I. NAFARROAKO FORU KOMUNITATEA
Beste Xedapenak
40/2002 FORU AGINDUA, maiatzaren 8koa, Gizarte Ongizate, Kirol eta Gazteri kontseilariak emana, gizarte zerbitzuen arloko 2002ko inbertsioetarako deialdiko c), d), e) eta g) idatz-zatietan erabil daitekeen aurrekontua jakinarazten duena.
Gizarte Ongizate, Kirol eta Gazteri kontseilariak, urtarrilaren 10eko 1/2002 Foru Aginduaren bidez, gizarte zerbitzuen arloko 2002ko inbertsioetarako deialdiaren oinarriak onetsi zituen (2002ko 17. Nafarroako ALDIZKARI OFIZIALa, otsailaren 8koa).
Deialdi horren 3. oinarrian finkatzen da deialdia ebazten denean indarra duen legezko arautegiak ezarriko duela harentzako aurrekontua, eta aurrekontu horri konprometitutako gastuak kenduko zaizkiola.
Horrenbestez, bidezko da aipatu deialdiko idatz-zati haietarako aurrekontua jakinaraztea.
Beraz, Nafarroako Foru Komunitateko Gobernua eta Administrazioa arautzen dituen apirilaren 11ko 23/1983 Foru Legeak ematen dizkidan ahalmenak erabiliz,
AGINDU DUT:
1. Gizarte zerbitzuen arloko 2002ko inbertsioetarako deialdiaren oinarriak onesteko Gizarte Ongizate, Kirol eta Gazteri kontseilariak urtarrilaren 10ean emandako 1/2002 Foru Aginduko 3. oinarrian aipatutako idatz-zatietarako ondoko zenbatekoak ezartzea:
c) Kontusaila: Baztertuei laguntza ematen dieten elkarteendako dirulaguntzak. Erabil daitekeen aurrekontua: 51.926 euro.
d) Kontusaila: Haur eta gazteri arloko besteren zentroetarako obra eta ekipamendurako dirulaguntzak. Erabil daitekeen aurrekontua: 518.891 euro.
e) Kontusaila: Inbertsioak elbarriendako besteren zentroetan. Erabil daitekeen aurrekontua: 560.286 euro.
g) Kontusaila: Bestelako inbertsioak eta ekipamendua, gizarte zerbitzuen arloan. Erabil daitekeen aurrekontua: 132.643 euro.
2. Foru Agindu hau Nafarroako ALDIZKARI OFIZIALean argitaratzea.
Iruñean, bi mila eta biko maiatzaren zortzian.-Gizarte Ongizate, Kirol eta Gazteri kontseilaria, Calixto Ayesa Dianda.
Iragarkiaren kodea: A0205287
