I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
306/2005 EBAZPENA, otsailaren 16koa, Osasunbidea-Nafarroako Osasun Zerbitzuko zuzendari kudeatzaileak emana, María Josefa Rodríguez Pérez andrea Tuterako Reina Sofía Ospitaleko 4. oineko Erizaintza Unitateko buru izendatzen duena bitarte baterako.
Osasunbidea-Nafarroako Osasun Zerbitzuko zuzendari kudeatzaileak, otsailaren 13ko 108/1995 Ebazpenaren bidez, María Josefa Rodríguez Pérez andrea Tuterako Reina Sofía Ospitaleko 4. oineko Erizaintza Unitateko buru izendatu zuen, sei urterako, merezimendu lehiaketa baten ondorioz.
Izendapen horren epea iragan denez, eta Nafarroako Osasun Zerbitzuan sartu eta bertako lanpostuak betetzea arautzen duen azaroaren 22ko 347/1993 Foru Dekretuko 31. artikuluan xedatutakoari eta Tuterako Osasun Barrutiko Erizaintza Zerbitzuaren txostenari jarraikiz, bidezko da kargu horretan berrestea bitarte baterako izandapen baten bidez.
Osasunbidea-Nafarroako Osasun Zerbitzuaren egitura organikoa ezarri zuen uztailaren 25eko 276/2003 Foru Dekretuaren 54.5 artikuluak xedatzen du laguntza mediko-asistentzialeko zerbitzu eta ataletako buruak eta, orobat, gainerako ataletako eta unitateetako buruak azaroaren 22ko 347/2003 Foru Dekretuan ezarritakoari jarraikiz izendatu eta kargutik kenduko direla, horren bidez onartu baitzen Osasunbidea-Nafarroako Osasun Zerbitzuan sartu eta bertako lanpostuak betetzeko araubidea.
Hortaz, Osasunbidea-Nafarroako Osasun Zerbitzuko egitura organikoa ezarri duen uztailaren 28ko 276/2003 Foru Dekretuak ezarritakoari jarraikiz,
EBATZI DUT:
1. María Josefa Rodríguez Pérez andrea, Nafarroako Foru Komunitateko Administrazioko funtzionarioa, Osasunbidea-Nafarroako Osasun Zerbitzuko Reina Sofía Ospitaleko 4. oineko Erizaintza Unitateko buru izendatzea bitarte baterako.
2. Ebazpen hau Nafarroako ALDIZKARI OFIZIALean argitara dadila agintzea.
3. Ebazpen hau igortzea interesatuari, Tuterako Osasun Barrutiko Langileri Zerbitzuari, Osasunbidea-Nafarroako Osasun Zerbitzuko Langileriaren Kudeaketa, Sarrera eta Barne Igoerarako Zerbitzuko zuzendariari, Nominen eta Gastu Kontrolaren Zerbitzuko zuzendariari eta Osasun Departamentuko idazkari teknikoari, behar diren ondorioak izan ditzan.
Iruñean, 2004ko otsailaren 16an._Osasunbidea-Nafarroako Osasun Zerbitzuko zuzendari kudeatzailea, José Carlos Garde Celigueta.
Iragarkiaren kodea: F0502956
