I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
42/2004 FORU DEKRETUA, otsailaren 9koa, María Jesús Vicente Goicoechea andrea, Nafarroako Gizarte Ongizatearen Institutuko Familiaren eta Sektore Zerbitzuen zuzendariordea, kargutik kentzen duena.
Nafarroako Kirol eta Gazteriaren Institutuaren Estatutuetan, urtarrilaren 26ko 20/2004 Foru Dekretuaren bidez onetsi baitziren, 24.1. artikuluak ezartzen du ezen Nafarroako Gobernuak ahalmena duela institutu horretako zuzendariordeak izendatu eta kentzeko, Departamentuko kontseilariak proposaturik.
Hori horrela, Gizarte Ongizate, Kirol eta Gazteria kontseilariak proposaturik, eta Nafarroako Gobernuak bi mila eta lauko otsailaren bederatziko bilkuran hartutako erabakiarekin bat,
DEKRETATU DUT:
Artikulu bakarra._María Jesús Vicente Goicoechea andrea, Nafarroako Gizarte Ongizatearen Institutuko Familiaren eta Sektore Zerbitzuen zuzendariordea, kargutik kentzea. Kargu uzteak 2004ko otsailaren 9az geroztik izanen ditu ondorioak.
Iruñean, bi mila eta lauko otsailaren bederatzian._Nafarroako Gobernuko lehendakaria, Miguel Sanz Sesma._Gizarte Ongizate, Kirol eta Gazteria kontseilaria, Reyes Berruezo Albéniz.
Iragarkiaren kodea: F0402261
