113. ALDIZKARIA - 2004ko irailaren 20a

I. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Plantilla Organikoa, Lan Eskaintza Publikoa, oposizioak eta lehiaketak

DEIALDIA, Nafarroako Gobernuaren aholkulari juridiko izateko bi lanpostu oposizio bidez betetzeko.

Abuztuaren 31n Funtzio Publikoaren zuzendari nagusiak emandako 1969/2004 Ebazpenaz, onetsi da Nafarroako Gobernuaren aholkulari juridiko izateko 2 lanpostu lekualdatze-lehiaketa bidez betetzeko deialdia, honako oinarri hauen arabera:

O I N A R R I A K

1._Arau orokorrak.

1.1. Nafarroako Administrazio Publikoen zerbitzuko Langileen Estatutuaren Testu Bateginean (abuztuaren 30eko 251/1993 Legegintzako Foru Dekretuak onetsia eta 1993ko irailaren 1eko 107. Nafarroako ALDIZKARI OFIZIALean argitaratua), hura garatu eta burutzeko Erregelamenduan, gainerako aplikazio arauetan eta deialdiaren oinarrietan xedatutakoari jarraituz eramanen da aurrera deialdi hau. Nafarroako Foru Komunitateko Gobernuaren zerbitzuko aholkulari juridiko izateko 2 lanpostu oposizio bidez betetzea du xede. Lanpostuok funtzionarioen araubidekoak dira, A mailakoak, Lehendakaritza, Justizia eta Barne Departamentuari atxikiak dira, eta Iruñean aritzekoak. Lanpostuen banaketa honela eginen da:

_1 txanda irekian.

_1 igoera txandan.

1.2. Hautapen probak gainditzeko eskatzen den gutxieneko puntuaziora ez iristeagatik, bete gabe gelditzen bada igoera txandako lanpostu hutsa, txanda irekikoari gehituko zaio.

Igoera txandan hutsik dauden izangai batek baino gehiagok gainditzen badu, txanda horretan lanpostua eskuratzen ez dutenek aukera izanen dute txanda irekiko lanpostu hutsa eskuratzeko, txanda horretako izangaiekin lehia garbian eta eskuratutako azken puntuazioaren arabera.

Era berean, txanda irekiko lanpostu hutsa eskuratzeko aukera izanen dute, aurreko lerroaldean adierazitako moduan, deialdiko 7.2. oinarrian agiriak aurkezteko ezartzen den epea bukatzen denean 2.1.2. atalean ezarritako eskakizun berariazkoak betetzen ez dituzten igoera txandako izangaiek.

1.3. Deialdi hau dela medio izendatzen diren izangaiek, Nafarroako Gobernuaren Aholkularitza Juridikoa arautzen duten xedapenek ezarritako eginkizunak bete beharko dituzte eta bertan aipatutako eskubide eta betebeharrak izanen dituzte.

1.4. Izendapenarekin batera pertsona izendatu horiek nomina eta plantillako funtzionario bihurtuko dira, Nafarroako Foru Komunitateko funtzionarioen arloan indarrean dauden xedapenetan ezarri diren eskubide eta betebehar guztiekin.

1.5. Lanpostuek A mailako lansariak izanen dituzte, uztailaren 4ko 158/1984 Foru Dekretuaren bidez onetsitako Lansarien Behin-behineko Erregelamenduan eta aplikatu beharreko gainerako xedapenetan ezarritakoari jarraikiz.

1.6. Izangaiak, hautapen probak gainditu eta deialdi honetako lanpostuetan aritzeko izendatu ondoren, Nafarroako Foru Komunitateko Administrazioan sartu eta funtzionario eginez gero, Gizarte Segurantzaren Araubide Orokorrean afiliatuko dira eta alta emanen zaie, araubide horretan aurreikusitako babesean.

Deialdi honetako lanpostuetarako izendatu eta lehendik eskubide pasiboen eta osasun eta gizarte laguntzaren araubidean, hots, Nafarroako Administrazio Publikoen zerbitzuko Langileen Estatutuan eta gainerako xedapen osagarrietan aipatzen den hartan, afiliatuta dauden izangaiek bertan segitzea aukeratzen ahal dute edo Gizarte Segurantzan afiliatzea.

1.7. Izendatutako izangaiek lanlekua duten herrian bertan bizi beharko dute, eta hori betetzeko udalerri horretan finkatuko dute beren bizilekua. Administrazio organo eskudunek destinoa aldatu ahalko dute.

1.8. Lanaldia zerbitzuaren beharretara egokituko da, eta administrazioko organo eskudunek noiznahi aldatzen ahalko dute.

2._Betebeharrak.

2.1. Oposizio honetan onartuak izateko, izangaiek, eskabideak aurkezteko epea amaitzen den egunean eta agiriak aurkezteko epean (deialdiaren 7.2 atalean adierazia) eta lanpostuaren jabetza hartu arte, baldintza hauek bete beharko dituzte:

2.1.1. Izangai guztiek bete beharreko baldintzak:

a) Espainiako nazionalitatea izatea.

b) Adin nagusikoa izatea eta erretiroko adina ez izatea.

c) Zuzenbideko lizentziatura tituluaren jabe izatea, edo eskaerak aurkezteko epea betetzen den egunean titulu hori eskuratzeko moduan egotea.

Atzerrian lorturiko tituluak badira, homologazioa egiaztatzen duen kredentziala eduki beharko da.

d) Lanpostuaren eginkizunetan aritzeko gaitasun fisikoa eta psikikoa izatea.

e) Eginkizun publikoetan aritzeko ezgaiturik edo gabeturik ez egotea, ez eta Administrazio Publiko baten zerbitzutik bereizirik ere.

2.1.2. Igoera txandako izangaiek bete beharreko berariazko baldintzak:

Igoera txandako izangaiek, aurreko idatz-zatian adierazitako betebeharrez gain, hauek bete beharko dituzte:

a) Nafarroako edozein Administrazio Publikotako langile finkoa izatea, eta jatorrizko lanpostuan borondatezko edo nahitaezko eszedentzian ez egotea.

b) Deialdiko lanpostuen maila berean edo baxuagoan egotea.

c) Administrazio Publikoetan bost urteko antzinatasun onartua izatea.

Nafarroako Administrazio Publikoetan lan egiten duten langileen Estatutuaren xedapen gehigarrietatik zortzigarrenean ezarri dena aplikatuz, igoera txandan esku hartzeko baldintzak betetzen dituzten Nafarroako Parlamentuko langileek ere txanda horretan parte hartzen ahalko dute.

Deialdiko 3.4. idatz zatian ezartzen dena salbuetsirik, lanposturako izendatzeko proposatu dituzten izangaiak aurreko baldintzak betetzen dituela frogatu beharko dute, deialdi honetako zazpigarren oinarrian ezartzen diren epean eta moduan.

3._Eskabideak.

3.1. Deialdian parte hartzeko eskabideak Nafarroako Gobernuko Erregistro Orokorrean (Karlos III.a etorbidea, 2, Iruña) aurkeztu beharko dira, edo Administrazio Publikoen Araubide Juridikoari eta Guztientzako Administrazio Prozedurari buruzko azaroaren 20ko 30/1992 Legearen 38.4 artikuluan aurreikusitako bideren bat erabiliz, deialdia Nafarroako ALDIZKARI OFIZIALean argitaratu eta biharamunetik hogeita hamar egun naturaleko epean. Aipatu eskabideak deialdian argitaratutako ereduari lotuko zaizkio. Eredua Nafarroako Gobernuaren Argibide Bulegoan eskuratu ahalko da (Karlos III.aren etorbidea, 2, ataria, Iruña) edo interneteko www.navarra.es helbidean, dela deialdia argitaratu zen aldizkari ofizialetik abiatuta, dela Zerbitzuen Katalogoan, Lan Publikoaren atalean, deialdiaren aipamenetik abiatuta. Eskaera-orrian, izangaiek adierazi beharko dute, eskabideak aurkezteko epearen azken egunerako, deialdian eskatzen diren baldintza guztiak betetzen dituztela.

3.2. Ezgaitasun aitortua duten lehiatzaileek, ariketak egin ahal izateko denbora edo baliabideetan egokitzapenik behar badute, zilegi izanen dute eskabidean eskatzea, eta hartarako, aparteko orri batean adierazi beharko dute nolako ezgaitasuna duten eta zer egokitzapen eskatzen duten. Horrekin batera, legeen arabera minusbaliatuak direla frogatzeko agiria ere aurkeztu beharko dute, organo eskudunak emandako agiriaren fotokopia konpultsatuaren bidez.

3.3. Eskabideari, behar bezala beterik, Nafarroako Foru Komunitateko Administrazioaren kontuan 25 euro sartu izanaren frogagiria erantsi beharko zaio, espedientea formalizatu eta azterketa eskubideak izateko.

Azterketa eskubideak ordaindu izanaren ordainagiria aurkezten ez bada, izangaia baztertu eginen da.

Honako hauek ez dute tasarik ordaindu beharko:

a) Ehuneko 33ko edo gehiagoko ezgaitasun aitortua duten pertsonak, baldin eta organo eskudunak luzaturiko jatorrizko agiriaren edo behar bezala konpultsaturiko fotokopiaren bidez frogatzen badute.

b) Hauta-proben deialdia egin aurretik hilabete batez edo luzaroago lan-eskatzaile gisa inskribaturik egon diren pertsonak. Salbuespen hori aplikatzeko baldintza izanen da inskribaturik egin den bitartean eskainitako inolako lan egokiri uko egin ez izana eta lanbide sustapen, prestakuntza edo eraberritze ekintzetan parte hartzeari uko egin ez izana, justifikaturiko kasuetan izan ezik, eta, horrez gainera, lanbide arteko gutxieneko soldatatik gorako den dirusarrerarik ez izatea hilabetero.

Lan eskatzailea dela frogatzeko, Enplegu Bulegoak emandako agiria aurkeztu beharko da. Bertan, lan-eskatzaile gisa inskribatu zeneko data agertuko da eta, orobat, adieraziko da inskribaturik egon den bitartean ez diola uko egin handik eskainitako inolako lan egokiri, ez eta lanbide sustapen, prestakuntza edo eraberritze ekintzetan parte hartzeari ere, justifikaturiko kasuetan izan ezik.

Hilero lanbide arteko gutxieneko lansaritik gorako errentarik ez duela interesatuaren errentaren adierazpenaren bidez frogatuko da. Argibide Bulegoan adierazpenaren eredua emanen da. Interneten, lehen aipatu den webgunean ere aurkitzen ahal da, deialditik beretik.

3.4. Deialdian igoera txandan parte hartzea eskatzen duten izangaiek, Nafarroako Foru Komunitateko Administrazioa ez den beste Nafarroako Administrazio Publiko bateko langile finkoak badira, instantziari gehitu beharko diote, lehengoaz gain, 2.1.2. idatz-zatian jasotzen diren eskakizunak betetzen direla frogatzen duen agiria.

3.5. Eskabideak aurkezteko epea luzaezina izanen da.

3.6. Eskabidean atzematen diren akats materialak edo egitezkoak ofizioz edo interesatuak eskaturik zuzentzen ahalko dira, noiznahi ere.

4._Izangaien onarpena eta erreklamazioak.

4.1. Eskaerak aurkezteko epea bukaturik, Funtzio Publikoaren zuzendari nagusiak ebazpena emanen du izangai onartu eta baztertuen behin-behineko zerrenda onesteko, eta Nafarroako ALDIZKARI OFIZIALean argitara dadila aginduko du.

4.2. Izangai baztertuek hamar egun balioduneko epea izanen dute, behin-behineko zerrenda Nafarroako ALDIZKARI OFIZIALean argitaratzen denetik, erreklamazioak aurkezteko eta, akatsik egin badute, zuzentzeko.

4.3. Erreklamazioetarako epea bukatutakoan eta horiek ebatzita, Funtzio Publikoaren zuzendari nagusiak onartu eta baztertuen behin betiko zerrenda onesten duen ebazpena emanen du eta Nafarroako ALDIZKARI OFIZIALean argitara dadila aginduko du.

4.4. Izangaiei egotziriko arrazoiengatik baztertzen direnei ez zaizkie azterketa egiteko eskubideak.

5._Epaimahaia.

5,1. Epaimahaiak kide hauek izanen ditu:

_Mahaiburua: Lehendakaritzako zuzendari nagusia.

Ordezkoa: Funtzio Publikoaren zuzendari nagusia.

_Mahaikidea: Lehendakaritza, Justizia eta Barne Departamentuko Aholkularitza Juridikoaren Zerbitzuko zuzendaria.

Ordezkoa: Lehendakaritza, Justizia eta Barne Departamentuko Aholkularitza Juridikoaren Zerbitzuko Lan Aferen Ataleko burua.

_Mahaikidea: Unibertsitateko katedradun bat.

Ordezkoa: Unibertsitateko katedradun bat.

_Mahaikidea: Estatuaren abokatu bat edo Autonomia Erkidego bateko Zerbitzu Juridikoko legelari bat.

Ordezkoa: Estatuaren abokatu edo Autonomia Erkidego bateko Zerbitzu Juridikoko legelari bat.

_Mahaikidea: Langileen ordezkari bat, Nafarroako Foru Komunitateko Administrazioko Langileen Batzordeak proposatu beharrekoa.

Ordezkoa: Langileen ordezkari bat, Nafarroako Foru Komunitateko Administrazioko Langileen Batzordeak proposatu beharrekoa.

Kalifikazio Epaimahaiko idazkari lanetan, hizpidearekin baina botorik gabe, Lehendakaritza, Justizia eta Barne Departamentuko Aholkularitza Juridikoaren Zerbitzuko Afera Zibilen Ataleko burua arituko da.

Epaimahaia hautapen-probak hasi baino lehen eratuko da.

5.2. Epaimahaia ezin izanen da eratu ezta jardun ere kideen gehiengoa behintzat, eta mahaiburua eta idazkaria, edo haien ordezkoak, halakorik bada, bertan ez badira.

5.3. Administrazio Publikoen Araubide Juridikoari eta Guztiendako Administrazio Prozedurari buruzko azaroaren 26ko 30/1992 Legean aipatzen diren abstentzio arrazoietako bat gertatzen denean, epaimahaiko kideek ezin izanen dute epaimahaian parte hartu, eta deialdia egin duen organoari eman beharko diote horren berri.

Izangaiek, halaber, zilegi izanen dute mahaikideak errefusatzea, arrazoi horietako bat gertatzen denean.

5.4. Epaimahaiak gehiengoz erabakiko ditu deialdiaren oinarriak ulertu eta aplikatzerakoan sor daitezkeen afera guztiak.

5.5. Epaimahaiak aholkulari adituak hartzen ahalko ditu, proba guztietarako nahiz batzuetarako. Aholkulari horiek beren espezialitate teknikoan aritzera mugatuko dira eta haietan soilik emanen diote laguntza epaimahaiari.

6._Oposizioa nola eginen den.

6.1. Oposizioa 2005eko urrian hasiko da. Onartu eta baztertuen behin betiko zerrenda onesten duen ebazpenean berean finkatuko dira lehenbiziko proba hasteko tokia, eguna eta ordua.

Ondoren, epaimahaiak jendaurrean jarriko ditu gainerako proben iragarkiak, betiere erregelamenduaren arabera.

6.2. Ondoko ariketak egin beharko dira oposizioaldian:

Lehenbizikoa: ariketa idatzia, gehienez ere sei ordutan egin beharko dena, honako gai hauei buruzkoa: Zuzenbide Zibila, Nafarroakoa eta Orokorra (II. eranskineko 1. multzoa), Merkataritza, Finantza, Zigor eta Lan Zuzenbideko gai bat (II. eranskineko 2. multzoa) eta Zuzenbide Prozesaleko gai bat (II. eranskineko 3. multzoa). Gaiak zozketaz erabakiko dira.

Bigarrena: ariketa idatzia, gehienez ere sei ordutan egin beharko dena, honako gai hauei buruzkoa: Konztituzio Zuzenbidea eta Europar Batasunekoekoa (II. eranskineko 4. multzoa), Merkataritza, Finantza, Zigor eta Lan Zuzenbideko gai bat (II. eranskineko 5. multzoa) eta Foru Zuzenbide Publikoko gai bat (II. eranskineko 6. multzoa). Gaiak zozketaz erabakiko dira.

Hirugarrena: Idatziz eta 5 orduz gehienez ere, irizpen, txosten edota ebazpen-proposamen bat egin beharko da, Epaimahaiak ariketa hasterakoan planteatuko duen kasu praktiko bati buruz. Ariketa egiteko izangaiak legegintzako testuei buruzko liburu eta bilduma juridikoak baizik ez ditu erabili ahal izanen (iruzkin doktrinalik gabeak), eta horiekin batera Konstituzio Auzitegiaren eta Auzitegi Gorenaren Jurisprudentzia.

Laugarrena: Gehienez ere bost orduz, idatziz, idazki judizial bat egin behar da (demanda, demandaren erantzuna, ondorioak, etab.) ariketa hasi aurre-aurretik Epaimahaiak planteatutako kasu praktiko bati buruz. Aurreko ariketarako bezala, izangaiak egoki iruditzen zaizkion lege eta jurisprudentzia-testuak erabiltzeko aukera du, betiere Epaimahaiak baimena eman badio.

Bosgarrena: Bosgarren ariketa: Borondatezkoa. Gehienez ere 30 minutuz ahoz Epaimahaiari frogatu behar zaio euskaraz edo/eta oposiziogileak hautatutako atzerriko hizkuntzan irakurri eta itzultzeko duen maila egokia. Ariketa honetarako Epaimahaiak izan dezake berak izendatutako aholkulari espezialisten laguntza.

Hizkuntza hautatzeko idazki bat aurkeztuko da, datarekin eta sinaturik, deialdian parte hartzeko eskabidearekin batera.

6.3. Oposizioko ariketen balorazioan 85 puntu eman daitezke gehienez ere, honela banatuak deialdiko ariketa bakoitzarentzat:

_Lehenbizikoa: 20 puntu gehienez.

_Bigarrena 20 puntu gehienez.

_Hirugarrena: 20 puntu gehienez.

_Laugarrena: 20 puntu gehienez.

_Bosgarrena: 5 puntu gehienez.

6.4. Ariketak ekitaldi publikoan irakurriko ditu izangaiak Epaimahaiaren aurrean, eta epaimahaikideek zilegi izanen dute izangaiarekin, ariketa bakoitzaren irakurketaren ondoren, gehienez ere hamabost minutuko solasaldi bat egitea.

6.5. Oposizioko ariketak, bosgarrena izan ezik, baztertzaileak izanen dira. Bazterturik geldituko dira ariketa bakoitzean gehieneko puntuazioaren erdira iristen ez diren izangaiak.

6.6. Ariketa bakoitza amaitutakoan, Epaimahaiak jendaurrean jarriko du, Nafarroako Gobernuaren iragarki oholean, probak gainditu dituzten izangaien zerrenda beren kalifikazioekin.

6.7. Hautapen probak egiteko, ezgaitasun aitorturen bat dutenentzat bidezkoak diren denbora eta baliabide egokitzapenak eginen dira, eskabidean azaldutakoaren arabera.

7._Probak gainditu dituztenen zerrenda, izendapen proposamena eta agirien aurkezpena.

7.1. Oposizioko ariketak amaiturik, epaimahaiak jendaurrean jarriko du probak gainditu dituztenen zerrenda, erdietsitako puntuazio osoaren arabera. Gero, Funtzio Publikoaren zuzendari nagusiari igorriko dio, espediente osoarekin batera, probak puntuazio altuenarekin gainditu eta deialdiko lanpostuen kopuruan sartzen diren izangaien zerrenda eta haien aldeko izendapen proposamena. Proposamen hori Nafarroako ALDIZKARI OFIZIALean argitaratuko da.

Berdinketarik izanez gero, lehen ariketan puntuazio altuagoa erdietsi dutenen alde jokatuko da. Hori eginda, berdinketak oraindik jarraitzen badu, kontuan hartuko da ariketetan eskuratutako puntuazioa, haien ordenari jarraikiz.

7.2. Izendapen proposamena Nafarroako ALDIZKARI OFIZIALean argitaratu ondoko 30 egun naturaleko epean, eta bertan ageri diren izangaiek honako agiri hauek aurkeztu behar dituzte Funtzio Publikoaren Zuzendaritza Nagusian:

7.2.1 Nafarroako Foru Komunitateko Administrazioaren eta haren erakunde autonomoen zerbitzuko langile finko ez diren izangaiak:

a) Nortasun Agiri Nazionalaren 2 fotokopia konpultsatu.

b) Deialdiko 2. oinarrian eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, eskabideak aurkezteko epean titulua eskuratzeko moduan egoten dela frogatzen duen ziurtagiria.

c) Funtzio Publikoaren Zuzendaritza Nagusiko Laneko Arriskuei Aurrea hartzeko Atalak emandako txostena, interesatuak karguan aritzea eragotziko liokeen eritasun edo akats fisiko edo psikikorik ez duela frogatzeko.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

d) Eginkizun publikoetarako ezgaitua edo gabetua ez izatearen, eta inongo administrazio publikoren zerbitzutik berezi ez izanaren zinpeko aitorpena.

e) Zin egitea edo hitz ematea Nafarroako Foru Araubidea begiratu, Konstituzioari eta legeei men egin eta karguaren eginkizunak zintzo beteko dituela.

f) Funtzio Publikoaren Zuzendaritza Nagusiak eskatzen dizkion gainerako agiriak.

Deialdi hau egin ez duen Nafarroako beste Administrazio Publikoren bateko langile finkoek, gainera, gorabehera hori eta aurreko administrazioko espediente pertsonalean ageri diren inguruabar eta aurrekari guztiak frogatzen dituen ziurtagiria aurkeztu beharko dute, hots, sarrerari, antzinatasunari, mailari, egoera administratiboari eta abarrei buruzkoa.

7.2.2. Nafarroako Foru Komunitateko Administrazioaren edo haren erakunde autonomoen zerbitzuko langile finkoak diren izangaiak:

a) Deialdiko 2. oinarrian eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, eskabideak aurkezteko epean titulua eskuratzeko moduan egoten dela frogatzen duen ziurtagiria.

b) Nafarroako Foru Komunitateko Administrazioaren eta haren erakunde autonomoen zerbitzuko funtzionarioa izateko Funtzio Publikoaren Zuzendaritza Nagusiak eskatzen dituen agiriak, hala behar izanez gero.

7.2.3. Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunak emana.

7.3. Norbaitek agiri horiek goian adierazitako epean aurkezten ez baditu, behar bezala arrazoitutako ezinbesteko kasuetan izan ezik, ezin izanen dute izendatu edo kontratatu eta haren jarduketa guztiak deuseztatu eginen dira. Hori, dena dela, ez da eragozpen izanen eskabidean gezurra esateagatik izan lezakeen erantzukizuna eskatzeko.

7.4. Aurreko atalean azaldutakoa gertatuz gero, Funtzio Publikoaren zuzendari nagusiak hauta-probak gainditu dituztenen zerrendan, 7.1 atalekoan, hurrengo datorren izangaiarekin beteko du hutsunea, eta harekin ere aurreko ataletako prozedura bera erabiliko da.

8._Izendapena eta jabetza hartzea.

8.1. Nafarroako Gobernuko Lehendakaritza, Justizia eta Barne kontseilariak, foru agindu baten bitartez, aholkulari juridiko izendatuko ditu aurreko oinarrietan ezarritakoa betetzen duten izangaiak.

8.2. Izendapen hori Nafarroako ALDIZKARI OFIZIALean argitaratuko da.

8.3. Izendatutako izangaiek hilabeteko epean hartu beharko dute lanpostuaren jabetza Funtzio Publikoaren Zuzendaritza Nagusiko Langileriaren Erregistro Orokorrean, izendapena jakinarazten denetik aurrera.

Epe horretan, eta ezinbesteko kasu ongi justifikatuak salbu, jabetza hartzen ez badute, Foru Komunitatearen Administrazioko funtzionario izateko eskubide guztiak galduko dituzte.

8.4. Izangairen bat funtzionario bihurtu eta lanpostuan batere aritu gabe zuzenean eta berak eskatuta borondatezko eszedentzia ematen bazaio jabetza hartzearen egunetik bertatik, data horretan beste Administrazio Publiko batean ari delako, kasuko lanpostu hutsa ere beteko da deialdiko 7.4. atalak agintzen duen moduan.

9._Errekurtsoak.

Deialdi honen aurka, oinarri eta egintzen aurka, gora jotzeko errekurtsoa paratzen ahal da, Nafarroako Gobernuari zuzendua, hilabeteko epean, errekurtsoaren xede den egintza argitaratu edo jakinarazi eta biharamunetik aurrera, Administrazio Publikoen Araubide Juridikoari eta Guztiendako Administrazio Prozedurari buruzko azaroaren 26ko 30/1992 Legearen 114. eta 115. artikuluetan eta lege hura aldatzen duen urtarrilaren 13ko 4/1999 Legean xedaturikoarekin bat.

Iruñean, 2004ko abuztuaren 31n._Funtzio Publikoaren zuzendari nagusia, Alberto Andérez González.

I. ERANSKINA

Eskabide eredua

Izena: ..........................................., adinez nagusia. Nortasun Agiri Nazionala (edo balio bereko beste agiriren bat): ................... Sorteguna: .............................................. Sorterria: ................................................. (....................................). Nazionalitatea: ......................................... Helbidea: ......................... (kalea, zenbakia), ............. herria, ............. probintzia, ............... posta kodea, eta ..... telefonoa (........... laneko telefonoa) duena,

Zure aurrean agertu eta adierazten du:

Nafarroako Foru Komunitateko Administrazioaren zerbitzuko .............. izateko .............. lanpostu ................... bidez betetzeko deialdian ondoko txandan parte hartzeko onar dezatela eskatzen duela (deialdia .............. Nafarroako ALDIZKARI OFIZIALean argitaratu zen, .........(e)an):

f Txanda irekia

f Igoera txanda*

f Ezgaituentzako txanda murriztua*

Karguan aritzea galarazten dion eritasun edo akats fisiko edo psikikorik ez duela.

Indarra duten xedapenetan ezarritako ezintasunik ez duela.

Ez dela diziplina-espediente bidez inongo administrazio publikoren zerbitzutik bereizia izan eta ez dela desgaitua eginkizun publikoak betetzeko.

Deialdian eskatzen den titulazioaren jabe dela.

Azterketa eskubideak ordaindu dituela deialdian ezarritako moduan eta horren gordekina erantsi duela, edo erantsitako agirien bidez frogatzen duela tasa ordaintzetik salbuetsita dagoela.

Eskabideak aurkezteko epea bukatzen den egunean baldintza guztiak betetzen dituela.

f Ezgaitasuna duela eta, beraz, azaltzen den egokitzapena eskatzen dudala, adierazten diren arrazoiengatik. (Beste orri batean azaltzen dira eskatutako egokitzapenak eta horien zergatikoa).

f Ezgaitua dela frogatzen duen agiria aurkezten duela, erakunde eskudun batek emana.

f Euskararen gaitasunaren agiria edo ofizialki baliokidea den beste titulu bat aurkezten duela*

f Euskara maila neurtzeko proba egitea eskatzen duela*

Horrenbestez,

Nafarroako Foru Komunitateko Administrazioaren zerbitzuko ......... izateko .... lanpostu ............ bidez betetzeko deialdian onar dezaten eskatzen du.

Iruñean,........(e)ko .........................aren ...............(e)an

(Sinadura)

NAFARROAKO GOBERNUA. LEHENDAKARITZA, JUSTIZIA ETA BARNE DEPARTAMENTUA.

(*) Bidezkoa denean bakarrik.

II. ERANSKINA

Gai zerrenda

1. MULTZOA

Zuzenbide zibila, nafarra eta orokorra

1._Zuzenbide kontzeptua. Zuzenbide objektiboa: zuzenbide naturala eta zuzenbide positiboa; zuzenbide publikoa eta zuzenbide pribatua. Beste sailkapen batzuk.

2._Arau juridikoa: zer den. Arauaren ezaugarriak eta egitura. Arau juridikoen sailkapenak. Legeria: horren balio gorenak.

3._Espainiako zuzenbide zibila: bilakaera eta gaurko edukia. Nafarroako zuzenbide zibila. Foru zuzenbide zibila zuzenbide arrunt gisa.

4._Konstituzioaren 149.1.8. artikulua eta Estatuaren eskumenak eta autonomia-erkidegoenak arlo zibilean. Kode zibila: prestakuntza; edukia; aplikazio eremua, zuzenekoa eta ordezkoa; iturrien sistema. Bizkaia eta Arabako, Kataluniako, Baleareetako, Aragoi eta Galiziako foru bildumen aipamena.

5._Nafarroako Foru Komunitateak Zuzenbide zibilaren arloan duen eskumena: Foru Eraentza Berrezarri eta Hobetzeari buruzko Lege Organikoaren 48. artikulua.

6._Foru Zuzenbide Zibilaren Bilduma edo Nafarroako Foru Berria. Elaborazioa. Jatorriz zer zen eta gaur zer den: 1978ko Konstituzioaren eta Nafarroako Foru Eraentza Berrezarri eta Hobetzeari buruzko Lege Organikoaren eragina Foru Berrian. Plana eta gaien banaketa. Iritzi kritikoa. Foru Berriaren erreformak.

7._Nafarroako Zuzenbide zibilaren iturriak. Libertate zibilaren printzipioa: "paramiento fuero vienze".

8._Ohitura zuzenbide zibil nafarrean. Aplikazio esparrua. Kontzeptua eta beharkizunak. Elementuak. Ohitura motak. Ohituraren froga. Erabilera soilen balioa zuzenbide zibil nafarrean.

9._Lege zibil forala: kontzeptua eta motak. Nafarroako zuzenbidearen printzipio orokorrak: kontzeptua; printzipioen formulazioa eta funtzioak.

10._Tradizio juridiko nafarra: zuzenbide zibil foralaren arauak interpretatu eta osatzeko duen balioa. Tradizio juridiko nafarra osatzen duten testu historikoak. Nafarroako Zuzenbide historikoaren indarraldiaren arazoa.

11._. Foru arau zibilen aplikazioa. Analogia: kontzeptua eta motak; zuzenbide nafarrean duten funtzio osatzailea.

12._Ordezko zuzenbidea: muga-zehazte objektiboa eta aplikazio eremua. Jatorriz estatuarenak diren foru arauak: Zuzenbide orokorraren ohiko aplikazioa eta legegintzako igorpen estatikoak.

13._Jurisprudentzia: Auzitegi Gorenaren eta Nafarroako Auzitegi Nagusiaren doktrinen balioa. Konstituzio Auzitegiaren doktrina eta haren epaien balioa.

14._Foru arauen eragina denbora aldetik. Foru arauen indarraldiaren hasiera eta bukaera. Foru arauen aplikazioan gertatzen den preklusio edo baztertzea. Ez-erabilera. Zuzenbide denborartekoa edo iragankorra: arau zibil foralen atzeraeraginezaren printzipioa. Foru Berriaren xedapen iragankorrak.

15._Foru arauen eraginkortasuna espazioaren ikuspegitik. Eskualdearteko zuzenbidea: gatazka-arauak.

16._Nafar izaera zibil forala. Kontzeptua eta ondorioak. Eskuratzea, mantentzea, galtzea eta berreskuratzea. Pertsona juridikoen foru izaera zibil nafarra.

17._Pertsona fisikoa eta haren ahalmena: funtsezko kontzeptuak. Adin nagusitasuna. Adingabetasuna eta pubertaroa. Emantzipazioa. Eroen jarduteko gaitasuna: gaitasungabetzea. Jarduteko gaitasunean eragina duten beste gertaera batzuk.

18. _Pertsona juridikoak. kontzeptua eta motak. Pertsona juridikoen ahalmena. Bizilekua.

19._Nafarroaren eskumena elkarte eta sozietateen arloan. Elkarteen araubide juridikoa. Sozietate kooperatiboak.

20._Fundazioak: kontzeptua eta historia. Nafarroaren eskumena fundazioen arloan. Zuzenbide nafarreko fundazioen funtsezko ezaugarriak. Fundazioaren eratzea. Sailkapena eta interes sozialeko deklarazioa zerga-ondorioetarako. Organoak: patronatua eta babesletza.

21._Nortasun juridikorik gabeko entitateak eta subjektu kolektiboak. Etxea. Sozietateak eta nortasunik gabeko batasunak.

22._Eskubideen baliatzea eta bere mugak. Kanpoko mugak: kolisioa edo eskubideen konkurrentzia. Barneko mugak: eskubide baliatuaren izaera bera; fede ona eta ohitura zuzenak; "ius usus inocui" delakoa; legezko debekuak. Eskubide-abusua.

23._Zuzenbideen iraungipena. Ukoa. Erabilerarik eza. Iraungipeneko preskripzioa. Iraungitzea.

24._Borondate azalpena Zuzenbide nafarrean. Forma. Isiltasuna borondate azalpen gisa. Borondate azalpenaren balio eza eta eraginkortasun eza: deuseztasuna, deuseztagarritasuna, deuseztapena. Borondate azalpenaren akatsak. Simulazioa eta hirugarrenei egindako iruzurra.

25. Ordezkaritza: kontzeptua eta motak. Borondatezko ordezkaritza. Ahalmena: errebokagarritasuna eta berrespena. Legezko ordezkaritza.

26._Legegintza-eskumena ezkontza arloan. Espainiako ezkontza-sistema. Ezkontza zibilaren beharkizunak eta gauzatzeko modua. Pertsonaren gaineko ondorioak. Deuseztasuna, banantzea eta dibortzioa: kausak eta ondorioak. Kausak eta ondorioak. Uztailaren 3ko 6/2000 Foru Legea, Bikote egonkorrentzako berdintasun juridikoari buruzkoa.

27._Guraso agintea eta filiazioa. Adopzioa eta umeordetzea.

28._Famili ondarea Nafarroan. Ezkontzako hitzarmenak. Konkista-sozietatea. "Propter nuptias" dohaintzak. Ezkonsaria eta erresak. Famili komunitateak. Etxearen babespea eta zuzkidurak. Ugazabak.

29._"Inter vivos" eta "mortis causa" dohaintzak.

30._Ondorengotza itun edo hitzarmenak. Testamentua eta bere formak. Ermandadeko testamentua, kodiziloa eta testamentu-memoriak. "Mortis causa" xedapenen deuseztasun eta eraginkortasun eza.

31._Oinordekoaren instituzioa. Ordezpenak: arrunta, fideikomisozkoa eta hondarrekoa. Legatua.

32._Erabiltzeko askatasunaren mugak. Fideltasunezko usufruktu legala. Foru senipartea. Aurreko ezkontzako seme-alaben eskubideak. Aita berrezkonduaren erreserba. Ondasunen itzulketa.

33._Fiduziario-komisarioak. Konfiantzako oinordekoak. Albazeak. Konfiantzako oinordekoak. Albazeak

34._Legezko oinordetza, oinetxekoak ez diren ondasunetan eta oinetxekoetan. Nafarroako Foru Komunitatea legezko oinordeko gisa: araubide zibil eta administratiboa.

35._Lan arloko Zuzenbidea. Ordezkaritza-eskubidea. Gehiagotzeko eskubidea. Herentziaren eta beste liberalitate batzuen eskuratze eta ukoa. Herentzia eskatzeko akzioa. Herentzia-lagapena. Banaketa.

36._Jabetza eta edukitza. Jabetzaren mugak zuzenbide nafarrean.

37._Ondasun eta eskubideen erkidegoak. Pro indiviso erkidegoa. Erkidego bereziak. Eskortak, fazeriak, iratzeak, kontzeju-jabaria eta kanpoko auzotartasunak.

38._Zortasunak zuzenbide nafarrean. Gozamena. Biztantze, erabiltze eta horien antzeko eskubideak.

39._Lurrazal-eskubidea. Atzera-eskuratzea eta lehentasunezko eskurapeneko beste zenbait eskubide. Atzera-eskuratze grazia bidezkoa eta jentilizioa. Aukera, eroslehentasuna eta atzera-eskuratze borondatezkoa.

40._Berme errealak Nafarroako Foru Berrian. Berme fiduziarioa eta erresa bidezkoa. Bahia, antikresia, atxikitzeko eskubidea eta berme-gordailua. Xedatzeko debekuak. Salmenta, jabari-erreserbarako ituna duena. Salmenta, komisio-itunarekin egina.Salmenta, atzera erosteko itunarekin egina.

41._Hipoteka-eskubide erreala: Kontzeptua, ezaugarriak eta motak. Gaitasun eta forma beharkizunak. Ondasun hipotekagarriak eta hipotekaezinak. Hipotekaren irismena finka hipotekatuari buruz eta bermatzen dituen obligazioei buruz. Kreditu hipotekarioen lagapena.

42._Legezko hipotekak, haien eratzea, ondorioak eta mota nagusiak. Hipoteka mobiliarioa eta lekualdatzerik gabeko bahia.

43._Hipotekaren ondorioak. Akzio erreala eta pertsonala exekuzio hipotekarioan. Kreditu hipotekarioaren eraginkortasunerako prozedurak: exekuzio hipotekarioaren aipamen berezia. Hipoteken amaitzea.

44._Higiezin arloko zuzenbide erregistrala. Jabetzaren Erregistroa. Erregistroko liburuak: bertan egiten diren idazpenak, haien motak eta formalitate erkideak. Erregistroaren publikotasun formala.

45._"Printzipio hipotekario" direlakoak. Inskripzioaren printzipioa: inskripzioen zirkunstantzia orokorrak. Erregistroko legitimazioaren printzipioa: ondorio funtsezkoak eta ondorio prozesalak. Lege hipotekarioaren 41. artikulua.

46._Erregistroaren fede publikoaren printzipioa. Beharkizunak. Lege hipotekarioko 34. artikuluaren azterketa. Salbuespenak. Inskripzioaren ondorioak egintza eta kontratu baliogabeetan. Lehentasunaren printzipioa. Lege hipotekarioaren 17. artikulua. Aurkezpen idazpena.

47._Edukitza eta Erregistroa. Preskripzioa eta Erregistroa. Segidako traktuaren printzipioa. Legezkotasun printzipioa. Erregistroko kalifikazioa: horren aurkako errekurtsoak.

48._Espezialitate printzipioa. Finka Erregistroaren oinarri gisa. Eskubide inskribagarriak legeria indardunean. Inskribatu ezin daitezkeen eskubideak. Inskribatu beharrik ez dagoen eskubideak. Titulu inskribagarriak. Administrazio publikoen ondasunen inskripzioa: bereziki Nafarroako Foru Komunitateari eskualdatutako ondasunena. Nafarroako Parlamentuari eratxikitako ondasunen inskripzioa.

49._Mugen, kontzesio administratiboen eta nahitaezko desjabetzearen eta lurzatien berrantolamenduaren ondoriozko ondasunen aipamena. Zerga-premiamendu prozeduratik sortutako inskripzioa.

50._Prebentziozko ohar-idazpena. Kontzeptua eta ondorio nagusiak. Motak. Demandakoen eta bahiturakoen azterketa berezia. Kantzelazio idazpena: erregistroko titularraren onarpenarekin duen zerikusia. Alboko oharra.

51._Erregistroaren eta errealitatearen arteko adostasuna. Immatrikulazioa. Jabetza espedienteak. Jabetza ziurtagiriak. Traktuaren jarraiera. Inmatrikulazio bikoitza.

52._Obligazioak Nafarroako Foru Berrian. Obligazioen iturri eta ondorioak, betetzea eta amaitzea.

53._Kalteagatiko desegitea. Kode zibilean aurreikusitako desegite suposamenduak: Nafarroan nola aplikatzen diren.

54._Arrazoirik gabe aberastea. Obligazioen lagapena.

55._Hizpaketak. Hitzemateak oro har. Bermea.

56._Maileguak. Zainpeketa zentsua.

57._Zaintzari buruzko kontratuak. Mandatu-kontratua eta negozioen kudeaketa.

58._Salerosketa. Atzera-eskuratzeko itunarekin egindako salmenta. Trukaketa.

59._Gauzen errentamendua Foru Berrian. Hiri-finken errentamendua legeria berezian: aplikazio eremua, oinarriak eta funtsezko arauak. Landa-finken errentamendua legeria berezian: arlo honetako funtsezko oinarriak. Jabetzako sarbidea.

60._Erantzukizun zibila, kontratuzkoa eta kontratuz kanpokoa. Kontsumitzaileen babesa eta fabrikatzailearen erantzukizuna.

2. MULTZOA

Merkataritza, Finantza, Zigor eta Lan Zuzenbidea

1._Merkataritza Zuzenbidea: kontzeptua eta edukia. kontzeptua eta edukia. Arlo honetako legegintza-ahalmena: Foru berriko "merkataritza arauak". Merkataritza-zuzenbidearen iturriak. Merkataritza Kodea. Merkataritzako egintzak. Merkataritzako gaiak. Segurtasun printzipioa merkataritza-trafikoan.

2._Merkataritza-enpresa: Haren osagaiak. Banakako merkataria: ahalmena eta debekuak. Merkataritzako kontabilitatea. Merkataritza-liburuen froga-indarra. Merkataritza Erregistroari buruzko ideia orokorra.

3._Sozietate zibila eta merkataritzako sozietatea. Merkataritza-sozietatea: kontzeptua, izaera eta motak. Eratzeko betebehar orokorrak. Sozietate irregularra. Bazkide bakarreko sozietatea. Sozietate erregular kolektiboa. Komanditako sozietatea. Erantzukizun mugatuko sozietatea: eratzea, administrazioa eta ordezkaritza.

4._Sozietate anonimoa: Sozietate anonimoa. Eratzeko moduak. Sozietatearen eskritura eta estatutuak. Ekarpenak. Akzioak eta obligazioak: motak eta jabeari ematen dizkioten eskubideak. Kapitalaren gehitze eta gutxitzea.

5._Sozietate anonimoaren organoak. Batzar Nagusia. Administratzaileak. Sozietate anonimoaren araubide ekonomikoa. Sozietatearen erabakien inpugnazioa. Eraldaketa, bategitea, desegitea eta likidazioa.

6._Kreditu entitateak: Kontzeptua eta funtzioa. Aurrezki kutxak. Elkarren bermeko sozietateak. Lan sozietate anonimoak. Sozietate kooperatiboak.

7._Kreditu tituluak: kontzeptua, ezaugarriak eta motak. Ganbio letra: jaulkipena eta forma. Endosua. Onarpena. Abala. Ordainketa. Protestoa. Ganbio akzioak. Txekea.

8._Merkataritza kontratuak. Merkataritza-komisioa. Merkataritzako salerosketa. "Leasing" eta "factoring" direlakoak. Kontu korronteko kontratua. Merkataritzako mailegu eta gordailua.

9._Garraio kontratua, banku kontratuak eta aseguru kontratua: modalitateak eta arauketa indarduna.

10._Konkurtsoari buruzko Legea. Konkurtso-deklarazioa. Konkurtso-administrazioa. Konkurtso-deklarazioaren ondorioak. Konkurtso-administrazioren txostena eta konkurtsoko masa aktiboa eta pasiboaren zehaztapena. Hitzarmen edo likidazio faseak. Konkurtsoaren kalifikazioa. Konkurtsoaren bukaera eta berrirekitzea.

11._Finantza zuzenbidea, haren edukia. Aurrekontuei buruzko Lege Orokorra, printzipio orokorrak. Ogasun Publikoaren pribilegioak. Ogasun Publikoaren araubidea. Eskubide ekonomikoak eta betebehar eskagarriak. Ogasun Publikoaren aldeko eta aurkako interesen araubidea. Kredituen preskripzioa.

12._Aurrekontua: kontzeptua, izaera eta motak. Espainiako aurrekontua, haren antolamendu juridikoaren iturriak, edukia eta egituraren oinarrizko printzipioak.

13._Gastu publikoa: gaiari buruzko printzipio konstituzionalak. Gastuetarako aurrekontu kredituen mugak. Gastu publikoaren exekuziorako prozedura. Dirulaguntzak, kontzeptua, izaera eta motak.

14._Dirusarrera publikoak: Sailkapena. Zor publikoa, motak eta araubide juridikoa.

15._Tributuak: kontzeptua, izaera eta motak. Zergari buruzko azterketa berezia: sailkapenak. Espainiako tributu sistema indarduna: egitura oinarrizkoa.

16._Espainiako tributu antolamenduaren printzipio orokorrak, eta bereziki Konstituzioan jasota daudenak. Tributu arauak. Tributu harreman juridikoa: kontzeptua, elementuak. Zergapeko egintza. Subjektu pasiboa eta erantzuleak.

17._Zerga-oinarria: kontzeptua eta zehaztapen-araubideak. Balioen egiaztapena. Likidazio oinarria. Karga-tasa. Tributu-zorra. Ordainketa eta beste iraungipen forma batzuk. Tributu-kredituaren bermeak.

18._Tributu arloko arau-hauste eta zehapenak. Tributuen kudeaketa: prozedura. Likidazioak eta norberaren likidazioak.

19._Ikuskapen prozedura. Tributuen bilketa: borondatezko epeko prozedura eta premiamendu bidezkoa.

20._Egintzaren berrikuspena bide administratiboan. Prozedura bereziak. Berraztertzeko errekurtsoa. Prozedura ekonomiko-administratiboa. Nafarroako Auzitegi Ekonomiko-administratiboa.

21._Zuzeneko zergak. Pertsona Fisikoen Errentaren gaineko Zerga.

22._Ondarearen gaineko Zerga: Sozietateen gaineko zerga.

23._Zeharreko zergak. Balio erantsiaren gaineko zerga. Ondare-eskualdaketen gaineko zergarekiko koordinazioa. BEZa administrazioarekiko kontratuetan.

24._Ondare-eskualdaketen eta egintza juridiko dokumentatuen gaineko zerga.

25._Ondare-eskualdaketen gaineko Zerga.

26._Autonomia-erkidegoen finantzaketa. Finantzaketaren Lege Organikoaren printzipioak. Baliabide arruntak. Ondarearen bidezko diru-sarrerak. Tributuen bidezko diru-sarrerak: bereziki aipatuko dira tasak eta haien araubidea.

27._Toki Ogasuna. Ondasun higiezinen gaineko eta jarduera ekonomikoen gaineko zergak.

28._Kontu Auzitegia, zer den, zereginak. Prozedurak. Araubide juridikoa eta Auzitegiaren ebazpenen ondorioak.

29._Kode penal indarduna. Printzipio bide-erakusleak. Sistematika. Lege penala denboran eta espazioan zehar eta haren atzera-eragina. Estradizioa.

30._Delitua. Kontzeptua. Osagaiak: ekintza, tipikotasuna, antijuridikotasuna. Dolua eta errua. Delitu motak. Intentzioz haraindiko delitua. Delitu masa.

31._Delitu-bizitza: probokazioa, proposamena eta konspirazioa. Delitu-saiaketa. Delitu hutsegina. Delitu burutua. Delitu-pilaketa: motak.

32._Inguruabar salbuesle, aringarri eta astungarriak. Zigorra: motak eta ondorioak.Erantzukizun penalaren amaiera.

33._Delitutik sortutako erantzukizun zibila: haren oinarria. Erantzukizuna duten pertsonak. Erantzukizun nagusia eta subsidiarioa. Erantzukizun zibilaren hedapena. Administrazio Publikoaren erantzukizuna. Erantzukizun zibilaren amaiera.

34._Pertsonen, sexu askatasunaren, intimitatearen, norberaren irudiaren, bizilekuaren bortxaezintasunaren eta ohorearen aurkako delituen ideia orokorra. Ondarearen, antolamendu sozioekonomikoaren eta langileen eskubideen aurkako delituen ideia orokorra.

35._Administrazio publikoaren aurkako delituak: prebarikazioa. Lanpostu-abandonatzea eta delituak pertsegitu beharra saihestea. Desobedientzia eta laguntza-ukatzea. Agirizaintzako desleialtasuna eta sekretu-haustea. Funtzionario-eroskeria. Eragin-salerosketa. Bidegabeko erabilera. Iruzurrak eta legez kanpoko ordainarazpenak. Negoziazioak eta funtzionario publikoek debekatuak dituzten jarduerak eta funtzionarioaren jarduneko gehiegikeriak.

36._Ogasun Publikoaren eta Gizarte Segurantzaren aurkako delituak. Faltsukeria-delituak. Lurraldearen antolamenduari, ondare historikoari eta ingurumenari buruzko delituen ideia orokorra.

37._Justizi administrazioaren aurkako delituak. Konstituzioaren aurkako delituak eta Nazioarteko Erkidegoaren aurkakoak.

38._Zuhurtziagabekeria zigorgarria. Hutsegiteak. Administrazio zehapenen eta penalen bateragarritasunaren arazoa.

39._Lan Zuzenbidea. Printzipio bide-erakusleak. Iturriak. Langileen Estatutua: eremua eta edukia.

40._Autonomia-erkidegoen araugintzarako ahalmena. Lan ordenantzak. Hitzarmen kolektiboa: kontzeptua, eraginkortasuna eta motak. Nazioarteko lan araua. Lan arauen aplikazioa: antolamendu printzipioak. Legearen eta hitzarmen kolektiboaren arteko harremana: estatuaren arauen eta arau konbentzionalen arteko kolisioa eta konkurrentzia. Aukera onuragarrienaren printzipioa. Eskubideen utziezintasuna eta lan arauen lurraldetasuna.

41._Lan kontratua: kontzeptua, xedea, kausa. Gauzatzea. Forma. Froga. Modalitateak.

42._Lan kontratutik eratorritako eskubide eta betebeharrak. Langilearen funtsezko eskubideak. Lanbide-kategoria. Lan prestazioari atxikitako betebeharrak: obeditzea, maraztasuna eta fede ona. Lanaldia: lanaldi arrunta eta lanaldi bereziak. Lanaldi partzialeko kontratua eta txanda-kontratua. Aparteko orduak. Lan ordutegia. Asteko eta jaietako atsedenaldia. Urteko oporrak.

43._Soldata: kontzeptua, egitura eta modalitateak. Lanbidearteko gutxieneko soldada. Soldaten xurgapen eta konpentsazioa. Soldata-kredituaren bermeak. Soldatak Bermatzeko Fondoa. Lan kontratuaren aldaketak: arrazoiak. Jarraipena enpresaren titulartasunean. Mugigarritasun geografikoa. Lan kontratuaren etendura.

44._Lan kontratuaren amaiera. Lan kontratuaren amaiera konbentzionala. Langilearen heriotza eta ezgaitasunagatiko amaiera. Enpresaburuaren heriotza, erretiro eta ezgaitasuna eta nortasun juridikoaren amaiera. Langilearen borondateagatiko amaiera. Kausa objektiboengatiko amaiera. Diziplinako iraizpena. Iraizpen kolektiboa. Lan kontratutik sortutako akzioen preskripzioa eta iraungipena.

45._Arau-hausteak eta zehapenak gizarte arloan. Laneko arriskuei aurrea hartzea.

46._Langileen ordezkaritza kolektiborako eta biltzeko eskubideak: bereziki aipatu eskubide horien legeria arau-emailea Administrazio publikoetan. Sindikatuetan elkartzeko eskubidea. Askatasun Sindikalari buruzko Lege Organikoa. Gatazka kolektiboak. Greben eta funtsezko zerbitzuen araubidea.

47._Gizarte Segurantza. Araubide orokorra. Prozedura bereziei buruzko aipamena. Funtzionario Publikoen Gizarte Segurantza. Langabezia arloko araubidea.

3. MULTZOA

Zuzenbide Prozesala

1._Prozesua: izaera eta funtsa. Konstituzioak jasotzen dituen printzipio prozesalak. Auzitegien babes benetakorako eskubidea: Konstituzioaren 24. artikulua eta bere garapena Konstituzio Auzitegiaren jurisprudentzian.

2._Botere Judizialaren Lege Organikoa. Jurisdikzioaren esparrua eta mugak. Banaketa eta lurralde antolamendua. Gatazkak eta eskumen gorabeherak. Jurisdikzio organoen osaera. Karrera Judiziala. Ministerio fiskala.

3._Epaitegi eta auzitegien araubidea: abstentzioa eta ezespena. Jarduketa judizialak: betebeharrak. Egintza judizialen deuseztasuna. Jurisdikzioen arteko elkarlana.

4._Prozesu zibila. Auzitaratze Zibilaren Legea. Eskumena: hori zehazteko arauak. Administrazio publikoen lurralde eskumena. Menpekotasuna eta lotura: ekumenaren aldarazleak.

5._Aldeak prozesu zibilean; aldeen kokapen juridikoa. Alde izateko gaitasuna eta gaitasun prozesala. Legitimazio prozesala. Jarraiera prozesala. Aldeen absentzia: auzi-ihesa prozesu zibilean. Aldeen aniztasuna litiskontsortzioa: motak eta araubide juridikoa. Esku-hartze prozesala; hirugarrentasunaren teoria orokorra. Esku-hartze eragina edo nahitaezkoa: kasu nagusiak. Atxikimenduzko esku-hartzea.

6._Auziaren xedea: akzioa, uzia eta demanda. Akzio motak. Uzi aniztasuna: akzio eta prozesu pilaketa. Demandaren hedapena. Kontrakereila. Zenbatekoaren zehaztapena.

7._Auziko gertaerak eta egintzak. Prozesuaren argiketa. Epaiketen prestaketa-egintzak; Auziratze Zibilaren Legean ezarritako atariko eginbideak. Ustekabeko kontuak; kasuak; horiek tramitatzeko prozedurak. Prozesu zibilaren hasierako egintzak: demanda; ondorioak.

8._Prozesu zibilaren garapen-egintzak. Froga; xedea eta balorazioa. Frogatu beharraren karga. Frogaren arloko xedapen orokorrak. Frogabideak. Froga dokumentala: kontzeptua eta dokumentu motak. Froga-balioa. Dokumentuen aurkezpena eta frogaren gauzatzea. Adituen irizpena. Epaile-errekonozimendua. Aldeen itaunketa. Administrazio Publikoetan erabiltzeko bide bereziak. Presuntzioak.

9._Epaia. Epaiaren ondorio juridikoak: gauza epaitu formala eta gauza epaitu materiala. Prozesua amaitzeko beste modu batzuk: ukoa, auzi-uztea, makurtzea, transakzioa, auziz kanpoko satisfakzioa eta xedea gerora desagertzea. Etendura eta iraungipena. Auziaren ondorio ekonomikoak: kostuak. Kostuak ezartzeko irizpideak. Kostuen tasazioa. Kostuak eta erakunde publikoak. Dohainikako laguntza juridikoa.

10._Deklaraziozko prozesu arruntak. Epaiketa arrunta. Ahozko epaiketak.

11._Prozesu bereziak. Ahalmen, filiazio, ezkontza eta adingabeei buruzko prozesuak. Jaraunspenaren banaketa-judiziala. Ohartarazpen-auzia eta ganbio-auzia.

12._Nahitaezko exekuzioa: titulu exekutiboak. Dirutako exekuzioa: ordainketa-errekerimendua eta bahikuntza. Jabetzako eta zuzenbide hobeko hirugarrengotzak

13._Premiamendu prozedura. Diruzkoa ez den exekuzioa. Administrazio publikoak kondenatuak diren epaien exekuzioa.

14._Prozesurik eza. Arbitrajea. Prozesuaren seguramendua: Zuhurtasunezko neurriak. Behin-behineko betearazpena.

15._Prozesuaren inpugnazioa. Errekurtso motak. Berraztertzeko errekurtsoa. Apelazio errekurtsoa. Prozesuko arau-hausteagatiko aparteko errekurtsoa. Betebeharrak: aurka egiten zaien erabakiak; zioak. Epaiaren prozedura eta ondorioak.

16._Kasazio errekurtsoa: Kontzeptua eta helburua. Betebeharrak: aurka egiten zaien erabakiak; zioak. Epaiaren prozedura eta ondorioak. Legearen aldeko errekurtsoak.

17._Kexu errekurtsoa. Epai irmoen berrikuspena Prozedura Zibilaren Legean. Auzi-iheslari demandatuaren esku diren errekurtsoak.

18._Borondatezko jurisdikzioa: Kontzeptua eta izaera. Printzipio orokorrak. Borondatezko jurisdikzioko egintzen sailkapena.

19._Prozesu zibila. Prozedura Kriminaleko Legea. Aldeak prozesu penalean. Auzi-ihesa prozesu penalean.

20._Prozesu penalean eskumena finkatzeko irizpide eta arauak. Epaiketa aurreko arazoak. Prozesu penalari hasiera emateko moduak: salaketa, kereila eta ofiziozko hasiera.

21._Sumarioa: xedea eta eginbide nagusiak. Prozesatzeko autoa eta haren aurkako errekurtsoak. Auzi-uztea edo ahozko epaiketara igortzeko bitarteko aldia. Kalifikazioak. Ahozko epaiketa.

22._Zinpekoen bitartezko epaiketa. Zenbait delitutarako prozedura laburtua. Hutsegiteagatiko judizioak. "Epaiketa laburrak" direlakoak.

23._Kasazioa arlo penalean; haren formak. Errekurtsoen prestaketa, aurkezpena, substantziazio eta erabakia. Berrikuspena arlo penalean; noiz den bidezkoa eta horretarako prozedura. Exekuzio penala.

24._Administrazioarekiko auzia. Administrazioarekiko Auzien Jurisdikzioaren Legea. Jurisdikzio horren izaera, hedadura eta mugak. Administrazio publikoaren kontzeptua ondorio hauetarako. Jurisdikzio horren ardurapeko gaiak eta arduraz kanpokoak.

25._Administrazioarekiko auzien jurisdikzioaren organoak. Bakoitzaren eskumenak finkatzen dituzten arauak.

26._Aldeak: ahalmena eta legitimazioa; aldeen ordezkaritza eta defentsa. Administrazioarekiko auzi-errekurtsoaren xedea. Administrazioaren jardueran inpugnagarria: administrazio jarduera inpugnagarria. Aldeen eskaerak. Pilaketa. Errekurtsoaren zenbatekoa.

27._Administrazioarekiko auzien prozedura (I). Epeak. Zuhurtasunezko neurriak. Lehen auzialdiko edo auzialdi bakarreko auzia: atariko eginbideak; kaltegarritzat deklaratzea. Errekurtsoa jartzea. Errekurtsoaren aldarrikapena eta espedientearen eskaera. Epatzea eta pertsonatzea.

28._Administrazioarekiko auzien prozedura (I). Demanda eta erantzuna. Agirien ekarpena. Administrazio espedientea osatzeko tramitea. Aldez aurreko alegazioak. Froga. Bista eta ondorioak: gai berrien planteamendua. Epaia: edukia. Prozedura amaitzeko beste modu batzuk. Auzi kostuak.

29._Legezkontrakotasunaren arazoa. Prozedura laburtua. Administrazioak berak erabakiak aldez aurretik etenda uzten ditueneko prozedura. Hauteskundeei buruzko auzia. Pertsonaren funtsezko eskubideak babesteko auzia.

30._Probidentzia eta autoen aurkako errekurtsoak. Apelazioko errekurtsoaKasazioko errekurtsoa. Zein erabakiren aurka jotzen duten eta errekurtsoaren zioak. Prozedura. Epaiaren edukia eta ondorioak.

31._Doktrina batzeko eta legearen intereseko kasazio errekurtsoak. Berrikuspeneko errekurtsoa. Epaiak betearaztea: haien etendura eta ez betearaztea; ondorioen hedadura. Egintza prozesaletako gorabeherak eta balioeza.

32._Lan prozedura. Izaera eta oinarriak. Espainiako legeriaren sistema. Jurisdikzio organoak. Eskumena.

33._Epaiketan agertzea, ordezkaritza eta defentsa. Prestakuntzako egintzak eta aurreneurriak. Nahitaezko adiskidetzea. Auzibidera jo aurreko erreklamazioa. Aurreko erreklamazioak Gizarte Segurantzaren arloan.

34._Lan prozedura ohikoa. Tramitazioa.

35._Prozedura-modalitateak. Honako hauen azterketa: iraizpenak eta zehapenak; tramitazioko soldatak; ofiziozko prozedura; Soldaten Bermerako Fondoaren esku-hartzea; gatazka kolektiboak.

36._Inpugnazio bideak. Erregu-errekurtsoa. Kasazioko errekurtsoa. Kasazio errekurtsoa doktrina batzeko.

37._Epaien betearazpena: agindu orokorrak. Kasu bereziak. Behin-behineko betearazpena.

4. MULTZOA

Zuzenbide Konstituzionala eta Europar Batasunekoa

1._Zuzenbide Konstituzionala. Konstituzioa, edukia eta motak. Konstituzioa arau juridiko gisa. Botere konstituziogilea eta botere konstituituak. Konstituzio-erreforma.

2._Indarrean den Konstituzio espainola. Elaborazio prozesua. Eduki oinarrizkoa eta Konstituzioaren printzipioak. Konstituzionaltasunaren blokea. Nazio burujabetasuna. Botere banaketa. Ordezkaritza politikoa. Parte-hartze politikoa.

3._Estatua Konstituzioan. Zuzenbide estatua. Estatu soziala. Estatu demokratikoa. Estatu anizkorra. Estatu forma: nazioa, nazionalitateak, eskualdeak.

4._Koroa. Erregearen kokapena Konstituzioaren arabera. Erregearen botereak. Erregea eta Gobernua. Erregea eta Korteak. Berronespena. Oinordekotasun lerroa. Erregentzia.

5._Demokrazia ordezkatzailearen teknikak. Hauteskunde sistemak. Espainiako hauteskunde-sistema. Hauteskunde auzia.

6._Espainiako hauteskunde-sistema. Hautespen ahalmen aktiboa eta pasiboa. Hauteskunde administrazioa. Hauteskunde deia. Hauteskunde kanpaina. Hauteskunde sistema, Kongresurako eta Senaturako. Hauteskunde prozedura.

7._Demokrazia zuzenaren teknikak. Herri ekimena eta erreferenduma Espainiako Konstituzio Zuzenbidean.

8._Estatuaren eta autonomia erkidegoen legegintza ahalmena. Esparru-legeak eta armonizatzeko legeak.

9._Gobernua: osaera, egitura eta eginkizunak. Gobernuko Lehendakariaren figura.

10._Inbestiduraren prozedura. Gobernu krisia. Zentsura-mozioa eta konfiantzako arazoa.

11._Botere Judiziala. Botere Judizialaren Kontseilu Nagusia. Justiziaren printzipio konstituzionalak. Zinpekoen epaimahaia.

12._Eskubide funtsezkoak eta askatasun publikoak. Sailkapena. Norberaren askatasuna eta bizilekuaren eta postaren bortxaezintasuna. Bizitza, osotasun, ohore eta norberaren irudirako eskubideak. Pentsamendu eta adierazpen eskubideak. Erlijio eta irakaskuntza askatasunak.

13._Biltzeko eskubidea. Elkartzeko eskubidea. Alderdi politikoak. Sindikatzeko eskubidea. Lanerako eskubidea. Greba-eskubidea. Beste eskubide konstituzional batzuk.

14._Betebehar konstituzionalak. Leialtasunezko betebeharrak. Prestazio betebeharrak. Eskubide konstituzionalen sustapen politikoa eta babes juridikoa. Arartekoa. Eskubideen etendura. Arartekoa. Ordainketa etendura:

15._Konstituzioaren defentsa juridikoa. Auzitegi Konstituzionala. Osaera, izaera eta eginkizunak. Prozedurari buruzko xedapen erkideak. Hasiera, garapen eta bukaera egintzei buruzko erregelak.

16._Inkonstituzionaltasun deklarazio prozedurak. Inkonstituzionaltasun errekurtsoa. Inkonstituzionaltasun arazoa. Epaien ondorioak. Babes errekurtsoa Zein kasutan den bidezko. Prozedura eta epaia, ondorioak.

17._Gatazka konstituzionalak: estatuaren organo konstituzionalak, estatuaren eta autonomi erkidegoen artekoak edo autonomia-erkidegoen beren artekoak. Gatazka positibo eta negatiboak, haien prozedura. Autonomia-erkidegoen egintza eta ebazpenen inpugnazioa. Toki-autonomia babesteko gatazka.

18._Zentralismo espainola eta alternatiba historikoak. Europako joerak. Aurreautonomiak. Lurralde boterea Konstituzioan. Xedapen printzipioa.

19._Autonomia Erkidegoak. Estatu espainolaren izaera bere lurralde artikulazioaren ikuspegitik. Ekimen autonomikoa. Autonomia-erkidegoen sorrera, aldaketa eta deuseztea.

20._Autonomia-estatutuak. Izaera. Ezaugarriak. Edukia. Berrikuntzarako prozedura.

21._Eskumenen banaketa Estatuaren eta autonomia-erkidegoen artean. Konstituzioko 148 eta 149 artikuluetako zerrenden teknika orokorrak eta printzipioak. Hondar eskumenak. Eskumen partekatu eta esklusiboak. Konstituzio espainoleko 150. artikulua.

22._Legegintza-eskumenak, beharkizunak eta mugak. Estatuko ordenamenduaren eta erkidegoetakoen arteko loturak. Estatuko zuzenbidearen lehentasuna eta ordezkotasuna. Eskumen exekutiboak.

23._Erkidegoetako organoak. Haien eginkizun eta eskurantzak. Boterearen antolamendua autonomia-erkidegoetan

24._Botere zentralen esku-hartzea autonomia-erkidegoen esparruan.

25._Europar Batasuneko zuzenbidea: kontzeptua, ezaugarriak. Iturriak. Jatorrizko zuzenbidea eta zuzenbide eratorria. Tratatuak, Erregelamenduak. Zuzentarauak. Erabakiak. Beste zenbait iturri.

26._Europar Batasuneko legeria: aplikazioa eta barne legeriekin dituen loturak: eragin zuzena eta lehentasuna. Europar Batasuneko zuzenbidea eta Konstituzio espainola.

27._Europar Batasunaren antolamendua. Batzordea. Parlamentua. Kontseilua. Europar Batasuneko zuzenbidea eta eta autonomia-erkidegoen eskumenak: haien parte-hartzea erabakiak hartzean.

28._Europar Batasuneko askatasunak. Pertsonen, salgaien zerbitzuen eta kapitalen zirkulazio askatasuna. Lehiatzeko askatasuna. Europar Batasuneko zuzentarauak.

29._Europar Batasuneko Justizia Auzitegia: osaera eta eskumena. Prozedurak: motak eta tramitazioa. Epaien eragina eta betearazpena.

5. MULTZOA

Administrazio zuzenbidea

1._Administrazio publikoa. Administrazioaren jarduera. Administrazio zuzenbidea. Administrazio araubidea. Espainiako sistema. Administrazioaren zientzia.

2._Administrazio Zuzenbidearen iturburuak. Legea, lege motak. Lege organikoak eta arruntak. Legearen indarra duten gobernuaren xedapenak. Lege-dekretuak. Legegintzako Dekretuak. Lege erreserba, araugintza-hierarkia eta eskumen printzipioak.

3._Erregelamendua: kontzeptua eta motak. Prestakuntza-prozedurak. Erregelamendu-ahalmena eta legez kanpoko arautegien aurkako defentsa. Jarraibideak eta zirkularrak.

4._Pertsona juridiko-publikoak, tipologia orokorra. Estatuaren eta autonomi erkidegoen nortasun juridikoa.

5._Administrazio ahalmenak. Legezkotasunaren printzipioa eta haren agerpenak. Diskrezio-jarduera, mugak eta kontrolatzeko bideak. Agintearen desbiderapena. Kontzeptu juridiko zehaztugabeak.

6._Administrazioak Justiziarekin dituen harremanak: autobabesaren printzipioa. Administrazioaren posizio prozesala jurisdikzio desberdinen parte gisa. Gatazkak. Interdiktoak. Bahikuntzen pilaketa.

7._Administratua. Administratua. Gaitasun juridikoa eta jardutekoa. Eskubide publiko subjektiboak eta bidezko interesak. Askatasun publikoak. Egoera pasiboak, prestazioak. Administratuak Administrazioan duen parte-hartzea. Publikotasuna eta sekretu ofizialak.

8._Egintza administratiboa, kontzeptua, osagaiak, motak. Forma. Motibazioa. Eraginkortasuna: Exekutibotasuna, atzera-eragina, etendura.Administrazioaren isiltasuna. Nahitaezko betearazpena, bitartekoak. Egintzazko bidea.

9._Egintza administratiboen baliogabetasuna. Erabateko deuseztasuna. Deuseztagarritasuna. Egintza irregularrak. Baliokidetasuna, kontserbazioa eta bihurketa. Ofiziozko berrikuspena. Kaltegarritasuna. Errebokazioa.

10._Administrazio prozedura. Izaera eta xedeak. Legezko erregulazioa. Herritarren eskubideak. Baldintzak eta epeak. Prozeduraren hasiera, antolamendua eta instrukzioa; bereziki, froga. Interesatuen parte-hartzea. Interesatuen proposamenak.

11._Administrazio prozeduraren bukaera: ebazpena. Itundutako amaiera. Beste bukaera mota batzuk: atzera egitea, uko egitea eta iraungipena. Prozedura bereziak. Bide judizialera jo aurreko erreklamazioak. Zehapen ahalmenaren eta zehapen prozeduraren printzipioak.

12._Errekurtso administratiboak: kontzeptua, motak, printzipio orokorrak. "Reformatio in peius" delakoa. Berraztertze errekurtsoa eta gora jotzekoa. Berrikuspeneko errekurtsoa.

13._Administrazio publikoaren ondarezko erantzukizuna: araubide indarduna. Exekuzio aurrekontuak. Erantzukizunaren baldintzak. Erantzukizun ezaren kausak. Agintarien eta langileen erantzukizuna. Emakida-hartzailea eta kontratistek egintzengatik duten erantzukizuna.

14._Administrazio publikoen kontratuak: kontratu administratiboen eta zuzenbide pribatukoen arteko bereizketa-irizpideak; egintza banakagarriak. Estatuko legeria indarduna (I): aplikazio esparrua. Administrazio publikoen kontratuen xedapen erkideak. Kontratuak sinatzeko ahalmena duten organoak. Kontratisten gaitasuna eta kaudimena. Debekuak.

15._Administrazio Publikoen kontratuen arloan estatuak indarrean duen legeria (II): Zuzenbide publikoko prerrogatiba administrazioaren kontratuetan. Enpresaburuen eta kontratuen sailkapena eta erregistroa. Kontratu administratiboetan eskatzen ahal diren bermeak. Prestatzeko jarduketak. Esleipen prozedura eta formak. Burutzea eta formalizatzea. Kontratuen exekuzioa eta aldaketa. Iraungipena. Kontratuen lagapena eta azpikontratazioa.

16._Administrazio Publikoen kontratuen arloan estatuak indarrean duen legeria (III): organismo publikoen kontratazioa. Obra-kontratuaren araubide juridikoa: prestakuntzako jarduketak eta esleipen formak. Exekuzioa eta aldaketa. Iraungipena. Administrazioak berak egiten dituen obrak.

17._Administrazio Publikoen kontratuen arloan estatuak indarrean duen legeria (IV): zerbitzu publikoak kudeatzeko kontratuen araubidea. Hornidura-kontratuak. Kontsultoretza eta laguntzako kontratuak eta zerbitzuetakoak.

18._Polizia-jarduera, haren tresnak: lizentziak eta baimenak. Kontzesioak, izaera eta motak. Sustapen jarduera: baliabideak: dirulaguntzak, sariak.

19._Zerbitzu publikoa jarduera gisa, doktrina klasikoaren bilakaera. Zerbitzu publikoak kudeatzeko moduak. Administrazioak jarduera pribatuak bere gain hartzea: horretarako baliabideak.

20._Nahitaezko desjabetzea, araubide indarduna. Subjektuak. Xedea. Prozedura orokorra. Justiprezioa. Itzulketa. Desjabetzearen antzeko figurak: jabetzaren mugak, nahitaezko zortasunak, aldi bateko okupazioak, errekisak, desjabetze birtualak.

21._Jabari publikoa, kontzeptua, izaera eta motak. Elementuak: Osagaiak: subjektua, objektua eta xedea. Afektazioa, desafektazioa, aldaketa demanialak. Araubide juridikoa, besterenezintasuna, bahiezintasuna, preskribatuezina, mugaketa eta berreskurapena. Erabilpena: erabilera erkideak eta pribatiboa, baimenak eta kontzesioak. Erreserba demanialak.

22._Administrazio-antolaketa: kontzeptua, izaera eta organo motak, bereziki kide anitzekoak. Eskumena. Organoarteko harremanak: koordinazioa eta hierarkia. Dezentralizazioa eta deskontzentrazioa. Eginkizunak eskuordetzan ematea eta horiek bereganatzea. Kudeatzeko gomendioa.

23._Estatuaren antolamendu administratibo zentrala. Ministroen Kontseilua, batzorde delegatuak. Gobernuko presidentea eta presidenteordea. Zorro gabeko ministroak. Ministerioak. Estatuko administrazioaren goi organoak. Ertzaldeko administrazioa: Gobernuaren ordezkariak.

24._Espainiar Administrazioko organo aholku-emaileak. Organo aholku-emaile motak. Estatu Kontseilua. Bestelako organo aholku-emaileak.

25._Administrazio Publikoetan emandako zerbitzuak. Estatu Kontseilua. Autonomi erkidegoen zerbitzu juridikoak.

26._Nafarroako Toki Administrazioa. Kontzeptua eta bilakaera. Zer entitate sartzen diren. Toki araubidearen gaineko legeria. Ondasunak, jarduera eta zerbitzuak; kontratazioari buruzko arau oinarrizkoak eta toki funtzionarioak; funtzionamendu araubidea.

27._Probintzia. Antolakuntza eta eskumenak.

28_Udalerria. Antolakuntza eta eskumenak.

29._Erakundezko administrazioa. Erakunde motak. Korporazio publikoak. Elkargoak eta ganberak.

30._Erakunde autonomoak. Nortasun juridikorik gabeko kudeaketa-organoak. Enpresa publikoak.

31._Funtzio Publikoa. Funtzionario harreman juridikoaren izaera eta edukia. Espainian indarrean den legezko araubidea. Hautapena. Funtzionario izaeraren eskuratzea eta galera. Egoera administratiboak. Eskubideak, betebeharrak eta bateraezintasunak.

32._Osasun publikoa: eskumenen zehaztapena eta araubide indarduna. Jarduera gogaikarri, kaltegarri, osasungaitz eta arriskutsuak: eskumenen zehaztapena eta araubide indarduna. Laguntza eta gizarte ongizatea: eskumenen zehaztapena eta araubide indarduna.

33._Administrazioaren egintza ordena publikoaren arloan: eskumenen zehaztapena eta araubide indarduna. Hezkuntza-sistema: eskumenen zehaztapena eta araubide indarduna. Ikastetxeak. Irakasleak. Unibertsitateak. Araubide indarduna fundazioen arloan.

34._Nekazaritza: Eskumenen zehaztapena eta araubide indarduna. Administrazioaren egintza nagusiak lurren arloan. Lurzatien berrantolamendua. Ekoizpenaren erregulazioa eta nekazaritzako prezioak. Abeltzaintza: eskumenen zehaztapena eta araubide indarduna. Abelbideak.

35._Ingurumena: eskumenen zehaztapena. Naturaguneak. Ingurumenaren gaineko eraginaren ebaluazioa. Atmosferaren kutsadura. Oihanak, kontzeptua eta legezko sailkapena.

36._Urak: motak eta legeria indarduna. Kirol portuak. Lehorreko urak. Uren araubidea: ibai uharkak, ibai-bazterrak, mugak, legezko zortasunak, erabilera. Uraren antolamendu administratiboa. Arroko erakundeak.

37._Meatze eta hidrokarburoak: eskumenen mugaketa eta araubide juridikoaren ideia orokorra. Industria: eskumenen mugaketa eta araubide indarduna industrien instalazio, handitze eta lekualdatze arloan. Energia nuklearra. Jabetza industriala.

38._Merkataritzaren eta kontsumitzailearen babes eta defentsaren arloko eskumen mugaketa. Kanpo merkataritzaren eta atzerriko inbertsioen araubidearen aipamena. Barne merkataritza. Kontsumitzailearen babes eta defentsaren arloko araubide indarduna.

39._Turismoa: eskumenen mugaketa eta araubide indarduna. Kirolaren legeria eta eskumenen mugaketa. Kirol diziplina. Federazioen eta gainerako kirol entitateen araubidea eta izaera.

40._Herri lanak: eraikuntza, ustiapen eta emakida-araubidea. Komunikazio bideak: errepideak eta autobideak: eskumen zehaztapena eta araubide juridikoa.

41._Garraioak: eskumen zehaztapena eta sailkapena. Lur gaineko garraioaren antolamendurako araubide juridikoa. Trenbidearen araubidea. Komunikazioen arloko administrazio eskumenak, bereziki irrati eta telebistaren araubide berezia.

42._Hirigintzako araubide juridikoa. Eskumenen zehaztapena. Administrazio antolamendua. Antolamendu planak: motak eta araubide juridikoa. Lurraren hirigintza-araubidea: lurraren sailkapena; lurzoruaren udal ondarea.

43._Lurzoruaren jabeen eskubide eta betebeharrak. Desjabetzeak eta balorazioak. Kalteordain kasuak.

44._Hirigintzako planen exekuzioa: Jarduketa-sistemak. Eraikuntzako eta lurzoruaren erabilerako esku-hartzea. Hirigintzako lizentzia. Hirigintzako diziplina: araubide juridikoa.

45._Eskumen zehaztapena eta araubide juridikoa etxebizitzaren arloan. Babes ofizialeko etxebizitzak. Etxebizitzaren polizia.

46._Administrazio ekintza kultur arloan. Eskumenen zehaztapena. Ondare historiko-artistikoaren araubidea.

6. MULTZOA

Foru Zuzenbide Publikoa

1._Nafarroa sorreratik XIX. mendearen hasiera arte. Gaztelak bereganatzea eta egitura politiko-administratiboa.

2._1839 eta 1841eko Foru Legeak. Bereziki, 1841eko Lege Itundua. Nafarroako Foru Eraentza.

3._Nafarroako Foru Erantzaren bilakaera (1841-1975).

4._Foru erakundeen demokratizazioa. 1979ko urtarrilaren 26ko Errege Dekretua.

5._Nafarroaren eskubide historikoean berme konstituzionala. Konstituzioaren lehen xedapen gehigarria eta xedapen indargabetzailea, 2 idatz-zatia.

6._Autonomiarako Nafarroak erabilitako bidea. Nafarroako Foru Eraentza Hobetu eta Berrezartzeari buruzko Lege Organikoaren elaborazioa.

7._Nafarroako Foru Eraentza Berrezarri eta Hobetzeari buruzko Lege Organikoa. Izaera juridikoa eta printzipioak.

8._Nafarroako Parlamentua edo Gorteak. Eraketa, eginkizunak, eta antolakuntza.

9._Lege eta erregelamenduak Nafarroan. Legegintzako ekimena.

10._Foru legeen konstituzionaltasunaren kontrola; Nafarroaren eta Estatuaren arteko eskumen gatazkak.

11._Nafarroako Foru Diputazioa edo Nafarroako Gobernua. Lehendakaria. Kontseilariak. Foru Komunitateko Administrazioa.

12._Nafarroako Gobernuaren eta Nafarroako Parlamentuaren arteko harremanak.

13._Nafarroako Gobernuaren eta Estatuaren arteko harremanak.

14._Nafarroako Gobernuaren eta Autonomia Erkidegoen arteko harremanak.

15._Nafarroako Comptos Ganbera. Antolakuntza eta eskumenak. Erresumako Kontuen Auzitegiarekin dituen harremanak.

16._Nafarroako Kontseilua. Antolakuktza, eskumena eta funtzionamendua. Nafarroako Foru Komunitateko arartekoa.

17._Nafarroako Toki Administrazioa. Historia, bilakaera, arlo honetako eskumenak eta legeria indarduna. Administrazioarteko harremanak

18._Nafarroako Toki Entitateak. Antolakuntza, eskumenak, kideak eta funtzionamendu araubidea. Araubide juridikoa.

19._Nafarroako toki entitateen ondasunak; bereziki, herri ondasunak. Jarduerak, zerbitzuak eta obrak. Kontratazioa eta langileak.

20._Administrazio prozedura Nafarroan.

21._Egintzen berrikuspena eta botere publikoen xedapenak Nafarroan. Nafarroako Administrazio Auzitegia.

22._Nafarroako Ondarea.

23._Hitzarmen ekonomikoak. Historia eta izaera juridikoa. Nafarroako tributu-autonomiaren printzipioak.

24._Hitzarmen ekonomiko indarduna.

25._Nafarroako Ogasun Publikoaren. Arau orokorrak eta araubidea. Finantza-eragiketak. Erantzukizunak.

26._Nafarroako Aurrekontu Orokorrak. Prestakuntza, onespena, aldaketa, exekuzioa eta likidazioa. Kontu-hartzailetza.

27_Nafarroako Toki Ogasunak.

28._Nafarroaren eskumenak oro har. Haien ordenamendua Foruaren Hobekuntzan: sailkapena eta printzipioak. Transferentzien Batzarra.

29._Nafarroako Administrazio Publikoen zerbitzuko langileria. Nafarroaren eskumenak eta estatutu araubidea.

30._Kontratazio administratiboa Nafarroan.

31._Foruzaingoa.

32._Lurraldearen antolamendua, hirigintza eta etxebizitza Nafarroan.

33._Ingurumena Nafarroan. Naturguneak. Faunaren babesa. Hondakinei eta jarduera sailkatuei buruzko foru legeria.

34._Nafarroako oihanak.

35._Hezkuntza, kultura eta kirol arloko foru araudia. Nafarroako Unibertsitate Publikoa.

36._Osasungintza Nafarroan.

37._Gizarte ongizatea Nafarroan.

38._Herri lanak, garraioak eta komunikazioak Nafarroan.

39. Nekazaritza eta Abeltzaintza Nafarroan. Abelbideak.

40._Nafarroako administrazioaren esku-hartzea industria, lan, merkataritza eta turismo arloetan.

Iragarkiaren kodea: F0413649