I. NAFARROAKO FORU KOMUNITATEA
1.1. XEDAPEN OROKORRAK
1.1.3. Foru Aginduak
446/2006 FORU AGINDUA, azaroaren 14koa, Ekonomia eta Ogasun kontseilariak emana, Gobernuak urriaren 30ean harturiko Erabakiko xedapenak zehaztu eta garatzen dituena. Erabaki horren bidez Nafarroako Zorra jaulkitzeko arauak eman ziren.
Gobernuak, martxoaren 14ko Erabakiaren bidez, 3. puntuan, esku ematen dio, eskuordetzaz, Ekonomia eta Ogasun kontseilariari jaulkipen honetako korritu tasa ezartzeko. Halaber, erabaki horretako 4. eta 5. puntuek xedatzen dutenez, kontseilari hark, foru agindu baten bidez, zorra jaulkitzeko ezaugarriak zehaztuko ditu, besteak beste, jaulkitzeko eguna, harpidetza-aldia eta korritu-tasa eta kontseilariak ahalmena izanen du foru dekretu hura betearazteko neurri eta ebazpenak emateko.
Horrenbestez,
AGINDU DUT:
1. artikulua. Jaulkipenaren ezaugarriak:
Nafarroako Zorraren jaulkipen honek behin betiko ezaugarri hauek izanen ditu:
Zenbatekoa: 83.000.000 euro.
Tresnak: obligazio bakunak, bakoitzaren balio izendatua mila eurokoa izanen delarik. Konturako idazpenen bidez adieraziko dira.
Jaulkitzeko eguna: 2006ko azaroaren 23a.
Jaulkitzeko prezioa: parean.
Harpidetza-aldia: 2006ko azaroaren 15eko 21era bitarte, biak barne.
Amortizazioa: parean, 2021eko azaroaren 23an.
Korritu-tasa: finkoa, %4 urteko.
Kupoiaren ordainketa: urteko sarien mugaeguna beterikoan, urtean urteko azaroaren 23an.
2. artikulua. Aseguratzea.
Jaulkipenak erabat aseguratuta egon beharko du, harpidetza-aldia irekitzen den egunean; Ekonomia eta Ogasun Departamentuak egoki diren komisioak hitzartuko ditu entitate laguntzaileekin.
3. artikulua. Likidezia.
Nafarroako Zorrak Espainiako Bankuko Konturako Idazpenen Bulego Nagusian kotizatuko du.
4. artikulua. Zerga tratamendua.
Pertsona Fisikoen Errentaren gaineko Zergaren subjektu pasiboentzat korrituek sortu etekinek atxikipena izanen dute, indarra duen lege arautegiaren arabera. Sozietateen gaineko Zergaren subjektu pasiboentzat ez da obligaziorik izanen ez kontura atxiki ez eta dirusarrera egiteko ere, abenduaren 30eko 371/1998 Foru Dekretuaren 34. artikuluan xedatutakoaren arabera.
5. artikulua. Jaulkipenaren produktua eta gastuak.
Jaulkipen honen produktu osoa 1996ko ekainaren 27an jaulki eta 2006ko abenduaren 19an hein batean amortizatzekoa den Nafarroako Zorra hein batean amortizatzeko erabiliko da.
Jaulkipen honetako komisioak eta gainerako gastuak 2006ko Gastuen Aurrekontuko 11430-112003-3010-951100 zenbakiko eta "Zor publikoa eta bestelako maileguak jaulki, aldatu eta deuseztatzeko gastuak" izeneko kontusailari egotziko zaizkio.
Jaulkipeneko korrituak 2007. urtetik 2021. urtera bitarteko ekitaldietako gastuen aurrekontuko kasuan kasuko kontusailerako erabiliko dira.
AZKEN XEDAPENA
Foru agindu honek Nafarroako ALDIZKARI OFIZIALean argitaratzen den egunean hartuko du indarra.
Iruñean, 2006ko azaroaren 14an._Ekonomia eta Ogasun kontseilaria, Francisco J. Iribarren Fentanes.
Iragarkiaren kodea: F0618242
