I. NAFARROAKO FORU KOMUNITATEA
Agintariak eta Langileak
49/2003 FORU AGINDUA, uztailaren 22koa, Lehendakaritza, Justizia eta Barne kontseilariak emana, María Pilar Zapico Revuelta andreari Departamentuko idazkari teknikoaren ordezko izateko gaitasuna ematen diona bitarte baterako.
Nafarroako Foru Komunitateko Administrazioa eta Gobernua arautzen dituen apirilaren 11ko 23/1983 Foru Legearen 36.3.g) artikuluak ezartzen du kontseilariei dagokiela indarra duten xedapenek agintzen dizkieten eginkizun eta eskumenak baliatzea.
Uztailaren 17ko 156/1985 Foru Dekretuak baimena ematen die departamentuetako kontseilariei zerbitzuetako zuzendariak, idazkari teknikoak eta erakunde autonomoetako zuzendariak ordezteko aldi baterako gaitasuna emateko, haiek eri, oporretan edo aldi baterako ezinduak diren kasuetan.
Horrenbestez, uztailaren 17ko 156/1985 Foru Dekretuak eman dizkidan ahalmenak erabiliz,
AGINDU DUT:
1. María Pilar Zapico Revuelta Lehendakaritza, Justizia eta Barne Departamentuko Idazkaritza Teknikoko Administrazio Publikoko Adar Juridikoko teknikariari departamentu bereko idazkari teknikoa ordezteko gaitasuna ematea bitarte baterako, hura eri, oporretan edo aldi baterako ezindua den kasuetan.
2. Foru agindu hau Nafarroako ALDIZKARI OFIZIALean argitaratzea.
Iruñean, bi mila eta hiruko uztailaren hogeita bian._Lehendakaritza, Justizia eta Barne kontseilaria, Javier Caballero Martínez.
Iragarkiaren kodea: C3232665