I. NAFARROAKO FORU KOMUNITATEA
Xedapen Orokorrak. Foru Aginduak
FORU AGINDUA, 2002ko maiatzaren 8koa, Nekazaritza, Abeltzaintza eta Elikadura kontseilariak emana, 2002-2003 merkaturatze kanpainarako ureztaketa lurrak kentzeko gehieneko ehunekoak baimentzen dituena, nekazaritzako zenbait produkturi eremuagatik ordaindu beharrekoari, nekazariendako primei, eskualde behartsu batzuen ordainari eta nekazaritza eta ingurumen arloetako laguntzei buruzko 2001eko abenduaren 27ko Foru Aginduaren babesean aurkezturiko laguntzen eskabideetarako.
2002ko martxoaren 1eko Foru Aginduaren bidez, 2002-2003 merkaturatze kanpainarako ureztaketa lurrak eta lehorreko lurrak borondatez kentzeko ehunekoa handitu zen, nekazaritzako zenbait produkturi eremuagatik ordaindu beharrekoari, nekazariendako primei, eskualde behartsu batzuen ordainari eta nekazaritza eta ingurumen arloetako laguntzei buruzko 2001eko abenduaren 27ko Foru Aginduaren babesean aurkezturiko laguntzen eskabideetarako.
Foru Agindu horretan, artikulu bakarreko 5. lerroaldean, xedatzen da baimenduriko ehunekoak handitzen ahalko direla, eguraldiaren nondik norakoak ikusirik.
Eguraldia ez da batere mesedegarriena izan urtegiak betetzeko, urtegiak baitira ureztaketarako berme.
Otsailaren 1eko 140/2002 belar produktu batzuen ekoizleendako eremuagatik ordaindu beharrekoari buruzko abenduaren 10eko 1893/1999 Errege Dekretua aldatu zen. Errege Dekretu honek 18. artikuluan xedatzen duenez, kanpaina batean ohiz kanpoko gorabeherak gertatzeagatik, eguraldiaren aldaketak eraginak, gure nekazaritzaren ezaugarri baitira, hala nola, euritea edo agortea, eskualde batean nekazaritzan normaltasunez jarduterik ez dagoenean, autonomi erkidegoek lurrak kentzeko gehieneko ehunekoak errespetatu beharretik salbuesten ahalko dituzte ukituriko eremu edo eskualdeak. Ehuneko horiek Errege Dekretu horretako 11. artikuluko 2. idatz-zatian ezartzen dira.
Nafarroak agorte luzea eraman behar izan du azken aldi honetan. Horrek kalte handia egin dio nekazaritzari. Egoera hau Errege Dekretu horretan aipatzen den bezalakoxea da. Gainera, nekazariak hain larriki ukitzen ditu, ezen ureztaketa lurrak kentzeko gehieneko ehunekoa ere handitu behar baita, bereziki, Esako urtegiaz eta Aragoa ugaldeaz ureztatzen den eremuan.
Horrenbestez, Nafarroako Foru Komunitateko Gobernua eta Administrazioa arautzen dituen apirilaren 11ko 23/1983 Foru Legeko 36. artikuluko 2. idatz-zatiaren bidez eskuratu ditudan ahalmenak erabiliz,
AGINDU DUT:
Artikulu bakarra.
1. Nafarroako udalerrietan, 2002ko ekitaldirako, ureztaketa lurrak kentzeko ehunekoa ordainen xede den eremuaren 100eko 50ekoa izaten ahalko da, gehienez ere.
2. Bereziki, 2002ko kanpainarako ureztaketa lurrak kentzeko gehieneko ehunekoa 100eko 60koa izaten ahalko da, ordainen xede diren eremuetan, udalerri hauetan: Arguedas, Cadreita, Errege Bardeak, Caparroso, Zarrakaztelu, Kaseda, Funes, Galipentzu, Xabier, Martzilla, Mélida, Milagro, Murillo el Cuende, Murillo el Fruto, Azkoien, Zangoza, Santakara, Valtierra, Villafranca eta Esan, hain zuzen ere.
AZKEN XEDAPENAK
Lehena.-Foru Agindu hau Nekazaritza, Arrantza eta Elikadura Ministerioari jakinaraziko zaio, behar diren ondorioak sor ditzan.
Bigarrena.-Foru Agindu honek Nafarroako ALDIZKARI OFIZIALean argitaratu eta biharamunean hartuko du indarra.
Iruñean, bi mila eta biko maiatzaren zortzian.-Nekazaritza, Abeltzaintza eta Elikadura kontseilaria, Ignacio Javier Martínez Alfaro.
Iragarkiaren kodea: A0205115
