I. NAFARROAKO FORU KOMUNITATEA
1.3. BESTELAKO XEDAPENAK
1.3.2. Kontratazio administratiboa
230/2005 EBAZPENA, martxoaren 23koa, Eskola eta Lanbide Irakaskuntzaren zuzendari nagusiak emana, "Ikasketa espedienterik onenak dituzten ikasleendako udako hizkuntza ikastaroak eta egonaldiak AEBetan eta Irlandan 2005eko udan" izeneko programa kontratatzeko espedientea eta horretarako klausula administratibo eta teknikoen plegua onesten dituena.
Eskola eta Lanbide Irakaskuntzaren Zuzendaritza Nagusiko Eskola Antolamendu eta Berriztapenerako Zerbitzuak lizitaziorako dei egin du "Ikasketa espedienterik onenak dituzten ikasleendako udako hizkuntza ikastaroak eta egonaldiak AEBetan eta Irlandan 2005eko udan" izeneko programaren antolakuntza kontratatzeko.
_Kontratuaren xedea: "Ikasketa espedienterik onenak dituzten ikasleendako udako hizkuntza ikastaroak eta egonaldiak AEBetan eta Irlandan 2005eko udan" izeneko programa antolatzeko eta egiteko laguntza teknikoaren administrazio kontratua.
_Esleitzeko modua: lehiaketa publikoa, prozedura irekia.
_Aurkeztu beharreko agiriak: klausula administratibo eta tekniko partikularren agirian adierazten direnak. Aurkeztu beharreko agiriek jatorrizkoak behar dute izan edo, bertzenaz, kautoturiko kopiak.
_Proposamenen aurkezpena: iragarki hau argitaratu eta biharamunetik hogeita sei egun naturaleko epean.
_Proposamenak jendaurrean irekitzeko tokia eta eguna: proposamenak aurkezteko epea bukatu eta seigarren egun balioduneko eguerdiko 12:00etan, Eskola eta Lanbide Irakaskuntzaren Zuzendaritza Nagusian (Santo Domingo kalea, z.g., Iruña).
Klausula administratibo eta tekniko partikularren agiriak Eskola Antolamendu eta Berriztapenerako Zerbitzuan daude (Santo Domingo kalea, z.g.).
Iruñean, 2005eko martxoaren 23an._Eskola eta Lanbide Irakaskuntzaren zuzendari nagusia, Fermín Villanueva Ferreras.
Iragarkiaren kodea: F0505204
