21. ALDIZKARIA - 2006ko otsailaren 17a

I. NAFARROAKO FORU KOMUNITATEA

1.3. BESTELAKO XEDAPENAK

1.3.4. Dirulaguntzak eta bekak

52/2006 EBAZPENA, urtarrilaren 25ekoa, Eskola eta Lanbide Irakaskuntzaren zuzendari nagusiak emana, helduendako euskararen irakaskuntza sustatzen duten entitate pribatuei (euskaltegi eta gau-eskola pribatuei) 2006. urtean laguntzak emateko deialdia onesten duena.

Euskara Zerbitzuak aurkeztutako txostena ikusirik, non adierazten baita helduendako euskararen irakaskuntza sustatzen duten entitate pribatuei 2006. urtean dirulaguntzak ematea arautzeko deialdia onetsi eta hura argitaratu beharra.

Nafarroako Foru Komunitateko Administrazioa arautzen duen abenduaren 3ko 15/2004 Foru Legearen 22.1 artikuluko d) idatz-zatiak ematen dizkidan ahalmenak erabiliz,

EBATZI DUT:

1. Helduendako euskararen irakaskuntza sustatzen duten entitate pribatuei (euskaltegi eta gau-eskola pribatuei) 2006. urtean laguntzak emateko deialdi hau eta eranskinak onestea.

2. 233.600 euroko gastua baimentzea, deialdi honetatik heldu direnak ordaintzeko. Gastuak 2006ko gastuen aurrekontuko "Gau-eskolendako dirulaguntzak" izeneko 421001-41400-4819-322900 kontusailaren kargura pagatuko dira.

3. Ebazpen hau eta eranskinak Nafarroako ALDIZKARI OFIZIALean argitaratzeko agindua ematea.

4. Ebazpen hau eta eranskinak igortzea Ekonomia eta Ogasun Departamentuak Hezkuntzakoan duen kontu-hartzaile delegatuari, Kudeaketa Ekonomikoaren Bulegora, Euskara Zerbitzura eta zerbitzu horretako Euskararen Didaktika Atalera, Euskara Helduei Irakasteko eta Ziurtagiriak Emateko Bulegora eta Administrazio Bulegora, behar diren ondorioak izan ditzaten.

Iruñean, 2006ko urtarrilaren 25ean._Eskola eta Lanbide Irakaskuntzaren zuzendari nagusia, Fermín Villanueva Ferreras.

I. ERANSKINA

Deialdiaren arauak

Lehen araua: Deialdiaren helburua

Deialdi honek arautzen ditu Nafarroako Gobernuko Hezkuntza Departamentuak Nafarroako Foru Komunitatean egoitza izan eta helduendako euskararen irakaskuntza sustatzen duten entitate juridiko pribatuei (euskaltegi eta gau-eskola pribatuei) 2006. urtean ematen dizkien laguntzak. Laguntza horien barnean sartzen dira 2005-2006 ikasturteko azken bi hiruhilekoak eta uda, eta 2006-2007 ikasturteko lehen hiruhilekoa.

Bigarren araua: Ikastaro motak

2006ko dirulaguntzak ondoko ikastaro mota hauen arabera emanen dira:

a) Arruntak: astean 3 ordukoak, gutxienez.

b) Barnetegiak: ikastaldiko 90 ordukoak, gutxienez.

Hirugarren araua: Dirulaguntzen moduluak

2006ko laguntzetarako erreferentzia modulua honako hau izanen da:

_Araubide arrunta: 0,43 euro ikasle eta orduko.

_Barnetegi araubidea: 3,50 euro ikasle eta orduko.

Laugarren araua: Betebeharrak

Nafarroako Foru Komunitateko euskaltegi eta gau-eskola pribatuek dirulaguntza hauek jaso nahi badituzte, zenbait baldintza bete beharko dituzte. Batetik, dirulaguntzei buruzko azaroaren 9ko 11/2005 Foru Legean ezarritakoak (Nafarroako Foru Komunitatearen Administrazioak eta bere erakunde autonomoek dirulaguntzak nola eman, kudeatu eta kontrolatu behar dituzten arautzen da), eta bestetik, 161/1988 Foru Dekretuaren bidez onetsitako Erregelamenduko 3. artikuluan ezarritakoak (Erregelamendu horrek helduendako euskararen irakaskuntza sustatzen duten entitate pribatuei laguntzak nola eman arautzen du).

Bosgarren araua: Egiaztagiriak

5.1. Dokumentazioa, Euskara Zerbitzura zuzendua, 6. arauan ezarritako epeetan aurkeztu beharko dena Nafarroako Gobernuko Erregistro Orokorrean edo Hezkuntza Departamentuko Erregistroan edo azaroaren 26ko 30/1992 Legearen 38.4 artikuluan ezarritako edozein bide erabiliz:

a) Euskaltegiaren fitxa (ebazpen honen II. eranskina), ikastegiaren zigiluarekin eta arduradunaren sinadurarekin.

b) Irakasleen nortasun-agiri nazionalen eta ikasketa tituluen eta euskarazko tituluen fotokopia konpultsatuak.

c) Eskola Kontseiluaren osaketa aktaren kopia.

d) Dirulaguntzak ordaindu aurretik, entitate onuradunek, seigarren arauko 6.1 puntuan ezarritako epeetan, Gizarte Segurantzarekiko betebeharrak eguneraturik dituela dioen ziurtagiria aurkeztu beharko dute.

e) Eskola egutegia. Egutegi horretan bilduko dira ikasturtearen hasteko eta bukatzeko egunak, irakastegunak, jaiegunak eta asteko eskola ordutegia.

f) Ikasleen ordainagirien edo urteko edo hiruhileko izen-emate orrien kopiak edo fotokopiak.

g) Ikastegiak eratu berriak badira, aurreko agiriez gainera, ondoko hauek ere aurkeztu beharko dira: Ekonomia eta Ogasun Departamentuaren "Transferentzia bidezko ordainketa" izeneko inprimakia, ondasun eta materialen inbentarioa eta ikastetxearen planoa.

5.2. Dokumentazioa (ebazpen honen II., III. eta IV. eranskinak), Euskara Zerbitzura zuzendua, euskarri informatikoan. Fitxa horien atal guztiak behar bezala bete beharko dira. Helbide elektronikoa: heldueneusk@cfnavarra.es

5.2.1. Euskaltegia (II. eranskina)._Atal honetan informazio hau agertu beharko da:

a) Ikastetxearen datuak (izena, helbidea, herria eta IFZ).

b) Ikastetxeko arduradunaren datuak.

c) Urteko aurrekontua (langileriaren, Gizarte Segurantzaren eta funtzionamenduaren kontusailak zehaztuko dira). Hezkuntza Departamentukoez gainera, beste entitate publiko batzuetatik dirulaguntzak jasoz gero, zein entitatek eman dituen eta zenbat diru eman duen ere aitortu beharko da. Halaber, euskaltegiak ikasle bakoitzari hileko, hiruhileko, lauhileko edo urte osoko zer kuota kobratzen dion adierazi beharko da.

d) Irakasleen eta irakasle ez diren langileen zerrenda, honako hauek zehaztuz:

_Izen-deiturak (NANeko grafia berarekin), jaioteguna, helbidea, telefonoa eta titulazioa.

_Irakasleen eta irakasle ez direnen asteko lan ordutegia, non zehaztuko diren eskola orduak eta zein mailatan ematen diren, eta irakaskuntzakoa ez den beste zernahi ardura ere.

e) Ikastegiko zuzendariak edo arduradunak sinaturiko zinpeko aitorpena, zeinetan egiaztatuko den aurkezten diren datuak eta dokumentazioa egiazkoak direla.

5.2.2. Ikasle taldeak (III. eranskina)._Atal hau eguneratu beharko da ikasturteko hiruhileko guztietan. Hartan agertu beharko dira ikasle taldeen gainean eskatutako datu hauek:

a) Talde bakoitzaren datuak: identifikazio zenbakia, hasierako ikasketa maila (edo urratsa), esleitutako irakaslea eta haren titulazioa eta ikasle kopurua.

b) Asteko eskola ordutegia eta irakastordu kopurua. Barnetegietan zehaztu beharko da barnetegi aldi bakoitzean zenbat irakastegun izanen den.

c) Ikasturtea hasteko eta bukatzeko egunak.

5.2.3. Ikasleak (IV. eranskina)._Atal hau ere ikasturteko hiruhileko guztietan eguneratu beharko da eta hartan ikasleen gainean eskatutako datu hauek agertu beharko dira:

_Ikasleen zerrenda, alfabetoaren araberako hurrenkeran eta nortasun-agiri nazionaleko grafiarekin. Bertan agertuko dira: helbidea, NANa, taldea eta maila.

Seigarren araua: Aurkezteko eta ebazteko epeak

6.1. Dirulaguntzaren eskaera eta aurreko arauan eskatutako dokumentazioa edo, kasua bada, haren eguneratzea, ondoko epe hauetan aurkeztuko dira:

_Ebazpen hau Nafarroako ALDIZKARI OFIZIALean argitaratzen den egunetik 15 egun naturaleko epean, 2005-2006 ikasturteko 2. hiruhilekoari dagozkion dirulaguntzetarako.

_Maiatzaren 5a baino lehenago, 2005-2006 ikasturteko 3. hiruhilekoari dagozkion dirulaguntzetarako.

_Irailaren 15a baino lehenago, 2006ko udaldiari dagozkion dirulaguntzetarako.

_Urriaren 31 baino lehenago, 2006-2007 ikasturteko 1. hiruhilekoari dagozkion dirulaguntzetarako.

6.2. Dokumentazio osatu gabeak zuzentzeko 7 egun natural izanen dira, gehienez.

Ezarritako epeetatik kanpo ez da eskaerarik onartuko.

6.3. Batzorde batek ebaluatuko ditu eskaerak. Batzordekideak, hauexek: Euskara Zerbitzuko zuzendaria, dirulaguntzen deialdiaren ardura duen teknikaria eta Administrazio Bulegoko burua.

6.4. Euskara Zerbitzuko zuzendariak prozeduraren instrukzioa bideratuko du eta, batzordeak egindako ebaluazioari jarraikiz, ebazpen proposamena eginen du.

6.5. Deialdi honen xede diren dirulaguntzak Eskola eta Lanbide Irakaskuntzaren zuzendari nagusiak hilabeteko epean ebatziko ditu, eskaera eta behar den dokumentazioa aurkezteko epea bukatu eta biharamunetik hasita.

6.6. 2006ko ekainaren 16a baino lehenago, eskatzaileek irakasleen Gizarte Segurantzako 2005-2006 ikasturteko TC1 eta TC2 kotizazio agirien fotokopia aurkeztu beharko dute.

Zazpigarren araua: Aldaketak taldeen ezaugarrietan

Talderen baten ezaugarrietan aldaketaren bat gertatzen bada (dela taldea desagertu delako, dela irakaslez aldatu delako ...), horren berri eman beharko zaio Euskara Zerbitzuari 15 eguneko epean gehienez, edo, betiere, hurrengo hiruhilekoaren dokumentazioa aurkezten denean. Hala eginen ez balitz, ez da dagokion dirulaguntza ordainduko.

Zortzigarren araua: Hainbanaketa

Aipatu dirulaguntzak ordainduko dira harik eta Aurrekontuen Legeak horretarako ezartzen duen aurrekontu-saila bukatu arte. Hirugarren arauan ezarritako moduluak aplikatu ondoren 2006-2007 ikasturteko lehen hiruhilekoari dagozkion dirulaguntzak ordaintzeko nahikoa dirurik ez bada, dagoen dirua dirulaguntzaren xede diren eskola-orduen artean hainbanatuko da. Era berean, 2006-2007 ikasturteko lehen hiruhilekoari dagozkion laguntzak ordaindu ondoren erabili gabeko dirua gelditzen bada, soberakin hori onuradunen artean hainbanatuko da.

Bederatzigarren araua: Dirulaguntzen jarraipena eta kontrola

9.1. Ikastegiak erregistro fitxa bat izanen du eta hartan etengabeko ebaluazioaren eta ikaslearen bertaratzearen gaineko datuak anotatuko ditu.

9.2. Ikaslea etengabe ebaluatuko da eta ikasturtearen hasieran eta bukaeran ikaslearen maila zein den jakiteko probak eginen dira. Proba horiek ikasturtean zehar gordeko dira eta euren emaitzak azken ebaluazioaren aktan bilduko dira.

9.3. Administrazioak noiznahi eska ditzake fitxa horiek eta kontabilitateko agiriak, pedagogiakoak edo bestelakoak.

Hamargarren araua: Ez-betetzeak eta arau-hausteak

Arau-hausteei eta zehapenei dagokienez zein dirulaguntzak itzultzeari dagokionez, dirulaguntzei buruzko azaroaren 9ko 11/2005 Foru Legean xedatutakoari lotuko zaio. Foru agindu horren bidez Nafarroako Foru Komunitatearen Administrazioak eta bere erakunde autonomoek dirulaguntzak nola eman, kudeatu eta kontrolatu behar dituzten arautzen da.

Hamaikagarren araua: Administrazio errekurtsoak

Deialdi honen kontra, eta bere ARAUen eta bera aplikatzeko egintzen kontra zilegi izanen da gora jotzeko errekurtsoa jartzea, Hezkuntza Departamentuko kontseilariari zuzendua, hilabeteko epean, ebazpen hau Nafarroako ALDIZKARI OFIZIALean argitaratu edo errekurtsoa jarri nahi zaion egintza jakinarazi eta biharamunetik hasita.

Hamabigarren araua: Dirulaguntzei publizitatea egitea

Emandako dirulaguntzak eta onuradunen zerrendak jendaurrean jarriko dira Eskola eta Lanbide Irakaskuntzaren Zuzendaritza Nagusiko web orrialdean (http://www.pnte.cfnavarra.es).

II. ERANSKINA

Gau-eskola eta euskaltegiek osatu behar duten fitxa. 2005-06

III. ERANSKINA

IV. ERANSKINA

Euskaltegia/Gaueskola: ........................................................ arduraduna: .................................................... telefonoa: ikasturtea: 2005-2006

Taldearen zk.: .................. Hiruhilekoa: ............. Urratsa/Maila: .................... Irakaslea: .......................................

Ikasleak

LEHEN ABIZENA BIGARREN ABIZENA IZENA HELBIDEA PK HERRIA NAN

Data

Iragarkiaren kodea: F0601947