69. ALDIZKARIA - 2003ko ekainaren 2a

I. NAFARROAKO FORU KOMUNITATEA

Agintariak eta Langileak

117/2003 FORU DEKRETUA, maiatzaren 19koa, Nafarroako Desjabetzapenetarako Mahaiko kideak izendatzen dituena.

Lurraldearen Antolamenduari eta Hirigintzari buruzko abenduaren 20ko 35/2002 Foru Legeak 126. artikuluaren 2. atalean adierazten du Nafarroako Desjabetzapenetarako Mahaiak bost kide izanen dituela, Nafarroako Gobernuak hautatu beharrekoak, ondasun higiezinen balorazioetan esperientzia profesionala duten pertsonen artetik.

Horiek horrela, Ekonomia eta Ogasun kontseilariak eta Ingurumen, Lurraldearen Antolamendu eta Etxebizitza kontseilariak proposaturik, Nafarroako Gobernuak bi mila eta hiruko maiatzaren hemeretzian egindako bilkuran hartutako erabakiarekin bat,

DEKRETATU DUT:

Artikulu bakarra._Ondoko hauek izendatzea Nafarroako Desjabetzapenetarako Mahaiko kide: Francisco Salinas Frauca jauna, notarioa, Iruñeko Kolegiokoa; Francisco Javier Sarobe Pueyo jauna, arkitektoa; Félix Chueca Guinduláin jauna, nekazaritzako ingeniaria; Fermín Muñoz Muñoz jauna, arkitektoa, ondasun higiezinen balorazioetan doktorea eta Fulgencio Larumbe San Martín jauna, Nafarroako Gobernuko aholkulari juridikoa.

Iruñean, bi mila eta hiruko maiatzaren hemeretzian._Nafarroako Gobernuko lehendakaria, Miguel Sanz Sesma._Ekonomi eta Ogasun kontseilaria, Francisco J. Iribarren Fentanes._Ingurumen, Lurraldearen Antolamendu eta Etxebizitza kontseilaria, Jesús Javier Marcotegui Ros.

Iragarkiaren kodea: C3153066