
7._Probak gainditu dituztenen zerrenda, izendapen proposamena eta agirien aurkezpena.
7.1. Hauta probak amaiturik, epaimahaiak jendaurrean jarriko du probak gainditu dituztenen zerrenda, oposizioan lortutako kalifikazioekin, Nafarroako Gobernuaren iragarki oholean. Gero, Funtzio Publikoaren zuzendari nagusiari igorriko dio zerrenda hori, deialdiko lanpostuen kopuruaren barruan sartzen diren eta probak puntuazio altuenekin gainditu dituzten izangaiak izendatzeko proposamena, espediente osoarekin batera. Proposamen hori Nafarroako ALDIZKARI OFIZIALean argitaratuko da.
Hainbanaketarik gertatuz gero, lehen ariketan puntu gehien lortu dituztenen alde ebatziko da. Eta hala ere hainbana segitzen badute, bigarren, hirugarren eta laugarren ariketetan lortutako puntuazioak hartuko dira kontuan, hurrenez hurren.
7.2. Izendapen proposamena Nafarroako ALDIZKARI OFIZIALean argitaratu ondoko 30 egun naturaleko epean, proposatutako izangaiek inprimaki berariazko batzuk jaso eta honako agiri hauek aurkeztu behar dituzte Funtzio Publikoaren Zuzendaritza Nagusian:
7.2.1. Nafarroako Foru Komunitateko Administrazioaren eta haren erakunde autonomoen zerbitzuko langile finko ez diren izangaiak:
a) Nortasun Agiri Nazionalaren bi fotokopia konpultsatu, edo izangaiaren hiritartasuna eta nortasuna frogatzen dituen beste agiri baliokideren batenak.
b) Deialdiko 2. oinarrian eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, eskabideak aurkezteko epean titulua eskuratzeko moduan egoten dela frogatzen duen ziurtagiria.
c) Laneko Arriskuei Aurrea hartzeko Atalak emandako txostena, interesatuak karguan aritzea eragotziko liokeen eritasun edo akats fisiko edo psikikorik ez duela frogatzeko.
Elbarritasunen bat alegatu duten izangaiek, gainera, elbarritasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.
d) Eginkizun publikoetarako ezgaitua edo gabetua ez izatearen eta inongo administrazio publikoren zerbitzutik bereizia ez izanaren zinpeko aitorpena.
e) Zin egin edo hitz ematea, Nafarroako Foru Eraentza errespetatu, Konstituzioari eta Legeei men egin, eta karguari dagozkion eginkizunak zuzen beteko dituela.
f) Funtzio Publikoaren Zuzendaritza Nagusiak eskatzen dizkion gainerako agiriak.
Deialdi hau egin ez duen Nafarroako beste Administrazio Publikoren bateko langile finko, edo Nafarroako Foru Komunitateari eskualdatutako Justizia Administrazioko zerbitzuei atxikitako langile finko diren izangaiek, gainera, aurreko administrazioko espediente pertsonalean ageri diren inguruabar eta aurrekari guztiak frogatzen dituen ziurtagiria aurkeztu beharko dute, hots, sarrerari, antzinatasunari, mailari, egoera administratiboari eta abarrei buruzkoa.
7.2.2. Nafarroako Foru Komunitateko Administrazioaren eta haren erakunde autonomoen zerbitzuko langile finkoak diren izangaiak:
a) Deialdiko 2. oinarrian eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, eskabideak aurkezteko epean titulua eskuratzeko moduan egoten dela frogatzen duen ziurtagiria.
b) Funtzio Publikoaren Zuzendaritza Nagusiak eskatzen dizkion gainerako agiriak.
Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.
7.3. Aipatu epearen barrenean, eta aski justifikaturik dauden ezinbesteko kasuak salbuetsiz, arestiko agiriak aurkezten ez dituztenak ezin izanen dira izendatuak izan, eta ordurako egintza guztiak baliorik gabe geldituko dira, euren eskabidearen faltsukeria dela eta, legokiekeen erantzunbeharra galarazi gabe.
7.4. Aurreko atalean aurreikusitakoa gertatuz gero, Funtzio Publikoaren zuzendari nagusiak probak gainditu dituztenen zerrendan, 7.1. atalean aipatutakoan, hurrengoa den izangaiarekin beteko du baja, eta horrekin ere aurreko ataletan adierazitako moduan jokatuko da.
8._Lanpostu hutsak hautatzea.
8.1. Aurreko oinarrian xedatu dena betetzen duten lehiatzaileek Funtzio Publikoaren Zuzendaritza Nagusiak hartarako jartzen dien epean aditzera eman beharko dute eskaintzen zaizkien lanpostuetatik zein hautatzen duten. Aukeratu beharreko lanpostuak hasieran deitutakoak izanen dira, edo beste batzuk, zerbitzuaren beharrei jarraikiz horiek aldatzea erabakitzen bada.
8.2. Hauta probak igoera txandaren bidez gainditzen dituzten izangaiek, 8.3 ataleko bigarren lerroaldean aurreikusitako salbuespenarekin, lehentasuna izanen dute deialdiaren xede diren lanpostuak aukeratzeko, txanda horretakoak ez diren izangaien aurretik, eta txanda horren barruan, lanpostu hutsak aukeratzeko lehentasuna izanen dute 18/2005 Foru Legearen hamaseigarren xedapen gehigarrian araututako igoera txanda bereziaren bidez lanpostua eskuratu duten izangaiek.
8.3. Lanpostu hutsak aukeratzeko orduan, 100eko 33ko edo handiagoko minusbaliotasun aitortua duten izangaiek lehentasuna izanen dute txanda irekiko izangaien aurretik.
Izangai minusbaliaturik bada, eta horrek eragina badu lanpostu bat edo bestea hautatzeko, aukeratzen hasi aurretik, minusbaliotasunarekin hobekien egokitzen direnak esleituko zaizkie, horren gainean balorazio eta orientazio talde eskudunek egindako txostenaren arabera.
9._Izendapena, lanpostuen esleipena eta jabetza hartzea.
9.1. Funtzio Publikoaren zuzendari nagusiak, ebazpen baten bitartez, aurreko oinarrietan ezarritakoa betetzen duten izangaiak Nafarroako Foru Komunitatearen Administrazioko funtzionario izendatuko ditu, Ogasuneko teknikari lanetan aritzeko. Ebazpen horren bidez lanpostuen esleipena ere eginen da.
9.2. Izendapenak eta lanpostuaren jabetza hartzeak nomina eta plantillako funtzionario bilakatuko dituzte izendatuak, indarra duten xedapenek ezartzen dituzten eskubide eta betebehar guztiak dituztela. Gizarte Segurantzako araubide orokorrean inskribatu eta kidetuko dira, araubide horretan aurreikusitakoaren babesean.
Aurrekoa gorabehera, Nafarroako Administrazio Publikoen Zerbitzuko Langileen Estatutua onetsi zuen abuztuaren 30eko 251/1993 Legegintzako Foru Dekretuaren bederatzigarren xedapen gehigarriaren 3. puntuan xedatutakoa aplikatzearen ondorioz, Nafarroako administrazio publikoen edozein bahituretxetako eskubide pasiboen araubidekoak direnen kasuan, bi aukera izanen dituzte: Nafarroako Foru Komunitateko Administrazioko bahituretxean segitzea, martxoaren 5eko 10/2003 Foru Legearen bidez arautiriko eskubide pasiboen araubideak babesturik, edo Gizarte Segurantzaren Araubide Orokorrean sartzea.
9.3. Izendatzen diren izangaiek destinoko herrian izan beharko dute bizilekua, bertan helbidea egiazki kokatuz. Administrazio organo eskudunek destinoa aldatzen ahalko dute, aplikatzekoa den arautegian ezarritakoarekin bat.
9.4. Lanaldia zerbitzuaren beharretara egokituko da eta noiznahi aldatzen ahalko dute administrazio organo eskudunek, aplikatzekoa den arauterian ezarritakoarekin bat.
9.5. Izendapena Nafarroako ALDIZKARI OFIZIALean argitaratuko da eta izangai izendatuak hilabeteko epean jabetu beharko du bere lanpostuaz, izendapenaren jakinarazpenetik kontatzen hasita.
Aipatu epean eta behar bezain ongi arrazoitutako kasuetan izan ezik, izangairen batek ez baldin badu lanpostua bere egiten, Foru Komunitateko Administrazioaren funtzionario izateko eskubide guztiak galduko ditu. Hala bada, 7.4 atalean ezarritakoari jarraikiko zaio.
9.6. Izangai bat funtzionario bihurtu eta lanpostuan batere aritu gabe zuzenean eta berak eskatuta borondatezko eszedentzia ematen bazaio jabetza hartzearen egunetik bertatik, data hartan beste Administrazio Publiko batean ari delako, kasuko lanpostu hutsa ere beteko da deialdiko 7.4 atalak agintzen duen moduan.
9.7. Aurreko bi ataletan aipatutako kasuetan, izendapena egin aurretik hautaturiko lanpostua ez da aldatuko. Beraz, funtzionario berriei, zuzenean, egoera horien ondoriozko lanpostuak esleituko zaizkie.
10._Errekurtsoak.
Epaimahaiak ematen dituen egintza eta ebazpenen kontra gora jotzeko errekurtsoa paratzen ahal da Funtzio Publikoaren zuzendari nagusiari zuzenduta, errekurtsoaren xede den egintza argitaratu edo jakinarazi eta biharamunetik, hilabeteko epean.
Deialdi honen arauen kontra eta bera aplikatzeko egintzen kontra, epaimahaiak hartutakoak izan ezik, zilegi izanen da gora jotzeko errekurtsoa jartzea, Lehendakaritza, Justizia eta Barne kontseilariari zuzendua, hilabeteko epean, errekurritu nahi den egintza argitaratu edo jakinarazi eta biharamunetik kontatuta.
Hori guztia Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluarekin bat eta urtarrilaren 13ko 4/1999 Legeak aldatutako Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluei jarraikiz.
Iruñean, 2006ko otsailaren 20an._Funtzio Publikoaren zuzendari nagusia, Alberto Andérez González.
I. ERANSKINA
Eskabidea
........................ jaun/andrea, adin nagusikoa, ........... Nortasun Agiri Nazionalaren (edo baliokidea den nortasun agiriaren) jabe, ..........(e)n (............) 19...eko ............aren ....(e)an jaioa, .........(e)ko nazionalitatea duena, helbidea ...........(e)ko (........) ......... kalean, ........... posta kodea, eta etxean ....... telefonoa eta lantokian ....... telefonoa,
Honako hau azaltzen dut:
Nafarroako Foru Komunitateko Administrazioaren zerbitzuko .............. izateko ...............lanpostu ....................bidez betetzeko deialdian parte hartzeko onar dezatela eskatzen duela, aipatu txandan (deialdia ...... zenbakiko Nafarroako ALDIZKARI OFIZIALean argitaratu zen, .........(e)an):
f Txanda irekia
f Igoera txanda (*)
f Ezgaituentzat gordetako txanda (*)
Hautaprobak gainditzen ez baditut, lanpostuak behin-behinekoz betetzeko aukeraz baliatu nahi dela, honako esparruetako batean:
f Administrazio-erroa (*)
f Osasunbidea-Nafarroako Osasun Zerbitzua (*)
f Nafarroako Gizarte Ongizatearen Institutua
(Esparruetako bakar bat aukeratu daiteke).
Ez dudala karguan aritzea galarazten didan eritasun edo akats fisiko edo psikikorik.
Indarra duten xedapenetan ezarritako ezintasunik ez dudala.
Ez naizela diziplinako espediente bidez ezein Administrazio Publikoren zerbitzutik kanpo utzia izan, eta, era berean, ez nautela eginkizun publikoak betetzeko gaitasunik gabe utzi.
Deialdian eskatzen den titulazioaren jabe naizela.
Azterketa eskubideak ordaindu ditudala deialdian ezarritako moduan eta horren gordekina erantsi dudala, edo erantsitako agirien bidez frogatzen dudala tasa ordaintzetik salbuetsita nagoela.
Eskabideak aurkezteko epearen azken egunean beharkizun guztiak betetzen ditudala.
f Ezgaitasuna dudala eta, beraz, behar ditudan egokitzapenak eskatzen ditudala, haietarako arrazoiak adierazita. (Beste orri batean azaldu behar dira eskatutako egokitzapenak eta haietarako arrazoiak).
f Ezgaitasuna frogatzen duen agiria aurkezten dudala, erakunde eskudun batek emana.
f Euskararen gaitasunaren agiria edo ofizialki baliokidea den beste titulu bat aurkezten duela (*).
f Euskarazko proba egin nahi duela (*).
f Frantseseko eta ingeleseko nahikotasun frogak egitea eskatzen duela (*).
Horrenbestez,
Eskabide hau ontzat hartu eta aipatu deialdian onartua izatea eskatzen dut.
Iruñean,........(e)ko .........................aren ............(e)an.
(Sinadura)
(*) Bidezkoa bada.
NAFARROAKO GOBERNUA. LEHENDAKARITZA, JUSTIZIA ETA BARNE DEPARTAMENTUA.
FUNTZIO PUBLIKOAREN ZUZENDARI NAGUSIA.
II. ERANSKINA
Gai zerrenda
LEHEN ARIKETA
I._Kontabilitatea.
_Finantzen kontabilitatea.
_Kontabilitateko plan orokorra.
_Sozietateen kontabilitatea.
_Kontabilitate analitikoa.
_Finantza egoeren azterketa.
II._Finantzen matematika.
_Kapitalizazio bakuna eta konposatua.
_Errenta iraunkorrak, aldakorrak eta zatituak.
_Mailegu eta jesapenen amortizazioa.
_Eragiketak balore higigarriekin.
III._Irizpen juridikoa emateko gaiak.
A) Zuzenbide zibila.
I._Zuzenbidearen iturriak. Arau juridikoen aplikazioa eta ondorioak.
II._Pertsona fisikoa: gaitasuna. Adina, nazionalitatea, auzotartasuna, ezkontza eta ahaidetasuna. Pertsona juridikoa. gaitasuna, helbidea, nazionalitatea, organoak, ondarea eta amaiera.
III._Ondasunen erregimena ezkontzan.
IV._Jabetzaren gaineko zuzenbidea. Jabaria eskuratu eta galtzea. Ondasun-erkidegoa. Gozamena. Bermearen eskubide errealak.
V._Obligazioa. Obligazioen iturriak. Obligazio mankomunatuak eta solidarioak. Obligazio soilak, baldintzazkoak eta eperakoak. Obligazioen amaiera. Obligazioen proba.
Kontratuen eraketa, gauzatzea, burutzapena, ondorioak eta interpretazioa. Salerosketa kontratua. Dohaintza kontratua. Sozietate kontratua.
VII._Oinordetza Nafarroako Foru Zuzenbide Zibilean.
Arestian aipatutako gaiak, bestela azaltzen ez den bitartean, hala Zuzenbide Zibil arruntari nola Nafarroako Foru Zuzenbide Zibilari buruzkoak dira.
B) Merkataritzako zuzenbidea.
I._Merkataritzako Zuzenbidearen iturriak.
II._Merkataritza-enpresa trafiko juridikoaren objektu gisara. Kontabilitatea merkataritza-enpresan.
III._Banakako merkataria. Gaitasuna. Ezkontza eta merkataritzan jarduteko ahalmena. Merkataritza-sozietateko kontratua. Merkataritza-sozietateen nazionalitatea eta helbidea. Merkataritza-sozietateen desegitea eta likidazioa.
IV._Merkataritza-sozietateak.
V._Merkataritza-obligazioak. Merkataritza-kontratuak: gauzatzea, forma, proba eta interpretazioa. Salerosketa kontratua.
C) Administrazio zuzenbidea.
I._Zuzenbide Administratiboaren iturriak. Legea. Erregelamendua.
II._Egintza administratiboak.
III._Prozedura administratiboa.
IV._Egintza administratiboen berrikuspena.
D) Nafarroako Zergen gaineko legeria.
I._1990eko uztailaren 31ko Hitzarmen Ekonomikoa.
II._Tributuei buruzko Foru Lege Orokorra eta hura garatzeko erregelamendua.
III._Pertsona Fisikoen Errentaren gaineko Zerga.
IV._Sozietateen gaineko Zerga.
V._Oinordetza eta Dohaintzen gaineko Zerga.
VI._Ondare Eskualdaketen eta Egintza Juridiko Dokumentatuen gaineko Zerga.
VII._Balio Erantsiaren gaineko Zerga.
VIII._Zerga bereziak.
IX._Nafarroako Foru Komunitateko Administrazioaren zerga arloko egintzen berrikuspena.
BIGARREN ARIKETA
Lehen taldea (Arlo Ekonomikoa)
Ekonomia Orokorra.
1. gaia._Ondasunen urritasuna eta hautaketa. Ekonomia kontzeptua. Ekonomia gizarte zientzia den aldetik. Ekonomia positiboa eta arau-emailea. Jarduera ekonomikoa. Teoria eta politika ekonomikoa. Sistema ekonomikoak. Eredu ekonomikoak: errentaren fluxu zirkularra. Mikroekonomia eta makroekonomia.
2. gaia._Merkatua. Eskaria eta eskaintza. Eskariaren eta eskaintzaren bihurguneak eta haien gorabeherak. Merkatuaren oreka eta desoreka. Merkatu motak.
3. gaia._Erabilgarritasuna. Aurrekontuen murrizketa. Eskariaren bihurgunea eta aurrekontua. Eskariaren eta eskaintzaren malgutasuna.
4. gaia._Ekoizpena eta enpresen etekinik handiena. Ekoizpen tasa eta epe laburrerako kostuak. Ekoizpen eta epe luzerako kostuak. Lehiaren oreka.
5. gaia._Lehia akastuna: lehia monopolistikoa, oligopolia eta monopolioa. Agintaritza publikoa eta lehia.
6. gaia._Helburu eta adierazle makroekonomikoak: produktu nazionala, kontsumoa eta inbertsioa, gastu nazionala. Produktu nazional gordina eta produktu nazional garbia. Errenta nazionala eta errenta eskuragarria. Magnitude erantsiak eta errentaren fluxu zirkularra.
7. gaia._Oreka-errenta sektore publikorik gabeko ekonomia itxi batean: biderkatzailea. Oreka-errenta sektore publikoa duen ekonomia itxi batean: Oreka-errenta sektore publikoa duen ekonomia ireki batean:
8. gaia._Dirua. Diru-eranskinak. Diru eskaria. Diru oinarria eta diruaren sorrera. Finantza sistema.
9. gaia._Oreka merkatu errealean eta diru merkatuan. IS-LM eredua. Zerga eta diru kontuetarako politikak.
10. gaia._Eskaintzaren eredua eta eskari erantsia. Eskari erantsia, korritu tasa eta prezio maila. Eskaintza erantsia eredu klasikoan eta Keynes-en ereduan.
11. gaia._Inflazioa eta langabezia: arrazoiak eta ondorioak. Politika ekonomikoaren ikuspegiak. Ziklo ekonomikoak.
12. gaia._Nazioarteko merkataritza: abantaila konparatiboaren legea eta Heckscher-Ohlin eredua. Nazioarteko merkatuaren murrizketak. Merkataritza librea protekzionismoaren aldean. Integrazio ekonomikoa.
13. gaia._Ordainketen balantza: kontzeptua eta osagarriak, funtzionamendua eta saldoak. Kanbio tasak eta dibisa merkatuak. Nazioarteko erakunde finantzarioak.
14. gaia._Hazkundea eta garapena. Hazkunde ekonomikoa azaltzen duten teoriak. Hazkundearen onurak eta kostuak. Garapena eta garapen eza.
15. gaia._Lehen sektorearen egoera Espainian. Sektore horretarako politika ekonomikoa. Industria, energia eta eraikuntza sektoreak Espainian. Sektore horretarako politika. Zerbitzuen sektorea Espainian (finantzen sektorea izan ezik). Sektore horretarako politika.
16. gaia._Gizarte babeserako politika Espainian. Pentsioak. Langabezirako babesa. Osasun politika.
17. artikulua._Hezkuntzarako eta prestakuntza etengaberako politika. Herri lanetarako politika. Garraioetarako politika. Etxebizitzarako politika. Enpresaren ekonomia eta egiturazko antolaketa.
Enpresaren ekonomia.
18. gaia._Antolaketak. Definizioa, motak, antolaketaren teoriak. Antolaketa eredu nagusiak.
19. gaia._Egiturazko antolaketa. Harremanak eta komunikazioak antolaketan. Agintaritza: agintaritzaren zentralizazioa edo dezentralizazioa. Erantzukizuna. Taldekako lana: abantailak eta arazoak. Giza baliabideetarako politika.
20. gaia._Enpresa erakundea den aldetik. Erakundearen eremua. Kontzeptua, errealitatea, ekonomia eta ingurunea. Enpresa motak eta sailkapen irizpideak. Enpresa eta merkatua.
21. gaia._Enpresa publikoa. Enpresa publikoaren helburuak. Enpresa publikoa kontrolatzeko sistema. Enpresa publikoaren finantzaketa.
22. gaia._Enpresaren helburuak. Zuzendu eta kudeatzeko sistemak. Enpresak kudeatzeko metodo matematikoak. PERT eta CPM metodoak. Stocken kudeaketa. Enpresa planifikatzea eta helburuak ezartzea.
23. gaia._Enpresa kontrolatzeko sistemak. Kontzeptua. Osagaiak. Kontrolatzeko sistema nagusiak. Kontrolerako prozesua. Zuzeneko kontrola. Eraginkortasuna eta eragimena kontrolatzeko neurriak diren aldetik.
24. gaia._Enpresaren erabakiak eta erabakiak hartzeko sistemak: kontzeptua eta motak. Erabakiak hartzeko prozesua.
25. gaia._Harremanak enpresan. Informazio sistemak. Informazio fluxua eta komunikazioa. Informazioa erabiltzea.
26. gaia._Enpresaren egitura ekonomiko eta finantzarioa. Enpresa finantzatzeko dirusarrerak. Oreka finantzarioa. Inbertsioen eta finantzaketen arteko oreka.
27. gaia._Inbertsioa enpresan: kontzeptua eta motak. Inbertsio proiektuen balorazioa eta hautaketa. Ekipo ondasunetarako inbertsioa. Ekipoak berritzeko erabakiak. Aktibo zirkulatzailerako inbertsioa. Esku-dirua.
28. gaia._Enpresaren egitura finkoaren finantzaketa: autofinantzaketa. Amortizaziorako funtsak. Epe labur, ertain eta luzerako kreditua. Zorpetzea.
29. gaia._Enpresaren kanpo finantzaketa: haren kostua. Enpresaren finantzaketa nazioarteko merkatu finantzarioetan. Enpresarendako egitura finantzariorik hoberena. Enpresaren etekina. Etekinaren erlatibotasuna.
30. gaia._Ekoizpen prozesua. Ekoizpenerako printzipio eta ereduak. Produktuaren kostua. Ustiatzeko gutxiena eta ustiatzeko hoberena. Kostuen kontrola. Azpiproduktuen kostua.
31. gaia._Produktuaren politika (I). Eskariaren ebaluazioa eta merkatuaren ikerlanak. Produktuaren merkaturatzea. Prezioen politika. Prezioen gorabeherak eta haien ondorioak.
32. gaia._Produktuaren politika (II). Produktuaren banaketa. Banatzeko bideak.
Merkataritzako zuzenbidea.
33. gaia._Merkataritzako Erregistroaren edukia. Merkataritzaren egintza. Merkataritzaren egintzak analogiaren bidez. Egintza mistoak. Merkataritzako enpresa. Merkataritzako Zuzenbidearen iturriak.
34. gaia._Merkatarien kontzeptua, doktrinaren eta legeen aldetik. Banakako merkataria. Ezgaitasunak eta debekuak. Atzerriko merkataria. Ohikotasuna eta profesionaltasuna. Publizitatea Merkataritzako Zuzenbidean. Merkataritzako Erregistroa.
35. gaia._Enpresaburuen kontabilitatea. Liburuak. Betebeharrak. Liburuek frogatako duten balioa eta haien ezagutza. Urteko kontuak.
36. gaia._Merkataritza sozietatea. kontzeptua, izaera eta motak. Sozietatearen helburua. Sozietate irregularra. Sozietate erregular kolektiboa. Sozietate komanditario bakuna. Akzioen bidezko sozietate komanditarioa. Erantzukizun mugatuko sozietatea.
37. gaia._Sozietate anonimoa. Osatzeko moduak. Sozietatearen eskritura eta estatutuak. Diru-ekarpenak. Sozietatearen ondarea eta kapitala. Erreserbak. Akzioak: motak. Botorik gabeko akzioak. Sozietatearen kapitala handitu eta gutxitzea. Obligazioen luzapena. Obligazioen sindikatua.
38. gaia._Sozietate anonimoko organoak. Batzar nagusia. Administratzaileak: Administrazio Kontseilua. Merkataritzako sozietateak eraldatu, bat egin eta bereizteko araubide juridikoa. Merkataritzako sozietateen desegitea. Merkataritzako sozietateen likidazioa: zer eragiketa sartzen diren.
39. gaia._Kreditu tituluak: kontzeptua eta izaera. Motak. Titulu izendunak. Agindurako tituluak. Kanbio letra. Letraren luzapena eta haren modua. Endosua. Onarpena. Abala. Iraungipena eta ordainketa. Protestua. Kanbio-akzioak. Zor-agiria. Txekea.
40. gaia._Merkataritza obligazio eta kontratuak. Merkataritza-komisioa. Ordezkaritza Merkataritzako Zuzenbidean. Merkataritzako sal-erosketetako kontratua. Sal-erosketa bereziak. "Leasing" delakoa.
41. gaia._Lehiaketa: aurrekontuak. Lehiaketaren deklarazio autoa. Hartzekodun, kreditu eta kontratuen gaineko ondorioak. Lehiaketaren masa. Hitzarmena: edukia eta ondorioak. Lehiaketa bukatzeko zergatikoak. Lehiaketaren kalifikazioa.
Bigarren taldea (arlo juridikoa)
Zuzenbide zibila.
1. gaia._Zuzenbidearen iturriak Espainiako sistema juridiko positiboan. Kode Zibila eta legeria osagarria. Nafarroako Zuzenbide zibilaren iturriak. Foru Zuzenbide Pribatuari buruzko Konpilazioa edo Nafarroako Foru Berria: edukiaren gaineko ezagupen orokorra. Arau juridikoen aplikazioa. Eraginkortasun orokorra. Denborari eta espazioari dagozkien mugak. Zuzenbidea eratzen duen eraginkortasuna.
2. gaia._Pertsona: kontzeptua eta motak. Pertsona fisikoa. Pertsona juridikoa. Fundazioa eta elkargoa. Gaitasuna. Ordezkaritza. Gaitasuna Nafarroako Foru Zuzenbide Zibilean.
3. gaia._Nazionalitatea. Helbidea. Egoera zibila. Nafar izaera zibil forala. Erregistro zibila.
4. gaia._Ezkontzaren araubide ekonomikoak. Ezkontzako hitzarmenak. Irabazpide-elkartea. Partaidetzako araubidea. Ondasunak bereizteko araubidea. Ondasunen araubidea familian Nafarroako Foru Zuzenbide Zibilaren arabera.
5. gaia._Zuzenbidearen xedea. Gertaera, egintza eta negozio juridikoa. Funtsezko elementuak.
6. gaia._Eskubide errealak. Kontzeptua, ezaugarriak eta motak.
7. gaia._Jabetzarako eskubidea. Edukia. Babesa. Jabaria eskuratu eta galtzea. Dohaintzaren aipamen berezia. "Inter vivos" dohaintza Nafarroako Foru Zuzenbide Zibilean.
8. gaia._Ondasun erkidegoa: edukitza. Usufruktu, erabilera eta bizilekurako eskubidea. Zortasunak. Usufruktuari eta zortasunei buruzko arau bereziak Nafarroako Foru Zuzenbide Zibilean.
9. gaia._Bermerako eskubide errealak. Hipoteka. Ondasun higigarrien hipoteka. Bahitura. Eskualdaketarik gabeko baihitura. Antikresia. Berme errealak Nafarroako Foru Zuzenbide Zibilean.
10. gaia._Jabetza erregistroa: ezin inskribatuzko tituluak eta erregistroko idatz-oharrak. Hipoteken printzipioak. Bahitu baino lehenagoko idatz-oharra.
11. gaia._Obligazioa (I). kontzeptua eta sailkapena. Kontratuez kanpoko obligaziorik. Arrazoirik gabe aberastea. Obligazioen betetze normala: ordainketa. Obligazioak Nafarroako Foru Zuzenbide Zibilean.
12. gaia._Obligazioa (II). Obligazioak iraungitzeko bestelako moduak. Obligazioen betetze berezia: arrazoiak eta ondorioak. Kredituaren babesa eta obligazioen froga. Kredituen konkurrentzia eta lehentasuna.
13. gaia._Kontratua. Osagaiak eta betebeharrak. Sailkapenak. Kontratua sortu, gauzatu eta burutzea. Kontratuen eragingarritasun eza. Kontratuen interpretazioa.
14. gaia._Salerosketako kontratua. Osagaiak. Saltzailearen eta eroslearen eginbeharrak. Lehentasunez erosi eta atzera eskuratzeko eskubideak. Eskubideak eta akzioak lagatzea. Trukaketa.
15. gaia._Orotariko errentamendua. Zerbitzuen errentamendua. Obren errentamendua. Gauzen errentamendua. Landa eta hiri finken errentamendua. Errentamendua Nafarroako Foru Zuzenbide Zibilean.
16. gaia._Agindua. Mailegua. Prekarioa. Gordailua. Bermea.
17. gaia._Sozietatea. Transakzioa. Konpromisoa. Arbitrajea. Atxikitzea.
18. gaia._Denboraren eragina harreman juridikoetan. Preskripzioa eta iraungipena.
19. gaia._Oinordetzako zuzenbidea (I). kontzeptu orokorrak. Oinordetzan hartzeko gaitasuna. Jaraunspena onartu eta zapuztea. Oinordekoak. Gehiagotzeko eskubidea. Jaraunspenaren kolazioa eta partiketa.
20. gaia._Oinordetzako zuzenbidea (II). Oinordekotza, testamentu bidezkoa, nahitaezkoa eta testamenturik gabea. Oinordeko izendatzea. Ordeztea. Utzia. Testamendu-betearazlea. Oinordeko izateari uztea testamentugilearen borondatez. Preterizioa.
21. gaia._Oinordetza Nafarroako Foru Zuzenbide Zibilean. Legezko araubidea, disposizio askatasuna. Mugak. Legezko oinordetza: kontzeptua. Oinordetza jaiotetxeko ondasunetan eta jaiotetxekoak ez direnetan. "Mortis causa" dohaintzak. Oinordetzako itun edo kontratuak.
Merkataritzako zuzenbidea.
22. gaia._Merkataritzako Erregistroaren edukia. Merkataritzaren egintza. Merkataritzaren egintzak analogiaren bidez. Egintza mistoak. Merkataritzako enpresa. Merkataritzako Zuzenbidearen iturriak.
23. gaia._Merkatarien kontzeptua, doktrinaren eta legeen aldetik. Banakako merkataria. Ezgaitasunak eta debekuak. Atzerriko merkataria. Ohikotasuna eta profesionaltasuna. Publizitatea Merkataritzako Zuzenbidean. Merkataritzako Erregistroa.
24. gaia._Merkataritzako kontuei buruzko orotariko doktrina. Jabetza industriala. Patenteak eta markak. Espainiako Patente eta Marken Bulegoa. Haiek babesteko nazioarteko araubide juridikoa. Lehiarako eskubidea. Lehia bidegabea eta lehia desleiala: publizitatearen eta kontsumoaren araubidea. Lehiaren babesa. Enpresen aldi baterako batasuna.
25. gaia._Enpresaburuen kontabilitatea. Liburuak. Betebeharrak. Liburuek frogatako duten balioa eta haien ezagutza. Urteko kontuak.
26. gaia._Merkataritza sozietatea. kontzeptua, izaera eta motak. Sozietatearen helburua. Sozietate irregularra. Sozietate erregular kolektiboa. Sozietate komanditario bakuna. Akzioen bidezko sozietate komanditarioa. Erantzukizun mugatuko sozietatea.
27. gaia._Sozietate anonimoa. Osatzeko moduak. Sozietatearen eskritura eta estatutuak. Diru-ekarpenak. Sozietatearen ondarea eta kapitala. Erreserbak. Akzioak: motak. Botorik gabeko akzioak. Sozietatearen kapitala handitu eta gutxitzea. Obligazioen luzapena. Obligazioen sindikatua.
28. gaia._Sozietate anonimoko organoak. Batzar nagusia. Administratzaileak: Administrazio Kontseilua. Merkataritzako sozietateak eraldatu, bat egin eta bereizteko araubide juridikoa. Merkataritzako sozietateen desegitea. Merkataritzako sozietateen likidazioa: zer eragiketa sartzen diren.
29. gaia._Kreditu tituluak: kontzeptua eta izaera. Motak. Titulu izendunak. Agindurako tituluak. Kanbio letra. Letraren luzapena eta haren modua. Endosua. Onarpena. Abala. Iraungipena eta ordainketa. Protestua. Kanbio-akzioak. Zor-agiria. Txekea.
30. gaia._Merkataritza obligazio eta kontratuak. Merkataritza-komisioa. Ordezkaritza Merkataritzako Zuzenbidean. Merkataritzako sal-erosketetako kontratua. Sal-erosketa bereziak. "Leasing" delakoa.
31. gaia._Bankuen orotariko kontratuak. Kontu korrentearen azterketa, kreditua irekitzea, maileguak eta bankuen deskontua. Bankuetako gordailuak. Baloreen pignorazioa. Kreditu dokumentarioak. Aseguru kontratua: kontzeptua, izaera eta arautegia.
32. gaia._Laguntza teknikoko kontratua. "Factoring" delakoa. Agentziaren kontratua: esklusibotasuna. Frankizia. Merkataritzako kontu korrenteko kontratua. Parte hartzeko kontuetako kontratua. Merkataritzako mailegu eta gordailuak. Gordailuan uzteko orotariko biltegietarako konpainiak: "warrant" direlakoak.
33. gaia._Lehiaketa: aurrekontuak. Lehiaketaren deklarazio autoa. Hartzekodun, kreditu eta kontratuen gaineko ondorioak. Lehiaketaren masa. Hitzarmena: edukia eta ondorioak. Lehiaketa bukatzeko zergatikoak. Lehiaketaren kalifikazioa.
Enpresaren ekonomia.
34. gaia._Enpresa erakundea den aldetik. Erakundearen eremua. Kontzeptua, errealitatea, ekonomia eta ingurunea. Enpresa motak eta sailkapen irizpideak. Enpresa eta merkatua.
35. gaia._Enpresa kontrolatzeko sistemak. Kontzeptua. Osagaiak. Kontrolatzeko sistema nagusiak. Kontrolerako prozesua. Zuzeneko kontrola. Eraginkortasuna eta eragimena kontrolatzeko neurriak diren aldetik.
36. gaia._Harremanak enpresan. Informazio sistemak. Informazio fluxua eta komunikazioa. Informazioa erabiltzea.
37. gaia._Enpresaren egitura ekonomiko eta finantzarioa. Enpresa finantzatzeko dirusarrerak. Oreka finantzarioa. Inbertsioen eta finantzaketen arteko oreka.
38. gaia._Enpresaren egitura finkoaren finantzaketa: autofinantzaketa. Amortizaziorako funtsak. Epe labur, ertain eta luzerako kreditua. Zorpetzea.
39. gaia._Ekoizpen prozesua. Ekoizpenerako printzipio eta ereduak. Produktuaren kostua. Ustiatzeko gutxiena eta ustiatzeko hoberena. Kostuen kontrola. Azpiproduktuen kostua.
40. gaia._Produktuaren politika (I). Eskariaren ebaluazioa eta merkatuaren ikerlanak. Produktuaren merkaturatzea. Prezioen politika. Prezioen gorabeherak eta haien ondorioak.
41. gaia._Produktuaren politika (II). Produktuaren banaketa. Banatzeko bideak.
HIRUGARREN ARIKETA
Zuzenbide Konstituzional eta Administratiboa
1. gaia._Europar Batasuneko zuzenbidea. Europar Batasuneko legeriaren iturriak eta haren aplikazioa. Europar Batasuneko zuzenbidearen eta estatu kideetako legeriaren arteko erlazioak.
2. gaia._Europar Batasuna: Batasun politikoa eta batasun ekonomikoa eta monetari dagokiona. Salgai, pertsona eta kapitalen joan-etorri librea. Europar Batasuneko nekazaritza eta arrantzarako politika. Europar Batasuneko kanpo harremanetarako eta segurtasunerako politika.
3. gaia._Europar Batasuneko erakundeak: Europako Kontseilua, Ministroen Kontseilua, Europako Parlamentua, Batzordea, Justizia Auzitegia eta Kontuen Auzitegia.
4. gaia._Espainiako 1978ko Konstituzioa: ezaugarriak eta egitura. Oinarrizko eskubideak eta askatasun publikoak. Konstituzioaren erreforma.
5. gaia._Koroa. Gorte Nagusiak: osaera eta eginkizunak. Parlamentuko organoak. Legegintzako prozedura arrunta.
6. gaia._Botere Judiziala: eginkizunak eta gobernua. Auzitegi Konstituzionala: antolaketa eta egitekoak. Auzitegi Konstituzionalari jartzen zaizkion errekurtso eta prozesuak. Arartekoa.
7. gaia._Gobernua: osaera eta eginkizunak. Ministroen Kontseilua. Kontuen Auzitegia.
8. gaia._Estatuaren lurralde antolaketa. Erkidego eta hiri autonomoak. Toki entitateak.
9. gaia._Autonomia Erkidegoen ordenamendua. Autonomia Estatutuak. Eskumenen banaketa Estatuaren eta Autonomia Erkidegoen artean. Nafarroaren ahalmen eta eskumenak.
10. gaia._Nafarroako Foru Eraentza. Nafarroa Gaztelan sartu aurretik eta ondoren. 1841eko Lege Itundua: aurrekariak, izaera juridikoa eta edukia. Nafarroako Foru Eraentza Berrezarri eta Hobetzeko Lege Organikoa: izaera, egitura eta edukia.
11. gaia._Nafarroako Parlamentua edo Gorteak: aurrekariak. Parlamentua: hautaketa eta onurabideak. Parlamentarien estatutua. Antolaketa eta funtzionamendua. Eginkizunak: gehien bat legegintzakoa.
12. gaia._Nafarroako Gobernua edo Foru Diputazioa:aurrekariak. Osaketa, izendapena, kargu uztea, eskurantzak, funtzionamendua eta laguntza organoak. Lehendakaria: hautaketa, izendapena, kargu uztea eta eskurantzak. Lehendakariordeak eta kontseilariak. Nafarroako Gobernuaren lege ekimena eta erregelamendu ahalmena. Nafarroako Foru Komunitateko Administrazioaren egitura organikoa. Nafarroako Administrazio Auzitegia: aurrekariak, antolaketa eta eskumena.
13. gaia._Nafarroako Comptos Ganbera: aurrekariak. Antolaketa eta funtzionamendua. Kontuen Auzitegia eta Comptos Ganbera: harremanak. Nafarroako Kontseilua. Nafarroako Arartekoa.
14. gaia._Nafarroako Toki Administrazioa. Nafarroako toki entitateen antolaketa eta administrazioa. Funtzionamendua. Prozedura. Ondasunak.
15. gaia._Administrazio Zuzenbidearen iturriak. Konstituzioa. Legea. Lege-dekretuak. Legegintzaren delegazioa. Nazioarteko Itunak. Europar Batasuneko zuzenbidea.
16. gaia._Erregelamendu ahalmena: titulartasuna, mugak eta kontrola. Erregelamendua: motak. Erregelamenduen mugak. Indargabezintasun berezia.
17. gaia._Antolaketa administratiboa. Organo kolegiatuak eta lagun bakarrekoak. Lehia eta hierarkia. Zentralizazioa, deszentralizazioa eta deskontzentrazioa.
18. gaia._Erakundeen administrazioa. Erakunde autonomoak. Enpresa-entitate publikoak. Estatuko Merkataritzako Sozietateak. Gainerako entitate publikoak.
19. gaia._Ahalmen administratiboak. Legezkotasunaren printzipioa. Administrazioak bere burua babesteko prozedura.
20. gaia._Administrazio egintza (I). Kontzeptua, motak eta osagaiak. Egintza politikoak edo Gobernuaren egintzak.
21. gaia._Administrazio egintza (II). Modua. Administrazio egintzen jakinarazpena eta argitalpena. Administrazioaren isiltasuna.
22. gaia._Administrazio egintza (III). Egintza administratiboen balioa eta betearazi beharra. Administrazio egintzaren ondorioen indargabetzea. Nahitaezko betearazpena: premiamendu bideari buruzko aipu berezia.
23. gaia._Administrazio egintza (IV). Administrazio egintzen balioa eta baliorik eza. Administrazioaren egintzen atzera botatzea eta ofizioz indarrik gabe uztea.
24. gaia._Administrazio prozedura (I). Kontzeptua eta motak. Arautzea. Administrazio prozeduraren parteak. Interesatuak. Gaitasuna, legitimazioa eta ordezkaritza.
25. gaia._Administrazio prozedura (II). Hastapena. Instrukzioa: entzunaldiari buruzko aipu berezia. Prozeduraren bukaera: erak.
26. gaia._Kontratu administratiboak (I). Ekainaren 16ko 10/1998 Foru Legea: aplikazio eremua eta araubide juridikoa. Kontratazio organoak. Kontratatu ahal izateko betebeharrak. Kontratuen prestaketa-lana. Adjudikatzeko prozedurak.
27. gaia._Kontratu administratiboak (II). Ekainaren 16ko 10/1998 Foru Legea: Régimen Obra, zerbitzu publiko, hornidura eta laguntza-zerbitzuetarako kontratuen lege araubidea: kontzeptua, betearazpena, aldaketak, indargabetzea eta iraungitzea.
28. gaia._Jabari publikoa eta entitate publikoen ondarea. Nafarroako ondarea: eskumena. Erregulazioa. Administrazioa eta babesa. Zaintzea.
29. gaia._Zerbitzu publikoaren kontzeptua. Zerbitzu publikoa kudeatzeko moduak.
30. gaia._Administrazioaren zehapen ahalmena. Oinarriak, edukia eta mugak. Administrazio zehapenak: kontzeptua eta motak. Zehapen prozedura.
31. gaia._Nahitaezko desjabetzapena. Oinarria eta mugak. Desjabetzapenaren subjektuak. Desjabetzapenaren betebeharrak. Justiprezioa. Desjabetzapenaren itzulera.
32. gaia._Administrazio publikoaren eta haren funtzionarioen erantzukizuna, ondarearen aldetik. Betebeharrak. Erreklamazio epeak eta prozedura.
33. gaia._Errekurtso administratiboak. Errekurtso motak. Administrazio errekurtsoak tramitatzeko eta ebazteko prozedura.
34. gaia._Administrazioarekiko auzien jurisdikzioa (I). Eremua. Administrazioarekiko auzien jurisdikzioaren organoak. Prozeduraren faseak. Errekurtsoaren xedea.
35. gaia._Administrazioarekiko auzien jurisdikzioa (II). Administrazioarekiko auzien prozedura. Epaia. Errekurtsoak.
36. gaia._Administrazio publikoa eta justizia: jurisdikzioari buruzko liskarrak, eskumen arazoak eta eskurantzei buruzko liskarrak.
37. gaia._Nafarroako Administrazio Publikoen zerbitzuko langileak: motak. Funtzionario publikoak: kontzeptua eta motak. Funtzionario izaera eskuratu eta galtzea. Funtzionarioen egoerak. Eskubideak eta eginbeharrak. Funtzionario publikoen diziplina araubidea. Bateraezintasunen araubidea.
Ogasun Publikoa
1. gaia._Sektore Publikoa merkatu-ekonomian. Mugatzea, neurketa-irizpideak, garrantzia eta bilakaera. Kontabilitate Nazionala eta Sektore Publikoa. Ogasun Publikoa. Gaurko edukiak.
2. gaia._Sektore Publikoak jarduera ekonomikoan esku hartzeko modua.Merkatuaren akatsak. Sektore Publikoaren xedeak. Sektore Publikoaren eragiketak.
3. gaia._Erabakiak hartzea sektore publikoan. Hautapen soziala eta norberaren lehentasunak. Funtzionamendu demokratikoa. Burokrazia eta interes taldeak.
4. gaia._Aurrekontua. Kontzeptua eta egitura. Aurrekontuen zikloa. Aurrekontuetarako teknikak: aurrekontu administratiboarekin hasi eta aurrekontuak egiteko teknika modernoekin buka. Aurrekontua eta plangintza eta kontrol sistemak.
5. gaia._Sektore publikoaren eraginkortasuna. Ekoizpen publikoa eta ekoizpen pribatua. Proiektuen hautapena eta ebaluazioa. Kostuak, etekinak eta erabakitzeko arauak.
6. gaia._Kudeaketa publikoa. Kudeaketa publikoa diziplina askoko zientzia gisa. Sektore publikoaren akatsak. Esku-hartze publikoaren mugak "merkatuaren akatsak" zuzentzerakoan. Enplegu publikoa: deskripzioari buruzko aspektuak eta pizgarriak emateko bideak.
7. gaia._Kudeaketa publikoa berritzeko esperientziak Lankidetzarako eta Garapen Ekonomikorako Erakundearen herrietan. "Output" publikoa neurtzeko arazoak. Jarduerararen adierazleak. Lehia antzeko mekanismoak eta merkatu mekanismoak: sasimerkatuak. Enpresa publikoak eta eragingarritasuna.
8. gaia._Aurrekontuaren orekaren eta hazkunde eta egonkortasun ekonomikoaren arteko lotura. Diziplina fisikala Europar Batasunean: Egonkortasunerako eta Hazkunderako Ituna. Aurrekonturako erakundearen berrikuntza Espainian: Aurrekontuen Egonkortasunari buruzko legeak.
9. gaia._Gastu publikoa: hazkundearen, bidezkotasunaren eta eraginkortasunaren teoriak. Gastu Publikoaren hazkundeari buruzko teoriak. Gastu publikoak banaketan duen eragina eta ondorioak. Gastu publikoaren eragingarritasuna eta efizientzia: kontzeptuak eta azterketa-teknikak.
10. gaia._Gastu publikoa ongizate estatuan (I): gizarte gastuak. Lehentasunezko ondasunak eta bidezkotasun kategorikoa. Gastu publikoa osasun arloan. Gastu publikoa hezkuntzan. Gastu publikoa etxebizitzen arloan.
11. gaia._Gastu publikoa ongizate estatuan (II): prestazio ekonomikoak: kontzeptua, motak eta justifikazioa. Pentsioen sistema: diseinua eta ondorio ekonomikoak: Langabezirako asegurua. Pobreziari aurre egiteko programak.
12. gaia._Dirusarrera publikoak. Sailkapenerako irizpideak. Prezioak eta enpresa publikoa. Prezio publikoak eta tasak. Kontribuzio bereziak. Zerga, kontzeptua eta bereizgarriak. Zerga motak. Zergen osagaiak.
13. gaia._Zergapetzearen printzipioak. Onuraren eta ordaintzeko gaitasunaren printzipioak. Zergapetzearen eragina. Sistema fiskalak. Zergapetze mota nagusiak. Zergen egitura baldintzatzen duten elementuak. Bilakaera eta nazioarteko ereduak.
14. gaia._Zergen kostuak. Efizientzia kostuak. Karga gehiegizkoa eta zerga hoberena. Dirubilketaren kostuak. Iruzur fiskala: kontzeptuak, ondorioak eta baldintzatzen duten elementuak.
15. gaia._Pertsona fisikoen errentaren zergapetzea (I). Kontzeptua eta izaera. Bilakaera. Errentaren kontzeptu fiskala. Iturrien kontsiderazioa. Erreta irregularrak eta ondareari buruzko aldaketak. Enpresarien errentak. Salbuespenak eta gastu kengarriak.
16. gaia._Pertsona Fisikoen Errentaren zergapetzea (II): Zergapekoen batasuna: mugatzeko arazoak eta haien aurreko alternatibak. Tarifak eta tarifen arazoak. Autolikidazioa. Ondorio ekonomikoak eta gaur eguneko balorazioa.
17. gaia._Sozietateen zergapetzea: kontzeptua eta ezaugarriak. Justifikazioa. Zerga oinarria: arazoak eta zehazteko alternatibak. Karga-tasak eta onura fiskalak. Zergaren eragina. Pertsona fisikoen errentaren gaineko zergarekiko integrazioa.
18. gaia._Gastuaren zergapetzea: justifikazioa eta sailkapena. Gastuaren gaineko zerga pertsonala: kontzeptua, aurrekariak eta deskripzioa; ondorio ekonomikoak eta gaur eguneko balorazioa.
19. gaia._Salmenten zergapetze orokorra: kontzeptua eta sailkapena. Balio erantsiaren gaineko zergak: tipologia eta arazoak. Eragina eta balorazioa.
20. gaia._Kontsumo berariazkoen zergapetzea. Justifikazio-arrazoiak. Bilakaera eta gaur eguneko motak. Eragina eta ondorio ekonomikoak. Kuota finkoa versus ald valorem zergapetzea. Kanpoko salerosketaren gaineko zergapetzea.
21. gaia._Tributu ereduen joerak. Gaur egun indarra duten ereduei egiten zaizkien kritikak. Zergapetze mota berriak. ordenamendu zergak, zerga ekologikoak eta finantza-transakzioen gaineko tasa. Berrikuntza fiskaletarako proposamenak.
22. gaia._Defizit publikoa eta Ogasun berezia. Definizioak eta finantzabideetarako tresnak. Zor publikoa: kontzeptua, motak eta ondorio ekonomikoak: zorraren zama. Aktibo publikoen pribatizazioak. Inflakzioa zerga gisa. Defizitaren ondorio ekonomikoak: zabalpena eta kanporatze-efektua.
23. gaia._Ogasun maila aniztuna. Federalismo fiskalaren printzipioak. Eskumenen banaketa eta finantzabide ereduak. Gobernuarteko dirulaguntzak. Nazioarteko Ogasuna: nazioarteko zergapetze bikoitza; armonizazio fiskala.
24. gaia._Plangintza fiskala, banakakoa eta enpresariena. Plangintza fiskala aztertzeko metodoak: erabilera-kostuaren kontzeptua, tasa-mota eraginkorrak eta barneko itzulketa-tasen kalkulua zergen arabera egokitua. Urteko zerga tasa baliokidearen kontzeptua. Epe laburrerako eta epe luzerako aurrezki-tresnei nola aplikatu.
Espainiako finantza sistema
1. gaia._Espainiako finantza sistemaren egitura instituzionala. Agintea monetaren kontuan. Finantzetarako bitartekoak. Finantza-merkatuak
2. gaia._Espainiako Bankua. Zuzendaritza organoak. Eginkizunak. Kreditu entitateen zuhurtziazko gainbegiratzea. Moneta politikaren exekuzioa. Banku Zentralen sistema europarra eta Europako Banku Zentrala.
3. gaia._Kreditu Entitateak. (I). Kreditu entitateen jarduera Europar Batasunaren esparruan. Kutxako legezko koefizientea. Kaudimen koefizientea. Kaudimen eta kontrol arauak. Gordailuak bermatzeko fondoak.
4. gaia._Kreditu Entitateak (II). Banketxeak. Aurrezki kutxak. Gobernu organoak. Autonomia erkidegoen eskumenak. Kreditu kooperatibak.
5. gaia._Bankuko eragiketa-multzoa: bankuaren mailegua, krediku-kontuaren irekitzea eta bankuaren deskontua. Sinaduraren arriskua: abala eta agiri bidezko kreditua. Gordailuko ziurtagiriak eta bankuko zor-agiriak. Aktiboen aldi baterako lagapenak. Bankuaren konpentsazioa. Bankuaren isilpea.
6. gaia._Beste bitarteko batzuk, finantzarako beste laguntzaile batzuk. Krediturako finantza-establezimenduak. Jarduteko modua: leasing-a eta factoring-a. Elkarrentzako bermea duten sozietateak. Arrisku-kapitaleko sozietate eta fondoak. Tasaziorako sozietateak. Kalifikaziorako agentziak.
7. gaia._Inbertsio kolektiboko erakundeak. Higigarrien inbertsiorako sozietate eta fondoak. Higiezinen inbertsiorako sozietate eta fondoak.
8. gaia._Baloreen merkatuari buruzko legea: aplikazio esparrua. Negoziatzeko moduko balorearen kontzeptua. Kontuko oharren bidez adierazitako baloreak. Merkatu primarioa. Baloreen jaulkipena.
9. gaia._Baloreen Merkaturako Batzorde Nazionala. Inbertsio-zerbitzuen enpresak. Baloreen sozietate eta agentziak. Kartera bat kudeatzen duten sozietateak. Inbertsio-bermearen fondoa.
10. gaia._Diru merkatuak. Bankuen arteko merkatuak. Baloreen merkatu deszentralizatuak: zor publiko agertarazia, errenta finko pribatuaren AIAF merkatua. Garrantzi ekonomikoa. Tresna negoziatuak. Antolamendua. Jarduteko modua. Merkatu hipotekarioa: hipotekaren tituluak.
11. gaia._Kapitalen merkatuak. Errenta aldakorra eta errenta finkoa. Merkatu primarioa. Akzioak saltzeko eskaintza publikoak. Merkatu sekundarioa: Baloreen Burtsa. Kontratazio sistemak. Bigarren merkatua. Merkatu eratorriak. Aukera kontratuak eta etorkizun negoziatuak.
12. gaia._Merkatu sekundario ofizialetan kontratatzeko arauak. Eragiketen likidazioa eta konpentsazioa. Baloreak erosteko eskaintza publikoak. Negoziatzekotzat hartutako baloreen kontratuak. Batzordea. Burtsako salerosketa. Burtsako eragiketa motak: eskurako eta eperako eragiketak. Krediturako eragiketak. Balore berezien erosketa.
13. gaia._Kreditu titulazioa. Nozioa eta agente esku-hartzaileak. Hipoteka titulazioaren fondoak. Titulu fondoen sozietate kudeatzailea. Titulazio bonoak. Hipotekaz kanpoko kredituen titulazioa.
14. gaia._Finantza-jardueraren arriskuak. Arriskuaren kontzeptua eta arrisku motak. Neurketa eta kontrola. Tresna eratorrien arriskuak eta kontatuko merkatuen gaineko ondorioak. Merkatu antolatuetan negoziatu gabeko produktu eratorriak: forward-forward gordailuak, etorkizunek korritu-tasei buruzko erabakiak (FRA) eta finantza-trukeak (Swap). Warrants. cap, floor eta collar kontratuak. Produktu egituratuak.
15. gaia._Nazioarteko finantza-merkatuak. Dibisen merkatuak. Kanbio tasa. Kanbio tasa zehazteko prozedurari buruzko teoriak. Eragiketa motak dibisen merkatuan: eskurako eta eperako transakzioak, trukeak. Nazioarteko kredituen merkatuak: bonoak eta mailegu sindikatuak. Bestelako jaulkipenak eta nazioarteko kolokazioak.
16. gaia._Atzerriko herrien inbertsioak Espainian. Espainiaren inbertsioak atzerrian. Bi inbertsio motetarako araubidea.
17. gaia._Aseguru sektorea. Aseguru enpresak. Aseguruetan sartu eta jarduteko baldintzak. Hornidura teknikoak eta kaudimen marjina. Bermearen fondoa. Administrazioaren kontrola aseguru jardueren gainean. Aseguruen Konpentsazio Partzuergoa.
18. gaia._Aseguruen eragiketaren osagai nagusiak. Aseguru kontratua: xedapen orokorrak. Kalteetarako asegurua.
19. gaia._Pertsonen aseguruak. Pentsioetarako planak: motak, oinarrizko printzipioak eta araubide finantzarioa. Pentsio fondoak: araubide finantzarioa, kudeaketa eta gordailu entitateak.
LAUGARREN ARIKETA
Nafarroako Finantzen eta Zergen Zuzenbidea
I._Parte orokorra eta zergei buruzko prozedurak.
1. gaia._Finantza-zuzenbidea: kontzeptua, autonomia eta edukia. Ogasun publikoa Espainiako Konstituzioan.
2. gaia._Estatuko Aurrekontu Orokorrak: edukia, aurrekontu-egiturak, mugak eta aurrekontuen aldaketak. Nafarroako Ogasun Publikoari buruzko Foru Legeak gai hauek nola arautzen dituen.
3. gaia._Gastu publikoa egiteko prozedura orokorra. Nafarroako Ogasun Publikoarekiko zorren iraungipena. Gastu publikoa egiteko prozedura bereziak. Nafarroako Ogasun Publikoaren betebeharrak.
4. gaia._Finantza-jarduera publikoaren kontrola. Barreneko kontrola eta kanpoko kontrola: kontzeptua, kontrol organoak, motak eta aplikazio esparrua. Zergen eta mugen finantza kontrola. Kontu-hartzailetza Nafarroan.
5. gaia._Finantza-zuzenbidea: kontzeptua eta edukia. Tributu Zuzenbidearen iturriak. Zergei buruzko ordenamenduaren printzipioak.
6. gaia._Nafarroako zerga arauen aplikazioa eta interpretazioa. Denbora-esparrua eta toki-esparrua. Legearen kontrako iruzurra. Analogia Zergen Zuzenbidean. Simulazioa.
7. gaia._Tributuak: kontzeptua, helburuak eta motak. Harreman juridiko-tributarioa. Zergapeko egitatea. Loturarik eza nahiz salbuespena. Salbuespen subjektiboak eta objektiboak. Sortzapena. Preskripzioa.
8. gaia._Zerga oinarria: kontzeptua eta zehaztu edo kalkulatzeko araubideak. Likidazio-oinarria Tributu kuota. Tributu zorra. Tributu zorraren bermeak.
9. gaia._Tributudunak: motak. Eskubideak eta bermeak. Subjektu pasiboak. Zergapekoa. Tributu arloan jarduteko ahalmena. Ordezkaritza. Helbide eta bizileku fiskala.
10. gaia._Zerga gaietarako arduradunak. Zerga gaietako erantzukizuna. Erantzule solidarioak eta subsidiarioak. Ondorengoak eta atxikitako ondasunen eskuratzaileak. Atxikitzailea eta konturako sarrera egiteko obligazioa duena. Bestelako tributudunak.
11. gaia._Tributuen kudeaketa (I). Kontzeptua eta ezaugarriak. Tributudunari informazioa eta laguntza ematea. Zergei buruzko kontsulta. Gizarte lankidetza. Entitate laguntzaileak. Identifikazio fiskalerako zenbakia. Zentsuaren kudeaketa.
12. gaia._Tributuen kudeaketa (II). Tributu kudeaketaren prozedura: Hastapena. Tributu aitorpena. Autolikidazioak. Salaketa publikoa. Ebatzi beharra eta ebazteko epeak. Entzunaldia eta alegazioak. Jakinarazpenak. Froga.
13. gaia._Tributuen kudeaketa (III). Egiaztatzeko eta ikuskatzeko jarduketak. Egiaztapen laburtua. Balioen egiaztapena. Tributuaren arloko likidazioak: izera eta motak.
14. gaia._Tributuen kudeaketa (IV). Datuen komunikazioak. Lagundu beharra. Agintariek eta instituzioek datuak emateko duten obligazioa. Tributu informazioaren izaera eta xedeak. Fakturazio betebeharra. Hirugarren pertsonekiko eragiketen urteko aitorpena. Okerreko diru-sarreren itzulketa. Autolikidazioen zuzenketa eta zergetan eragina duten egintzen inpugnazioa eta konturako atxikipen eta sarrerena.
15. gaia._Dirubilketaren kudeaketa (I). ezaugarriak eta legezko araubidea. Ogasun Publikoaren dirubilketa organoak. Zorren iraungitzea. Ordainketa. Preskripzioak. Ordainezintasunak. Zorraren barkamena.
16. gaia._Bilketaren kudeaketa (II). Ordainketa arbitratzeko formula bereziak. Gerorapenak eta zatikako ordainketak. Konpentsazio prozedura. Finantza-entitateen eginkizuna dirubilketan.
17. gaia._Premiamendu bidezko dirubilketaren prozedura. Kontra egiteko arrazoiak. Bahitzeko, gordailatzeko eta besterentzeko prozedura.
18. gaia._Tributu zorrak jasotzeko pribilejioak. Administrazio Publikoa eta prozesu konkurtsalak. Hirugarrengotza. Egintza zibil eta penalak.
19. gaia._Zergak ikuskatzeko prozedura (I). Tributuen ikuskapena: eginkizunak, antolaketa, eskubideak eta betebeharrak. Ahalmenak. Jarduketa motak. Zergen arloan garrantzitsua den informazioa lortzeko jarduketak. Informazio eta aholkurako jarduketak.
20. gaia._Zergak ikuskatzeko prozedura (II). Egiaztatzeko eta ikertzeko jarduketak. Jarduketen tokia eta denbora. Prozeduraren hasiera, garapena eta bukaera. Zergapekoen eskubideak eta bermeak egiaztatzeko eta ikertzeko prozeduretan. Ikuskapen jardueraren agiriak. Zehapenak ezartzea.
21. gaia._Tributu arloko arau-hauste eta zehapenak (I). Kontzeptua. Araudia. Sujetos Zehapenaren egileak. Arau-hauste arin eta larriak. Tributu-zehapenak. Tributu gaietako zehapenak mailakatzeko irizpideak. Tributu gaietako zehapenen ondoriozko erantzukizunaren iraungitzea.
22. gaia._Tributu arloko arau-hauste eta zehapenak (II). Zerga arloko zehapenak ezartzeko prozedura. Zergapekoen eskubideak eta bermeak zehapen prozeduran. Zehapenak jartzeko organo eskudunak. Prozedura bereizia. Hasiera, instrukzioa, interesatuen entzunaldia, tramitazio laburtua eta ebazpena. Ebazteko epea.
23. gaia._Ogasun Publikoaren aurkako delituak. Ogasun Publikoaren kontrako delitu penalen moten deskripzioa. Mendeapen zibila. Ikuskaritza prozedura Ogasun Publikoaren kontrako delituaren aurrean. Tramitazioa.
24. gaia._Egintzaren berrikuspena bide administratiboan. Berrikuspeneko prozedura bereziak Berraztertzeko errekurtsoa. Nafarroako Foru Auzitegi Ekonomiko-administratiboaren antolamendua. Prozeduran interesa dutenak: gaitasuna, legitimazioa eta ordezkaritza.
25. gaia._Bide ekonomiko-administratiboan aurkatu daitezkeen egintzak. Berrikuspenaren hedapena. Metatzea. Jarduketen betebeharrak. Aurkatzen den egintza bertan behera gelditzea. Prozedura. Berrikusteko errekurtsoa. Bermeen kostuaren itzulketa eta bere murrizketa proportzionala.
II._Parte berezia.
1. gaia._1841eko Lege Itunduaren xedapenak Ogasunaren arloan. Hitzarmen ekonomikoaren eta Itun ekonomikoaren arteko desberdintasunak. Nafarroaren eta Estatuaren arteko Hitzarmen Ekonomikoen historia laburra. Nafarroako Foru Eraentza Hobetu eta Berrezartzeari buruzko Lege Organikoaren arlo horretako xedapenak.
2. gaia._1990eko uztailaren 31ko Hitzarmen Ekonomikoa, 2003ko urtarrilaren 22ko Eguneratze Akordioaren arabera (I). Xedapen orokorrak. Tributu-harmonizazioa. Pertsona Fisikoen Errentaren gaineko Zerga. Ondarearen gaineko Zerga. Egoitzagabeen gaineko zerga. Oinordekotzaren eta Dohaintzen gaineko Zerga.
3. gaia._1990ko uztailaren 31ko Hitzarmen Ekonomikoa, 2003ko urtarrilaren 22ko Eguneratze Akordioaren arabera (II). Sozietateen gaineko Zerga eta Balio Erantsiaren gaineko Zerga. Eragiketak zein tokitan egiten diren. Kudeaketa. Ikuskapena.
4. gaia._1990ko uztailaren 31ko Hitzarmen Ekonomikoa, 2003ko urtarrilaren 22ko Eguneratze Akordioaren (III.a) arabera (III). Zerga bereziak. Zenbait hidrokarburoren txikikazko salmenten gaineko zerga. Aseguruetako primen gaineko zerga. Ondare Eskualdaketen eta Egintza Juridiko Dokumentatuen gaineko Zerga. Jokoaren gaineko tributuak. Tasak. Toki Ogasunak.
5. gaia._1990ko uztailaren 31ko Hitzarmen Ekonomikoa, 2003ko urtarrilaren 22ko Eguneratze Akordioaren (IV.a) arabera. Arbitraje Batzordea. Diru aportazioa. Batzorde Koordinatzailea.
6. gaia._Pertsona Fisikoen Errentaren gaineko Zerga (I). ezaugarriak, helburua eta aplikazio eremua. Zergarekiko lotura: aspektu materialak eta pertsonalak. Zerga oinarria eta likidazio oinarria ezartzeko arau orokorrak. Zergapeko errenta zehaztea: lan etekinak.
7. gaia._Pertsona Fisikoen Errentaren gaineko Zerga (II). Zergapeko errenta zehaztea: higigarrien eta higiezinen kapitalaren etekinak, enpresa jardueren edo jarduera profesionalen etekinak
8. gaia._Pertsona Fisikoen Errentaren gaineko Zerga (III). Ondare gehikuntza eta gutxitzeak. Errentak egoztea, nazioarteko gardentasun fiskala eta Inbertsio Kolektiboko Erakundeak.
9. gaia._Pertsona Fisikoen Errentaren gaineko Zerga (IV). Errenten integrazioa eta konpentsazioa. Likidazio-oinarria Zergaren kalkulua: kuota osoa, likidoa eta diferentziala. Tributu-zorra.
10. gaia._Pertsona Fisikoen Errentaren gaineko Zerga (V). Taldeko tributazioa. Zergaldia eta zergaren sortzapena. Zergaren kudeaketa: aitorpenak. Atxikipenak eta konturako beste ordainketa batzuk. Likidazioak. Obligazio formalak.
11. gaia._Egoitzagabeen errentaren gaineko zerga eta Tributu Arauak (I): ezaugarriak, helburua eta aplikazio eremua. Elementu pertsonalak. Zergarekiko lotura.
12. gaia._Egoitzagabeen errentaren gaineko zerga eta Tributu Arauak (II): establezimendu iraunkorren bitartez eskuratutako errentak. Establezimendu iraunkorrik gabe eskuratutako errentak. Erakunde ez-egoiliarren ondasun higiezinen gaineko karga-tasa bereziak. Beste xedapen batzuk.
13. gaia._Pertsona Fisikoen Ondarearen gaineko Zerga.Ezaugarriak, helburua eta aplikazio eremua. Zergapeko egintza eta ondasun salbuetsiak. Subjektu pasiboa. Ondareko elementuen zergapetzea eta egozketa. Zerga oinarria eta likidazio oinarria. Sortzapena. Tributu zorraren zehaztapena. Zergaren kudeaketa.
14. gaia._Sozietateen gaineko Zerga (I). Izaera eta aplikazio eremua. Zergapeko egintza. Subjektu pasiboa. Salbuespenak. Zerga oinarria: kontzeptua eta zehaztapen araubideak. Dirusarrera eta gastuen aldi bateko egozketa.
15. gaia._Sozietateen gaineko Zerga (II). Amortizazioen eta probisioen kenkariak izateko bidea. Kenkaririk sortzen ez duten gastuak. Finantza errentamentua. Balorazio arauak. Zuzentasun monetarioa. Ohiz kanpoko etekinen berrinbertsioa. Azpikapitalizazioa.
16. gaia._Sozietateen gaineko Zerga (III). Likidazio-oinarria Likidazio oinarriaren murrizketak. Zergaldia eta zergaren sortzapena. Karga-tasak. Ezarpen bikoitza saihesteko bideak.
17. gaia._Sozietateen gaineko Zerga (IV). Hobariak eta pizgarriengatiko kenkariak. Ordainketa zatikatua. Atxikipenak eta konturako sarrerak. Entitateen aurkibidea. Berariazko betebehar formalak eta erregistroari dagozkionak. Aitorpenak, likidazioak eta itzulketak.
18. gaia._Sozietateen gaineko Zerga (V). Salbuespen partziala duten entitateen araubidea. Ondare sozietateen araubidea. Etxebizitzak errentan ematea jardueratzat duten entitateak. Zerga-bateratzerako erregimena.
19. gaia._Sozietateen gaineko Zerga (VI). Bat-egiteak, zatiketak, aktiboen ekarpenak eta baloreen trukea. Beste araubide berezi batzuk: aipamena eta oinarrizko ezaugarriak.
20. gaia._Oinordetzen eta Dohaintzen gaineko Zerga. Izaera eta xedea. Zergapeko egintza. Salbuespenak. Subjektu pasibo eta erantzuleak. Zerga-oinarria. Likidazio-oinarria Tributu-zorra. Sorrarazpena eta preskripzioa. Arau bereziak.
21. gaia._Balio Erantsiaren gaineko Zerga (I). Izaera eta aplikazio eremua. Ondasun-ematea eta zerbitzu-emateak. BEZaren eragina Ondare Eskualdaketen eta Egintza Juridiko Dokumentatuen gaineko zergan. Zerga-loturarik gabeko eragiketak.
22. gaia._Balio Erantsiaren gaineko Zerga (II). Ondasunen erosketak Europar Batasunaren barrenean. Zergapeko egitatea. Loturarik eza. Salbuespenak Europar Batasunaren barreneko ondasun entregetan, egiteko tokia, sortzapena, zerga oinarria eta subjektu pasiboa. Ondasunen inportazioak: zergagaia, salbuespenak, sortzapena, zergapeko egintza eta subjektu pasiboa.
23. gaia._Balio Erantsiaren gaineko Zerga (III). Salbuespenak: barnekoak, esportazioei buruzkoak, esportazioen baliokidetzat hartutako eragitekei buruzkoak, barruti salbuetsiei burzukoak eta suspentsio araubideei buruzkoak. Zergagaiaren kokalekua.
24. gaia._Balio Erantsiaren gaineko Zerga (IV). Zergaren sortzapena. Zerga oinarria: arau orokorra eta arau bereziak. Subjektu pasiboa. Zergaren eragina eta zerga tasak.
25. gaia._Balio Erantsiaren gaineko Zerga (V). Kenkariak: kenkaria izateko eskubiderako betebeharrak eta mugak. Jarduera bereiziko sektoreen kenkarien araubidea. Hainbanaketaren erregela. Kenkarien erregularizazioa. Enpresari edo lanbide jarduerak hasi aurreko kenkariak. Itzulketak.
26. gaia._Balio Erantsiaren gaineko Zerga (VI). Araubide bereziak. Arau orokorrak. Araubide erraztua. Abeltzaintza, nekazaritza eta arrantzaren araubide berezia. Ondasun erabilien, arte-gauzen, zaharkinen eta bilduma-gauzen araubide berezia.
27. gaia._Balio Erantsiaren gaineko Zerga (VII). Inbertsioko urre bidezko eragiketen araubide berezia. Bidaia-agentzien araubide berezia. Baliokidetasun errekarguaren araubide berezia. Bide elektronikoaz emandako zerbitzuen araubide berezia. Subjektu pasiboen betebeharrak. Zergaren kudeaketa. Dirusarrera bertan behera gelditzea. Arau-hausteak eta zehapenak
28. gaia._Ondare-eskualdaketen eta egintza juridiko dokumentatuen gaineko zerga (I). Izaera eta aplikazio eremua. Kostu bidezko ondareen eskualdaketak. Zergapeko egintza, subjektu pasiboa, zerga oinarria, tributu-kuota, arau bereziak. Sozietate Eragiketak: zergapeko egintza, subjektu pasiboa, zerga oinarria, tributu-kuota eta arau bereziak.
29. gaia._Ondare-eskualdaketen eta egintza juridiko dokumentatuen gaineko zerga (II). Egintza Juridiko Dokumentatuak: tributazioa. Hiru karga motei aplikatzen zaizkien xedapenak. Salbuespenak, baloreen egiaztapena. Formazko betebeharrak. Zergaren kudeaketa eta likidazioa.
30. gaia._Zerga bereziak. Izaera. Motak. Zergapeko egintzak, elementu pertsonalak eta tributu zorraren kalkulua. Zenbait garraiobideren gaineko zergari buruzko aipamen berezia: zergapeko egintza, salbuespenak, itzulketak, subjektu pasiboak, sortzapena, zerga oinarria eta zerga tasa, likidazioa eta ordainketa.
31. gaia._Aseguru sarien gaineko zerga. Fundazioen eta laguntza jardueren zerga araubidea. Kooperatiben araubide fiskala.
32. gaia._Tasa fiskalak: kontzeptua, aplikazio esparrua, zergapeko egintza, subjektu pasiboa, erantzuleak, sortzapena, kudeaketa eta likidazioa. Ezarritako tasa nagusiak. Prezio publikoak.
33. gaia._Nafarroako Toki Ogasunen finantzabidea. Nafarroako Toki Ogasunek finantzatzeko dituzten baliabideak. Jarduera ekonomikoen gaineko zergaren eta Lurraren gaineko kontribuzioaren azterketa berezia. Lurralde Aberastasunaren Erregistroa.
34. gaia._Araubide arrunteko autonomia erkidegoen finantzabidea: printzipioak eta finantza-baliabideak. Tributu lagatuen eta erantzunkidetasun fiskalaren araubideari buruzko aipamen berezia.
35. gaia._Ekonomia eta Ogasun Departamentua: aurrekariak, eginkizunak eta egitura. Nafarroako Zerga Ogasuna erakunde autonomoa: egitura eta eginkizunak.
Gai guztiak 2005eko abenduaren 31n indarra duen legeriak agindu bezala garatu behar dira.
Iragarkiaren kodea: F0603698
Sarbidea
Nafarroako Aldizkari Ofiziala
Paseo Pablo Sarasate, 38, 2.º izda.
31001 - Iruña
848 42 12 50