39. ALDIZKARIA - 2003ko martxoaren 31

I. NAFARROAKO FORU KOMUNITATEA

Agintariak eta Langileak

134/2003 FORU AGINDUA, martxoaren 21ekoa, Hezkuntza eta Kultura kontseilariak emana, Hezkuntza eta Kultura kontseilariaren martxoaren 7ko 116/2003 Foru Aginduaren III. eranskinean antzemandako akatsa zuzentzen duena. Haren bidez onetsi ziren Nafarroako Foru Komunitateko Administrazioaren zerbitzuko Maisu-Maistren kidegoan sartzeko oposizio-lehiaketarako eta Maisu-Maistren Kidegoko karrerako funtzionarioek Kidego horretako espezialitate berriak lortu ahal izateko prozedurarako deialdiak.

Hezkuntza eta Kultura kontseilariaren martxoaren 7ko 116/2003 Foru Aginduaren bidez, Nafarroako Foru Komunitateko Administrazioaren zerbitzuko Maisu-Maistren kidegoan sartzeko oposizio-lehiaketarako eta Maisu-Maistren Kidegoko karrerako funtzionarioek Kidego horretako espezialitate berriak lortu ahal izateko prozedurarako deialdiak onetsi ziren.

Maisu-Maistren kidegoan sartzeko oposizio-lehiaketarako deialdiko lehen oinarriak deialdiko lanpostu kopurua ezartzen du espezialitatez espezialitate banaturik. Espezialitate horietan ez da Entzumena eta Hizkuntza agertzen, hautapen prozesu horretan espezialitate horretako lanposturik eskaini ez delako. Hala ere, III. eranskinean, proba paktikoko ezaugarriei dagokienean, Entzumena eta Hizkuntza espezialitatea agertzen da.

Horrenbestez, urtarrilaren 13ko 4/1999 Legeak aldatutako Administrazio Publikoen Araubide Juridikoari eta Guztientzako Administrazio Prozedurari buruzko azaroaren 26ko 30/1992 Legearen 105.2 artikuluari jarraikiz, eta apirilaren 1eko 165/1996 Foru Dekretuak ematen dizkidan eskurantzak erabiliz,

AGINDU DUT:

1. Nafarroako Foru Komunitateko Administrazioaren zerbitzuko Maisu-Maistren kidegoan sartzeko oposizio-lehiaketarako eta Maisu-Maistren Kidegoko karrerako funtzionarioek Kidego horretako espezialitate berriak lortu ahal izateko prozedurarako deialdiak onetsi zituen Hezkuntza eta Kultura kontseilariaren martxoaren 7ko 116/2003 Foru Aginduaren III. eranskineko akatsa zuzentzea. Helburua eranskin horretatik Entzumena eta Hizkuntza espezialitateari buruzko proba kentzea da.

2. Foru Agindu hau Nafarroako ALDIZKARI OFIZIALean argitaratzea.

3. Foru Agindu hau Idazkaritza Teknikora eta Giza Baliabiden Zerbitzuko Langileri Atalera igortzea, behar diren ondorioak izan ditzan.

Iruñean, bi mila eta hiruko martxoaren hogeita batean._Hezkuntza eta Kultura kontseilaria, Jesús María Laguna Peña.

Iragarkiaren kodea: A0303155