I. NAFARROAKO FORU KOMUNITATEA
Herrilanak eta Zerbitzu Publikoak
JENDAURREKO INFORMAZIOA, Villafrancan eta Cadreitan instalazio elektrikoa jartzeko administrazio baimenari eta proiektua onesteari buruzkoa, eta zehazki haren onura publikoa deklaratzea. Espediente zenbakia: 7350 a.t.-jaa/jlp.
Argindar Sektoreari buruzko azaroaren 27ko 54/1997 Legearen 52., 53. eta 54. artikuluetan eta argindar energiaren instalazioak baimentzeko prozedurari buruzko abenduaren 1eko 1955/2000 Errege Dekretuaren 144. artikuluan xedatutakoak ondorioak izan ditzan, jendaurrean jarri da Iberdrola D.E.S.A.U.k egindako eskabidea, ondoko ezaugarri nagusiak dituen goi tentsioko instalazioa baimendu, proiektua onetsi eta haren onura publikoa adierazteko:
a) Eskatzailea: Iberdrola D.E.S.A.U.
b) Instalazioa jartzeko tokia: Villafranca eta Cadreita.
c) Instalazioaren xedea: goi tentsioko aireko sarea hobetzea eta energia elektrikoaren hornidura modu finko eta erregularrean egitea.
d) Ezaugarri nagusiak: 13,2 KV-ko aireko deribazioa; "STR Villafranca-Cadreita" lineako 00-32 zk.ko euskarritik hasita, 358 metro, LA-56, metal eta hormigoizkoa, Babes Katodikorako Estazioko kanpoko T.Z. atarian bukatzen dena, eta deribazioa 12-02 zk.ko euskarritik hasita, 58 metro, LA-56, T.Z. partikularreko linearen zenbakirik gabeko euskarrian bukatzen dena, Villafranca eta Cadreitako udal mugapeetan.
e) Nongo materialak: Espainiakoak.
f) Aurrekontua: 26.889,27 euro.
Onura publikoaren adierazpenak berekin dakar ondasunak okupatu beharra edo ukitutako eskubideak eskuratzea, eta horrek presako okupazioa ekarriko du.
Hori horrela, eskaera egin duen enpresak eskatzen du, halaber, zortasuna ezartzea eta ondoren adieraziko diren finken presako okupazioa.
Aditzera ematen da, instalazioaren proiektua Nafarroako Gobernuko Industria eta Teknologia, Merkataritza, Turismo eta Lan Departamentuan aztertu (Tomás Caballero parkea, 1. zk., Fuerte del Príncipe II. eraikina, 5. solairua) eta egokitzat jotzen diren erreklamazioak aurkez daitezen bi aletan, iragarki hau argitaratu eta biharamunetik hogei eguneko epean. Departamentu honetan aurkeztu ahalko dira eta, halaber, ekainaren 24ko 137/2002 Foru Dekretuan ageri diren Nafarroako Gobernuaren erregistro orokorreko bulegoetan (abuztuaren 7ko Nafarroako ALDIZKARI OFIZIALa, 95 zk.), edo Administrazio Publikoen Araubide Juridikoari eta Guztiendako Administrazio Prozedurari buruzko azaroaren 26ko 30/1992 Legearen 38.4 artikuluan ageri diren erregistro eta bulegoetan.
Iruñean, bi mila eta hiruko martxoaren hamaikan._Zerbitzuko zuzendaria, José Antonio Ayesa Usabiaga.
E R A N S K I N A
Ukituriko ondasun eta eskubideak
Villafranca 2 678 Alorra Villafrancako Udala 90 4 360 - -
España plaza, 1
31330 VILLAFRANCA
Andrés Ría Pérez
María Auxiliadora kalea, 2
31515 CADREITA
Iragarkiaren kodea: C3075094
