I. NAFARROAKO FORU KOMUNITATEA
1.1. XEDAPEN OROKORRAK
1.1.3. Foru Aginduak
53/2004 FORU AGINDUA, irailaren 13koa, Lehendakaritza, Justizia eta Barne kontseilariak emana, Foruzaingoaren Aginte eta Sostengu Arloaren egitura garatu, brigadei eta taldeei dagokienez, eta lanean hasteko prozedura finkatzen duena.
Nafarroako Polizia Kidegoei buruzko Foru Legearen Testu Bateginak, abuztuaren 14ko 213/2002 Foru Dekretuaren bidez onetsiak, gero batean emanen diren garapenerako erregelamenduzko arauetara jotzen du Foruzaingoaren barne-antolamendua ezartzeko.
Lege aipamen horren babesean, Foruzaingoaren antolamenduaren eta funtzionamenduaren Erregelamendua onetsi zuen uztailaren 26ko 265/2004 Foru Dekretuak Foru Komunitatearen esparruan herritarrek dituzten beharrak modu integral batean asetzeko bidea ematen duen antolaketa-eredua ezarri zuen, betiere legeriak ahalbidetzen duen eskumen-esparruaren barrenean. Eredu horren arabera, Foruzaingoa lau maila hierarkizatutan egituratua dago, irizpide funtzional eta operatiboei begira: arloak, dibisioak, brigadak eta taldeak. Foru dekretu horretan berean arloen eta dibisioen egitura finkatu zen.
Nafarroako Foruzaingoaren antolamenduaren eta funtzionamenduaren Erregelamenduaren 16. artikuluak xedatzen duenaren arabera, Lehendakaritza, Justizia eta Barne kontseilariari dagokio brigadak eta taldeak sortu, aldatu edo kentzea. Beste alde batetik, xedapen iragankorrean ezartzen da Foruzaingoaren egitura pixkana-pixkana ezarriko dela, aurrekontuetan dagoen diruaren arabera eta Foruzaingoak dituen langile eta baliabideen arabera.
Foruzaingoaren antolamenduaren egituran Aginte eta Sostengua Ikerkuntza Kriminaleko Arloa garatu beharra dago, brigadei eta taldeei dagokienez, eta horretarako, polizia eginkizunak ahalik eta eragingarrienak izan daitezen behar diren unitate organikoak sortu. Gainera, unitate berrien dotaziorako segitu beharreko prozesua finkatu beharra dago.
Horrenbestez, Nafarroako Foru Komunitateko Gobernua eta Administrazioa arautzen dituen Foru Legearen 36. artikuluak eman dizkidan ahalmenak erabiliz,
AGINDU DUT:
I. KAPITULUA
Aginte eta Sostengu Arloaren antolaketaren egitura
LEHENENGO ATALA
Dibisio Tekniko Orokorra
1. artikulua. Dibisio Tekniko Orokorrak honako brigada hauek biltzen ditu bere baitan:
_Aginte Brigada.
_Koordinazio Brigada.
_Sostengu Brigada.
2. artikulua. 1. Aginte Brigadari poliziaren eginkizun hauek zuzenean burutzea dagokio:
a) Barne komunikazioaren kontuetan Foruzaingoko burutza aholkatu eta sostengatzea.
b) Barne komunikazioaren kontuetan ikertu, aztertu eta aholkatzea eta kanpo komunikazioaren kontuetan Barne Zuzendaritza Nagusiarekin elkarlanean aritzea.
c) Foruzaingoko burua aholkatzea Laneko Arriskuei Aurrea hartzeko Legearen aplikazioaz, poliziaren eremuan.
d) Laneko arriskuei aurrea hartzeko arauak bildu eta zabaltzea eta Kidegoaren barruan aurreneurriak bultzatu eta behar diren ekintzak proposatzea.
e) Giza Baliabideen Zerbitzuarekin elkarlanean aritzea lanpostu eta lantokietako arrisku-faktoreak aztertzen eta baloratzen eta Laneko Arriskuei Aurrea Hartzeko Atalarekin elkarlanean aritzea.
f) Polizien azterketa medikoak programatu, prestatu eta kontrolatzea.
g) Laneko istripuen zergatikoak aztertu eta baloratzea eta neurri zuzentzaileak proposatzea, baita haiek izapidatzea ere.
h) Foruzaingoko buruaren jarduera administratiboak kudeatzea.
i) Agiriak hartzea, Nafarroako Gobernuko Erregistro Orokorrarekin elkarlanean.
j) Beste polizia kidego eta administrazioekiko harreman instituzionalak bideratzea.
k) Foruzaingoaren urteroko memoria prestatzea.
l) Barne Zuzendaritza Nagusiko organoek kudeatutako eskakizun, galdera edo behar juridiko, administratibo eta/edo teknikoak bideratzea, hala nola organo horiek Foruzaingoari egiten dizkioten errekerimenduak.
m) Segurtasunari loturiko kontuetan aholkatu eta kontrolatzea.
n) Hornidurari, oinegiturari eta segurtasun sistema fisikoei dagokienez poliziaren irizpideak ezartzea.
ñ) Posta hartu, ikuskatu eta banatzea eta, oro har, posta zerbitzua egiaztatzea.
o) Segurtasunari buruz esleitzen zaizkion azterketa, plan eta proiektuak garatzea.
p) Kidegoko unitateetako prestakuntza beharrak aztertzea.
q) Segurtasun Eskolarekin elkarlanean aritzea.
r) Prestakuntza jarduketak eta horiek egiten dituzten langileak kontrolatzea.
s) Prestakuntza kontuetan beste prestakuntza kidego batzuekiko eta beste segurtasun indar eta kidego batzuekiko harremanez arduratzea.
t) Liburutegiaz eta kultur ekitaldiez arduratzea.
u) Tiro arloan prestatzea eta udaltzainei tiro egiten irakasteko toki entitateekin elkarlanean aritzea.
v) Armak ikuskatzea, Barne Araubideko Dibisioarekin batera.
2. Esleitu zaizkion eginkizunak burutzen hobeki espezializatzeko, Aginte Brigadak talde hauek bilduko ditu bere baitan:
a) Burutza Taldea.
b) Prestakuntza Taldea.
c) Plangintza eta Segurtasun Taldea.
3. Burutza Taldea, Prestakuntza Taldea eta Plangintza eta Segurtasun Taldea Nafarroa osorako unitateak dira.
3. artikulua. 1. Koordinazio Brigadari poliziaren eginkizun hauek zuzenean burutzea dagokio:
a) Aginte eta Koordinazio Zentroa kudeatzea.
b) Foruzaingoko unitateen kontrolean eta koordinazio operatiboan jardutea.
c) SOS-Nafarroa Koordinazio Operatiborako Zentroarekin elkarlanean aritzea.
d) Beren egiteko berak dituzten erakundeekiko harremanez arduratzea.
e) Salaketak jasotzea eta herritarrei arreta ematea.
f) Herritarrek aurkezturiko salaketa eta kexak unitate espezializatuetara igortzea.
2. Esleitu zaizkion eginkizunak burutzen hobeki espezializatzeko, Koordinazio Brigadak talde hauek bilduko ditu bere baitan:
a) Aginte eta Koordinazio Zentroko Taldea.
b) Herritarrei Laguntzeko Taldea.
3. Aginte eta Koordinazio Zentroko Taldea eta Herritarrei Laguntzeko Taldea Nafarroa osorako unitateak dira.
4. artikulua. 1. Sostengu Brigadari poliziaren eginkizun hauek zuzenean burutzea dagokio:
a) Zientzia eta teknologiaren arloan sostengua eta informazioa ematea.
b) Bere espezializazioari dagozkion aholkuak ematea eta proposamenak prestatzea Kidegoko burutzarendako.
c) Kidegoak langileei dagokienez dituen beharrak atzeman eta zehaztea.
d) Foruzaingoari atxikiriko langileriaren kudeaketaz arduratzen diren eginkizun guztietan aritzea.
e) Barne Departamentuko Giza Baliabideen Zerbitzuarekin elkarlanean aritzea.
f) Foruzaingoko kide guztien espediente pertsonalak kudeatu eta kontrolatzea.
g) Foruzaingoko plantilla organikoa eta maila zerrenda gaurkotu eta mantentzea.
h) Lanpostuak betetzeko Erregelamendua betetzen laguntzea.
i) Absentismoa kontrolatzea.
j) Foruzaingoaren berariazko aseguruez eta Nafarroako Gobernuaren orotariko aseguruez arduratzea.
k) Ordu sindikalak kontrolatu eta haien jarraipena egitea.
l) Salaketak kudeatzea.
m) Kidegoak baliabide material, tekniko eta ekonomikoei dagokienez dituen beharrak atzeman eta mugatzea, eta behar horiek egituratzeko ahalmena duten Barne Zuzendaritza Nagusiko organoekin koordinazio eta lankidetza egokia lortzeko behar diren antolamenduko neurriak proposatzea. Ekonomia kontuetan eta aurrekontuan aholkatzea.
n) Nominen aldagaiak barnetik kontrolatzea.
ñ) Erosketak eta fakturazioak kontrolatzea.
o) Bidaiak kudeatzea.
p) Material informatikoaren kontuetan aholkatu, kontrolatu, mantendu eta aholkatzea.
q) Altzariak, tresnak, jantziak, instalazioak eta ibilgailuak kontrolatzea eta horiei buruz aholkuak ematea.
r) Foruzaingoari esleitzen zaizkion baliabide guztiak kontrolatu, begiratu eta mantentzea.
s) Kontratazio organoetan parte hartzea.
t) Erregai, labangarri eta koipeen horniduraz arduratzea eta haien jarraipena eta kontrola egitea.
u) Argazki laborategiaz eta bertako agiritegiaz arduratzea.
v) Foruzaingoak bere dituen transmisio, telefonia eta mapagintza kontuetan jardutea.
2. Esleitu zaizkion eginkizunak burutzen hobeki espezializatzeko, Sostengu Brigadak talde hauek bilduko ditu bere baitan:
a) Giza Baliabideen Taldea.
b) Logistika Taldea.
c) Teknologia Taldea.
3. Aurreko taldeak Nafarroa osoko unitateak dira.
BIGARREN ATALA
Barne Araubideko Dibisioa
5. artikulua. Barne Araubideko Dibisioak honako brigada hauek biltzen ditu bere baitan:
a) Harrera eta Agiri Brigada.
b) Orotariko Ikuskapenerako Brigada.
6. artikulua. 1. Harrera eta Agiri Brigadari poliziaren eginkizun hauek zuzenean burutzea dagokio:
a) Isilpeko agiriak erregistratu, artxibatu eta gordetzea, baita datu polizialen zentroa kudeatu eta ustiatzea ere, datu pertsonalak babesteko arautegian ezarritakoari jarraikiz.
b) Profesionala identifikatzeko agiria, plaka eta armen gidak egin eta kontrolatzea eta arauzko armak ikuskatzea, Prestakuntza Taldeak lagundurik.
c) Foruzainei armak eta kredentzial profesionalak kentzea, dela kautelazko neurri gisa, dela eskumena duen agintariak emandako ebazpena betearazteko, edo, bestela, hori egiteko eskumena duen organoa zehaztea.
d) Istripuak edo ezbeharrak gertatuz gero, Kidegoko kideei eta haien senideei laguntzea.
2. Harrera eta Agiri Brigada Nafarroa osorako unitatea da.
7. artikulua. 1. Orotariko Ikuskapenerako Brigadari poliziaren eginkizun hauek zuzenean burutzea dagokio:
a) Kidegoko kideen jarduketen oinarrizko printzipioak betetzen direla begiratzea eta Foruzaingoko zerbitzu guztiak kontrolatzea.
b) Etika profesionalaren kontra jotzen duten portaeren ikerketak koordinatzea.
c) Isilpeko informazioei ekitea eta gertatutakoa argitzeko eta ustezko errudunak zehazteko behar diren ikerketak egitea.
d) Arau-hauste larriengatik diziplina espedienteak irekitzea eta arau-hauste larri edo oso larriengatik diziplina espedienteak irekitzen laguntzea Barne Zuzendaritza Nagusiko organo eskudunari, baita Brigadaren eginkizunei dagokienez bidezkotzat jotzen dena egiten ere.
2. Orotariko Ikuskapenerako Brigada Nafarroa osorako unitatea da.
HIRUGARREN ATALA
Kudeaketa Brigada
8. artikulua. Kudeaketa Brigadak, Aginte eta Sostengu Arloari zuzenean atxikirik egonen denak, eginkizun hauek izanen ditu:
a) Bere arloaren jarduketen esparruan polizia administrazioak bere dituen eginkizunen antolaketa eta kudeaketa bere gain hartzea.
b) Arloko buruari laguntzea dibisioen jarduerak zuzentzen, koordinatzen eta kontrolatzen.
II. KAPITULUA
Ezarpen operatiboa
9. artikulua. 1. Nafarroako Foruzaingoko plantilla organikoa Foruzaingoko lanpostuak betetzeko Erregelamenduko 3. artikuluko 2. idatz-zatian eskatzen diren eduki eta prozeduren arabera osatuko da. Behar den garaian plantillan xedatzen dena deusetan galarazi gabe, Erregelamendu hartako lehenbiziko xedapen gehigarria betez, foru agindu honetako eranskinean agertzen diren langileak Aginte eta Sostengu Arloa osatzen duten antolamenduko unitateei atxikitzen zaizkie, atxikipen edo eginkizun berriak, funtsean, aurreko lanpostuarenak baldin badira.
2. Aurreko idatz-zatian aipatzen den atxikipena egin aurretik langileak zituen lanpostuetako egoera onartuko zaio maila-zerrendan.
10. artikulua. 1. Aurreko postuetan ageri ez ziren eginkizun berriak dauzkaten lanpostuak lehiaketaren, berariazo lehiaketaren edo izendapen librearen bidez beteko dira, Foruzaingoko lanpostuak betetzeko Erregelamenduko 3. artikuluko 2. idatz-zatian eskatzen diren eduki eta prozeduren arabera osatzen den plantilla organikoak behar den garain xedatzen denarekin bat.
2. Aurreko idatz-zatian aurreikusten den prozesua bukatu ondoren, organo eskudunak, prozesuaren emaitzen arabera, langileak atxikiko dizkie antolamendu unitateei.
11. artikulua. Foru agindu honetako 9. eta 10. artikuluetan aipatzen diren prozeduren ondoriozko atxikipenak, plantillari dagokionez, langile finkoen zerrendan sartuko dira, Nafarroako Administrazio Publikoetako Langileen Estatutuaren Testu Bategineko 20. artikuluan aurreikusiriko baldintzetan.
XEDAPEN GEHIGARRIA
Antolamendu unitate bakoitzari esleitzen zaizkion berariazko polizia eginkizunak deusetan galarazi gabe, haiei atxikiriko langileek dagozkien eginkizun guztiak egin beharko dituzte, banaka edo taldeka, Foruzaingoaren orotariko beharren arabera.
XEDAPEN INDARGABETZAILEA
Foru agindu honi aurka egiten dioten maila bereko edo apalagoko xedapen guztiak indargabetu egiten dira.
AZKEN XEDAPENA
Foru agindu honek Nafarroako ALDIZKARI OFIZIALean argitaratu eta biharamunean hartuko du indarra.
Iruñean, 2004ko irailaren 13an._Lehendakaritza, Justizia eta Barne kontseilaria, Javier Caballero Martínez.
ANEXO
ANTOLAMENDUKO FORUZAIN FORUZAINAREN
_AGINTE ETA SOSTENGU ARLOA
23 OFIZIALA IRUÑA
KUDEAKETA BRIGADA
28 SARJENTUA TUDELA
88 KABOA IRUÑA
121 FORUZAINA IRUÑA
142 FORUZAINA IRUÑA
149 FORUZAINA IRUÑA
162 FORUZAINA TUDELA
349 FORUZAINA TUDELA
_DIBISIO TEKNIKO OROKORRA
AGINTE BRIGADA
BURUTZA TALDEA
38 SARJENTUA IRUÑA
289 KABOA IRUÑA
126 FORUZAINA IRUÑA
176 FORUZAINA IRUÑA
181 FORUZAINA IRUÑA
413 FORUZAINA IRUÑA
431 FORUZAINA IRUÑA
PRESTAKUNTZA TALDEA
26 SARJENTUA IRUÑA
31 SARJENTUA IRUÑA
56 SARJENTUA IRUÑA
71 SARJENTUA IRUÑA
103 KABOA IRUÑA
446 FORUZAINA IRUÑA
PLANGINTZA ETA SEGURTASUN TALDEA
29 SARJENTUA IRUÑA
46 SARJENTUA IRUÑA
120 FORUZAINA IRUÑA
123 FORUZAINA IRUÑA
125 FORUZAINA IRUÑA
130 FORUZAINA IRUÑA
143 FORUZAINA IRUÑA
146 FORUZAINA IRUÑA
178 FORUZAINA IRUÑA
299 FORUZAINA IRUÑA
307 FORUZAINA IRUÑA
KOORDINAZIO BRIGADA
AGINTE ETA KOORDINAZIO ZENTROKO TALDEA
15 SARJENTUA IRUÑA
17 SARJENTUA IRUÑA
34 SARJENTUA IRUÑA
45 SARJENTUA IRUÑA
60 SARJENTUA IRUÑA
61 SARJENTUA IRUÑA
75 SARJENTUA IRUÑA
91 SARJENTUA IRUÑA
145 FORUZAINA IRUÑA
159 FORUZAINA IRUÑA
167 FORUZAINA IRUÑA
179 FORUZAINA IRUÑA
202 FORUZAINA IRUÑA
268 FORUZAINA IRUÑA
277 FORUZAINA IRUÑA
318 FORUZAINA IRUÑA
356 FORUZAINA IRUÑA
390 FORUZAINA IRUÑA
395 FORUZAINA IRUÑA
519 FORUZAINA IRUÑA
541 FORUZAINA IRUÑA
HERRITARREI LAGUNTZEKO TALDEA
168 FORUZAINA IRUÑA
292 FORUZAINA IRUÑA
370 FORUZAINA IRUÑA
372 FORUZAINA IRUÑA
411 FORUZAINA IRUÑA
435 FORUZAINA IRUÑA
543 FORUZAINA IRUÑA
SOSTENGU BRIGADA
GIZA BALIABIDEEN TALDEA
21 SARJENTUA IRUÑA
170 KABOA IRUÑA
169 FORUZAINA IRUÑA
522 FORUZAINA TUDELA
578 FORUZAINA IRUÑA
LOGISTIKA TALDEA
69 KABOA IRUÑA
106 KABOA IRUÑA
107 KABOA IRUÑA
258 KABOA IRUÑA
119 FORUZAINA IRUÑA
132 FORUZAINA IRUÑA
133 FORUZAINA IRUÑA
208 FORUZAINA IRUÑA
TEKNOLOGIA TALDEA
41 SARJENTUA IRUÑA
_BARNE ARAUBIDEKO DIBISIOA
544 OFIZIALA IRUÑA
HARRERA ETA AGIRI BRIGADA
OROTARIKO IKUSKAPENERAKO BRIGADA
TUTERAKO POLIZIA ETXEA
Iragarkiaren kodea: F0413915