I. NAFARROAKO FORU KOMUNITATEA
Beste Xedapenak
ERABAKIA, 2003ko uztailaren 21ekoa, Nafarroako Gobernuak hartua, Nafarroako administrazio publikoetan euskararen erabilera arautzen duen otsailaren 10eko 29/2003 Foru Dekretuaren aurka Ikas eta Ari-IKAk jarritako 450/03 administrazioarekiko auzi-helegiteari buruzko espediente administratiboa Nafarroako Auzitegi Nagusiko Administrazioarekiko Auzien Sailera igortzen duena.
Nafarroako Auzitegi Nagusiko Administrazioarekiko Auzien Sailak 450/03 administrazioarekiko auzi-helegiteari buruzko espediente administratiboa igor diezaiotela eskatu du. Aipatu auzi-helegitea Ikas eta Ari-IKAk jarri zuen, Nafarroako administrazio publikoetan euskararen erabilera arautzen duen otsailaren 10eko 29/2003 Foru Dekretuaren aurka.
Administrazioarekiko Auzien Jurisdikzioa arautzen duen Legearen 48. artikuluak ezartzen du espedientea inpugnatutako xedapenaren edo egintzaren organo egileari eskatuko zaiola. Kasu honetan foru dekretu bat inpugnatu da.
Halaber, Administrazioarekiko Auzien Sailak Administrazio honi eskatu dio aipatu espedientean interesatu gisa ageri diren guztiei dei egin diezaiela, Administrazioarekiko Auzien Jurisdikzioa arautzen duen uztailaren 13ko 29/1998 Legearen 49. artikuluan ezarri bezala.
Horrenbestez, Nafarroako Gobernuak, aipatu errekerimendua betetzeko,
ERABAKI DU:
1. Ikas eta Ari-IKAk Nafarroako administrazio publikoetan euskararen erabilera arautzen duen otsailaren 10eko 29/2003 Foru Dekretuaren aurka jarritako 450/03 administrazioarekiko auzi-helegiteari buruzko espediente administratiboa Nafarroako Auzitegi Nagusiko Administrazioarekiko Auzien Sailera igortzea.
2. Erabaki hau Nafarroako ALDIZKARI OFIZIALean argitaratzea, interesatuak jakinaren gainean jarri eta autoetan demandatu gisa agertu ahal daitezen Nafarroako Auzitegi Nagusiko Administrazioarekiko Auzien Sailean, argitaratu eta biharamunetik bederatzi eguneko epean.
3. Erabaki hau Nafarroako Auzitegi Nagusiko Administrazioarekiko Auzien Sailari eta Lehendakaritza, Justizia eta Barne Departamentuko Aholkularitza Juridikoaren Zerbitzuari jakinaraztea, behar diren ondorioak izan ditzan.
Iruñean, bi mila eta hiruko uztailaren hogeita batean._Lehendakaritza, Justizia eta Barne kontseilaria, Nafarroako Gobernuko idazkaria, Javier Caballero Martínez.
Iragarkiaren kodea: C3231150
