I. NAFARROAKO FORU KOMUNITATEA
Herrilanak eta Zerbitzu Publikoak
JENDAURREKO INFORMAZIOA, Murillo el Frutoko udal mugapean (Nafarroa) gas naturala instalatzeko "Murillo el Frutoko gas naturalaren banaketa sarea" izeneko proiektuarena.
Hidrokarburoen Sektoreari buruzko urriaren 7ko 34/1998 Legearen 73 eta 104. artikuluek, Nahitaezko Desjabetzapenari buruzko 1954ko abenduaren 16ko Legearen 17. artikuluak eta haren Erregelamenduko 56.ak agintzen dutenari jarraikiz, ondoko ezaugarriak dituen instalazio proiektua jendaurrean paratu da:
Eskatzailea: Gas Navarra, S.A., helbidea, jakinarazpenetarako, Iruñeko Antso Azkarra etorbideko 26- behean (PK-31008).
Eskabidearen helburua:
1) "Murillo el Frutoko gas naturalaren banaketa sarea" proiektuari dagozkion instalazioetarako baimena eta administrazio baimena.
2) Onura publikoa onartzea.
Instalazioaren ezaugarriak:
1.-MPB/MPA erregulazio eta neurketa estazioa, lur gainekoa, AR-11 armairu barnekoa, kanpoaldeko hesi metalikoarekin, Murillo el Frutoko hego-ekialdean paratzekoa, Caparrosotik Zarrakaztelura joateko errepidetik hurbil.
Sarrerako gehienezko presioa 4 bar-ekoa da eta irteerakoa, berriz, 0,4 bar-ekoa, edukiera nominala 500 Nm3/h-ko; erregulazio osoko linea bat eta bigarren mailako beste bat izanen ditu, bakoitza 500 Nm3/h-ko edukierakoa.
2.-A presio ertaineko banaketa sarea, PE 100 polietilenozkoa, SDR 11 edo SDR 17,6 motakoa, UNE 53333/90-en arabera; diametroak 63, 110, 160 eta 200 DN-koak; lurpean, 5.586 metro luze.
3.-Proiektaturiko kanalizazioan egiteko hartuneak, banaketa sarearen eta erabiltzaileen instalazioetara iristen den gasaren bidea ixten duen giltza orokorraren artean.
Aurrekontua: aurrekontua ehun eta laurogeita hemeretzi mila, hirurehun eta hogeita hamar euro eta hogeita zazpi zentimokoa da (199.330,27 euro).
Egiteko epea: gasifikazioaren kanalizazioa 20 urtean egitekoa da, eta lehenbiziko urtean % 25eko zabalkundea espero da; urte horretan eraikiko da Erregulazio eta Neurketa Estazioa eta Banaketa Sare Oinarrizkoa.
Proiektuak trazaduraren eta lurzatien planoak berekin ditu; Gas Navarra S.A.k adierazi du trazadura osoa lurzoru publikoan eginen dela.
Aditzera ematen da, orok jakin dezan eta espedientea azter dadin Industri Segurtasunerako Zerbitzuan, Iruñeko Tomás Caballero Parkea, 1-5. solairua. Han berean egoki juzgatzen diren alegazioak aurkezteko aukera izanen da, hiru kopiatan, iragarki hau Nafarroako ALDIZKARI OFIZIALean argitara eman eta biharamunetik hasita hogei eguneko epean.
Iruñean, bi mila eta biko apirilaren hemezortzian.-Industri Segurtasunerako Zerbitzuko zuzendaria, José Antonio Ayesa Usabiaga.
Iragarkiaren kodea: a0204410
