I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
26/2005 FORU AGINDUA, martxoaren 4koa, Lehendakaritza, Justizia eta Barne kontseilariak emana, zenbait eskurantza Lehendakaritza zuzendari nagusiaren esku uzten dituena.
Nafarroako Gobernuari eta haren lehendakariari buruzko abenduaren 3ko 14/2004 Foru Legeko 41. artikuluko 2. idatz-zatiak xedatzen duenez, kontseilariek beren eskurantzak zuzendari nagusien esku uzten ahalko dituzte.
Lehendakaritza, Justizia eta Barne Departamentuak bere dituen jarduerak garatzeko komeni den arintasuna lortzearren, beharrezkoa da Nafarroako Gobernuak harturiko erabakiak ziurtatzeko kontseilariari dagozkion eskurantzak Lehendakaritza zuzendari nagusiaren esku uztea, Nafarroako Gobernuaren funtzionamenduari buruzko otsailaren 24ko 39/2005 Foru Dekretuko 5. artikuluko 3. idatz-zatian ezarri bezala.
Horrenbestez, eta Nafarroako Gobernuari et haren lehendakariari buruzko abenduaren 3ko 14/2004 Foru Legearen 41. artikuluko 2. idatz-zatiak ematen dizkidan ahalmenak erabiliz,
AGINDU DUT:
1. artikulua. Nafarroako Gobernuak harturiko erabakiak ziurtatzeko eskurantzak Lehendakaritza zuzendari nagusiaren esku uztea.
2. artikulua. Foru agindu honek eskuordetzen dituen eskurantzen bidez ematen diren ziurtapenetan espresuki aipatuko da hala dela.
AZKEN XEDAPEN BAKARRA
Foru agindu hau Nafarroako ALDIZKARI OFIZIALean argitaratuko da.
Iruñean, 2005eko martxoaren 4an._Lehendakaritza, Justizia eta Barne kontseilaria, Javier Caballero Martínez.
Iragarkiaren kodea: F0503709
