111. ALDIZKARIA - 2005eko irailaren 16a

I. NAFARROAKO FORU KOMUNITATEA

1.2. AGINTARIAK ETA LANGILEAK

1.2.1. Kargu-uzteak, izendapenak eta bestelako egoerak

725/2005 EBAZPENA, uztailaren 29koa, Eskola eta Lanbide Irakaskuntzaren zuzendari nagusiak emana, Rafael Sánchez García jaunak A2 motako ikasketak egiteko lizentzari egindako ukoa onartu eta lizentzia hori Pedro Antonio Antona Antona jaunari ematen diona.

2005/2006 ikasturtean ikasketak egiteko lizentzien Hautapen batzordeak, deialdia ebatzi eta behin betiko ebazpena Nafarroako ALDIZKARI OFIZIALera igorri ondoren, A2 motako lizentzia bati uko egiteko eskaera jaso du, Rafael Sánchez García jaunak aurkeztua, bera baitzen lizentziaren onuraduna. Behin betiko destinoa Iruñeko Ave María HLHIPan du. Halaber, ukoa onartu eta adostasun txostena eman du A2 motako zerrendaren hurrengo hautagaiari lizentzia hori eman diezaioten.

Hori horrela, Nafarroako Foru Komunitateko Administrazioa arautzen duen abenduaren 3ko 15/2004 Foru Legearen 22.1. artikuluko d) idatz-zatiak ematen dizkidan ahalmenak erabiliz,

EBATZI DUT:

1. Rafael Sánchez Garcíak A2 motako ikasketak egiteko lizentziari egindako ukoa onartzea.

2. Pedro Antonio Antona Antona jaunari A2 motako ikasketak egiteko lizentzia hori ematea.

3. Ikasketak egiteko lizentziaren onuradunari jakinaraztea deialdian eskatzen diren baldintzak bete beharko dituela eta, bereziki, hamabigarren oinarrian zehazten direnak.

4. Giza Baliabideen Zerbitzuak onuradunari deialdiaren hamahirugarren oinarrian ezartzen diren baldintzak aplika diezazkiola.

5. Ebazpen hau Nafarroako ALDIZKARI OFIZIALean argitaratzea.

6. Ebazpen hau igortzea Ekonomia eta Ogasun Departamentuak Hezkuntza Departamentuan duen kontu-hartzaile delegatuari, Eskola Antolamendu eta Berriztapenerako Zerbitzuari, Lanbide Heziketako Zerbitzuari, Zerbitzuak Ikuskatzeko eta Ikuskapen Teknikorako Zerbitzuari, Giza Baliabideen Zerbitzuari, Nomina eta Gizarte Aseguruen Atalari, Irakaslegoaren Prestakuntza Atalari eta interesatuei, behar diren ondorioak izan ditzan.

7. Ebazpen honen kontra gora jotzeko errekurtsoa jar daiteke, Hezkuntza Departamentuko kontseilariari zuzendua, jakinarazi eta biharamunetik hilabeteko epean.

Iruñean, 2005eko uztailaren 29an._Eskola eta Lanbide Irakaskuntzaren zuzendari nagusia, Fermín Villanueva Ferreras.

Iragarkiaren kodea: F0517104