49. ALDIZKARIA - 2004ko apirilaren 23a

I. NAFARROAKO FORU KOMUNITATEA

1.3. BESTELAKO XEDAPENAK

1.3.4. Dirulaguntzak eta bekak

26/2004 FORU AGINDUA, otsailaren 23koa, Nekazaritza, Abeltzaintza eta Elikadura kontseilariak emana. Honen bidez dirulaguntzak ematen dira 2004ko ekitaldian entitate pribatuekin sinatutako zenbait asegurutarako, zehazki Nekazaritzako Aseguru Konbinatuen Urteko Plan indardunean sartuak ez diren berotegien egitura eta instalazioetan izandako kalteak babesteko direnetarako.

Uztailaren 3ko 5/2000 Foru Legeak, 2. artikuluan, xedatzen du, otsailaren 16ko 54/1998 Legegintzako Foru Dekretuko 23. artikuluaren arabera, Nekazaritza, Abeltzaintza eta Elikadura kontseilariak onetsi eta argitara emanen dituela urtero, laboreen, abeltzaintzako ekoizpenen eta berotegietako egitura nahiz instalazioen arriskuak aseguratzen dituzten entitate pribatuekin hitzartutako aseguruen kontratazio kostuak murrizteko aseguru-lerroetako dirulaguntzak (Nekazaritzako Aseguru Konbinatuen Urteko Plan indardunean sartuak ez direnak).

Nekazaritza Zerbitzuko zuzendariak aurkeztutako txostena ikusirik, zeinean proposatzen baita dirulaguntzak ematea 2004ko ekitaldian entitate pribatuekin sinatutako zenbait asegurutarako, zehazki Nekazaritzako Aseguru Konbinatuen Urteko Plan indardunean sartuak ez diren berotegien egitura eta instalazioetan izandako kalteak babesteko direnetarako.

Hori horrela, eta Nafarroako Foru Komunitateko Gobernua eta Administrazioa arautzen dituen apirilaren 11ko 23/1983 Foru Legearen 36. artikuluko 2. idatz-zatiak ematen dizkidan ahalmenak erabiliz,

AGINDU DUT:

1. artikulua. Dirulaguntzak emanen dira, Nekazaritzako Finantzaketako lege mailako xedapenen Testu Bategina onesten duen otsailaren 16ko 54/1998 Legegintzako Foru Dekretuaren VI. tituluko 1. eta 3. kapituluetan aipatzen diren baldintza eta beharkizun orokorren arabera, berotegien egitura eta instalazioetako kalteetarako aseguruak kontratatzeko.

Kontratazio horrek aseguru entitateekin 2004ko ekitaldian egina izan behar du, 2004ko urtarrilaren 1az gero.

2. artikulua. Aurreko artikuluan sartutako aseguruak kontratatzeko Nafarroako Gobernuak emanen dituen dirulaguntzak kalkulatzeko, aseguruaren kontratazioaren kostuaren gainean honako portzentaje hauek aplikatuko dira, betiere adierazten diren gehienezko mugekin:

Berotegien egitura eta instalazioetarako kalte aseguruak.

_Aseguratu guztiei aplikatzeko oinarrizko dirulaguntza: 100eko 15, gehienezko 0,036 euroko mugarekin, aseguratutako berotegiaren metro karratuko, "estaldura malgukoen" kasuan edo 0,054 eurokoa metro karratuko "estaldura zurrunekoenean".

_Nagusiki nekazaritzan diharduten aseguratuei aplikatuko zaien emendiozko dirulaguntza: 100eko 15, gehienezko 0,036 euroko mugarekin, aseguratutako berotegiaren metro karratuko "estaldura malgukoen" kasuan edo 0,054 eurokoa metro karratuko "estaldura zurrunekoenean".

_Nekazari gazteak diren aseguratuei aplikatuko zaien emendiozko dirulaguntza, baldin eta bost urte baino gutxiago eman badituzte nekazaritzan eta irailaren 28ko 297/1992 Foru Dekretuaren eta apirilaren 17ko 162/2000 Foru Dekretuaren aplikaziotik sortutako dirulaguntzak eman bazaizkie: 100eko 20, gehienezko 0,048 euroko mugarekin, aseguratutako berotegiaren metro karratuko "estaldura malgukoen" kasuan edo 0,072 eurokoa metro karratuko, "estaldura zurrunekoenean".

Oinarrizko dirulaguntza eta emendiozkoak bateragarriak dira eta aplikatuko dira alde batetik portzentajeen eta, bestetik, ezarritako gehienezko dirulaguntza mugen batuketa eginez.

3. artikulua. Aipatu dirulaguntzen onuradunek Nekazaritza, Abeltzaintza eta Elikadura Departamentuan aurkeztu behar dituzte laguntzarako eskabide ofiziala, sinatutako polizaren fotokopia eta aseguruaren ordainagiria.

4. artikulua. Eskatzaileak, foru agindu honetan ezartzen diren laguntzak jaso ahal izateko, nekazaritzako ustiategi baten titular izan beharko du eta ustiategia Nafarroako Nekazaritza Ustiategien Erregistroan inskribatuta eduki (uztailaren 2ko 150/2002 Legegintzako Foru Dekretuak arautzen du erregistroa).

5. artikulua. Laguntza eskabidea eta aipatu agiriak aurkezteko epea hilabetekoa izanen da, poliza sinatu edo berritzen denetik hasita, foru agindu hau argitaratu ondokoa bada, eta argitaratzen denetik hasita data hori baino lehen sinatua bada.

6. artikulua. Laguntza emateko prozedura.

1. Laguntza Nekazaritza eta Abeltzaintza zuzendari nagusiak emanen du ebazpen baten bidez, Nekazaritza, Abeltzaintza eta Elikadura kontseilariak 1999ko irailaren 13ko Foru Aginduaren bidez emandako eskurantzak erabiliz.

2. Sei hilabetekoa da laguntzak emateari buruzko administrazio ebazpena jakinarazteko gehieneko epea, eskaera Nekazaritza, Abeltzaintza eta Elikadura Departamentuko Erregistroan sartzen denetik hasita. Epealdi horretan eskatzaileari berariazko ebazpenik jakinarazi ezean, ezetsi egin zaiola pentsatu beharko du.

XEDAPEN GEHIGARRIA

Foru agindu honetan adierazitako laguntzen ondoriozko gastua egiteko ezinbesteko baldintza izanen da 2004ko gastuen aurrekontuko "Aseguru primen konpentsazioa" izeneko 710000-71210-4700-713103 kontusailean aski kreditu izatea.

AZKEN XEDAPENA

Foru agindu honek Nafarroako ALDIZKARI OFIZIALean argitaratu eta biharamunean hartuko du indarra. Hala ere, 2004ko urtarrilaren 1etik aurrera izanen ditu ondorioak.

Iruñean, bi mila eta lauko otsailaren hogeita hiruan._Nekazaritza, Abeltzaintza eta Elikadura kontseilaria, José Javier Echarte Echarte.

Iragarkiaren kodea: F0403232