I. NAFARROAKO FORU KOMUNITATEA
1.3. BESTELAKO XEDAPENAK
1.3.2. Kontratazio administratiboa
1078/2006 EBAZPENA, urriaren 24koa, Eskola eta Lanbide Irakaskuntzaren zuzendari nagusiak emana, UTE Transporte Escolar de Navarra enpresari irailaren 5eko 402/2003 Foru Aginduaren bidez esleitu zitzaion ikasle-garraiorako kontratua (39/14 espedientea, Iruñeko Erdialdea-Iturrama barrutikoa) aldatu eta berritzeko baimena ematen duena.
Ikastetxeen eta Ikasketetarako Laguntzen Zerbitzuaren txostena ikusirik, zeinean proposatzen baita 402/2003 Foru Aginduaren bidez UTE Transporte Escolar de Navarra enpresari esleitu zitzaion ikasle-garraioaren zerbitzua aldatzea (39/14 espedientea).
Hezkuntza kontseilariak maiatzaren 19an emandako 100/2005 Foru Aginduan xedatutakoari jarraikiz, Hezkuntza Departamentuko zuzendari nagusien eta idazkari tekniko nagusiaren aldi baterako ordezkoak izendatzen baititu eta Eskola eta Lanbide Irakaskuntzaren zuzendari nagusia ez dagoenez.
EBATZI DUT:
1. UTE Transporte Escolar de Navarra enpresak duen ikasle-garraiorako kontratua aldatzea (39/14 espedientea, Iruñeko Erdialdea-Iturrama barrutia). Aldaketa horren funtsa 04 ibilbidean beste autobus bat kontratatzea, Iruñeko "Plaza de la Cruz" BHIra joateko, Mendillorriko DBHko lehen zikloa egin eta BHI hartara doazen ikasleak gehitu baitira. Halaber, beharrezkoa da 06 ibilbidean beste bi ibilgailu kontratatzea Sarrigurengo ikasleak Mendillorriko "El Lago", "Mendigoiti", "Elorri" eta "Mendillorri" HLHIPetara joateko. Aldaketa horrek 63.933,76 euroko gastua sortzen du.
2. Espediente horren barrenean, kontratua 2006-2007 ikasturterako luzatzeko baimena ematea, ebazpen honen eranskinean azaltzen diren zerbitzu eta prezioen arabera. Guztira 315.112,16 euro izanen dira.
3. 2006-2007 ikasturterako kontratazio horrek dakarren gehieneko gastua, 315.112,16 eurokoa izanen dena, baimentzea. Horietatik 121.747,88 euro, irailetik abendura bitarterako, 2006ko aurrekontukoak dira eta departamentuko gastuen aurrekontu indarduneko "ikasle-garraioa" izeneko 410004 41150 2230 324100 kontusailaren kargura ordainduko dira; gainerakoa, 193.364,28 euro, 2007ko urtarriletik ekainera bitarterako, 2007ko gastuen aurrekontuan dagokion kontusailaren kargura, Nafarroako 2006ko Aurrekontu Orokorrei buruzko 18/2005 Foru Legearen 30.1 artikuluan ezarritakoari jarraikiz.
4. Ebazpen honetan ezarritakoa Nafarroako ALDIZKARI OFIZIALean argitaratzea.
5. Ebazpen hau eta eranskina igortzea enpresa esleipen-hartzaileari, Herri Lan, Garraio eta Komunikazio Departamentuko Garraioaren Antolamendu eta Kudeaketarako Zerbitzuari, Ekonomia eta Ogasun Departamentuak Hezkuntzakoan duen kontu-hartzaile delegatuari, Zerbitzuak Ikuskatzeko eta Ikuskapen Teknikorako Zerbitzuari, Ikastetxeen eta Ikasketetarako Laguntzen Zerbitzuari, Ikasketetarako Laguntzen Atalari, Zerbitzu Osagarrien Bulegoari eta Kudeaketa Ekonomikoaren Bulegoari, behar diren ondorioak izan ditzaten.
Iruñean, 2006ko urriaren 24an._Zerbitzuak Ikuskatzeko eta Ikuskapen Teknikorako Zerbitzuko zuzendaria, Francisco Arteaga Ruiz jauna Eskola eta Lanbide Irakaskuntzaren zuzendari nagusia ordezkatuz.
Iragarkiaren kodea: F0617513
