I. NAFARROAKO FORU KOMUNITATEA
1.3. BESTELAKO XEDAPENAK
1.3.2. Kontratazio administratiboa
677/2005 EBAZPENA, uztailaren 12koa, Eskola eta Lanbide Irakaskuntzaren zuzendari nagusiak emana, "Lehen Hezkuntzako 5. eta 6. mailetako ikasleentzako ingelesezko murgiltze-ikastaroak" izeneko zerbitzua antolatzeko lanak Red Leaf, S.L. enpresari esleitzen dizkiona.
Eskola Antolamendu eta Berriztapenerako Zerbitzuak txosten bat aurkeztu du "Lehen Hezkuntzako 5. eta 6. mailetako ikasleentzako ingelesezko murgiltze-ikastaroak" izeneko zerbitzua nori esleitu proposatzeko. Zerbitzuaren funtsa Beiren zazpi eguneko murgiltze-ikastaroak antolatu eta ematea da, Lehen Hezkuntzako 5. eta 6. mailetako ikasleentzat.
Ikasleen hautapena ikusirik eta kontuan harturik Kontratazio Mahaiaren oharrak eta Eskola Antolamendu eta Berriztapenerako Zerbitzuaren eta Araubide Bereziko Irakaskuntzen Atalaren txostenak.
Hezkuntza Departamentuaren egitura organikoa ezartzen duen otsailaren 24ko 43/2005 Foru Dekretuaren bigarren xedapen gehigarriko bigarren puntuak ematen dizkidan ahalmenak erabiliz,
EBATZI DUT:
1. "Lehen Hezkuntzako 5. eta 6. mailetako ikasleentzako ingelesezko murgiltze-ikastaroak" izeneko zerbitzua antolatzeko lanak enpresa honi esleitzea:
Red Leaf (B80.826.654).
Lehen Hezkuntzako 375 ikasleko lote bat Beiren.
Esleipenaren prezioa: 51.750 euro.
2. Enpresa esleipen-hartzaileari eskatzea behar den kontratua egin dezan eta esleipen prezioaren % 4ko bermea ordain dezan, ekainaren 16ko 10/1998 Foru Legearen 40. eta 42. artikuluetan ezarritakoari jarraikiz.
3. Esleipenaren gastu osoa, hots, 51.750 euro, "Atzerriko hizkuntzen sustapena" izeneko 422002 41540 2212 322E00 kontusailari kargatzea, izan ere, ikasleek kontzeptu horren kontura jaso beharreko laguntzak zuzenean enpresa antolatzaileari ordainduko baitzaizkio (kontabilitateko espedientea: 40001453).
4. Ebazpen honen aurka gora jotzeko errekurtsoa jartzen ahal da, Hezkuntza Departamentuko kontseilariari zuzendua, hura jakinarazi eta biharamunetik hilabeteko epean.
5. Ebazpen hau Nafarroako ALDIZKARI OFIZIALean argitaratzea.
6. Ebazpen hau igortzea Ekonomia eta Ogasun Departamentuak Hezkuntza Departamentuan duen kontu-hartzaileari, Eskola Antolamendu eta Berriztapenerako Zerbitzuari, Araubide Bereziko Irakaskuntzaren Atalari, Atzerriko Hizkuntzak Sustatzeko Bulegoari eta Step Language Services, S.L eta Read Leaf, S.L. enpresei, behar diren ondorioak izan ditzan.
Iruñean, 2005eko uztailaren 12an._Eskola eta Lanbide Irakaskuntzaren zuzendari nagusia, Fermín Villanueva Ferreras.
Iragarkiaren kodea: F0517435
