I. NAFARROAKO FORU KOMUNITATEA
Beste Xedapenak
145/2003 EBAZPENA, martxoaren 3koa, Hezkuntza zuzendari nagusiak emana, Nafarroako eta beste herrialde batzuetako ikastetxeetako ikasle taldeen arteko eskola trukeak egiteko laguntzen deialdia onesten duena.
Araubide Bereziko Irakaskuntzaren eta Teknologia Berrien Zerbitzuak txostena aurkeztu du eta bertan eskatu deialdia onets dadila Nafarroako eta beste herrialde batzuetako ikastetxeetako ikasle taldeen arteko eskola trukeak egiteko laguntzetarako. Horien helburua da atzerriko hizkuntzak ikasi eta beste kultura batzuk ezagutzea.
Hezkuntza eta Kultura kontseilariak irailaren 30eko 339/1999 Foru Aginduaren bidez eman dizkidan eskurantzak erabiliz,
EBATZI DUT:
1. Nafarroako eta beste herrialde batzuetako ikastetxeetako ikasle taldeen arteko eskola trukeak egiteko laguntzak emateko deialdia eta haren oinarriak onestea.
2. Programa horretarako 42.000 euroko gehieneko gastua baimentzea, 2003ra luzatutako 2002ko aurrekontuko "Irakaskuntza Ertainetako ikaslerik hoberenentzako laguntzak, hizkuntzak hobetzeko" izeneko 422001 41710 4800 422900 kontusailaren kargura. Horretarako, aurretik, "Goi mailako musika ikasketetako ikasleentzako bekak" izeneko 422001 41710 4800 422902 kontusailetik 34.268 euro hartu beharko dira.
3. Ebazpen hau eta erantsitako deialdia Nafarroako ALDIZKARI OFIZIALean argitaratzea.
4. Ebazpen hau eta deialdia igortzea Ekonomi eta Ogasun Departamentuak Hezkuntza eta Kulturakoan duen kontu-hartzaileari, Araubide Bereziko Irakaskuntzaren eta Teknologia Berrien Zerbitzura, Ikastetxeen eta Ikasketetarako Laguntzen Zerbitzura, Zerbitzuak Ikuskatzeko eta Ikuskapen Teknikorako Zerbitzura, Araubide Bereziko Irakaskuntzaren eta Atzerriko Hizkuntzen Atalera, Atzerriko Hizkuntzak Sustatzeko Unitate Teknikora, Guraso eta Ikasleentzako Argibide eta Aholku Bulegora eta Kudeaketa Ekonomikoaren Bulegora, behar diren ondorioak izan ditzan.
Iruñean, bi mila eta hiruko martxoaren hiruan._Hezkuntza zuzendari nagusia, Santiago Arellano Hernández.
NAFARROAKO ETA BESTE HERRIALDE BATZUETAKO IKASTETXEETAKO IKASLE TALDEEN ARTEKO ESKOLA TRUKEAK 2003AN EGITEKO LAGUNTZAK EMATEKO DEIALDIA
Nafarroako ikastetxeetako ikasleek beste hizkuntza batzuk hobeki ikasi eta Europaren eta hango jende eta ohituren gainean duten ezagutza handitzeko eta, orobat, ikasle nafarrek, harreman horiek izan ondoren, izan dituzten esperientziak agertu eta horrela gure hezkuntza eta kulturako errealitatea aberasteko asmoz, Nafarroako Gobernuko Hezkuntza eta Kultura Departamentuak laguntzak emateko deialdia egin du ondokoen arabera.
O I N A R R I A K
1. artikulua. Deialdiaren xedea
Deialdi honen xede diren laguntzek hurrengo helburu nagusiok dituzte:
1.1. Ikasle nafarren partaidetza sustatzea, Europako Batasuneko estatu elkartekideetako eta elkartekide ez diren beste herrialdeetako ikasleen artean egiten diren truke programetan, atzerriko hizkuntzen ezagutza hobetzeko.
1.2. Beste herrialde batzuen eta beren ohituren ezagutza bultzatzea, gainerako herrialdeak hobeki ezagutzera eramanen duena.
2. artikulua. Parte-hartzaileak eta baldintzak
Deialdi honetan parte hartu ahal izanen dute Nafarroako Haur eta Lehen Hezkuntza, Derrigorrezko Bigarren Hezkuntza eta Bigarren Hezkuntzako ikastetxe publiko zein pribatuek. Beti ere, hurrengo xehetasun hauek hartu beharko dituzte kontuan.
a) Haur eta Lehen Hezkuntzako Ikastetxeei dagokienez, 5. eta 6. mailetako ikasleek soilik parte hartzen ahalko dute trukean
b) Truke bakoitzak hezkuntza proiektu bat izanen du oinarri (II. eranskineko ereduaren arabera); atzerriko ikastetxearekin batera eginen da eta ikasleen heziketa prozesuan erabiliko da.
c) Eskaeraren xedeko jarduerak ikasturteko programazioaren barrenean egon beharko du edo/eta Eskola Kontseiluak onetsia.
d) Proiektu bera burutzeko, bi ikastetxe edo gehiago elkartzen ahal dira.
e) Eskola arteko trukeen kasuan, proiektuak bi txanda edukiko ditu, bat herrialde bakoitzean, gutxienez 7 egun eta gehienez 20 eguneko iraunaldikoa bakoitza.
f) Talde bakoitzaren ikasle kopurua gutxienez 10ekoa izanen da. Ikasleek beren ikastetxeko irakasleez lagundurik egon beharko dute bidaietan eta egonaldian. Horretarako, deialdiaren bidez irakasleei bidaia poltsa bat emanen zaie. Bestalde, ikasle kopuruaren banaketa honelakoa izanen da:
_10etik 20 ikasle bitarte: irakasle bat edo bi.
_21etik 35 ikasle bitarte: bi irakasle.
_36 ikasle baino gehiago: hiru irakasle.
g) Parte hartzen duten ikasleek ikasle hartzaileen etxean bizi beharko dute, Batzordearen aurrean behar bezala egiaztatu beharko diren ezinbesteko arrazoiak salbu.
h) Trukea ikasturtearen barrenean edo oporraldian egiten ahal da, uztailean et abuztuan izan ezik. Ikasle nafarrek 2003. urtean eginen dute egonaldia atzerrian.
i) Trukean parte hartzen duten bi ikastetxeetako ikasleen hezkuntza mailak parekoak izanen dira.
3. artikulua. Eskabideak aurkezteko modua eta epea
3.1. Honako honetan interesik duten ikastetxeek eskabidea aurkeztuko dute Hezkuntza eta Kultura Departamentuko Erregistroan (Santo Domingo Aldapa kalea, z/g, 31001, Iruña) edo Administrazio Publikoen Araubide Juridikoari eta Guztiendako Administrazio Prozedurari buruzko Legearen 38. artikuluan aurreikusitako edozein bulegotan.
3.2. Eskabideak aurkezteko epea, Nafarroako ALDIZKARI OFIZIALean argitaratu eta biharamunetik hogei egun naturaleko epean bukatuko da.
4. artikulua. Agiriak
Interesik duten ikastetxeek eskabidea aurkeztu beharko dute deialdi honen eranskinean ageri den ereduari jarraikiz eta horrekin batera ondoko agiriak aurkeztu beharko dituzte:
a) Eskabide agiria, I. eranskinaren araberakoa.
b) Pedagogi proiektua, hurrengo hau eramanen duena (II. eranskineko ereduaren araberakoa):
_Trukearen alderdi orokorrak, non zehaztu beharko baitira trukerako eskaeraren inguruabar eta irizpideak eta ikastetxeko programazioarekin duen zerikusia.
_Trukearen beraren alderdi bereziak, non zehatz-mehatz emanen baitira helburu berariazkoak eta jakintza arloekin duten zerikusia; trukean burutu behar diren jardueren programa zehaztua, prestakuntzako jarduerak eta trukea egin ondoko jarduerak.
c) Gastu eta dirusarreren aurrekontua (III. eranskina). Gutxienez, ondoko hau eraman beharko du: trukea egiteko aurreikusi diren dirusarreren guztirakoa, irakasle laguntzaileen burtsaren kostua, taldeak hitzartutako aseguruaren zenbatekoa eta bidaien kostua.
d) Trukerako proposatutako ikasleen izenen zerrenda.
Ikastetxeetako zuzendariek ikaslearen aita, ama edo tutoreari baimena eskatuko diote ikasleek trukean parte hartu ahal izateko. Baimen hori ikastetxearen esku geldituko da.
e) Atzerriko ikastetxearen konpromiso formala, trukearekin ados dagoela dioena.
5. artikulua. Barematu eta ebazteko batzordea
5.1. Hezkuntza zuzendari nagusiak deialdi hau ebatziko du 2003ko ekainaren 4a baino lehen, aurkeztutako eskaerak aztertu eta baloratuko dituen Batzorde batek proposaturik. Batzorde horrek kide hauek izanen ditu:
_Batzordeburua: Araubide Bereziko Irakaskuntzaren eta Teknologia Berrien Zerbitzuko zuzendaria edo haren ordezkaria.
Batzordekideak:
_Atzerriko Hizkuntzak Sustatzeko Unitate Teknikoko burua.
_Araubide Bereziko Irakaskuntzaren eta Teknologia Berrien Zerbitzuko teknikari bat.
6. artikulua. Eskabideak baloratzeko irizpideak
Erabakiak baloratzeko Batzordeak irizpide hauek izanen ditu kontuan:
I R I Z P I D E A KGEH.
Punt.
Ikastetxeko ikasleen egoera sozioekonomikoa 3
Ikastetxea herri txiki batean edo eskualde behartsu batean egotea 2
Ikasleek truke proiektuaren prestaketan parte hartzea 1
Trukearen alderdi batzuk lantzeko jarduerak, bereziki helmuga den herrialdearen
hizkuntza eta kultur eta hezkuntz aniztasuna ezagutzeari buruzkoak 1
Eskola jarduera komunak trukea bitartean 1
Aurrekontuaren egokitasuna truke proiektuarekiko 1
Truke diferenteak egitea aurreko urteetakoen aldean 61,5
Berdinketa suertatuz gero, Batzordeak honako irizpide hauek aplikatuko ditu:
a) Balorazio irizpide hauetan, eta ondoko hurrenkeraren arabera, puntuazio altuena lortzea:
1._Ikastetxeko ikasleen egoera sozioekonomikoa
2._Ikastetxea herri txiki batean edo eskualde behartsu batean egotea
b._Berdinketa hausten ez bada, zozketa eginen da.
7. artikulua. Laguntzaren motak eta zenbatekoa
7.1. Eskola trukea egin behar duten ikastetxeek honako dirulaguntza hau jasotzen ahalko dute:
a) Irakasle laguntzaile bakoitzeko, 330 euroko bidaia poltsa.
b) Ikasle bakoitzeko zenbatekoa ezberdina izanen da trukea eginten duten ikastetxeen arteko osoko distantziaren arabera (joan-etorri):
250 km bitarte 60 euro gehienez
251 km-tik 550era bitarte 72 euro gehienez
551 km-tik 750era bitarte 90 euro gehienez
751 km-tik 1000ra bitarte 108 euro gehienez
1001 km-tik 1500era bitarte 120 euro gehienez
1501 km-tik 2000ra bitarte 150 euro gehienez
2001 km-tik gora 180 euro
8. artikulua. Egindako jardueraren egiaztapena
8.1. Deialdiko dirulaguntzaren onuradun diren ikastetxe guztiek, 2003ko abenduaren 31n baino lehen, ondoko agiriak aurkeztu beharko dituzte:
a) Jarduerari buruzko txostena. Bertan zehatz-mehatz azalduko da trukean zehar egindakoa.
Txosten horretan jasoko da programatutako helburuen betetze-maila, parte hartu duten ikasleen kopurua eta egin diren jardueren gaineko ebaluazioa.
b) Trukearen eta egindako gastuaren kontuak onesten dituen ikastetxeko Eskola Kontseiluko buruaren egiaztagiria.
c) Egindako gastuei buruzko jatorrizko agiriak edo fotokopia kautotuak.
Onuraduna ikastetxe publiko bat izanez gero, laguntza horiek 1992ko uztailaren 6an eman eta uztailaren 31ko Nafarroako ALDIZKARI OFIZIALean argitaratu zen 250/1992 Foru Dekretuari jarraituz justifikatu beharko ditu. Foru Dekretu horrek Nafarroako Foru Komunitateko unibertsitatez kanpoko ikastetxe publikoen funtzionamenduaren ondoriozko dirusarrera eta gastuen araubidea arautzen du.
Dekretu horretan ezartzen da ikastetxe publikoek hartzen dituzten dirusarrerak "Kudeaketako kontuan" justifikatu beharko dituztela. Ziurtagiriak ikastetxean berean artxibatuko dira, salbu eta Eskola Kontseilua osatzeke daukaten ikastetxeetan eta hiru unitate baino gutxiago dauzkaten ikastetxeetan, horiek Hezkuntza eta Kultura Departamentura igorri beharko baitituzte ziurtagiriak, kudeaketako kontuarekin batera.
Entitate pribatuen kasuan, gastuak justifikatuko dira haiei dagozkien jatorrizko fakturen bidez.
d) Ikastetxeko Zuzendaritzaren egiaztagiria, dirulaguntzaren helburua bete dela adierazten duena.
9. artikulua. Bateraezintasunak
9.1. Ezin izanen dute laguntza hau eskatu ikasturte honetan proiektu berarako, ondokoen bidez, antzeko laguntzarik jaso duten ikastetxeek: Comenius 1.2 (Sokrates programa), H.Z.G.M.aren edo beste erakunde publikoen laguntzak.
9.2. Entitate pribatu batengandik dirulaguntza txikiagoak jasotzen dituztenek jakinarazi beharko dute laguntzaren zenbatekoa eta entitatea.
10. artikulua. Jardueraren segimendua, ebaluazioa eta egiaztapena
10.1. Hezkuntza eta Kultura Departamentuak, ikastetxeko zuzendariak proposaturik, 35 orduko agiri bat emanen da, baina atzerrian laguntzaile aritu diren irakasleei soilik. Edozein kasutan ere, ikasle bakoitzeko urtean agiri bat baino ez da luzatuko.
Egiaztagirien luzapenak ez du atzeranzko ondoriorik izanen.
10.2. Nafarroako Gobernuko Hezkuntza eta Kultura Departamentuak eskubidea gordetzen du zeinahi informazio osagarri eskatzeko eta aurkeztutako proiektuko jarduerak ikuskatu eta kontrolatu ahal izateko.
10.3. Programatutako trukea egiten ez bada, ikastetxe onuradunak Atzerriko Hizkuntzak Sustatzeko Unitate Teknikoari jakinarazi beharko dio.
10.4. 1997ko ekainaren 9ko 8/1997 Foru Legeak, Foru Komunitateko Administrazioaren eta haren erakunde autonomoen dirulaguntzak eman, kudeatu eta kontrolatzeko araubide orokorra finkatzen duen hark, xedatzen du arau-hauste eta zehapenen araubidea, eta kasua bada, emandako dirulaguntzen itzulketa.
11. artikulua. Errekurtsoa
Deialdi honen kontra, eta bere oinarrien eta bera aplikatzeko egintzen kontra zilegi izanen da gora jotzeko errekurtsoa jartzea, Nafarroako Gobernuari zuzendua, hilabeteko epean, aurkatu nahi den egintza argitaratu edo jakinarazi eta biharamunetik kontatuta.
12. artikulua. Dokumentazioa nola berreskuratu
Behin betiko ebazpena argitaratu eta irmotu delarik, aukera izanen da interesatuek edo pertsona baimendunek dokumentazioa berreskuratzeko Hezkuntza eta Kultura Departamentuan, argitara ematen den egunetik hilabeteko epean.
I. ERANSKINA
_Nafarroako ikastetxearen deskripzioa
Nafarroako ikastetxearen izena
Helbidea
Tel.: ..................
Herria ................................... P.K.
Ikastetxe mota (publikoa edo pribatua)
Maila ...................
Lehenbiziko trukea da atzerriko ikastetxe horrekin?
Lehenbiziko trukea ez bada, urte kopurua adierazi
Beste erakunde ofizial batetik jarduera horretarako laguntza jasotzen du?
Erantzuna baiezkoa bada, erakundea eta zenbatekoa adierazi
Beste ikastetxe batzuekin trukeak egin ditu?
Aurten beste trukerik egiteko asmorik ba al du?
_Atzerriko ikastetxearen deskripzioa
Atzerriko erakundearen izen osoa:
Helbidea
Tel.: ...................... Fax zk.
Posta elektronikoa ....................... Herrialdea
Ikastetxeko arduradunaren izen-deiturak
_Mota
Lehen Hezkuntzako ikastetxea f
Bigarren Hezkuntzako ikastetxea f
Bigarren Hezkuntzako lanbide eskola teknikoa f
Hezkuntza premia bereziak dituzten haurrentzako ikastetxea f
Gutxiengo etnikoentzako integrazio zentroa f
_Kokalekua
Herrian f Hirian f Hiri inguruan f
Irakasle kopurua
Ikasle kopurua, guztira
Ikastetxean irakasten diren atzerriko hizkuntzak
Trukea egiteko kidea nola aurkitu zuen?
f Aurreko harremanak
f Laguntzailearen bidez
f Internet (Partbase, Space Comenius, Windows on the World edo Leargas) ...............
f Bestelakoak
II. ERANSKINA
_Proiektu pedagogikoa
_Proiektuaren izenburua eta gaia
_Zehatz adierazi bi ikastetxeen arteko kilometroak (joanekoa soilik)
_Zein kurtso/irakasgai eginen da eta proiektuan parte hartuko duten gazteek zein ikasketa maila dute?
_Proiektua ikasketa planean nola txertatzen da?
_Zein hizkuntzatan hitz eginen dute parte hartzaileek proiektua egin aurretik eta egin bitartean?
_Proiektuak zein neurritan aplikatzen ditu Teknologia Berriak?
_Proiektutik espero diren helburu eta emaitzak azaldu
_Proiektuak trukerako erabilitako atzerriko hizkuntzaren irakaskuntza hobetuko du? Zenbateraino?
_Trukearen bidez ikasleen ama hizkuntza sustatuko da? Zenbateraino?
_Azaldu proiektuaren egitura. Fase hauek bereizi:
-Aurretik: harremanak, gutunak, plangintza, turismoko foiletoak trukatzea...
-Bitartean: ikaslearen jardueren egunkaria, ikustaldiak, ibilaldiak, klaseak...
-Ondoren: ondorioak, ebaluazioa, txostena, ondorengo harremanak, memoria, zabalkundea...
_Trukearen egunak (gutxienez 7 egun, gehienez 20)
_Zenbat gaztek hartuko duen parte (gutxienez 10), kurtsoak eta adinak zehaztuta
_Zenbat irakasle
Oharra: eskema hau gutxi gorabeherakoa da. Litekeena da proiektu guztiak puntu guztiekin bat ez etortzea.
III. ERANSKINA
_Aurrekontua
Gastu mota
Bidaiaren kostua eta loturiko gastuak (adierazi kilometroak eta garraiobidea): ikasleen bidaia eta irakasleen bidaia
Aseguru primaren zenbatekoa
Irakasleen egonaldia (ostatua, mantenua...)
Irakasleen hizkuntza prestakuntza
Paperak, fotokopiak, telefonoa, faxa, posta elektronikoa
Material didaktikoaren gastuak (materiala, liburuak, programa informatikoak erostea)
Materialen ekoizpena (itzulpena, konposizioa, argitalpena, zabalkundea)
Proiektuaren kostu osoa
E S K A B I D E A
Ikastetxe honek Nafarroako Gobernuaren laguntzak eskuratu nahi ditu, Nafarroako eta Europako Batasuneko estatuetako ikastetxeetako ikasle taldeen artean trukeak egiteko. Halaber, ziurtatzen dut ikasle parte hartzaileen aita, ama edo tutorearen baimenak ikastetxean artxibaturik daudela.
Eskola Kontseiluko buru naizen honek, aipatutako datuak egiazkoak direla eta ikastetxeko Eskola Kontseiluak jarduera onetsi duela deklaratzen dut.
................(a)n, 2003ko .......aren .......(e)an.
ESKOLA KONTSEILUKO BURUA
(Sinadura eta zigilua)
Eskabide honekin batera honako agiri hauek aurkeztu behar dira:
_Trukerako proiektu pedagogikoa
_Gastuen eta dirusarreren aurrekontua
_Parte hartzen duten ikasleen behin-behineko zerrenda
_Atzerriko ikastetxearen konpromisoa trukea egiteko
Iragarkiaren kodea: A0302510
