I. NAFARROAKO FORU KOMUNITATEA
1.3. BESTELAKO XEDAPENAK
1.3.3. Nahitaezko Desjabetzapenak
267/2005 EBAZPENA, otsailaren 2koa, Toki Administrazioko zuzendari nagusiak emana, "Carcar-Andosilla-San Adriango hustubidea aldatzea AN-144 finkan" izeneko proiektua behin betikoz onesten duena.
Toki Administrazioko zuzendari nagusiak, urriaren 27ko 1.290/2004 Ebazpenaren bidez, "Carcar-Andosilla-San Adriango hustubidea aldatzea AN-144 finkan" izeneko proiektuak ukituriko ondasun eta eskubideak desjabetzeko prozedurari hasiera eman zion. Bidenabar, proiektua eta ukitutako ondasun eta eskubideen zerrenda jendaurrean paratu zituen hamabost egunez.
Aipatu epea alegaziorik aurkeztu gabe iragan denez, bidezko da proiektua behin betikoz onestea.
Horrenbestez, Nahitaezko Desjabetzapenari buruzko Legearen 52. artikuluan xedatutakoari jarraituz, eta Toki Administrazioko kontseilariak abuztuaren 13ko 272/2003 Foru Aginduaren bidez esleitu dizkidan ahalmenez baliatuz,
EBATZI DUT:
1. Behin betikoz onestea "Cárcar-Andosilla-San Adriango hustubidea aldatzea AN-144 finkan" izeneko proiektua.
2. Ebazpen hau Nafarroako ALDIZKARI OFIZIALean, Foru Komunitateko egunkari batean eta Andosillako Udaletxeko iragarki oholean argitaratzea.
3. Ebazpen hau Andosillako Udalari eta Jurramendiko Mankomunitateari jakinaraziko zaie, eta adieraziko beronen kontra administrazioarekiko auzi-errekurtsoa jar dezaketela, Nafarroako Auzitegi Nagusiko Administrazioarekiko Auzien Salari zuzendua, argitaratu edo jakinarazi eta biharamunetik hasita bi hilabeteko epean, deusetan galarazi gabe, horren aurretik, Nafarroako Gobernuaren aurrean errekerimendua egitea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epeetan.
Iruñean, 2005eko otsailaren 2an._Toki Administrazioko zuzendari nagusia, Angel Serrano Azcona.
Iragarkiaren kodea: F0502008
