Iragarkia

20. ALDIZKARIA - 2006ko otsailaren 15a

I. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Plantilla Organikoa, Lan Eskaintza Publikoa, oposizioak eta lehiaketak

DEIALDIA, Funtzio Publikoaren zuzendari nagusiak urtarrilaren 16an emandako 146/2006 Ebazpenaren bidez onetsia, Nafarroako Foru Komunitateko Administrazioaren eta haren erakunde autonomoen zerbitzuko Antolaketako erdi mailako teknikari izateko hiru lanpostu oposizio bidez betetzekoa.

Funtzio Publikoaren zuzendari nagusiak, urtarrilaren 16ko 146/2006 Ebazpenaren bidez, Nafarroako Foru Komunitateko Administrazioaren eta haren erakunde autonomoen zerbitzuko Antolaketako erdi mailako teknikari izateko hiru lanpostu oposizio bidez betetzeko deialdia onetsi du.

Hauta-probak lotuko zaizkie abuztuaren 30eko 251/1993 Legegintzako Foru Dekretuaren bidez onetsitako Nafarroako Administrazio Publikoen zerbitzuko Langileen Estatutuaren Testu Bateginean gaiari buruz xedatutakoari, estatutua garatu eta burutzeko sarrera erregelamenduari, gainerako aplikazio arauei eta deialdi honetako arauei.

1._Deialdiaren xedea.

1.1. Deialdi honen xedea antolaketako erdi mailako teknikari izateko hiru lanpostu oposizioz betetzea da. Lanpostuak funtzionarioen araubidekoak dira, B mailakoak, eta Ekonomia eta Ogasun Departamentuko Informazioaren Gizarterako Zuzendaritza Nagusiari atxikiak. 6091, 7478 eta 7479 dira plantillako zenbakiak. Hiruren destinoa Iruña da eta honela banatuta daude, txandari dagokionez:

_1 txanda irekian.

_2 igoera txandan.

1.2. Hauta-probak gainditzeko eskatzen den gutxieneko puntuaziora ez iristeagatik, bete gabe gelditzen bada igoera txandako lanpostu hutsen bat, orduan txanda irekikoei gehituko zaie.

Bestaldetik, igoera txandan hutsik dauden lanpostuak baino izangai gehiagok gainditzen badute, txanda horretan lanpostuak eskuratzen ez dituztenek aukera izanen dute txanda irekiko lanpostu hutsak eskuratzeko, txanda horretako izangaiekin lehian eta eskuratutako azken puntuazioaren arabera.

Era berean, txanda irekiko lanpostu hutsak eskuratzeko aukera izanen dute, aurreko lerroaldean adierazitako moduan, deialdiko 7.2. oinarrian agiriak aurkezteko ezartzen den epea bukatzen denean 2.1.2. atalean ezarritako eskakizun berariazkoak betetzen ez dituzten igoera txandako izangaiek.

1.3. Lanpostuek uztailaren 4ko 158/1984 Foru Dekretuaren bidez onetsiriko Lansarien Behin-behineko Erregelamenduan eta aplikatzekoak diren beste xedapenetan B mailari ezarririko lansariak izanen dituzte.

1.4. Halaber, deialdi honen bidez lanposturik lortzen ez duten izangaiekin aldi baterako kontratatuak izateko izangaien zerrendak osatu nahi dira, 10. arauan xedaturikoarekin bat.

2._Betebeharrak.

2.1. Oposizio honetan onartuak izateko, izangaiek, eskabideak aurkezteko epea amaitzen den egunean eta agiriak aurkezteko epearen barrenean (deialdiaren 7.2 atalean adierazia) eta lanpostuaren jabetza hartu arte, baldintza hauek bete beharko dituzte:

2.1.1. Izangai guztiek bete beharreko baldintzak.

a) Espainiarra izatea, edo Europar Batasuneko beste estatu batekoa, edo, Europar Batasunak izenpetu eta Espainiak berretsitako nazioarteko itunak direla medio, langileen zirkulazio librea aplikatzen den eremuko estatu batekoa.

Orobat, espainiarren eta Europar Batasuneko beste estatuetako edo aipatu nazioarteko itunek ukitutako estatuetako herritarren ezkontideek hartzen ahal dute parte; halaber, haien ondorengoek eta ezkontidearenek, zuzenbidez bereizita ez badaude, 21 urtetik beherakoak badira edo, gorakoak izanik, haien kontura biziz gero.

b) Adin nagusikoa izatea eta erretiroko adina ez izatea.

c) Unibertsitateko Diplomatuaren, Ingeniari Teknikoaren edo Arkitekto Teknikoaren titulua edukitzea, edo haien baliokidea, edo aipatu titulua eskuratzeko baldintza guztiak betetzea eskabideak aurkezteko epea amaitzen den egunean, edo Lizentziatura, Ingeniaritza edo Arkitekturako lehen hiru kurtsoak osorik gaindituak izatea.

Atzerrian lorturiko tituluak badira, homologazioaren egiaztagiria eduki beharko da.

d) Lanpostuaren eginkizunetan aritzeko gaitasun fisiko eta psikikoa izatea.

e) Eginkizun publikoak betetzeko ezgaiturik edo gabeturik ez egotea, eta Administrazio Publiko baten zerbitzutik bereizia ez izatea.

2.1.2. Igoera txandako izangaiek bete beharreko baldintza berariazkoak.

Igoera txandako izangaiek, aurreko idatz-zatian adierazitako betebeharrez gain, hauek bete beharko dituzte:

a) Nafarroako edozein Administrazio Publikotako langile finkoa izatea, eta jatorrizko lanpostuan borondatezko edo nahitaezko eszedentzian ez egotea.

b) Deialdiko lanpostuen maila berean edo beherakoagoan egotea.

c) Administrazio Publikoetan bost urteko antzinatasun aitortua. Nafarroako Polizia Kidegoen kasuan, zortzi urteko zerbitzualdia beharko da.

Nafarroako Administrazio Publikoetan lan egiten duten langileen Estatutuaren xedapen gehigarrietatik zortzigarrenean ezarri dena aplikatuz, igoera txandan esku hartzeko baldintzak betetzen dituzten Nafarroako Parlamentuko funtzionarioek ere txanda horretan parte hartzen ahalko dute.

2.2. Deialdiko 3.3. arauko bigarren puntuan aipatzen den salbuespena salbuespen, izendatuak izateko proposatzen diren izangaiek deialdiko 7.2 idatz-zatian ezarririko epean eta moduan frogatu beharko dituzte betebehar horiek.

3._Eskabideak.

3.1. Deialdian parte hartzeko eskabideak Nafarroako Gobernuko Lehendakaritza, Justizia eta Barne Departamentuko Erregistro Orokorrean (Karlos III.aren etorbidea, 2, atalondoa, 31002 Iruña) edo erregistro horretako beste edozein bulegotan (zerrenda 2005eko 33. Nafarroako ALDIZKARI OFIZIALean argitaratu zen, martxoaren 18an) aurkeztu beharko dira, edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legeko 38.4 artikuluan adierazitako bideren bat erabiliz, deialdia Nafarroako ALDIZKARI OFIZIALean argitaratu eta biharamunetik hogeita hamar egun naturaleko epean.

Eskabideak deialdi honen eranskinean dagoen ereduari lotu behar zaizkio eta, haietan, izangaiek adierazi beharko dute eskatutako baldintza guztiak betetzen dituztela. Eredu hori Nafarroako Gobernuko Argibide Bulegoan dago eskuragarri. Interneten bidez ere lortzen ahal da, www.navarra.es helbidean, bai argitaratzen deneko Aldizkari Ofizialetik abiatuta, bai Zerbitzuen Katalogoko Enplegu Publikoan dagoen deialdiaren aiputik abiatuta.

3.2. Minusbaliotasun aitortua duten lehiatzaileek, ariketak egin ahal izateko denbora edo baliabideetan egokitzapenik behar badute, zilegi izanen dute eskabidean eskatzea, eta hartarako, aparteko orri batean adierazi beharko dute nolako minusbaliotasuna duten eta zer egokitzapen eskatzen duten. Horrekin batera, legeen arabera minusbaliatuak direla frogatzeko agiriaren fotokopia konpultsatua ere aurkeztu beharko dute, organo eskudunak emana.

3.3. Eskabideari, behar bezala bete ondoren, agiri hauek erantsiko zaizkio:

Bat._Nafarroako Foru Komunitateko Administrazioaren kontuan 18 euro ordaindu izana frogatzen duen agiria. Kopuru horrekin espedientearen formalizazioa eta azterketa eskubideak ordainduko dira.

Azterketa eskubideak ordaindu izanaren ordainagiria aurkezten ez bada, izangaia baztertu eginen da.

Honako hauek ez dute tasarik ordaindu beharko:

a) Ehuneko 33ko edo gehiagoko ezgaitasun aitortua dutela frogatzen duten pertsonek, organo eskudunak luzaturiko jatorrizko agiriaren edo behar bezala konpultsaturiko fotokopiaren bidez.

b) Hauta-proben deialdia egin aurretik hilabete batez edo luzaroago lan-eskatzaile gisa inskribaturik egon diren pertsonek. Salbuespen hori aplikatzeko baldintza izanen da inskribaturik egon den bitartean eskainitako inolako lan egokiri uko egin ez izana eta lan-igoera, prestakuntza edo eraberritze ekintzetan parte hartzeari uko egin ez izana, justifikaturiko kasuetan izan ezik, eta, horrez gainera, lanbide arteko gutxieneko soldatatik gorako den dirusarrerarik ez izatea hilabetero.

Lan eskatzailea dela frogatzeko, Enplegu Bulegoak emandako agiria aurkeztu beharko da. Bertan, lan-eskatzaile gisa inskribatu zeneko data agertuko da eta, orobat, adieraziko da inskribaturik egon den bitartean ez diola uko egin handik eskainitako inolako lan egokiri, ez eta lan-igoera, prestakuntza edo eraberritze ekintzetan parte hartzeari ere, justifikaturiko kasuetan izan ezik.

Hilero lanbide arteko gutxieneko lansaritik gorako errentarik ez duela interesatuaren errentaren adierazpenaren bidez frogatuko da. Argibide Bulegoan adierazpenaren eredua emanen da. Interneten, lehen aipatu den webgunean ere aurkitzen ahal da, deialditik beretik.

Bi._Deialdian igoera txandan parte hartzea eskatzen duten izangaiek, Nafarroako Foru Komunitateko Administrazioa ez den beste Nafarroako Administrazio Publiko bateko langile finkoak badira, lehengoaz gainera, deialdi honetako 2.1.2. atalean jasotzen diren eskakizunak betetzen direla frogatzen duen agiria gehitu beharko diote eskabideari.

Eskabidearekin batera aipatu baldintzak kreditatu ezean, igoera txandatik bazterturik geldituko da izangaia.

3.4. Eskabideak aurkezteko epea luzaezina izanen da.

3.5. Eskabidean atzematen diren akats materialak edo egitezkoak ofizioz edo interesatuak eskaturik zuzentzen ahalko dira, noiznahi ere.

4._Izangaien onarpena eta erreklamazioak.

4.1. Eskaerak aurkezteko epea bukaturik, Funtzio Publikoaren zuzendari nagusiak ebazpena emanen du izangai onartu eta baztertuen behin-behineko zerrenda onesteko, eta Nafarroako ALDIZKARI OFIZIALean argitara dadila aginduko.

4.2. Izangai baztertuek hamar egun balioduneko epea izanen dute, behin-behineko zerrenda Nafarroako ALDIZKARI OFIZIALean argitaratzen denetik, erreklamazioak aurkezteko eta, akatsik egin badute, zuzentzeko.

4.3. Erreklamazioetarako epea bukatutakoan eta horien gainean ebatzita, Funtzio Publikoaren zuzendari nagusiak onartu eta baztertuen behin betiko zerrenda onesten duen ebazpena emanen du eta Nafarroako ALDIZKARI OFIZIALean argitara dadila aginduko du.

4.4. Izangaiei egotziriko arrazoiengatik baztertzen direnei ez zaizkie azterketa egiteko eskubideak itzuliko.

5._Epaimahaia.

5.1. Epaimahaia honako kide hauek osatuko dute:

_Mahaiburua: José Luis Yanguas Urman jauna, Ekonomia eta Ogasun Departamentuko Antolamendu Zerbitzuko zuendaria,

Ordezkoa: José Luis Menéndez Rodríguez, Ekonomia eta Ogasun Departamentuko Informazioaren Gizartea Sustatzeko Zerbitzuko zuzendaria.

_Mahaikidea: Asun Rey Escalera, Ekonomia eta Ogasun Departamentuko Foru Administrazioa Modernizatzeko Ataleko burua.

Ordezkoa: Belén Juampérez Eguinoa, Toki Administrazio Departamentuko Berriztapen Ataleko burua.

_Mahaikidea: María del Carmen Vallés López, Ekonomia eta Ogasun Departamentuko Antolaketako goi mailako teknikaria.

Ordezkoa: Andrés Valentín González, Ekonomia eta Ogasun Departamentuko Antolaketako goi mailako teknikaria.

_Mahaikidea: Administrazio Erroko Langileen Batzordearen ordezkari bat, batzordeak berak proposatua.

_Ordezkoa: Administrazio Erroko Langileen Batzordearen ordezkari bat, batzordeak berak proposatua.

Mahaikide-idazkaria: Alberto Ecay Pagoto jauna, Ekonomia eta Ogasun Departamentuko Departamentuekiko Harremanetarako Ataleko burua.

Ordezkoa: Alberto Aldaz Pastor jauna, Ekonomia eta Ogasun Departamentuko teknikaria.

Epaimahaia hauta-probak hasi baino lehen eratuko da.

5.2. Epaimahaia ezin izanen da eratu, ezta aritu ere, gutxienez ere kideen gehiengo osoa bertan ez bada.

Organo kolegiatuaren eraketak eta jardunak balio izateko, mahaiburuak eta mahaikide idazkariak edo haien ordezkoek bertan egon beharko dute.

5.3. Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legean aipatzen diren abstentzio arrazoietako bat gertatzen denean, epaimahaiko kideek ezin izanen dute epaimahaian parte hartu, eta deialdia egin duen organoari eman beharko diote horren berri.

Izangaiek, halaber, zilegi izanen dute mahaikideak errefusatzea, arrazoi horietako bat gertatzen denean.

5.4. Epaimahaiak gehiengoz erabakiko ditu deialdiaren arauak ulertu eta aplikatzerakoan sor daitezkeen afera guztiak.

5.5. Epaimahaiak aholkulari adituak hartzen ahalko ditu, proba guztietarako nahiz batzuetarako. Aholkulari horiek beren espezialitate teknikoetan baizik ez dira ariko eta horietan bakarrik emanen diote laguntza epaimahaiari.

6._Oposizioaren nondik norakoak.

6.1. Oposizioa 2006ko maiatzean hasiko da. Onartu eta baztertuen behin betiko zerrenda onesten duen ebazpenean berean finkatuko dira probak hasteko tokia, eguna eta ordua.

Ondoren, epaimahaiak jakinaraziko ditu gainerako probak egiteko iragarkiak.

6.2. Ondoko ariketa hauek egin beharko dira oposizioaldian:

Lehen ariketa:

Lehen zatia: ingelesezko testu bat gaztelaniara itzuli behar da eta haren edukiaren gaineko galdera batzuei erantzuna eman, ordubetean. Galderak eta erantzunak gaztelaniaz eginen dira.

Bigarren zatia: teoriko-praktikoa, gai zerrendako lehenbiziko zatitik zazpigarrenera bitarte dauden gaien gainean Epaimahaiak proposatuko dituen galdera eta kasu zehatzak jorratu eta erantzun beharko dira. Proba egiteko izangaiek lau ordu izanen dute gehienez.

Bigarren ariketa: teoriko-praktikoa, gai zerrendako lehenbiziko zatitik zazpigarrenera bitarte, biak barne, dauden gaien gainean izanen da. Antolaketa kasu baten analisi osoa egin, planteamendua idatzi, izan litekeen soluzioa bilatu eta sortzen diren galderak erantzun egin beharko dira, lau orduan.

Hirugarren ariketa: teorikoa, idatziz garatu behar da gai zerrendako zortzigarren zatiko gaietatik zortean aterako diren bi gaietako bat. Hori egiteko izangaiek ordubete izanen dute.

6.3. Oposizioko ariketen balorazioan 100 puntu eman daitezke gehienez ere, honela banatuak:

Lehen ariketa:

Lehen zatia: gehienez ere 5 puntu.

Bigarren zatia: gehienez ere 30 puntu.

Bigarren ariketa: gehienez ere 60 puntu.

Hirugarren ariketa: gehienez ere 5 puntu.

6.4. Oposizioko ariketak baztergarriak izanen dira. Oposiziotik baztertuak izanen dira lehenbiziko ariketaren bigarren zatian eta bigarren ariketan puntuazioaren erdira iristen ez diren izangaiak. Bazterturik izanen dira, bestetik, lehenbiziko ariketaren lehen partean eta hirugarren ariketan zero puntuazioa dutenak ere.

6.5. Ariketak zuzendu ondoren, epaimahaiak jendaurrean jarriko du, Nafarroako Gobernuaren iragarki oholean eta ariketa egin den tokian, gainditu duten izangaien zerrenda, lortutako kalifikazioekin eta, halaber, oposizioaren hurrengo proba edo ariketa egiteko tokia, eguna eta ordua, gutxienez 48 ordu lehenago.

6.6. Ariketa bakoitzerako dei bakarra eginen da. Horretarako Nortasun Agiri Nazionala, gidabaimena edo epaimahaiak askiesten duen beste nortasun agiri bat ondoan dutela joan beharko dute izangaiek. Azterketara agertzen ez direnak edo arestian aipatutako agirietako baten bidez beren nortasuna egiaztatzen ez dutenak oposiziotik baztertuko dira.

6.7. Hautapen probak egiteko, ezgaitasun aitorturen bat dutenentzat bidezkoak diren denbora eta baliabide egokitzapenak eginen dira, eskabidean azaldutakoaren arabera.

7._Probak gainditu dituztenen zerrenda, izendapen proposamena eta agirien aurkezpena.

7.1. Oposizioko azkeneko probaren kalifikazioa emanik, epaimahaiak jendaurrean jarriko ditu, Nafarroako Gobernuaren iragarki-oholean, probak gainditu dituztenen zerrenda eta oposizioan lortutako kalifikazioak. Gero, Funtzio Publikoaren zuzendari nagusiari igorriko dio probak puntuaziorik altuenarekin gainditu dituzten eta deialdiko lanpostuen kopuruaren barruan sartzen diren izangaiak izendatzeko proposamena, espediente osoarekin batera. Proposamen hori Nafarroako ALDIZKARI OFIZIALean argitaratuko da.

Berdinketarik izanez gero, bigarren ariketan puntu gehien erdietsi dituztenen alde jokatuko da. Berdinketak bere horretan segituko balu, hauek hartuko lirateke aintzat: aurrena lehenbiziko arketaren bigarren partea; hurrena, ariketa horrexen lehenbiziko partea.

7.2. Izendapen proposamena Nafarroako ALDIZKARI OFIZIALean argitaratu ondoko 30 egun naturaleko epean, proposatutako izangaiek inprimaki berariazko batzuk jaso eta honako agiri hauek aurkeztu behar dituzte Funtzio Publikoaren Zuzendaritza Nagusian:

7.2.1. Nafarroako Foru Komunitateko Administrazioaren eta haren erakunde autonomoen zerbitzuko langile finko ez diren izangaiak:

a) Nortasun Agiri Nazionalaren 2 fotokopia konpultsatu, edo izangaiaren nazionalitatea eta identitatea frogatzen dituen beste agiri baliokideren batenak.

b) Deialdiko 2. arauan eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, eskabideak aurkezteko epean titulua eskuratzeko moduan egoten dela frogatzen duen ziurtagiria.

c) Laneko Arriskuei Aurrea hartzeko Atalak emandako txostena, interesatuak karguan aritzea eragotziko liokeen eritasun edo akats fisiko edo psikikorik ez duela frogatzeko.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

d) Eginkizun publikoetarako ezgaitua edo gabetua ez izatearen eta inongo administrazio publikoren zerbitzutik bereizia ez izanaren zinpeko aitorpena.

Izangaiek Espainiako hiritartasuna ez badute, agiria aurkeztu beharko dute, beren Estatuko Funtzio Publikoan sartzea eragozten dien diziplina zehapenik edo zigor penalik ez dutela adierazteko.

e) Zin egitea edo hitz ematea, Nafarroako Foru Eraentza begiratu, Konstituzioari eta legeei men egin eta karguaren eginkizunak zintzo beteko dituela.

f) Funtzio Publikoaren Zuzendaritza Nagusiak eskatzen dizkion gainerako agiriak.

Deialdi hau egin ez duen Nafarroako beste administrazio publikoren bateko langile finkoek, gainera, aurreko administrazioko espediente pertsonalean ageri diren inguruabar eta aurrekari guztiak frogatzen dituen ziurtagiria, hots, sarrerari, antzinatasunari, mailari, egoera administratiboari eta abarrei buruzkoa.

7.2.2. Nafarroako Foru Komunitateko Administrazioaren edo haren erakunde autonomoen zerbitzuko langile finkoak diren izangaiak:

a) Deialdiko 2. arauan eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, eskabideak aurkezteko epean titulua eskuratzeko moduan egoten dela frogatzen duen ziurtagiria.

b) Nafarroako Foru Komunitateko Administrazioaren eta haren erakunde autonomoen zerbitzuko funtzionarioa izateko, Funtzio Publikoko Zuzendaritza Nagusiak eskatzen dituen agiriak.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

7.3. Norbaitek agiri horiek goian adierazitako epean aurkezten ez baditu, behar bezala arrazoitutako ezinbertzeko kasuetan izan ezik, ezin izanen dute izendatu eta haren jarduketa guztiak deuseztatu eginen dira. Hori, dena dela, ez da eragozpen izanen eskabidean gezurra errateagatik izan lezakeen erantzukizuna eskatzeko.

7.4. Aurreko atalean azaldutakoa gertatuz gero, Funtzio Publikoaren zuzendari nagusiak gainditzen dutenen zerrendan, 7.1 atalekoan, hurrengo datorren izangaiarekin beteko du hutsunea, eta harekin ere aurreko ataletako prozedura bera erabiliko da.

8._Lanpostu hutsak hautatzea.

8.1. Aurreko arauan xedatu dena betetzen duten lehiatzaileek Funtzio Publikoaren Zuzendaritza Nagusiak hartarako jartzen dien epean aditzera eman beharko dute eskaintzen zaizkien lanpostuetatik zein hautatzen duten. Aukeratu beharreko lanpostuak hasieran deitutakoak izanen dira, edo beste batzuk, zerbitzuaren beharrei jarraikiz horiek aldatzea erabakitzen bada.

8.2. Hauta-probak igoera txandaren bidez gainditzen dituzten izangaiek, edozein kasutan, lehentasuna izanen dute deialdiko lanpostu hutsak betetzerakoan, txanda horretakoak ez diren izangaien aurretik.

8.3. 100eko 33ko edo gehiagoko minusbaliotasun aitortua duten izangaiek lehentasuna izanen dute lanpostu hutsak aukeratzeko, txanda irekiko izangaien aurretik.

Izangai minusbaliaturik bada, eta horrek eragina badu lanpostu bat edo bestea hautatzeko, aukeratzen hasi aurretik, minusbaliotasunarekin hobekien egokitzen direnak esleituko zaizkie, horren gainean balorazio eta orientazio talde eskudunek egindako txostenaren arabera.

9._Izendapena, lanpostuen esleipena eta jabetza hartzea.

9.1. Funtzio Publikoaren zuzendari nagusiak, ebazpen baten bitartez, aurreko oinarrietan ezarritakoa betetzen duten izangaiak Nafarroako Foru Komunitatearen Administrazioko funtzionario izendatuko ditu, antolaketako erdi mailako teknikariaren lanetan aritzeko.

9.2. Izendapena dela bide, izendatuak Nafarroako Foru Komunitateko Administrazioaren plantillako nominadun funtzionarioak izanen dira, eta Nafarroako Foru Komunitateko Administrazioko funtzionarioei buruz indarra duten xedapenetan ezarritako eskubideak eta betebeharrak izanen dituzte. Gizarte Segurantzako Araubide Orokorrean izena emanen dute eta bertan kidetuko dira eta araubide horrek babestuko ditu, salbu eta Nafarroako Administrazio Publikoetan Estatutuan eta gainerako xedapen osagarrietan aipatzen den Eskubide Pasiboen eta Osasun eta Gizarte Laguntzako araubidean izena emanak badira eta babes araubide horretan irautea erabaki badute.

9.3. Izendatutako izangaiek lanlekua duten herrian bertan bizi beharko dute, eta hori betetzeko udalerri horretan finkatuko dute beren bizilekua. Administrazio organo eskudunek destinoa aldatzen ahalko dute, aplikatzekoa den arautegian ezarritakoarekin bat.

9.4. Lanaldia zerbitzuaren beharretara egokituko da eta noiznahi aldatzen ahalko dute administrazio organo eskudunek, aplikatzekoa den arauterian ezarritakoarekin bat.

9.5. Izendapena Nafarroako ALDIZKARI OFIZIALean argitaratuko da eta izangai izendatuak hilabeteko epean jabetu beharko du bere lanpostuaz, izendapenaren jakinarazpenetik kontatzen hasita.

Aipatu epean eta behar bezain ongi arrazoitutako kasuetan izan ezik, izangairen batek ez baldin badu lanpostua bere egiten, Foru Komunitateko Administrazioaren funtzionario izateko eskubide guztiak galduko ditu. Hala bada, 7.4 atalean ezarritakoari jarraikiko zaio.

9.6. Izangairen bat funtzionario bihurtu eta lanpostuan batere aritu gabe zuzenean eta berak eskatuta borondatezko eszedentzia ematen bazaio jabetza hartzearen egunetik bertatik, data horretan beste Administrazio Publiko batean ari delako, kasuko lanpostu hutsa ere beteko da deialdiko 7.4 atalak agintzen duen moduan.

9.7. Aurreko bi ataletan aipatutako kasuetan, izendapena egin aurretik hautaturiko lanpostua ez da aldatuko. Beraz, funtzionario berriei, zuzenean, lanpostu horiek esleituko zaizkie.

10._Aldi baterako kontratuetarako izangaien zerrendak.

10.1. Nafarroako Administrazio Publikoetan sartzeko Erregelamenduaren 42. artikuluan eta Lehendakaritza, Justizia eta Barne kontseilariaren azaroaren 14ko 146/2005 Foru Aginduan ezarritakoari jarraikiz, eta arau hauetan xedatutako prozedurarekin bat, aldi baterako kontratatuak izateko izangaien zerrenda hauek osatuko dira:

_Probak gainditu bai baina lanposturik lortu ez duten izangaien zerrendak.

_Hautaprobetako ariketa guztiak gainditu ez dituzten izangaien zerrendak.

10.2. Epaimahaiaren expedientea jaso ondoren, Funtzio Publikoaren zuzendari nagusiaren ebazpenaren bidez, deialdiko lanposturik lortu ez duten baina probak gainditu dituzten izangaiek, bai eta deialdiko azken-aurreko ariketa gainditu dutenek ere, hamar egun baliodun izanen dituzte, ebazpena argitaratu eta biharmunetik, ondoko agiriak aurkezteko:

_Deialdiko 2. arauan eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo eskabideak aurkezteko epean titulua eskuratzeko moduan egoten dela frogatzen duen ziurtagiria.

Ebazpen hori Nafarroako ALDIZKARI OFIZIALean argitaratuko da eta izangaien zerrendak, berriz, Nafarroako Gobernuko iragarki oholean (Karlos III.aren etorbidea, 2, ataria, Iruña).

Eskaturiko agiriak epe horretan aurkezten ez dituztenak (behar bezala frogaturiko ezinbesteko kasuan izan ezik) eta eskaturiko betebeharrak betetzen ez dituztenak ez dira sartuko aldi baterako kontratatuak izateko izangaien zerrendan eta, halaber, deialdian parte hartzeagatik zituzten eskubide guztiak galduko dituzte, euren eskabidearen faltsukeria dela eta, legokiekeen erantzunbeharra galarazi gabe.

10.3. Eskabideak aurkezteko epea bukatzen den egunerako bete beharko dira baldintzak, eta hautaprobek dirauteino eta kontratua iraun bitarte beharko dira bete.

10.4. Agiriak aurkezteko epea amaitu ondoren, Funtzio Publikoaren zuzendariaren ebazpenaren bidez, kasua izanez gero, aldi baterako kontratatuak izateko izangaien zerrenda hauek onetsiko dira, eta Nafarroako Gobernuko iragarki oholean argitaratuko (Karlos III.aren etorbidea, 2, ataria, Iruña):

a) Probak gainditu bai baina lanposturik lortu ez duten izangaien zerrenda.

b) Deialdiko azken-aurreko ariketa gainditu arren, azkenean proba guztiak gaiditu ez dituztenen zerrenda.

10.5. Aldi baterako kontratuetarako zerrendetan, izangaien hurrenkera hauxe izanen da: gainditu bai baina lanposturik lortu ez dutenen kasuan, hautaprobetan lortutako puntuazioaren araberakoa, eta gainerakoen kasuan, gainditutako ariketetako puntuazioen batuketaren araberakoa. Lehiakideen puntuazioetan berdinketa gertatuz gero, deialdi honetan ezarritako irizpideei jarraikiz jokatuko da berdinketa hausteko.

11._Errekurtsoak.

Epaimahaiak ematen dituen egintza eta ebazpenen kontra gora jotzeko errekurtsoa paratzen ahal da Funtzio Publikoaren zuzendari nagusiari zuzenduta, errekurtsoaren xede den egintza argitaratu edo jakinarazi eta biharamunetik hilabeteko epean.

Deialdi honen eta bere arauen kontra eta bera aplikatzeko egintzen kontra, epaimahaiak hartutakoak izan ezik, zilegi izanen da gora jotzeko errekurtsoa jartzea, Lehendakaritza, Justizia eta Barne kontseilariari zuzendua, hilabeteko epean, errekurtsoaren xede den egintza argitaratu edo jakinarazi eta biharamunetik kontatuta.

Hori guztia Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluarekin bat eta urtarrilaren 13ko 4/1999 Legeak aldatutako Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluei jarraikiz.

Iruñean, 2006ko urtarrilaren 16an._Funtzio Publikoaren zuzendari nagusia, Alberto Andérez González.

I. ERANSKINA

Eskabidea

Izena: .............................., adinez nagusia. Nortasun Agiri Nazionala: .............. (edo balio bereko beste agiriren bat): ........................ Sorteguna: .................. Sorterria: .................... (.....................) Nazionalitatea: .................. Helbidea: ........................ (kalea, zenbakia), .......... herria, ............. probintzia, ............ posta kodea, eta ........ telefonoa (........... laneko telefonoa) duena,

AZALTZEN DUT:

Nafarroako Foru Komunitateko Administrazioaren eta bere erakunde autonomoen zerbitzuko .............. izateko ............lanpostu ....................bidez betetzeko deialdian parte hartzeko onar dezatela eskatzen duela, behean aipatzen den txandan (deialdia ...... Nafarroako ALDIZKARI OFIZIALean argitaratu zen, ............(e)an).

f Txanda irekia

f Igoera txanda*

f Minusbaliatuendako txanda*

Hautaprobak gainditu ezean, alor hauetakoren batean aldi baterako lanpostuak betetzeko eskatzen dudala:

f Administrazio-erroa*

f Osasunbidea-Nafarroako Osasun Zerbitzua*

f Nafarroako Gizarte Ongizatearen Institutua*

(Alorretako bat besterik ezin da hautatu).

Ez dudala karguan aritzea galarazten didan eritasun edo akats fisiko edo psikikorik.

Indarra duten xedapenetan ezarritako ezintasunik ez dudala.

Ez naizela diziplinako espediente bidez ezein Administrazio Publikoren zerbitzutik kanpo utzia izan, eta, era berean, ez nautela eginkizun publikoak betetzeko gaitasunik gabe utzi.

Deialdian eskatzen den titulazioaren jabe naizela.

Azterketa eskubideak ordaindu ditudala deialdian ezarritako moduan eta horren gordekina erantsi dudala, edo erantsitako agirien bidez frogatzen dudala tasa ordaintzetik salbuetsita nagoela.

Eskabideak aurkezteko epearen azken egunean beharkizun guztiak betetzen ditudala.

f Ezgaitasuna dudala eta, beraz, behar ditudan egokitzapenak eskatzen ditudala, haietarako arrazoiak adierazita. (Beste orri batean azaldu behar dira eskatutako egokitzapenak eta haietarako arrazoiak).

f Ezgaitasuna frogatzen duen agiria aurkezten dudala, erakunde eskudun batek emana.

f Euskararen gaitasunaren agiria edo ofizialki baliokidea den beste titulu bat aurkezten dudala*

f Euskara maila jakiteko proba egitea eskatzen dudala*

f Frantseseko eta ingeleseko nahikotasun probak egitea eskatzen dudala (*) .*

Horrenbestez,

Eskabide hau ontzat hartu eta aipatu deialdian onartua izatea eskatzen dut.

Iruñean, .......(e)ko .........................aren ......(e)an.

(Sinadura)

_Bidezkoa bada.

NAFARROAKO GOBERNUA. LEHENDAKARITZA, JUSTIZIA ETA BARNE DEPARTAMENTUA.

FUNTZIO PUBLIKOAREN ZUZENDARITZA NAGUSIA.

II. ERANSKINA

Gai zerrenda

Lehen zatia

Antolamendu eta Administrazio Publikoaren Teoria.

1._Antolamendu eta Administrazio Publikoaren Teoria. Antolamendu publikoen tamaina eta osagarriak.

2._Egitura administratiboen oinarrizko osagaiak: Egitura administratibo baten oinarrizko tamainak. Sorrera. Disfuntzioak. Bestelako ereduak. Mintzberg-en eskema kontzeptuala.

3._Langile publikoen antolamendua: Ezaugarri orokorrak. Langileekiko politika, kudeaketa eta administrazioa. Faktore kritikoak eta adierazleak. Motibatzeko estrategiak.

4._Eginkizun eta prozesu administratiboak: Administrazio publikoen oinarrizko eginkizunak. Eginkizunen azterketa. Prozedura administratiboak: azterketa eta arrazoiketa, irudiak eta euskarri dokumentala. Prozeduraren gaineko esku-liburuak.

5._Antolamendu publikoak zerbitzuen emaileak diren aldetik eta kudeaketa publikorako paradigma berriak. Zerbukzioa bideratzeko oinarrizko osagaiak. Zerbitzuen kudeaketa operatiboaren ikuspegia. Zerbitzuak kanporatzea. Zerbitzuak sortzea eta kudeaketa publikoko paradigma berriak.

6._Antolamendu informala eta liskarra antolamendu publikoetan. Antolamenduak sistema politikoak diren aldetik. Botere sareak antolamendu publikoetan. Liskarrak. Antolamendu informala.

7._Administrazio Publikoaren antolamenduzko kultura. Antolamenduzko kulturaren ikuspegi eta kontzeptuak. Ezaugarriak eta osagaiak. Antolamenduzko kultura eta aldaketa.

8._Kontrol eta informazio sistemak antolamendu publikoetan. Kontrolaren nondik norakoak Administrazio Publikoan. Kudeaketa kontrola eta zuzendaritzako koadroak. Antolamenduaren tamainaren kontrola.

9._Antolamenduaren aldaketa: antolamendu publikoen biziaren zikloa. Bizi zikloen ereduak. Antolamenduen mugimendu pendularra. Antolamenduaren aldaketa interpretatzeko ereduak.

10._Antolamendua hobetzeko estrategiak. Aldaketaren eragileak. Aldaketen estrategia handiak: administrazioa gaurkotzeko prozesuak. Aldaketen estrategia txikiak: auditoria operatiboaren metodoa.

Bigarren zatia

Proiektuak zuzendu eta kudeatzea.

1._Proiektuak zuzendu eta kudeatzeko sarrera: Proiektu motak. Tamainak.

2._Proiektu baten faseak: Aukerak bilatzea. Eskaintzaren prestakuntza. Aurkezpena eta esleipena. Lanak burutzea. Ixtea.

3._Enpresaren proiektua. Enpresa kontzeptua. Enpresaren antolamendua. Proiektuaren eta enpresaren arteko lotura.

4._Kudeaketa eta zuzendaritza: zuzendaritza, kudeaketa, administrazioa eta parte hartzea. Kudeaketa estrategikoa, administratiboa eta operatiboa. Kudeaketaren xarma.

5._Aukerak bilatzea.

6._Bezeroak, merkatuak eta produktuak.

7._Negoziorako plana: negoziorako planaren helburuak. Negoziorako planeko formatua.

8._Aukera komertzialak.

9._Lehiaketak: Helburuak. Publizitatea. Plegua. Abantailak eta eragozpenak. Lehiaketak.

10._Proiektuaren ebaluazioa.

11._Proiektuaren kostua eta prezioa zenbatestea. Egin beharreko lanaren azterketa. Behar den ahalegina. Bestelako kostu eta gastuak. Proiektuaren aurrekontua eta saltzeko prezioa.

12._Proiektuaren denborazko plangintza: Plangintzako teknikak. PERT teknikak.

13._Proiektuaren plan finantzarioa.

14._Eskaintzen prestakuntza.

15._Proiektuaren jarraipena: Baliabideak abiarazi, antolatu eta metatzea. Informazioa trukatzea.

16._Bilerak: deialdia eta garapena.

17._Proiektuaren kudeaketa, egunez egun: Ekintzen egoera. Aurrerapen teknikoa eta ekonomikoa. Proiektuaren egoeraren txostena.

18._Produktuak: Dokumentazioa. Sorturiko produktuak.

19._Proiektuaren barruko aldaketak: Proposamen arrazoitua. Azterketa eta ebaluazioa. Baimendu edo baztertzea. Ezarri eta haren jarraipena egitea. Aldaketen egoeraren erregistroa.

20._Beste jarduera batzuk. Pertsonen arteko liskarrak. Proiektuaren interfazak. Erabakiak.

21._Proiektua ixtea.

22._Onarpena.

23._Proiektuaren ixtearen txostena: Balantzea. Proiektuaren ixtearen laburpena. Sorturiko dokumentazioa.

24._Proiektuaren emaitzen adierazle objektiboak: Ekonomikoak. Finantzarioak. Ohiko lana. Kudeaketa.

Hirugarren zatia

Erabateko Kalitatearen Kudeaketa Administrazio Publikoan.

1._Kalitate kontzeptua. Zer da kalitatea? Kalitatea, norendako? Kalitate hautemana, sortua eta burutua.

2._Zerbitzuak eta prozesuak. Zerbitzuak eta "zerbukzioa". Zerbitzuen eta produktu fisikoen arteko desberdintasunak. Zer dago zerbitzu baten prestazioaren atzean? Prozesuak.

3._Erabateko kalitatea kudeatzeko eredua. Antolaketaren kontzeptua erabateko kalitatearen kudeaketaren arabera. Zer da erabateko kalitatearen kudeaketa? Erabateko kalitatearen kudeaketa eta antolaketaren kultura. Erabateko kalitatearen kudeaketaren kulturaren oinarriak. Deming-en 14 puntuak.

4._Hobekuntzak aurrera doaz. Shewharten zikloa. Bikaintasuna erdiesteko etapak: kontrola, aseguramendua eta erabateko kalitatearen kudeaketa. Erabateko kalitatearen kudeaketaren egokitasuna.

5._Erabateko kalitatearen kudeaketa Administrazio Publikoetan ezartzeko esperientzia. Erabateko kalitatearen kudeaketaren jatorria. Zerbitzu publikoak hobetzeko joerak. Erabateko kalitatearen kudeaketa Administrazio Publikoan ezartzeko ekimenak. Benchmarking. Haiek egokitzea esparru publikoari. Espainiako administrazio publikoa eta erabateko kalitatearen kudeaketa.

6._Hautemandako kalitatea eta zerbitzuen kartak. Hautemandako kalitatearen dimentsioak edo ezaugarri nagusiak. Herritarrendako zerbitzuen kartak. Nola neurtu? Zer adierazle erabili.

7._Kalitatearen kostuak. Kostuaren kontzeptua eta dagokion sailkapena. Izozmendiaren teoria. Kalitatearen kostuen jokabidea. Kalitate galerari buruzko Taguchiren funtzioa. Kalitatearen kostuen elementuak, oinarriak eta erregistroa. Kontabilitateko anotazioaren arazoa.

Laugarren zatia

Antolaketa informazioaren aroan

1._Negoziaren eginkizun eta prozesuak: Eginkizunak. Negozioaren prozesuak. Enpresa baten prozesuen identifikazioa.

2._Balorearen sistema. Prozesuen fluxuen diagramak.

3._Prozesuen berrikuntza. Aldaketaren eragileak. Lortu nahi diren helburuak. Aldatzeko prozesua.

4._Erabateko berrikuntza eta prozesuen berringeniaritza: Berrikuntza. Berritu beharreko prozesuak identifikatzea. Aldaketarako palankak. Teknologia. Prozesu berriaren ikusmena. Prozesu berriaren diseinua. Prototipoa. Prozesuen berringeniaritzarako tresnak. Ondorioak kudeaketari begira.

5._Informazioaren Teknologiek eragindako egitura aldaketak: Marko kontzeptuala. Erakundearteko sistema bakunak.

6._Merkatu elektronikoak: Produktu homogeneoak. Produktu bereiziak. Lankidetza estrategikoa. Ondorioak antolaketari begira.

7._Aldaketa eta ikastea: Nola berritu: erradikaltasuna eta ikastea. Testuinguruko hobekuntza motak. Ondorioak.

8._Aldaketaren ezarpena: Aldaketa programak ezartzeko ikuspegiak. Marko kontzeptuala.

9._Antolaketa modu berriak: Korporatibak. Federazioak. Talde homogeneoetan. Forma matrizialak.

10._Negozio unitateak antolatzeko moduak: Alboko unitateak eta unitate funtzionalak. Antolaketarako beste modu batzuk.

11._Lanaren antolaketa: Inbolukrazioa. Talde lana eta lan taldeak.

12._Lanaren koordinazioa. Antolaketa ereduak informazioaren garaian.

Bosgarren zatia

Estrategia eta informazio sistemak

1._Informazio sistemak enpresan. Enpresa baten informazio sistema (IS) zer den. IS eta balorearen katea. IS eta enpresaren gainerako sistemak.

2._Informazio teknologien (IT) eginkizuna.

3._Datu baseak enpresako datuen egitura gisa. Zentralizazioa eta deszentralizazioa. Erabakiak hartzeko laguntza.

4._Informazio sistemen ezarpena, teknologia antolaketari buruz ikasteko prozesuaren gisara erabiliz.

5._Teknologiak eta informazio sistemak. Ondorioak zuzendaritzari begira.

6._Teknologia planak eta informazio sistemak negozioko estrategiarekin bateratzeko prozedurak. Informazio sistemen plangintza enpresan: bilakaera. Antolaketaren barruan sartzea. Hedadura anarkikoa. Koordinazioa enpresaren helburuekin. Elkarmenpekotasuna. Ondorioak zuzendaritzari begira.

7._IT/IS-ren plangintza, negozioaren estrategiatik abiaturik. Prozeduraren eskema orokorra. Faseak.

8._Informazio sistemak negozioko estrategiarekin paraleloan planifikatzeko prozedurak: oinarri kontzeptualak. IT/IS eta plangintza estrategikoa. Informazioaren teknologiaren zuzendaritza estrategikoa.

9._Informazioaren Teknologien Aplikazioan Oinarritutako Oinarrizko Ekintza Estrategiko Orokorren kontzeptua. Alde onak estrategiaren ikuspuntutik. Merkatu elektronikoak. Kategoriak.

10._Informazio sistemak negozioko estrategiarekin paraleloan planifikatzeko prozedurak: Metodologia. Eskema orokorra: zeregina. Inguruaren azterketa. Balorearen katearen egitura. IT/IS kokalekuaren azterketa. Integrazioa. Ondorioak antolaketari begira. Ondorioak zuzendaritzari begira.

11._Informazio sistemen plangintza korporazioaren mailan: Oinarri kontzeptualak. Metodologia. Ondorioak zuzendaritzari begira.

12._Estrategia korporatiboa ezartzea: Ondorioak antolaketari begira.

13._Informazio sistemak eta antolaketa. ISren zuzendariaren zeregina. Sistema berrien ezarpenaren porrotaren arrazoiak. Sistema berriak eraginkorrak izateko baldintzak. Informazio sistemen arduradunaren zeregina.

14._Informazio teknologien eta sistemen plangintza. Ondorioak zuzendaritzari begira.

Seigarren zatia

Ezagutzaren Kudeaketa

1._Hirugarren milurtekoko enpresa. Informazioaren teknologien eragina. Liderraren balioa. Kultura korporatiboaren eragina. Hirugarren milurteko enpresaren profila.

2._Kapital intelektualaren agerpena: Osagaiak eta garrantzia.

3._"Know-How" delakoa.

4._Lanari loturiko ezagutzak. Isileko ezagutzak. Ageriko ezagutzak. Ezagutza inplizituak. Sistema adituak.

5._Kapital intelektualaren kudeaketa. Identifikazioa. Politika. Auditoria.

6._Kapital intelektualaren ezagutzen oinarriak. Diseinua. Prestakuntza. Hazkundea eta berrikuntza. Kudeaketa ekipoak.

7._Ezagutzaren kudeaketa eta memoria korporatiboa. Ezagutza versus informazioa.

8._Ezagutzaren aktiboaren oinarriaren zabalkundea erakunde batean.

Zazpigarren zatia

Aginte postua

1._Neurketa eta kudeaketa informazioaren garaian. Lehia informazioaren garaian. Kontabilitate finantzarioaren eredu tradizionala. Aginte osoko postua.

2._Zergatik behar dute enpresek aginte osoko postu bat?: Adierazle finantzarioak. Aginte osoko postua. Adierazleak lotzea estrategia bakar bat osatzeko. Aginte osoko postu baterako antolamenduzko unitatea.

3._Ikuspegi finantzarioa: Helburu finantzarioak eta negozio unitatearen estrategia elkarrekin nola lotu.

4._Bezeroen ikuspegia: Merkatuaren zatiketa. Denbora, kalitatea eta prezioa.

5._Barne prozesuko ikuspegia: Barne prozesuko balio katea.

6._Ikasi eta hazteko ikuspegia. Langileen gaitasuna. Langileei buruzko adierazle-giltzarriak. Plantilla hobetzea. Informazio sistemen gaitasuna. Motibazioa, agintaritzaren eskuordetza eta helburuen koherentzia.

7._Aginte osoko postuaren adierazleak eta haren estrategia elkarrekin lotzea.

8._Egitura eta estrategia. Negozio unitatea korporazioaren estrategiaren aurrean. Gai eta eginkizun korporatiboak. Enpresa elkartuak eta elkarteak. Gobernuaren enpresak eta irabazi asmorik gabeak.

9._Lerrokadura estrategikoa lortzea: goitik behera. Hezkuntza eta komunikazio programak. Aginte osoko postua pertsonen eta taldearen helburuekin lotzea. Pizgarri sistemen lotura.

10._Helburuak, baliabide banaketa, ekimenak eta aurrekontuak. Helburuak ezartzea. Ekimen estrategikoak identifikatzea.

11._"Feedback" delakoa eta prestakuntza estrategikoaren prozesua. Aginduetatik eta kontroletik prestakuntza estrategikora. Estrategia ikasteko prozesu baterantz. "Feedback" estrategikoa. Arazoak konpontzeko taldea.

12._Aginte osoko postua kudeatzeko programa bat ezartzea. Aginte osoko postuko programa abiaraztea. Dinamika: erakundea mugiaraztea. Kudeaketa integratuko sistema baten eraikuntza.

Zortzigarren zatia

Foru Zuzenbidea

1._Espainiako 1978ko Konstituzioa: Estatuko aginteak. Koroa. Gorte Nagusiak. Gobernua eta Administrazioa. Botere judiziala Konstituzioan.

2._Zuzenbide Publikoaren iturburuak: legeak eta horien motak. Lege-Dekretuak. Legegintzako foru dekretuak. Nazioarteko Itunak.

3._Administrazio Zuzenbidearen iturburuak: erregelamendua eta erregelamenduzko ahalmena. Erregelamendu motak. Erregelamenduzko ahalmenaren mugak eta haren kontrola.

4._Administrazio egintza (I): kontzeptua, motak eta osagaiak.

5._Administrazio egintza (II): baldintzak, eraginkortasuna, deuseztasuna eta deuseztagarritasuna.

6._Administrazio prozedura erkidea (I): kontzeptua eta izaera. Hasiera, antolamendua, instrukzioa eta bukaera.

7._Administrazio prozedura erkidea (II): administrazio-errekurtsoak: printzipio orokorrak eta motak.

8._Nafarroako Parlamentua edo Gorteak: eraketa, antolakuntza eta eginkizunak.

9._Nafarroako Gobernuari eta Lehendakariari buruzko Foru Legea:

10._Nafarroako Foru Komunitateko Administrazioari buruzko Foru Legea.

11._Nafarroako Foru Komunitateko arartekoa. Comptos Ganbera. Nafarroako Kontseilua.

12._Nafarroako Administrazio Publikoen zerbitzuko Langileen Estatutua (I). langile motak. Funtzionario publikoen hautapena. Funtzionario bihurtu eta funtzionario izatetik gelditzea.

13._Nafarroako Administrazio Publikoen zerbitzuko Langileen Estatutua (II). administrazio karrera. Administrazio egoerak. Lanpostuak betetzea. Lansariak.

14._Nafarroako Ogasun Publikoa: Nafarroako Ogasun Publikoaren eskubide eta betebeharrak. Nafarroako Aurrekontu Orokorrak: edukia eta onespena; gastuen sailkapen ekonomikoa; betearaztea eta likidazioa.

15._Nafarroako Administrazio Publikoen kontratuak: araubide juridikoa. Administrazio kontratu ohikoenak: kontzeptua eta motak. Kontratuak esleitu, hobetu, izenpetu, bete, aldatu eta iraungitzeko orotariko arauak.

16._Datu pertsonalak babesteko lege organikoa (I): datuak babesteko printzipioak, pertsonen eskubideak.

17._Datu pertsonalak babesteko lege organikoa (II): titulartasun publikoko fitxategiak sortu, aldatu eta kentzea. Datuak eskuratu, zuzendu eta ezabatzeko eskubideen salbuespenak.

Iragarkiaren kodea: F0601644