I. NAFARROAKO FORU KOMUNITATEA
1.3. BESTELAKO XEDAPENAK
1.3.4. Dirulaguntzak eta bekak
57/2005 EBAZPENA, otsailaren 3koa, Eskola eta Lanbide Irakaskuntzaren zuzendari nagusiak emana, Nafarroako Haur, Lehen eta Bigarren Hezkuntzako Ikastetxeetako Ikasleen Gurasoen Elkarte eta Federazioen aldeko laguntzetarako 2005eko deialdia onesten duena.
Hezkuntzaren Plagintzako Zerbitzuko zuzendariak txosten bat aurkeztu du eta bertan proposatu argitara eman dadila Nafarroako Haur, Lehen eta Bigarren Hezkuntzako Ikastetxeetako Ikasleen Gurasoen Elkarte eta Federazioen aldeko laguntzetarako 2005. urteko deialdia.
Ikastetxeetako hezkuntza zereginetan Ikasleen Gurasoen Elkarte eta Federazioen parte hartzea bultzatzeko xedez, eta Nafarroako Foru Komunitateko Haur, Lehen eta Bigarren Hezkuntzako Ikastetxeetako Ikasleen Gurasoen Elkarte eta Federazioak jarduerak egitera bultzatzeko beharraz jabeturik,
Horrenbestez, Hezkuntza kontseilariak uztailaren 16ko 356/2003 Foru Aginduaren bidez eman dizkidan eskurantzak erabiliz,
EBATZI DUT:
1. Nafarroako Haur, Lehen eta Bigarren Hezkuntzako Ikastetxeetako Ikasleen Gurasoen Elkarte eta Federazioen aldeko laguntzetarako 2005eko deialdia eta hari buruzko arauak onestea.
2. Gehienez ere 97.750 eurokoa izanen den gastua baimentzea, 2005eko Gastuen Aurrekontuko "Gurasoen eta Ikasleen Elkarte eta Federazioetarako dirulaguntzak" izeneko 410002-41150-4810-324200 kontusailaren kargura.
3. Deialdia eta haren eranskinak Nafarroako ALDIZKARI OFIZIALean argitara daitezela agintzea.
4. Ebazpen hau, deialdia eta eranskinak igortzea, behar diren ondorioak izan ditzaten, Ekonomia eta Ogasun Departamentuak Hezkuntza Departamentuan duen kontu-hartzaileari, Hezkuntzaren Plangintzako Zerbitzuari, Zerbitzuak Ikuskatzeko eta Ikuskapen Teknikorako Zerbitzuari, Hezkuntza Berriztapenerako Atalari, Ikasketetarako Laguntzen Atalari, Kudeaketa Ekonomikoaren Bulegoari eta Guraso eta Ikasleentzako Argibide eta Aholku Bulegoari, behar diren ondorioak izan ditzaten.
Iruñean, 2005eko otsailaren 3an._Eskola eta Lanbide Irakaskuntzaren zuzendari nagusia, Fermín Villanueva Ferreras.
E R A N S K I N A
Nafarroako Foru Komunitateko ikastetxeetako kasleen Gurasoen Elkarte eta Federazioen aldeko laguntzak 2005ean eskatzeko deialdia
Nafarroako Foru Komunitateko Haur, Lehen eta Bigarren Hezkuntzako Ikastetxeetako Ikasleen Gurasoen Elkarte eta Federazioen aldeko laguntzak 2005ean eskatzeko dei egin da.
Nafarroako Foru Komunitateko Haur, Lehen eta Bigarren Hezkuntzako Ikastetxeetako Ikasleen Gurasoen Elkarte eta Federazioak jarduerak egitera bultzatzeko beharraz jabeturik, Hezkuntza Departamentuak 2005eko deialdia argitara eman du honako hauei jarraikiz:
A R A U A K
1. Deialdi honetan parte hartzen ahal dute legearen arabera eratutako Nafarroako Haur, Lehen eta/edo Bigarren Hezkuntzako Ikastetxeetako Ikasleen Gurasoen Elkarte eta Federazioek, betiere Nafarroako Gobernuko Elkarteen Erregistroan inskribatuta baldin badaude.
Deialdi honetan parte hartzeko ezinbestekoa da Hezkuntza Departamentuko Elkarteen Erroldan sartuta egotea.
2. Deialdi honetan parte hartu nahi duten elkarteek honako hauek aurkeztu beharko dituzte:
a) I. eranskineko eskabidea behar bezala betea eta ikastetxeko Eskola Kontseiluko buruak ziurtatua.
b) Laguntzen xede diren jarduera guztien deskripzioa, III. eranskineko ereduaren arabera.
c) Deialdi honetara aurkezten diren jarduera guztien zerrenda-laburpena, IV. eranskineko ereduaren arabera.
3. Deialdi honetan parte hartu nahi duten federazioek honako hauek aurkeztu beharko dituzte:
a) II. eranskineko eskabidea behar bezala betea.
b) Laguntzen xede diren jarduera guztien deskripzioa, III. eranskineko ereduaren arabera.
c) Deialdi honetara aurkezten diren jarduera guztien zerrenda-laburpena, IV. eranskineko ereduaren arabera.
4. Eskabideak Hezkuntza Departamentuko Erregistroan, Nafarroako Gobernuko Erregistro Orokorrean edo bestela Administrazio Publikoen Araubide Juridikoari eta Guztiendako Administrazio Prozedurari buruzko azaroaren 26ko 30/1992 Legean aurreikusitako bestelako bideren bat erabiliz aurkezten ahalko dira.
5. Eskabideak aurkezteko epea hogeita hamar egun naturalekoa izanen da, deialdi hau Nafarroako ALDIZKARI OFIZIALean argitaratu eta biharamunetik hasita.
Epez kanpo aurkezten diren eskabideak edo datu faltsuekin aurkezten direnak, deialdi honetan baztertu eginen dira.
Eskabideek 2. arauko baldintzak betetzen ez badituzte, interesatuei jakinaraziko zaie eta hamar eguneko epea emanen, jakinarazi eta biharamunetik, akatsak zuzentzeko.
6. Eskabideak aurkezteko epea bukatu eta gehienez ere hiru hilabeteko epean, Eskola eta Lanbide Irakaskuntzaren zuzendari nagusiak deialdi hau ebatziko du.
Epe hori espresuki ebazpenik eman gabe bukatzen bada, ulertuko da eskabidea ezetsi dela, ekainaren 9ko 8/1997 Foru Legeko 8. artikuluan xedatu bezala.
7. Eskola eta Lanbide Irakaskuntzaren zuzendari nagusiak ebazpena emanen du, horretarako eratuko den Batzordeak proposamena egin ondoren; Batzorde horrek aurkeztutako eskabideei buruzko iritzia eman eta baloratu eginen ditu.
Batzorde horrek kide hauek izanen ditu:
Mahaiburua: Hezkuntza Berriztapenaren atalburua.
Batzordekideak: Ikasketetarako Laguntzen atalburua.
Guraso eta Ikasleentzako Argibide eta Aholku bulegoburua.
Hezkuntza Departamentuko teknikari bat.
8. Elkarte edo Federazio eskatzaile bakoitzari esleitu beharreko zenbatekoa zehazteko, Batzordeak, onartutako eskarien kopuruaz gain, honako hauek hartuko ditu kontuan: federazio bakoitzari atxikitako elkarteen kopurua eta elkarte eskatzaileetako bazkideen kopurua, bai eta ikastetxeetako ikasleen ezaugarri sozioekonomikoak eta aurkeztutako proiektuen kopurua ere.
Horretarako, ondoko banaketa-irizpideei jarraikiko zaie:
1. 22.270 euro izanen dira federazioendako eta 75.480 euro, berriz, elkarteendako.
2. Federazioen kasuan, honako irizpide hauek aplikatu ondoren ateratzen dena izanen da esleituko den diru kopurua:
a) Federazioei guztira esleitutako diruaren %15 zati berdinetan banatuko da onartutako eskarien artean.
b) Diru guztiaren %25 bakoitzean federatutako Elkarteen kopuruaren arabera.
c) Diru guztiaren %53 Federazio bakoitzean afiliatutako familien kopuruaren arabera.
d) %7, Federazio bakoitzak 9. eta 10. arauetan ezarritakoari loturik programatutako jardueren kopuruaren arabera.
3. Elkarteen kasuan, honako irizpide hauek aplikatu ondoren ateratzen dena izanen da esleituko den diru kopurua:
a) Elkarteei guztira esleitutako diruaren %21 zati berdinetan banatuko da onartutako eskarien artean.
b) Diru guztiaren %42 Elkarte bakoitzean afiliatutako familien kopuruaren arabera.
c) Diru guztiaren %16, ikastetxe eskatzaileetako ikasleen ezaugarri geografiko eta soziekonomikoei erantzuteko.
d) Diru guztiaren %21, Elkarte bakoitzak 9. eta 10. arauetan ezarritakoari loturik programatutako jardueren kopuruaren arabera.
9. Elkarteek zilegi dute laguntzetara aurkeztea honako hauek: gurasoen prestakuntzarako jarduerak, parte hartzea bultzatzekoak, hala nola beste edozein jarduera, baldin eta elkarteek beren kideentzat edo hezkuntza-komunitatearen gainerakoentzat antolatu eta zuzenduta badira.
10. Ez dira baloratuko, deialdi honetako xedeen araberakoak ez direlako, ondoko jarduerak:
a) Ikasleen parte hartzea eskatzen duten baina Eskola Kontseiluak onetsi ez dituen jarduerak.
b) Departamentu honek nahiz beste entitate publiko batek antolaturiko deialdiaren bidez subentzionaturiko jarduerak.
c) Ohiko ikastorduak gehitzea ekartzen duten jarduerak.
d) Egun bat baino gehiagoko iraupeneko jarduerak, bidaiak edo egonaldiak.
e) Eskola Kontseiluak edo ikastetxeko irakasleek antolatutako jarduerak, baldin eta eskolaz kanpoko jarduerak eta jarduera osagarriak egiteko laguntzen deialdira aurkeztu badira.
f) Ikasleen Elkarteek antolatutako jarduerak, baldin eta Nafarroako Ikastetxeetako Ikasleen Elkarteen aldeko laguntzen deialdira aurkeztu badira.
g) Atzerriko hizkuntzekin zerikusia duten eskolaz kanpoko jarduerak eta jarduera osagarriak, departamentu honek horretarako deialdia baitu.
h) Ikastetxeko egutegiko eskola gabeko egunetan (oporretan, asteburuetan, e.a.) egiten diren jarduerak.
i) Udal mailako jarduerak.
j) Material inbentariagarria erosteko gastuak.
11. Hezkuntza Departamentuak deialdi honen ebazpena Nafarroako ALDIZKARI OFIZIALean argitaratuko du, eta bertan adieraziko ditu laguntza hauen onuradun diren Elkarte eta Federazioen zerrenda, bakoitzari ordaindu beharreko dirua eta baztertu diren Elkarte eta Federazioen zerrenda, baztertzeko arrazoiak barne.
12. Elkarte eta Federazio bakoitzari ordainketa bakarrean emanen zaio esleitutako zenbatekoa, esleipenaren ebazpena Nafarroako ALDIZKARI OFIZIALean argitaratu ondoren.
13. Dirulaguntza hauen onuradunek 2006ko urtarrilaren 15a baino lehenago aurkeztu beharko dute egindako gastuen justifikazioa, betiere eskatutako zenbatekoa baino altuagoa izanen dena. Halaber adieraziko dute zer jardueratan erabili den dirua.
14. Hezkuntza Departamentuak eskubidea du edozein motatako argibide osagarriak eskatu eta diruz laguntzen diren jardueren ikuskapena eta kontrola egiteko.
15. Arau hauek hautsiz gero, emandako laguntza bertan behera geldituko da, harturiko diru kopuruak itzuli beharko dira eta Departamentu honen hurrengo deialdian parte hartzeko eskubidea galtzea ekar lezake. Horrek guztiak ez du eragotziko Nafarroako Foru Komunitatearen eta haren erakunde autonomoen dirulaguntzak eman, kudeatu eta kontrolatzeko araubide orokorra arautzen duen ekainaren 9ko 8/1997 Foru Legean ezarritakoa.
16. Deialdi honen eta honetatik sortzen diren egintzen aurka, interesatuek gora jotzeko helegitea jartzen ahal dute, Nafarroako Gobernuari zuzendua, helegitearen xede den egintza argitaratu edo jakinarazi eta biharamunetik hilabeteko epean.
I. ERANSKINA
Ikasleen Gurasoen Elkarteen aldeko dirulaguntzetarako eskabidea, 2005. urterako
Elkartearen izena:
Helbidea: Telefonoa:
Herria: Posta kodea:
IFK/IFZ:
Lehendakaria: Telefonoa:
Elkarteko familien kopurua
Familiaren urteko kuota:
Federazio bateko bazkidea da?: BAI f EZ f
Baiezkoan, esan haren izena:
Ikastetxea:
Ikastetxe mota: Publikoa f Pribatua f
Irakaskuntza mota:
Ikasle mota:
Lehengo ezaugarriak dituen Elkarteak eskatzen du Nafarroako Haur, Lehen eta Bigarren Hezkuntzako Ikastetxeetako Ikasleen Gurasoen Elkarte eta Federazioen aldeko laguntzetarako 2005. urteko deialdian parte hartzea.
Ikastetxe horretako Eskola Kontseiluak eta, haren izenean, kontseiluburuak ziurtatzen dute deialdi honetan aurkeztu diren jarduerek berekin dakartela ikasleen partaidetza eta Eskolako Kontseiluak berak onetsi dituela eta, halaber, ziurtatzen dute eskabidean ageri diren datuak egiazkoak direla.
...........(e)n, 2005eko ...........aren ........(e)an.
Oniritzia
ESKOLA KONTSEILUKO ELKARTEKO
LEHENDAKARIA LEHENDAKARIA
(Izenpea eta zigilua) (Izenpea eta zigilua)
HEZKUNTZA DEPARTAMENTUKO IKASTETXEEN ETA IKASKETETARAKO LAGUNTZEN ZERBITZUKO ZUZENDARIA-IRUÑA
II. ERANSKINA
Ikasleen Gurasoen Federazioen aldeko dirulaguntzetarako eskabidea, 2005. urterako
Federazioaren izena:
Helbidea: Telefonoa:
Herria: Posta kodea:
IFK/IFZ: Erregistro zk.:
Lehendakaria: Telefonoa:
Afiliatutako elkarteen kopurua:
Bazkideen urteroko kuota:
Federazioak ordezten dituen guraso elkarteetako familien kopurua:
Lehengo ezaugarriak dituen Federazioak eskatzen du Nafarroako Haur, Lehen eta Bigarren Hezkuntzako Ikastetxeetako Ikasleen Gurasoen Elkarte eta Federazioen aldeko laguntzetarako 2005eko deialdian parte hartzea.
Federazioko lehendakariak ziurtatzen du deialdi honetan aurkeztu diren jarduerak kudeaketa batzordeak onetsi dituela eta, halaber, ziurtatzen du eskabidean ageri diren datuak egiazkoak direla.
.............(e)n, 2005eko ............aren .......(e)an.
FEDERAZIOKO
LEHENDAKARIA
(Izenpea eta zigilua)
HEZKUNTZA DEPARTAMENTUKO IKASTETXEEN ETA IKASKETETARAKO LAGUNTZEN ZERBITZUKO ZUZENDARIA-IRUÑA
III. ERANSKINA
Jarduera edo bidaien azalpen-txostena
Jardueraren izena:
Jardueraren azalpena:
Norentzak:
Partaide kopurua:
Lortu nahi diren helburuak:
Noiz egin:
Non egin:
Kilometroak, joan-etorrikoak (bidaiak izanez gero):
Jardueraren arduraduna:
Gastuen aurrekontua (azalpenak zehaztu):
1._ Zenbatekoa:
2._ Zenbatekoa:
3._ Zenbatekoa:
Guztira:
Oharrak:
2005eko ................aren .........(e)an.
(Oharra: jarduera bakoitzeko bat bete).
IV. ERANSKINA
Nafarroako Foru Komunitateko ikastetxeetako ikasleen gurasoen elkarte eta federazioen aldeko laguntzetarako deialdian aurkeztutako 2005eko jarduera eta bidaien zerrenda eta laburpena
1._ Zenbatekoa:
2._ Zenbatekoa:
3._ Zenbatekoa:
4._ Zenbatekoa:
5._ Zenbatekoa:
6._ Zenbatekoa:
7._ Zenbatekoa:
8._ Zenbatekoa:
9._ Zenbatekoa:
10._ Zenbatekoa:
11._ Zenbatekoa:
12._ Zenbatekoa:
13._ Zenbatekoa:
14._ Zenbatekoa:
15._ Zenbatekoa:
Zenbatekoa guztira
2005eko ......................aren ..........(e)an.
Oniritzia
ESKOLAKO KONTSEILUKO ELKARTE/FEDERAZIOKO
LEHENDAKARIA LEHENDAKARIA
(Izenpea eta zigilua) (Izenpea eta zigilua)
(Gurasoen elkarteen kasuan bakarrik)
Iragarkiaren kodea: F0502553
