27. ALDIZKARIA - 2006ko martxoaren 3a

II. NAFARROAKO TOKI ADMINISTRAZIOA

2.3. BESTELAKO XEDAPENAK

2.3.2. Kontratazioa, obrak eta zerbitzu publikoak

CASTEJON

Lizitazio iragarkia, aseguruak kontratatzeko

Nafarroako Administrazio Publikoen kontratuak arautzen dituzten arauei buruzko ekainaren 16ko 10/1998 Foru Legean ezarritakoa betetzeko, aditzera ematen da Castejongo Udalak, 2005eko abenduaren 30eko osoko bilkuran hartutako erabakiaren bitartez, lehiaketa publikorako deialdia egin zuela. Hona hemen ezaugarriak:

Kontratuaren xedea: aseguru polizak, Castejongo Udalak hitzartu beharrekoak.

Adjudikatzeko prozedura: irekia. Adjudikatzeko modua: lehiaketa. Tramitazio arrunta.

Kontratazioaren aurrekontua:

a) Erantzukizun zibila: 9.700,00 euro.

b) Bizi-aseguru kolektiboa: 3.549,45 euro.

c) Norbanakoaren istripu-asegurua: 9.600,00 euro.

d) Arrisku anitzeko asegurua: 14.400,00 euro.

e) Herriko festetako asegurua: 800 euro egunean.

f) Ibilgailuen asegurua: 4.092,87 euro.

Baldintzen plegua: lizitatzaileen eskura dago udal bulegoetan, jendea hartzeko orduetan, astelehenetik ostiralera, 10:30etik 14:00ak arte.

Proposamenen aurkezpena: Castejongo Udalaren erregistro orokorrean, 26 egun naturaleko epean, iragarki hau Nafarroako ALDIZKARI OFIZIALean argitaratu eta biharamunetik hasita; egun hura baliogabea bada, hurrengo egun baliodunera arte luzatuko da.

Proposamen eredua: klausula administratibo partikularren pleguan ageri da.

Castejonen, 2006ko otsailaren 17an._Alkate udalburua, Francisco Javier Sanz Carramiñana.

Iragarkiaren kodea: L0602920