Iragarkia

94. ALDIZKARIA - 2004ko abuztuaren 6a

I. NAFARROAKO FORU KOMUNITATEA

1.1. XEDAPEN OROKORRAK

1.1.3. Foru Aginduak

168/2004 FORU AGINDUA, uztailaren 1ekoa, Hezkuntza kontseilariak emana, Nafarroako Foru Komunitateko Arte Ikastetxeen antolaketa eta jarduna arautzeko jarraibideak onesten dituena: "Pablo Sarasate" Goi Mailako Musika Kontserbatorioa, "Pablo Sarasate" Nafarroako Goi Mailako Musika Kontserbatorioa, Berariazko Dantza Eskola eta Arte Eskolak, 2004/2005 ikasturtean.

Hezkuntzaren Plangintzarako Zerbitzuko zuzendariak adostasun txostena aurkeztu du, 2004/2005 ikasturtean Nafarroako Foru Komunitatean Arte Ikastetxeen antolaketa eta jarduna arautzeko jarraibideak onets daitezen.

Nafarroako Foru Komunitateko Gobernua eta Administrazioa arautzen dituen apirilaren 11ko 23/1983 Foru Legeko 36. artikuluak ematen dizkidan ahalmenak erabiliz,

AGINDU DUT:

1. Foru agindu honen 1. eranskineko jarraibideak onestea. Aipatu jarraibide horiek "Pablo Sarasate" Goi Mailako Musika Kontserbatorioaren antolaketa eta jarduna arautuko dituzte 2004/2005 ikasturtean.

2. Foru agindu honen 2. eranskineko jarraibideak onestea. Aipatu jarraibide horiek "Pablo Sarasate" Nafarroako Goi Mailako Musika Kontserbatorioaren antolaketa eta jarduna arautuko dituzte 2004/2005 ikasturtean.

3. Foru agindu honen 3. eranskineko jarraibideak onestea. Aipatu jarraibide horiek Berariazko Dantza Eskolaren antolaketa eta jarduna arautuko dituzte 2004/2005 ikasturtean.

4. Foru agindu honen 4. eranskineko jarraibideak onestea. Aipatu jarraibide horiek Nafarroako Foru Komunitateko Arte Eskolen antolaketa eta jarduna arautuko dituzte 2004/2005 ikasturtean.

5. Eskola eta Lanbide Irakaskuntzaren zuzendari nagusiari ahalmena ematen zaio foru agindu honetan ezarritakoa betearazi eta garatzeko beharrezkoak diren xedapenak eman ditzan.

6. Foru agindu hau eta eranskinak igortzea Hezkuntzaren Plangintzarako Zerbitzura, Zerbitzuak Ikuskatzeko eta Ikuskapen Teknikorako Zerbitzura, Giza Baliabideen Zerbitzura, Ikasketak Antolatzeko Atalera, Araubide Bereziko Irakaskuntzaren Atalera, Musika Ikasketen Unitate Teknikora eta ukitutako ikastetxeetara, behar diren ondorioak izan ditzaten.

7. Foru agindu hau eta bere eranskinak Nafarroako ALDIZKARI OFIZIALean argitaratzea.

Iruñean, 2004ko uztailaren 1ean._Hezkuntza kontseilaria, Luis Campoy Zueco.

1. ERANSKINA

"Pablo Sarasate" Goi Mailako Musika Kontserbatorioaren antolaketa eta jarduna 2004-2005 ikasturtean arautuko dituzten jarraibideak

I._Ikastetxeko urteko programazio orokorra.

1. Edukia.

"Pablo Sarasate" Goi Mailako Musika Kontserbatorioak, ikasturtea hasi aurretik, ikastetxeko Urteko Programazio Orokorra eginen du; programazio horrek hezkuntzako jarduera guztiak koordinatuko ditu, eta beren eskumenak zuzen betetzen direla eta eskola komunitateko arlo guztiek esku hartzen dutela bermatuko du.

Urteko Programazio Orokor hori eginen da bai urriaren 3ko 1/1990 Lege Organikoak ezarritako irakaskuntzei dagokienez, bai Pedagogia Musikala espezialitatean proba bereziak prestatzeko programetan, maiatzaren 11ko 119/2004 Foru Legeak arautzen dituen horietan, eta espezialitate horretako proba bereziei dagokienez; azken horiek foru agindu baten bidez arautuko dira 2004-2005 ikasturtean zehar, eta, nolanahi ere, bi deialditan eginen dira, 2005eko ekainean eta irailean.

Urteko Programazio Orokorrak ondoko alderdi hauek izanen ditu:

A) Ikastetxearen ordutegi orokorra eta hura egiteko ezarri diren irizpide pedagogikoak.

B) Urriaren 3ko 1/1990 Lege Organikoan araututako musika ikasketei eta maiatzaren 11ko 119/2004 Foru Aginduan araututakoei dagozkien irakaskuntza jarduerak.

C) Ikastetxeko irakasleen prestakuntza plana.

D) Jarduera osagarrien eta eskolaz kanpokoen urteko programazioa.

E) Memoria administratiboa.

F) Eta gainera:

_Hezkuntza Proiektua edo ezarritakoari egin zaizkion aldaketak.

_Curriculum-proiektua edo ezarritakoari egin zaizkion aldaketak.

A) Ikastetxearen ordutegi orokorra eta hura egiteko ezarri diren irizpide pedagogikoak.

Ikastetxeko ordutegi orokorra Klaustroaren iritzia aditu ondoren Zuzendaritza Taldeak eginen du, eta bide eman beharko du ikastetxe bakoitzeko urteko programazio orokorrean aurreikusitako jarduerak aurrera eramateko. Hortaz, ikastetxeko ordutegi orokorrak honako hauek bilduko ditu gutxienez:

a) Ikastetxea eskola komunitatearentzat irekita egonen den ordutegia.

b) Ikasleen eskola orduak.

c) Ikasleek eskolakoak ez diren jarduerak egiteko izanen duten ordutegia.

d) Ekain eta iraileko jardueren behin betiko egutegiaren aurreikuspena; horretan azken probak eta ebaluazioak noiz eginen diren adieraziko da, bai eta kontsultak egiteko epea zein izanen den ere. 2005eko maiatzaren 9aren aurretik, ikastetxeak aipatu diren jarduera horien behin betiko egutegia igorriko du Zerbitzuak Ikuskatzeko eta Ikuskapen Teknikorako Zerbitzura.

e) Irakasleen ordutegi orokorra.

f) Irakasle bakoitzaren ordutegia.

Ikastetxeko Ordutegi Orokorra egiteko nahitaez hartuko dira kontuan, Klaustroak adierazitakoaz gain, ondoren azaltzen diren irizpide hauek:

_Kontserbatorioaren ordutegia astelehenetik larunbatera bitartekoa izanen da, biak barne. Astelehenetik ostiralera 9:00etatik 22:00ak arteko saioak eginen dira. Larunbatean ordutegia 8:00etatik 14:00ak bitartekoa izanen da.

_Larunbatak ikasteko eskola egunak izanen dira Kontserbatorioan, eta Zuzendaritza Taldeak ikasleak ikasgeletan sartu eta musika tresnak erabiltzeko eta horiek zaintzeko sistema ezarriko du.

_Ikastetxeko Zuzendaritzak neurriak hartuko ditu ikastetxea oporraldietan, goizez, irekita edukitzeko.

_Irakasleek ordutegien arloan izaten ahal dituzten nahiak ezin dira inoiz izan Klaustroak ezartzen dituen irizpideen kontrakoak, edota arte ikasketen ordutegia eta araubide orokorrekoena bateratzeak ikasleei sortzen dizkien beharren kontrakoak.

B) Irakaslanak.

Irakasleen Klaustroak, Kontserbatorioen kasuan departamentu didaktikoen bidez, ikastetxearen irakaskuntzako jarduerak programatuko ditu eta Zuzendaritza Taldeari igorriko dizkio, Ikastetxeko Urteko Programazio Orokorrean sar ditzan.

Irakaskuntzako jardueren programazioa egiteko, ordutegiak egiterakoan erabilitako irizpideak hartuko dira kontuan eta, gutxienez, tutoretzako ekintza plana, ebaluazioak eta errekuperazio sistemak, irakasgaien arteko koordinazio proiektuak eta departamentu didaktikoen programazioak bilduko ditu.

C) Ikastetxeko irakasleen prestakuntza plana.

Kontserbatorioak, bere urteko programazioan, ikastetxeko irakasleentzako prestakuntza plana izanen du. Koordinazio Pedagogikorako Batzordeak ikastetxeko irakasleak prestatzeko planaren proposamena aurkeztuko dio Klaustroari, eta proposamen hori Hezkuntza Departamentuak aurkezten duen prestakuntza planeko eskaintza kontuan hartuta eginen du. Atal honetan aipatzen den planean kontuan hartuko dira Curriculum Proiektua egin eta berrikusteko prozesuan ikusten diren beharrak, bai eta irakaskuntzako praktikari buruzko berriztapen eta hausnarketaren emaitza direnak ere.

D) Jarduera osagarrien eta eskolaz kanpokoen urteko programazioa.

Planteatzen diren jarduera osagarriak eta eskolaz kanpokoak irakaskuntzako ekintzak osatu edo garatzeko izanen dira. Jarduera horietan kontuan hartu beharko dira Eskola Kontseiluak aurretik prestaturiko gidalerroak.

E) Memoria administratiboa.

Zuzendaritza Taldeak memoria administratiboa eginen du eta bertan sartuko, besteak beste, ikastetxearen Antolamendurako Agiria.

Ikastetxearen Antolamendurako Agiria, Zerbitzuak Ikuskatzeko eta Ikuskapen Teknikorako Zerbitzuak ikastetxeei bidaltzen dizkien inprimakiak erabiliz beteko da. Inprimaki horiek, behar bezala beterik, Zerbitzu horretara bidaliko dira, ikasturteko eskolak hasi eta 20 eguneko epean.

F) Hezkuntza Proiektua eta Curriculum Proiektua.

Adierazi diren horiek ez ezik, Kontserbatorioko Urteko Programazio Orokorrak ondoko dokumentu hauek izanen ditu:

Zuzendaritza Taldeak eta Koordinazio Pedagogikorako Batzordeak, irailean, jarduteko plana eginen dute eta ikastetxeko organo guztiek hori beteko dute 2004-2005 ikasturtean, era koordinatuan ezarrita dauden musika ikasketak berrikusi eta eguneratzeko; ikasketa horiek Oinarrizko eta Erdi Mailakoak dira eta urriaren 3ko 1/1990 Legeak arautzen ditu. Plan horretan, honako hau hartuko da kontuan:

_Oinarrizko Mailan eta Erdi Mailan hasteko prozedurari buruzko erabakiak sartzea.

_Ikasturte bakoitzean eskaintzen diren espezialitateen programazio didaktikoa prestatzea/berrikustea.

Zerbitzuak Ikuskatzeko eta Ikuskapen Teknikorako Zerbitzuak ikastetxeak egin duen jarduteko planaren proposamena berrikusiko du, indarrean dagoen araudian ezarri denari egokitzen zaion egiaztatuko, ikasturtean zehar horren garapenaren jarraipena eginen eta era egokian betetzeko behar den laguntza eskainiko du.

2. Prestatu, onetsi eta ebaluatzea.

Urteko Programazio Orokorra Zuzendaritza Taldeak eginen du, Klaustroaren eta Eskola Kontseiluaren proposamen eta erabakiak kontuan hartu ondoren.

Ikastetxeko Zuzendaritzari dagokio Urteko Programazio Orokorra era egokian egiteko jarduketa egutegia ezartzea.

Irakasleen Klaustroak eta Eskola Kontseiluak ikastetxeko Urteko Programazio Orokorrari buruzko txostena eginen dute; dena den, irakasleen Klaustroaren eskumen diren irakaskuntzako alderdiak errespetatuko dira.

Urteko Programazio Orokorraren onespena eskola denbora hasi eta gehienez 20 eguneko epean izanen da.

Programazio horren ale bat Zerbitzuak Ikuskatzeko eta Ikuskapen Teknikorako Zerbitzura bidaliko da urriaren 31 baino lehen; Urteko Programazio Orokorraren beste ale bat ikastetxearen Idazkaritzan jasoko da, irakasleek eta Eskola Kontseiluko kideek azter ahal dezaten.

Zerbitzuak Ikuskatzeko eta Ikuskapen Teknikorako Zerbitzuak ikertuko du Urteko Programazio Orokorra egokitzen zaion jarraibide hauetan xedatzen denari, eta zer zuzenketa egin behar diren adieraziko du, batere egin behar bada.

Urteko Programazio Orokorra ikastetxeko kide guztiek nahitaez bete beharrekoa izanen da.

Ikasturtea bukatzean, ikastetxeko Zuzendaritza Taldeak eta Eskola Kontseiluak ebaluatu eginen dute Urteko Programazio Orokorra zenbateraino bete den. Ondoriorik aipagarrienak Memoria batean jasoko dira eta hura Zerbitzuak Ikuskatzeko eta Ikuskapen Teknikorako Zerbitzura bidaliko da, uztailaren 10a baino lehen.

II._Ikasketen ordu banaketa.

A) Maiatzaren 11ko 119/2004 Foru Aginduan aipaturiko musika ikasketak.

Ikasleen matrikulazioa, ikasleak irakasgai bakoitzean taldetan banatzea eta dagozkien ikasketak emateko denbora, hau da:

Ahal izanez gero, 2618/1966 Errege Dekretuan ezarritako ikasketa planak indarra zuen bitartean aplikatutako denbora eta ratio beretsuak erabiliko dira.

B) Urriaren 3ko 1/1990 Lege Organikoaren bidez arautzen diren musika ikasketak.

Urriaren 3ko 1/1990 Lege Organikoaren bidez arautzen diren Oinarrizko eta Erdi Mailako musika ikasketetan ikasleak sartzea, irakasle-ikasle ratioa eta klaseen denbora ondoko arautegi honetan ezarri denari egokituko zaio:

_389/1992 Errege Dekretua, apirilaren 15ekoa, arte ikasketak ematen dituzten ikastetxeek bete behar dituzten gutxieneko beharkizunak ezartzen dituena (1992ko apirilaren 28an 102 zenbakiko Estatuko Aldizkari Ofizialean argitaratua).

_Martxoaren 8ko 75/1999 Foru Dekretuak (1999ko martxoaren 19an argitaratua 34 zenbakiko Nafarroako ALDIZKARI OFIZIALean) aldatutako 34/1995 Foru Dekretua, otsailaren 13koa, musika ikasketen Erdi Mailako curriculuma ezartzen duena, eta Nafarroako Foru Komunitatean maila horretara iristeko arau orokorrak erregulatzen dituena (1995eko martxoaren 19an 34 zenbakiko Nafarroako ALDIZKARI OFIZIALean argitaratua).

_55/1995 Foru Agindua, otsailaren 22koa, urriaren 3ko 1/1990 Lege Organikoaren arabera ezarritako musika ikasketen Erdi Mailara iristeko arauak ematen dituena, Nafarroako Foru Komunitateko Musika Kontserbatorio profesionaletan eta Erdi Mailako ikastetxe baimenduetan aplikatzeko (1995eko martxoaren 17an 35 zenbakiko Nafarroako ALDIZKARI OFIZIALean argitaratua).

_422/1995 Foru Agindua, uztailaren 3koa, urriaren 3ko 1/1990 Lege Organikoaren araberako Erdi Mailako musika ikasketen ezarpena arautzen duena, eta Nafarroako Foru Komunitatean Erdi Mailako musika ikasketa horiek izan behar duten curriculum garapenerako jarraibideak ematen dituena (1995eko abuztuaren 18an 103 zenbakiko Nafarroako ALDIZKARI OFIZIALean argitaratua).

_217/1996 Foru Dekretua, maiatzaren 20koa, musika ikasketen Oinarrizko Mailaren curriculuma ezartzen duena Nafarroako Foru Komunitaterako (1996ko uztailaren12an 84 zenbakiko Nafarroako ALDIZKARI OFIZIALean argitaratua).

Musika-tresnen eta ahotsen taldeei lotuta dauden arloen antolakuntza erraztearren, lehen aipatu den arautegian eskola orduei eta ratioei buruz ezarri dena ez ezik, ondoko hauek hartuko dira kontuan:

a) Oinarrizko Maila:

_Musika-tresnen espezialitateetan (perkusioa izan ezik), astean ikasleei banaka ematen zaien eskola-ordua 30 minutuko bi saiotan banatzen ahal da lehen eta bigarren kurtsoko ikasleentzat.

_Taldeari ematen zaion eskola dagokion musika-tresnaren irakasleak emanen du eta ratioa espezialitate bakoitzaren ezaugarrien araberakoa izanen da; dena dela, ikasleen gehieneko kopurua 8koa izanen da.

_12 urtetik beherako ikasleentzat lehentasuna izanen du iluntzeko 20:30 baino beranduago izanen ez den ordutegiak eta, lehen eta bigarren kurtsoen kasuan, astean bi egun baino gehiago ez dituenak.

b) Erdi Maila:

_Banakakoa ez den irakaskuntza behar duten irakasgaiak taldeko klaseetan antolatuko dira, ratio hauen arabera:

Nahitaezko irakasgaiak:

Akonpainamendua: 1/3, 3. eta 4. kurtsoetan, 30 minutuko klaseetan.

Akonpainamendua: 1/4, 5. eta 6. kurtsoetan, 60 minutuko klaseetan.

Analisia: 1/7, 5. eta 6. kurtsoetan, 60 minutuko bi klasetan.

Harmonia: 1/10, 3. eta 4. kurtsoetan, 60 minutuko bi klasetan.

Abesbatza: 1/25, 1. eta 2. kurtsoetan, 90 minutuko klaseetan.

Konposizioko oinarriak: 1/6, 5. eta 6. kurtsoetan, 60 minutuko bi klasetan.

Musikaren Historia: 1/15, 3. eta 4. kurtsoetan, 60 minutuko klaseetan.

Musikaren Historia: 1/15, 5. eta 6. kurtsoetan, 60 minutuko bi klasetan.

Musika hizkuntza: 1/15, 1. eta 2. kurtsoetan, 60 minutuko klaseetan.

Ganberako musika: 1/3, 3. eta 4. kurtsoetan, 60 minutuko klaseetan.

Ganberako musika: 1/3, 5. eta 6. kurtsoetan, 90 minutuko klaseetan.

Piano osagarria: 1/2, 1., 2., 3. eta 4. kurtsoetan, 30 minutuko klaseetan.

Aukerako irakasgaiak (5. eta 6. kurtsoetan, 60 minutuko klaseetan):

Ahots, musika-tresna eta dantza bidezko akonpainamendua: 1/2.

Abesbatza: 1/25.

Artearen Historia: 1/15.

Jazzeko hastapena: 1/3.

Antzinako Musikaren Tailerra: 1/3 edo 1/4, taldeen arabera.

_Kantu espezialitateko ikasleei dagokienez, kontuan hartu behar da Musika Hizkuntza irakasgaia garatzeko berariazko taldea antolatu behar dela, ikasle horien ezaugarriei egokitzen zaien programazioa egin ahal izateko.

III._Irakasleak.

1. Lanaldia.

Irakasleek, oro har, Nafarroako Gobernuaren mendeko funtzionarioentzat finkatzen diren lan orduak izanen dituzte, beren irakasle lanerako egokituak. Irakasleentzat jaiegun izanen dira Nafarroako Foru Komunitateko Administrazioaren zerbitzuko langileen lan egutegian ere jaiegun direnak.

Ikasturtea irailaren 1ean hasi eta ekainaren 30ean bukatuko da.

Ikasturtean, irakasleek jarraibide hauetan finkatutako lanaldia eta ordutegia beteko dituzte.

Ekain-irailetako eskola gabeko lan egunetan, baimena ematen ahalko zaie irakasleei egunean ikastetxean egon beharreko bost orduko lanegun etengabea egiteko.

Ikasturtearen gainerakoan eskola gabe izaten diren lanegunetan, zilegi izanen da egun horiei dagozkien orduak, 5 ordu eguneko, ikasturtean zehar konpentsatzea; hartarako, ikastetxeko irakasle guztientzako plan komun bat eginen da. Hori guztia irakaslearen ordutegi pertsonalean azalduko da, aparteko kasuetan izan ezik, horrelakoetan ikastetxeko zuzendariak baimendu beharko baitu; proposamen arrazoituaren bidez egin beharko da beti.

Irakasleek hogeita hamar ordu emanen dituzte astean ikastetxeko jardueretan, irakastorduetan eta ordu osagarrietan banatuta. Gainerako orduak, ikastetxean egon beharrik gabekoak, irakaslana prestatzeko eta irakasleen hobekuntza profesionalerako erabiliko dira, bai eta batzorde eta epaimahaietan parte hartzeko edo antzeko jarduerak egiteko ere, baldin eta horretarako hautatzen badira.

2. Orduen banaketa.

Ikastetxean bertan eman beharreko orduak honela banatuko dira:

A. Irakastorduak.

Ikasleekin irakaslan zuzenean emandakoak jotzen dira irakastordutzat.

Irakasleek, oro har, hemezortzi irakastordu izanen dituzte. Zilegi izanen da hogei irakastordutara ailegatzea, gehienez, betiere departamentuaren ordu banaketak hala eskatzen duenean eta beti haren barrenean.

Irakastorduak zenbatzerakoan ondoko jarduera eta inguruabarrak hartuko dira kontuan:

a) Zuzendaritza Taldea.

Atal honetan Foru Agindu honen IV. idatz-zatian ezarritakoa aplikatuko da.

b) Ikastetxeko Orkestraren arduraduna.

Orkestraren arduradunak bere eskola ordutegitik astero 6 ordu dedikatuko ditu lan horietarako. Arduradun horrek, ikasturtearen hasieran, ikasturte osorako lan plana eginen du, eta hori sartuko da Urteko Programazio Orokorreko "Jarduera osagarrien eta eskolaz kanpokoen urteko programazioa" atalean. Halaber, egiten diren jardueren amaierako memoria egin beharko du eta ikastetxeko ikasturtearen amaierako memorian sartuko.

Orkestraren arduradunak Orkestrako eta Musika-tresnen Taldeko Zuzendaritzako katedraduna edo Orkestrako Irakaslea izan behar du. Hura izendatzeko, eranskin honen III. ataleko ("Irakasleak") 3. puntuan ikasleak eta taldeak hautatzeko ezarri den irizpide orokorrari jarraituko zaio.

Ikastetxeko Orkestraren jarduerak Orkestra irakasgaiaren curriculumean sartzen ahalko dira, irakasgai horren programazio didaktikoaren arabera. Hala ere, irakasgaian matrikulatu gabeko ikasleek Orkestran parte hartzen ahalko dute, baita ikastetxean matrikulatuta ez daudenek ere, eta Orkestra lankidetzan aritzen ahalko da beste ikastetxe eta erakunde batzuekin, zehazten diren baldintzak betez.

c) 58 urtez goitiko irakasleak.

Lanaldi osoa duten 58 urtez goitiko irakasleek zilegi izanen dute, nahi badute, beren irakastorduak murriztea, gehienez ere bost ordu kenduz, nahiz horrek ez duen esan nahi astean ikastetxean egon beharreko orduak gutxituko direnik. Salbuespenez, eta ikastetxeak hala behar duenean, murrizte hori ezinezkoa denean, ukatutako murrizte ordu bakoitzak bi ordu osagarriren balioa izanen du interesatuaren ordutegi pertsonalean. Aipatu den borondatezko murrizte hori, adin hori betetzen den urte naturalean hasten den ikasturtean gauzatuko da, eta bateraezina izanen da ordutegiaren bestelako murrizteekin. Horrela, 58 urtez goitiko irakasle bat departamentuko burua baldin bada, irakastorduetatik kendutako 5 ordu horiek departamentuaren burutzak dituen eginkizunetarako erabiliko ditu. Adina dela kausa eskola ordutegiaren murriztapena duten 58 urtetik gorako irakasleek, 65 urte betetzearekin batera, murriztapen hori egiteko eskubidea galduko dute, baldin eta zerbitzu aktiboan segitzea eskatzen badute; horretan salbuespen izanen dira erretiro sariaren % 100 jasotzeko behar den gabealdia ez badute.

d) Departamentuko burutza.

Departamentuko buruek beren irakastorduetako hiru ordu erabiliko dituzte gehienez, Oinarrizko Mailako eta Erdi Mailako curriculum proiektuak prestatu edo berrikusteko; horretarako, lan plana aurkeztu beharko dute. Lanerako plan hori, Curriculum Proiektua osatzen duten departamentuko programazio didaktikoekin batera, Ikastetxeko Urteko Programazio Orokorrari batuko zaio, eta dena Zerbitzuak Ikuskatzeko eta Ikuskapen Teknikorako Zerbitzura igorriko da.

Lan planak ikasturte osoan egin behar diren zereginak hartuko ditu kontuan: bai departamentuko buruak horretarako orduetan eginen dituenak, bai eta jarduera horretarako dauden ordu osagarrietan bertako kide guztiek eginen dituztenak ere. Departamentuko buruek urte hasierako planaren jarraipena eginen dute etenik gabe eta, horretarako, astero departamentuko kide guztiekin lan hori egiteko dauden bi orduetan egiten dituzten saio guztien aktak idatziko dituzte.

Ikasturtearen amaieran, departamentuko buruek aurkeztu beharko dute, beren departamentuari dagokion amaierako memoriarekin batera, ikasturtean Curriculum Proiektuari buruz egin den lanaren txostena.

Zerbitzuak Ikuskatzeko eta Ikuskapen Teknikorako Zerbitzuak, ikasturte osoan, aurkeztu den plana betetzen den aztertuko du.

Baldin eta irakasle batek atal honetan irakastorduak murrizteko adierazi diren baldintzetako bat baino gehiago betetzen badu, 58 urtetik gorakoa izatea barne, ordutegia gehien murrizten dion baldintza/karguari dagokion eskola ordutegia izanen du.

e) Teknologia Berrien arduraduna.

Teknologia Berrien arduraduna den irakasleak lau irakastordu izanen ditu teknologia berrien koordinazio lanetan aritzeko.

B._Astean zenbatu beharreko ordu osagarriak.

Irakasle bakoitzaren ordutegi pertsonalean azaltzen diren asteko irakastorduak eta ordu osagarriak batuta hogeita bost izanen dira guztira, ikasturtean zehar eskolakoak ez diren lan egunen konpentsazioak alde batera utzita.

Astean zenbatzeko ordu osagarrietan, irakasle bakoitzari esleituriko eginkizunen arabera, ondoko hauek sartu ahalko dira:

a) Zaintza orduak:

b) Astean ordu bat departamentuaren bileretarako.

c) Astean bi ordu, gutxienez, curriculum proiektuak egiteko eta, hala denean, horiek berrikusi eta eguneratzeko. Ikastetxeak beharrezko neurriak hartuko ditu jarduera horretan irakasle guztiek parte hartzeko.

d) Astean bi ordu, gutxienez, tutoretza lanak egiteko. Departamentuko buruek bi ordu horiek departamentuko burutzako lanak eta Koordinazio Pedagogikorako Batzordearekin bilerak egiteko erabiliko dituzte.

Zaintza orduak eta aurreko b), c) eta d) ataletan aipaturiko ordu osagarrietan egin beharreko jarduerak behar den bezala egiten badira, irakasleek, bakoitzaren ordutegi pertsonalean agertu behar duten asteko 25 orduetara ailegatu arte, ondoko ordu hauek sartzen ahalko dituzte astean zenbatu beharreko ordu osagarrien artean, irakasle bakoitzari esleitutako jardueren arabera:

e) Astean ordu bat irakasleek Eskola Kontseiluan dituzten ordezkarientzat.

f) Zuzendaritza Taldeko kideen koordinazio lanetarako orduak.

g) Ikastetxeak erakundeekin batera parte hartzen duen proiektuetan irakaskuntza taldeek lan egiteko orduak.

C) Zaintza.

Ikastetxea, eta zuzendaria bereziki, ikastetxearen ordezkaria den aldetik, ikasleen arduraduna da eskolako orduetan; beraz, ikastetxean une oroz behar adina irakasle izan behar da zaintza orduez egoki arduratzeko.

Ikastetxeko ordutegi orokorraren barnean, 9:00etatik 22:00etara, ordu batzuetan ikasle asko biltzen dira eta, batez ere, ikasle gazteenak; ordu horietan zaintzako irakasleak izanen dira, lehentasunez, arduradunak. Horregatik, 16:00etatik 21:00etara, astelehenetik ostiralera, gutxienez ere zaintzako hiru irakasle izanen dira une oro.

Ordu guztiak behar bezala beterik baldin badaude, zuzendariak zilegi izanen du zaintzako irakasleren bati beste zeregin batzuk ematea, adibidez, liburutegikoak, koordinazio lanak, etab.

Zaintzako irakaslearen eginkizun nagusiak hauek dira:

a) Irakasleak huts egiteagatik edo beste edozein arrazoirengatik zaindaririk ez duten ikasleei kasu egitea.

b) Korridoreetan ordena zaintzea eta, oro har, ikasleek gelaz kanpo duten portaera. Horrek ez du esan nahi beste irakasleek eginkizun hori bete behar ez dutenik.

c) Beren txandan sortzen diren gorabehera guztiak ebaztea, bai eta ikastetxeko norbait mediku beharrean gertatuz gero hartarako eginbideak egitea ere, eta ikasketaburua lehenbailehen jakinaren gainean jartzea.

d) Beren txandan irakasleek duten puntualitate eta asistentziaren berri ematea idatziz, klaseei, zaintzari, liburutegiari eta bestelako jarduerei dagokienez.

Ikasketaburuak zaintza orduei buruzko parte bat prestatuko du egunero, eta Zerbitzuak Ikuskatzeko eta Ikuskapen Teknikorako Zerbitzuaren eskura egonen da beti. Gutxienez honako datuak izanen ditu:

_Irakasleen hutsegite eta atzerapenak.

_Ikastetxeko edozein egoitzatan izan diren gorabeherak.

_Gertatu diren istripuak.

_Zaintzako irakasleen sinadurak.

Guardietarako adierazten diren helburuak betetzen baldin badira, aurretik Zerbitzuak Ikuskatzeko eta Ikuskapen Teknikorako Zerbitzuak eta Eskola Kontseiluak txostena emanik, ikastetxeak zilegi izanen du guardietarako plan berariazko bat ezartzea.

Irakasleek zaintza lana eginen dute asteko zenbait ordutan, ikastetxearen beharren arabera. Nolanahi ere, kontuan hartu behar da irakasle bakoitzaren asteko ordutegian irakastorduak eta ordu osagarriak batuta hogeita bost ordu izanen direla astean guztira, ikasturtean irakastegunak ez diren lanegunengatiko konpentsazio orduak alde batera utzita.

Irakasleren baten zaintza orduak berariazko beste jarduera batzuekin trukatzen ahal dira, baldin zaintza ordu guztiak beteta badaude eta jarduerak Klaustroak onetsi baditu.

Halaber, "Irakasle praktikak" irakasgaian Goi Mailako ikasleen tutore aritzen diren ikastetxeko irakasleek beren ordutegi pertsonaletik ordu erdi hartzen ahalko dute tutoretzapeko ikasle bakoitzeko, zaintza orduen ordez, astean zenbatu beharreko ordu osagarrien atalean.

Ezarritako ordutegiarekin guardiak behar bezala betetzeko arazorik badago, Zerbitzuak Ikuskatzeko eta Ikuskapen Teknikorako Zerbitzuak ordu banaketa egoki den moduan aldatzeko neurriak hartuko ditu, Zuzendaritza Taldearekin batera.

D) Hilean zenbatu beharreko ordu osagarriak.

Irakasle bakoitzak ikastetxean nahitaez egin behar dituen 30 orduak betetzeko, falta diren bost orduak hilean zenbatuko dira eta ondoko jardueretarako izanen dira:

a) Klaustroaren bileretara joateko.

b) Ebaluazioko eta irakaskuntza taldeko bileretara joateko.

c) Bestelako jarduera osagarriak eta eskolaz kanpokoak egiteko.

Jarduera jakin batzuk egiteko, astean goiz bat gordeko da, eta irakasle guztiek gutxienez 4 ordu izanen dituzte Klaustroaren bilerak, ebaluazio bilkurak, gurasoen bilerak eta, oro har, ikastetxearen funtzionamendu egokirako beharrezkoak diren beste jarduera batzuk egiteko.

Ikasketaburuak, zuzendariarekin batera, hiruhilekoetan banatuta planifikatuko ditu aurreikusitako jarduerak. Adierazi diren jarduera horien programazioa hiruhilekoaren hasieran Zerbitzuak Ikuskatzeko eta Ikuskapen Teknikorako Zerbitzura igorriko da.

3. Ordutegiak egitea, onestea eta argitaratzea.

Ikasketaburuak ordutegiak eginen ditu Klaustroak ezarritako irizpide pedagogikoei eta jarraibide hauetan ezarri denari jarraikiz; halaber, bermatu eginen da ikasleentzako ordutegi funtzionala, eta lehentasuna izanen dute ikastetxearen beharrek.

Iraileko matrikula egin ondoren, ikasketaburuak departamentuei jakinaraziko die zenbat ikasle eta talde egokitu zaizkion irakasgai bakoitzari.

Ordutegiak egiten direnean kontuan hartuko da klaseak "Pablo Sarasate" Nafarroako Goi Mailako Musika Kontserbatorioan ere ematen dituzten irakasleen egoera, bi ikastetxeetan ordutegi bateragarriak izan ahal ditzaten.

Ikastetxean ahal den guztietan, irakasleek ikasleak eta taldeak hautatuko dituzte. Beren espezialitatekoak hautatuko dituzte, halakorik dagoenean; gero, ordutegia osatuko dute, departamentuan bertan antzekoenak diren irakasgaiak hautatuz eta, departamentuko ordu guztiak beteta ere, artean osatu gabeko orduak badituzte, beste departamentu batzuetakoak eta hain antzekoak ez diren beste irakasgai batzuekin osatzen ahalko dituzte.

Departamentuko kideak ikasle eta taldeak hautatzerakoan ados jartzen ez badira, honako prozedura honi jarraituko zaio:

Atal honetan ezarritako ordenaren arabera, lehenik hautatu behar duen irakasleak beretzat lehentasunezkoa den irakasgai eta kurtsoko ikaslea edo ikasle taldea hautatuko du; ondoren, hautatzeko bigarrena den irakasleak eginen du eta, horrela, hurrenez hurren, espezialitateko eta departamentuko irakasle guztiek lehenengo txanda egin arte. Lehenengo txandaren ondotik beste batzuk eginen dira, irakasleek beren irakastorduak osatu arte edo departamentuari dagozkion irakasgai, ikasle eta talde guztiak esleitu arte.

Bilera berezi horretan izaten diren gorabehera guztien akta eginen da eta departamentuko kide guztiek sinatuko dute; ikasketaburuari aktaren kopia emanen zaio.

Aurrean adierazi diren ondoreetarako, departamentu bakoitzeko irakasleek hautatzeko duten lehentasuna ordena honen araberakoa izanen da:

(1) Musikako eta Arte Eszenikoetako katedradunen kidegoa.

(2) Musikako eta Arte Eszenikoetako irakasleen Kidegoa.

(3) Musikako eta Arte Eszenikoetako irakasleen kidegoan zerbitzu eginkizunetan diharduten funtzionarioak.

(4) Bigarren Hezkuntzako irakasleen kidegoan zerbitzu eginkizunetan diharduten funtzionarioak.

(5) Funtzionarioak zerbitzu berezietan.

(6) Administrazio edo lan araubidean dauden aldi baterako kontratudunak.

Hautatzeko lehentasuna, lehenbiziko hiru atalei dagokienez, antzinatasun handiena izateak emanen du eta, antzinatasun bera izanez gero, atal bakoitzeko lehentasuna erabakitzeko honako irizpide hauek ezarriko dira, hurrenez hurren:

_Ikastetxean antzinatasun handiena.

_Kidegoan edo Administrazioan lehenik sartu izana, eszedentzia urteak zenbatu gabe.

_Hautapen prozeduretan puntu gehien izatea.

6. ataleko lehentasuna ezarriko da irakasleek Giza Baliabideen Zerbitzuko zerrendetan duten tokiaren arabera.

Departamentuari esleitutako irakastorduak kideen ordutegien bidez bete daitezkeenak baino gehiago badira, hautaketa egin baino lehen zehaztuko da zein irakasgai eta kurtso emanen dituzten antzeko espezialitateetako irakasleek, aipatu hautaketan sar ez daitezen. Horri dagokionez, kontuan hartu behar da, espezialitateko irakasle batek ezin dituela behe mailako kurtsoak hartu eta goi mailakoak, berriz, espezialitatekoak ez diren irakasleentzat utzi.

Ikasketaburuak frogatu eginen du departamentuko kide guztien irakastorduak eta derrigorrez ikastetxean egin behar dituzten gainerakoak bat datozela honako jarraibide hauetan ezarri denarekin, eta egiaztatu eginen du ikasle guztien eta ikasle talde guztien ardura hartuko den eta orduak bete gabe dituen irakaslerik ba ote dagoen.

Lan horiek guztiak egin ondoren, ikasketaburuak, irakasleen Klaustroak ordutegiak egiteko ezarri dituen irizpide pedagogikoak kontuan hartuta, behin betiko ordutegiaren proposamena eginen du, departamentuek egindako irakasgaien eta mailen banaketaren arabera.

Irakasleen eskola ordutegia astean bost egunetan banatuko da eta egunean 5 eskola ordu izanen dituzte gehienez, salbu eta denbora partzialerako kontratatu diren irakasleen kasuan eta Zerbitzuak Ikuskatzeko eta Ikuskapen Teknikorako Zerbitzuak kontuan hartzen dituen beste egoera batzuetan.

Halaber, ikastetxeko irakasle guztiek gutxienez 4 ordu izanen dituzte denak batera ikastetxean egoteko, Klaustroaren bilerak, ebaluazio bilkurak, gurasoen bilerak eta, oro har, ikastetxearen funtzionamendu egokirako beharrezkoak diren beste jarduera batzuk egin ahal izateko.

Ordutegi orokorraren barnean, ikastetxeak egokien deritzen orduetan, baina gutxienez ere egunean 4 orduz astelehenetik ostiralera, Zuzendaritza Taldeko kideetako baten batek ikastetxean egon beharko du.

Ikasle baten baja gertatzen bada eta hori betetzen ez bada, irakasleak hutsik duen denbora nola erabili Zuzendaritzak erabakiko du:

_Beste ikasle batzuen denborari gehituz: atzeratu egin diren ikasleei laguntzeko edo aurreratuenak sustatzeko.

_Beste jarduera batzuk egiteko.

_Material pedagogikoa prestatzeko.

_Besterendako.

Musika-tresnen klaseetan, hala taldekoak nola bakarkakoak, baldin eta ikasle bat ez bada bertaratzen, denbora hori bertaratu diren ikasleei kasu egiteko erabiliko da, eta ezin izanen da bertaratu ez diren ikasleei dagokien denbora murriztu klaseak emateko ordu guztien multzotik.

Ikastetxearen ordutegia onesteko urriaren 31 baino lehen igorri beharko da Zerbitzuak Ikuskatzeko eta Ikuskapen Teknikorako Zerbitzura.

Ikastetxearen ordutegia Zerbitzuak Ikuskatzeko eta Ikuskapen Teknikorako Zerbitzuak onetsiko du; bitartean, irakasleek ikasketaburuak egin eta zuzendariak behin-behinekoz onesten duen ordutegia bete behar dute. Horri buruz aurkezten den edozein erreklamazio, Zerbitzuak Ikuskatzeko eta Ikuskapen Teknikorako Zerbitzuak ebatziko du.

Beti egonen da, edozeinek ikusi ahal izateko moduan, ikastetxeko eta Ikasketaburutzako iragarki oholean eta ikastetxeko kide guztiek sarbide duten beste tokiren batean, ikastetxearen egoera agertuko duen informazioa, bereziki aipatuz irakasle bakoitzaren ordutegia eta lan tokia, eta zehazki bakoitzaren ordutegian bildutako irakastorduak, tutoretzak, zaintza orduak, departamentuko bilerak eta abar. Informazio hori guztia hezkuntza komunitate osoko kide guztien eskura egonen da. Era berean, zuzendaritza kargu bakoitza ikastetxean zein ordutan egonen den ere adieraziko da.

Ikastetxean ez ezik "Pablo Sarasate" Nafarroako Goi Mailako Musika Kontserbatorioan ere eskolak eman behar dituzten irakasleek parte hartu beharko dute jarraibide hauen 2. eranskineko III. ataleko ("Irakasleak") 3. puntuan ezarritako hautapen ordenean, ikastetxe horrek dituen departamentu didaktikoetarako.

Ondotik zehazten diren kategorietako funtzionarioek, espezialitatez aldatzeko eskubidea erabili nahi badute edo Goi Mailan irakatsi nahi badute, hala adierazi beharko diote ikastetxe honetako ikasketaburuari, edo, egokia bada, bi ikastetxeetakoei, irailaren 10a baino lehen, baldin eta aukera horren ondorioz hasierako departamentu didaktikotik beste batera aldatu behar badute. Horrela dei egin ahal izanen diete kide izanen dituzten departamentuetako bileretara joateko.

_Musika eta Arte Eszenikoetako beste espezialitate batzuetako katedradunak, atal honetako 4. puntuko 2. taulan espezialitate bakoitzerako ezarritako titulazioen jabe badira.

_Musika eta Arte Eszenikoetako katedradunak, berariaz antolatutako probak gainditu badituzte.

_Musika eta Arte Eszenikoetako irakasle titularrak, atal honetako 4. puntuko 1. taulan Katedradunen Kidegoko espezialitate bakoitzerako ezarritako espezialitateetakoak badira.

_Musika eta Arte Eszenikoetako beste espezialitate batzuetako irakasleak, atal honetako 4. puntuko 2. taulan Katedradunen Kidegoko espezialitate bakoitzerako ezarritako titulazioen jabe badira.

_Musika eta Arte Eszenikoetako irakasleak, berariaz antolatutako probak gainditu badituzte.

4. Goi Mailan irakasteko baldintzak.

Musika eta Arte Eszenikoetako irakasleen kidegoko funtzionarioek, goi mailako titulazioa badute eta eskuineko zutabean dauden espezialitateetako titularrak badira, Musika eta Arte Eszenikoetako katedradunen kidegoari dagozkion espezialitate batzuetan irakasten ahalko dute, hain zuzen ere ezkerreko zutabean ageri diren horietan, sortzen diren beharren arabera eta berariaz ezarritako prozedura betez. Betiere bi zutabeen artean ezarritako korrespondentziari jarraituko zaio.

1. taula

KATEDRADUNEN KIDEGOKO ESPEZIALITATEAK IRAKASLEEN KIDEGOKO ESPEZIALITATEAK

Eskusoinua Eskusoinua

Harmonia eta melodia akonpainatua Konposizioko oinarriak

Harpa Harpa

Kantua Kantua

Klabezina Klabezina

Konposizioa eta instrumentazioa Konposizioko oinarriak

Kontrabaxua Kontrabaxua

Abesbatzen eta ahots taldeen zuzendaritza Abesbatza

Orkestrako eta musika-tresnen taldeko zuzendaritza Orkestra

Fagota Fagota

Moko-flauta Moko-flauta

Zeharkako flauta Zeharkako flauta

Folklore musikala Musikaren historia

Gitarra Gitarra

Ganbera musika Ganbera musika, antzinakoa

Musikologia Musikaren historia

Oboea Oboea

Organoa Organoa

Pedagogia musikala Musika hizkuntza

Perkusioa Perkusioa

Pianoa Pianoa

Bat-batekotasuna, musika tresnen tonualdaketa eta akonpainamendua Konposizioko oinarriak

Saxofoia Saxofoia

Tronboia Tronboia

Tronpa Tronpa

Tronpeta Tronpeta

Tuba Tuba

Txistua Txistua

Biola Biola

Biolina Biolina

Biolontxeloa Biolontxeloa

2. taula

KATEDRADUNEN KIDEGOKO ESPEZIALITATEAK BEHAR DIREN GOI MAILAKO TITULAZIOAK

Eskusoinua Eskusoinua

Harmonia eta melodia akonpainatua Harmonia, kontrapuntua, konposizioa eta instrumentazioa

Harpa Harpa

Kantua Kantua

Klabezina Klabezina

Konposizioa eta instrumentazioa Harmonia, kontrapuntua, konposizioa eta instrumentazioa

Kontrabaxua Kontrabaxua

Abesbatzen eta ahots taldeen zuzendaritza Abesbatzen zuzendaritza

Orkestrako eta musika-tresnen taldeko zuzendaritza Orkestraren zuzendaritza

Fagota Fagota

Moko-flauta Moko-flauta

Zeharkako flauta Zeharkako flauta

Folklore musikala Musikologia

Gitarra Gitarra

Ganbera musika Ganbera musika

Musikologia Musikologia

Oboea Oboea

Organoa Organoa

Pedagogia musikala Pedagogia musikala

Perkusioa Perkusioa

Pianoa Pianoa

Bat-batekotasuna, musika tresnen tonualdaketa eta akonpainamendua Solfeoa, musikaren teoria, tonualdaketa eta akonpainamendua

Saxofoia Saxofoia

Tronboia Tronboia

Tronpa Tronpa

Tronpeta Tronpeta

Tuba Tuba

Txistua Txistua

Biola Biola

Biolina Biolina

Biolontxeloa Biolontxeloa

5. Irakasleek ordutegia betetzea eta asistentzi partea.

Zuzendaritza Taldeak irakasleak ikastetxean egoten diren kontrolatu behar du, baita ekaineko eta iraileko eskola gabeko egunetan ere. Halaber kontuan hartuko du, eta horren berri emanen Zerbitzuak Ikuskatzeko eta Ikuskapen Teknikorako Zerbitzuari, lan araubideko kontratudunak zein egunetan hasi diren ikastetxean.

Ikastetxeko zuzendariak, hilabete bakoitzaren 5a baino lehen, aurreko hilabeteko asistentziari buruzko txostenak igorriko dizkio Zerbitzuak Ikuskatzeko eta Ikuskapen Teknikorako Zerbitzuari eta horretarako ikastetxera bidaliko diren ereduak erabiliko ditu.

Ikastetxean nahitaez egoteko orduei buruzko ausentzien eta atzerapenen berri emanen da ohiko ereduetan, kontuan hartuta bakoitzaren ordutegi pertsonala eta alde batera utzita ausentzia justifikatuta dagoen ala ez.

Halaber, norberaren ordutegian agertu ez arren, irakasleek egin dituzten jarduera osagarriak aipatuko dira.

Jarduera horietariko bakoitzean parte hartzen duten irakasleak eta egiten dituzten orduak adieraziko dira.

Nolanahi ere, txosten horietan ondoko arau hauek beteko dira:

_Inoiz ez da utziko hutsik "hutsegitearen arrazoia" laukia, eta hala egiten bada, justifikatu gabeko hutsegitetzat hartuko da.

_Hutsegite guzti-guztiak agertuko dira.

_"Hutsegitearen arrazoia" izeneko laukian "Norberaren arazoetarako ordaindu gabeko lizentzia" jarri ahal izateko, beharrezkoa izanen da Giza Baliabideen Zerbitzuak irakasleari baimena ematea.

Irakasleek beren lanetan gertatzen den edozein ausentzia edo atzerapenen berri emanen diote ikastetxeari, ahalik eta lasterren.

Zuzendariak, justifikazioa aurkezteko epea amaitu eta biharamunean aditzera emanen dio Zerbitzuak Ikuskatzeko eta Ikuskapen Teknikorako Zerbitzuari irakasle baten edozein hutsegite nahiz atzerapen, ikasketaburuari justifikatu gabekoa iruditzen zaiona, bere lansaritik tokatzen den kenketa egiteko eta, hala behartzen bada, espedientea hasteko. Kasuko irakasleari ere emanen zaio, idatziz, horren berri.

Irakasleek hutsegitearen justifikanteak aurkeztu behar dizkiote zuzendariari, horrek eskatu gabe.

Asistentzi partearen kopia bat jendaurrean paratuko da, ikusgai, hilabete bakoitzaren 5a baino lehen. Beste kopia bat Eskola Kontseiluaren esku jarriko da.

Irakasleen hutsegiteen justifikanteak (baja agiriaren kasuan, haren kopia edo fotokopia) ikastetxeko Zuzendaritzan geldituko dira Zerbitzuak Ikuskatzeko eta Ikuskapen Teknikorako Zerbitzuaren eskura.

Eskola emate normalaren alterazio guztiak berehala emanen zaizkio aditzera telefonoz Zerbitzuak Ikuskatzeko eta Ikuskapen Teknikorako Zerbitzuari, eta bai ondoren asistentzi partean jasoko ere.

IV._Ikastetxearen funtzionamendua.

1. Alde nagusiak.

Kapitulu honetan deskribatzen diren organo guztien zeregina irakaskuntzako jarduera eta jarduera osagarri guztien koherentzia bermatzea da, ikastetxearen helburuak era eraginkorrean lortzeko.

2. Gobernu organoak.

Zuzendaritza Taldeak bere irakastorduetatik gehienez ere ondoko ordu kopurua erabili ahalko du karguetako eginkizunetan:

Zuzendaria: 14 ordu.

Zuzendariordea: 6 ordu.

Ikasketaburua: 13 ordu.

Idazkaria: 11 ordu.

Musika Eskoletako alboko ikasketaburua: 6 ordu.

3. Kontrolean eta kudeaketan parte hartzeko organoak.

3.1. Eskola Kontseilua.

Bi ikastetxeak banantzearen ondorioz hutsik geratzen diren lekuak eskola kontseiluetarako hurrengo hauteskundeetan beteko dira, 2004-2005 ikasturteko lehenbiziko hiruhilekoan.

3.2. Irakasleen Klaustroa.

Zuzendaria izanen da Klaustroko burua eta ikastetxeko irakasle guztiek osatuko dute Klaustroa.

4. Irakaslana koordinatzeko organoak.

Ikastetxean hauek izango dira irakaslana koordinatzeko organoak: koordinazio didaktikorako departamentuak, Koordinazio Pedagogikorako Batzordeak eta tutoreak. Ikasle talde bakoitzeko tutore bat izanen da.

Organo horien guztien zeregina irakaskuntzako jarduera eta jarduera osagarri guztien koherentzia bermatzea da, ikastetxearen helburuak era eraginkorrean lortzeko.

4.1. Koordinazio didaktikorako departamentuak.

A) Alde nagusiak.

Departamentu didaktikoak lan egiteko taldeak dira eta horien xedea irakasleak ikastetxeko bizitzan integratzea da; departamentu horien erantzukizuna da espezialitate eta irakasgaiei dagozkien ikasketak antolatu eta garatzea, bai eta dagozkien eskumenen esparruan agintzen zaizkien jarduerak egitea ere.

Irakasleek irakaskuntzaren antolakuntzan parte hartzeko duten ohiko bidea dira; halaber, kideek aldian-aldian egiten dituzten bileren bidez, hobekuntza pedagogikoan eta zientifikoan etenik gabe aurrera egiteko bitartekoak dira.

Erantzukizuna eta Zuzendaritza departamentuko buruari dagozkio eta, hori ez dagoenean, ikasketaburuari.

B) Departamentu didaktikoen eraketa.

Ikastetxeak departamentu didaktiko hauek izanen ditu:

_Harizko musika-tresnen Departamentua (hari igurtzia eta hari sakatua): Harpa, Kontrabaxua, Gitarra, Biola, Biolina eta Biolontxeloa.

_Haizezko musika-tresnen eta perkusiozkoen Departamentua: Klarinetea, fagota, Moko-flauta, Zeharkako flauta, Oboea, Perkusioa, Saxofoia, Tronboia, Tronpa, Tronpeta, Tuba eta Txistua.

_Tekladun musika-tresnen Departamentua: Eskusoinua, Klabea, Organoa eta Pianoa.

_Musika hizkuntzaren eta piano osagarriaren Departamentua: Musika hizkuntza eta Piano osagarria.

_Konposizioaren, musikologiaren eta musikaren teoriaren Departamentua: Akonpainamendua, Analisia, Harmonia, Konposizioko oinarriak eta Musikaren historia.

_Taldearen, kantuaren eta piano-jotzaile errepertoriodunen Departamentua: Kantua, Abesbatza, Atzerriko hizkuntzak kantuari aplikatuta, Ganbera musika eta Orkestra.

Ikastetxeko Zuzendaritzak aurreko zerrenda horretan ageri ez diren espezialitateak edo irakasgaiak ematen dituzten irakasleak sartuko ditu egokiena izaten ahal den departamentu didaktikoan, ikastetxearen ezaugarriak eta horiek egiten dituzten espezialitateak kontuan hartuta.

Ikastetxean ez ezik "Pablo Sarasate" Nafarroako Goi Mailako Musika Kontserbatorioan ere eskolak ematen dituzten irakasleek, egoera horren ondorioz, Kontserbatorioko departamentuetan ere parte hartuko dute. Irakasle horiek bi ikastetxeetako departamentu didaktikoek deitzen dituzten bileretara joan behar dute.

C) Departamentuen eginkizunak.

Departamentu didaktikoen eginkizunak ondoko hauek dira:

1) Ikasturte bakoitzeko irakaskuntza antolatzea eta programatzea, departamentuko irakasgai edo espezialitateen ikasketak garatuz.

2) Ikasturtea hasi aurretik, departamentuko irakasgai edo espezialitateen programazio didaktikoa egitea, hala iraungiko diren ikasketa planetan nola ezarpen berrikoetan. Lan hori departamentuburuak koordinatuta eta haren zuzendaritzapean eginen da, Koordinazio Pedagogikorako Batzordeak LOGSEk arauturiko ikasketetarako ezarri dituen irizpide orokorrei jarraikiz.

Departamentu guztiek bidezko ikasketa planetan ezarri diren programazioak bete beharko dituzte.

Urriaren 3ko 1/1990 Lege Organikoan ezarri diren ikasketei dagokien curriculuma osatzen duten irakasgai eta espezialitate guztien programazioetan ondoko alderdi hauek azalduko dira:

_Ebaluazioaren helburuak, edukiak eta irizpideak kurtsoen arabera banatzea.

_Aplikatuko den metodologia didaktikoa.

_Ikasleen ikaskuntzaren ebaluaziorako irizpideak eta prozedurak.

_Erabiliko diren sustapen irizpideak, bereziki zainduz eskatuko diren gutxienekoak eta kalifikazio irizpideak.

_Gainditu gabeko irakasgaiak dituzten ikasleentzat errekuperazio jarduerak egitea eta errekuperazio hori lortzeko neurriak hartzea.

_Errepertorioa, erabiliko diren materialak eta baliabide didaktikoak.

_Espezialitate edo irakasgai bat baino gehiago ukitzen duten beste departamentu batzuekin irakaskuntzako jarduera komunak programatzea, esaterako, ganbara musikaren kasuan.

_Departamentuak egin nahi dituen jarduera osagarriak eta eskolaz kanpokoak.

Irakasgai bakoitzaren programazioaren edukia jendaurrean jarri beharko da ikasturtea hasi aurretik, eskolako komunitateko kide guztiek horren berri izan dezaten.

Departamentuburuek programazioaren jarraipena eginen dute. Jarraipenaren berri departamentuko bileretako aktetan jasoko da.

Ikastetxeko Zuzendaritzak egiaztatu eginen du programazio horiek jarraibide hauetan ezarri dena betetzen duten. Horrela ez bada, Zuzendaritzak programazio hori hartu eta kasuan kasuko departamentuari itzuliko dio, berriz egin dezan. Zerbitzuak Ikuskatzeko eta Ikuskapen Teknikorako Zerbitzuak programazio horiek berrikusiko ditu eta, hala denean, departamentu bakoitzera egin beharreko aldaketak bilduko dituen txostena igorriko du.

3) Departamentua osatzen duten espezialitate edo irakasgaien programazioen alderdi orokorrekin lotuta dauden irizpideak bateratzea, horien arteko koherentzia bermatzeko eta ebaluazioaren oinarrizko ildoak ezartzeko, irakasleen Klaustroaren irizpideei jarraikiz.

4) Behar diren probak egitea, indarrean dagoen arautegian ezarri denarekin eta ebaluazioaren oinarrizko ildoei buruz hartu diren erabakiekin bat.

5) Zuzendaritza Taldeari eta Irakasleen Klaustroari ikastetxearen Hezkuntza Proiektuari buruzko proposamenak aurkeztea.

6) Zuzendaritza Taldeari eta Irakasleen Klaustroari urteko programazio orokorrari buruzko proposamenak aurkeztea.

7) Oinarrizko Mailako eta Erdi Mailako curriculum proiektuak prestatzeko moduari buruzko proposamenak egitea Koordinazio Pedagogikorako Batzordeari.

8) Koordinazio Pedagogikorako Batzordeari onartzeko probei eta mailara heltzeko probei buruzko proposamenak aurkeztea.

9) Jarduera osagarriak eta eskolaz kanpokoak antolatzea eta koordinatzea, bidezko organoek ezarri dituzten irizpideak eta Klaustroak Zuzendaritza Taldeari aurkeztu dizkion proposamenak betez eta Ikasketaburutzarekin elkarlanean arituz.

10) Beste departamentu batzuekin batera lankidetzan aritzea baterako jarduerak antolatzen; jarduera horiek nola eskolakoak hala osagarriak izaten ahal dira eta Ikasketaburutzarekin koordinatuta eginen.

11) Ebaluazioaren prozesuaren ondorioz ikasleek egiten dituzten erreklamazioei buruzko informazioa ematea eta honako jarraibide hauetan adierazi diren kasuetan ebaztea.

12) Departamentuko irakasgai eta espezialitateen programazio didaktikoaren garapena ebaluatzea eta ebaluazio horrek aholkatzen dituen neurri zuzentzaileak aplikatzea.

13) Ikasturtearen amaieran memoria egitea eta horretan programazio didaktikoaren garapena eta lortu diren emaitzak ebaluatzea.

Ildo horretatik, ekainean departamentu didaktikoetako kideak bildu eginen dira ikasturte amaierako memoria egiteko; memoria hori ekainaren 30a baino lehen emanen zaio ikastetxeko Zuzendaritzari, eta ondoko atal hauek izanen ditu:

a) Emaitzen balorazioa:

_Kalifikazioen estatistikak, talde eta mailen arabera.

_Ikasleen errendimenduaren azterketa, haren faktoreak azalduta.

b) Funtzionamenduaren balorazioa. Programazioaren garapena.

_Garatutako helburu, eduki eta jardueren balorazioa, programazioa betetzeko erabilitako metodologia eta baliabideena, eta ager litezkeen akatsen arrazoia azaldu eta zuzenketak proposatzea.

_Baldin eta programazio pertsonalizaturik badago, aurreko analisi hori errepikatu beharko da horietariko bakoitzerako, eta azterlan erkatzailea egin.

_Ikasle ofizialen zein libreen ebaluazioa egiteko erabili diren irizpide, prozedura eta jardueren balorazioa.

_Egindako jarduera osagarrien eta eskolaz kanpokoen azalpena eta balorazioa: helburu zehatzak, talde ukituak, balorazioa, aurkitu diren zailtasunak, e.a.

c) Oinarrizko eta Erdi Mailako curriculum proiektuak berrikusi eta eguneratzeari buruz egin den lanaren balorazioa.

Departamentu didaktiko bakoitzaren ikasturte amaierako Memoria erantsiko zaio ikastetxe bakoitzak Urteko Programazio Orokorraren betetze mailari buruz Zerbitzuak Ikuskatzeko eta Ikuskapen Teknikorako Zerbitzura igorri behar duen Memoriari; eragiketa hori jarraibide hauen eranskin honetako I. ataleko 1.E) puntuan ("Memoria administratiboa") ezarri denarekin bat etorriko da.

14) Irakasleen eguneratze zientifikoa eta didaktikoa bideratuko duten prestakuntza jarduerak sustatzea.

15) Ikaskuntza prozesuan estrategia metodologikoak bideratu eta sustatuko dituzten bitartekoak eta baliabideak aukeratzea. Eginkizun horretarako, departamentuak, besteak beste, ondoko irizpide hauek hartuko ditu kontuan: irisgarritasuna eta eraginkortasuna, motibazioa, edukien oparotasuna, errealitatearekiko erlazioa eta ikaskuntza esperientzien antolakuntza.

16) Ebaluazio eta errekuperaziorako irizpide komunak prestatzea.

Irakasleek etengabeko ebaluazioa eginen diete ikasleei. Horrela ikasleek eta haien guraso edo legezko ordezkariek unean-unean jasotzen ahalko dituzte irakaskuntzako kalifikazio partzialak, urriaren 3ko 1/1990 Lege Organikoaren arabera ezarritako irakaskuntzetako Erdi Mailako Musika ikasketak Nafarroako Foru Komunitatean egiten dituzten ikasleen ebaluazioari eta kalifikazioari buruzko azaroaren 28ko 638/1995 Foru Aginduaren 14.2 artikuluan ezarritakoak.

Ebaluazio hori hiruhilekoa izanen da, eta idatziz jasoko da ikasleek eta, baldin eta adingabeak badira, gurasoek edo legezko ordezkariek horren berri izan dezaten. Ebaluazio hori 638/1995 Foru Aginduaren 14.2 artikuluan ezarri dena betez eginen da.

Urriaren 3ko 1/1990 Lege Organikoaren arabera araututako ikasketen planeko mailaren edo irakasgaiaren bukaera osatzen duten gaietan, manuzkoa izanen da ikasleak epaimahai bidez ebaluatzea.

D) Departamentu didaktikoen bilerak.

Irakasleek beren departamentu didaktikoak deitzen dituen bileretara joan behar dute. Ikastetxean ez ezik "Pablo Sarasate" Nafarroako Goi Mailako Musika Kontserbatorioan ere eskolak ematen dituzten irakasleek aldi berean parte hartuko dute bi ikastetxeetan dagozkien departamentu didaktikoetan.

Irailean departamentu didaktikoek behar diren bilkurak eginen dituzte hurrengo ikasturteko irakasgaien programazioak prestatzeko.

Ikastetxeko ordutegiaren barruan, eskola orduetako bat utziko da gutxienez astean, departamentu didaktikoko kide guztiak bil daitezen; ordu hori ikastetxeko eskola ordutegian egonen da, eta bai irakasle bakoitzaren ordutegi pertsonalean ere.

Bilera horietariko bat, hilean behin, programazioen garapena ebaluatzeko eta ebaluazioak aholkatzen dituen neurri zuzentzaileak ezartzeko izanen da.

Ekainean, departamentuko kideak bildu eginen dira lan plana, lorpenak eta hurrengo ikasturterako behar dituen zuzenketak aztertzeko; horri dagokion amaierako memoria eginen da eta ikastetxeko Zuzendaritzari emanen zaio ekainaren 30a baino lehen; ondoren, Zuzendaritzak Urteko Programazio Orokorrari buruzko Memorian sartuko du eta, dena, Zerbitzuak Ikuskatzeko eta Ikuskapen Teknikorako Zerbitzura uztailaren 10a baino lehen igorriko.

Departamentu didaktikoen bilkura guztien akta eginen da Akta liburuan. Departamentuburuak akta horiek egin eta sinatuko ditu.

Halaber, departamentuek, Akta Liburuaz gain, Inbentario Liburua ere eguneratua izanen dute, eta bertan material inbentariagarri guztien zerrenda azalduko da.

Departamentuan, ikasturtean zehar ikasleen ebaluazioa egiteko erabili diren proba eta dokumentuak gordeko dira; ikasturtearen bukaeran, ikasleen erreklamazioak aurkezteko epea amaituta, botatzen ahalko dira.

E) Departamentu didaktikoen burutza.

Departamentu didaktikoen zeregina elkarlanean burutu beharrekoa da, eta zenbait lanetan, adibidez, probak egin eta zuzentzen, estatistikak egiten etab., departamentuko kide guztiek parte hartuko dute. Departamentu bakoitzak buru bat izanen du eta bere esku egonen da departamentuaren ardura; bera izanen da departamentuko kideen elkarlana koordinatu eta zuzenduko duena.

Departamentuko burua izendatzea ikastetxeko zuzendariari dagokio eta irailean eginen du; kargu horrek ikasturte bateko iraupena izanen du.

Departamentuko burua Musikako eta Arte Eszenikoetako katedradun bat izanen da. Baldin eta bat baino gehiago badago, katedran antzinatasunik handiena duena izanen da.

Katedradunik ez badago, zuzendariak bertako kideen artean izendatuko du burua, departamentuaren iritzia entzun ondoren. Burutza hori behin betiko destinoa ikastetxean duen batek bete behar du, baldin eta horrelakorik badago.

Departamentuburuak departamentuaren ardura eta eginkizun hauek ditu:

_Departamentuko lana zuzentzea.

_Bilerak antolatu, prestatu, deitu eta zuzentzea.

_Lanak kideen artean banatzea.

_Departamentuko programazioak eta ikasturte bukaerako Memoria idaztea.

_Urriaren 10a baino lehen programazioen ale bat ikastetxeko zuzendariari ematea.

_Programazioak betetzen diren begiratzea, gutxieneko eduki eta mailei dagokienez.

_Koordinazio Pedagogikorako Batzordeko kide den neurrian, curriculum proiektuen prestakuntzan parte hartzea, baldin eta ikasketa horiek antolamendu berrikoak badira.

_Departamentuak Oinarrizko eta Erdi Mailako curriculum proiektuak prestatzerakoan egin behar duen proposamena koordinatzea.

_Departamentuan atzematen den edozein akatsen berri ikasketaburuari ematea.

_Bilera bakoitzaren akta egin eta Akta Liburuaren ardura izatea.

_Inbentario liburuaren eguneratzea bermatzea.

_Departamentuari esleitu zaizkion eremu, instalazio, material eta ekipamenduen erabilera koordinatzea eta horiek mantentzea.

_Departamentuak material eta ekipamendu zehatza eskuratzeari buruz dituen proposamenak aurkeztea.

_Ikasketaburuarekin eta kasuan kasuko departamentuekin elkarlanean aritzea, batera egin behar diren irakaskuntzako jardueren plangintzan.

_Ikasleak ebaluatzeko prozesuan erreklamazioak aurkezteko prozedura betetzen dela bermatzea, indarra duten arauei jarraikiz.

_Zuzendaritza Taldearekin elkarlanean aritzea beste ikastetxe edo erakunde batzuekiko harremanak sustatzen, horiekin prestakuntza jarduera osagarriak antolatzeko.

4.2. Koordinazio Pedagogikorako Batzordea.

A) Koordinazio Pedagogikorako Batzordeak eratzea.

Kontserbatorioetako Koordinazio Pedagogikorako Batzordeak irailean eratuko dira. Batzordekideak izanen dira Kontserbatorioko zuzendaria, ikasketaburua eta departamentuburuak.

B) Koordinazio Pedagogikorako Batzordearen eskumenak.

Koordinazio Pedagogikorako Batzordeak irailaren 28ko 1108/1995 Ebazpenaren laugarren puntuan agindu zaizkion eginkizun eta betebeharrak izanen ditu; ebazpen horrek "Pablo Sarasate" Goi Mailako Musika Kontserbatorioan Erdi Mailako musika ikasketen plana ezartzeko arauak eman zituen (1995eko 125. Nafarroako ALDIZKARI OFIZIALean argitaratu zen, urriaren 13an), eta Oinarrizko Mailako berezitasunak batu zizkion.

4.3. Tutoreak.

A) Tutorea izendatzea.

Tutoretza eta ikasleen irakaskuntzako orientazioa eta orientazio profesionala irakaslanaren zeregina izanen dira.

Ikasle guztiak irakasle-tutore baten ardurapean egonen dira; hots, musika-tresnako irakaslea.

B) Tutorearen eginkizunak.

Tutorearen eginkizunak hauek dira:

_Ikasketaburuak koordinatuta tutoretzako ekintzen plangintzan eta orientazio akademiko eta profesionaleko jardueretan parte hartzea, eta aldian-aldian beharrezko bilerak egitea.

_Ikasketaburutzak deitzen dituen ebaluazio bileretan mahaiburu izatea bere ikasleei dagokienez.

_Ikasleek ikastetxean izan behar duten integrazioa erraztea eta bertako jardueretan parte har dezaten sustatzea.

_Ikasleen eskariak eta kezkak jakinaraztea gainerako irakasleei eta Zuzendaritza Taldeari.

_Ikasleei, 18 urtetik beherako ikasleen gurasoei edo legezko ordezkariei eta irakasleei informazioa ematea irakaskuntzako jarduerei eta eskolako errendimenduari lotuta dauden gai garrantzitsu guztiei buruz.

_Irakasleen eta gurasoen edo legezko ordezkarien arteko hezkuntzako lankidetza erraztea.

_Ikasleei orientazioa eta aholkuak ematea beren ahalbideei, hezkuntza edo lanbide arloan dituzten aukerei eta horretarako egokiena den ikasketa bideari buruz.

_Beren taldeko ikasleen etenik gabeko ebaluazioaren jarraipena egitea.

C) Tutoretza orduak.

Irakasle-tutoreak astero bi ordu bete beharko ditu gurasoei edo ikasleen legezko ordezkariei kasu egiteko eta, hala denean, ikasleak zaintzeko eta aurreko paragrafoan aipatu diren Ikasketaburutzako bileretara joateko. Tutoretzako ordu horiek irakasle bakoitzaren ordutegian azalduko dira, eta ikasturtea hasten denean jakinaraziko zaizkie gurasoei edo, hala denean, ikasleen legezko ordezkariei eta ikasleei.

Ordutegia egiten denean ahaleginak eginen dira ikasleen ordu askeak eta tutoreari esleitu zaizkion orduetariko bat bateratzeko, tutorea ikasleekin biltzeko aukera egon dadin.

V._Ikasleen eskubideak eta betebeharrak.

1. Alde nagusiak.

Ikasleen eskubide eta betebeharrei dagokienez, ondoko arauetan ezarritakoa beteko da: 417/1992 Foru Dekretua, abenduaren 14koa, maila ez-unibertsitarioetako ikastetxeetako ikasleen eskubideak eta betebeharrak ezartzen dituena (1993ko 7. Nafarroako ALDIZKARI OFIZIALean argitaratua, urtarrilaren 15ean), eta 191/1997 Foru Dekretua, uztailaren 14koa, 417/1992 Foru Dekretua aldatzen duena (1997ko 92. Nafarroako ALDIZKARI OFIZIALean argitaratua, abuztuaren 1ean).

2. Ikasleen asistentzia.

Ikasle ofizial guztien eskubidea eta betebeharra da klaseetara joatea, eta inoiz ez da zilegi izanen borondatezko asistentzia duen sistemarik ezartzea ikaslea matrikulaturik dagoen irakasgaietan.

Zenbait egun jakinetan arrazoi batengatik edo bestearengatik ikasle gutxi egonagatik ere, ikastetxeak eta irakasleek normalki eman beharko dituzte klaseak.

Asistentziako hutsegiteak gurasoek edo ikasleen legezko ordezkariek justifikatu beharko dituzte irakasle-tutorearen aurrean, eta Ikasketaburutzak onetsi beharko du justifikazioa.

Inoiz juzkatzen baldin bada ikasle batek behin eta berriz eta oinarririk gabe justifikatzen dituela bere hutsegiteak, Ikasketaburutzak zilegi izanen du Eskola Kontseiluari proposatzea justifikazio horiek hobeki kontrolatzeko neurri zuzentzaileak har ditzala.

18 urtez goitiko ikasleek _berek egindako justifikazioak aurkeztea hautatzen dutenek_, edozein lan harremanetan eskatzen ahal direnen pareko justifikanteak aurkeztu beharko dituzte.

Orain arte aipatu puntuak kontuan harturik, Eskola Kontseiluak finkatu egin beharko du Barne Araubiderako Erregelamenduan, nola arautu ikasleen asistentzi hutsegiteak eta horiek zer zehapen izanen duten.

3. Ikasleek kalifikazioei buruz erreklamazioak egiteko eskubidea.

Ikasleek beren errendimendu akademikoaren balorazio objektiboa izateko eskubidea dute eta, eskubide hori betetzeko, beharrezkoa da aurrez ikasleek ezagutzea ikasturtean eskatuko diren edukiak eta maila eta irakasleek erabiliko dituzten balorazio irizpideak. Hori horrela:

a) Departamentu didaktikoen programazioak adierazi diren puntu horiek azalduko ditu.

b) Ikasle guztiek, Eskola Kontseiluko ordezkarien bidez, departamentu didaktikoen programazioa ezagutzeko aukera izanen dute. Programazio horretan azalduko dira eskatu diren edukiak eta maila eta balorazio irizpideak (hortik kanpo geratuko dira erreferentzia pertsonalak dituen dokumentazioa).

Ikasle guztiek eskubidea dute beren kalifikazioan eragina izanen duen edozein azterketa zuzenduta eta kalifikatuta ikusteko.

Proba edo azterketak departamentu didaktikoaren esku geratuko dira eta hark ikasturtea amaitu arte gordeko ditu, salbu eta erreklamazioak egiten diren kasuetan, halakoetan erreklamazioaren prozesua itxi arte gordeko baititu.

Proba praktikoen kasuan (musika-tresna, kantua, dantza, etab.) ebaluazio buletinak eta proba partzialen eta azken proben ebaluazioak gordeko dira; horiekin batera, bidezko kalifikazioa ekarri duten epaimahaiaren oharrak.

4. Erreklamazioak egiteko prozedura.

Ikasleei beren errendimendu akademikoaren balorazio objektiboa bermatzeko, beharrezkoa da ikasleek aurretik izatea helburuen, edukien eta ebaluazio irizpideen berri, hala nola balorazio positiboa izateko eskatutako gutxieneko emaitzena, kalifikazio irizpideena eta ikasketak ebaluatzeko ikasturtean erabiliko diren prozedurena.

Irakasle titularrak ikasleek, haien gurasoek edo legezko ordezkariek programazio didaktikoei buruz eskatzen dituzten argibideak emanen dizkie. Ebaluazioa egiteko tresnei buruzko informazioa ere emanen die eta ikasleek zilegi izanen dute egin dituzten idatzizko proba, ariketa eta lanak ikusi eta irakaslearekin batera aztertzea.

Ebaluazioa egiteko tresnak azken erabaki edo kalifikazioak hartu ondoko hiru hilabeteetan gordeko dira gutxienez.

Ikasle guztiek eskubidea dute beren kalifikazioan eragina izanen duen edozein azterketa edo proba idatzi zuzenduta eta kalifikatua ikusteko.

Ikasleek, haien gurasoek edo legezko ordezkariek zilegi izanen dute balorazio eta kalifikazioei buruzko argibideak eskatzea. Informazio hori eman ondoren ados ez badaude izandako azken kalifikazioarekin, hura berriz aztertzeko eskatzen ahalko diote idatziz ikasketaburuari, jakinarazpena egin eta bi egun balioduneko epean.

Azken kalifikazioa eta/edo agiria eskuratzekoa berraztertzen baldin bada, departamentu didaktikoek edo, kasua bada, epaimahaiek, hurrengo egun baliodunean, berraztertzeko eskakizunak ikusi eta dagozkien txostenak eginen dituzte. Txostena ikasketaburuari igorriko zaio eta horrek kopia bat bidaliko die ikasleei edo haien gurasoei.

Ikastetxeetan berraztertzeko prozesua agortzen duten ikasleek zilegi izanen dute, dela nork bere kasa, dela guraso edo tutoreen bitartez, ikastetxeko zuzendariari eskatzea erreklamazioa Zerbitzuak Ikuskatzeko eta Ikuskapen Teknikorako Zerbitzura igor dezala, azken jakinarazpena egin eta bi egun balioduneko epean.

Ikastetxeko zuzendariak, gehienez ere hiru egun balioduneko epean, erreklamazioari buruzko espedientea bidaliko du Eskola eta Lanbide Irakaskuntzaren Zuzendaritza Nagusira. Zuzendari nagusiak ebazpena emanen du -eta horrek administrazio bideari amaiera emanen dio-hamabost egun balioduneko epean espedientea jasotzen denetik hasita, Zerbitzuak Ikuskatzeko eta Ikuskapen Teknikorako Zerbitzuaren txostenak kontuan izanik.

Ikaslearen alegazioaren aldeko ebazpena ematen baldin bada arestian aipatutako instantziaren batean, dagokion zuzenketa agertaraziko da ebaluazio agirietan, ikastetxeko idazkariak sinatutako eta zuzendariak bisatutako eginbidearen bitartez.

Berraztertzeko eskabideei eta kalifikazioen kontrako erreklamazioei dagokienez, jarraibide hauetan xedatutakoa izanen da arau, eta jarraibideotan arautu gabeko guztian, 1995eko abuztuaren 28ko Agindua, Derrigorrezko Bigarren Hezkuntzako eta Batxilergoko ikasleei eskola errendimendua irizpide objektiboen arabera ebaluatzeko eskubidea bermatzeko prozedura arautzen duena (1995eko irailaren 20an argitaratua 225 zenbakiko Estatuko Aldizkari Ofizialean).

VI._2004-2005 ikasturtean ikasleak onartzeko eta matrikulatzeko araubidea

1. Onarpena eta matrikulazioa.

A) Ikasleen onarpena Hezkuntza Sistemaren Antolamendu Berria aplikatzeko egutegia onetsi zuen ekainaren 14ko 986/1991 Errege Dekretuan ezarritakoari egokituko zaio (1991ko ekainaren 25ean argitaratu zen, 151 zenbakiko Estatuko Aldizkari Ofizialean), eta hor izan diren aldaketak aplikatuko zaizkio.

B) Urriaren 3ko 1/1990 Lege Organikoak arautzen dituen ikasketen Erdi Mailako kurtsoetara iristea otsailaren 22ko 55/1995 Foru Aginduan ezarri denari egokituko zaio, horren bidez musika ikasketen Erdi Mailara iristeko arauak eman baitira (1995eko martxoaren 17an argitaratu zen, 35 zenbakiko Nafarroako ALDIZKARI OFIZIALean).

Urriaren 3ko 1/1990 Lege Organikoaren bidez ezarri diren ikasketen Erdi Mailako lehen kurtsoan sartzeko probak martxoaren 8ko 75/1999 Foru Dekretuan eta otsailaren 22ko 55/1995 Foru Aginduan ezarri denaren bidez arautuko dira.

Kantu espezialitateko lehen kurtsoan sartzeko probari dagokionez, kontuan hartu behar da espezialitate hori zuzenean hasten dela Erdi Mailan, eta Oinarrizko Mailan ez dagoela antzeko ikasketarik; beraz, hautagaien balorazioaren oinarria ez da gainerako espezialitateetakoa izanen, hots, ez zaio begiratuko aurrez izan duten prestakuntzari, baizik eta ikasketa horiek hasteko ikasleak duen gaitasunari.

C) Oinarrizko Mailan sartzeko (LOGSE), maiatzaren 20ko 217/1996 Foru Dekretuan ezarritakoa aplikatuko da; dekretu horrek musikako ikasketen Oinarrizko Mailako curriculuma ezarri zuen (1996ko 84. Nafarroako ALDIZKARI OFIZIALean argitaratu zen, uztailaren 12an).

D) 1966ko ikasketa planean ezarri denaren arabera Oinarrizko Mailako ikasketak gainditu dituzten ikasleentzat, baldin eta urriaren 3ko 1/1990 Legearen bidez arautu diren Erdi Mailako ikasketekin jarraitu nahi badute, Kontserbatorioak ekainaren 14ko 986/1991 Errege Dekretuaren III. eranskinean ezarri diren baliokidetzak aplikatuko ditu (1991ko 151. Estatuko Aldizkari Ofizialean argitaratu zen, ekainaren 25ean), hau da, 2618/1966 Dekretuak arautu dituen ikasketen Oinarrizko Mailaren eta 1/1990 Lege Organikoak arautu dituenen arteko baliokidetzak. Baldin eta eskola postuen eskariak plazen eskaintza gainditzen badu, Kontserbatorioak ikasleen artean lehentasunak ezartzeko probak egiten ahalko ditu. Proba horiek izanen dira obra bat jotzea eta iraileko deialdian Oinarrizko Mailako azken kurtsoko programako estudio bat.

E) Ikastetxeak ikasleei inprimakia emanen die eta horretan azalduko da zein kurtsotan matrikulatu behar duten. Hezkuntza Sistemaren Antolamendu Orokorrari buruzko urriaren 3ko 1/1990 Legearen bidez arautu diren ikasketen matrikulazioa kurtso bakoitza osatzen duten irakasgai guztietarako izanen da. Matrikulazio inprimakian, ikaslearen datu pertsonalak ez ezik, honakoa azalduko da: zein kurtsotan matrikulatu den, dagokion arautegiaren arabera zenbat irakasgai dauden guztira eta, hala denean, aurreko ikasturtean gainditu gabe utzitako irakasgaia.

F) Salbuespen gisa, eta urriaren 3ko 1/1990 Lege Organikoaren 39.2 artikuluan ezarri denarekin bat, zilegi izanen da ikasturte batean baino gehiagotan matrikulatzea. Horretarako, maiatzaren 20ko 217/1996 Foru Dekretuaren 12. artikuluan ezarri dena beteko da Oinarrizko Mailari dagokionez (1996ko 84. Nafarroako ALDIZKARI OFIZIALean argitaratu zen, uztailaren 12an), eta otsailaren 13ko 34/1995 Foru Dekretuaren 13. artikulua, berriz, musika ikasketen Erdi Mailari dagokionez (1995eko ekainaren 9ko Nafarroako ALDIZKARI OFIZIALean argitaratu zen).

Halako matrikula mota formalizatzeko (ikasturte batean baino gehiagotan matrikulatzea), Eskola Kontseiluak irizpide egokiak ezarriko ditu. Hori gorabehera, salbuespen horretaz baliatzen den ikaslea goreneko kurtsoko klaseetara baizik ez da joanen.

G) Urriaren 3ko 1/1990 Lege Organikoari jarraikiz ezarritako ikasketak egiten ari diren ikasleek, gainditu gabeko irakasgaietan matrikulatzeko, ondoko beharkizun hauek bete beharko dituzte:

_Gainditu gabeko irakasgai bat duen ikasleak hurrengo kurtsoan matrikulatzeko aukera izanen du. Ezin izanen da hurrengo kurtsoan matrikulatu, baldin eta aurreko kurtsoan gainditu gabe utzitako irakasgaiak bi edo gehiago badira.

2. Matrikulari uko egitea.

Ikasleek zilegi izanen dute irakasgai guztien edo batzuen matrikula bertan behera uzteko eskatzea ikastetxeko zuzendariari, apirilaren 30a baino lehen, baldin eta agiri bidez egiaztatzen baldin badute ondoko inguruabarretako baten bat:

_Eritasun fisiko nahiz psikiko luzea izatea.

_Familiako beharkizunak izatea.

Ikasleen irakasleei entzun ondoren, ikastetxeko zuzendariak eskaerak ebatzi eta matrikulari uko egiteko baimena emanen du, baldin eta aipatu arrazoi horietako bat frogatzen bada eta, hori dela medio, ezinezkoa izan bada eskatzailea eskolara normalki joatea eta etengabeko ebaluazioaren bidez haren kalifikazioa egitea.

Aipatu arrazoiak ez bezalako arrazoi bereziak daudenean, zuzendariak Eskola eta Lanbide Irakaskuntzaren Zuzendaritza Nagusira igorriko du eskaera, txosten batekin batera eta, hala badagokio, behar den dokumentazioarekin batera, behar den Ebazpena eman dadin.

Matrikulari uko egiteko baimena ematen den kasu guztietan, dagokion eginbidea agerraraziko da ikaslearen ikasketen espedientean eta kontuan hartuko da uko horrek baimendu den ikasturte horretarako bakarrik balio duela. Halakoetan ikasleari ez zaizkio konputatuko bertan behera utzitako matrikulei dagozkien deialdiak. Hala ere, matrikulari uko egin dion ikasleak, ukoa onartu eta hurrengo ikasturtean, nahitaez egin beharko du bertan behera utzitako irakasgaiaren edo irakasgaien matrikula.

VII._Beste jarraibide batzuk.

1. Irakasleen erantzukizuna.

Hezkuntza Administrazioak, indarrean dauden legeek ezartzen dutenari jarraikiz, bere gain hartuko ditu irakasle funtzionarioen kontrako auzietatik sortzen ahal diren erantzukizun zibil ordaingarriak; hori ez da eragozpen izanen bidezkoa den kasuetan atzera egiteko ekintza gauzatzeko. Irakasleek, euren jardunean letratuen laguntza behar izanez gero, defentsa egokia izan dezaten ere arduratuko da.

2. Ikastetxeko langileen jarduerak.

Urteko Programazio Orokorrean sartuta ez dagoen edozein jarduera egin ahal izateko, ikastetxeko zuzendariaren berariazko baimena beharko dute bai irakasleek, bai hezkuntza komunitateko beste edozein kidek.

3. Ikastetxeez landarako jendea sartzea.

Ikastetxean edozein mezu aditzera eman, transmititu edo banatu nahi duten pertsona guztiek Zuzendaritza Taldearen baimena beharko dute. Kasu batean zein bestean baimen hori idatziz jasoko da ikastetxeko agiritegian.

Hori guztia ez da inoiz izanen legeak aitortzen dituen eskubide sindikaletarako oztopo.

4. Alkohola saltzeari eta erretzeko debekuari buruzko arauak.

Ikastetxeek giro higieniko eta osasuntsua bultzatu behar dute, hezkuntza komunitatean osasunerako on diren ohitura eta jarrerak sustatuz.

Xede honekin eta Tabako kontsumoaren prebentzioari buruzko martxoaren 4ko 6/2003 Foru Legean ezarritakoa betetzeko:

a) Ez da zilegi izanen ikastetxeetan tabakoa saltzea.

b) Ez da zilegi izanen ikastetxeetan erretzea.

Baldintza horiek kontuan hartuko dira barne araubideko erregelamendua prestatzerakoan.

Ikastetxeko Eskola Kontseiluak behar diren neurriak hartuko ditu ikastetxean edari alkoholdunak saltzea eta kontsumitzea galarazteko.

5. Jarraibide hauen berri ematea.

Zuzendaritza Taldeak arta hartuko du hezkuntza komunitateko sektore guztiek jarraibide hauen berri izan dezaten.

2. ERANSKINA

"Pablo Sarasate" Nafarroako Goi Mailako Musika Kontserbatorioaren antolaketa eta jarduna 2004-2005 ikasturtean arautuko dituzten jarraibideak

I._Ikastetxeko urteko programazio orokorra.

1. Edukia.

"Pablo Sarasate" Nafarroako Goi Mailako Musika Kontserbatorioak, ikasturtea hasi aurretik, ikastetxeko Urteko Programazio Orokorra eginen du; programazio horrek hezkuntzako jarduera guztiak koordinatuko ditu, eta beren eskumenak zuzen betetzen direla eta eskola komunitateko arlo guztiek esku hartzen dutela bermatuko du.

Urteko Programazio Orokor hori eginen da urriaren 3ko 1/1990 Lege Organikoan ezarri diren Goi Mailako ikasketei dagokienean.

Urteko Programazio Orokorrak ondoko alderdi hauek izanen ditu:

A) Ikastetxearen ordutegi orokorra eta hura egiteko ezarri diren irizpide pedagogikoak.

B) Urriaren 3ko 1/1990 Lege Organikoan arautzen diren Goi Mailako musika ikasketei dagozkien irakaskuntza jarduerak.

C) Ikastetxeko irakasleen prestakuntza plana.

D) Jarduera osagarrien eta eskolaz kanpokoen urteko programazioa.

E) Memoria administratiboa.

F) Eta gainera:

_Ikastetxearen Hezkuntza Proiektua.

_Curriculum-proiektua.

A) Ikastetxearen ordutegi orokorra eta hura egiteko ezarri diren irizpide pedagogikoak.

a) Ikastetxea eskola komunitatearentzat irekita egonen den ordutegia.

b) Ikasleen eskola orduak.

c) Ikasleek eskolakoak ez diren jarduerak egiteko izanen duten ordutegia.

e) Irakasleen ordutegi orokorra.

f) Irakasle bakoitzaren ordutegia.

Ikastetxeko Ordutegi Orokorra egiteko nahitaez hartuko dira kontuan, Klaustroak adierazitakoaz gain, ondoren azaltzen diren irizpide hauek:

_Kontserbatorioaren ordutegia astelehenetik larunbatera bitartekoa izanen da, biak barne. Astelehenetik ostiralera 8:30etik 22:00ak arteko saioak eginen dira. Larunbatean ordutegia 8:00etatik 14:00ak bitartekoa izanen da.

_Larunbatak ikasteko eskola egunak izanen dira Kontserbatorioan, eta Zuzendaritza Taldeak ikasleak ikasgeletan sartu eta musika tresnak erabiltzeko eta horiek zaintzeko sistema ezarriko du.

_Ikastetxeko Zuzendaritzak neurriak hartuko ditu ikastetxea oporraldietan, goizez, irekita edukitzeko.

_Irakasleek ordutegien arloan izaten ahal dituzten nahiak ezin dira inoiz izan Klaustroak ezartzen dituen irizpideen kontrakoak, edota ikasleek dituzten beharren kontrakoak.

B) Irakaslanak.

C) Ikastetxeko irakasleen prestakuntza plana.

D) Jarduera osagarrien eta eskolaz kanpokoen urteko programazioa.

E) Memoria administratiboa.

Zuzendaritza Taldeak memoria administratiboa eginen du eta bertan sartuko, besteak beste, ikastetxearen Antolamendurako Agiria.

F) Hezkuntza Proiektua eta Curriculum Proiektua.

Adierazi diren horiek ez ezik, Kontserbatorioko Urteko Programazio Orokorrak ondoko dokumentu hauek izanen ditu:

1. Ikastetxearen Hezkuntza Proiektua.

Zuzendaritza Taldeak eta Koordinazio Pedagogikorako Batzordeak, irailean, jarduteko plana eginen dute eta ikastetxeko organo guztiek hori beteko dute 2004-2005 ikasturtean, Musikako Goi Mailako Gradurako Hezkuntza eta Curriculum Proiektua prestatzeko. Hori dela-eta ondokoetan ezarritakoa hartuko da kontuan:

_7/2002 Foru Legea, martxoaren 27koa , LOGSEk jasotako Goi Mailako musika ikasketak jartzeari buruzkoa eta "Pablo Sarasate" Nafarroako Goi Mailako Musika Kontserbatorioa sortzekoa.

_109/2002 Foru Agindua, apirilaren 17koa, baimena ematen diona Iruñeko "Pablo Sarasate" Goi Mailako Musika Kontserbatorioari musikako Goi Mailako gradua irakatsi eta gradu horretako espezialitateak ezartzeko, Hezkuntza Sistemaren Antolamendu Orokorrerako urriaren 3ko 1/1990 Lege Orokorraren arabera.

_423/2002 Foru Agindua, abuztuaren 27koa, Nafarroako Foru Komunitatean Goi Mailako musika ikasketen curriculuma ezartzen duena.

_Abuztuaren 27ko 423/2002 Foru Aginduaren akats zuzenketa, 2003ko 110. Nafarroako ALDIZKARI OFIZIALean argitaratua, abuztuaren 29an.

Plan horretan, gutxienez, ondoko hauek hartuko dira kontuan:

_Hezkuntza Departamentuak, Zerbitzuak Ikuskatzeko eta Ikuskapen Teknikorako Zerbitzuak aurrez azterlana eginda, baimentzen dituen Goi Mailako espezialitateak ezartzeko ikasturtean egin behar diren lanak zehaztea.

_Zeregin eta lan horiei ekiteko antolakuntzako neurriak aurreikustea.

_Jarduketa horiek denboran antolatzea eta horietariko bakoitzean erantzukizuna norena den zehaztea.

_Eskaintzen diren espezialitateen programazio didaktikoak prestatzea/berrikustea.

_Jarduketa plana ebaluatzeko irizpideak.

Ikastetxearen barne egoera eta inguru sozioekonomiko eta kulturala aztertu ondoren, eta haren koherentzia eta jarraipena bermatzearren, ikastetxeko Hezkuntza Proiektuak helburuak, lehentasunak eta jarduteko prozedurak finkatuko ditu.

Ikastetxearen Hezkuntza Proiektuak honako hauek bilduko ditu:

a) Izaeraren ezaugarriak.

b) Hezkuntza komunitateak ezarritako hezkuntza helburuak.

c) Ikastetxearen antolamendu orokorra.

d) Barne araubideko erregelamendua.

e) Ezarritako helburuak errazago lortzeko erakunde publiko eta pribatuekin aurreikusi diren harremanak.

Ikastetxearen Hezkuntza Proiektua Zuzendaritza Taldeak prestatuko du. Horretarako, kontuan izanen ditu Eskola Kontseiluak ezarritako irizpideak eta Irakasleen Klaustroak egindako proposamenak. Onetsi eta gero, argitara emanen da.

2. Curriculum Proiektua.

Ikastetxeek Curriculum Proiektuari jarraikiz, behar diren ikasgaiak eskainiko dituzte, abuztuaren 27ko 423/2002 Foru Aginduan eta haren akats zuzenketan araututakoa zehazteko, Hezkuntza eta Kultura kontseilariak emandako foru agindu horren bidez Nafarroako Foru Komunitatean Goi Mailako musika ikasketen curriculuma ezarri baitzen.

Curriculum Proiektuak curriculumeko elementuei buruzko erabaki multzoa biltzen du eta, bestalde, asmoa du ikasleen prestakuntzako behar profesionalei erantzuna emateko, betiere, ikastetxearen egoera praktikotik abiatuta. Horretaz gain, irakasleen jarduketa multzoa koherentea izanen dela bermatu beharko du. Curriculum Proiektuak Hezkuntza Proiektuan du oinarri.

Curriculum Proiektuak honako hauek ditu:

A) Curriculumaren gaineko koordinazioari buruzko erabaki eta neurriak, ondotik heldu direnak:

A.1) Goi Mailako Graduko helburu nagusiak ikastetxearen eta ikasleen inguruabarrei egokitzea, benetan lortzeko hartu behar diren neurriak zehaztuz.

A.2) Metodologiari buruzko erabaki orokorrak.

A.3) Ikasleak ebaluatu eta bultzatzeko prozesuari buruzko irizpideak.

A.4) Erabiliko diren curriculum materialak eta baliabide didaktikoak.

A.5) Irakasleen irakaskuntza prozesuak eta irakaslana, bai eta Curriculum Proiektua bera ere, ebaluatzeko eta, kasua bada, berraztertzeko irizpideak.

B) Aukerako irakasgaien eskaintza.

C) Tutoretzako planaren ezarpena.

D) Curriculum Proiektuak irakasgai bakoitzerako programazio didaktikoa ere izanen du. Horretan bilduko dira helburuak, edukiak, aplikatuko den metodologia, ebaluazioaren irizpideak, eta erabiliko diren baliabide eta bitartekoak kurtsoen arabera banaturik. Programazio didaktikoak ikasgelan garatuko dituzte irakasleek Gelako Programazioen bidez.

E) Ikastetxeak prestatzen dituen ikerketa programak.

Koordinazio Pedagogikoaren Batzordeak Curriculum Proiektuaren prestakuntza koordinatuko du eta erantzukizuna izanen du, honako hauei jarraikiz: curriculum ofiziala, Hezkuntza Proiektua, Klaustroak ezarritako irizpideak eta departamentuek egindako proposamenak. Koordinazio Pedagogikoaren Batzordeak sustatuko du irakasleen parte hartzea prestatzeko aldian.

Curriculum Proiektua irakasleen Klaustroak ebaluatu eta onetsiko du.

Programazio didaktikoak, Curriculum Proiektuaren garapena baitira, departamentuek prestatuko dituzte. Irakasgai bakoitzerako ondokoa hartuko da kontuan:

a) Lau kurtsoetarako helburu, eduki eta irizpideen multzoa, bai eta ebaluatzeko prozedurak ere.

b) Aplikatuko den metodologia didaktikoa.

c) Sustapen irizpideak.

d) Kalifikatzeko irizpideak.

e) Errepertorioa, erabiliko diren materialak eta baliabide didaktikoak.

f) Beste departamentuekin batera jarduerak antolatzea, baldin eta horiek espezialitate edo irakasgai bat baino gehiago hartzen badituzte, esate baterako Ganbera musika.

g) Departamentuak egin nahi dituen jarduera osagarriak eta eskolaz kanpokoak.

Irakasleek beren departamentuetako programazio didaktikoen arabera prestatuko dute irakaslana. Irakasleren batek erabakitzen badu Gelako Programazioan aldaketarik egitea departamentuko guztion programazioarekiko, aldaketa hori eta behar den justifikazioa departamentuko Programazio Didaktikoan sartuko dira.

Irakasleek Curriculum Proiektua eta programazioak egin ahala ebaluatu beharko dituzte, ikasleen hezkuntza beharrei egokitzen zaizkiela ziurtatzeko. Era berean, Klaustroak Curriculum Proiektua onetsi eta argitara eman beharko du.

2. Prestatu, onetsi eta ebaluatzea.

Urteko Programazio Orokorra Zuzendaritza Taldeak eginen du, Klaustroaren eta Eskola Kontseiluaren proposamen eta erabakiak kontuan hartu ondoren.

Ikastetxeko Zuzendaritzari dagokio Urteko Programazio Orokorra era egokian egiteko jarduketa egutegia ezartzea.

Urteko Programazio Orokorraren onespena eskola denbora hasi eta gehienez 20 eguneko epean izanen da.

Urteko Programazio Orokorra ikastetxeko kide guztiek nahitaez bete beharrekoa izanen da.

II._Ikasketen ordu banaketa.

1. Alde nagusiak.

Urriaren 3ko 1/1990 Lege Organikoaren bidez arautzen diren Goi Mailako musika ikasketetan ikasleak sartzea, irakasle-ikasle ratioa eta klaseen denbora ondoko arautegi honetan ezarri denari egokituko zaio:

_617/1995 Errege Dekretua, apirilaren 21ekoa, Goi Mailako musika ikasketen curriculumeko oinarrizko puntuak eta ikasketa horietan sartzeko hauta-probak arautzen dituena (1995eko 134. Estatuko Aldizkari Ofizialean argitaratua, ekainaren 6an).

_142/2002 Foru Agindua, maiatzaren 8koa, Hezkuntza eta Kultura kontseilariak emana, Nafarroako Foru Komunitatean Goi Mailako musika ikasketetan sartzeko probak arautu, eta "Pablo Sarasate" Nafarroako Goi Mailako Musika Kontserbatorioan Goi Mailako musika ikasketetan sartzeko proben deialdia egin zuena, 2002/2003 ikasturterako (2002ko 60. Nafarroako ALDIZKARI OFIZIALean argitaratua, maiatzaren 17an).

_Hezkuntza eta Kultura kontseilariak maiatzaren 8an emandako 142/2002 Foru Aginduaren akats zuzenketa (2003ko 60. Nafarroako ALDIZKARI OFIZIALean argitaratua, maiatzaren 14an).

_Abuztuaren 27ko 423/2002 Foru Agindua, Hezkuntza eta Kultura kontseilariak emana, Nafarroako Foru Komunitatean Goi Mailako musika ikasketen curriculuma ezarri zuena (2002ko 123. Nafarroako ALDIZKARI OFIZIALean argitaratua, urriaren 11n).

_Hezkuntza eta Kultura kontseilariak abuztuaren 27an emandako 423/2002 Foru Aginduaren akats zuzenketa (2003ko abuztuaren 29ko Nafarroako ALDIZKARI OFIZIALean argitaratua).

_99/2004 Foru Agindua, apirilaren 22koa, Hezkuntza eta Kultura kontseilariak emana, "Pablo Sarasate" Nafarroako Goi Mailako Musika Kontserbatorioan Goi Mailako musika ikasketak egiteko sarrera proben deialdia egiten duena, 2004-2005 ikasturterako (2004ko 57. Nafarroako ALDIZKARI OFIZIALean argitaratua, maiatzaren 12an).

2. "Irakasle praktikak" irakasgaiaren antolaketa.

"Irakasle praktikak" ondotik aipatzen diren printzipioei jarraikiz eginen dira. Irakasgaiaren ardura duen irakasleak bere ordutegi pertsonaletik astero ordu bat hartuko du bere ardurapeko bost ikasleko talde bakoitzeko. Programa koordinatu beharko du ikasleek praktikak egin ditzaten hautatu diren musika ikastetxeekin eta ikastetxe horietan tutore lanak eginen dituzten irakasleekin. Gainera, programaren ardura duen irakasleak jarraipena egin beharko du praktikak egiten diren bitartean. Ikasturtean zehar, irakasleak ordubeteko hamabost saio eginen ditu ikasle talde bakoitzarekin, praktikak prestatzeko, jarraipena egiteko eta praktikei buruzko memoria prestatzeko. Gainerako denbora ikastetxeekin koordinatzeko lanetan, praktiken jarraipenean eta ikasleei laguntzen emanen du. Azkenik, irakasle arduradunak ikasleen ebaluazioa eta kalifikazioa egin beharko ditu. Horretarako kontuan hartuko ditu praktikak egin diren ikastetxeko tutorearen balorazioa, kurtsoaren nondik-norakoak eta ikasle bakoitzak aurkeztu beharko duen memoria.

Ikasleek programari jarraitu beharko diote, irakasle arduradunarekiko saioei, esleitzen zaien ikastetxean praktikak egiteari eta memoria prestatu eta aurkezteari dagokienez. Ikasleek kurtso bakoitzeko gutxienez hogeita hamar ordu emanen dituzte esleitzen zaien ikastetxean, irakaslana nola egiten den ikusten eta hartan parte hartzen.

Praktikak musika ikastetxeetan eginen dira; ahal dela, "Pablo Sarasate" Goi Mailako Musika Kontserbatorioan. Ikastetxe horretan praktiketako ikasleen tutore aritzen diren irakasleek beren ordutegi pertsonaletik ordu erdi hartzen ahalko dute tutoretzapeko ikasle bakoitzeko, zaintza orduen ordez, astean zenbatu beharreko ordu osagarrien atalean.

III._Irakasleak.

1. Lanaldia.

Ikasturtea irailaren 1ean hasi eta ekainaren 30ean bukatuko da.

Ikasturtean, irakasleek jarraibide hauetan finkatutako lanaldia eta ordutegia beteko dituzte.

Ekain-irailetako eskola gabeko lan egunetan, baimena ematen ahalko zaie irakasleei egunean ikastetxean egon beharreko bost orduko lanegun etengabea egiteko.

2. Orduen banaketa.

Ikastetxean bertan eman beharreko orduak honela banatuko dira:

A) Irakastorduak.

Ikasleekin irakaslan zuzenean emandakoak jotzen dira irakastordutzat.

Irakastorduak zenbatzerakoan ondoko jarduera eta inguruabarrak hartuko dira kontuan:

a) Zuzendaritza Taldea.

Puntu honetan Foru Agindu honen eranskin honetako IV. atalean ezarritakoa aplikatuko da.

b) Ikastetxeko Orkestraren arduraduna.

Orkestraren arduradunak bere eskola ordutegitik astero 6 eskola ordu dedikatuko ditu lan horietarako. Arduradun horrek, ikasturtearen hasieran, ikasturte osorako lan plana eginen du, eta hori sartuko da Urteko Programazio Orokorreko "Jarduera osagarrien eta eskolaz kanpokoen urteko programazioa" atalean. Halaber, egiten diren jardueren amaierako memoria egin beharko du eta ikastetxeko ikasturtearen amaierako memorian sartuko.

Ikastetxeko Orkestraren jarduerak "Orkestra" edo "Taldea" irakasgaien curriculumean sartzen ahalko dira, irakasgai horien programazio didaktikoaren arabera. Hala ere, irakasgaian matrikulatu gabeko ikasleek Orkestran parte hartzen ahalko dute, baita ikastetxean matrikulatuta ez daudenek ere, eta Orkestra lankidetzan aritzen ahalko da beste ikastetxe eta erakunde batzuekin, zehazten diren baldintzak betez.

c) 58 urtez goitiko irakasleak.

d) Departamentuko burutza.

Departamentuko buruek beren irakastorduetako hiru ordu erabiliko dituzte gehienez, musika ikasketen Goi Mailako curriculum proiektuak prestatu edo berrikusteko; horretarako, lan plana aurkeztu beharko dute. Lanerako plan hori, Curriculum Proiektua osatzen duten departamentuko programazio didaktikoekin batera, Ikastetxeko Urteko Programazio Orokorrari batuko zaio, eta dena Zerbitzuak Ikuskatzeko eta Ikuskapen Teknikorako Zerbitzura igorriko da.

Ikasturtearen amaieran, departamentuko buruek aurkeztu beharko dute, beren departamentuari dagokion amaierako memoriarekin batera, ikasturtean Curriculum Proiektuari buruz egin den lanaren txostena.

Zerbitzuak Ikuskatzeko eta Ikuskapen Teknikorako Zerbitzuak, ikasturte osoan, aurkeztu den plana betetzen den aztertuko du.

e) Teknologia Berrien arduraduna.

Teknologia Berrien arduraduna den irakasleak lau irakastordu izanen ditu teknologia berrien koordinazio lanetan aritzeko.

B) Astean zenbatu beharreko ordu osagarriak.

Astean zenbatzeko ordu osagarrietan, irakasle bakoitzari esleituriko eginkizunen arabera, ondoko hauek sartu ahalko dira:

a) Zaintza orduak.

b) Astean ordu bat departamentuaren bileretarako.

c) Astean bi ordu, gutxienez, Curriculum Proiektuak egiteko eta, hala denean, horiek berrikusi eta eguneratzeko. Ikastetxeak beharrezko neurriak hartuko ditu jarduera horretan irakasle guztiek parte hartzeko.

e) Astean ordu bat irakasleek Eskola Kontseiluan dituzten ordezkarientzat.

f) Zuzendaritza Taldeko kideen koordinazio lanetarako orduak.

g) Ikastetxeak erakundeekin batera parte hartzen duen proiektuetan irakaskuntza taldeek lan egiteko orduak.

C) Zaintza.

Ikastetxeko ordutegi orokorra 8:30etik 22:00ak bitartekoa da. Ordutegi horren barnean ikastetxean ikasle gehien egoten diren orduetan zaintzako irakasleak behar dira. Hori dela eta, ikastetxeak egokien deritzen orduetan, baina gutxienez ere egunean 5 orduz astelehenetik ostiralera, ikastetxean zaintzako 3 irakasle egonen dira gutxienez.

Ordu guztiak behar bezala beterik baldin badaude, zuzendariak zilegi izanen du zaintzako irakasleren bati beste zeregin batzuk ematea, adibidez, liburutegikoak, koordinazio lanak, etab.

Zaintzako irakaslearen eginkizun nagusiak hauek dira:

a) Irakasleak huts egiteagatik edo beste edozein arrazoirengatik zaindaririk ez duten ikasleei kasu egitea.

b) Korridoreetan ordena zaintzea eta, oro har, ikasleek gelaz kanpo duten portaera. Horrek ez du esan nahi beste irakasleek eginkizun hori bete behar ez dutenik.

d) Beren txandan irakasleek duten puntualitate eta asistentziaren berri ematea idatziz, klaseei, zaintzari, liburutegiari eta bestelako jarduerei dagokienez.

Ikasketaburuak zaintza orduei buruzko parte bat prestatuko du egunero, eta Zerbitzuak Ikuskatzeko eta Ikuskapen Teknikorako Zerbitzuaren eskura egonen da beti. Gutxienez honako datuak izanen ditu:

_Irakasleen hutsegite eta atzerapenak.

_Ikastetxeko edozein egoitzatan izan diren gorabeherak.

_Gertatu diren istripuak.

_Zaintzako irakasleen sinadurak.

Irakasleren baten zaintza orduak berariazko beste jarduera batzuekin trukatzen ahal dira, baldin zaintza ordu guztiak beteta badaude eta jarduerak Klaustroak onetsi baditu.

D) Hilean zenbatu beharreko ordu osagarriak.

Irakasle bakoitzak ikastetxean nahitaez egin behar dituen 30 orduak betetzeko, falta diren bost orduak hilean zenbatuko dira eta ondoko jardueretarako izanen dira:

a) Klaustroaren bileretara joateko.

b) Ebaluazioko eta irakaskuntza taldeko bileretara joateko.

c) Bestelako jarduera osagarriak eta eskolaz kanpokoak egiteko.

Jarduera jakin batzuk egiteko, astean denbora tarte komun bat gordeko da, eta irakasle guztiek gutxienez 4 ordu izanen dituzte klaustroaren bilerak, ebaluazio bilkurak eta, oro har, ikastetxearen funtzionamendu egokirako beharrezkoak diren beste jarduera batzuk egiteko.

Ikasketaburuak, zuzendariarekin batera, lauhilekoetan banatuta planifikatuko ditu aurreikusitako jarduerak. Adierazi diren jarduera horien programazioa hiruhilekoaren hasieran Zerbitzuak Ikuskatzeko eta Ikuskapen Teknikorako Zerbitzura igorriko da.

3. Ordutegiak egitea, onestea eta argitaratzea.

Iraileko matrikula egin ondoren, ikasketaburuak departamentuei jakinaraziko die zenbat ikasle eta talde egokitu zaizkion irakasgai bakoitzari.

Ordutegiak egiten direnean kontuan hartuko da klaseak "Pablo Sarasate" Goi Mailako Musika Kontserbatorioan ere ematen dituzten irakasleen egoera, bi ikastetxeetan ordutegi bateragarriak izan ahal ditzaten.

Irakaslana espezialitate bakoitzeko katedradunek beteko dute lehenik. Lanpostu guztiak betetzerik ez badago, atal honetan deskribatutako kategoriak sartuko dira sistema horretan, beharren eta ezarritako ordenaren arabera.

Irakaslana bete behar duten katedradun, irakasle eta profesional espezialisten multzoa zehaztu ondoren, taldeak eta ikasleak hautatu beharko diruzte. Hautapen hori egiteko departamentuko kideak ados jartzen ez badira, ondoko prozedura aplikatuko da.

Bilera berezi horretan izaten diren gorabehera guztien akta eginen da eta departamentuko kide guztiek sinatuko dute; ikasketaburuari aktaren kopia emanen zaio.

Aurrean adierazi diren ondoreetarako, departamentu bakoitzeko irakasleek hautatzeko duten lehentasuna ordena honen araberakoa izanen da:

1. Musika eta Arte Eszenikoetako katedradunak, dagokien espezialitatearen titularrak.

2. Musika eta Arte Eszenikoetako beste espezialitate batzuetako katedradunak, atal honetako 4. puntuko 2. taulan espezialitate bakoitzerako ezarritako titulazioaren jabe badira.

3. Musika eta Arte Eszenikoetako katedradunak, lanpostu horiek betetzeko probak gainditu badituzte.

4. Musika eta Arte Eszenikoetako irakasle titularrak, atal honetako 4. puntuko 1. taulan katedradunen kidegoko espezialitate bakoitzerako ezarritako espezialitateetakoak badira.

5. Musika eta Arte Eszenikoetako beste espezialitate batzuetako irakasleak, atal honetako 4. puntuko 2. taulan Katedradunen Kidegoko espezialitate bakoitzerako ezarritako titulazioen jabe badira.

6. Musika eta Arte Eszenikoetako irakasleak, lanpostu horiek betetzeko probak gainditu badituzte.

7. Zerbitzu eginkizunetan diharduten Musika eta Arte Eszenikoetako irakasleen kidegoko irakasleak.

8. Zerbitzu eginkizunetan diharduten Bigarren Hezkuntzako irakasleen kidegoko irakasleak.

9. Funtzionarioak zerbitzu berezietan.

10. Aldi baterako irakasle kontratudunak eta profesional adituak.

Hautatzeko lehentasuna, lehenbiziko zazpi atalei dagokienez, antzinatasun handiena izateak emanen du eta, antzinatasun bera izanez gero, atal bakoitzeko lehentasuna erabakitzeko honako irizpide hauek ezarriko dira, hurrenez hurren:

_Ikastetxean antzinatasun handiena.

_Kidegoan edo Administrazioan lehenik sartu izana, eszedentzia urteak zenbatu gabe.

_Hautapen prozeduretan puntu gehien izatea.

10. ataleko lehentasuna ezarriko da irakasleek Giza Baliabideen Zerbitzuko zerrendetan duten tokiaren arabera.

Ikasketaburuak egiaztatu eginen du departamentuko kide guztien irakastorduak eta derrigorrez ikastetxean egin behar dituzten gainerakoak bat datozela honako jarraibide hauetan ezarri denarekin, eta ikertu eginen du ikasle guztien eta ikasle talde guztien ardura hartuko den eta orduak bete gabe dituen irakaslerik ba ote dagoen.

Halaber, ikastetxeko irakasle guztiek gutxienez 4 ordu izanen dituzte denak batera ikastetxean egoteko, Klaustroaren bilerak, ebaluazio bilkurak, ikasleen bilerak eta, oro har, ikastetxearen funtzionamendu egokirako beharrezkoak diren beste jarduera batzuk egin ahal izateko.

Ikasle baten baja gertatzen bada eta hori betetzen ez bada, irakasleak hutsik duen denbora nola erabili Zuzendaritzak erabakiko du:

_Beste ikasle batzuen denborari gehituz: atzeratu egin diren ikasleei laguntzeko, aurreratuenak sustatzeko...

_Beste jarduera batzuk egiteko.

_Material pedagogikoa prestatzeko.

_Besterendako.

Ikastetxearen ordutegia onesteko urriaren 31 baino lehen igorri beharko da Zerbitzuak Ikuskatzeko eta Ikuskapen Teknikorako Zerbitzura.

Beti egonen da, edozeinek ikusi ahal izateko moduan, ikastetxeko iragarki oholean, Ikasketaburutzaren bulegoan eta ikastetxeko kide guztiek sarbide duten beste tokiren batean, ikastetxearen egoera agertuko duen informazioa, bereziki aipatuz irakasle bakoitzaren ordutegia eta lan tokia, eta zehazki bakoitzaren ordutegian bildutako irakastorduak, tutoretzak, zaintza orduak, departamentuko bilerak eta abar.

Informazio hori guztia hezkuntza komunitate osoko kide guztien eskura egonen da. Era berean, zuzendaritza kargu bakoitza ikastetxean zein ordutan egonen den ere adieraziko da.

Ikastetxean ez ezik "Pablo Sarasate" Goi Mailako Musika Kontserbatorioan ere eskolak eman behar dituzten irakasleek parte hartu beharko dute jarraibide hauen 1. eranskineko III. ataleko ("Irakasleak") 3. puntuan ezarritako hautapen ordenean, ikastetxe horrek dituen departamentu didaktikoetarako.

_Musika eta Arte Eszenikoetako beste espezialitate batzuetako katedradunak, atal honetako 4. puntuko 2. taulan espezialitate bakoitzerako ezarritako titulazioaren jabe badira.

_Musika eta Arte Eszenikoetako katedradunak, berariaz antolatutako probak gainditu badituzte.

_Musika eta Arte Eszenikoetako irakasle titularrak, atal honetako 4. puntuko 1. taulan katedradunen kidegoko espezialitate bakoitzerako ezarritako espezialitateetakoak badira.

_Musika eta Arte Eszenikoetako beste espezialitate batzuetako irakasleak, atal honetako 4. puntuko 2. taulan Katedradunen Kidegoko espezialitate bakoitzerako ezarritako titulazioen jabe badira.

_Musika eta Arte Eszenikoetako irakasleak, berariaz antolatutako probak gainditu badituzte.

4. Goi Mailan irakasteko baldintzak.

A) 1. taula

KATEDRADUNEN KIDEGOKO ESPEZIALITATEAK IRAKASLEEN KIDEGOKO ESPEZIALITATEAK

Eskusoinua Eskusoinua

Harmonia eta melodia akonpainatua Konposizioko oinarriak

Harpa Harpa

Kantua Kantua

Klabezina Klabezina

Konposizioa eta instrumentazioa Konposizioko oinarriak

Kontrabaxua Kontrabaxua

Abesbatzen eta ahots taldeen zuzendaritza Abesbatza

Orkestrako eta musika-tresnen taldeko zuzendaritza Orkestra

Fagota Fagota

Moko-flauta Moko-flauta

Zeharkako flauta Zeharkako flauta

Folklore musikala Musikaren historia

Gitarra Gitarra

Ganbera musika Ganbera musika, antzinakoa

Musikologia Musikaren historia

Oboea Oboea

Organoa Organoa

Pedagogia musikala Musika hizkuntza

Perkusioa Perkusioa

Pianoa Pianoa

Bat-batekotasuna, musika tresnen tonualdaketa eta akonpainamendua Konposizioko oinarriak

Saxofoia Saxofoia

Tronboia Tronboia

Tronpa Tronpa

Tronpeta Tronpeta

Tuba Tuba

Txistua Txistua

Biola Biola

Biolina Biolina

Biolontxeloa Biolontxeloa

B) 2. taula

Musika eta Arte Eszenikoetako irakasleen kidegoko funtzionarioek, eskuineko zutabean ageri diren goi mailako titulazioak badituzte, Musika eta Arte Eszenikoetako katedradunen kidegoari dagozkion espezialitate batzuetan irakasten ahalko dute, hain zuzen ere ezkerreko zutabean ageri diren horietan, sortzen diren beharren arabera eta berariaz ezarritako prozedura betez. Betiere bi zutabeen artean ezarritako korrespondentziari jarraituko zaio.

KATEDRADUNEN KIDEGOKO ESPEZIALITATEAK BEHAR DIREN GOI MAILAKO TITULAZIOAK

Katedradunen Kidegoko espezialitateak Behar diren goi mailako titulazioak

Eskusoinua Eskusoinua

Harmonia eta melodia akonpainatua Harmonia, kontrapuntua, konposizioa eta instrumentazioa

Harpa Harpa

Kantua Kantua

Klabezina Klabezina

Konposizioa eta instrumentazioa Harmonia, kontrapuntua, konposizioa eta instrumentazioa

Kontrabaxua Kontrabaxua

Abesbatzen eta ahots taldeen zuzendaritza Abesbatzen zuzendaritza

Orkestrako eta musika-tresnen taldeko zuzendaritza Orkestraren zuzendaritza

Fagota Fagota

Moko-flauta Moko-flauta

Zeharkako flauta Zeharkako flauta

Folklore musikala Musikologia

Gitarra Gitarra

Ganbera musika Ganbera musika

Musikologia Musikologia

Oboea Oboea

Organoa Organoa

Pedagogia musikala Pedagogia musikala

Perkusioa Perkusioa

Pianoa Pianoa

Bat-batekotasuna, musika tresnen tonualdaketa eta akonpainamendua Solfeoa, musikaren teoria, tonualdaketa eta akonpainamendua

Saxofoia Saxofoia

Tronboia Tronboia

Tronpa Tronpa

Tronpeta Tronpeta

Tuba Tuba

Txistua Txistua

Biola Biola

Biolina Biolina

Biolontxeloa Biolontxeloa

5. Irakasleek ordutegia betetzea eta asistentzi partea.

Halaber, norberaren ordutegian agertu ez arren, irakasleek egin dituzten jarduera osagarriak aipatuko dira.

Jarduera horietariko bakoitzean parte hartzen duten irakasleak eta egiten dituzten orduak adieraziko dira.

Nolanahi ere, txosten horietan ondoko arau hauek beteko dira:

_Inoiz ez da utziko hutsik "hutsegitearen arrazoia" laukia, eta hala egiten bada, justifikatu gabeko hutsegitetzat hartuko da.

_Hutsegite guzti-guztiak agertuko dira.

_"Hutsegitearen arrazoia" izeneko laukian "Norberaren arazoetarako ordaindu gabeko lizentzia" jarri ahal izateko, beharrezkoa izanen da Giza Baliabideen Zerbitzuak irakasleari baimena ematea.

Irakasleek beren lanetan gertatzen den edozein ausentzia edo atzerapenen berri emanen diote ikastetxeari, ahalik eta lasterren.

Irakasleek hutsegitearen justifikanteak aurkeztu behar dizkiote zuzendariari, horrek eskatu gabe.

Asistentzi partearen kopia bat jendaurrean paratuko da, ikusgai, hilabete bakoitzaren 5a baino lehen. Beste kopia bat Eskola Kontseiluaren esku jarriko da.

Irakasleen hutsegiteen justifikanteak (baja agiriaren kasuan, haren kopia edo fotokopia) ikastetxeko Zuzendaritzan geldituko dira Zerbitzuak Ikuskatzeko eta Ikuskapen Teknikorako Zerbitzuaren eskura.

Eskola emate normalaren alterazio guztiak berehala emanen zaizkio aditzera telefonoz Zerbitzuak Ikuskatzeko eta Ikuskapen Teknikorako Zerbitzuari, eta bai ondoren asistentzi partean jasoko ere.

IV._Ikastetxearen funtzionamendua.

1. Alde nagusiak.

Kapitulu honetan deskribatzen diren organo guztien zeregina irakaskuntzako jarduera eta jarduera osagarri guztien koherentzia bermatzea da, ikastetxearen helburuak era eraginkorrean lortzeko.

2. Gobernu organoak.

Zuzendaritza Taldeak bere irakastorduetatik gehienez ere ondoko ordu kopurua erabili ahalko du karguetako eginkizunetan:

Zuzendaria: 14 ordu.

Zuzendariordea: 6 ordu.

Ikasketaburua: 13 ordu.

Idazkaria: 11 ordu.

3. Kontrolean eta kudeaketan parte hartzeko organoak.

3.1. Eskola Kontseilua.

Eskola Kontseilua lehenbiziko aldiz eratuko da Eskola Kontseiluetarako hauteskundeak egiten direnean, 2004-2005 ikasturteko lehen hiruhilekoan.

Hauteskundeetarako deialdian zehaztuko da nola eratu eta osatu behar den Eskola Kontseilua.

3.2. Irakasleen Klaustroa.

Zuzendaria izanen da Klaustroko burua eta ikastetxeko irakasle guztiek osatuko dute Klaustroa.

4. Irakaslana koordinatzeko organoak.

Ikastetxean hauek izango dira irakaslana koordinatzeko organoak: koordinazio didaktikorako departamentuak, Koordinazio Pedagogikorako Batzordeak eta tutoreak. Ikasle taldeek tutore bana izanen dute.

Organo horien guztien zeregina irakaskuntzako jarduera eta jarduera osagarri guztien koherentzia bermatzea da, ikastetxearen helburuak era eraginkorrean lortzeko.

4.1. Koordinazio didaktikorako departamentuak.

A) Alde nagusiak.

Erantzukizuna eta Zuzendaritza departamentuko buruari dagozkio eta, hori ez dagoenean, ikasketaburuari.

B) Departamentu didaktikoen eraketa.

Ikastetxeak departamentu didaktiko hauek izanen ditu:

_Orkestrako musika tresnak.

_Jazza.

_Orkestrakoak ez beste musika-tresnak eta kantua.

_Teorikoak.

Ikastetxean ez ezik "Pablo Sarasate" Goi Mailako Musika Kontserbatorioan ere eskolak ematen dituzten irakasleek, egoera horren ondorioz, Kontserbatorioko departamentuetan ere parte hartuko dute. Irakasle horiek bi ikastetxeetako departamentu didaktikoek deitzen dituzten bileretara joan behar dute.

C) Departamentuen eginkizunak.

Departamentu didaktikoen eginkizunak ondoko hauek dira:

1. Ikasturte bakoitzeko irakaskuntza antolatzea eta programatzea, departamentuko irakasgai edo espezialitateen ikasketak garatuz.

2. Ikasturtea hasi aurretik, departamentuko irakasgai edo espezialitateen programazio didaktikoa egitea, hala iraungiko diren ikasketa planetan nola ezarpen berrikoetan. Lan hori departamentuburuak koordinatuta eta haren zuzendaritzapean eginen da, Koordinazio Pedagogikorako Batzordeak ezarri dituen irizpide orokorrei jarraikiz.

Departamentu guztiek bidezko ikasketa planetan ezarri diren programazioak bete beharko dituzte.

Curriculuma osatzen duten irakasgai eta espezialitate guztien programazio didaktikoek ondoko alderdiak izanen dituzte: