I. NAFARROAKO FORU KOMUNITATEA
1.3. BESTELAKO XEDAPENAK
1.3.5. Estatutuak eta lan hitzarmen kolektiboak
INDUSTRIA ETA TEKNOLOGIA, MERKATARITZA ETA LAN DEPARTAMENTUA. Iragarkia.
Apirilaren 22ko 873/1977 Errege Dekretuaren laugarren artikuluan xedatutakoari jarraikiz eta bertan hala agintzen baita, aditzera ematen da Nafarroako Gobernuko Industria eta Teknologia, Merkataritza eta Lan Departamentuan, 2006ko azaroaren 23ko 13:00etan, "Grupo de Empresas Agrarias de Navarra" (GEA-NAVARRA anagraman) izeneko lanbide erakundearen estatutuak aurkeztu direla. Elkarte horrek Nafarroa osoan dihardu, eta dagokion lanbide eremuak eginkizun horietan aritu eta askatasunez eta nahita elkartzea erabakitzen duten enpresaburuak biltzen ditu.
Eraketa aktaren lehenbiziko bi sinatzaileak hauek dira: Alfonso Sánchez-Ocaña eta Susana Carvajal Rousseau.
Aditzera ematen da, interesatuei horren berri eman eta jakinaren gainean egon daitezen. Interesatuek honi buruz bidezkoa iruditzen zaiena alegatzen ahal dute, idatziz, iragarki hau Nafarroako ALDIZKARI OFIZIALean argitaratu eta zortzi eguneko epean.
Iruñean, 2006ko azaroaren 27an._Lan Zerbitzuko zuzendaria, José María Andueza Azcona.
Iragarkiaren kodea: F0618961
