I. NAFARROAKO FORU KOMUNITATEA
1.3. BESTELAKO XEDAPENAK
1.3.4. Dirulaguntzak eta bekak
299/2006 EBAZPENA, urriaren 11koa, Gizarte Ongizate, Kirol eta Gazteria kontseilariak emana, gizarte ekintzaren arloetako kongresu nazional eta nazioartekoak, jardunaldiak eta sentsibilizazio ekintzak egiteko laguntzen 2006ko deialdia ebazten duena.
Gizarte Ongizate, Kirol eta Gazteria kontseilariak, ekainaren 29ko 152/2006 Foru Aginduaren bitartez, gizarte ekintzaren arloetako kongresu nazional eta nazioartekoak, jardunaldiak eta sentsibilizazio ekintzak egiteko laguntzen 2006ko deialdiaren oinarriak onetsi zituen (2006ko 87. Nafarroako ALDIZKARI OFIZIALa, uztailaren 21ekoa).
Ikusirik organo instruktorearen txostena, gizarte ekintzaren arloetako kongresu nazional eta nazioartekoak, jardunaldiak eta sentsibilizazio ekintzak egiteko laguntzen 2006ko deialdiko zazpigarren oinarrian aipatua, 2006ko irailaren 25ekoa, 89/2006 espedientean ageri dena.
Horrenbestez, Nafarroako Foru Komunitateko Administrazioari buruzko abenduaren 3ko 15/2004 Foru Legeak eta Gizarte Ongizate, Kirol eta Gazteria Departamentuaren egitura organikoa ezartzen duen otsailaren 24ko 46/2005 Foru Dekretuak ematen dizkidan eskurantzak erabiliz,
EBATZI DUT:
1. Gizarte ekintzaren arloetako kongresu nazional eta nazioartekoak, jardunaldiak eta sentsibilizazio ekintzak egiteko laguntzen 2006ko deialdiaren babesean dirulaguntza hauek ematea, 2006ko gastuen aurrekontuko "Jardunaldi, kongresu eta sentsibilizazio ekintzetarako transferentziak" izeneko 910001-91100-4819-231000 kontusailaren bitartez. Adierazten den gastua erabiliko da:
Kongresu nazional eta nazioartekoen atalean:
Nafarroako Unibertsitate Publikoari (IFZ: F3150012G), 95 puntu eta justifikatzeko 84.000,00 euro dituenari, "Migrazioak eta gizarte politikak Europan" izeneko Nazioarteko Kongresurako (2006ko ekainaren 8tik 10era egina), hogeita hamasei mila (36.000,00) euroko dirulaguntza.
Iruñeko Erruki Etxeari (IFZ: G31014186), 69 puntu eta justifikatzeko 142.166 euro (BEZik gabe) dituenari, 2006ko urriaren 5etik 8ra bitarte "Erruki Etxeen Nazioarteko VIII. Kongresua (Erruki Etxeak eta Belaunaldiartekotasuna)" egiteko, hogeita bat mila eta seiehun (21.600,00) euroko dirulaguntza.
Nafarroako Unibertsitateko Geografiaren eta Lurralde Antolamenduaren Departamentuari (IFZ: Q3168001J), 68 puntu eta justifikatzeko 73.556,61 euro dituenari, "Espainiako Populazioari, Migrazioei, Mugigarritasunari eta Lurraldeari buruzko X. Kongresu Nazioanalerako" (2006ko ekainaren 29tik uztailaren 1era bitarte egina), zazpi mila zortziehun eta laurogeita hamaika euro eta hogei zentimoko (7.891,20) dirulaguntza.
Nafarroako Gerontologia eta Geriatria Elkarteari (IFZ: G31351034), 62 puntu eta justifikatzeko 597.100,00 euro dituenari, "Nafarroako Gerontologia eta Geriatria Elkartearen 2. Kongresurako" eta "Espainiako Gerontologia eta Geriatria Elkartearen 48. Kongresurako" (2006ko ekainaren 14tik 17ra bitarte egina), hamalau mila eta laurehun euroko (14.400,00) dirulaguntza.
Nafarroako Garun Lesioko Elkarteari (Adacen), (IFZ: G31523715), 61 puntu eta justifikatzeko 36.587,00 euro dituenari, "Beharren esperientziatik ikerketarako itxaropenera" izenarekin, 2006ko urriaren 19tik 21era bitarte, Garun Lesioaren III. Kongresua egiteko, lau mila ehun eta zortzi euro eta laurogei zentimoko (4.108,80) dirulaguntza.
Jardunaldien eta sentsibilizazio ekintzen arloan honako hauek, puntuazioen hurrenkeran:
"Asamblea de Cooperación por la Paz" (Acpp-Blb) elkarteari (IFZ: G80176845), 95 puntu eta justifikatzeko 18.036,25 euro dituenari, Iruñean, 2006ko irailetik azarora bitarte, "Veo Veo/Ikusi Makusi" gizarte eta hezkuntzako proiektuaren 2. fasearen zabaltzea egiteko, lau mila berrehun eta hogeita hiru euro eta hirurogeita hamabi zentimoko (4.223,72) dirulaguntza.
Osasun Psikikorako Nafarroako Elkarteari (Anasaps) (IFZ: G31191216), 94 puntu eta justifikatzeko 19.000,00 euro dituenari, 2006. urtean Gizarte Ekintzaren arloan Sentsibilizazio Ekintzak egiteko, bederatzi mila euroko (9.000,00) dirulaguntza.
Pobreziaren eta Gizarteko Bazterketaren aurkako Nafarroako Sareari (IFZ: G31507346), 93 puntu eta justifikatzeko 2.190,00 euro dituenari, Nafarroako Gizarte Zerbitzuen Lege berriaren inguruan 2006ko urriaren 17an Jardunaldi bat egiteko, bi mila ehun eta laurogeita hamar euroko (2.190,00) dirulaguntza.
Nafarroako Erretinitis Pigmentarioaren Elkarteari (IFZ: G31481567), 87 puntu eta justifikatzeko 5.200,00 euro dituenari, 2006ko ekainaren 29an "Komunikazio elektroniko irisgarrirantz" izeneko Irisgarritasun Unibertsalaren II. Jardunaldiak egiteko, bi mila euroko (2.000,00) dirulaguntza.
Nafarroan Adimen Urritasuna duten Pertsonen Elkarteen Federazioari (Feaps Navarra) (IFZ: G31699077), 86 puntu eta justifikatzeko 8.716,55 euro dituenari, "Adimen urritasuna duten pertsonentzako kalitatezko aisia zerbitzua" izenarekin 2006ko azaroaren 8an Aisiaren I. Jardunaldia egiteko, zortzi mila eta hirurogeita hamabost euro eta berrogeita hamabost zentimoko (8.075,55) dirulaguntza.
Nafarroako Erretiratu Progresisten Elkarteari (Anajup) (IFZ: G31878440), 85 puntu eta justifikatzeko 4.890,00 euro dituenari, "Adineko pertsona eta emakumea; Nafarroan menpekotasuna dutenei laguntzearen erronkak" izenarekin 2006ko urriaren 19an Jardunaldiak egiteko, lau mila zortziehun eta laurogeita hamar euroko (4.890,00) dirulaguntza.
Nafarroako Erriberan Urritasun Fisikoa duten Pertsonen Elkarteari (Animet) (IFZ: G31135106), 84 puntu eta justifikatzeko 13.022,00 euro dituenari, "Menpekotasunari eta Autonomia Pertsonalari buruzko Legea" izenarekin 2006ko maiatzaren 26 eta 27an egin zen Urritasunari buruzko VI. Jardunaldi Nazionalerako, sei mila eta hirurehun euroko (6.300,00) dirulaguntza.
Nafarroako Erretinitis Pigmentarioaren Elkarteari (IFZ: G31481567), 83 puntu eta justifikatzeko 7.250,00 euro dituenari, 2006ko urriaren 7an "Lagundu zuri begiratzen" izeneko Erretinitis Pigmentarioaren XII. Jardunaldiak egiteko, hiru mila euroko (3.000,00) dirulaguntza.
Gaztelan Fundazioari (IFZ: G31546435), 83 puntu eta justifikatzeko 4.357,54 euro dituenari, " Emakumeak bazterketaren bidean: generoa, enplegua eta pobrezia" izenarekin 2006ko maiatzaren 26an egindako Jardunaldirako, bi mila berrehun eta laurogeita zazpi euro eta berrogeita hamalau zentimoko (2.287,54) dirulaguntza.
Nafarroako Erretinitis Pigmentarioaren Elkarteari (IFZ: G31481567), 82 puntu eta justifikatzeko 6.650 euro dituenari, 2006ko urriaren 26 eta 27an "Urritasuna, beti ageri den albistea" izenarekin Komunikazioaren eta Urritasunaren I. Jardunaldiak egiteko, hiru mila euroko (3.000,00) dirulaguntza.
"La Majarí" Nafarroako Ijitoen Elkarteari (IFZ: G31129133), 80 puntu eta justifikatzeko 4.360,62 euro dituenari, 2006ko azaroaren 16tik 20ra bitarte "La Majarí" ijitoen kulturaren sentsibilizazio Jardunaldia egiteko, lau mila hirurehun eta hirurogei euro eta hirurogeita bi zentimoko (4.360,62) dirulaguntza.
Nafarroako Unibertsitateko Geografiaren eta Lurralde Antolamenduaren Departamentuari (IFZ: Q3168001J), 78 puntu eta justifikatzeko 3.937,50 euro dituenari, "Nafarroako etorkinak gizartean eta lanean integratzea" izenarekin 2006ko ekainaren 27an egindako Jardunaldirako, bi mila bederatziehun eta hogeita hamazpi euro eta berrogeita hamar zentimoko (2.937,50) dirulaguntza.
"Gaz Kalo" Ijitoen Elkarteen Federazioari (IFZ: G31676059), 77 puntu eta justifikatzeko 3.437,50 euro dituenari, "Nafarroako ijitoekin egiten diren bitartekaritza programei buruzko diagnostikoa aurkezteko 2006ko azaroaren 3an eginen den Jardunaldirako, hiru mila laurehun eta hogeita hamazazpi euro eta berrogeita hamar zentimoko (3.437,50) dirulaguntza.
Irurtzungo Gizarte Zerbitzuen Mankomunitateari (IFZ: G31246176), 77 puntu eta justifikatzeko 1.520,00 euro dituenari, "Ezkutuko gaitasunak miatzen: kolektibo behardunen behar eta gaitasunei buruzko sentsibilizazioa" izenarekin 2006ko irailean egindako jardunaldirako, mila bostehun eta hogei euroko (1.520,00) dirulaguntza.
Nafarroan Adimen Urritasuna duten Pertsonen aldeko Elkarteari (Anfas) (IFZ: G31058258), 77 puntu eta justifikatzeko 12.624,07 euro dituenari, "Espektro autistaren garapenaren nahaste orokortua: gogoetak eta esperientziak" izenarekin 2006ko otsailaren 3 eta 4an egindako jardunaldirako, zortzi mila ehun eta hogeita lau euro eta zazpi zentimoko (8.124,07) dirulaguntza.
Deialdiko 8. oinarriarekin bat, gastu sozialek ez dute inolaz ere gaindituko diruz lagundutako zenbatekoaren %10a, eta zeharkako kostuek %5a.
2. Dirulaguntzen xede diren jardunaldietarako beste edozein laguntza hartuz gero, Gizarte Ongizatearen Zuzendaritza Nagusiari jakinarazi beharko zaio. Horrek emandako laguntza aldatu edo ezabatzen ahalko du.
3. Ordaintzeko modua eta baldintzak deialdiaren hamahirugarren oinarrian ezarritakoak izanen dira. Aipatutako kontusailen kontura ordainduko da.
4. Eskaera hauek ez dira onartu:
"Estanislao Aranzadi" Praktika Juridikoaren Eskola Fundazioari (IFZ: G31785074), "Zuzenbide penitentziarioko prestakuntza" eta "Atzerritartasunaren eskubideko prestakuntza" izeneko Jardunaldiak egiteko aurkeztu dituen eskaerak, deialdiaren eranskineko 5.3 oinarrian ezarritako baldintzak ez betetzeagatik.
Bizkarrezur bifidoaren Nafarroako Elkarteari (IFZ: G31385511), Anpheb Jardunaldiak egiteko aurkeztu duen eskaera, deialdiaren eranskineko 5.3 oinarrian ezarritako baldintzak ez betetzeagatik.
Nafarroako Gutxitu Fisikoen Koordinakundeari (IFZ: G31153323), "Koordinakundea, abangoardia integrazioaren alde" izeneko sentsibilizazio ekintzak egiteko aurkeztu duen eskaera, 5.4 oinarrian ezarritako baldintzak ez betetzeagatik.
Landa Eremuko Familien eta Emakumeen Elkarteari (IFZ: G31649692), gizarte arloko boluntariotzari buruzko sentsibilizazio Jardunaldia egiteko aurkeztu duen eskaera, 5.4 oinarrian ezarritako baldintzak ez betetzeagatik.
Macodou S.Sall Elkarte Soziokulturalari (IFZ: G10318533), baterako garapenerako ekintzak egiteko aurkeztu duen eskaera, 4.1 oinarrian ezarritako baldintzak ez betetzeagatik.
Gizarte Laguntzarako Unibertsitarioei (IFZ: G31464126), Nafarroako Foru Komunitatean boluntarioen lanerako dagoen beharrari buruz unibertsitateko ikasle eta graduatuak sentsibilizatzeko ekintzetarako aurkeztu duen eskaera, 5.4 oinarrian ezarritako baldintzak ez betetzeagatik.
Erretinitis Pigmentarioaren Elkarteari (IFZ: G31481567), ezgaitasunari buruzko IV. Gidoi Lehiaketa egiteko aurkeztu duen eskaera, 5.4 oinarrian ezarritako baldintzak ez betetzeagatik.
Laneko jazarpen moralaren kontrako Nafarroako Elkarteari (Anacasit) (IFZ: G31700201), Nafarroako Foru Komunitateko oinarrizko osasun laguntzako, adimen osasuneko eta gizarte ongizateko profesionalak laneko jazarpen psikologikoari buruz sentsibilizatu eta prestatzeko kanpainarako aurkeztu duen eskaera, 4.1 oinarrian ezarritako baldintzak ez betetzeagatik.
Nafarroako Nuevo Futuro Elkarteari (IFZ: G31058274), "Babes sistema Nafarroan, joera berriak aldaketarako aukera gisa" izeneko Kongresua egiteko aurkeztu duen eskaera, 4.1 puntuan ezarritako baldintzak ez betetzeagatik.
5. Puntu gutxiago lortu dituzten ondoko eskaerak ez dira onartu, aurrekontuan behar beste diru ez egoteagatik:
Koine-Aequalitas Fundazioari (IFZ: G83496000), 76 punturekin, ezgaitasuna duten pertsonen beharrei eta pertsona horiek baliabide komunitarioetara iristeari buruz sentsibilizazio ekintzak egiteko aurkeztu duen eskaera, aurrekontuan behar beste diru ez egoteagatik.
Nafarroako Erretinitis Pigmentarioaren Elkarteari (IFZ: G1481567), 75 punturekin, "Prebentzioa: ikerketan dago gure esperantza" izenarekin ezgaitasunari eta gizarteari buruz egin diren I. Jardunaldietarako aurkeztutako eskaera.
Adminen Osasunaren Foroari (IFZ: G317880803), 67,5 punturekin, adimen osasunari buruzko eztabaida foroak egiteko aurkeztutako eskaera.
Nafarroako Erretinitis Pigmentarioaren Elkarteari (IFZ: G1481567), 66 punturekin, "Oztoporik gabeko landa turismoa: kalitatea eta fideltasuna" izenarekin Denentzako Turismoaren II. Jardunaldiak egiteko aurkeztu duen eskaera.
Adsis Fundazioari (IFZ: G81436099), 63 punturekin, migrazioari, horren arrazoien eta egoerari, fundazioaren zereginari eta ageri diren erronkei buruzko Jardunaldiak egiteko aurkeztu duen eskaera.
Nafarroako Enpresaburuen Konfederazioari (IFZ: G31130693), 62 punturekin, "Ezgaituen enplegua sustatzea" izeneko jardunaldia egiteko aurkeztu duen eskaera.
Elkartasunerako Profesionalen Elkarteari (Apros-Navarra) (IFZ: G31846011), 60 punturekin, Iruñean gizabideari buruzko hitzaldiak egiteko aurkeztu duen eskaera.
6. Ebazpen hau Nafarroako ALDIZKARI OFIZIALean argitaratzea, behar diren ondorioak izan ditzan.
7. Ebazpen hau Plangintza, Kalitatearen Ebaluazio eta Ikuskapen Zerbitzuari, Kontu-hartzailetza Zentroari eta interesatuei jakinaraztea, behar diren ondorioak izan ditzan. Aditzera ematen da bide administratiboa ez duela agortzen eta haren kontra bidezko dela gora jotzeko errekurtsoa paratzea, Gizarte Ongizate, Kirol eta Gazteria kontseilariari igorria, jakinarazi eta biharamunetik hilabeteko epean.
Iruñean, 2006ko urriaren 11n._Gizarte Ongizatearen zuzendari nagusia, José Carlos Esparza Sáez.
Iragarkiaren kodea: F0616860