II. NAFARROAKO TOKI ADMINISTRAZIOA
2.2. AGINTARIAK ETA LANGILEAK
2.2.2. Plantilla Organikoa, Lan Eskaintza Publikoa, oposizioak eta lehiaketak
IRUÑA
Deialdia, Iruñeko Udaleko Tributuen Kudeaketarako Organoko arduradun izateko lanpostua merezimendu lehiaketa bidez betetzeko
Tokiko Gobernu Batzarrak, 2006ko uztailaren 5eko 3/PR erabakiaren bidez, ondotik ematen den deialdia onetsi zuen:
OINARRIAK
1._Deialdiaren xedea.
Deialdia iragarri da, Iruñeko Udaleko Tributuen Kudeaketarako Organoko arduradun izateko lanpostua merezimendu lehiaketa bidez eta deialdi honi jarraikiz betetzeko.
2._Aplikatu beharreko arauak.
Delako merezimendu lehiaketa honako hauetan xedatutakoari jarraikiz ebatziko da: Nafarroako Toki Administrazioari buruzko uztailaren 2ko 6/1990 Foru Legea; Nafarroako Toki Araubidea eguneratzeko urriaren 29ko 11/2004 Foru Legea; abuztuaren 30eko 251/1993 Legegintzako Foru Dekretua, Nafarroako Administrazio Publikoen zerbitzuko Langileen Estatutuaren Testu Bategina onesten duena; Lanpostuak betetzeari buruzko Erregelamendua, azaroaren 6ko 215/1985 Foru Dekretuaren bidez onetsia; Tokiko Gobernu Batzarrak merezimenduen baremoak ezartzeko 2005eko azaroaren 22an hartutako erabakia; aplikatzen ahal diren gainerako arauak eta deialdi honetako oinarriak.
3._Lanpostuaren ezaugarriak.
Lanpostuak A mailako lansariak izanen ditu, uztailaren 4ko 158/1984 Foru Dekretuaren bidez onetsitako Lansarien Behin-behineko Erregelamenduan eta Iruñeko Udalari aplikatzeko diren gainerako xedapenetan erabakitakoaren arabera. Lanpostuari atxiki zaizkion eginkizunak hauek izanen dira: toki araubidearen gaineko legeriak eta Iruñeko Udalaren antolaketarako erregelamenduek emandakoak, baita haiek betearaztean onesten diren egintzek emandakoak ere.
Merezimendu lehiaketa gainditu ondotik deialdi honetako lanpostua betetzeko izendatua izan, Iruñeko Udalean sartu eta funtzionario bilakatzen den izangaia Gizarte Segurantzaren Araubide Orokorrean kidetuko da, sarrera emanen zaio araubide horretan eta hark aurreikusten duen babesa izanen du.
Izendatzen den izangaiak destinoko tokian bizi beharko du eta horretarako, Iruñeko udalerrian finkatuko du helbidea.
Lanaldia zerbitzuaren beharretara egokituko da, eta administrazio organo eskudunek noiznahi aldatu ahalko dute.
4._Izangaiek bete beharreko baldintzak.
a) Nafarroako Administrazio Publikoetako funtzionarioek hartzen ahalko dute parte deialdi honetan, lanpostua jabetzan badute eta betetzen duten lanpostua eskuratzeko hautapen prozeduran Ekonomian edo Enpresa Zientzietan lizentziadun titulua izatea eskatu bazaie, eta deialdia egiten den egunean Nafarroako Toki Administrazioari buruzko uztailaren 2ko 6/1990 Foru Legeko 243. artikuluko 1. idatz-zatian aipatzen diren egoeretariko edozeinetan badaude.
b) Zigor arloko epai irmo baten bidez ezgaiturik edo zerbitzutik bereizirik daudenek eta zehapena ezartzen duen epai edo ebazpenean aipatzen den denbora iragan ezik bertan lanetik gelditu direnek ezin izanen dute parte hartu.
5._Eskabideak, aurkezteko epea eta lekua.
a) Deialdi honetan parte hartu nahi dutenek dagokien eskabidea aurkeztu beharko dute Iruñeko Udaleko erregistro orokorrean, edo Herri Administrazioen Araubide Juridikoaren eta Administrazio Prozedura Erkidearen azaroaren 20ko 30/1992 Legearen 38. artikuluko 4. idatz-zatian aurreikusiriko edozein baliabideren bidez, hamabortz egun naturaleko epean, deialdi hau Nafarroako ALDIZKARI OFIZIALean argitaratu eta biharamunetik hasita. Eskabideak deialdi honetan argitaratutako ereduari lotuko zaizkio, eta beraietan izangaiek adierazi beharko dute baldintza guztiak betetzen dituztela eskabideak aurkezteko jarritako epea amaitzen den egunean.
Eskabideak aurkezteko epea ezin da luzatu.
b) Eskabidearekin batera, deialdi honetan ezarritako baremoaren arabera alegatzen diren merezimendu guztien egiaztagiriak aurkeztuko dituzte, behar bezala kautotuak, barne direlarik administrazio publikoetan egindako zerbitzuen egiaztagiriak.
6._Onartuen behin-behineko zerrenda, erreklamazioak eta behin betiko zerrenda.
Eskabideak aurkezteko epea amaiturik, eta hautagaiek deialdian eskatzen diren baldintzak betetzen dituztela egiaztatu ondoan, Ekonomia, Lehendakaritza eta Hiritarren Partaidetzako zinegotzi delegatuaren ebazpenaren bidez onetsiko da onartu eta baztertuen behin-behineko zerrenda onetsiko du eta Nafarroako ALDIZKARI OFIZIALean argitara dadila aginduko, eta ohartaraziko da ondoko bortz egun naturaleko epean baztertuek erreklamazioak egin ditzaketela eta, akatsik baldin badago, haiek zuzendu.
Ezarritako epean eskabiderik aurkezten ez bada, Iruñeko Udaleko Ekonomia, Lehendakaritza eta Hiritarren Partaidetzako zinegotzi delegatuak lehiaketa bete gabe gelditu dela deklaratzen duen ebazpena emanen du. Ebazpen hori Nafarroako ALDIZKARI OFIZIALean argitaratu beharko da.
Lehiatzaile bazterturik gertatzen ez bada, behin betiko zerrenda zuzenean onetsiko da eta Nafarroako ALDIZKARI OFIZIALean argitaratuko.
Erreklamazioak egiteko epea bukatutakoan, halakorik aurkeztu bada, Ekonomia, Lehendakaritza eta Hiritarren Partaidetzako zinegotzi delegatuak ebazpena emanen horiek ebazteko eta onartu eta baztertuen behin betiko zerrenda onesteko, eta Nafarroako ALDIZKARI OFIZIALean argitaratzeko aginduko du.
7._Epaimahaien osaera.
Lanpostu bakoitzerako merezimendu-lehiaketa kalifikatu behar duten epaimahaiak, bertzerik adierazten ez bada, honela osatuko dira:
Mahaiburua: José Iribas Sánchez de Boado jauna, Ekonomia, Lehendakaritza eta Hiritarren Partaidetzako zinegotzi delegatua.
Ordezkoa: Juan José Unzué Gaztelu, Funtzio Publikoko zinegotzi berezia.
Mahaikidea: Iñigo Huarte Huarte, Ekonomiako Alorreko zuzendaria.
Ordezkoa: Juan Echenique Huarte, Hiritarren Partaidetzako Alorreko zuzendari.
Mahaikidea: Julio Sucunza Azcona, Lehendakaritzako Alorreko zuzendaria.
Ordezkoa: José María Jiménez Bolea, Iruñeko Udaleko kudeatzailea.
Mahaikidea: Langileen Batzordeko ordezkari bat, hark izendatua.
Ordezkoa: Langileen Batzordeko ordezkari bat, hark izendatua.
Mahaikide idazkaria: Juan Luis Guijarro Salvador, Ekonomia Alorreko legelaria.
Ordezkoa: Pilar Muñoz Soria, Hirigintza eta Etxebizitzako Alorreko idazkari teknikoa.
Onartu eta baztertuen behin betiko zerrenda Nafarroako ALDIZKARI OFIZIALean argitaratu ondoko bortz egunean beharko da eratu epaimahaia.
Administrazio-prozedurari buruzko arauetan abstentziorako aurreikusiriko zioak agertzen direnean, mahaikideek ezin izanen dute epaimahaian esku hartu, eta halaxe jakinarazi beharko diote deialdia egin duen organoari. Izangaiek, halaber, zilegi dute mahaikideak errefusatzea, egoera horietako bat gertatzen denean.
Epaimahaiak gehiengoz erabakiko ditu deialdiaren oinarriak ulertu eta aplikatzeko moduaren inguruan sortzen diren arazo guztiak.
8._Merezimenduen kalifikazioa.
Epaimahaiak ondoan doan baremoaren arabera baloratuko ditu izangaien merezimenduak:
a) Administrazio Publikoetan emandako zerbitzuak: gehienez 35 puntu.
b) Prestakuntza, irakaskuntza, ikerketa eta bertze merezimendu batzuk: gehienez 25 puntu.
Izangai bakoitzak aurreko bi atalei dagokienez alegatu eta frogatutako merezimenduak, II. eranskineko baremoaren arabera kalifikatu eta puntuatuko ditu epaimahaiak.
Merezimendu guztiak, Administrazio Publikoetan egindako zerbitzuenak barne, agiri bidez alegatu eta frogatuko ditu izangai bakoitzak lehiaketa honetan parte hartzeko eskabidea aurkeztean.
Epaimahaiak ezin izanen du inolaz ere kontuan hartu alegatu gabeko eta agirien bidez frogatu gabeko merezimendurik, ezta atal bakoitzean aipatutako gehieneko puntuazioa baino altuagorik eman ere.
Epaimahaiak azalpenak eta datu osagarriak eskatzen ahalko ditu, lehiatzaileek alegatu eta frogaturiko merezimenduen gainean.
c) Txosten psikoteknikoa: gehienez 15 puntu.
Nafarroako Administrazio Publikoaren Institutuko Psikologia Zerbitzuak, egoki diren probak egin ondoren, txosten psikotekniko bat emanen du lehiatzaile bakoitzari buruz. Horretan, norbera deialdiaren xede den lanpostuaren izaera eta ezaugarriei nola egokitzen zaien baloratuko da. Zerbitzu horrek txosten psikoteknikoan izangai bakoitzari ematen dion puntuazioa lotzailea izanen da epaimahaiarentzat.
d) Deialdiko lanpostuaren gaineko txostena: gehienez 25 puntu.
Deialdiko lanpostua bete gogo dutenek txosten bat aurkeztu beharko dute, lehiaketako izangai onartu eta baztertuen behin betiko zerrendan zehazten den epean, bete beharreko lanpostuaren antolaketaz, eginkizunez eta ezaugarriez. Izangai bakoitzak txosten horren inguruko xehetasunen berri emanen du, eta haren defentsa eginen, ahoz eta epaimahaiaren aitzinean. Epaimahaiaren aurreko agerraldian, mahaikideei egoki iruditzen bazaie, zilegi izanen dute galderak egitea izangaiak aurkeztutako merezimenduez, baita haren egokitzapenaz ere lehiaketaren xede den lanpostaren ezaugarrietara.
Izangairen bat txostenaren ahozko azalpen eta defentsara ez aurkezteak lehiaketatik bertzerik gabe baztertzea ekarriko du berekin.
Proba hori baztergarria izanen da. Gutxienez ere 12,50 puntu behar dira gainditzeko.
Baztergarria dela kontuan harturik, lehenik lan-txostenaren azalpen eta ahozko defentsa eginen du izangai bakoitzak epaimahaiaren aurrean, merezimendu-lehiaketaren gainerako urratsak baino lehen. Gero, eta proba gainditzen dutenen kasuan bakarrik, Nafarroako Administrazio Publikoaren Institutuko Psikologia Zerbitzuak txosten psikoteknikoa eginen du, eta, azkenik, epaimahaiak a) eta b) atalei buruz izangai horiek alegatutako merezimenduak baloratu eta puntuatuko ditu.
Lanpostuaren gaineko proba gainditzen duten izangaiek lortutako puntuazioa lehiaketako gainerako ataletan lortutakoari gehituko zaio, bakoitzaren puntuazioa guztira zenbatekoa den jakiteko.
Puntuazio osoan berdinketa gertatuz gero, administrazio publikoei zerbitzuak ematen antzinatasun handiena dutenen aldeko erabakia hartuko da. Hala ere berdinduta segitzen badute, lehiatzaile adinez zaharrenari emanen zaio lehentasuna.
Lehiaketako atalen balorazioa bukatu ondoan, epaimahaiak argitara emanen du Iruñeko Udalaren iragarki oholean lanpostuaren gaineko txostenaren proba gainditu duten izangaiek lortutako puntuazioa, eta bortz eguneko epea ezarriko du izangaiek merezimenduen balorazioaren gainean eskubideko jotzen duten oro alega dezaten.
9._Probak gainditu dituztenen zerrenda, izendapena eta jabetza-hartzea.
Aurkeztutako erreklamazioak ebatzi ondoan, epaimahaiak behin betiko puntuazioak Iruñeko Udalaren iragarki oholean jendaurrean paratuko ditu, Tokiko Gobernu Batzarrera igorriko du proba gainditu duten izangaien zerrenda, 8.d) idatz-zatian aipatzen dena, haietariko bakoitzak lehiaketako ataletan guztira lorturiko puntuazioaren arabera ordenaturik.
Erabaki baten bidez, Tokiko Gobernu Batzarrak Iruñeko Udaleko funtzionario izendatuko du puntu gehien eskuratu dituen izangaia, Iruñeko Udaleko Tributuen Kudeaketarako Organoko arduradun izateko lanpostuan ari dadin. Izendapena Nafarroako ALDIZKARI OFIZIALean argitaratuko da.
Izangai izendatuak hamar egun naturaleko epea izanen du lanpostuaren jabetza hartzeko, izendapena jakinarazten denetik hasita. Epe horretan eta ezinbertzeko kasuetan salbu, jabetza hartzen ez badute, Iruñeko Udaleko funtzionario izateko eskubide guztiak galduko dituzte.
Hala gertatuz gero, arau honetako lehen lerroaldeak aipatzen duen zerrendan sarturiko hurrengo lehiatzaileek beteko dituzte hutsuneak.
10._Lehiatzaileek aurkeztutako agiriak.
Aurkezutako agiriak berreskuratu ahal izanen dira, halaxe eskatu ondotik eta eta erreklamazio edo errekurtsorik aurkeztu ez bada. Agiriak eramateko eskaera hiru hilabeteko epean aurkezten ahalko da, izendapena onesten duen ebazpena Nafarroako ALDIZKARI OFIZIALean argitaratu eta bertze hiru hilabeteren buruan.
Aurreko atalean ezarririko epea agiriak eraman gabe bukatzen bada, ulertuko da izangaiak uko egin diola agiriak eskuratzeari eta horretarako eskubidea galduko du eta agiriak suntsituko dira.
Erreklamazio edo errekurtsoren bat aurkeztu baldin bada, agiri horiek gorde eginen dira, ikuskatu eta aztertzeko. Agiri horiek berreskuratzen ahal dira erreklamazioaren edo errekurtsoaren tramitazioak horretarako aukera ematen duenean.
11._Errekurtsoak.
Deialdi honen aurka, nahiz bere oinarrien eta aplikazio egintzen aurka, errekurtso hauetakoren bat aurkezten ahalko da, hautara:
a) Berraztertzeko errekurtsoa, egintzaren organo egileari berari zuzendua, hilabeteko epean, jakinarazi edo argitaratu eta biharamunetik aitzina.
b) Administrazioarekiko auzi-errekurtsoa, Iruñeko Administrazioarekiko Auzien Epaitegiari zuzendua, bi hilabeteko epean, errekurtsoa paratzen zaion egintza edo erabakia jakinarazi edo argitaratu eta biharamunetik hasita.
c) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, errekurritutako egintza edo erabakia argitaratu edo jakinarazten denetik aitzina.
Epaimahaiaren egintzen kontra, gora jotzeko errekurtsoa paratzen ahalko da, deialdia egin duen udal organoari zuzendua, hilabeteko epean, errekurritutako egintza edo erabakia jakinarazten denetik aitzina.
Iruñean, 2006ko uztailaren 5ean._Tokiko Gobernu Batzarreko idazkaria, José Iribas Sánchez de Boado.
I. ERANSKINA
Izena: .................... Adinez nagusi. NAN/nortasun agiria: ........ Jaioteguna (urtea/hila/eguna): ............ Jaioterria (udalerria, probintzia): ............. Nazionalitatea: ................ Egungo helbidea (kalea, zenbakia, eskailera, etxebizitza): ............ Telefonoa: ............ Laneko telefonoa: ..................
Datu administratiboak
Administrazio egoera
a) Egungo lanpostua ....................
f Jardunean
f Zerbitzu berezietan
f Eszedentzia berezian
(X batez markatu dagokion kontzeptua)
b) Egungo destinoa
Izenpetzen duenak adierazten du, eskabideak aurkezteko azken egunean, eskaturiko baldintza guzti-guztiak betetzen dituela.
Eskatzen du:
Onartua izatea Iruñeko Udaleko Tributuen Kudeaketarako Organoko arduradun izateko lanpostua merezimendu lehiaketa bidez betetzeko deialdian (.......... zenbakiko Nafarroako ALDIZKARI OFIZIALean argitaratua, data: ............).
Datuen babesa. Datu Pertsonalak Babesteari buruzko 1999ko abenduaren 13ko Lege Organikoan ezarritakoa betetzeko, aditzera ematen zaizu inprimaki honetan ematen diren datu pertsonalak hautapen prozeduran Udalak dituen eskumenak erabiltzeko baizik ez direla erabiliko eta Iruñeko Udalaren datu basea osatzen duten fitxategiei batuko zaizkiela. Fitxategietan sartu, datuak zuzendu eta ezabatzeko eta horien aurka jotzeko eskubideak Iruñeko Udalari zuzendurik erabiltzen ahalko dituzu, Erregistro Orokorrera joz (Merkatu karrika, 7-9, 31001-Iruña).
Iruñean, ...(e)ko ...........aren .....(e)an. 20.....
(Sinadura)
II. ERANSKINA
Merezimenduak baloratzeko baremoa
a) atala. Administrazio publikoetan egindako zerbitzuak.
1. Deialdi honetako maila/talde eta titulazioko lanpostuetan, edozein administrazio publikotan egindako zerbitzuak: puntu bat urte bakoitzeko.
2. Edozein administrazio publikotan, aurrekoak ez bezalako lanpostuetan egindako zerbitzuak: 0,37 puntu, urte bakoitzeko.
Oharrak:
1. Urteen kopurua osoa ez bada, zerbitzuan egindako aldiari proportzioan dagokion puntuazioa emanen zaie izangaiei.
2. Lanaldi partzialean egindako zerbitzuen kasuan, behar den zatia kenduko da.
3. Deialdia argitaratu ondoren emandako zerbitzuak ez dira baloratuko.
4. Funtzionarioa zerbitzu berezietan edo eszedentzia berezian egon den edo unitate organiko bateko buru edo zuzendari lanetan aritu den aldietako zerbitzuak, egoera horietan sartzean zuen lanpostuan egin balitu bezala kontatuko dira. Horri dagokionez, ez da kontuan hartuko 96/1997 Foru Dekretuaren babespean bere prestakuntza eta hobekuntzarako jarduketetan egin duen denbora, atal honen 1. puntuan xedatuaren ariora baloratuko baitira.
5. a) atalari dagokion puntuazioa gehienez ere 35 puntukoa izanen da.
b) atala. Prestakuntza, irakaskuntza, ikerketa eta bertzelako merezimenduak:
1. Erakunde edo zentro publikoek eta unibertsitateek antolaturiko prestakuntza-ekintzetan parte hartzea: 0,10 puntu, kreditu akademiko edo horren baliokide bakoitzeko (10 ikastordu), eta gehienez ere 15 puntu.
Oharrak:
1. Baloratu beharreko ikastaroetan, irakastorduen zatikiak hainbanatuko dira.
2. Ikastorduen kopurua agertzen ez duten ziurtagiriei kreditu bateko balorazioa emanen zaie.
3. Ikasturte bateko iraupena agertzen duten ziurtagiriei 12 kredituko balorazioa emanen zaie.
4. Erakunde antolatzaileari buruzko betebeharrak betetzen ez badituzte ere, Administrazioak agindurik edo oniritzirik eginak diren prestakuntza ekintzetan parte hartzea puntuazio berarekin baloratuko da. Horien artean, espresuki, sindikatuek Administrazio Publikoetako Etengabeko Prestakuntzarako Itunen barruan antolatuak sartuko dira.
5. Titulu akademiko bat eskuratzeko ikasketak, hala unibertsitatekoak nola unibertsitatez kanpokoak, ez dira atal honetan baloratuko.
2. Biltzar edo jardunaldietan txostenak edo komunikazioak aurkeztea, beka edo saria jaso duten zientzia edo ikerketa lanak egitea eta aldizkari espezializatuetan lanak argitaratzea: 2 puntu, gehienez ere, epaimahaiak baloratu beharrekoak, lana edo jarduera bakarka edo taldean egina den eta biltzarrak edo argitalpenak herri, eskualde, nazio edo nazioarteko maila duen kontuan hartuz.
3. Sektore publikoan prestakuntza-ekintzak antolatu edo halakoetan irakasle jardun: gehienez 2 puntu, haien iraupenaren arabera epaimahaiak baloratu beharrekoak.
4. Titulazio eta espezialitate akademikoak, deialdian eskatu ez direnak: gehienez ere 2 puntu.
5. Doktore edo lizentziatu maila, deialdian eskatutako titulazioari buruz: gehienez ere 2 puntu.
6. Bertze merezimendu batzuk, epaimahaiak kontuan hartu beharrekoak: bertzeak bertze, sektore pribatuko lanak, prestakuntzarako beka edo egonaldiak, edo kontsulta, aholkularitza, partaidetza edo ordezkaritza organoetan parte hartzea: gehienez ere 2 puntu.
Oharrak b) atal osorako:
1. Atal honetan aipatutako merezimenduek deialdiko lanpostuarekin zuzeneko zerikusia izanez gero soilik baloratuko dira.
2. Baremoaren b) atal honetako gehieneko puntuazioa 25 puntukoa izanen da.
Iragarkiaren kodea: L0612727
