Iragarkia

59. ALDIZKARIA - 2005eko maiatzaren 18a

I. NAFARROAKO FORU KOMUNITATEA

1.3. BESTELAKO XEDAPENAK

1.3.4. Dirulaguntzak eta bekak

654/2005 EBAZPENA, apirilaren 20koa, Industria eta Merkataritza zuzendari nagusiak emana, lehiakortasuna hobetzeko dirulaguntzak emateko 2005eko deialdia onesten duena.

Maiatzaren 23ko 208/1991 Foru Dekretuak laguntza esparrua ezartzen du Nafarroan kokatuta dauden enpresen lehiakortasuna bultzatzeko. Bigarren artikuluan, apirilaren 28ko 121/1997 Foru Dekretuaren bidez emaniko idazketan, xedatzen du Nafarroan kokaturiko enpresek laguntza horiek hartzen ahalko dituztela, haien jarduerak foru dekretua garatzeko foru aginduetan zehazten diren Jarduera Ekonomikoen Sailkapen Nazionalean (CNAEn) ageri badira. Hirugarren artikuluak zehazten du zer programa eta jarduerak hartzen ahalko dituzten laguntzak eta 4. artikuluak programa eta jarduera horien norainokoak foru dekretua garatzen duten foru aginduek ezarriko dituztela.

2004ko ekitaldirako Nafarroako Aurrekontu Orokorrei buruzko abenduaren 29ko 18/2004 Foru Legearen 27. artikuluak ahalmena ematen dio Industria eta Teknologia, Merkataritza eta Lan Departamentuari gastu-konpromisoak hartzeko, kasuko ekitaldiaren ondorengo aurrekontuen kargura, baldin eta esandako konpromisoek gainditzen ez badituzte aurreko ekitaldian xede horretarako finkatzen diren zenbatekoak, hau da, enpresen lehiakortasunerako laguntzetarako direnak (maiatzaren 23ko 208/1991 Foru Dekretuan arautuak).

Aurreikuspen horiek betetzeko, bidezkoa da lehiakortasunerako laguntzak emateko beste deialdi bat onestea. Bertan, kontuan hartu dira Nafarroako Gobernuaren 2003ko apirilaren 14ko Erabakiaren bidez onetsitako 2004-2007 urteetarako Nafarroako 2. Plan Teknologikoa eta, bereziki, aurreko deialdietan, plan hori betetzean egin diren balorazioak.

Horrenbestez,

EBATZI DUT:

1. Lehiakortasuna hobetzeko dirulaguntzak emateko 2005eko deialdia onestea.

2. Deialdiko oinarri arau-emaileak onestea. Oinarri horiek ebazpen honen eranskinean azaltzen dira.

3. Ebazpen honen ondoriozko konpromisoei aurre egiteko gastua onestea, 2005eko ekitaldiko ondoko kontusail hauen kargura:

840001/81200/4709/467300 kontusailetik 90.619,80 euro.

840001/81200/4709/467302 kontusailetik 600.000,00 euro.

840001/81200/4810/467300 kontusailetik 25.746,54 euro.

Kontusailen arteko doikuntzak ez dira deusetan galaraziko, aurkeztutako eskabideen arabera edo esleitutako zenbatekoak handitzeko aukeren arabera, ekitaldiko aurrekontuan dagoen diruaren baldintzapean.

Ondorengo ekitaldietarako, kasuko aurrekontuko kontusailaren kargura ordainduko dira, aurreko urteetakoen kopuru berean 18/2004 Foru Legearen 27. artikuluan ezarritakoari jarraikiz:

Kontusaila: 840001/81200/4709/467300. 2006. urtea: 560.000,00 euro.

Kontusaila: 840001/81200/4709/467302. 2006. urtea: 1.785.000,00 euro.

Kontusaila: 840001/81200/4810/467300. 2006. urtea: 280.000,00 euro.

2006. urtea guztira: 2.625.000,00 euro.

4. "Nafarroako Berrikuntza eta Teknologia Agentzia" izeneko sozietatea, Foru Komunitatearen kapital publikoa duena, Administrazioaren entitate laguntzaile izendatzea, B.1.3. bigarren oinarriko laguntzen kudeaketari dagokionez. Laguntza horiek I+G+b (banakako azterketak) lehen proiektuaren identifikazio, egituraketa, prestakuntza eta aurkezpenerako dira. 240.000,00 euro daude horretarako, 840001/81200/4709/467302 kontusailaren kargura. Kudeaketa 4. eranskinean ezarritakoari jarraikiz eginen da.

Banakako azterketa horien eskarien arabera, hasiera batean esleitutako zenbatekoa handitzen ahalko da, Industria eta Teknologia, Merkataritza eta Lan Departamentuak hala erabakitzen badu.

5. Ebazpen hau eta eranskina Nafarroako ALDIZKARI OFIZIALean argitaratzea.

6. Ebazpen honen aurka gora jotzeko errekurtsoa jar daiteke, Industria eta Teknologia, Merkataritza eta Lan kontseilariari zuzendua, argitaratu eta biharamunetik hilabeteko epean.

Iruñean, 2005eko apirilaren 20an._Industria eta Merkataritza zuzendari nagusia, Enrique Díaz Moreno.

LEHIAKORTASUNA HOBETZEKO LAGUNTZETARAKO 2005EKO DEIALDIKO OINARRIAK

Lehena._Laguntzen helburua eta esparrua.

1. Helburua: Enpresetako berrikuntza proiektuak bultzatzea, haien lehiakortasuna hobetzen laguntzeko.

2. Laguntzen xedea diren jarduerak:

A) Kudeatze sistemak.

B) Berrikuntza.

C) Teknikariak gaitzea.

D) Dinamizatu eta sentsibilizatzea.

3. Deialdi honetako laguntzak "de minimis" laguntzen barrenean sartzen dira, Europar Batzordeak 2001eko urtarrilaren 12an emandako 69/2001 Erregelamenduan eta Batzordeak 2004ko urriaren 6an emandako 1860/2004 Erregelamenduan aurreikusitakoari jarraituz; lehenbiziko erregelamendu horretan zehazten da nola aplikatu E.E.aren Ituneko 87. eta 88. artikuluak "de minimis" laguntzei, eta bigarrenean, artikulu horiek berak nekazaritza eta arrantza sektoreetako "de minimis" laguntzei aplikatzeko arauak eman ziren.

4. Laguntza horiek Europar Batasuneko FEDER funtsekin batera finantzatuko dira.

5. Oinarrien ondorioetarako, ETEtzat hartuko da mikroenpresei eta enpresa txiki eta ertainei buruzko 2003ko maiatzaren 6ko Batzordearen Gomendioan ezarritako baldintzak betetzen dituen enpresa.

Aipatutako gomendioari jarraikiz elkartutako edo lotutako enpresekin egindako gastuak ez dira onartuko.

6. Ez da ohiko lankidetzetarako dirulaguntzarik emanen. Ohiko lankidetza dagoela kontsideratuko da erakunde eskatzaileak kanpoko zerbitzuak aholkularitza enpresa berarekin hirugarren aldiz kontratatzen dituenean, deialdi honetako dirulaguntza jaso dezakeen kontzeptu bererako.

Bigarrena._Onuradunen betebeharrak.

A eta D jardueretarako ondoren azalduko diren salbuespenak aparte utzirik, laguntzen onuradun izanen dira Nafarroako Foru Komunitateko talde guztiak, administrazio publikoak eta haien menpeko erakundeak eta enpresak izan ezik.

Batzordearen 69/2001 Erregelamenduaren 1. artikuluarekin bat, garraio sektorea eta esportazioari lotutako jarduerak deialdi honetatik at geldituko dira.

Europar Batasuna osatu zuen Tratatuko I. eranskinean aipatzen diren produktuak ekoitzi, eraldatu edo merkaturatzeko jarduerek (oinarri hauetako 5. eranskina) E.E.aren Ituneko 87. eta 88. artikuluak nekazaritza eta arrantza sektoreetako "de minimis" laguntzei aplikatzeari buruz Batzordeak 2004ko urriaren 6an emandako 1860/2004 Erregelamenduan ezarritakoa beteko dute.

A) ataleko jarduerei dagokienez (Kudeatze sistemak") ETE kategoria ez duten enpresak bazterturik geldituko dira.

D) ataleko jardueretarako laguntzei dagokienez ("Dinamizatu eta sentsibilizatzea") onuradun izanen dira modu ohikoan eta irabazteko asmorik gabe, beren bitartekoak baliatuz edo elkarte, federazio edo beste integrazio modu batzuen bitartez, enpresei laguntza zerbitzua ematen dieten erakundeak, baldin eta nortasun juridikoa badute eta Nafarroan kokatuta badaude. Administrazio publikoen menpeko erakunde eta enpresek ere laguntza hauek eskatzen ahalko dituzte.

Hirugarrena._Dirulaguntzen xede izan daitezkeen kontzeptuak, onuradunak, zenbatekoa eta aurkeztu beharreko agiriak.

A) Kudeatze sistemak.

A.1) Dirulaguntzen xedeko kontzeptuak:

Kanpoko aholkularitzaren gastuak eta ziurtagirienak:

_Bukatutako proiektuetan kalitatea kudeatzeko sistemen ezarpena eta lehen ziurtagiriaren auditoretza, ISO 9000, ISO TS 16949 eta ISO 17025 arauei jarraikiz. Ziurtagiria 2004/08/17tik deialdi hau bukatzen den egunera bitarteko epean lortua izanen da. Ziurtagiria eskuratu aurreko 12 hilabeteetan sortutako gastuetarako laguntza ematen ahalko da.

Ondokoa da, enpresaren tamainaren arabera, jarduketa baterako (ezarpena gehi ziurtapena) onartuko den aurrekontua, gehienez ere:

1-10 langile bitarte: 15.000 euro.

11-50 langile bitarte: 21.000 euro.

50 langiletik gora: 30.000 euro.

A.2) Onuradunak:

Nafarroako Foru Komunitateko talde guztiak, bigarren oinarrian aipatutakoak eta ETE kategoria ez duten enpresak izan ezik.

A.3) Zenbatekoa:

% 50eko dirulaguntza izanen da, itzuli beharrik gabekoa eta % 70era haditzen ahal dena, deialdi honetako zazpigarren oinarrian aipatzen diren irizpideen arabera. Dirulaguntzak gehienez ere 21.000 euro eginen du. Taldeka egiten diren jarduketen kasuan, zazpigarren oinarrian ezarri bezala, enpresa bakoitzeko izanen da gehieneko zenbateko hori.

A.4) Agiriak:

_Enpresaren datuen inprimakia, 1. eranskineko ereduaren araberakoa.

B) Berrikuntza.

B.1) Dirulaguntzen xede izan daitezkeen kontzeptuak eta laguntzaren gehieneko portzentajea:

B.1.1) Antolaketa arloa. Kanpoko aholkularitzaren gastuak:

_Gogoeta estrategikoa jarduera horretan aurretik esperientziarik ez zuten erakundeetan. Hauxe izanen da: erakundearen egoeraren kanpo eta barne azterketa, arazoak eta aukerak atzeman eta aztertzea, bai eta ideiak aztertu eta aukeratzea ere. Laguntza portzentajea % 50 izanen da.

_Hobera egiteko aukerak atzemateko diagnosiak egitea. Hobekuntza horiek ezartzeko fasea ez da sartuko. Metodo eta denborei buruzko jarduera guztiak ere kanpoan egonen dira. Laguntza portzentajea % 35 izanen da.

_Biltze eta banatze sistema logistikoak, hau da, materialen eta lotutako informazioaren bidea (kanpokoa eta barnekoa) antolatzea. Laguntza portzentajea % 35 izanen da. Biltegiaren kudeaketarako eta trazabilitaterako programa informatikoei lotutako gastuak ez dira sartuko.

_Plantako banaketetarako, instalazioak tokiz aldatu behar ez direnean edo instalazio berria behar ez denean. Laguntza portzentajea % 35 izanen da.

_Ezagupena kudeatzea, fase guztiak barne direla (ezagupena identifikatu, atzeman, ebaluatu, banatu eta aplikatzea). Laguntza portzentajea % 50 izanen da.

B.1.2) Diseinu arloa. Kanpoko aholkularitzaren gastuak:

_Produktua diseinatzeko: produktu berrien ezaugarri funtzionalak, estetikoak edo ergonomikoak, edo ezaugarri horien diseinua lehendik dauden produktuetara moldatzea. Merkatu-azterlanak kanpoan gelditzen dira. Laguntza portzentajea % 50 izanen da.

_Beste material batzuk nola sartu analizatzeko, eta bizi-zikloa aztertzeko. Laguntza portzentajea % 50 izanen da.

_Prozesua simulatzeko eta prototipo lasterra egiteko. Laguntza portzentajea % 50 izanen da.

_Irudiaren eta identitate korporatiboaren diseinua, ETEendako besterik ez. Gastu hauetarako laguntza diseinua balidatu arte ematen ahalko da. Laguntza portzentajea % 25 izanen da.

B.1.3) I+G+b sustatzeko arloa. Kanpoko aholkularitzaren gastuak:

_I+G+b proiektuen identifikazio, egituraketa, prestakuntza eta aurkezpena. Atal honetako laguntzak Nafarroako Berrikuntza eta Teknologia Agentziaren bidez kudeatuko dira, Industria eta Teknologia, Merkataritza eta Lan Departamentuaren entitate laguntzailea baita. Banakako azterketak izeneko programa horretan deialdiko 4. eranskinean ezarritako baldintzei jarraituko zaie.

_Programa nazional, europar edo nazioartekoetako ikerketa eta garapen teknologikoan parte hartzeko partzuergoak sortzeko negoziazioa eta proposamenen prestakuntza. Laguntza portzentajea % 50 izanen da. Prosamenek proiektu zehatz eta definituak bilduko dituzte.

B.1.4) I+G+b sendotzeko arloa. Kanpoko aholkularitzaren gastuak:

_Benchmarking-en gaineko azterlanak. Laguntza portzentajea % 35 izanen da.

_Nazioarteko patenteak eskatzeko. Espainian patentea eskatu eta ondoko 30 hilabeteetan sortutako gastua sartuko da. Eskatzeko epea Espainian 2003ko urtarrilaren 1etik 2003ko abenduaren 31ra izanen da. Laguntza portzentajea % 50 izanen da. Laguntza horien onuradunak ETE enpresak baino ez dira izanen. Gainera, patenteen titularrak beharko dute izan.

_Berrikuntza kudeatzeko sistemak, kudeaketa sistema ziurtagarri batean sartuko diren berariazko prozeduren ezarpena, aurreikuspen teknologikorako tresnen hautapena eta ezarpena, hala nola, ikuskapen teknologikorako zerbitzuak kontratatzea. Laguntza portzentajea % 50 izanen da.

B.1.5) Lankidetza arloa. Kanpoko aholkularitzaren gastuak:

_Enpresa arteko egiturak sortzeko, egonkortasuna bermatzen dutenak eta ondorio sinergikoak eragiten enpresaren lehiakortasunaren hobekuntzan. Lankidetza hori sektorekoa izaten ahal da, edo produktuaren balioaren kateko enpresak hartzen ahal ditu. Laguntza portzentajea % 35 izanen da.

_Enpresen arteko lankidetza lerroak bilatzeko diagnosiak eta balorazioak egitea. Ekintza horiek taldekakoak dira beti eta, hortaz, ez zaie horrelako ekintzetarako zazpigarren oinarrian ezartzen dena aplikatuko. Laguntza portzentajea % 70 izanen da.

B.1.6) Informazioaren eta komunikazioaren teknologien arloa. Kanpo aholkularitzaren gastuak, softwarea eta hardwarea, diagnostikotik hasi eta abian jarri arte, ondoko arlo hauetako prestakuntza barne harturik:

_Erosle eta saltzaileen arteko negoziazioa modu elektronikoan izan dadin, lagungarri diren plataformetan sartzera bultzatzen duten sistemak enpresan ezartzeko. Laguntza portzentajea % 25 izanen da.

_Internet sarearen bidez ematen diren zerbitzuen ezarpena. Laguntza portzentajea % 25 izanen da. Ez dira diruz lagunduko zerbitzu berria emateko erabat beharrezkoak ez diren gastuak, ez eta enpresaren webguneari eta posta elektronikoari lotutakoak ere.

B.2) Zenbatekoa:

Dirulaguntza, itzuli beharrik gabekoa, diruz lagungarri diren kontzeptuen definizioetako portzentajeen eta deialdi honetako zazpigarren artikuluan aipatzen diren irizpideen araberakoa izanen da. Dirulaguntzak, jarduketa bakoitzeko, gehienez ere 30.000 euro eginen du. Taldeka egiten diren jarduketen kasuan, zazpigarren oinarrian ezarri bezala, enpresako izanen da gehieneko zenbateko hori.

B.3) Agiriak:

Aurkeztu beharreko agiriak lehiakortasuna hobetzeko laguntzak eskatzeko orrian ezarririkoak izanen dira, 2. eranskinari jarraikiz.

C) Teknikariak gaitzea.

C.1) Dirulaguntzen xedeko kontzeptuak:

Ondoko jarduerak egiteko matrikula, joan-etorri, lokalen alokairu eta egonaldiko gastuak:

_Ikastaroak, prestakuntza ikastaro laburrak, egonaldi laburrak zentro edo enpresetan, Estatuan zein atzerrian. Jarduera horien xedea da enpresaren berrikuntza jarduerekin lotutako modernizazio teknologikoaren prozesuak ezartzea edo teknologia asimilatzea. Propio eta banan-banan diseinatu edo egokituko dira enpresa bakoitzerako langileak espezializatu eta prestatu daitezen.

Kanpoan utzitako jarduerak:

_Masterrak, ikastaro arautuak edo ohikoak eta jende guztiarendako irekiak direnak, hots, elkarteek, aholkularitzek edo bestelako entitateek aldizka prestakuntza jarduera gisa antolatzen dituztenak.

_Ondoko arlo hauetako prestakuntza: kalitatea kudeatzeko sistemak, kudeaketarako sistema integratuak (ERP, CRM,..), diseinu programak, informazioaren eta komunikazioaren teknologiak.

_Erakundeak lehendik ezagunak dituen edo edukiaren aldetik errepikapena dakarten gaien inguruko prestakuntza..

_Plantillaren % 30 baino gehiago edo 20 langile baino gehiago hartzen dituzten prestakuntza jarduerak.

C.2) Zenbatekoa:

% 50eko dirulaguntza izanen da, itzuli beharrik gabekoa, deialdi honetako zazpigarren oinarrian aipatzen diren irizpideen arabera. Dirulaguntzak, jarduketa bakoitzeko, gehienez ere 30.000 euro eginen du. Taldeka egiten diren jarduketen kasuan, zazpigarren oinarrian ezarri bezala, enpresako izanen da gehieneko zenbateko hori.

C.3) Agiriak:

Aurkeztu beharreko agiriak lehiakortasuna hobetzeko laguntzak eskatzeko orrian ezarririkoak izanen dira, 2. eranskinari jarraikiz.

D) Dinamizatu eta sentsibilizatzea.

D.1) Dirulaguntzen xedeko kontzeptuak:

D.1.1) Kanpoko gastuak (aholkularitza, publizitatea, lokalak alokatzea, etab.) honako alor hauetako langileen edo/eta enpresen arteko esperientzien trukerako foro edo topaguneak antolatzeko:

_Gogoeta estrategikoa.

_Ezagutzaren kudeaketa.

_Produktuaren diseinua (prototipo lasterra egitea, materialak ordezteko azterketa eta bizi-zikloaren azterketa).

_Jabetza industrial eta intelektuala.

Laguntza portzentajea % 100 izanen da, deialdi honetako zazpigarren oinarrian aipatzen diren irizpideen arabera.Dirulaguntzak, jarduketa bakoitzeko, gehienez ere 100.000 euro eginen du

D.1.2) Kanpo aholkularitzaren gastuak, softwarea eta hardwarea, diagnostikotik hasi eta abian jarri arte, ondoko arlo hauetako prestakuntza barne harturik:

_Internet sarearen bidez ematen diren zerbitzuen ezarpena. Ez dira diruz lagunduko zerbitzu berria emateko erabat beharrezkoak ez diren gastuak, ez eta enpresaren webguneari eta posta elektronikoari lotutakoak ere.

Laguntza portzentajea % 70 izanen da, deialdi honetako zazpigarren oinarrian aipatzen diren irizpideen arabera. Dirulaguntzak, jarduketa bakoitzeko, gehienez ere 100.000 euro eginen du.

D.2) Onuradunak:

Nortasun juridikoa izanik eta Nafarroan kokatuta egonik, modu ohikoan eta irabazteko asmorik gabe, enpresei laguntza zerbitzua ematen dieten erakundeak, beren bitartekoak baliatuz edo elkarte, federazio edo beste integrazio modu batzuen bitartez. Administrazio publikoen menpeko erakunde eta enpresek ere laguntza hauek eskatzen ahalko dituzte.

Bi erakundek edo gehiagok batera badihardute eta beren gaitasunak osagarriak izan daitezen bilatzen badute, arreta berezia emanen zaie haien ekintzei eta lehentasuna izanen dute.

D.3) Agiriak:

Aurkeztu beharreko agiriak lehiakortasuna hobetzeko laguntzak eskatzeko orrian ezarririkoak izanen dira, 2. eranskinari jarraikiz.

Laugarrena._Gastuak aukeratzeko epea.

Dirulaguntza jasoko duten jarduerak eta haien gastua 2004ko abuztuaren 1etik 2006ko abuztuaren 31 bitarte egin beharko dira, salbu eta kalitatearen kudeatze sistemak ezartze laguntzak (A.1 atala), banakako azterketen programa (B.1.3 atala), zeinaren oinarriak 4. ertanskinean ageri baitira, eta nazioarteko patenteak eskatzeko laguntzak (B.1.4. atala).

Bosgarrena._Eskabideak aurkezteko epea.

Eskabideak aurkezteko epea deialdi hau Nafarroako ALDIZKARI OFIZIALean argitaratu eta biharamunean hasi eta 2005eko ekainaren 30ean bukatuko da, 14:30ean.

Aurreko guztia deusetan galarazi gabe, banakako azterketetarako eskabideak, hirugarren oinarriarren B.1.3. atalari jarraikiz, 2005eko abenduaren 31ko 14:30 bitarte aurkezten ahalko dira.

Seigarrena._Eskabideak eta dokumentazioa.

Eskabideak Industria eta Teknologia, Merkataritza eta Lan Departamentuko erregistroan aurkeztuko dira (Tomás Caballero parkea, 1, 1 Iruña), edo Herri Administrazioen Araubide Juridikoari eta Administrazio Prozedura Erkideari buruzko Legean aurreikusitako lekuetako batean.

Dokumentazioa posta bulego batean aurkezten bada, gutunazal ireki batean egin beharko da, lehenengo orriko goiko aldean bulegoaren izena, eguna, tokia eta ordua (minutu eta guzti) adierazi ahal izateko. Datu horiek guztiak gordekinean ere azaldu beharko dira (posta zerbitzuak arautzen dituen abenduaren 3ko 1829/1999 Errege Dekretuaren 31. artikulua).

Hauek dira dirulaguntzak eskatu eta gastuak egiaztatzeko agiriak:

1. eranskina._Lehiakortasuna hobetzeko laguntzetarako eskabidea (kudeaketa).

2. eranskina._Lehiakortasuna hobetzeko laguntzetarako eskabidea (kudeaketa izan ezik).

3. eranskina._Lehiakortasuna hobetzeko gastuen egiaztapena.

Inprimakiak Internet saretik eskuratzen ahal dira, http://www.cfnavarra.es helbidean (bilatu lehiakortasuna hobetzeko laguntzak).

Berrikuntza eta Teknologia Zerbitzuak espedientea ebazteko beharrezko jotzen duen informazio eta dokumentazio guztia eskatzen ahal du. Interesatuak baldintza hori betetzen ez badu horretarako ezarritako epean, eskabidea bertan behera utzitzat hartu eta espedientea artxibatuko da.

Zazpigarrena._Emateko irizpideak eta ebazpena.

Laguntzak esleitzeko, irizpide hauek hartuko dira kontuan:

_Argi eta zehatz azaltzea:

Enpresaren egoera eta eragin nahi diren alderdiak.

Espero diren emaitzak.

Egoera hobetzeko ekintzak.

Aplikatu beharreko metodologia eta hura betearazteko egutegia.

_Proposamenak enpresarentzat edo sektorearentzat duen izaera berritzailea.

_Talde jarduketen kasuan, konparazio batera bezero batek bere hornitzaileekin batera sustatutakoak, sektoreko edo eskualdeko elkarteek bere kideekin, etab., dirulaguntza izanen da banakako jarduketena baino % 20 handiagoa, baldin eta gutxienez 5 talde elkartzen badira.

Lehendabizi ebatziko dira deialdia bukatutzen den egunean eta ebaluazioa egin ahal izateko agiri guztiak aurkeztu dituzten eskabideak. Horiek jaso diren hurrenkeraren arabera aztertuko dira.

Gainerako eskabideei dirulaguntza emanen zaie baldin eta jarduketa burutzen den urteko aurrekontuan dirua bada. Eskabide horiek ebatziko dira ebaluatzeko agiri osagarriak jasotzen diren hurrenkeran.

Eskaerak ebazteko gehieneko epea sei hilabetekoa izanen da, eskabideak aurkezteko bosgarren oinarrian ezarritako epea bukatzen denetik hasita. Epe horretan ebazpen espresurik ematen ez bada, eskaera ezetsi egin dela ulertuko da.

Aurkeztutako eskaeraren berariazko edo ustezko ezespenaren aurka zilegi izanen da gora jotzeko errekurtsoa jartzea, Industria eta Teknologia, Merkataritza eta Lan kontseilariari zuzendua, administrazio prozedura erkideari buruzko legeriari jarraikiz.

Zortzigarrena._Hartzaileen betebeharrak.

Onuradunek dirulaguntzen xede diren jarduerak egin beharko dituzte eta gastuak justifikatu, dirulaguntza emateko ebazpenean ezartzen den epean, bosgarren oinarrian aipatzen den eskabide-orria aurkeztuz. Horrekin batera, ordainketa frogatzen duten faktura eta agiriak, eta inprimakian ezarritako agiri guztiak aurkeztuko dituzte. Laguntza emateko ebazpenean ezarririko epean hala egin edo justifikatu ezik laguntza kobratzeko eskubidea galduko da.

Halaber, onuradunak Nafarroako Foru Komunitateko Administrazioaren eta haren erakunde autonomoen dirulaguntzak eman, kudeatu eta kontrolatzeko araubide orokorrari buruzko ekainaren 9ko 8/1997 Foru Legean ezarritako eginbeharrak ere egin beharko ditu.

Deialdi honetan eta ekainaren 9ko 8/1997 Legean finkatutako baldintzak erabat nahiz hein batean ez betetzeak berekin ekar dezake emandako laguntzak galtzea edo murriztea, bai eta jasotakoa itzultzea ere.

Bederatzigarrena._Laguntzen frogantza eta ordainketa.

Ordainaldi bakar batean emanen da laguntza, enpresa onuradunak amaieraren txostena aurkeztu eta gastuak frogatu ondoren, onespenaren ebazpenean eta gastuak egiaztatzeko inprimakian ezarritakoaren arabera.

Gastuak egiaztatzeko agiriak internetetik eskuratzen ahal dira, seigarren oinarrian ezarri bezala.

A ataleko jarduketei dagokienez, esleipena eta ordainketa batera eginen dira.

Aurretik Nafarroako Gobernuaren laguntzarik jaso ez bada, eskatzaileak transferentzia bidez ordaintzeko eskaeraren inprimakia (jatorrizkoa) igorri beharko du Nafarroako Gobernuko Diruzaintzara.

Hamargarrena._Laguntzen bateragarritasuna.

Laguntza hauek bateragarriak dira instituzioek onuradunentzat dituzketen antzeko babes lerroekin, baina enpresen aportazioa 100eko 30ekoa izanen da gutxienez, aurrekontu lagungarriaren 100eko 100 emateko aukera duten jardueretan izan ezik.

Dirulaguntza horiek jasotzen dituen enpresak Industria eta Teknologia, Merkataritza eta Lan Departamentuari eman beharko dio aurreko 3 urteetan "de minimis" kontzetupean izan dituen laguntzen berri.

Laguntza horiek Europar Batasunak Batzordearen 69/2001 Erregelamenduaren 2.2 artikuluan finkatutako 100.000,00 euroko gehieneko muga edo nekazaritza eta abeltzaintza sektoreetarako Batzordeak emandako 1860/2004 Erregelamenduaren 3.2 artikuluan finkatutako 3.000,00 eurokoa gainditzen badute, mugatik goitiko kopurua ez da emanen edo, enpresak jaso badu, itzuli beharko du.

Hamaikagarrena._Laguntza publikoen bestelako programetan sartzeko aukera.

Eskaeraren xedeko jarduerak laguntza publikoen beste programa baten babesean badaude, eskaera programa horretara bideratzen ahalko da, eskatzaileari kalterik egiten ez dion bitartean, betiere.

Hamabigarrena._Errekurtso administratiboa.

Oinarri arautzaile hauen aurka gora jotzeko errekurtsoa jar daiteke, Industria eta Teknologia, Merkataritza eta Lan kontseilariari zuzendua, argitaratu eta biharamunetik hilabeteko epean.

1. ERANSKINA

Lehiakortasuna hobetzeko laguntzetarako eskabidea (kudeaketa)

1._Entitate eskatzailearen datu nagusiak.

Eskatzailearen edo sozietatearen izena:

Sozietatearen IFZ:

Helbide soziala (kalea-plaza):

Herria:

Posta kodea: Probintzia:

Telefonoa: Faxa:

Produktu eta zerbitzuak

CNAE (*) E-mail:

Enpresaren tamaina (**)

Emplegua: Aktiboa (euroak):

Salmentak (euroak): Datuetako urtea (***):

Azaldutako datuak ikusirik, enpresa honela deklaratzen da:

f ETE

f Ez ETE

(*) CNAE, abenduaren 18ko 1560/1992 Errege Dekretuari jarraikiz.

(**) Enpresaren tamaina: Enpleguaren, aktiboaren eta salmenten balioak enpresa eskatzailearen eta elkartutako edo lotutako enpresen batuketa da, mikroenpresei eta enpresa txiki eta ertainei buruzko 2003ko maiatzaren 6ko Batzordearen Gomendioan ezarritakoari jarraikiz.

(***) Datuetako urtea bukatutako azken kontabilitate-ekitaldia da; urtero kalkulatuko da. Sortu berriko enpresek kontabilitateko balioespen fidagarriak erabiliko dituzte, finantza-ekitaldian eginak.

Harremanetarako pertsona:

Izena:

1. deitura: 2. deitura:

Kargua:

Telefonoa: Faxa:

E-mail:

2._Proiektuari edo jarduketari buruzko datuak

Proiektuaren edo jarduketaren izena:

Tokia:

3._Entitate aholku-emailearen datuak

Entitate aholku-emailea:

IFZ:

Helbidea: Telefonoa:

Auditoretza-entitatea:

IFZ:

Helbidea: Telefonoa:

(*) Proiektuan parte hartzen duten entitate aholku-emaile guztien datuak idatzi.

4._Gastuaren frogagirien zerrenda.

Zenbatekoa guztira:

_Fakturak:

Proiektuko arduradunak diren aholkulariak edo aholkulariek emandako fakturak (ordainduak) aurkeztuko dira, aurreko zerrendaren arabera ordenatuak.

BEZa kostu kengarri gisa ez duten erakundeek hori frogatzen duten agirien kopia aurkeztuko dute.

_Ordainagiriak:

Faktura bakoitzari ordaindu izanaren frogagiria erantsiko zaio; horrelakotzat hartuko dira bankuak emandako laburpenak edo karguak, baldin eta garbi azaltzen badute kontuko mugimendua, fakturak ordaintzearen ondorioz. Ez da txekerik onartuko ordaindu izanaren egiaztagiritzat.

5._Aurkeztu beharreko agiria.

_Eskuratutako ziurtagiriaren kopia.

.....................(e)n, 2005eko ................aren ....(e)an.

ENPRESAREN ARDURADUNA

(SINADURA ETA ENPRESAREN ZIGILUA)

Izen-deiturak:

NANa .......................

_Proiektuaren laguntzei buruzko aitorpena:

Izen-deiturak:

enpresaren izenean,

ziurtatzen du:

f Enpresak ez dituela ondoko dirulaguntza publikoak jaso proiektu hau egiteko:

f Enpresak ondoko dirulaguntza publikoak jaso dituela proiektu hau egiteko:

.....................(e)n, 2005eko ................aren ....(e)an.

ENPRESAREN ARDURADUNA

(SINADURA ETA ENPRESAREN ZIGILUA)

Izen-deiturak:

NANa .......................

_"De minimis" laguntzei buruzko aitorpena:

Izen-deiturak:

enpresaren izenean,

ziurtatzen du:

f Enpresak ez duela "de minimis" laguntzarik jaso eta ez dagoela horrelakorik jasotzeko zain, ez ekitaldi honetan, ez aurreko bietan.

f Enpresak "de minimis" laguntzak jaso dituela eta jasotzeko zain dagoela, bai ekitaldi honetan, bai aurreko bietan, ondoko taula honetan ageri den bezala:

Guztira, honenbeste euro:

.....................(e)n, 2005eko ................aren ....(e)an.

ENPRESAREN ARDURADUNA

(SINADURA ETA ENPRESAREN ZIGILUA)

Izen-deiturak:

NANa .......................

2. ERANSKINA

Lehiakortasuna hobetzeko laguntzetarako eskabidea (kudeaketa izan ezik)

1._Entitate eskatzailearen datu nagusiak.

Eskatzailearen edo sozietatearen izena:

Sozietatearen IFZ:

Helbide soziala kalea-plaza):

Herria:

Posta kodea: Probintzia:

Telefonoa: Faxa:

Produktu eta zerbitzuak

CNAE (*) E-mail:

Enpresaren tamaina (**)

Emplegua: Aktiboa (euroak):

Salmentak (euroak): Datuetako urtea (***):

Azaldutako datuak ikusirik, enpresa honela deklaratzen da:

f ETE

f Ez ETE

(*) CNAE, abenduaren 18ko 1560/1992 Errege Dekretuari jarraikiz.

(***) Datuetako urtea bukatutako azken kontabilitate-ekitaldia da; urtero kalkulatuko da. Sortu berriko enpresek kontabilitateko balioespen fidagarriak erabiliko dituzte, finantza-ekitaldian eginak.

Harremanetarako pertsona:

Izena:

1. deitura: 2. deitura:

Kargua:

Telefonoa: Faxa:

E-mail:

2._Proiektuari edo jarduketari buruzko datuak

Proiektuaren edo jarduketaren izena:

Tokia:

3._Entitate aholku-emailearen/prestatzailearen datuak.

Izena:

IFZ:

Helbidea: Telefonoa:

(*) Proiektuan parte hartzen duten entitate aholku-emaile guztien datuak idatzi.

4._Laguntza zertarako eskatzen den.

LAUKI BAKAR

BAT MARKATU

ESKAERA

BAKOITZEAN

B.1.1.a GOGOETA ESTRATEGIKOA

B.1.1.b HOBETZEKO AUKEREN IDENTIFIKAZIOA

B.1.1.c SISTEMA LOGISTIKOAK

B.1.1.d BANAKETAK INSTALAZIOETAN

B.1.1.e EZAGUTZAREN KUDEAKETA

B.1.2.a PRODUKTUAREN DISEINUA

B.1.2.b MATERIALEN ORDEZKAPENA ETA BIZI-ZIKLOA

B.1.2.c PROZESUAREN SIMULAZIOA ETA PROTOTIPO LASTERRA

B.1.2.d IRUDI ETA IDENTITATE KORPORATIBOEN DISEINUA

B.1.3.b I+G+B PROPOSAMENEN PRESTAKUNTZA

B.1.4.a BENCHMARKING

B.1.4.b NAZIOARTEKO PATENTEAK

B.1.4.c BERRIKUNTZAREN KUDEAKETA ETA ZAINKETA TEKNOLOGIKOA

B.1.5.a ENPRESA ARTEKO EGITUREN SORKUNTZA

B.1.5.b LANKIDETZA ILDOEN BILAKETA

B.1.6.a PLATAFORMETARAKO SISTEMEN EZARPENA

B.1.6.b INTERNET ZERBITZUEN EZARPENA

C.1. PRESTAKUNTZA IKASTAROAK ETA EGONALDI LABURRAK

D.1.1.a DINAMIZAZIOA: GOGOETA ESTRATEGIKOA

D.1.1.b DINAMIZAZIOA: EZAGUTZAREN KUDEAKETA

D.1.1.C DINAMIZAZIOA: PRODUKTUAREN DISEINUA

D.1.1.d DINAMIZAZIOA: JABETZA INDUSTRIALA

D.1.2 DINAMIZAZIOA: INTERNET ZERBITZUAK

5._Erakundearen jarduera nagusien, produktuen eta/edo zerbitzuen, fabrikazio ildoen eta abarren azalpen zehatza

6._Jarduketa justifikatzen duten berariazko premia zehatzak. erakundearen gaur egungo egoera, erakundeak arlo horri buruz duen ezagupen maila, zuzendu nahi diren akats nagusiak.

7._Proiektuaren helburu berariazkoak (neurtzen ahal diren helburuak ezartzea dagoenean).

8.1._Jarduketari buruzko datu zehatzak.

(Atal hau ez zaie gaitasun teknikoari buruzko jarduerei aplikatuko).

Guztira

Jarduketaren kostu osoa, BEZa gabe

8.2._Jarduketari buruzko datu zehatzak.

(Atal hau gaitasun teknikoari buruzko jarduerei aplikatuko zaie bakarrik).

Hasiera eguna: Bukaera eguna:

Ordu kopurua guztira:

Partaide kopurua:

Jarduketaren kostua:

Kostua guztira (ondoko kontzeptuen batuketa):

Matrikula:

Joan-etorriak:

Lokalaren alokairua

Ostatu hartzea:

Mantenua:

Bestelakoak:

Jardueran parte hartzen duten langileak:

9._Jarduketak enpresari ekarriko dion berrikuntza, bere sektoreko eta inguruko beste enpresen aldean.

10._Erakundearentzat dituen alde onak, lehiakortasunean espero den hobekuntza ezarririk eta, ahal dela, neurturik.

11._D.1.2. (Dinamizazioa: internet zerbitzuak) ataleko proiektuetarako bakarrik, ondokoak azaldu beharko dira:

_Proiektua entitatearen bestelako aplikazio informatikoetan ongi integratzen den.

_Plataforma teknologikoaren ezaugarriak eta deskripzioa (adib.: lojamendu mota-erabilitako datu baseak-edukien kudeatzailea-ordainketa atebideak-estatistiketarako tresnak-posta edo boletinak igortzeko baliabideak...).

_Proiektua erabiltzeei jakinarazteko aurreikusitako marketin-ekintzak.

12._Aurkeztu beharreko agiriak.

_Entitate aholku-emaile(ar)en kontratuaren fotokopia, lankidetza hitzarmena edo eskaintza ekonomikoa, enpresak onetsia.

_Langile teknikoak gaituko dituzten jardueren kasuan, gainera: egitarauaren eta prestakuntzaren edukiaren fotokopia.

.....................(e)n, 2005eko ................aren ....(e)an.

ENPRESAREN ARDURADUNA

(SINADURA ETA ENPRESAREN ZIGILUA)

Izen-deiturak:

NANa .......................

3. ERANSKINA

Lehiakortasuna hobetzeko gastuen egiaztapena

1._Identifikazio datuak.

Enpresa: IFZ:

Proiektuaren izena: Espedientea: IIK:

2._Frogagirien zerrenda.

Zenbatekoa guztira

_Fakturak:

Proiektuko arduradunak diren aholkulariak edo aholkulariek emandako fakturak (ordainduak) aurkeztuko dira, aurreko zerrendaren arabera ordenatuak.

BEZa kostu kengarri gisa ez duten erakundeek hori frogatzen duten agirien kopia aurkeztuko dute.

_Ordainagiriak:

3._Jarduketaren azken txostena.

(Gehienez 4 orrialde).

Langile teknikoen prestakuntzarako jardueretan, jarduketaren azken txostenaren ordez enpresaren aitorpen bat aurkezten ahal da, jarduera aurreikusitako planari jarraikiz egin dela adierazteko edo, kasua bada, gertatutako aldaketen berri emateko. Aitorpen horri data eta enpresaren zigilua jarriko zaizkio eta enpresako arduradun batek sinatuko du.

Azken txostenean puntu hauek jorratuko dira:

3.1._Jarduerei buruzko agiri deskriptiboak, hau da, baliabideak, kostuak eta hasieran aurreikusitakoan egindako aldaketak.

3.2._Izandako arazoen eta hartutako erabaki inportanteenen laburpena.

3.3._Jarduketari esker lortutako esperientzia orokorra:

_Antolakuntza eta kudeatzeko gaitasuna.

_Erabilitako metodologia, prozedurak eta teknikak.

_Erabilitako baliabideen eta jasotako prestakuntzaren bidez lortutako gaitasunak.

_Subkontratatutako kanpoko zerbitzuen kalitatea.

3.4._Ondorio nagusiak (aurreikusitako helburuen betetze maila).

.....................(e)n, 2005eko ................aren ....(e)an.

AHOLKULARITZA ENPRESAREN ALDETIK

PROIEKTUAREN ARDURADUN DIREN PERTSONEN SINADURA ENPRESAREN O.E.

_Proiektuaren laguntzei buruzko aitorpena:

Izen-deiturak:

enpresaren izenean,

ziurtatzen du:

f Enpresak ez dituela ondoko dirulaguntza publikoak jaso proiektu hau egiteko:

f Enpresak ondoko dirulaguntza publikoak jaso dituela proiektu hau egiteko:

.....................(e)n, 2005eko ................aren ....(e)an.

ENPRESAREN ARDURADUNA

(SINADURA ETA ENPRESAREN ZIGILUA)

Izen-deiturak:

NANa .......................

_"De minimis" laguntzei buruzko aitorpena:

Izen-deiturak:

enpresaren izenean,

ziurtatzen du:

f Enpresak ez duela "de minimis" laguntzarik jaso eta ez dagoela horrelakorik jasotzeko zain, ez ekitaldi honetan, ez aurreko bietan.

f Enpresak "de minimis" laguntzak jaso dituela eta jasotzeko zain dagoela, bai ekitaldi honetan, bai aurreko bietan, ondoko taula honetan ageri den bezala:

Guztira (euroak)

.....................(e)n, 2005eko ................aren ....(e)an.

ENPRESAREN ARDURADUNA

(SINADURA ETA ENPRESAREN ZIGILUA)

Izen-deiturak:

NANa .......................

4. ERANSKINA

Banakako azterketak izeneko programa

1._Helburu orokorra.

_Berrikuntza sustatzea, I+G+b proiektuen egituraketan esperientziarik ez duten enpresetan halako proiektuak atzemanez, hautatuz eta egituratuz.

_I+G+b proiektuak egiten dituzten enpresen ugalketa sustatzea.

_Atzemandako I+G+b proiektuak bideratzea Nafarroako Foru Administrazioaren laguntza programetarantz eta estatu mailako laguntza publikoetarako antzeko programetarantz.

2._Diruz laguntzeko kontzeptuak.

Banakako azterketatzat hartzen da kanpoko aholkulari batek enpresa bati ematen dion laguntza, I+G+b proiektuak atzeman, egituratu, prestatu eta dagozkien laguntzetara aurkezteko.

Laguntza prozesu hori enpresaren ezaugarriei eta inguruabarrei egokituko zaie, baina, oro har, ondoko faseak izanen ditu:

1. I+G+b proiektuak eta hobetzeko beste arlo batzuk atzeman eta hautatzea.

2. I+G+b proiektuko informazioaren lehen egituraketa eta idazketa.

3. I+G+b proiektuaren memoriaren egituraketa eta idazketa.

3._Onuradunek bete beharreko baldintzak.

Nafarroako Foru Komunitateko talde guztiak. Baztertuko dira administrazio publikoak eta haien menpeko erakundeak eta enpresak.

Batzordearen 69/2001 Erregelamenduaren 1. artikuluarekin bat, garraio sektorea eta esportazioari lotutako jarduerak deialdi honetatik at geldituko dira.

Bete beharreko baldintza izanen da eskatzaileak I+G+b proiektuetarako laguntzarik jaso ez izana eta laguntza horiek eskuratzeko proiekturik aurkeztu ez izana, 1996ko urtarrilaren 1etik banakako programen laguntzak eskatzeko egunera bitarte.

4._Laguntzen zenbatekoa.

Dirulaguntzak gastuen 100eko 100 hartuko du, baina betiere honako mugekin:

1. fasea._I+G+b proiektuak eta hobetzeko beste arlo batzuk atzeman eta hautatzea. Gehieneko dirulaguntza 1.200 euro.

2. fasea._I+G+b proiektuko informazioaren lehen egituraketa eta idazketa. Gehieneko dirulaguntza 1.000 euro.

3. fasea._I+G+b proiektuko proiektuaren memoriaren egituraketa eta idazketa. Gehieneko dirulaguntza 1.000 euro.

5._Eskabideak aurkezteko epea.

Eskabideak aurkezteko epea deialdi hau Nafarroako ALDIZKARI OFIZIALean argitaratu eta biharamunean hasi eta 2005eko abenduaren 31n bukatuko da, 14:30ean.

6._Aurkeztu beharreko agiriak, banakako azterketari hasiera emateko.

Eskabideak Nafarroako Berrikuntza eta Teknologia Agentzian aurkeztuko dira (Iruñeko Karlos III.aren etorbidea, 11-1.a-esk.), enpresa publiko horretan eskuragarri dagoen ereduari jarraikiz.

Enpresak azterketa prozesurako aholkularirik ez badu, Nafarroako Berrikuntza eta Teknologia Agentzian kontsultatzen ahalko dira programaren laguntzaile diren aholkularien datuak.

7._Laguntzen ebazpena, segimendua eta ordainketa.

1. fasea._I+G+b proiektuak eta hobetzeko beste arlo batzuk atzeman eta hautatzea.

Enpresak baldintzak betez gero, eskabidea onetsi eta jarduketaren hiru faseei dagokien zenbatekoa erreserbatuko da, eta lehen faseari dagokion zenbatekoa pagatuko zaio aurretik enpresari.

Fase hori bukatutakoan, enpresak haren emaitzen gaineko txosten bat aurkeztuko du, enpresako zuzendaritzak eta aholkulariak sinatua. Txostena Nafarroako Berrikuntza eta Teknologia Agentzian eskuratutako ereduari jarraikiz eginen da eta bertan agertuko dira enpresaren deskribapena, metodologia, eta azterketa fase honetan egindako laguntza lanak, hala nola I+G+b proiektuak eta hobetzeko arloen deskribapena, bai eta hobekuntza horiek lortzeko egin beharreko jarduketena ere. Txostenak bide emanen du jarduketa horiek laguntza publikoen programaren batean parte hartzeko aukera baloratzeko. Halaber, bertan adieraziko da enpresak prozesua jarraitu behar duen ala ez. Era berean, enpresak aholkulariaren laguntzagaren faktura eta ordaindu izanaren frogagiria aurkeztu beharko du.

Informazio hori Nafarroako Berrikuntza eta Teknologia Agentzian aurkeztuko da, eskabidea onetsi eta ondoko hiru hilabeteko epean.

Aurkeztutako informazioa baloratu ondoren, Nafarroako Berrikuntza eta Teknologia Agentziak erabakiko du prozesua segitu edo bukatzea. Bigarren kasu horretan, hitzartutako zenbatekoaren gainontzekoa liberatuko da eta jarduketa bukatutzat joko da.

2. fasea._I+G+b proiektuko informazioaren lehen egituraketa eta idazketa.

Prozesuak aurrera jarraitzen badu, enpresak aldez aurretik jasoko du hurrengo fase honetarako esleitutako dirulaguntza.

Hiru hilabeteko epean, fase honen ondorio gisa, enpresak I+G+b proiektu bati buruzko aurretiko informazioa aurkeztuko du (Nafarroako Berrikuntza eta Teknologia Agentzian eskuragarri dagoen ereduaren araberakoa), Industria eta Teknologia, Merkataritza eta Lan Departamentuko erregistroan, egokitzen ahal zaizkion dirulaguntzak jasotzeko.

Era berean, enpresak aholkulariaren laguntzagatik dagozkion faktura eta ordaindu izanaren frogagiria aurkeztu beharko ditu Nafarroako Berrikuntza eta Teknologia Agentzian.

Industria eta Teknologia, Merkataritza eta Lan Departamentuak aztertuko du proposatutako I+G+b proiektuari buruzko aurretiko informazioa. Bideragarri iritziz gero, enpresari eskatuko dio I+G+b proiektua osorik idazteko. Horrek prozesuaren jarraipena dakar. Kontrakoa erabakitzen badu, hitzartutako zenbatekoaren gainontzekoa liberatuko da eta jarduketa bukatutzat joko.

3. fasea._I+G+b proiektuaren memoriaren egituraketa eta idazketa.

Prozesuak aurrera jarraitzen badu, enpresak aldez aurretik jasoko du hurrengo fase honetarako esleitutako dirulaguntza.

Hirugarren fasea (I+G+b proiektuaren memoriaren egituraketa eta idazketa) egiteko emandako epea bukaturik, enpresak I+G+b proiektuari buruzko memoria aurkeztuko du (Nafarroako Berrikuntza eta Teknologia Agentzian eskuragarri dagoen ereduaren araberakoa) Industria eta Teknologia, Merkataritza eta Lan Departamentuko erregistroan, aztertu eta I+G+b proiektuetarako laguntzen araubidean sartzeko.

Era berean, enpresak aholkulariaren laguntzagatik dagozkion faktura eta ordaindu izanaren frogagiria aurkeztu beharko ditu Nafarroako Berrikuntza eta Teknologia Agentzian.

Hori guztia aurkeztutakoan, jarduketa bukatutzat joko da.

8._Onuradunen betebeharrak.

Onuradunek diruz lagundutako jarduerak egin eta gastuak justifikatu beharko dituzte, kasuan kasu ezartzen diren epeetan, behar diren txostenak eta agiriak aurkeztuz. Jarduera edo gastuen egiaztapena ezarritako epean egiten ez bada, dirulaguntza jasotzeko eskubidea galduko da, bai eta aldez aurretik kobratutakoa itzuliko ere.

9. Laguntzen bateragarritasuna.

Laguntza hauek bateragarriak dira instituzioek onuradunentzat dituzketen antzeko babes lerroekin, baina haien zenbatekoa ezin izanen da izan gauzatu beharreko jardueraren kostua baino handiagoa.

Laguntza hauek "de minimis" laguntzen barrenean sartzen dira, Europako Batzordearen 69/2001 Erregelamenduan eta 1860/2004 Erregelamenduan aurreikusitakoari jarraituz. Hortaz, oinarri erregulatzaile hauetako hamargarren oinarrian ezarritakoa aplikatuko zaie.

10._Emaitzen jabetza eta informazioaren konfidentzialtasuna.

Sortutako txosten eta agiri guztiak eskatu dituen enpresarenak izanen dira.

Industria eta Teknologia, Merkataritza eta Lan Departamentuak eta Nafarroako Berrikuntza eta Teknologia Agentziak aipatu informazio hori isilpean gordeko dute, eta jarduketatik sortutako informazio erreserbatua ezin izanen dute erabili enpresak jakin gabe eta baimen espresua eman gabe, salbu eta Nafarroako Foru Administrazioko departamentuetan egiten diren aginduzko txosten teknikoak eta kontrolak eskatzeko.

Oharra: eranskin honetan aipatutako informazio, eredu eta gidoi guztiak http://www.plantecnologico.com helbidean daude.

5. ERANSKINA

TCEaren I. eranskinean ageri diren produktuak

_Animalia biziak.

_Haragi eta hondar jangarriak.

_Arrain, krustazeo eta moluskuak.

_Esnea eta esnekiak; hegaztien arrautzak; ezti naturala

_Animalien tripaki, maskuri eta urdailak (arrainenak ez direnak), osorik edo zatika.

_Bestelako partidetan sartu edo azaldu ez diren animalien produktuak, 1. edo 3. kapituluko animalia hilak, gizakiak jateko balio ez dutenak.

_Landare biziak eta lorezaintzako produktuak.

_Lekaleak, landareak, elikadurarako sustrai eta tuberkuluak.

_Fruitu jangarriak, zitrikoen eta meloien azalak.

_Kafea, tea eta espeziak, matea izan ezik.

_Zerealak.

_Produktu xehetuak; malta; almidoi eta fekulak; glutena; inulina.

_Hazi eta fruitu oleaginosoak, bestelako haziak eta fruituak, industria landareak, sendabelarrak, lastoak eta bazkak.

_Pektina.

_Gantza, zerriaren beste koipeak, etxeko hegaztien gantzak, pren- tsatuak edo urtuak.

_Behi, ardi eta ahuntz azienden gantza, bere horretan edo urtua, "lehen urinak" izeneko gantzak ere barne.

_Eguzki estearina; oleoestearina; zerri gantzaren koipea eta emultsionatu gabeko oleomargarina, nahasi gabe eta prestatu gabe.

_Arrain gantza eta koipeak eta itsasoko ugaztunenak, baita finduak ere.

_Landare olioak, finkoak, bigunak edo zehatzak, landu gabeak, purifikatuak edo finduak.

_Animalien edo landareen gantz edo olio hidrogenatuak, baita finduak ere, baina ondoko prestaketarik gabeak.

_Margarina, zerri gantzaren suzedaneoak eta bestelako elikadura-koipe prestatuak.

_Gantz gorputzak edo animalien edo landareen argizariak tratatzetik heldu diren hondakinak.

_Haragi, arrain, krustazeo eta moluskuen prestakinak.

_Erremolatxaren eta kainaberaren azukreak, egoera solidoan.

_Bestelako azukreak, xarabeak, eztiaren suzedaneoak, baita ezti naturalarekin nahasitakoak ere, azukre eta melaza karamelizatuak.

_Melazak, baita dekoloratuak ere.

_Azukre, xarabe eta melaza aromatizatuak edo koloratzaileak emanak (baita azukrea bainillarekin edo bainillinarekin), azukrea edozein portzentajetan duten fruta zukuak izan ezik.

_Kakaoa aletan, osorik edo puskatan, gordin edo errea.

_Kakaoaren azala, mintza, geruzak eta hondarrak.

_Egoskarien, barazkien, fruten eta beste landare batzuen edo beste landarezati batzuen prestakinak.

_Mahatsaren muztioa hein batean irakina, baita "itzalia" ere alkohola erabili gabe.

_Mahatsen ardoak, mahatsaren muztio "itzalia" alkoholarekin (baita mistelak ere).

_Sagardoa, perada, ezti-ura eta beste edari irakin batzuk.

_Alkohol etiliko desnaturalizatua edo desnaturalizatu gabea, edozein graduaziotakoa, Tratatuaren I. eranskinean zerrendatutako nekazaritzako produktuekin egina. Bazterturik daude: pattarrak, likoreak eta gainerako edori destilatuak, edariak egiteko alkoholaren prestakin konposatuak ("estraktu kontzentratuak" izenekoak).

_Ozpina eta suzedaneo jangarriak.

_Elikadura industrietako hondarrak eta zaborrak; animaliendako janari prestatuak.

_Tabakoa hostoetan edo landu gabe; tabakoaren hondarrak.

_Kortxo natural landugabea eta kortxoaren hondarrak, kortxo xehetua, pikorretan edo hauts bihurtua.

_Liho landugabea (liho uzta), enriatua, ezpatatua, orraztua edo bestela landua, baina irun gabea; iztupak eta lihoaren hondarrak (baita lihazkiak ere).

_Kalamua (Cannabis sativa) hostoetan, enriatua, ezpatatua, orraztua edo bestela landua, baina irun gabea; iztupak eta kalamuaren hondarrak (baita lihazkiak ere)(*) Europako Ekonomi Elkarteko Kontseiluaren 1959ko abenduaren 18ko 7 bis Erregelamenduaren 1. artikuluaren bidez erantsitako gaia (7. "Egunkari Ofiziala", 1961eko urtarrilaren 30ekoa, 71. orrialdea).

Iragarkiaren kodea: F0511198

Sarbidea

Loturiko estekak

Nafarroako Aldizkari Ofiziala

Paseo Pablo Sarasate, 38, 2.º izda.

31001 - Iruña

848 42 12 50

bon@navarra.es