153. ALDIZKARIA - 2006ko abenduaren 22a

I. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Plantilla Organikoa, Lan Eskaintza Publikoa, oposizioak eta lehiaketak

DEIALDIA, Funtzio Publikoaren zuzendari nagusiak azaroaren 20an emandako 2839/2006 Ebazpenaren bidez onetsia, Nafarroako Foru Komunitateko Administrazioaren eta haren erakunde autonomoen zerbitzuko erdi mailako teknikari izateko lanpostu bat oposizio bidez betetzekoa.

Funtzio Publikoaren zuzendari nagusiak, azaroaren 20ko 2839/2006 Ebazpenaren bidez, Nafarroako Foru Komunitateko Administrazioaren eta haren erakunde autonomoen zerbitzuko erdi mailako teknikari izateko lanpostu bat oposizio bidez betetzeko deialdia onetsi du.

Hautapen prozesua ondoko hauetan xedatutakoari jarraikiz eginen da: Nafarroako Administrazio Publikoen zerbitzuko Langileen Estatutuaren Testu Bategina, abuztuaren 30eko 251/1993 Legegintzako Foru Dekretuaren bidez onetsi zena, aipatu estatutua garatu eta burutzeko Sarrera Erregelamendua, gainerako aplikazio arauak eta deialdi honetako arauak.

1._Deialdiaren xedea.

1.1. Deialdi honen xedea erdi mailako teknikari lanpostu bat betetzea da, oposizio bidez. Lanpostua funtzionarioen araubidekoa da, B mailakoa, 6117 zenbakia dauka plantillan, Komunikazio Zuzendaritza Nagusiko Nafarroako Gobernuaren Eledunaren Bulegoari atxikia dago eta destinoa Iruñean du.

1.2. Lanpostuak B mailarako oro har ezarrita dauden lansariak izanen ditu, uztailaren 4ko 158/1984 Foru Dekretuaren bidez onetsitako Lansarien Behin-behineko Erregelamenduan eta aplikatu beharreko gainerako xedapenetan ezarritakoari jarraikiz.

1.3. Halaber, deialdi honen bidez hautaprobak gainditu bai baina lanposturik lortzen ez duten izangaiekin aldi baterako kontratatuak izateko izangaien zerrenda bat osatuko da, deialdi honetako 9. arauan xedaturikoarekin bat.

2._Betebeharrak.

2.1. Oposizio honetan onartuak izateko, izangaiek, eskabideak aurkezteko epea amaitzen den egunean eta agiriak aurkezteko epea amaitzen denetik (deialdiaren 7.2 atalean adierazia) lanpostuaren jabetza hartu arte, baldintza hauek bete beharko dituzte:

a) Espainiarra izatea, edo Europar Batasuneko beste estatu batekoa, edo, Europar Batasunak izenpetu eta Espainiak berretsitako nazioarteko itunak direla medio, langileen zirkulazio librea aplikatzen den eremuko estatu batekoa.

Orobat, espainiarren eta Europar Batasuneko beste estatuetako edo aipatu nazioarteko itunek ukitutako estatuetako herritarren ezkontideek parte hartzen ahal dute, zuzenbidez bereizita ez badaude; halaber, haien ondorengoek eta ezkontidearenek, zuzenbidez bereizita ez badaude, 21 urtetik beherakoak badira, edo gorakoak, haien kontura biziz gero.

b) Adin nagusikoa izatea eta erretiroko adina ez izatea.

c) Unibertsitateko Diploma, Ingeniari Tekniko edo Arkitekto Tekniko titulua edo titulu baliokidea edukitzea, edo aipatu titulua eskuratzeko baldintza guztiak betetzea eskabideak aurkezteko epea amaitzen den egunean, edo Lizentziatura, Ingeniaritza edo Arkitekturako lehenengo hiru ikasturteak osorik gaindituak izatea.

Atzerrian lorturiko tituluak badira, homologazioaren egiaztagiria eduki beharko da.

d) Bete behar dituen eginkizunetan aritzeko adinako gaitasun fisiko eta psikikoa izatea.

e) Eginkizun publikoetan aritzeko desgaitu edo gabetua ez egotea eta administrazio publikoren baten zerbitzutik bereizia ez izatea.

Espainiako nazionalitatea ez duten izangaiek frogatu beharko dute beren estatuko funtzio publikoan sartzea eragozten dien diziplina zehapenik edo zigor penalik ez dutela.

3._Eskabideak.

3.1. Deialdian parte hartzeko eskabideak Nafarroako Gobernuko Erregistro Orokorrean (Karlos III.aren etorbidea, 2, atalondoa, 31002 Iruña) edo Nafarroako Gobernuaren gainerako erregistro bulegoetako edozeinetan (zerrenda 2006ko 65. Nafarroako ALDIZKARI OFIZIALean argitaratu zen, maiatzaren 31n) aurkeztu beharko dira, edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 20ko 30/1992 Legeko 38.4 artikuluan adierazi diren bideetakoren bat erabiliz, deialdia Nafarroako ALDIZKARI OFIZIALean argitaratu eta biharamunetik hogeita hamar egun naturaleko epean.

Eskabidea posta bulego batean aurkeztuz gero, kartazal irekian eginen da, postako langileek, ziurtatu aurretik, data eta zigilua jar ditzaten.

Eskabideak deialdi honen eranskinean dagoen ereduari lotu behar zaizkio eta, haietan, izangaiek adierazi beharko dute eskatutako baldintza guztiak betetzen dituztela. Eredu hori Nafarroako Gobernuaren edozein erregistro bulegotan dago eskuragarri. Interneten bidez ere lortzen ahal da, www.navarra.es helbidean, bai argitaratzen deneko Aldizkari Ofizialetik abiatuta, bai Zerbitzuen Katalogoko Enplegu Publikoan dagoen deialdiaren aiputik abiatuta.

3.2. Ezgaitasun aitortua duten lehiatzaileek, ariketak egin ahal izateko denbora edo baliabideetan egokitzapenik behar badute, zilegi izanen dute eskabidean eskatzea, eta hartarako, aparteko orri batean adierazi beharko dute nolako ezgaitasuna duten eta zer egokitzapen eskatzen duten. Horrekin batera, legeen arabera ezgaitasunen bat dutela frogatzeko agiriaren kopia konpultsatua ere aurkeztu beharko dute, organo eskudunak emana.

3.3. Eskabideari, behar bezala bete ondoren, agiri hauek erantsiko zaizkio:

Bat._Espedientea formalizatzeko eta azterketa eskubideetarako 18 euro ordaindu izanaren ziurtagiria. Azterketa eskubideen tasa ordaintzen ez bada, izangaia baztertu eginen da.

Prozedura hauetako bat erabiliz ordaintzen ahalko da tasa hori:

_Behar bezala betetako ordainketa gutuna erabiliz; Foru Komunitateko Administrazioak Nafarroako finantza entitateetan dituen kontuetan sartuko da dirua. Arestian aipatutako webgunean, deialdiaren iragarkian, ordainketa gutuna eredua ageri da.

_Sarrera eskudirutan edo bankuko transferentzia bidez eginez, Banestoko (Banco Español de Crédito) 00308124 87 0870002271 kontuan; horrelakoetan ordainagirian datu hauek jarri beharko dira nahitaez:

_Izangaiaren izen-deiturak.

_NAN/IFZ.

_Ordainketa zein kontutan egiten den, haren zenbakia.

_Kontzeptua: oposizioak.

_Deialdiaren xede den lanpostua.

Honako hauek ez dute tasarik ordaindu beharko:

a) %33ko edo gehiagoko ezgaitasun aitortua dutela frogatzen duten pertsonek, organo eskudunak luzaturiko jatorrizko agiriaren edo behar bezala konpultsaturiko fotokopiaren bidez.

b) Hautaproben deialdia egin aurretik hilabete batez edo luzaroago lan-eskatzaile gisa inskribaturik egon diren pertsonak. Salbuespen hori aplikatzeko baldintza izanen da inskribaturik egon diren bitartean eskainitako inolako lan egokiri uko egin ez izana eta lanbide sustapen, prestakuntza edo aldaketarako ekintzetan parte hartzeari uko egin ez izana, justifikaturiko kasuetan izan ezik, eta, horrez gainera, lanbide arteko gutxieneko soldatatik gorakoa den dirusarrerarik ez izatea hilabetero.

Lan-eskatzailea dela frogatzeko, Enplegu Bulegoak emandako agiria aurkeztu beharko da. Bertan, lan-eskatzaile gisa inskribatu zeneko data agertuko da eta, orobat, adieraziko da inskribaturik egon den bitartean ez diola uko egin handik eskainitako inolako lan egokiri, ez eta lanbide sustapen, prestakuntza edo aldaketarako ekintzetan parte hartzeari ere, justifikaturiko kasuetan izan ezik.

Hilabetero lanbide arteko gutxieneko soldatatik gorako dirusarrerarik ez duela interesatuaren adierazpenaren bidez frogatuko da. Adierazpen eredua Nafarroako Gobernuko Informazio Bulegoan eskuratzen ahalko da, edo bestela Internet bidez, arestian emandako helbidean.

3.4. Eskabideak aurkezteko epea ezin izanen da luzatu.

3.5. Eskabidean atzematen diren akats materialak edo egitezkoak ofizioz edo interesatuak eskaturik zuzentzen ahalko dira, noiznahi ere.

4._Izangaien onarpena eta erreklamazioak.

4.1. Eskaerak aurkezteko epea bukaturik, Funtzio Publikoaren zuzendari nagusiak ebazpena emanen du izangai onartuen eta baztertuen behin-behineko zerrenda onesteko, eta Nafarroako ALDIZKARI OFIZIALean argitara dadila aginduko du.

4.2. Izangai baztertuek hamar egun balioduneko epea izanen dute, behin-behineko zerrenda Nafarroako ALDIZKARI OFIZIALean argitaratzen denetik, erreklamazioak aurkezteko eta, akatsik egin badute, zuzentzeko.

4.3. Erreklamazioetarako epea bukatutakoan eta horiek ebatzita, Funtzio Publikoaren zuzendari nagusiak onartu eta baztertuen behin betiko zerrenda onesten duen ebazpena emanen du, eta Nafarroako ALDIZKARI OFIZIALean argitara dadila aginduko.

4.4. Izangaiei egotziriko arrazoiengatik baztertzen direnei ez zaizkie azterketa egiteko eskubideak itzuliko.

5._Epaimahaia.

5.1. Epaimahaiak kide hauek izanen ditu:

_Mahaiburua: Joaquín Ortigosa Ocón jauna, Komunikazio eta Eledunaren Bulegoko zuzendari nagusia.

_Ordezkoa: Gerardo Huarte Ilárraz jauna, Nafarroako Gobernuaren Eledunaren Bulegoa-Komunikazio Zuzendaritza Nagusiko Hedabideen Zerbitzuko zuzendaria.

_Mahaikidea: Javier Félix Carmona Salinas jauna, Nafarroako Gobernuaren Eledunaren Bulegoa-Komunikazio Zuzendaritza Nagusiko Protokolo eta Argitalpen Zerbitzuko zuzendaria.

_Ordezkoa: Juan José Balerdi Usabiaga jauna, Nafarroako Gobernuaren Eledunaren Bulegoa-Komunikazio Zuzendaritza Nagusiko Prentsa Bulegoaren Ataleko burua.

_Mahaikidea: Luis García Rodrigo jauna, Nafarroako Gobernuaren Eledunaren Bulegoa-Komunikazio Zuzendaritza Nagusiko Argitalpenak Sustatu eta Zabaltzeko Bulegoko burua.

_Ordezkoa: María Antonia Uriz Ayestarán andrea, Nafarroako Gobernuaren Eledunaren Bulegoa-Komunikazio Zuzendaritza Nagusiko Publizitate Ataleko burua.

_Mahaikidea: Administrazio Erroko Langileen Batzordearen langileen ordezkari bat, batzordeak berak proposatua.

_Ordezkoa: Administrazio Erroko Langileen Batzordearen langileen ordezkari bat, batzordeak berak proposatua.

_Mahaikide idazkaria: Luis Elía Iranzu jauna, Nafarroako Gobernuaren Eledunaren Bulegoa-Komunikazio Zuzendaritza Nagusiko Argitalpen Ataleko burua.

_Ordezkoa: Pedro María Pellejero Goñi jauna, Nafarroako Gobernuaren Eledunaren Bulegoa-Komunikazio Zuzendaritza Nagusiko Informazio eta Komunikaziorako Teknologia Berrien Bulegoko burua.

Epaimahaia hautaprobak hasi baino lehen eratuko da.

5.2. Epaimahaia ezin izanen da eratu, ezta aritu ere, kideen gehiengo osoa bertan izan gabe.

Organo kolegiatuaren eraketak eta jardunak balio izateko, mahaiburuak eta mahaikide idazkariak edo haien ordezkoek bertan egon beharko dute.

5.3. Epaimahaiko kideek ez dute parte hartuko, eta organo dei egileari horren berri emanen diote, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legean parte ez hartzeko aipatzen diren egoeretakoren batean baldin badaude.

Izangaiek, halaber, zilegi dute mahaikideak errefusatzea, egoera horietako bat gertatzen denean.

5.4. Epaimahaiak gehiengoz erabakiko ditu deialdiaren oinarriak ulertu eta aplikatzeko moduaren inguruan sortzen diren arazo guztiak.

5.5. Epaimahaiak aholkulari adituen laguntza izan dezake proba batzuetan nahiz guztietan. Aholkulari horiek beren espezialitate teknikoetan baizik ez dira ariko eta horietan bakarrik emanen diote laguntza epaimahaiari.

6._Oposizioa nola eginen den.

6.1. Oposizioa 2007ko maiatzean hasiko da. Onartu eta baztertuen behin betiko zerrenda onesten duen Ebazpenean berean finkatuko dira probak hasteko tokia, eguna eta ordua.

Ondoren, epaimahaiak gainerako probak egiteko iragarkiak jakinaraziko ditu, arauz egin behar den moduan.

6.2. Oposizioak ariketa hauek izanen ditu:

Lehena: teorikoa. Deialdiko II. eranskineko gai zerrendako lehenengo zatiaren bi gai, zozketaz aukeratuak, idatziz azaltzea. Hori egiteko, izangaiek 4 ordu izanen dute.

Bigarrena: praktikoa, gai zerrendako lehenengo zatiaren gaiekin loturiko lau kasu praktiko konpondu beharko dira idatziz. Epaimahaiak ariketa hori egiteko izangaiek zenbat denbora duten adieraziko du haren hasieran.

Hirugarrena: teorikoa. Gai zerrendako bigarren parteko gai bat, zozketaz aukeratua, 2 ordutan idatziz garatzea.

Oposizioko ariketak plika sistemaren bidez eginen dira.

6.3. Oposizioko ariketen balorazioan 80 puntu eman daitezke gehienez ere, honela banatuak:

Lehena: 15na puntu, 30 puntu guztira, gehienez ere.

Bigarrena: gehienez 40 puntu, 15 puntu lehen bi kasuetako bakoitzerako eta beste 5na puntu hirugarren eta laugarren kasuetarako.

Hirugarrena: gehienez 10 puntu.

6.4. Oposizioko ariketak baztergarriak izanen dira. Bazterturik geldituko dira horietako ariketaren batean gutxienez gehieneko puntuazioaren erdia lortzen ez dutenak. Gairen edo kasuren batean zero puntuko kalifikazioa lortzen dutenak ere baztertuko dira.

6.5. Ariketak zuzendu ondoren, epaimahaiak jendaurrean jarriko du, Nafarroako Gobernuaren iragarki oholean eta ariketa egin den tokian, gainditu duten izangaien zerrenda, lortutako kalifikazioekin eta, halaber, oposizioaren hurrengo proba edo ariketa egiteko tokia, eguna eta ordua, gutxienez 48 ordu lehenago.

6.6. Ariketa bakoitzerako dei bakarra eginen da. Izangaiek nortasun agiri nazionala, pasaportea edo gida-baimena eraman beharko dute. Azterketara agertzen ez direnak edo arestian aipatutako agirietako baten bidez beren nortasuna egiaztatzen ez dutenak oposiziotik baztertuko dira.

6.7. Hautaprobak egiteko, ezgaitasun aitorturen bat dutenentzat bidezkoak diren denbora eta baliabide egokitzapenak eginen dira, eskabidean azaldutakoaren arabera.

7._Probak gainditu dituztenen zerrenda, izendapen proposamena eta agirien aurkezpena.

7.1. Oposizioko azkeneko probaren kalifikazioa emanik, epaimahaiak jendaurrean jarriko du probak gainditu dituztenen zerrenda, oposizioan lortutako puntuazioaren araberakoa, Nafarroako Gobernuaren iragarki oholean eta ariketak egin diren lekukoan. Gero, Funtzio Publikoaren zuzendari nagusiari igorriko dio probak puntuaziorik altuenarekin gainditu dituen izangaiaren aldeko izendapen proposamena eta gainditu dutenen zerrenda, espediente osoarekin batera. Aipatu proposamena Nafarroako ALDIZKARI OFIZIALean argitaratuko da.

Berdinketarik gertatuz gero, bigarren ariketan puntu gehien lortu dutenen alde ebatziko da. Eta hala ere berdinduta segitzen badute, lehen ariketan lortutako puntuazioa hartuko da kontuan.

7.2. Izendapen proposamena Nafarroako ALDIZKARI OFIZIALean argitaratu ondoko 30 egun naturaleko epean, proposatutako izangaiak agiri hauek aurkeztu behar ditu Funtzio Publikoaren Zuzendaritza Nagusian, berariaz prestatu diren inprimakiak hantxe jaso ondoren:

7.2.1. Nafarroako Foru Komunitateko Administrazioaren eta haren erakunde autonomoen zerbitzuko langile finko ez diren izangaiak:

a) Nortasun Agiri Nazionalaren bi fotokopia konpultsatu, edo izangaiaren nazionalitatea eta nortasuna frogatzen dituen beste agiri baliokideren batenak.

b) Deialdiko 2. arauan eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, eskabideak aurkezteko epean titulua eskuratzeko moduan dagoela frogatzen duen ziurtagiria.

c) Laneko Arriskuei Aurrea hartzeko Atalak emandako txostena, interesatuak karguan aritzea eragotziko liokeen eritasun edo akats fisiko edo psikikorik ez duela frogatzeko.

Minusbaliotasunen bat alegatu duenak, gainera, minusbaliotasun mailaren egiaztagiria aurkeztu beharko du, aurretik aurkeztu ez badu, hala nola minusbaliotasuna deialdiko lanpostuarekin bateragarria dela dioen frogagiria, balorazio eta orientazio talde eskudunek luzatua.

d) Eginkizun publikoetarako ezgaitua edo gabetua ez izatearen eta inongo administrazio publikoren zerbitzutik bereizia ez izanaren zinpeko aitorpena.

Izangaiak nazionalitate espainiarra ez badu, agiri bat aurkeztu beharko du, bere Estatuko Funtzio Publikoan sartzea eragozten dion diziplina zehapenik edo zigor penalik ez duela adierazteko.

e) Zin egin edo hitz ematea, Nafarroako Foru Eraentza errespetatu, Konstituzioari eta legeei men egin eta karguari dagozkion eginkizunak zuzen beteko dituela.

f) Funtzio Publikoaren Zuzendaritza Nagusiak eskatzen dizkion gainerako agiriak.

Baldin eta izangaia bada deialdi hau egin ez duen Nafarroako beste Administrazio Publikoren bateko langile finkoa, goikoez gain, aurreko administrazioko espediente pertsonalean ageri diren inguruabar eta aurrekari guztiak frogatzen dituen ziurtagiria, sarrera, antzinatasun, maila, egoera administratibo eta abarri buruzkoa.

7.2.2. Izangaia Nafarroako Foru Komunitateko Administrazioaren edo haren erakunde autonomoen zerbitzuko langile finkoa bada:

a) Deialdiko 2. arauan eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, eskabideak aurkezteko epean titulua eskuratzeko moduan dagoela frogatzen duen ziurtagiria.

b) Funtzio Publikoaren Zuzendaritza Nagusiak eskatzen dizkion gainerako agiriak.

Elbarritasunen bat alegatu duen izangaiak, gainera, elbarritasun mailaren egiaztagiria aurkeztu beharko du, aurretik aurkeztu ez badu, hala nola elbarritasuna deialdiko lanpostuarekin bateragarria dela dioen frogagiria, balorazio eta orientazio talde eskudunek luzatua.

7.3. Aipatu epearen barnean, eta aski arrazoituriko ezinbesteko kasuak izan ezik, aipatu agiriak aurkezten ez badira ezin izanen dira izendatu eta, beraz, egintza guztiak deuseztaturik geldituko dira, betiere bere eskabidearen faltsukeriagatik legokiekeen erantzun beharra galarazi gabe.

7.4. Aurreko atalean aurreikusitakoa gertatuz gero, Funtzio Publikoaren zuzendari nagusiak probak gainditu dituztenen zerrendan, 7.1 atalean aipatutakoan, hurrengoa den izangaiarekin beteko du baja, eta horrekin ere aurreko ataletan adierazitako moduan jokatuko da.

8._Izendapena, lanpostuaren esleipena eta jabetza-hartzea.

8.1. Funtzio Publikoaren zuzendari nagusiak Nafarroako Foru Komunitatearen funtzionario izendatuko du aurreko oinarrietan xedatutakoa betetzen duen izangaia, erdi mailako teknikari aritzeko, eta dagokion lanpostu hutsa esleituko dio, ebazpen baten bidez.

8.2. Izendapenak eta lanpostuaren jabetza hartzeak nomina eta plantillako funtzionario bilakatuko dute izendatua, Nafarroako Foru Komunitateko Administrazioko funtzionarioentzat indarra duten xedapenetan ezarrita dauden eskubide eta betebehar guztiak dituela. Gizarte Segurantzako araubide orokorrean inskribatu eta kidetuko da, araubide horretan aurreikusitakoaren babesean.

Aurrekoa gorabehera, Nafarroako Administrazio Publikoen Zerbitzuko Langileen Estatutua onetsi zuen abuztuaren 30eko 251/1993 Legegintzako Foru Dekretuaren bederatzigarren xedapen gehigarriaren 3. puntuan xedatutakoa aplikatzearen ondorioz, izendatua Nafarroako administrazio publikoen edozein bahituretxetako eskubide pasiboen araubidekoa bada, bi aukera izanen ditu: Nafarroako Foru Komunitateko Administrazioko bahituretxean segitzea, martxoaren 5eko 10/2003 Foru Legearen bidez arauturiko eskubide pasiboen araubidearen babespean, edo Gizarte Segurantzaren Araubide Orokorrean sartzea.

8.3. Izendatutako izangaiak lanlekua duen herrian bertan bizi beharra du, eta hori betetzeko udalerri horretan finkatuko du bere bizilekua. Administrazio organo eskudunek destinoa aldatzen ahalko dute, aplikatzekoa den arautegian ezarritakoarekin bat.

8.4. Lanaldia zerbitzuaren beharretara egokituko da eta noiznahi aldatzen ahalko dute administrazio organo eskudunek, aplikatzekoa den araudian ezarritakoarekin bat.

8.5. Izendapena Nafarroako ALDIZKARI OFIZIALean argitaratuko da eta izangai izendatuak hilabeteko epean jabetu beharko du bere lanpostuaz, izendapenaren jakinarazpenetik kontatzen hasita.

Epe horretan, eta ezinbesteko kausarik ezean, lanpostuaz jabetzen ez bada, Foru Komunitateko Administrazioko funtzionario izateko eskubide oro galduko du, eta 7.4 atalean azaldu dena eginen da.

8.6. Izangaia funtzionario bihurtu eta lanpostuan batere aritu gabe zuzenean eta berak eskatuta borondatezko eszedentzia ematen bazaio jabetza hartzearen egunetik bertatik, data hartan beste Administrazio Publiko batean ari delako, kasuko lanpostu hutsa ere beteko da deialdiko 7.4 atalak agintzen duen moduan.

9._Aldi baterako kontratuetarako izangaien zerrenda.

9.1. Nafarroako Administrazio Publikoan sartzeko Erregelamenduaren 42. artikuluan, lanpostuak aldi baterako betetzeko kudeaketa arauak onetsi zituen Lehendakaritza, Justizia eta Barne kontseilariaren azaroaren 14ko 146/2005 Foru Aginduan eta arau honexetan ezarritako prozedurari jarraikiz, aldi baterako kontrataziorako izangaien zerrenda hauek sortuko dira:

_Probak gainditu bai baina lanposturik lortu ez duten izangaien zerrenda.

_Hautapen prozesuaren ariketa guztiak gainditu ez dituzten izangaien zerrenda.

9.2. Epaimahaiaren espedientea jasota, Funtzio Publikoaren zuzendari nagusiaren ebazpen baten bidez, hautapen prozesua gaindituta ere lanposturik gabe gelditu diren izangaiei eta deialdian ezarritako azkenaurreko ariketa gainditu dutenei hamar egun balioduneko epea emanen zaie, ebazpena argitaratu eta biharamunetik hasita, ondoko dokumentazio hau aurkezteko:

Deialdiko 2. arauan eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, sartzeko prozesuan parte hartzeko eskabideak aurkezteko epean titulua eskuratzeko moduan egoten dela frogatzen duen ziurtagiria.

Ebazpen hau Nafarroako ALDIZKARI OFIZIALean argitaratuko da, eta langileen zerrendak Nafarroako Gobernuko iragarki-oholean (Karlos III.aren etorbidea, 2, atalondoa, Iruña).

Eskatzen diren agiriak aipatu epean aurkezten ez dituztenak (aski justifikatutako ezinbesteko kasuetan izan ezik) eta eskatutako baldintzak betetzen ez dituztenak ez dira sartuko aldi baterako kontratuetarako izangaien zerrendan, eta deialdian parte hartzeagatiko eskubide guztiak galduko dituzte, betiere, parte hartzeko eskabidea faltsutzeagatik legokiekeen erantzukizuna deusetan ukatu gabe.

9.3. Sarrera prozedurako eskabideak aurkezteko epea bukatzen den egunerako bete beharko dira baldintzak, eta hautaprobek dirauteino eta kontratazioaldiak iraun bitarte bete beharko dira.

9.4. Dokumentazioa aurkezteko epea bukaturik, Funtzio Publikoaren zuzendari nagusiaren ebazpen baten bidez, aldi baterako kontratuetarako izangaien zerrenda hauek onetsiko dira eta Nafarroako Gobernuaren iragarki-oholean argitaratuko (Karlos III.aren etorbidea, 2, atalondoa, Iruña):

Probak gainditu bai baina lanposturik lortu ez duten izangaien zerrenda.

Deialdiaren azkenaurreko ariketa gainditu bai baina lanposturik gabeko gaindituen zerrendan ez daudenen zerrenda.

9.5. Aldi baterako kontratuetarako zerrendetan, izangaien hurrenkera hauxe izanen da: gainditu bai baina lanposturik lortu ez dutenen kasuan, hauta-probetan lortutako puntuazioaren araberakoa, eta gainerakoen kasuan, gainditutako ariketetako puntuazioen batuketaren araberakoa.

10._Errekurtsoak.

Epaimahaiak ematen dituen egintza eta ebazpenen kontra gora jotzeko errekurtsoa paratzen ahal da Funtzio Publikoaren zuzendari nagusiari zuzenduta, errekurtsoaren xede den egintza argitaratu edo jakinarazi eta biharamunetik hilabeteko epean.

Deialdi honen eta bere arauen kontra eta arauak aplikatzeko egintzen kontra, epaimahaiak hartutakoen kontra izan ezik, zilegi izanen da gora jotzeko errekurtsoa jartzea, Lehendakaritza, Justizia eta Barne kontseilariari zuzendua, hilabeteko epean, errekurritu nahi den egintza argitaratu edo jakinarazi eta biharamunetik kontatuta.

Hori guztia Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluarekin bat, eta urtarrilaren 13ko 4/1999 Legeak aldatutako Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluei jarraikiz.

Iruñean, 2006ko azaroaren 20an._Funtzio Publikoaren zuzendari nagusia, Alberto Andérez González.

I. ERANSKINA

Eskabidea

........................ jaun/andrea, adin nagusikoa, ... Nortasun Agiri Nazionalaren (edo baliokidea den nortasun agiriaren) jabe, ..........(e)n (............) ......(e)ko ............aren ....(e)an jaioa, .........(e)ko nazionalitatea duena, helbidea ........(e)ko (........) ......... kalean, ........... posta kodea, eta etxean ....... telefonoa eta lantokian ....... telefonoa dituena,

AZALTZEN DUT:

Nafarroako Foru Komunitateko Administrazioaren eta haren erakunde autonomoen zerbitzuko .............. izateko ..........lanpostu ....................bidez betetzeko deialdian parte hartzeko onartua izatea eskatzen dudala, aipatu txandan (deialdia ...... zenbakiko Nafarroako ALDIZKARI OFIZIALean argitaratu zen, ......(e)an).

f Txanda irekia:

f Igoera txanda*

f Ezgaitasunen bat dutenendako txanda*

Hautaprobak gainditzen ez baditut, lanpostuak behin-behinekoz betetzeko aukeraz baliatu nahi dudala, honako esparruotako batean:

f Administrazio erroa*

f Osasunbidea-Nafarroako Osasun Zerbitzua*

f Nafarroako Gizarte Ongizatearen Institutua*

(Esparruetako bakar bat aukeratu daiteke).

Ez dudala karguan aritzea galarazten didan eritasunik edo akats fisikorik nahiz psikikorik.

Indarra duten xedapenetan ezarritako ezintasunik ez dudala.

Ez naizela diziplinako espediente bidez ezein administrazio publikoren zerbitzutik kanpo utzia izan eta ez nautela eginkizun publikoak betetzeko gaitasunik gabe utzi.

Deialdian eskatzen den titulazioaren jabe naizela.

Azterketa eskubideak ordaindu ditudala deialdian ezarritako moduan eta horren gordekina erantsi dudala, edo erantsitako agirien bidez frogatzen dudala tasa ordaintzetik salbuetsita nagoela.

Eskabideak aurkezteko epearen azken egunean beharkizun guztiak betetzen ditudala.

f Ezgaitasuna dudala eta, beraz, azaltzen den egokitzapena eskatzen dudala, adierazten diren arrazoiengatik (beste orri batean azaldu behar dira eskatzen diren egokitzapenak eta haietarako arrazoiak).

f Ezgaitasuna frogatzen duen agiria aurkezten dudala, erakunde eskudun batek emana.

f Euskararen gaitasunaren agiria edo ofizialki baliokidea den beste titulu bat aurkezten dudala*

f Euskara maila jakiteko proba egitea eskatzen dudala*.

f Frantseseko eta ingeleseko nahikotasun frogak egitea eskatzen dudala*.

Horrenbestez,

Eskabide hau ontzat hartu eta aipatu deialdian onartua izatea eskatzen dut.

Iruñean, ....(e)ko ...............aren .........(e)an.

(Sinadura)

(*) Bidezkoa bada.

NAFARROAKO GOBERNUA. LEHENDAKARITZA, JUSTIZIA ETA BARNE DEPARTAMENTUA.

FUNTZIO PUBLIKOAREN ZUZENDARITZA NAGUSIA.

Oharra._Datu Pertsonalak Babesteko abenduaren 13ko 15/99 Lege Organikoan xedatutakoa betez, jakinarazten da agiri honetan ageri diren datuak eta administrazioarekin etorkizunean izan daitekeen zerbitzu harremena kudeatzeko beharrezkoak diren gainerako guztiak datuen fitxategi automatizatu batean sartuko direla. Nafarroako Gobernuko Funtzio Publikoaren Zuzendaritza Nagusia da fitxategi horren erantzulea, eta datuen konfidentzialtasuna bermatzen du. Datuen titularrari jakinarazten zaio datu pertsonalen tratamendua eskuratu, zuzendu, ezabatu eta haren aurka jotzeko eskubidea erabiltzen ahal duela, datuak babesteko indarra duen araudiarekin bat.

II. ERANSKINA

LEHEN ZATIA

Ezagupenen transmisioa

1. gaia._Keinutik multimediara, giza komunikazioaren prozesua.

2. gaia._Papirotik ordenagailuaren pantailaraino.

3. gaia._Gauzak izendatzen jakitea pentsamenduak eratzeko. Hiztegia ezagupenen transmisioan.

4. gaia._Hiztegia paperean editatzean, edizio elektronikoan eta Interneteko orrietan.

5. gaia._Zer egin daitekeen zer den ez dakigun irudi batekin. Ezagupenen transmisioan irudia ezin da apaingarri hutsa izan. Irakur al daiteke irudia? Zer esaten digu irudi batek?

6. gaia._Informazioa eta ezagupena. Liburuaren etorkizuna.

Autoedizioa

7. gaia._Autoedizioa edizioaren aldean.

8. gaia._Pantaila. CPU-a. Teklatua. Inprimagailua. Eskanerra. Bestelako periferikoak.

9. gaia._Testuen tratamendurako programak. Autoediziorako programak. PostScript lengoaia.

10. gaia._Autoediziorako prozedurak eta metodologia.

Paperezko edizioa

11. gaia._Argitalpen programa. Argitaratzailea. Idazlearen eta argitaratzailearen arteko harremana. Banakako idazlea. Egilekideak. Egile eskubidea, ustiatzeko eskubidea eta haren iraupena. Argitalpen kontratua.

12. gaia._Idazlearen eta irakurlearen arteko harremana. Irakurgarritasuna. Jatorrizko lana eta itzulpenak. Baterako argitalpenak. Baterako argitalpenerako kontratua. Aurrekontua. Espedientea.

13. gaia._Zer dira eta zertarako balio dute: liburuxkak. Diptikoak. Kartelak. Liburua. Liburu elektronikoa. Bildumak.

14. gaia._Liburuaren kanpoko aldeak. Liburuaren barruko aldeak.

15. gaia._Eskuz idatzitako liburua. Inprimatutako liburua.

16. gaia._Liburu motak.

17. gaia._Kontzeptuen zuzenketatik, banaketa eta salmentaraino.

18. gaia._Jatorrizkoaren definizioa. Jatorrizkoaren aurkezpena. Jatorrizkoaren interpretazio tipografikoa. Interpretazio tipografikorako arauak. Interpretazio tipografikoari buruzko kontzeptuak. Testu motak. Mikroirakurgarritasuna. Elementu grafikoen kokapena. Erritmoa eta oreka.

19. gaia._Tipografiaren hastapenak. Berunezko tipografia, elektronikoa eta digitala. Tipo-familiak. Funtzionaltasuna tradizioaren aldean.

20. gaia._Tipoen anatomia. Tipo-familien sailkapena (zeure paleta sortu). Tipometria. QuarkXPress eta koadratina.

21. gaia._Tipoen kokapena. Tipoen hierarkiak. Justifikazioa. Justifikatu gabeko konposizioa. Forma tipografikoak. Estetika tipografikoa.

22. gaia._Maketaren egitura. Liburu baten atalak. Testuaren kalkulua. Zuzenketak.

23. gaia._Zuriuneak, ertzak eta sangria.

24. gaia._Konposizioaren definizioa. Konposizioaren historia eta konposiziorako sistemak.

25. gaia._Testuak prozesatzeko programak: zer diren eta nola funtzionatzen duten.

26. gaia._Zuzenketak. Idazlearen iritzia.

27. gaia._CDa ikuskatzea "lisaburdinean zuzenean" jartzeko. Inprentako probak zuzentzea: zer dagokion inprentari, zer diseinatzaileari eta zer bezeroari. Erratak eta errata motak.

28. gaia._Estilo liburua eta eskuliburua. Zuzenketa zeinuak.

29. gaia._Ilustrazioak eta apaindurak. Argazkia eta argazkigintza. Ilustrazioen eta argazkien hautaketa, kopurua eta kalitatea. Ilustrazioen eta argazkien manipulazioa. Ilustratzaileen eta argazkilarien ezaugarriak.

30. gaia._Oinarrien pleguen banaketa eta konbinazioa. Konbinatzeko arauak.

31. gaia._Orrialdearen definizioa. Orrialde motak.

32. gaia._Testuaren estetika tipografikoa. Testuaren estetika: hutsuneen eta zuriuneen efektua, neurrien balioa, letra estiloa, elementuen errepikapena, hutsuneen koinzidentzia.

33. gaia._Orrialdearen estetika tipografikoa. Orrialdearen estetika.

34. gaia._Konposizio kutxatila. Neurriak, altuera eta ertzak.

35. gaia._Proportzioak.

36. gaia._Orrialdeen zenbaketa jarraitua eta aldikakoa. Folioak eta haien kokapena. Koadroak eta taulak. Aipuak eta oharrak.

37. gaia._Ilustrazioen eta argazkien erabilpena. Ilustrazioen eta argazkien tamaina eta neurriak. Ilustrazioen eta argazkien handitzeak eta txikitzeak.

38. gaia._Ilustrazio eta argazki motak.

39. gaia._Ilustrazioen eta argazkien kokapena orrialdean. Kokatzeko arauak.

40. gaia._Inprimatzearen definizioa. Orrialdeak lotzea eta ezartzea. Inprimatzeko prozedurak. Inprimatze akatsak.

41. gaia._Kolorezko inprimatzea. Kolore sinpleak eta konposatuak. Koloreen sintesia. Koloreen erreprodukzio inprimatua. Zirkulu kromatikoa. Koloreen harmonia. Inprimatze motak. Estanpazioa.

42. gaia._Inprimatzeko euskarria. Paperaren historia. Papergintzako gaiak: zuntzak, zuntzik gabeko materialak eta aditiboak. Paper motak.

43. gaia._Bobina eta plegua. Pleguen konbinazioak. Bostehunekoa eta haren multiploak. Gramajea, gehikuntza eta murrizketa. Paperaren formatua eta liburuena. Papera eta inprimatzea.

44. gaia._Enkoadernazioaren definizioa. Enkoadernazioa aukeratzea. Enkoadernazioaren teknikaren prozesua.

45. gaia._Enkoadernazio motak.

46. gaia._Legezko gordailuaren definizioa eta helburuak. Legezko gordailuaren objektuak. Legezko gordailutik kanpoko objektuak. Legezko gordailuan egon beharreko subjektuak. Nork eskatu behar duen legezko gordailua.

47. gaia._ISBNa. ISBNa eta barra kodea.

48. gaia._Edukien kontrola eta edizioaren kontrol teknikoa.

Edizio digitala

49. gaia._Oinarrizko kontzeptuak: informazio digitala eta bere ezaugarriak. Dokumentu analogikoak, digitalak eta elektronikoak bereiztea. Liburu elektronikoa paperezko euskarria duen liburuarekin alderatuz.

50. gaia._Hipertestua. Interaktibitatea. Erabilgarritasuna.

51. gaia._Edizio digitala: edizio digitalaren eta multimediaren historia eta bilakaera.

52. gaia._Diseinu eta produkzio prozesu orokorraren faseak. Proiektu interaktiboen tipologia. Eskakizun metodologikoak. Produkzio plana.

53. gaia._Ideiatik eskakizunetaraino. Informazioaren diseinua. Interakzioaren edo komunikazioaren diseinua. Erabiltzaileen interfazaren diseinua.

54. gaia._Testu digitalaren produkzioa. Irudien produkzioa. Audioaren produkzioa. Ikus-entzunezko produkzioa.

55. gaia._Originalak irudi digitalean. Irudiak sartzeko dispositiboak. Argazki digitala: ohiko lana/lan digitala. Kamera digitala. Kamera digitalaren abantailak.

56. gaia._Programazio prozesua eta garapen teknologikoa edizio digitalean. Kalitatearen kontrola.

57. gaia._Internet kultura. Oinarriak eta osagaiak. Zerbitzariak eta bezeroak.

58. gaia._Web orriak planifikatzea. Aurreproiektua. Diseinatzeko arauak: erredakzioa, grafia teknikoa, nabigatzea.

59. gaia._Web estiloa. Informazioaren antolamendua. Dokumentuen luzera. Ikonografia eta nabigatzea. Tipografia eta koloreak.

60. gaia._PDF dokumentuak. Ezaugarriak. Dokumentu horien abantailak eta desabantailak.

61. gaia._Ebaluazio irizpideak: edukia eta nabigagarritasuna, diseinua, alderdi teknikoak.

62. gaia._Web orriak editatzeko softwarea. FrontPage-a Dreamweaver-ekin alderatuz.

63. gaia._Web orriak argitaratzea. Eskuragarritasun mailak. Mantentzea.

64. gaia._Intranet eta Extranet.

65. gaia._Jabetza intelektuala eta teknologia berriak. Internet, lanak ustiatzeko gune berria. Lan digitalak babesteko moduak. Lanak iragartzeko moduak.

Banaketa eta salmenta

66. gaia._Talka liburua. Atzealdeko liburua. Super salduak.

67. gaia._Salmentarako bideak. Salmenta motak.

68. gaia._Publizitatea gizarte komunikabideetan. Liburu azokak. Norbere baliabideak.

69. gaia._Bezeroen iritzia. Bezeroen iradokizunak, kontsultak eta erreklamazioak hartzea, baloratzea eta haiei erantzutea.

70. gaia._Hartzea, kontrolatzea, biltzea eta banatzea.

Irudi korporatiboa

71. gaia._Marka erakunde baten irudi gisa. Marka erakunde publiko batean eta erakunde pribatu batean. Bereiztea sinboloa, logotipoa, logosinboloa, irudi korporatiboa, identitate korporatiboa.

72. gaia._Nafarroako Gobernuaren markaren irudia (logosinboloa). Nafarroako Gobernuaren logosinboloa (marka) eta Iruñeko Udalarena alderatzea.

73. gaia._Identifikaziorako oinarrizko ikurrak. Identifikaziorako programa integralak. Zeintzuk diren identifikaziorako ikur horiek Nafarroako Gobernuaren logosinboloan.

74. gaia._Erakundeen marka-irudi guztien inplikazio ideologikoak eta kulturalak. Zein inplikazio dituen Nafarroako Gobernuarenak.

75. gaia._Nafarroako identitate ikurrak. Parlamentua. Nafarroako Gobernua. Nafarroako beste identitate ikur batzuk.

76. gaia._Zer da irudi korporatiboaren liburua? Zer eduki behar du? Zergatik eduki behar du erakunde batek irudi korporatiboaren liburua?

BIGARREN ZATIA

1. gaia._Espainiako 1978ko Konstituzioa: Estatuko aginteak. Koroa. Gorte Nagusiak. Gobernua eta Administrazioa. Botere judiziala Konstituzioan.

2. gaia._Zuzenbide Publikoaren iturburuak: legeak eta horien motak. Lege-Dekretuak. Legegintzako Foru Dekretuak. Nazioarteko itunak.

3. gaia._Administrazio Zuzenbidearen iturburuak: erregelamendua eta erregelamendu-ahalmena. Erregelamendu motak. Erregelamendu-ahalmenaren mugak eta haren kontrola.

4. gaia._Administrazio egintza (I): kontzeptua, motak eta osagaiak.

5. gaia._Administrazio egintza (II): Administrazio egintzen baldintzak, eraginkortasuna, deuseztasuna eta deuseztagarritasuna.

6. gaia._Administrazio prozedura erkidea (I): kontzeptua eta izaera. Hasiera, antolamendua, instrukzioa eta bukaera.

7. gaia._Administrazio prozedura erkidea (II): Administrazioarekiko errekurtsoak: printzipio orokorrak eta motak.

8. gaia._Nafarroako Parlamentua edo Gorteak: osaera, antolakuntza eta eginkizunak.

9. gaia._Nafarroako Gobernuari eta lehendakariari buruzko Foru Legea.

10. gaia._Nafarroako Foru Komunitateko Administrazioari buruzko Foru Legea.

11. gaia._Nafarroako Foru Komunitateko Arartekoa. Comptos Ganbera. Nafarroako Kontseilua.

12. gaia._Nafarroako Administrazio Publikoen zerbitzuko Langileen Estatutua (I): langile motak. Funtzionario publikoen hautapena. Funtzionario izaera eskuratu eta galtzea.

13. gaia._Nafarroako Administrazio Publikoen zerbitzuko Langileen Estatutua (II): karrera administratiboa. Egoera administratiboak. Lanpostuak betetzea. Ordainsariak.

14. gaia._Nafarroako Ogasun Publikoa: Nafarroako Ogasun Publikoaren eskubide eta betebeharrak. Nafarroako aurrekontu orokorrak: edukia eta onespena; gastuen sailkapen ekonomikoa; betearaztea eta likidazioa.

15. gaia._Nafarroako Administrazio Publikoen kontratuak: araubide juridikoa. Administrazio kontratu ohikoenak: kontzeptua eta motak. Kontratuak esleitu, hobetu, sinatu, bete, aldatu eta iraungitzeko arau orokorrak.

16. gaia._Datu pertsonalak babesteko Lege Organikoa; datuak babesteko printzipioak; pertsonen eskubideak.

17. gaia._Nafarroako sinboloei buruzko 24/2003 Foru Legea, apirilaren 4koa. (45/03 Nafarroako ALDIZKARI OFIZIAL).

18. gaia._Nafarroako sinbolo ofiziala eta haren erabilera arautzen duen maiatzaren 3ko 189/2004 Foru Dekretua. (66/04 Nafarroako ALDIZKARI OFIZIAL).

Oharra:

Gai guztiak deialdi hau Nafarroako ALDIZKARI OFIZIALean argitaratzen denean indarra duen legeriari jarraikiz baloratuko dira, baina egun horren ondoren onetsitako arau aldaketen ekarpenak baloratzen ahalko ditu epaimahaiak.

Iragarkiaren kodea: F0619191