I. NAFARROAKO FORU KOMUNITATEA
Xedapen Orokorrak. Foru Aginduak
62/2003 FORU AGINDUA, uztailaren 16koa, Gizarte Ongizate, Kirol eta Gazteri kontseilariak emana, zenbait eskurantzaren erabilera Gizarte Ongizate, Kirol eta Gazteri zuzendari nagusiaren eta Familiaren zuzendari nagusiaren esku uzten duena.
Foru Komunitateko Gobernuari eta Administrazioari buruzko apirilaren 11ko 23/1983 Foru Legearen 37. artikuluak xedatzen du kontseilariek beren departamentuetako zuzendari nagusien esku uzten ahalko dutela beren eskurantzen erabilera.
Gizarte Ongizate, Kirol eta Gazteri Departamentuko jarduerak arin eta era eranginkorrean egiteko, bidezkotzat jo da Departamentuko zuzendari nagusiei kontseilariaren eskurantza batzuk esleitzea.
Nafarroako Foru Komunitateko Gobernua eta Administrazioa arautzen dituen apirilaren 11ko 23/1983 Foru Legeak ematen dizkidan eskurantzak erabiliz,
AGINDU DUT:
1. artikulua. Gizarte Ongizate, Kirol eta Gazteri kontseilariari gizarte ongizatearen arloan dagozkion eskurantzak, ezin utz daitezkeenak salbu, Gizarte Ongizate, Kirol eta Gazteri zuzendari nagusiaren esku uztea, bereziki ondoko hauek:
a) Orokorrak.
_Administrazio espedienteen ebazpena, zehapenei buruzkoak izan ezik.
_Gastuak egiteko baimena eman eta xedatzea, ordaindu beharrak onartzea eta aurrekontuak aldatzea.
_Gizarte Ongizate, Kirol eta Gazteri Zuzendaritza Nagusiko unitate organikoen artean sor daitezkeen liskarrak konpontzea.
_Departamentuko erakunde autonomo guztien koordinazio orokorra.
b) Kontrataziokoak.
Nafarroako Administrazio Publikoen Kontratuei buruzko ekainaren 16ko 10/1998 Foru Legearen 12.1. artikuluan xedatutakoari jarraikiz, kontratuen gainean Gizarte Ongizate, Kirol eta Gazteri kontseilariari dagozkion ahalmenak, aipatu foru lege horren 13.1. artikuluan ezarritakoaren arabera, Nafarroako Gobernuaren baimena behar duten kontratuei dagozkienak izan ezik.
c) Langileenak.
_Gizarte Ongizate, Kirol eta Gazteri Zuzendaritza Nagusiari atxikitako langileei dagokienez, apirilaren 1eko 165/1996 Foru Dekretuaren 3. artikuluak kontseilariei ematen dizkien ahalmenak.
2. artikulua. Gizarte Ongizate, Kirol eta Gazteri kontseilariari familiaren arloan dagozkion eskurantzak, ezin utz daitezkeenak salbu, Familiaren zuzendari nagusiaren esku uztea, bereziki ondoko hauek:
a) Orokorrak.
_Administrazio espedienteen ebazpena, zehapenei buruzkoak izan ezik.
_Gastuak egiteko baimena eman eta xedatzea, ordaindu beharrak onartzea eta aurrekontuak aldatzea.
_Familiaren Zuzendaritza Nagusiko unitate organikoen artean sor daitezkeen liskarrak konpontzea.
b) Kontrataziokoak.
Nafarroako Administrazio Publikoen Kontratuei buruzko ekainaren 16ko 10/1998 Foru Legearen 12.1. artikuluan xedatutakoari jarraikiz, kontratuen gainean Gizarte Ongizate, Kirol eta Gazteri kontseilariari dagozkion ahalmenak, aipatu foru lege horren 13.1. artikuluan ezarritakoaren arabera, Nafarroako Gobernuaren baimena behar duten kontratuei dagozkienak izan ezik.
c) Langileenak.
Familiaren Zuzendaritza Nagusiari atxikitako langileei dagokienez, apirilaren 1eko 165/1996 Foru Dekretuaren 3. artikuluak kontseilariei ematen dizkien ahalmenak.
3. artikulua. Gizarte Ongizate, Kirol eta Gazteri kontseilariak noiznahi eska dezake edozein espediente, ebazpena eman ahal izateko.
4. artikulua. Foru agindu honek eskuordetzen dituen eskurantzen bidez ematen diren ebazpenetan espresuki aipatuko da hala dela. Ebazpen horiek Gizarte Ongizate, Kirol eta Gazteri kontseilariak emanikotzat hartuko dira ondorio guztietarako, eta haien kontra gora jotzeko helegitea aurkezten ahalko da, Nafarroako Gobernuari zuzendua.
5. artikulua. Foru agindu hau Nafarroako ALDIZKARI OFIZIALera igortzea, bertan argitara dadin.
AZKEN XEDAPENAK
Lehenbizikoa._Indarrik gabe geratzen da irailaren 29ko 179/1999 Foru Agindua eta foru agindu honetan ezarritakoari aurka egiten dioten maila bereko nahiz beheragoko xedapen guztiak.
Bigarrena._Foru agindu honek Nafarroako ALDIZKARI OFIZIALean argitaratzen den egunean hartuko du indarra.
Iruñean, bi mila eta hiruko uztailaren hamaseian._Gizarte Ongizate, Kirol eta Gazteri kontseilaria, Reyes Berruezo Albéniz.
Iragarkiaren kodea: a0307152
