III. NAFARROAKO TOKI ADMINISTRAZIOA
I R U Ñ A
Iberdrola S.A.rekiko hitzarmena eta STR San Juan izeneko azpiestazio elektrikoa U.I. XI.-Berichitosen paratzeko plan berezia. Behin betiko onespena
Iruñeko Udalak, bi mila eta biko azaroaren hogeita batean egin osoko bilkuran, erabaki hau hartu zuen:
PLE 02-AZA-21 (9/CU)
"Donibanen azpiestazio elektrikoa paratzeko plan berezia hasiera batean onetsi ondotik (2002-06-05ko RAL) jendaurrean egon den epean ez du alegaziorik jaso. Horrenbestez, erabaki da:
1._Iruñeko Udalak eta Iberdrola, S.A. enpresak sinatu beharreko hirigintza hitzarmena, espedientean baitago, berrestea.
2._STR San Juan izeneko azpiestazio elektrikoa U.I. XI.-Berichitosen paratzeko plan bereziaren agiria behin betikoz onestea.
3._Nafarroako Gobernuari erabaki honen berri ematea eta Nafarroako ALDIZKARI OFIZIALean eta Udaleko iragarki oholean argitaratzea."
Ebazpen honen kontra, errekurtso hauetariko bat aurkezten ahal da, hautara:
_Berraztertzeko errekurtsoa, egintzaren organo egileari zuzendua, hilabeteko epean, ebazpen hau jakinarazi eta biharamunetik hasita.
_Administrazioarekiko auzi-errekurtsoa, Nafarroako Auzitegi Nagusiko Administrazioarekiko Auzien Sailari zuzendua, bi hilabeteko epean, ebazpen hau jakinarazi eta biharamunetik aitzina; edo bestela,
_Gora jotzeko errekurtsoa, Nafarroako Administrazio Auzitegiari zuzendua, hilabeteko epean, ebazpen hau jakinarazten denetik aitzina.
Iruñean, bi mila eta biko azaroaren hogeita seian. Alkatea, Yolanda Barcina Angulo.
Iragarkiaren kodea: A0212909
