II. NAFARROAKO TOKI ADMINISTRAZIOA
2.3. BESTELAKO XEDAPENAK
2.3.2. Kontratazioa, obrak eta zerbitzu publikoak
E G U E S I B A R
Lizitazio iragarkia, Sarrigurengo DD-12 lurzatiari erabilera pribatiboa emateko, Lehen Hezkuntza, Derrigorrezko Bigarren Hezkuntza eta Batxilergoko irakaskuntza arautuak emanen diren ikastetxe batek bertan jardunlekua izan dezan
Udalak, 2005eko apirilaren 19ko osoko bilkuran, onetsi du Sarrigurengo DD-12 lurzatiari erabilera pribatiboa emateko lehiaketa irekia arautuko duen administrazio klausula partikularren plegua, Udalaren iragarki oholean jendaurrean dagoena. Kontzesioaren xedea da Lehen Hezkuntza, Derrigorrezko Bigarren Hezkuntza eta Batxilergoko irakaskuntza arautuak emanen diren ikastetxe batek bertan jardunlekua izatea.
Aldi berean kontzesiorako lehiaketa iragartzen da.
1._Entitate adjudikatzailea.
a) Erakundea: Eguesibarko Udaleko osoko bilkura.
b) Espedientea izapidatzen duen bulegoa: Udalaren idazkaritza.
2._Kontratuaren xedea:
a) Xedearen deskripzioa: Sarrigurengo DD-12 lurzatiari erabilera pribatiboa ematea, Lehen Hezkuntza, Derrigorrezko Bigarren Hezkuntza eta Batxilergoko irakaskuntza arautuak emanen diren ikastetxe batek bertan jardunlekua izan dezan; hori dena administrazio klausulen pleguan jarritako moduan eta baldintzak betez.
b) Jarduketaren tokia: Sarrigurengo Ekohiria.
c) Kontzesioaren epea: 99 urte.
3._Izapidaketa eta adjudikatzeko prozedura eta modua.
a) Izapidaketa: arrunta.
b) Prozedura: irekia.
c) Modua: lehiaketa.
4._Lizitazioaren hasierako aurrekontua eta obra adjudikatzeko erabiliko diren hautapen irizpideak.
Hasierako aurrekontua: Kanona: 25.350 euro, gutxienez.
Kontzesioa adjudikatzeko hautapen irizpideak:
Hezkuntza arrazoiekin batera, kontzesio honetarako gizarte-arrazoiak ere gehitzen baitira, hautapenerako irizpide objektibo hauek erabiliko dira oinarri:
a) Hezkuntza esperientzia eta maila.
b) Kaudimen ekonomikoa.
c) Lizitaziorako oinarrizko kanona, urtean, gutxienez 25.350 euro.
5._Bermeak.
Behin-behinekoa: 16.900 euro, zenbateko hori baita hasierako aurrekontuaren 100eko 2ari dagokiona, administrazio klausulen pleguan ezarritako moduan.
6._Agiriak eta argibideak jasotzeko tokia.
a) Entitatea: Eguesibarko Udala.
b) Helbidea: San Martin kalea, 26.
c) Herria eta posta kodea: Egues 31486.
d) Telefonoa: 948-331611.
e) Telefaxa: 948-331804.
f) Agiriak eta argibideak jasotzeko azken eguna: proposamenak aurkezteko epea amaitu aurreko eguna.
7._Lizitatzaileek bete beharreko baldintzak.
Lehiaketan parte hartzen ahalko dute pertsona natural edo juridikoek, hala espainiarrek nola atzerritarrek, baldin eta jarduteko ahalmen osoa izan eta, kontzesioaren xedeari dagokionez, beren kaudimen ekonomiko, finantzario eta tekniko edo profesionala egiaztatzen badute, eta, betiere, ez badaude sartuak Nafarroako Administrazio Publikoen Kontratuei buruzko ekainaren 16ko 10/1998 Foru Legeko 30. artikuluan ezartzen diren kontratazioa debekatzeko arrazoietan.
Nolanahi dela ere, pertsona natural edo juridikoak izan behar dute, helburu edo jarduera aldetik kontratuaren xedearekin zerikusi zuzena dutenak, beren estatutu edo sorrera-arauetan ezarritakoaren arabera; edo, behar bezala egiaztaturik, behar den antolaketa dutenak, jende nahiz material aldetik baliabiderik aski izanik Lehen Hezkuntzako irakaskuntza arautuen ikastetxe baten jardunerako, betiere bertan sarturik Eskolaurrea, Haur Hezkuntza, Lehen Hezkuntza, Derrigorrezko Bigarren Hezkuntza eta Batxilergoa, eta gutxienez ere hiru lerro (3 talde kurtso bakoitzeko).
8._Eskaintzen aurkezpena.
a) Aurkezteko azken eguna: hogeita hamar egun naturalen buruan, iragarki hau Nafarroako ALDIZKARI OFIZIALean argitaratu eta biharamunetik hasita.
b) Aurkeztu beharreko agiriak: administrazio klausula partikularren pleguko 16. klausulan aipatzen direnak.
c) Eskaintzak aurkezteko tokia:
1) Eguesibarko Udalaren erregistro orokorrean, goizeko bederatzietatik arratsaldeko ordubiak arte, astelehenetik ostiralera.
2) Helbidea: San Martin kalea, 26.
3) Herria eta posta-kodea: Egues 31486.
d) Zer epetan eutsi beharko dio lizitatzaileak bere eskaintzari: 2 hilabete.
e) Aldaeren onarpena:
_Eskaintzen diren aldaeren edo bestelako aukeren memoria.
9._Eskaintzak irekitzeko tokia eta egun-orduak:
a) Eguesibarko Udala.
b) Helbidea: San Martin kalea, 26.
c) Herria: Egues.
d) Eguna: 2005eko ekainaren 30a.
e) Ordua: 12:00ak.
10._Iragarkien gastuak: adjudikazio-hartzailearen kontura izanen dira.
Eguesen, 2005eko maiatzaren 16an._Alkatea, José Anastasio Andía García de Olalla.
Iragarkiaren kodea: L0512720
