I. NAFARROAKO FORU KOMUNITATEA
Herrilanak eta Zerbitzu Publikoak
138/2003 FORU AGINDUA, martxoaren 21ekoa, Hezkuntza eta Kultura kontseilariak emana, Azkoiengo BHIko jantoki zerbitzuaren kontratua, Jangarria S.L.rekin sinatua, bi aldeak ados direla, deuseztatzea agintzen duena.
Departamentu honetako Ikastetxeen eta Ikasketetarako Laguntzen Zerbitzuko zuzendariak Azkoiengo BHIko Egoitzako jantokia 2003ko apirilaren 5etik aurrera ixtea komeni dela adieraziz eman duen txostena ikusirik.
Nafarroako Foru Komunitateari hezkuntza arloko eginkizun eta zerbitzuak eskualdatu zizkion abuztuaren 31ko 1070/1990 Errege Dekretuaren eranskineko II. puntuko 5) idatz-zatian xedatutakoari jarraikiz, eta, orobat, aipatu eginkizun eta zerbitzuak Hezkuntza eta Kultura Departamentuari esleitu zizkion irailaren 13ko 255/1990 Foru Dekretuan ezarritakoaren arabera, eta Nafarroako Foru Komunitateko Gobernua eta Administrazioa arautzen dituen apirilaren 11ko 23/1983 Foru Legearen 36. artikuluko c) eta d) idatz-zatiek ematen dizkidaten ahalmenak erabiliz,
AGINDU DUT:
1. Azkoiengo BHIko Egoitzako jantokia 2003ko apirilaren 5etik aurrera ixteko baimena ematea.
2. Bi alderdiak ados jarrita, Jangarria, S.L. enpresarekin BHIko Egoitzako jantoki-zerbitzuari buruz sinatutako kontratua deuseztea 2003ko apirilaren 7tik aurrera, eta kontratua deuseztearen ondoriozko kalteak eta kostuak ordaintzea, guztira 2.929,61 euro.
4. Ekonomi eta Ogasun Departamentuari eskaera egitea bidezko diren ordain aginduak luza ditzan Jangarria, S.L. enpresaren alde (B31152135 IFZ), 2.929,61 euro guztira, 2003ra luzatutako 2002ko aurrekontuko "Jantokiak" izeneko 41620-2210-425200 kontusailetik eginen baitira.
5. Foru Agindu hau Nafarroako ALDIZKARI OFIZIALean argitaratzea.
6. Foru Agindua igortzea adjudikazioa hartu duen Jangarria S.L. enpresari, Ekonomi eta Ogasun Departamentuak Hezkuntza eta Kultura Departamentuan duen kontu-hartzaile delegatuari, Zerbitzuak Ikuskatzeko eta Ikuskapen Teknikorako Zerbitzura, Ikastetxeen eta Ikasketetarako Laguntzen Zerbitzura, Ikasketetarako Laguntzen Atalera, Kudeaketa Ekonomikoaren Bulegora eta Zerbitzu Osagarrien Bulegora, behar diren ondorioak izan ditzan.
Iruñean, bi mila eta hiruko martxoaren hogeita batean._Hezkuntza eta Kultura kontseilaria, Jesús María Laguna Peña.
Iragarkiaren kodea: A0303284
