II. NAFARROAKO TOKI ADMINISTRAZIOA
2.3. BESTELAKO XEDAPENAK
2.3.2. Kontratazioa, obrak eta zerbitzu publikoak
CASTEJON
Laguntza kontratua adjudikatzeko lehiaketa, "Kamioen saihesbidea urbanizatzea: U.E. 1.10 exekuzio unitatea eta 1.2 sistema orokorra" izeneko obren proiektua prestatzeko eta zuzendaritza tekniko osoa eramateko
Nafarroako Administrazio Publikoen kontratuak arautzen dituzten arauei buruzko ekainaren 16ko 10/1998 Foru Legean xedatutakoa aplikatuz, Castejongo Udalak, 2005eko martxoaren 31n egin bilkuran, erabaki zuen ondoko ezaugarriak dituen lehiaketa publikorako deia egitea:
Kontratuaren xedea: laguntza, U.E. 1.10 exekuzio unitateak eta 1.2 sistema orokorrak osatutako kamioen saihesbidea urbanizatzeko obren proiektua prestatu eta zuzendaritza tekniko osoa eramateko.
Adjudikatzeko prozedura: irekia. Adjudikazio bidea: lehiaketa. Tramitazio arrunta.
Kontratazio aurrekontua: 100.850,40 euro, BEZa barne.
Baldintzen plegua: lizitatzaileen eskura dago udal bulegoetan, jendea hartzeko orduetan, astelehenetik ostiralera, 10:30etik 14:00ak arte.
Proposamenak non eta noiz aurkeztu: Castejongo Udalaren erregistro orokorrean, 26 egun naturaleko epean, iragarki hau Nafarroako ALDIZKARI OFIZIALean argitaratu eta biharamunetik hasita; egun hura baliogabea bada, hurrengo egun baliodunera arte luzatuko da.
Proposamen ekonomikoak non eta noiz ireki: Castejongo Udaleko bilkura aretoan irekiko dira, proposamenak aurkezteko epea bukatu eta hurrengo bosgarren egun baliodunean, 14:00etan.
Proposamen eredua: baldintza administratiboen pleguan datorrena.
Argitara ematen da, behar diren ondorioak izan ditzan.
Castejonen, 2005eko apirilaren 1ean._Alkate udalburua, Francisco Javier Sanz Carramiñana.
Iragarkiaren kodea: L0505556