I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
88/2006 EBAZPENA, urtarrilaren 16koa, Funtzio Publikoaren zuzendari nagusiak emana, Nafarroako Foru Komunitateko Administrazioaren eta haren erakunde autonomoen zerbitzuko Administrazio Publikoko teknikari izateko 46 lanpostu huts (arlo juridikokoak) lekualdatze lehiaketa bidez betetzeko deialdia bukatutzat ematen duena.
Funtzio Publikoaren zuzendari nagusiak, urtarrilaren 16ko 88/2006 Ebazpenaren bidez, Nafarroako Foru Komunitateko Administrazioaren eta haren erakunde autonomoen zerbitzuko Administrazio Publikoko Arlo Juridikoko teknikari izateko 46 lanpostu huts lekualdatze lehiaketa bidez betetzeko deialdia bukatutzat eman du eta honela esleitu ditu lanpostu hutsak:
María Carmen Machiñena Solera andreari, Herri Lan, Garraio eta Komunikazio Departamentuko Garraioen Ikuskapenaren eta Arbitraje Batzordearen Ataleko burua baita, 7464 zenbakiko lanpostu hutsa, Ekonomia eta Ogasun Departamentuko Europako Aferen eta Plangintzaren Zuzendaritza Nagusiari atxikia, Iruñean aritzeko.
Gurutze Ubeda Etxarri andreari, 6137 zenbakiko lanpostu hutsa, Toki Administrazioko Departamentuko Idazkaritza Tekniko Nagusiari atxikia, Iruñean aritzeko.
Deialdiaren 3.2. idatz-zatian eta Nafarroako Administrazio Publikoetako lanpostuak betezeko Erregelamendua onetsi zuen azaroaren 6ko 216/1985 Foru Dekretuaren lehenengo xedapen gehigarrian ezarritakoari jarraikiz, lanpostua hartzearekin batera esleipen-hartzaileek betetzen ari diren burutza utzi beharko dute.
Deialdia 2005eko 111. Nafarroako ALDIZKARI OFIZIALean argitaratu zen, irailaren 16an.
Iruñean, 2006ko urtarrilaren 16an._Funtzio Publikoaren zuzendari nagusia, Alberto Andérez González.
Iragarkiaren kodea: F0601117
