Iragarkia
17. ALDIZKARIA - 2003ko otsailaren 7a
I. NAFARROAKO FORU KOMUNITATEA
Agintariak eta Langileak
1582/2002 EBAZPENA, abenduaren 20koa, Nafarroako Unibertsitate Publikoko Errektoreak emana, Zerbitzu Laguntzaileen Eskalako 7 lanpostu, D taldekoak, 14 mailakoak, barneko sustapen sistemaren bidez betetzeko hautaprobetarako deia egiten duena.
Abuztuaren 2ko 30/1984 Legearen 14. artikuluan eta martxoaren 10eko 364/95 Errege Dekretuan xedatutakoari jarraikiz, azken horrek onetsi baitzuen Estatuaren Administrazio Orokorraren Zerbitzuan Langileak Sartzeko eta Estatuaren Administrazio Orokorreko Funtzionario Zibilen Lanpostuak Hornitzeko eta Sustapena egiteko Erregelamendua, bidezkoa da Nafarroako Unibertsitate Publikoko Zerbitzu Laguntzaileen Eskalako 7 lanpostu, D taldekoak, 14 mailakoak, barneko sustapen sistemaren bidez betetzeko hautaprobetarako deia egitea.
Giza Baliabideen Zuzendariaren txostena ikusirik, zeinean baieztatzen baita ezen Unibertsitatearen Gizarte Kontseiluak onetsi duen Lanpostuen Zerrendaren arabera badaudela 7 lanpostu huts Zerbitzuetako Laguntzaileen Eskalan, D Taldean, 14 Mailan, aurrekontu-kontusailik badaukatenak eta Unibertsitateak 2002 urterako onetsi duen Enplegurako Eskaintza Publikoan ezartzen denaren arabera bete beharrekoak direnak.
Kontu-hartzailearen txostena izanda.
Unibertsitateko Kudeatzaileak proposaturik.
Unibertsitateei buruzko Lege Organikoaren 20. artikuluak ematen dizkidan eskumenak erabiliz, aipatu legeko 2.2 e) artikuluarekin loturik, eta Unibertsitateko Estatutuetako 40. eta 41. artikuluek ezartzen dutenaren arabera,
EBATZI DUT:
Lehena._Unibertsitate honetako Zerbitzuetako Laguntzaileen Eskalako zazpi lanpostu huts barneko sustapen sistemaren bidez betetzeko hautaprobetarako deia egitea.
Bigarrena._Deialdia arautuko duten oinarriak, Ebazpen honekin batera doazenak, onestea.
Hirugarrena._Sortzen den gastua honako kontusail hauei egotziko zaie: AZLen Oinarrizko Lansariak, AZLen Lansari Osagarriak eta 2003 ekitaldiko gastuen aurrekontuko I. kapituluko Gizarte Segurantza kontusailei.
Laugarrena._Deialdi hau Nafarroako ALDIZKARI OFIZIALean argitara dadin agintzea.
Bosgarrena._Ebazpen honek administrazio bidea agortzen du, Unibertsitateei buruzko Lege Organikoaren 6.4 artikuluak xedatzen duenari jarraikiz, eta nahi bada, berraztertzeko errekurtsoa aurkez daiteke Errektorearen aurrean, edo, bestela, zuzenean administrazioarekiko auzi-errekurtsoa Nafarroako Administrazioarekiko Auzietako Epaitegietan, hilabeteko epean lehenengo kasuan, eta bi hilabeteko epean bigarrenean, biak ere ebazpena argitaratu eta biharamunetik kontatzen hasita.
Iruñean, bi mila eta biko abenduaren hogeian._Errektorea, Antonio Pérez Prados.
O I N A R R I A K
1._Arau orokorrak
1.1. Deia egiten da Nafarroako Unibertsitate Publikoko Zerbitzuetako Laguntzaileen Eskalako karrerako funtzionarioaren 7 lanpostu barneko sustapen sistemaren bidez betetzeko hautaprobak egiteko, abuztuaren 2ko 30/84 Funtzio Publikoa Eraberritzeari buruzko Legeko 22. artikuluak aipatzen duen Nafarroako Unibertsitate Publikoko D taldeko Eskaletatik, lanpostu bat gordetzen delarik %33 edo %33 baino gehiagoko ezgaitasun maila duten pertsonentzat, uztailaren 28ko 23/1988 Funtzio Publikoa Eraberritzeko Neurriak Aldatzeko Legeko hemeretzigarren xedapen gehigarriak ezartzen duenaren arabera.
Ezgaitasuna duten pertsonentzako lanpostua hutsik geldituko balitz, barne-sustapenerako lanpostuei gehituko litzaieke.
1.2. Hautaprobak egiteko honako arau hauetan xedatuari jarraituko zaio: Funtzio Publikoa Eraberritzeari buruzko abuztuaren 2ko 30/1984 Legea, martxoaren 10eko 364/95 Errege Dekretua, Unibertsitateko Estatutuak eta deialdi honetan dauden arauak.
1.3. Lanpostuen ematea, guztira lorturiko puntuazioaren arabera egingo da, eskaintzen diren lanpostu betegabeen eta egiten diren destino-eskaeren arabera.
Aurreko atalean ezarri dena galarazi gabe, eta martxoaren 10eko 364/1995 Errege Dekretuko 78. artikuluak ezartzen duenaren arabera, Unibertsitateko Errektoreak baimentzen ahalko du hautaprobak egin arte destino bat bete duten funtzionarioei destino hori bera ematea, baldin eta aldez aurretik halakorik eskatu badute, hautaprobak gainditu badituzte, lanpostuak ezinbestez bete beharrekoak baldin badira eta lanpostuen zerrendan ezarri diren baldintzak betetzen badira.
1.4. Deialdi honek aipatzen duen Eskalako lanpostu huts gehiago geldituko balitz Unibertsitatean, huts horiei dagozkien lanpostuak eta 1.1. atalean eskainitakoak metatu ahal izango dira, Unibertsitateko Errektoreak emandako ebazpenaren bidez. Hori oposizio-aldiaren azken ariketa egin baino lehen gertatuko da, eta baimena emango da lanpostu horiek deialdi honen helburu diren hautaprobetan betetzeko.
2._Izangaiek bete beharrekoak
2.1. Hautaprobetan onartuak izateko izangaiek honako hauek bete beharko dituzte:
a) Espainiako herritarra izatea edo Europar Batasuneko estaturen batekoa edo, Europar Batasunak izenpetu eta Espainiako estatuak berretsitako nazioarteko itunen arabera, langileen joan-etorri askea aplikatzekoa zaion estaturen batekoa.
Halaber, Europar Batasuneko estatuetako edo aipatu nazioarteko itunetan onartutako estatuetako herritartasuna dutenen ezkontideek parte hartu ahal izango dute, betiere zuzenbidearen arabera bananduta ez badaude; herritartasuna duenaren ondorengoek eta haren ezkontidearen ondorengoek ere parte hartu ahal izango dute, baldin eta 21 urtetik beherakoak badira edo, adin horretatik gorakoak izanda ere, gurasoen kontura bizi badira.
b) Hamazortzi urte beteak izatea, eta erretiro adina beteta ez izatea.
c) Funtzio Publikoa Eraberritzeko Neurriei buruzko abuztuaren 2ko 30/84 Legearen aplikazio eremukoa izatea.
d) Nafarroako Unibertsitate Publikoko Mendekoen Eskalakoa izatea, bertan karrerako funtzionarioa izanik.
e) Unibertsitateko E taldeko kidego edo eskaletan zerbitzu ematen bi urteko benetako antzinatasuna izatea, gutxienez, eskaerak aurkezteko epea bukatzen den egunean.
f) Abuztuaren 2ko 30/84 Legeko 25. artikuluak ezartzen duen titulazioaren jabe izatea (Eskola-graduatu titulua, lehen graduko Lanbide Heziketa edo baliokidea).
g) Dagozkion funtzioak betetzen utziko ez dion gaixotasun edo muga fisiko edo psikikorik ez izatea.
h) Diziplinako espedientearen bidez edozein Administrazio Publikotako zerbitzutik baztertu izana ez izatea, eta funtzio publikoak garatu ahal izateko ezgaitua ez egotea.
2.2. Aurreko arauetan ezarritako baldintzak eskaerak aurkezteko epea bukatzen denean beteta eduki beharko dira, eta karrerako funtzionario izendapena lortu artean eutsi beharko zaie.
3._Eskaerak
3.1. Hautaproba hauetan parte hartu nahi dutenek III. Eranskinean argitara emandako eskabidean asmo hori jakinaraziko dute. Eskabidearekin batera hauek aurkeztuko dira:
a) Izangaiaren Nortasun Agiri Nazionalaren edo haren hiritartasuna eta nortasuna ziurtatzeko agiri baliokidearen fotokopia egiaztatua.
b) Azterketa-eskubideak ordaindu direlako bankuaren egiaztagiria.
3.2. Elbarritasunik eduki eta euren ezgaitasun maila %33 edo gehiago duten izangaiek beren egoera hau baieztatu beharko dute, erakunde eskudunek emandako agiriaren bidez, eta, halaber, beren elbarritasuna eta haren mailaren berri emango dute eskaeraren 6. eta 7. Ataletan. Hautaprobak egin ahal izateko egokitzapenen bat beharrezkoa den kasuetan, zer egokitzapen-klase behar duten aipatu beharko dute, berariaz, eskaeraren 8. atalean. Atal hau betetzen ez bada, ulertuko da oposizio-aldiko ariketak egiteko ez dutela inolako egokitzapenik behar.
3.3. Euskararen ezagutzari buruzko borondatezko proba, lehiaketa-aldikoa, egin nahi duten lehiatzaileek eskabidearen 23A) atalean adieraziko dute esaldi honekin: "Euskarazko proba borondatezkoa". Hautaprobetara onartua izateko eskabidean jasota ez badago, ez da onartuko eskaerarik borondatezko proba hori egiteko.
3.4. Deialdian parte hartu ahal izateko eskaerak Nafarroako Unibertsitate Publikoko Erregistro Orokorrean aurkeztu beharko dira (Administrazio eta Kudeaketa Eraikina. Beheko solairua. Arrosadiko Campusa, 31006 Iruñea), edo bestela azaroaren 26ko 30/1992 Administrazio Publikoen Eraentza Juridiko eta Guztientzako Administrazio Prozedurari buruzko Legeko 38.4 artikuluak aurreikusten dituen moduetako baten bidez, hogei egun naturaleko epean, deialdi hau Nafarroako ALDIZKARI OFIZIALean argitaratzen den egunaren biharamunetik kontatzen hasita, eta Nafarroako Unibertsitate Publikoko Errektore jaunari bidaliko zaizkio.
Eskaerak aurkezteko epea ezin izango da luzatu.
3.5. Azterketa-eskubideak 6 eurokoak izango dira, eta Nafarroako Kutxako 2054.02.14.72.3000019010 zenbakia duen kontu korrontean sartuko dira, honako hau adierazirik: "Hautaprobak Zerbitzuetako Laguntzaileen Eskala. Barneko sustapena".
Azterketako eskubideak ordaintzeak ez du inoiz ere ordeztuko eskabidea epearen barnean, modu egokian eta 3.4. oinarrian aipatutako organoaren aurrean aurkeztearen tramitea.
Tasak ordaintzen ez dituen izangaiak hautaprobetatik baztertua izango da.
3.6. Izangaiek aurkeztutako agiriak berreskuratu ahal izango dituzte, berariaz eskatzen badute, izendapena egiten duen Ebazpena Nafarroako ALDIZKARI OFIZIALean argitaratzen den egunetik aurrera. Aipatu egunetik aurrera, eta urtebeteko epearen barruan, agiriak bereganatzen ez dituztenek uko egiten diote agiriak berreskuratzeari, eta hortaz, horretarako eskubidea galduko dute.
4._Izangaiak onartzeko modua
4.1. Eskaerak aurkezteko epea bukatu eta gero, Nafarroako Unibertsitate Publikoko Errektoreak ebazpena emango du, gehienez hilabeteko epean, "Nafarroako ALDIZKARI OFIZIALean" argitaratuko dena. Horretan onartu eta baztertuen zerrenda onetsitzat emango da, bigarren kasuan baztertzearen zergatia azalduko delarik, eta, gainera, lehen ariketa noiz eta non izango diren jakinaraziko da.
4.2. Baztertuek hamar eguneko epea edukiko dute baztertuta gelditzeko egin duten akatsa konpontzeko, Ebazpena "Nafarroako ALDIZKARI OFIZIALean" argitaratzen den egunaren biharamunetik kontatzen hasita.
Onartu eta baztertuen zerrenda behin betikoz onesten duen ebazpenaren aurka, administrazio bidea agortzen baitu, interesdunek, aukeran, berraztertzeko errekurtsoa jarri ahal izango dute, Nafarroako Unibertsitate Publikoko Errektorearen aurrean, hilabeteko epean, ebazpen hori argitaratu eta biharamunetik kontatzen hasita, edo administrazioarekiko auzi-errekurtsoa maila bereko Nafarroako Auzitegietan, bi hilabeteko epean, ebazpen hau argitaratu eta biharamunetik kontatzen hasita.
4.3. Azterketako eskubideen zenbatekoa ofizioz itzuliko zaie soilik hautaprobetatik behin betikoz baztertuak izan direnei.
5._Epaimahaia
5.1. Hautaprobak kalifikatuko dituen Epaimahaia deialdi honetako II. Eranskinean datorrena da.
5.2. Epaimahaiko kideek ezin izango dute jardun, eta halaxe jakinaraziko diote Errektoreari, Eraentza Juridikoari eta Guztientzako Administrazio Prozedurari buruzko Legeko 28. Artikuluak ezartzen dituen gorabeherak gertatzen direnean, edo eta deialdi hau argitaratu eta lehenagoko bost urteetan hautaprobetarako izangaiak prestatzeko lanak egin badituzte.
Halaber, izangaiek Epaimahaiko kideak errefusatu ahalko dituzte, oinarri hauetan aipatzen diren inguruabarrak gertatzen direnean.
5.3. Hautaprobak hasi baino lehen, deialdia egiten duten agintariek Nafarroako ALDIZKARI OFIZIALean argitaratuko dute Ebazpen bat, zeinak izendatuko baititu 5.2 oinarrian aipatzen diren arrazoietako batengatik epaimahaiko kide izaera galdu duten kideen ordezkoak.
5.4. Epaimahaiburuak hala deiturik, Epaimahaia eratuko da, eta han egongo dira, gutxienez, Epaimahaiburua, Idazkaria eta kideen gehiengo absolutua, titularrak edo ordezkoak. Bilera horretan Epaimahaiak hautaprobak behar bezala egin ahal izateko beharrezkoak diren erabaki guztiak hartuko ditu.
5.5. Hautaprobak egin bitartean arautegi hau interpretatzeak eta aplikatzeak sorraraz ditzaketen zalantzak Epaimahaiak garbituko ditu, eta hautaprobak aurrera egin ahala arautegian aurreikusten ez diren eta sor litezkeen auziak ebazteko neurriak hartuko.
Epaimahaiaren jardunak, uneoro, Administrazio Publikoen Eraentza Juridikoari eta Guztientzako Administrazio Prozedurari buruzko Legeak ezartzen duenaren arabera gauzatuko da.
5.6. Epaimahaiak erabaki lezake bere lanetan laguntzaile bereziak sartzea, egoki jotzen dituen ariketetan, laguntzaile hauen eginbeharra beren berezitasun teknikoen alorrera mugatuko delarik. Laguntzaile hauen izendapena Unibertsitateko Errektoreari jakinarazi beharko zaio.
5.7. Epaimahai kalifikatzaileak neurri egokiak hartuko ditu hau beharrezkoa den kasuetan, elbarritasun edo ezintasunak dituzten izangaiek gainontzeko izangaien baldintza berberak eduki ditzaten ariketak egiteko orduan, 3.2 oinarrian ezarritakoari jarraikiz.
5.8. Epaimahaiburuak egoki jotzen dituen neurriak hartuko ditu oposizio aldian idatziz egingo diren eta irakurri behar ez diren ariketak zuzen daitezela izangaiak nortzuk diren jakin gabe.
5.9. Jakinarazpenak emateko eta bestelako gorabeheretarako, Epaimahaiaren egoitza Nafarroako Unibertsitate Publikoko Administrazio eta Kudeaketa Eraikuntza izango da.
5.10. Epaimahaiak hirugarren kategoria edukiko du, maiatzaren 24ko 462/2002 Errege Dekretuak zerbitzu-arrazoiengatiko kalteordeinei buruz ezartzen duenaren arabera.
5.11. Epaimahaiak ezin izango du inoiz aldarrikatu deitu diren lanpostuak baino izangai gehiagok gainditu dituztela hautaprobak. Ezarritakoaren kontra doan edozein proposamen erabat deuseza izango da, martxoaren 10eko 364/95 Errege Dekretuak onetsitako Estatuko Administrazioaren Zerbitzuko Langileen Sarbideari buruzko Erregelamenduaren 25.1 artikuluan xedatutakoari jarraikiz.
5.12. Hautaprobak bukatu ondoren, epaimahaiak zerrenda ordenatua egingo du, lanpostua eskuratu ez duten lehiatzaileena, horiek bitarteko funtzionario izendatu ahal izateko, edo, bestela, aldi baterako kontratatu, betiere, Nafarroako Unibertsitate Publikoan langile beharra baldin badago.
6._Hautatze prozesua
Izangaiak hautatzeko prozesuak honako aldi hauek edukiko ditu:
A) Oposizioa
Hona hemen oposizio aldian egin beharreko ariketak:
A.1. Lehen ariketa.
Proba hauek edukiko ditu:
Lehenengo proba:
Aukera anitzeko galderak dituen test bati idatziz erantzun beharko zaio, eta galdera bakoitzarentzat erantzun bakarra hartuko da zuzentzat. Galderak komunikazioari eta matematikari dagokien zatiaren gaiei buruzkoak izango dira, I. Eranskinean azaltzen direnei buruzkoak
Lehenengo zati hau egiteko denbora, gehienez ere, hirurogei minutukoa izango da.
Bigarren proba:
PC ordenagailuaren bidez egin beharreko ariketa. Epaimahaiak emango dituen testu bat edo batzuk idatzi beharko dira, hark emandako jarraibideen arabera, eta zuzentasuna eta aurkezteko modua balioetsiko dira, eta zehaztasuna testua egin eta idazteko moduan.
Bigarren zati hau egiteko denbora, gehienez ere, ordu bat eta hogeita hamar minutukoa izango da.
A.2. Bigarren ariketa
Aukera anitzeko galderak dituen test bati idatziz erantzun beharko zaio, eta galdera bakoitzarentzat erantzun bakarra hartuko da zuzentzat. Galderak I. Eranskinean azaltzen diren gaiei buruzkoak izango dira.
Bigarren ariketa egiteko denbora, gehienez ere, bi ordukoa izango da.
A.3. Oposizioko ariketak balioestea:
Lehenengo ariketa:
Lehenengo proba: 0tik 15era bitarteko puntuazioa emango zaio. Gutxienez 7,5 puntu lortzen ez dituzten izangaiak baztertu egingo dituzte.
Bigarren proba: 0tik 15era bitarteko puntuazioa emango zaio. Gutxienez 7,5 puntu lortzen ez dituzten izangaiak baztertu egingo dituzte.
Proba honetan huts egindako erantzunak modu negatiboan balioetsiko dira, probak hasi baino lehenago epaimahaiak erabakiko duen proportzioan.
Izangai bakoitzak bi probetako bakoitzean erdietsitako puntuazioen batura izango da lehenengo ariketako puntuazio osoa.
Bigarren ariketa:
Baztertzailea izango da eta 0tik 40ra puntu emango zaizkio. Gutxienez 20 puntu lortzen ez dituzten izangaiak baztertu egingo dituzte.
B) Lehiaketa.
B.1. Lehiaketa aldian Administrazio Publikoan emandako zerbitzuak balioetsiko dira (1979ko urtarrilaren 10eko B.O.E.), zerbitzu hauek abuztuaren 2ko 30/84 Legearen aplikazio eremukoak diren Kidego edo Eskaletan egin direnean, baita norberaren gradu finkatua nola betetzen ari den lanpostuko destino- osagarriaren mailaren arabera garatutako lana ere, hori guztia deialdi hau argitaratzen den egunean; bestetik, eskaerak aurkezteko epea bukatzen den egunean nork bere titulazio akademikoarekin loturiko prestakuntza maila ere aintzat hartuko da.
B.2. Oposizio aldia gainditu duten izangai guztiek agiriaren bidez frogatu beharko dituzte alegatutako merezimendu guztiak, oposizio aldiko emaitzak jakinarazi eta hamar egun naturalen epean, dela jatorrizko agiriaren bidez, dela administratiboki erkaturiko kopien bidez, deialdi honetan ezartzen den baremoaren arabera.
Merezimenduak balioesteko kontuan hartuko dira, bakarrik, 3,3 oinarriak aipatzen duen eskaerak aurkezteko epera arte lortu direnak, egun hori eta gero lortutakoak baliogabeak direlarik.
Merezimenduak justifikatzeko, emandako zerbitzuak baieztatzen dituen ziurtagiria, Unibertsitateko Kudetzailetzak emana, aurkeztu beharko da.
B.3. Epaimahaiak egingo du merezimenduen balioespena, ondoren aipatzen den baremoa aintzat hartuz:
B.3.1. Antzinatasuna: Abuztuaren 2ko 30/84 Legearen aplikazio eremuko Kidego edo Eskalako funtzionarioen antzinatasuna, eskaerak aurkezteko epea bukatzen den egunera arte egiazki eman edo aitortu diren zerbitzuak aintzat hartuz balioetsiko da, jardunean egondako urtebete oso bakoitzeko puntu 1 emango delarik, gehienezko puntuazioa 9 puntu izanik.
B.3.1. Norberaren gradu finkatua: Eskaerak aurkezteko epea bukatzen den egunean agintari eskumendunek emandako gradu-aitorpenaren erabakiaren bidez izangai bakoitzari finkatu eta formalizatu zaion graduaren arabera, honako puntuazio hau emango zaie:
12 gradua: 4,50 puntu
14 gradua: 5,00 puntu
15 gradua: 5,50 puntu
16 gradua: 6,00 puntu
17 gradua: 6,50 puntu
18 gradua: 7,00 puntu
B.3.3. Egindako lana: Ondoren aipatzen den puntuazioa emango da, eskaerak aurkezteko epea bukatzen den egunean Nafarroako Unibertsitate Publikoan betetzen den lanpostuari dagokion destino-osagarriaren mailaren arabera:
13 maila edo beheragokoa: 5,75 puntu
14 maila: 6,00 puntu
15 maila: 6,25 puntu
16 maila: 6,50 puntu
17 maila: 6,75 puntu
18 maila edo goragokoa: 7,00 puntu
Zerbitzu eginkizunean dauden funtzionarioei jatorrizko lanpostuko destino-osagarriaren maila balioetsiko zaie, eta behin-behineko esleipenean daudenei finkatuta daukaten graduari dagokion maila balioetsiko zaie, edo, ez badute, E taldeko gutxieneko maila.
B.3.4. Titulazio akademikoa: Gehienez ere 7 puntu, 2. oinarrian hautaprobetan parte hartzeko eskatzen diren titulazioak ez diren beste batzuk, maila berekoak edo goragokoak, edukitzeagatik, ondorengo sailkapen honen arabera:
1. Goi mailako Batxilergo titulua, L.H. II edo baliokidea edukitzeagatik: 2 puntu titulu bakoitzeko.
2. Unibertsitateko Diplomadun, Ingeniari Tekniko, Arkitekto Tekniko edo baliokide den tituluaren jabe izateagatik: Puntu 1 titulu bakoitzeko.
3. Lizentziadun, Ingeniari, Arkitekto edo baliokide den tituluaren jabe izateagatik: Puntu 1 titulu bakoitzeko.
B.3.5. Hizkuntzen ezaguera: honako merezimendu hauek balioetsiko dira, eta atal honetako gehienezko puntuazioa 9 puntukoa izango da:
Euskara:
a) Euskara Gaitasun Agiria (EGA) edo titulazio ofizial baliokidea edukitzeagatik, 6,75 puntu.
b) Euskarazko oinarrizko zikloko ziurtagiri ofiziala edo edo titulazio ofizial baliokidea edukitzeagatik, 4,5 puntu. Bateraezina izango da balioespen hau eta aurreko atalak aipatzen duen merezimenduarena.
c) a) eta b) atalek aipatzen dituzten titulazioak egiaztatzeko moduan ez dauden izangaiek, nahi badute, duten euskara maila balioesteko proba egin ahal izango dute. Proba hori borondatezkoa eta merezimenduzkoa izango da eta 0tik 2,7ra bitarteko puntuazioa izango du. Proba hori oposizio aldiaren ondoren egingo dute. Egin ahal izateko Unibertsitatearen Hizkuntzen Goi Mailako Ikastegiaren laguntza eskatuko da. Osorik euskaraz egingo da eta zati hauek izango ditu:
_Proba idatzia, gramatika edukiak eta idazmena balioetsiko dituena.
_Ahozko proba, ulermena eta mintzamena neurtuko dituena.
Beste hizkuntza batzuk:
a) Europar Batasuneko edozein hizkuntza ofizialen Gaitasun Agiria, Hizkuntza Eskola Ofizialek ematen dutena, edukitzeagatik edo, bestela, titulazio baliokidea, 4,95 puntu hizkuntza bakoitzagatik.
b) Europar Batasuneko edozein hizkuntza ofizialen Oinarrizko Zikloaren Ziurtagiri Ofiziala, Hizkuntza Eskola Ofizialek ematen dutena, edukitzeagatik edo, bestela, titulazio baliokidea, 3,15 puntu hizkuntza bakoitzagatik.
B.4. Horrela erdietsitako puntuak oposizio aldian erdietsitakoei gehituko zaizkie, zortzigarren oinarrian ezartzen denarekin bat etorriz, zehaztu ahal izateko hautaprobaren bi aldiak gainditu dituzten izangaiak, beti ere, ezin izango direlarik deitu diren lanpostuak baino gehiago.
7._Ariketen garapena.
7.1. Oposizio aldiko lehen ariketa 2003ko apiriletik aurrera egingo da.
7.2. Oposizio aldiko hiru ariketetako probak baztergarriak izango dira; baztertu egingo dituzte eskatutako gutxienezko puntuazioa erdiesten ez duten lehiatzaileak.
Halaber, oposizio aldiko ariketetako bakoitza baztergarria izango da; baztertu egingo dute ariketa horietako bakoitzean eskatzen den gutxienezko puntuazioa erdietsi ez duen izangaia.
7.3. Epaimahaiko kideek noiznahi eska diezaiekete izangaiei nortasuna egiazta dezatela.
7.4. Izangaiak oposizio aldiko ariketa egiteko deituko dituzte, deialdi bakarrean, eta agertzen ez direnak baztertuta geldituko dira, ezinbesteko kasuetan salbu, beti ere Epaimahaiaren aurrean justifikatu eta honek justifikazioa onartu eta gero.
Izangaiak deitzeko ordena alfabetikoari jarraituko zaio, Administrazio Publikorako Estatuko Idazkaritzak urtero egiten duen zozketaren ondoren ateratzen den letratik hasita.
7.5. Hautaproben edozein unetan, Epaimahaiak jakiten badu izangaietakoren batek ez dituela deialdi honetan eskatzen diren betebeharreko guztiak, eta interesdunari entzun ondoren, Unibertsitateko Errektoreari proposatu beharko dio izangai hori baztertzeko, eta esan beharko dio, halaber, zein zehazgabetasun edo faltsukeria jarri dituen izangaiak hautaprobetara onartua izateko eskaeran, horrek bere ondorioak sor ditzan.
8._Gainditu dutenen zerrenda
8.1. Lehen ariketa bukatu eta gero, epaimahaiak izangai gainditutakoen zerrenda zein den jakinaraziko du, ariketa egin den tokian eta Administrazio eta Kudeaketa Eraikineko iragarki-oholean, bakoitzak erdietsi duen puntuazioaren arabera sailkaturik, eta nortasun agiri nazionala adieraziz. Zerrenda horretan jakinaraziko da, baita ere, oposizio aldiko bigarren ariketa non, noiz eta zer ordutan egingo den, egin aurretik, gutxienez ere, 24 ordu lehenago.
8.2. Oposizio aldia bukaturik, epaimahaiak oposizio aldia gainditu duten izangaien zerrenda ariketa egin den tokian eta Administrazio eta Kudeaketa Eraikineko iragarki-oholean jarriko du, bakoitzak erdietsi duen behin betiko puntuazioaren arabera sailkaturik, ariketa bakoitzean erdietsitakoak batu eta gero, eta nortasun agiri nazionala adieraziz.
8.3. Epaimahaiak izangaien behin betiko zerrenda argitaratuko du, lortu duten behin betiko postuaren arabera antolatuta, oposizio aldian eta lehiaketa aldian lortu dituzten puntuazioak batu eta gero.
Hautaproben azken emaitzan gertatzen diren berdinketak ebazteko, lehen ariketan puntuaziorik altuena lortu duenaren alde egingo da; berdinketak segitzen badu, bigarren ariketan puntuaziorik altuena lortu duenaren alde egingo da, eta hala ere berdinketak irauten badu, lehiaketa aldian puntuazio handiena duenaren alde ebatziko da.
8.4. %33ko edo gehiagoko ezgaitasuna duten izangaiek lehentasuna edukiko dute lanpostu hutsak aukeratzeko txanda libreko izangaien aurretik, baldin eta txostenik bada, deialdiaren gaia den lanpostuarekin bateragarria dela esaten duena, horretan adituak diren balioespen eta orientazio taldeek eginda.
8.5. Epaimahaiak jendaurrean jakinaraziko du hautaprobak gainditu dituztelako aldarria, eta oposizio aldian eta lehiaketa aldian lortu dituzten puntuak batuz, punturik gehien lortu duten izangaiak Zerbitzuetako Laguntzaileen Eskalako karrerako funtzionario izendatzeko proposamena bidaliko dio Unibertsitateko Errektoreari, eta hauen zenbakia ez da eskaintzen diren lanpostuen zenbakia baino handiagoa izango, deialdi honetako 5.11 oinarriak ezartzen duenarekin bat etorriz.
9._Agiriak aurkeztea eta funtzionarioak izendatzea
9.1. Proposatzen diren izangaiek 2.1.f) oinarrian eskatzen den Tituluaren fotokopia aurkeztu beharko dute, behar bezala erkaturik, Unibertsitateko Erregistro Orokorrean, hogei egun naturaleko epean, hautaprobak gainditu dituzten izangaien zerrenda argitaratzen den egunaren biharamunetik kontatzen hasita.
9.2. Ezinbesteko kasuak alde batera utzita, ezarri den epearen barruan agiriak aurkezten ez dituztenak, edo agiriak aztertzearen ondorioz, 2.1 oinarrian aipatzen diren betebeharretakoren bat betetzen ez dutenak, ezin izendatuko dira Zerbitzuetako Laguntzaileen Eskalako funtzionario, eta bere jardun guztiak deuseztu egingo dira, hasierako eskaeran faltsukeriatan ibiltzeagatik eduki lezaketen erantzukizunaren kaltetan gabe.
Lehengo atalean aurreikusten den kasuan, Nafarroako Unibertsitate Publikoko Errektoreak hutsunea beteko du 8.3 atalak aipatzen duen gainditu dutenen zerrendan ondoren dagoenarekin, eta horrekin aurreko ataletan aipatu den moduan jokatuko da.
9.3. Deialdia egiten duen aginteak, Epaimahai kalifikatzaileak hala proposaturik, karrerako funtzionarioak izendatuko ditu, "Nafarroako ALDIZKARI OFIZIALean" argitaratuko den ebazpenaren bidez.
10._Azken araua
Deialdi honen aurka, bere oinarrien aurka eta horiek aplikatzearen ondorioz zein Epaimahaiaren jardunaren ondorioz gertatzen diren administrazio-egintzen aurka, behar diren errekurtsoak jar daitezke, azaroaren 26ko 30/1992 Adminsitrazio Publikoen Eraentza Juridiko eta Guztientzako Prozedu Administratiboari buruzko Legeak, urtarrilaren 13ko 4/1999 Legeak aldatuak, ezartzen duen kasu eta moduan.
Halaber, Unibertsitateak epaimahaiaren erabakiak berraztertu ahal izango ditu, Administrazio Publikoen Eraentza Juridikoari eta Guztientzako Administrazio Prozedurari buruzko 30/1992 Legeak aurreikusten duenaren arabera.
I. ERANSKINA
Gai zerrenda
LEHENENGO ZATIA
Komunikazio eta matematikaren arloa
Komunikazioa
1._Ohiz erabiltzen diren testu idatziak ulertzea, ideia nagusiak laburtzea eta horien arteko harremanak ezartzea. Testu mota bakoitzaren berezko alderdi erraz batzuen azterketa (egitura, hiztegia, puntuazio zeinuak.)
2._Mota ezberdinetako testuak idaztea (narrazioak, deskripzioak, elkarrizketak, txostenak...), bakoitzari dagokion testu egitura emanez, ortografia arauak zainduz eta testuari lotura ematen dioten oinarrizko prozedurak erabiliz (lokarriak, aditz denbora, puntuazio zeinuak...).
3._Sinbolo, irudi, plano eta grafiko errazak interpretatzea.
4._Alfabetoaren ordena menderatzea, arin erabiltzeko hiztegia, gidaliburua, telefono zerrenda, hainbat zerrenda eta abarrak.
5._Inprimakiak, galdera-zerrendak eta formulario errazak interpretatu eta betetzea: N.A.N., telegramak, postazko igorpenak, banku dokumentuak, eskaerak...
Matematika
1._Zenbaki natural eta hamartarrak irakurri, idatzi eta ordenatzea.
2._Oinarrizko lau eragiketak (batuketa, kenketa, biderketa eta zatiketa) zenbaki natural eta hamartarrekin erabiliz, eguneroko bizitzaren problema errazak ebaztea.
3._Luzera, azalera, masa, edukiera eta denbora neurriak. Multiplo eta azpimultiplo erabilienak. Unitateen bihurketa.
4._Irudi lauak eta gorputz geometriko ohikoenak ezagutzea. Horien oinarrizko elementuak identifikatzea (aldea, angelua, erpina, aurpegia, oinarria eta garaiera).
BIGARREN ZATIA
Nafarroako Foru Erakundeak
1._Nafarroako Parlamentua edo Nafarroako Gorteak. Ordezkaritza, eginkizunak, hautaketa, kideen prerrogatibak, funtzionamendua eta eskumenak. Kontsulta egiteko testua: Nafarroako Foru Eraentza Birrezarri eta Hobetzeari buruzko 13/1982 Lege Organikoaren 11tik 22ra bitarteko artikuluak.
2._Diputazioa edo Nafarroako Gobernua: osaera, eskurantzak, araubide juridikoa eta funtzionamendua. Kontsulta egiteko testua: 1983ko apirilaren 11ko Foru Legea, 151 zenbakiko BOE, ekainaren 25ekoa.
3._Nafarroako Gobernuko lehendakaria: hautaketa eta eskurantzak. Kontsulta egiteko testua: 13/1982 Lege Organikoaren 29tik 30era bitarteko artikuluak. Lege hori martxoaren 26ko 1/2001 Lege Organikoak eta 1983ko apirilaren 11ko Foru Legearen 19tik 32ra bitarteko artikuluek aldatua da.
Administrazio Prozedura
1._Administrazio Prozeduraren Xedapen Orokorrak: Hasiera, Antolamendua, Instrukzioa eta Bukaera. Kontsulta egiteko testua: Administrazio Publikoen Eraentza Juridikoari eta Guztientzako Administrazio Prozedurari buruzko azaroaren 26ko 30/1992 Legearen 68tik 92ra bitarteko artikuluak.
2._Organo kolegiatuak: araubidea, osaera eta eskurantzak. Kontsulta egiteko testua: azaroaren 26ko 30/1992 Legearen 22tik 27ra bitarteko artikuluak.
3._Interesdunak: Jarduteko gaitasuna, interesdun kontzeptua, ordezkaritza, interesdunen aniztasuna eta identifikazioa. Kontsulta egiteko testua: azaroaren 26ko 30/1992 Legearen 30etik 34ra bitarteko artikuluak.
4._Epemugak eta epeak Administrazio Prozeduran. Kontsulta egiteko testua: azaroaren 26ko 30/1992 Legearen 47tik 50era bitarteko artikuluak.
5._Administrazioaren isiltasuna. Kontsulta egiteko testua: azaroaren 26ko 30/1992 Legearen 43tik 44ra bitarteko artikuluak.
Unibertsitate Legeak
1._Unibertsitateak: sorkuntza, egitura, gobernu erakundeak. Kontsulta egiteko testua: Unibertsitateei buruzko abenduaren 21eko 6/2001 Legearen 1etik 26ra bitarteko artikuluak.
2._Unibertsitateko irakasleak: Irakasle eta Ikertzaile kontratatuak: Unibertsitateko Irakaskidegoetako irakasleak: Kontsulta egiteko testua: Unibertsitateei buruzko abenduaren 21eko 6/2001 Legearen 47tik 71ra bitarteko artikuluak.
3._Administrazio eta Zerbitzuetako langileak: Kontsulta egiteko testua: Unibertsitateei buruzko abenduaren 21eko 6/2001 Legearen 73tik 78ra bitarteko artikuluak.
4._Administrazio Publikoen zerbitzuetako langileak. Funtzionario publikoak hautatzeko modua. Kontsulta egiteko testua: martxoaren 10eko 364/1995 Errege Dekretua, Estatuaren Administrazio Orokorraren Zerbitzuan Langileak Sartzeko eta Estatuaren Administrazio Orokorreko Funtzionario Zibilen Lanpostuak Hornitzeko eta Sustapena egiteko Erregelamendua onetsi zuena: 3tik 26ra bitarteko artikuluak (95/4/10 "B.O.E"). Funtzionario publikoen administrazio egoerak. Kontsulta egiteko testua: martxoaren 10eko 365/1995 Errege Dekretua, Estatuaren Administrazio Orokorreko Funtzionario Zibilen Administrazio Egoerei buruzko Erregelamendu Orokorra onesten duena (95/4/10 "B.O.E").
II. ERANSKINA
Hautaprobetarako epaimahaia
Epaimahai titularra:
Epaimahiburua: Nafarroako Unibertsitate Publikoko Errektorea edo hark eskuordetua.
Mahaikideak: Itziar Ayerdi Fern ndez de Barrena andrea, Giza Baliabideen Zerbitzuko Zuzendaria.
Rafael Boado Cortizas jauna, Administrarien Eskalako karrerako funtzionarioa (Informatika Zerbitzua)
Administrazio eta Zerbitzuetako Langileen Batzordeak izendatutako bi ordezkari. Horietako bat idazkari lanetan arituko da.
Epaimahai ordezkoa:
Epaimahiburua: Idazkari Nagusia edo hark eskuordetutako langileak.
Mahaikideak: Pedro Ardaiz Labairu jauna, Langileen Kudeaketa Ataleko burua.
Lola de la Rúa Aramburu andrea, Sail eta Ikastegietako Kudeaketarako Ataleko burua.
Administrazio eta Zerbitzuetako Langileen Batzordeak izendatutako bi ordezkari.
Iragarkiaren kodea: A0300261
Sarbidea
Nafarroako Aldizkari Ofiziala
Paseo Pablo Sarasate, 38, 2.º izda.
31001 - Iruña
848 42 12 50
