II. NAFARROAKO TOKI ADMINISTRAZIOA
2.3. BESTELAKO XEDAPENAK
2.3.4. Aurrekontuak-Toki Ogasunak
BARAÑAIN
Aurrekontuko 49/2006 aldaketa. Behin betiko onespena
Barañaingo Udaleko Tokiko Gobernu Batzarrak, 2006ko urriaren 3ko bilkuran, hasiera batean onetsi zuen Udalaren 2006ko aurrekontu orokorreko (2005etik luzatua) 49/2006 aldaketaren espedientea, kreditu transferentzia baten onespenari buruzkoa. Hori guztia, aurrekontua betearazteko oinarrietako 10.ean xedatutakoari jarraituz.
Iragarkia 2005eko 128. Nafarroako ALDIZKARI OFIZIALean argitaratu zen, urriaren 25ean, jendaurreko aldia eta alegazio eta erreklamazioetarako epea irekitzeko. Orobat, iragarki horri behar bezainbateko publizitatea eman zitzaion, Udaleko iragarki oholean ediktua paratuta.
Nafarroako Toki Ogasunei buruzko martxoaren 10eko 2/1995 Foru Legearen 214.2 artikuluak lege beraren 202.1 artikuluaren gainean ezarritako hamabost eguneko epea iraganik inork alegaziorik edo erreklamaziorik egin gabe, aipatu aldaketa behin betikoz onetsitzat jo da, martxoaren 10eko 2/1995 Foru Legearen 202. artikuluari jarraituz.
Hona hemen behin betikoz onetsitako aldaketa:
Kreditu transferentzia.
_Gastu gehikuntza:
2. kapitulua._Zenbatekoa: 1.600 euro.
2. kapitulua._Zenbatekoa: 8.000 euro.
Gastu gehikuntza, guztira: 9.600 euro.
_Gastu gutxitzea:
2. kapitulua._Zenbatekoa: 1.600 euro.
2. kapitulua._Zenbatekoa: 8.000 euro.
Gastu gutxitzea, guztira: 9.600 euro.
Argitara ematen da aipatu legezko aginduak betetzeko asmoz, eta ohartarazten da behin betiko onespen honen aurka hauetako bideren bat erabil daitekeela:
a) Berraztertzeko errekurtsoa, Barañaingo Udaleko Tokiko Gobernu Batzarrari zuzendua, hilabeteko epean, iragarki hau Nafarroako ALDIZKARI OFIZIALean argitaratu eta biharamunetik hasita.
b) Administrazioarekiko auzi-errekurtsoa, zuzenean Administrazioarekiko Auzien Epaitegiari zuzendua, bi hilabeteko epean, iragarki hau Nafarroako ALDIZKARI OFIZIALean argitaratu eta biharamunetik hasita.
c) Hilabeteko epean, gora jotzeko errekurtsoa Nafarroako Administrazio Auzitegian aurkeztuta, erabaki hau Nafarroako ALDIZKARI OFIZIALean argitaratzen denetik hasita.
Barañainen, 2006ko azaroaren 15ean_Alkate udalburua, Iosu Senosiáin Ibáñez.
Iragarkiaren kodea: L0618277
