Iragarkia

6. ALDIZKARIA - 2002ko urtarrilaren 14a

I. NAFARROAKO FORU KOMUNITATEA

Xedapen Orokorrak. Foru Aginduak

FORU AGINDUA, 2001eko abenduaren 27koa, Nekazaritza, Abeltzaintza eta Elikadura kontseilariak emana, nekazaritzako zenbait produkturi azaleragatik ordaindu beharrekoari, nekazariendako primei, eskualde behartsu batzuen ordainari eta nekazaritza eta ingurumen arloetako laguntzei buruzkoa.

Abenduaren 10eko 1893/1999 Errege Dekretuak, nekazaritzako zenbait produkturi azaleragatik ordaindu beharrekoari buruzkoak, Estatuko oinarrizko arautegia ezarri du. Oinarrizko arautegi hori kasu hauetan aplikatzekoa da: a) belarkien laborantzei azaleragatik eman beharreko ordainketetan, Kontseiluaren 1251/1999 EE Erregelamenduan aipatuetan; b) arrozaren laborantzarako ordainetan, Kontseiluaren 3072/1995 EE Erregelamenduko 6. artikuluan aipatuetan; c) zenbait aletarako lekaduni azaleragatik eman beharreko ordainketetan, Kontseiluaren 1577/1996 EE Erregelamenduan aipatuetan; d) liho eta kalamuaren sektoreari azaleragatik eman beharreko ordainketetan, Kontseiluaren 1673/2000 EE Erregelamenduan aurreikusietan, bertan ezartzen baita zuntzak ekoizteko lihoaren eta kalamuaren sektorean merkatuko antolamendu bateratua.

Bestaldetik, abenduaren 23ko 1973/1999 Errege Dekretuak, Europako Batasunak abeltzaintzarako dituen laguntzei buruzkoak, estatuko oinarrizko arautegia ezarri du. Oinarrizko arautegi hori azienda gorriaren sektoreari egin beharreko ordainketei buruzkoa da, Kontseiluaren 1254/1999 EE Erregelamenduan aipatua (behi haragiaren sektoreko merkatuen antolamendu bateratua ezartzen baitu). Bestetik bi erregelamendu hauetan aipatzen diren ordainketei aplikatzekoa da: Kontseiluaren 2467/98 EE Erregelamenduan, azienda zuriaren haragiaren sektoreko merkatuen antolamendu bateratua ezartzen duen horretan, eta Kontseiluaren 1323/1990 EE Erregelamenduan, zenbait eskualde behartsutan azienda zuria hazteko laguntza berariazkoa ezartzen duen horretan.

Hirugarrenik, Kontseiluaren 1257/1999 Erregelamenduak, maiatzaren 17koak, zeinak arautzen baitu zer laguntza emanen diren Nekazaritzaren Berme eta Orientaziorako Europako Fondo-FEOGAtik eta zenbait erregelamendu indargabetzen eta aldatzen, araubide bat ezartzen du eskualde behartsuei eta ingurumen aldetik mugak dituzten horiei Europako Batasunaren laguntzak emateko eta nekazaritza eta ingurumena zaintzeko zenbait neurri bultzatzeko, aipatu Fondoaren Berme Atalarekin batera finantzaturik. Neurri horiek Nafarroako Nekazaritza Garatzeko 2000-2006 Programan ere aurreikusiak daude (2000ko irailaren 14an Batzordeak onetsia baitu, C(2000) 2660 zenbakia duela.

Nekazaritza, abeltzaintza eta herrien garapenerako laguntza hauek denak Nafarroako Foru Komunitatean 2002ko ekitaldian aplikatu ahal izateko, nekazaritzako produktu batzuen azaleraren araberako ordainketei buruzko abenduaren 10eko 1893/1999 Errege Dekretuan eta ondorengo aldaketetan eta abeltzaintzarako Europako Batasuneko laguntza batzuei buruzko abenduaren 23ko 1973/99 Errege Dekretuan eta ondoren aldaketetan laguntzak izapidatu, ebatzi, ordaindu eta kontrolatzeko kontu batzuk garatu behar dira. Halaber, Nafarroako Foru Komunitateko eskualde behartsuetan aplikatzekoak diren ordainetarako dirulaguntzak, produkzio integraturako laguntzak eta produkzio ekologikorako laguntzak arautzeko orotariko arauak eman behar dira, Nafarroako Gobernuak 2000ko abenduaren 27ko Erabakiaren bidez onetsirik, 2000/2006 Nekazaritza Garatzeko Programako aurreikuspenen arabera.

Beste kontu batzuen artean, urte honetako arautegian beharrezkotzat jo da erabilera batzuetarako lurzatiak aukeratzeko baldintzak zehaztea, laguntzak hartzeko baldintzak ez betetzea dakarten ustekabeko gorabeherak jakinarazteko prozedura ezartzea eta belarkien aprobetxeamendu bateraturako lurrak eta azienda zuriaren belarkiak aprobetxatzeko korralizak deklaratzeko era zehaztea.

Nafarroako Nekazaritza Garatzeko 2000-2006 Programan aurreikusten diren neurrietako bat Nafarroako eskualde behartsuetan diren ustiategiei laguntzea da. Nekazaritza, Abeltzaintza eta Elikadura kontseilariak 2001eko abenduaren 27an emandako Foru Aginduan 2001. urtean Nafarroako eskualde behartsuei laguntzak emateko araubidea ezarri zen. Beharrezkoa da 2002ko laguntzak emateko araubidea zehaztea eta laguntza hauetarako unitateen prezioak handitzea, 2001eko Kontsumorako Prezioen Indizea kontuan hartuz.

Maiatzaren 17ko 1257/1999 EE Erregelamenduaren VI. Kapituluak nekazaritza eta ingurumena zaintzeko neurriak jarri beharra agertzen du, ingurumena, natur baliabideak, aniztasun genetikoa eta lurzorua babestu eta hobetzeko eta paisajea eta landalurrak zaintzeko gero eta nabarmenagoa den beharrarekin bateragarriak diren nekazaritza praktikak sartu eta mantentzearren, horrela, nekazari eta abeltzainek esku hartuz, herriguneko eskualdeen garapen orekatua sustatzeko eta gizartearen kezka gero eta handiago horri erantzuteko.

Nafarroako Foru Komunitateak proposatu dituen nekazaritza eta ingurumenaren arloko neurrietan garrantzitsuetariko bat, produkzio integratua bultzatzeaz gain, produkzio ekologikoa sustatzea da, hala edukien aldetik, nola ekoizleen artean piztu duen interesaren aldetik. Ingurumenaren arloko bi neurri horiek produkzio integratua eta produkzio ekologikoa bultzatzekoak, Nafarroako Nekazaritza Garatzeko 2000-2006 Programan aurreikusiak daude (2000ko irailaren 14an Batzordeak onetsia, C(2000) 2660 zenbakia duela).

Aurreko programarekin alderatuta, oraingoan sendoago ageri da produkzio ekologikoa, primak handiagoak baitira. Hobekuntza horiek sartu dira produkzio sistema nekazarientzat zorrotzagoa eta murriztaileagoa izan dadin eta ingurunea babesteko bermea handiagoa izan dadin. 2002ko kanpainarako laguntza horien arautegian zenbait kontu aldatu, zehaztu eta argitu beharra dago, batez ere laguntzak emateko baldintzei eta horiek lortzeko betebeharrei dagokienez.

Produkzio integratua gauza berria da lehengo programaren aldean eta aurrerabide nabarmena ere bai natur ingurunearen babesean, produkzio sistema horrek handiagoko mugak baititu bere ibilbide teknikoetan eta bai kontrolatze eta ziurtatze tresnak ere. 2002ko kanpainarako, produkzio ekologikorako laguntzekin bezalaxe, laguntzen arautegian zenbait kontu aldatu, zehaztu eta argitu beharra dago. Hori hain zuzen da Foru Agindu honetan "eskabide bakar" gisa hartzen dena.

2000 eta 2001eko kanpainetan produkzio ekologikorako eta produkzio integraturako laguntzek 2000/2006 Nafarroako Nekazaritza Garatzeko Programako aurreikuspenak gainditu dituzte. Produkzioko teknika horiek ingurumenari dakarzkioten onurak eta gizartearen harekiko kezka ikusirik, gero eta handiagoa baita, komeni da 2002ko kanpainan laguntzarako beste eskabide batzuk aurkezteko baimena ematea. Hala ere, aurrekontuetako dirua kontuan hartuz, eskabide berriak aintzakotzat hartzeko beharbada ez baita aski izanen, laguntzak emateko lehentasunezko irizpideak ezartzea komenigarritzat jo da, eskatzaileen nekazaritzarekiko lotura, sistema horien bidez laborantza batzuk ekoizteko komenentzia eta 2000/2006 Nafarroako Nekazaritza Garatzeko Planeko multzoetarako aurreikusiriko helburuen betetze-maila kontuan hartuz.

Aurreko programan, besteak beste, Tratamendu Fitopatologikoen Kontrol Integratua sustatzeko laguntzak aipatzen ziren, azaroaren 2ko 323/1998 Foru Dekretuaren bidez emanak, eta nekazaritza ekologikoa sustatzeko laguntzak, 1995eko abenduaren 18ko Foru Aginduaren bidez emanak. Komeni da laguntza horiek hartu dituztenei Nekazaritza Garatzeko Progaman aurreikusten den araubidean sartzeko baimena ematea, lehen emaniko laguntzei uko eginez baina harturiko dirua itzuli gabe, baldin eta gutxienez ere bost urtez behar diren konpromisoak hartzen badituzte.

Hori horrela, Nafarroako Foru Komunitateko Gobernua eta Administrazioa arautzen dituen apirilaren 11ko 23/1983 Foru Legeko 36.2 artikuluaren bidez esleitu zaizkidan ahalmenen arabera,

AGINDU DUT:

I. KAPITULUA

Xedapen orokorrak

1. artikulua. Xedea eta aplikazio esparrua.

1.-Foru Agindu honen xedea da Nafarroako Foru Komunitatean Europako Batasunaren laguntzak emateko araubide hauei aplika dakiekeen Estatuko oinarrizko arautegia garatzea, 2002ko kanpainarako.

I.-Nekazaritzaren arloan:

a) Kontseiluaren 1251/1999 EE Erregelamenduan aipatzen diren belarkien ekoizleei azaleragatik eman beharreko ordainketei.

b) Kontseiluaren 3072/1995 EE Erregelamenduko 6. artikuluan aipatzen den arroz-alorrean ereiteko ordainari.

c) Kontseiluaren 1577/1996 EE Erregelamenduan aipatzen diren laguntzei (zenbait aletarako lekaduni azaleragatik eman beharrekoei).

d) Kontseiluaren 1673/2000 EE Erregelamenduan aipatzen diren laguntzei (zuntzak ekoizteko lihoaren eta kalamuaren sektorean merkatuko antolamendu bateratua ezartzen duen horretan).

II.-Abeltzaintzaren arloan:

a) Kontseiluak maiatzaren 17an eman 1254/1999 EE Erregelamenduan azienda gorriko arren ekoizleendako aipatzen den prima bereziari. Erregelamendu horren bidez behi haragiaren sektoreko merkatuen antolamendu bateratua ezarri zen.

b) Kontseiluaren 1254/1999 EE Erregelamenduko 6. artikuluan behi ume-hazleak dauzkaten ekoizleendako ezartzen den primari.

c) Kontseiluaren 1254/1999 EE Erregelamenduko 11. artikuluan abereak hiltzeagatik aipatzen den primari.

d) Erregelamendu horretako 13. artikuluan estentsibo bihurtzeagatik ezartzen den ordainketari.

e) Ordainketa osagarriei, Erregelamendu horretako 15. artikuluan ezartzen denaren arabera.

f) 2467/98 eta 1323/90 EE Erregelamenduetan azienda zuriaren ekoizleendako ezartzen den primari.

g) Europako Batasuneko eskualde behartsu batzuetan azienda zuria hezitzeko berariazko laguntzari, 1323/90 EE Erregelamenduan ezarririkoaren arabera.

h) Bazkatokiaren justifikazioari, Kontseiluaren 1254/1999 EE Erregelamenduan ezarririko azienda-dentsitatea neurtzeko.

2.-Halaber, Foru Agindu honek 2002. urtean laguntzak eskatu eta emateko baldintzak ezartzen ditu, honako araubideetarako:

a) Nafarroako eskualde behartsuen ordainetarako. Neurri horiek Nafarroako Nekazaritza Garatzeko 2000-2006 Programan aurreikusiak daude (2000ko irailaren 14an Batzordeak onetsia, C(2000) 2660 zenbakia duela).

b) Nekazaritza eta ingurumen arloko neurriak, produkzio integratuaren aldekoak. Neurri horiek Nafarroako Nekazaritza Garatzeko 2000-2006 Programan aurreikusiak daude (2000ko irailaren 14an Batzordeak onetsia, C(2000) 2660 zenbakia duela).

c) Nekazaritza eta ingurumen arloko neurriak, produkzio ekologikoaren aldekoak. Neurri horiek Nafarroako Nekazaritza Garatzeko 2000-2006 Programan aurreikusiak daude (2000ko irailaren 14an Batzordeak onetsia, C(2000) 2660 zenbakia duela).

3.-Foru Agindu honek, azkenik, 2002. urtean irailaren 7ko 265/1998 Foru Dekretuan aipatzen diren laguntzak eskatzeko baldintzak ezartzen ditu (lurraldea eta naturguneak babesteko nekazaritza eta ingurumenaren arloko laguntzak).

2. artikulua. Definizioak.

Foru Agindu honen ondorioetarako, Europako Batasuneko arautegian eta Espainiako oinarrizkoa arautegian diren definizioez gain, ondoko hauek erabiliko dira:

1.-"Nekazaritzako ustiategiak": nekazaritza batez ere merkaturako titularrak enpresa gisa antolatutako ondasun eta eskubideen multzoa. Berez, unitate tekniko-ekonomikoa osatzen du.

2.-"Ustiategiaren titularra": nekazaritzan diharduen pertsona fisiko edo juridikoa, ustiategia osatzen duten ondasun eta eskubideak enpresa irizpideekin antolatzen dituena eta haren kudeaketaren arrisku eta erantzukizun zibil, fiskal eta sozialak bere gain hartzen dituena.

3.-"Nagusiki nekazaria den pertsona: "betebehar hauek guztiak biltzen dituen pertsona fisikoa.

a) Nafarroako Abeltegien Erregistroan inskribaturiko ustiategi baten titularra izatea.

b) Urtean-urtean gutxienez bere errenta osoaren 100eko 50 bere ustiategian eginiko nekazaritzatik lortzea, baldin eta jarduera horregatik lorturiko dirusarrera gordinek errenta horren 100eko 15 egiten badute, gutxienez.

Nekazarien kooperatiba edo bestelako nekazari elkarteetarako nahitaezko eta borondatezko fondoetarako diru-ekarpenengatik harturikoa nekazaritzako errentatzat joko da, baldin eta titularra bertako kidea bada eta bertan badihardu.

c) Ustiategiari zuzenean loturiko jardueretan urtero ematen duen denbora guztira lanean ematen duen denboraren erdia edo gehiago izatea.

d) Gizarte Segurantzako norberaren konturako Nekazaritzako Araubide Berezian edo norberaren konturako Langileen edo autonomoen Araubide Berezian izena emana egotea, nekazaritzako jardueraren arabera.

Honetarako, ordezkaritza-erakunde publikoetan parte hartu eta bertan egotea nekazaritzako jardueratzat hartuko da, hausteskundeen ondorioz bada, bai eta sindikatu, kooperatiba edo lanbideen ordezkaritza-organoetan ere, nekazaritzari lotuak badira.

4.-"Ustiategiaren errenta osoa". Foru Agindu honetan aipatzen diren laguntzetarako, 2000ko ekitaldiko Pertsona Fisikoen Errentaren gaineko Zergaren adierazpeneko zerga oinarri erregularra izanen da.

Hori horrela dela ere, zilegi izanen da ustiategiko titularraren errenta osoa ebaluatzeko azken bost urteetako hirutan hark Ogasunari deklaratu dizkion errenten bataz bestekoa hartzea. Azken ekitaldia ere sartuko du bost urteko talde horretan.

5.-Nekazari gaztea": hemezortzi urte bete dituena, berrogei bete ez baditu eta nagusiki nekazari gisa nekazaritzan badihardu edo jardun asmo badu. Horretarako, ezkontzeagatik edo guraso-ahalgoa emateagatik emantzipatzea adin-nagusitasunarekin parekatuko da.

6.-"Lehentasunezko ustiategia": Nafarroako Nekazaritzako Ustiategien Erregistroari buruzko Foru Legeko 10, 11, 11bis eta 13. artikuluetan, abenduaren 10eko 27/2001 Foru Legearen bidez emaniko idazketaren arabera, ezarririko betebeharrak betetzen dituen ustiategia.

7.-"Azienda larriko abelburua": zezenak, behiak eta bi urtez goitiko azienda gorriko beste abere batzuk, hala nola sei hilabetez goitiko behor aziendakoak. Bestelako adin eta espezieetarako, ondoko baliokidetzak hartuko dira:

-Sei hilabetetik bi urte bitarteko azienda gorria: 0,60 azienda larriko abelburu.

-Ardiak eta ahuntzak: 015 azienda larriko abelburu.

8.-"Eskualde behartsuak": mendialdeko edo behartsu gisara katalogatutako udalerriak, edo fazeriak edo bestelako lurralde-entitateak. Foru Agindu honen I. eranskinean ageri dira.

9.-"Bazkatokia": aziendak jateko utzitako nekazaritzako azalera erabilgarria, bazka edo sega-belardi gisakoa.

10.-"Bazkatzeko lurra": bazkatzeko lurtzat hartuko da berezko edo ereiniko edozein landare-laborantzak hartzen duen azalera, azienda gorria, azienda zuria edo behor azienda bazkatzen baditu, bazkatzearen bidez edo bitariko moduan (hots, bazkatzearen bidez eta bazka-landare gisa, delarik berdea, delarik kontserbatua). Lurzati horiek bazkatzeko lurtzat joko dira. Gainera, eskabidean adieraziko da erabilera mota, bai bazkatzerako, bai bitarikorako, hots, bazkatzerako eta sega-belardirako.

Nafarroan bazkatzeko lurtzat hartuko dira definizio hauekin bat datozenak:

-"Zuhaixka-larrea": zuhaixka eta sasiak dituen lurra, azaleraren % 20 baino gehiago hartzen dutenak, gutxienez ere azaleraren % 50 larrerako baldin bada. Aprobetxamendua zuzenean bakarrik erabiliko dute abereek zenbait urtez. Estentsibo bihurtzeko prima eta dentsitatea kalkulatzeko, zuhaixka-larretzat jotzen den azaleraren erdia bazkatzeko lurtzat hartuko da.

-"Zuhaitz-larrea": oihan eta bazka aprobetxamenduko azalera, abereendako irekia, zuhaixkarik gabeko lurrarekin, abereak bertan bazkatzeko erabili izan baldin bada. Abereek bakarrik zuzenean aprobetxatzen dute. Estentsibo bihurtzeko prima eta dentsitatea kalkulatzeko zuhaitz-larretzat jotzen den azaleraren % 25 bazkatzeko lurtzat hartuko da. Udalek edo beste edozein erakunde eskudunek eragozpenak dituztenenan sartzeko edo erabiltzeko zuhaitz azalerak ez dira aintzakotzat hartuko, ez eta aprobetxamendu hori Antolamendu Proiektuetan, Kudeaketarako Plan Teknikoetan edo hauen aldaketetan xedatzen denarekin ez datorrenean ere.

-"Larrerako alfer lurrak": nekazaritzako aspaldiko lurrak, eskutik utziak izateagatik, lugorri edo lur etze bihurtu direnak. Bertan berezko landareak daude, bakar-bakarrik bazkatzerako erabiltzen direnak.

-"Belardiak": gehienbat zuzenean aprobetxatzen diren larreak, gramineo nagusi latzek osatzen dituztenak. Eguraldia dela eta udan agortzen ahal dira. Lurreko landaredia aldatzen ahal da. Tarteka-marteka espezie egurtsuak agertzen dira. Aldian-aldian aprobetxatzen ahal da, sega-belardirako.

-"Berezko larrea": berezko landaredia duen lurra (erein gabe). Abereek zuzenean aprobetxatzen ahal dute edo bestela hortz, belar edo siloratzearen bidez, zenbait urtez.

-"Larre artifiziala": gehienbat gramineoez eta lekadunez osaturiko laborantza, abereak bazkatzeko, mantentzeko landatzen direnak.

-Bazka-landare monofitoak edo nahasketa bakunekoak, 1251/1999 EE Erregelamenduko 1. eranskineko belarkien laborantzak, bitariko aprobetxamendukoak.

-"Bortuko larreak": udako mendiko larrea, belar finekoa, gehienbat zuhaitzen mailatik goiti, bakar-bakarrik zuzenean aprobetxatzen dena.

-"Ohiko lugorria" eta "galondoak": berezko landaredia, nekazaritzako lurretan agertzen dena, lurra urtebete edo gehiago erabili gabe uzten denean, eta belarki labore baten hondarrak. Aziendak zuzenean bazkatzekoa izanen da.

11.-"Bazkatoki konputagarria": Nafarroako eskualde behartsuen ordainetarako kalkuluan aintzat hartzekoa den bazkatokia da. Zuhaixka-larrearen kasuan deklaratutako azalerari 0,5eko koefizientea jarriz aterako da. Zuhaitz-larrea denean koefizientea 0,25ekoa izanen da eta lugorri edo galondoaren kasuan 0,15ekoa.

12.-"Azalera ez-hautagarria".

a) Nafarroako eskualde behartsuen ordainetarako, laguntza jasotzeko modukotzat hartzen ez den azalera, ondoko azalera hauek barne hartzen dituena:

-Zereala ekoiztekoak eta gainerako belarki-laboreak, Espainiako belarki-laboreka eskualdekatzeko Planaren arabera, lehorreko batez besteko errendimendua hektarea bakoitzeko 3,2 tonakoa baino handiagoa duten eskualdeetan daudenak. Aipatu Plana 2002ko eskabideetarako 1251/1999 EE Erregelamendun azaleraren araberako eskabideei aplikatzen zaie.

-Udareak, sagarrak eta mertxikak ekoizteko azalera guztiak, laboreek ustiategiaren hektarea bat baino gehiago hartzen baldin badute.

-Ureztaketa azalerak eta eskualde behartsuetan ardoa ekoiztekoak.

b) Belarki-laboreen ekoizleendako laguntzei buruzko 1251/1999 EE Erregelamenduaren arabera ez dira hautagarriak izanen 1991ko abenduaren 31n larre iraunkorretarako, laborantza iraunkorretarako, zuhaitzetarako edo nekazaritzatik kanpoko erabileretarako erabilitzen diren azalerak.

c) Behi ume-hazleengatik eta azienda gorriko arrengatik primak hartzeko belarki azaleren artean ohiko lugorriak eta galondoak ez dira hautagarriak izanen.

13.-"Azalera hautagarria".

a) Ordainetarako, ustiategiko nekazaritzako azalera erabilgarria, ondoko atal hauetako batean sartua dagoena:

-Ustiategiko azienda elikatzeko xede nagusia ez duen nekazaritzako azalera erabilgarria.

-Ustiategiko azienda erabiltzen ari den bazkatokia. Haren konputua ustiategiko azienda larriko abelburu kopuruaren arabera mugatuko da, honela:

Gehieneko azienda-zama onargarria nekazaritzako ohiko egiteko egokien kodean jarritako mugatik goitikoa baldin bada (azienda larriko bi abelburu hektareako), bazkatokia ez da aintzat hartuko laguntza zenbatekoa den kalkulatzerakoan.

Azienda-zama hektareako 1,4 azienda larriko abelburutik goitikoa baina nekazaritzako ohiko egiteko egokien kodean jarritako mugatik beheitikoa denean (azienda larriko bi abelburu hektareako), laguntza kalkulatzeko kontuan hartuko den azalera biderketa batetik ateratzen dena izanen da, alegia, deklaratutako hektareak bider 1,4, zati ustiategiko abeltzaintzako dentsitate egiazkoa.

Bazkatokia, hektareatan, ez da inoiz ustiategiko azienda larriko abelburuen balioa baino handiagoa izanen.

b) Belarki labore batzuen ekoizleendako laguntzei buruzko 1251/1999 EE Erregelamenduaren arabera, aurreko zenbakian sartu ez diren alorrak hautagarriak izanen dira. Hala ere, mahastitik kenduriko azalerak hautagarriak izanen dira, landatzeko eskubideak erabilita, mahasti azalera baliokide bat landatzen denetik. Hau frogatzeko, ondorengo egiaztapenik galarazi gabe, birlandaketaren jakinarazpenaren kopia behar bezala zigilatua aski izanen da.

14.-"Ustiategiko koefizientea": nekazaritzako ustiategiaren balorazioa da, kontuan harturik haren kokalekua eta ezaugarriak. Eragin zuzena du laguntzaren zenbatekoan. Foru Agindu honen II. eranskinaren ezarritako puntuazioen batura da eta oinarrizko moduluari aplikatzen ahal zaion gehikuntzaren portzentajea osatzen du. Gehikuntza hori ez da inoiz aipatu oinarrizko moduluaren 100eko 100 baino handiagoa izanen.

15.-"Oinarrizko modulua": laguntza publikoaren zenbatekoa, eurotan adierazia, ordainaren xede izan daitekeen azaleraren hektarea bakoitzeko. 2002ko ekitaldirako, kopuru hori 30 eurokoa da hektarea bakoitzeko (4.992 pezeta/ha) eskualde behartsuetan eta 37,5 eurokoa hektarea bakoitzeko (6.240 pezeta/ha) mendialdeko eskualdeen sailean sartutakoentzat, Nafarroan 2001ean gertatzen den KPI gehiturik.

16.-"Produkzio integratua": nekazaritza produkzioko sistema jakin bat, kasuan kasuko laborearen produkzio integratuari buruzko berariazko arautegiaren araberakoa, nekazaritza ustiategien jardueretan baliabide naturalak eta erregulazio tresnak integratzen dituena, kanpotikako intsumoak gutxientzeko, elikagaien eta kalitate handiko beste produktu batzuen produkzio jasangarria segurtatzeko, ustiategiaren dirusarrerak mantentzeko, kutsadura sorguneak kendu edo gutxitzeko eta nekazaritzak dituen askotariko funtzioak mantentzeko, ahal den guztian ingurumena errespetatzen duten teknologiak erabiliz.

17.-"Produkzio ekologikoa": Kontseiluaren ekainaren 24ko EE 2092/91 Erregelamenduan eta abenduaren 20ko 617/1999 Foru Dekretuan xedatutakoaren arabera egindako produkzioa. Foru Dekretu horren bidez onetsi zen Nafarroako Foru Komunitatearen eremuan nekazaritza produkzio ekologikoaren eta nekazaritzako produktu eta elikagaietan horren adierazpena egiteko Erregelamendua. Produkzio hori Nafarroako Nekazaritzako Produkzio Ekologikoaren Kontseiluak (Nafarroako Nekazaritzako Produkzio Ekologikoaren Kontseilua) kontrolatu eta ziurtatuko du, produkzio ekologikoa Nafarroan kontrolatzeko organoa baita. Ziurtapena lortzeko arauak aipatu Foru Dekretuaren 3. artikuluan ageri dira.

18.-"Produkzio Integratuko arautegi berariazkoa edo Erregelamendu teknikoa": Nekazaritza, Abeltzaintza eta Elikadura Departamentuak onetsitako dokumentua, zeinetan laborantza edo laborantza mota bakoitzerako ibilbide teknikoaren puntu nagusiak biltzen baitira, zehaztuz zein praktika debeku diren, zein gomendagarri, zein ez gomendagarri eta zein nahitaezko.

19.-"Ustiategiko liburua": produkzioaren arduradunak bete behar duen dokumentua, zeinetan jasoko diren lurzati horretan edo produkzio bereko lurzati talde horretan egin diren ekintza guztiak, eta bai ere zenbait kasutan, erabakiak hartzeko behar ziren irizpideak erabili direlako justifikazioa.

20.-"Kontrolatze eta ziurtatze entitatea": Nekazaritza, Abeltzaintza eta Elikadura Departamentuak aitortutako edo izendatutako entitatea, Nafarroan Produkzio Integraturako ezarri arauak betetzen direla begiratu, kontrolatu eta ziurtatzeko.

21.-"Nekazaritzako ohiko egiteko egokiak": nekazari zentzudun batek eskualde horretan, Batzordearen uztailaren 3ko 1750/1999 EE Erregelamenduak zehazten duen moduan, erabiliko lituzkeen praktika normalak. Praktika horiek Nekazaritza, Abeltzaintza eta Elikadura kontseilariak 2000ko abuztuaren 21ean emandako Foru Aginduan definitzen dira.

3. artikulua. Eskatzaileak.

1.-Nafarroan, Foru Agindu honetako 1. artikuluan aipatzen diren laguntzak eskatzen ahalko dituzte Foru Komunitatean osorik edo gehienbat dauden abeltegien titularrek.

2.-Halarik ere, azienda zuriko edo abelgorrien ustiategi baten ekoizleek Abeltzainendako primak eskatzen ahalko dituzte, osorik edo gehienbat Nafarroako Foru Komunitatean kokaturik badago, azaleraren adierazpenik ez aurkeztuagatik ere, egoera hauetan egoteagatik:

a) Behi ume-hazleen eta azienda gorriko arren ekoizleak izateagatik, ustiategiko abere zama zehazteko kontuan hartu beharreko azienda larriko abelburuak hamabost baino gehiago ez badira eta estentsibo bihurtzeagatik ordaindu beharrari onurarik atera nahi ez badiote.

b) Bakarrik abereak hiltzeko primen onura izan nahi duten abelgorri ekoizleak izateagatik.

c) Azienda gorriaren sektoreko primen onuradun izan nahi ez duten azienda zuriaren ekoizleak izateagatik, salbu eta abereak hiltzeko primenak, edo abelgorrien sektoreko primen onuradun izan nahi izateagatik, a) idatz-zatian sarturik badaude.

3.-Halaber, Nafarroako azaleretarako Foru Agindu honetako 1. artikuluko 2 zenbakian aipatzen diren laguntzak eskatzen ahalko dituzte Nafarroan bizi diren ekoizleek, artikulu bereko 1 zenbakian aipatzen diren azaleretarako laguntza eta Abeltzainendako primetarako eskabideak beste erkidego autonomoan aurkeztera beharturik badaude.

4. artikulua. Nafarroako Nekazaritzako Ustiategien Erregistroko inskripzioa.

Produkzio ekologiko, produkzio integratu eta eskualde behartsuetako ordainetarako laguntzak eskuratu ahal izateko, nahitaezkoa da Nafarroako Nekazaritzako Ustiategien Erregistroan izena emana egotea. Nafarroako Nekazaritzako Ustiategien Erregistroari buruzko Foru Legeko 6. artikuluko 1 zenbakiko a) letran, abenduaren 10eko 27/2001 Foru Legearen bidez emandako idazketan, xedaturikoaren arabera, ustiategien titularrek erregistroan inskribatzea eska dezakete Foru Agindu honetan aipatzen den laguntza-eskabidea egiten duten unean.

5. artikulua. Inprimakiak eta eskabideen aurkezpena.

1.-Foru Agindu honetako 1. artikuluan aipatzen den edozein laguntza eskuratzeko, ustiategiaren titularrak eskabide bakar bat aurkeztu beharko du azalera, abeltzaintza, ordainetarako, eta nekazaritzarako ingurumen-neurrietarako. Horretan ustiategiko lurzati osoa eta abereak zehaztuko dira (azienda gorria, azienda zuria eta behor azienda), Foru Agindu honetan ezartzen den moduan eta epean. Hala ere, bazkatokiaren adierazpena galarazi gabe, azienda gorriko arrendako eskatzen dutenek bereizirik eskatu beharko dute abere horiendako laguntza.

Urbasa eta Andimendiko bazkatokien aprobetxamenduaren kasuan, eskatzaileek hauek adierazi beharko dituzte: zer azienda mota den, zenbat abelburu diren eta noiz egonen diren bazkatzen toki horietan. Nekazaritza, Abeltzaintza eta Elikadura Departamentuak erabakiko du eskatzaile bakoitzari zer bazka-eremu dagokion, guztira zenbat azienda larriko abelburu dauden eta eskatzaileak deklaratutako azienda larriko abelburu kopurua aztertutakoan.

2.-Interesatuek orri edo inprimakietan eskatuko dute laguntza, baita euskarri informatikoaren bidezkoak ere. Nafarroako Gobernuko Nekazaritza, Abeltzaintza eta Elikadura Departamentuak emanen ditu.

3.-Inprimakiak Nekazaritza, Abeltzaintza eta Elikadura Departamentuko bulego nagusietan, eskualdeetakoetan eta barrutietakoetan egonen dira eskuragarri.

4.-Zekorrei buruzko eskabide bakarra eta, hala bada, baita osagarriak ere, Nekazaritza, Abeltzaintza eta Elikadura Departamentuan aurkeztuko dira, eskualde eta barrutietako bulegoetan eta Nafarroako Gobernuko Erregistro Orokorrean, Administrazio Publikoen Araubide Juridikoari eta Guztiendako Administrazio Prozedurari buruzko azaroaren 26ko 30/1992 Legearen arabera (urtarrilaren 13ko 4/1999 Legeak aldatua) onarturiko beste edozein administrazio erregistrotan ere bai.

5.-Ustiategiko lurzatiak 2002ko urtarrilaren 1ean indarra duen katastroko erreferentziarekin deklaratu beharko dira, egoera hauetan daudenak izan ezik:

a) Lurzati berrantolamenduko prozesuan dauden lurzatiak, berrantolamenduaren ondoriozko lurzatiak lurrean mugatuak badira eta 2002ko urtarrilaren 1erako katastroan erregistraturik ez badaude, honela dekaratuko dira:

-Lurzati berrantolamenduko poligonoari 70 gehituko zaio, Bargotako eta Nabaskozeko udalerrietako ureztalurren berrantolamenduko poligonetan izan ezik, horietan berrontalamenduko poligonoari 200 gehituko zaitzaio.

-Lurzatiko zenbakia lurzati berrontalmenduko bera izanen da.

b) Aprobetxamendu bateraturako bazkatokiak. Honelaxe dekaratuko dira:

-99. poligonoa.

-Lurzatiko zenbakia kasuan kasuko toki entitateak ematen duen ziurtagirian agertzen dena izanen da.

c) Korralizak eta azienda zuriarendako bazka aprobetxamenduak edo mendialdeko eta eskualde behartsuetako ordainetarako laguntzetan bazkatokiak, haien esleipena udalei eta kontzejuei badagokie:

-Poligonoan 1.000 adieraziko da.

-Lurzatiko zenbakian toki entitatean korralizan ezarritako zenbakia adieraziko da.

d) Lurrak bazkarako aprobatxatzea, haiek ematea partikular bati badagokio eta katastroko lurzati asko biltzen badituzte, azienda zuriarendako bazkatokiatzat jotzen badira, edo mendialdeko eta eskualde behartsuetako ordainetarako:

-Udalerria. Kasuan kasuko udal edo lurralde entitatearen kodea.

-2000. poligonoa.

-1. lurzatia.

6.-Ordaina eskatzen duten titularrek, abeltegi bat badaukate, elkarrengandik bereizirik deklaratu beharko dituzte abere guztiak, talde hauen arabera:

-24 hilabetetik gorako azienda gorria.

-24 hilabeteko edo hortik beheitiko azienda gorria.

-Nafarroako Jaka arrazako sei hilabetetik goitiko behor azienda.

-Auritz arrazako sei hilabetetik goitiko behor azienda.

-Beste arraza batzuetako sei hilabetetik goitiko behor azienda.

-Azienda zuria.

7.-Azalerengatik edo elkarte baten abereengatik ordaina eskatzen duten eskatzaileek kasuan kasuko elkartearen IFK eta bertan zer ehunekotan hartzen duten parte adierazi beharko dute. Elkarte horrek abererik badauka, eskatzaileek, beren ustiategian berendako bakarrik dauzkatenez gain, elkartean duten parte-hartzearen arabera dagozkien abereak deklaratu beharko dituzte.

6. artikulua. Eskabideak aurkezteko epeak.

1.-Foru Agindu honetako 1. artikuluan aipatzen diren laguntza eskabideak, zekorrendako prima berezirakoak izan ezik, azaleragatik nekazaritzako zenbait produkturi ordaindu beharrekoari eta Europako Batasunak abeltzaintzarako ematen dituen zenbait laguntzari buruzko Estatuko arautegian ezarririko epeetan aurkeztuko dira. Epea 2002ko urtarrilaren 1etik martxoaren 8ra bitartekoa da. Horrek ez du esan nahi luza ez litekeenik.

2.-Zekor ekoizleek, bazkatokia justifikatu nahi badute, hamabost azienda larriko abelburutik goitiko laguntza edo estentsibo bihurtzeko prima hartu ahal izateko, aurreko zenbakian ezarririko epean adieraziko dute bazkatokia. Hala ere, abenduaren 31 arte, prima bereziaren eskabide osagarriak aurkezten ahalko dira.

3.-Abereak hiltzeko eskabideak bereiztuta aurkeztuko dira, abereak hil eta lau hilabeteko epean, Estatuko oinarrizko arautegian aurreikusi bezala.

4.-Zekor-eskaera osagarriak urtarrilaren 2tik aurrera aurkezten ahalko dira, eskabide bakarra edonoiz aurkezturik ere.

7. artikulua. Gorabeheren jakinarazpena.

Eskatzaileak beharturik daude idatziz jakinaraztera Nekazaritza, Abeltzaintza eta Elikadura Departamentuari beren ustiategian gertatzen diren gorabeherak, hauen berri izan bezain laster, gorabehera horiek laguntzak eskuratzeko baldintzak ez betatzea badakarte, bereziki:

a) Nekazaritzako laboreei dagokienez, deklaraturiko laboreek emaitzarik ez izatea, basa faunaren, abereen, eguraldiaren, belar gaiztoen eta abarren eraginez laboreetan izan daitezkeen goraberak.

b) Urbasan eta Andimendin bazkatzen diharduten azienda larriko abelburuei dagokienez, aprobetxamendu hori hasiera batean deklatarurikoek baino abelburu gutxiagok egiten badute, ukituriko abeltzainek jakinarazi beharko dute zenbatek eginen duten aprobetxamendu hori.

Ekoizleek gorabehera horiek jakinaraztean laguntzaren eskabidea benetako egoerara egokituko da.

Kontseiluaren 3508/92 EEE Erregelamenduaren bidez Europako Batasuneko laguntza araubide batzuk kudeatu eta kontrolatzeko sistema integratua aplikatzeko xedapenak ezartzen dituen 2001eko abenduaren 11ko Batzordearen 2419/2001 EE Erregelamenduko IV. Tituluan aipatzen diren murrizketa eta salbuespenak laguntzaren eskabideen zati batzuei ez zaizkie aplikatuko baldin eta ekoizleek idatziz jakinarazten badiote Nekazaritza, Abeltzaintza eta Elikadura Departamentuari laguntzaren eskabidea ez dela zuzena edo okertu dela, beti ere ekoizleei aldez aurretik Nekazaritza, Abeltzaintza eta Elikadura Departamentuak bertan kontrolatzeko asmoaren berri eman ez bazaie, ez eta beren eskabideko akatsen berri ere.

Ez ereiteko jakinarazpenak eta aldaketak Nekazaritza, Abeltzaintza eta Elikadura Departamentuak prestatuko dituen orri edo inprimakietan aurkeztuko dira, aurreko zenbakian aipatzen diren bulego eta erregistroetan.

8. artikulua. Eskabideko agiri osagarriak. Datu orokorrak.

Neurri bakoitzerako ezartzen den dokumentazio berariazkoaz gain, eskabidearekin batera, nekazaritzako ustiategien titularrek agiri hauek aurkeztu beharko dituzte:

a) Pertsona fisikoak izanez gero, NANaren fotokopia eta pertsona juridikoak izanez gero, IFKrena.

b) Eskabidean aipatzen den kontu korrontea edo libreta eskatzailearena dela frogatzen duen banku-ziurtagiria. Ingurumenerako laguntzak eta ordainak eskatzen dituztenek, aurreko kanpainako laguntzaren eskubide bakarraren aldean, edo 2002. kanpainan lehenbizikoz eskatzen dituztenek transferentziaz kobratzeko eskabide bat aurkeztu beharko dute.

c) Eskabidea titularrak ez bestek izenpetzen duenean, haren baimen espresua. Eskatzailea adinez txikia bada, haren legezko ordezkari edo tutoreak espresuki bere baimena eman beharko du.

d) Elkarteen kasuan, adierazpena lehenbizikoz egiten badute edo aurreko urteko adierazpenaz geroztik estatutuak aldatu badituzte, osaera edo aldaketaren eskritura eta kasuan kasuko Erregistroan inskribaturiko estatutu edo erregelamenduak.

9. artikulua. Azaleragatik eman beharreko laguntzen eskabideko agiri osagarriak.

Ustiategien titularrek, Nekazaritzako lurzatiak edo bazkatokiak deklaratu badituzte, honako dokumentazioa aurkeztu beharko dute:

a) Krokis akotatuak, gehienbat lurzatietako zedulak, ordainen xede diren edo bazkatokitzat aitortzen diren nekazaritzako lurzatiak non dauden adierazten dutenak, lurzati horiek ez datozenean bat osorik katastroko lurzati bat edo batzuekin, kasu hauetan:

-Hein batean harturiko katastroko lurzatietako azalera hamar hektarea baino gehiago denean.

-Laborantza, gari gogorra, ehungintzako lihoa edo kalamua kentzeko aitortzen direnean eta katastroko lurzati osoa hartzen ez dutenean.

b) Bazkatokiak ekoizle batek baino gehiagok batera aprobetxatzen dituenean, azalera horren jabeak luzatzen duen ziurtagiria edo, herrilurrak izanez gero, toki entitateek luzatua.

c) Azienda zuriarendako korralizetako bazka-aprobetxamenduaren kasuan, ordainei dagokienez, kasuan kasuko toki entitateak eman beharreko ziurtagiria. Bertan aprobetxamendu mota hauen azalerak emanen dira:

-Zuhaitz-larreak.

-Zuhaixka-larreak.

-Bazkalekuak.

-Lugorriak eta galondoak.

d) 6. artikuluko 4 zenbakian zehazten diren aprobetxamenduen kasuan, aprobexamenduak esleitzeko kontratua, non esleituriko lurzatiak agertuko baitira.

e) Hazi egiaztatua erosi izanaren fakturaren kopia, laguntza oleaginosoetarako, lihorako eta zuntzetarako kalamurako eskatzen denean edo gari gogorrerako osagarria edo laguntza berariazkoa eskatzen denean.

f) Lehenbiziko hartzaileak edo lehenbiziko eraldatzaileak sinatutako kontratuaren kopia, baldin eta produkziotik kendu eta orain elikagai ez den beste labore baterako erabiltzen diren lurzatietarako dirulaguntza eskatzen bada.

g) Titularrak uste badu dirulaguntzaren xede den merkaturatze-kanpainan bere eskualdeari ezarritako ohiko lugorri-indizea handiagoa dela bere ustiategian uzten duen lugorria baino, hala dela egiaztatu beharko du aurreko ekitaldietan justifikatu gabeko lurzatien dokumentazioa aurkeztuz.

Horretarako, adieraziko da zer lurzatitarako eskatzen duen nekazaritzako praktikatzat har daitezela, horretarako luzatzen den inprimakian. Bertan zehaztuko dira kontuan hartu beharreko azalera, katastroko erreferentziak eta haien frogagiriak. Ondorio horietarako, ondoren aipatzen diren agiriak onartuko dira:

-Laborantzen aseguruetako polizen fotokopiak, halakorik baldin bada, eta 1990, 1991 eta 1992ko uztetakoak.

-Trabajos Catastrales S.A. elkarte publikoak luzaturiko txostena, Nekazaritza, Abeltzaintza eta Elikadura Departamentuak eginiko teledetekzio azterlanetako agirien arabera. Azterlan horiek elkarte publiko horretan daude.

-Eskabidearen fotokopia. Horretan belarkien laborantzetarako lurrak aldi baterako kentzeko araubideko lurzatiak agertuko dira, 1991/92 kanpainarako (1992ko uztetarako) 1991ko abuztuaren 1eko Ministerioaren Aginduan arautu bezala.

-Proteaginosoak eta aletarako lekadunak ekoizteko laguntza eskatzeko laborantzen adierazpenen fotokopia. 90/91 eta 91/92 landatze kanpainetan (1991ko eta 1992ko uztetan) ziren aurkeztekoak.

-Koltza, soia eta ekilore ekoizleendako laguntza eskatzeko laborantzen adierazpenen fotokopia (1992/93 merkaturatze kanpaina, 1992ko uztak).

-Nekazaritzako praktikak (lugorria ez) frogatzen dituen txostena, Nekazaritza, Abeltzaintza eta Elikadura Departamentuak aurreko kanpainarako luzatua.

10. artikulua. Abeltzaintzako primak eskatzeko agiri osagarriak.

Abeltegien titularrek edo abereak biltzen dituzten ordaina eskatzen dutenek, abeltzaintzako primen eskabidearekin batera, Estatuko oinarrizko arautegiak xedaturiko agiriak ezezik hauek ere aurkeztuko dituzte:

a) Larreen esleipena frogatzen duen ziurtagiria, jabeak edo kudeatzaileak luzatua, eskualde behartsuko ustiategia frogatu nahi duten azienda zuriaren eskatzaileen kasuan, ustiategi hori kategoria ezberdineko bi udalerri edo gehiagotan dagoenean.

b) Azienda gorriko arren ekoizleendako primen eskabidearen kasuan, irailaren 18ko 1980/1998 Errege Dekretuan aipatzen diren identifikazio agirien jatorrizkoak. Agiri horiek Nekazaritza, Abeltzaintza eta Elikadura Departamentuaren esku geldituko dira zekorrak atxikitzen diren bitartean.

Azienda gorriko arren ekoizleendako prima bereziaren eskabidearen kasuan, irailaren 18ko 1980/1998 Errege Dekretuan aipatzen diren identifikazio agirien jatorrizkoak aurkeztuko dira. Agiri horiek administrazioak zigilatu eta segituan emanen zaizkio bueltan eskatzaileari.

c) Hilabetetik 7 hilabetera bitarteko abereak Espainian hiltzeko primaren eskabide guztietan, hiltegiaren ziurtagiria beharko da, eta ziurtagiri horretan, gutxienez, abeltzaintzarako laguntzei buruzko estatuko oinarrizko arautegian deskribatzen diren datuak aipatuko dira.

d) Abereak hiltzeko primak eskatzeko eskabideen kasuan (Espainiatik kanpo hilak direnean edo Espainiatik kanpora bidaltzekoak)

1.-Espainiatik kanpoan baina Europako Batasuneko estatu batean hilak baldin badira, Nazioarteko Osasun Ziurtagiria aurkeztu beharko da eta horrekin batera azienda gorriaren identifikazio-agiria.

2.-Abereak Europako Batasunetik kanpoko estatu batean saltzekoak baldin badira, Europako Batasuneko aduanetatik atera izanaren froga aurkeztu beharko da eta horrekin batera Nazioarteko Osasun Ziurtagiria, prima eskatzeko abereen zerrenda daramana.

11. artikulua. Ordaina eskatzeko agiri osagarriak.

Ordaina eskatzen dutenek dokumentazio berariazko hau aurkeztu beharko dute:

a) Bizilekuko ziurtagiria, kasuan kasuko toki entitateak luzatua, zeinetan aipatzen baita zenbateko antzinatasuna duen udal erroldan.

b) Gizarte Segurantzan afiliaturik daudela frogatzen duen ziurtagiria.

c) Nekazari kooperatiba bateko bazkide direla frogatzen duten agiriak, hala bada.

d) Ustiategian nekazaritzako produktuak eraldatzen dituztela frogatzen duten agiriak, hala bada.

e) Eskatzailea elkarte bateko kidea bada eta laguntzak elkartearen azalera edo abereendako eskatzen baditu, elkartearen legezko ordezkariaren ziurtagiria, non haren parte-hartzearen ehunekoa agertuko baita eta, elkarteak berak abereak badauzka, elkartearen abelburuen zenbatekoa, Foru Agindu honetako 5. artikuluko 6 zenbakian zehazten diren abere moten arabera.

f) Azienda zuriko ustiategien kasuan, belarkietarako bazkatokiak deklaratzen direnean lurzatiak katastroaren arabera identifikatu gabe, jabeak edo entitateak luzatutako ziurtagiria aurkeztu behar da, aprobetxamendurako baimena ematen duena alegia. Ziurtagiri horretan bereiz agertaraziko dira azalera guztiak: larrea, zuhaixka-larrea, zuhaitz-larrea, galondoa eta lugorria.

g) Aurreko kanpainetan aurkeztu ez bada, edo abeltegien instalazioak aldatu badira, albaitariak luzatutako ziurtagiri edo txostena beharko da, zeinetan egiaztatzen baita betetzen direla Europako Batasunaren arauak, bereziki abeltegietako abereak babesteko arauak eta zekorrak, zerriak edo arrautzatarako oiloak babesteko gutxieneko arauak.

h) Produkzio intentsiboko edo erdi-intentsiboko abeltegien kasuan udalak irekitzeko emandako lizentzia beharko da, baldin eta aurreko kanpainetan aurkeztu ez badute edo ustiategiko instalazioak aldatu badira. Bestela, Jarduera Sailkatuei buruzko Foru Legeari loturiko jarduerak direnean, jarduera sailkatuaren lizentzia edo ustiategia dagoen herriko udalak luzatutako txostena, ingurumenaren gaineko eragin kaltegarririk ez dagoela ziurtatzen duena.

12. artikulua. Nekazaritza ekologikorako eta produkzio integraturako laguntza-eskarien dokumentazio gehigarria.

1.-Nortasun juridikoa duten elkarteek, estatutuekin batera, honakoa aurkeztu beharko dute: bazkideen izen-deituren zerrenda, nortasun agiri nazionaletako zenbakiak, elkartearen kapitalean bazkide bakoitzak duen partea, eta entitatearen gobernu-organoaren erabakia, zeinetan erabakitzen baita laguntza eskatzea eta ordezkaria izandatzea.

2.-Abeltegia hein batean eskualdatuz gero, eskualdaketaren agiriaren kopia. Horretan agertuko da: saltzailearen izen-deiturak, haren NAN edo IFK, eroslearen izen-deiturak, haren NAN edo IFK, eskualdatzen diren lurzatien zerrenda eta erosleak epealdiak diraueino mantentzeko konpromisoa hartzen duen azalera, labore multzoen araberakoa.

13. artikulua. Ordainak eta produkzio integraturako eta ekologikorako laguntzak eskatzeko eta ebazteko prozedura.

1.-Produkzio integraturako eta produkzio ekologikorako laguntzak Nekazaritza, Abeltzaintza eta Elikadura kontseilariaren 2000ko maiatzaren 15eko Foru Aginduaren arabera ebatziko dira. Foru Dekretu horrek finkatzen du zer prozeduraren bidez eman eta kudeatuko diren FEOGAren Berme Atalak kofinantzatzen dituen laguntzak eman eta kudeatzeko prozedura, Nekazaritza Garatzeko Europako Batasuneko arautegiarekin bat.

Produkzio integratua eta nekazaritza ekologikoa sustatzeko nekazaritza eta ingurumeneko neurrietarako laguntzak lehenbizikoz 2002. urtean eskatzen dituztenei emateko eta aurreko kanpainetako laguntzak handitzeko baldintza izanen da 2002ko ekitaldiko gastu aurrekontuan behar adina diru egotea eta hurrengo ekitaldietan urte batzuetako gastuak baimentzea.

Aurrekontuetan diru aski ez badago aurkezturiko eskabide guztietarako, laguntzak emateko lehentasun hauek egonen dira:

1goa. Eskatzaileen ezaugarrien arabera, hurrenkera honetan hartuko dira aintzakotzat eskabideak:

-Eskabidea aurkeztean nagusiki nekazaritzan diharduten gazteek aurkezturiko eskabideak.

-Nagusiki nekazariak direnei edo lehentasunezko ustiategiei dagozkien eskabideak.

-Besteek aurkezturiko eskabideak.

2garren. Aurreko talde bakoitzean, eskabideak ekoizpen motaren eta labore motaren arabera hartuko dira aintzakotzat, hurrenkera honetan:

-Orburua eta fruta gozoko arbolen ekoizpen integraturako laguntzen eskabideak.

-Lehorreko belar laboreen produkzio ekologikorako eskabideak, aurreko urteetan eskaturiko azalerak baino handiagoak badira, aurreko kanpainetan belar labore eta lugorrietarako erabiliriko azalera egin arte, neurri horietariko bakoitzean ezarririko gehienekoak deusetan galarazi gabe, neurri eskatzailearen ezaugarrien eta labore multzoaren arabera.

-Barazki, berotegiko fruta eta mahatsondoen produkzio ekologikorako laguntzen eskabideak.

-Arroz eta berotegiko barazkien produkzio integraturako laguntzen eskabideak (orburua izan ezik).

-Produkzio ekologiko eta integraturako laguntzarako beste eskabideak.

2. Aurreko irizpideen arabera ezarririko lehentasunezko talderen batean eskaturiko laguntzak aitzakotzat hartzerik ez badago, aurrekontua aurkezturiko eskabideen artean hainbanatuko da, eskaturiko laguntzaren zenbatekoaren arabera, neurri bakoitzean titular eta labore multzo bakoitzeko gehieneko azaleretara gutxiturik, hala bada. Hala ere, aurrekontuko diruak eskaturiko laguntzen edo lehen aipaturiko azaleraren araberako gehienekoetan gutxiturikoen laguntzen % 50 egiten ez badu, Nekazaritza, Abeltzaintza eta Elikadura Departamentuak erabakitzen ahalko du laguntzarik ez ematea edo, komenigarri baderitzo, eskaturiko labore eta multzoen arabera lehentasunezko beste irizpide batzuk ezartzea.

3.-Kasuan kasuko administrazio ebazpena jakinarazteko gehieneko epea sei hilabetekoa izanen da eskaera Nekazaritza, Abeltzaintza eta Elikadura Departamentuko Erregistroan sartzen denetik hasita.

4.-Laguntza ekonomikoa emanda ere, onuradunak hari uko egiten baldin badio idatziz adierazi beharko dio Nekazaritza, Abeltzaintza eta Elikadura Departamentuari, onartutako laguntzaren berri ematen duen ebazpena jakinarazi eta hogeita hamar eguneko epean. Horrela egiten ez badu, laguntza bera eta hura jasotzeko baldintzak onartzen dituela ondorioztatuko da.

5.-Laguntzen ordainketa urtero eginen da, eskatutako konpromiso eta betebehar guztiak betetzen direla egiaztatu ondoren. Hori helburu, laguntza eskatu den urteko ez, hurrengo urteetako ordainketei ekiteko, onuradunek ordainketa egiteko eskaera aurkeztu beharko dute, urtero-urtero, Nekazaritza, Abeltzaintza eta Elikadura Departamentuan, ezarriko den moduan eta epearen barrenean.

14. artikulua. Produkzio integraturako eta produkzio ekologikorako laguntzen aplikatzearen segida.

1.-Aurreko ekitaldietan aurkezturiko eskabideengatik laguntzak hartu dituzten onuradunek espresuki adierazi beharko dute 2002ko kanpainiako diruak eskuratu nahi badituzte.

2.-Produkzio integratu edo ekologikorako laborantza-talde bakoitzean, onuradunak konpromisoaren barrenean sartutako eremua handitu nahi baldin badu, lehenbiziko konpromisoaren ordez beste bat egiten ahalko du, bost urtekoa, dena delako azalera guztirako, aurreko konpromisorako ezarri ziren baldintza berberetan.

3.-Konpromiso-aldian onuradun batek ustiategiaren eremua handitzen baldin badu, honako aukera hau izanen du: erantsitako eremua konpromisoaren esparruaren pean sartzea konpromiso-aldia bukatu arte, betiere neurri horretarako nekazaritza eta ingurumenaren arloko abantaila nabarmenak gertatzen badira, hasierako konpromiso-aldiaren hiru bosten iragan ez bada eta handitutako eremua bi hektareatik beherakoa baldin bada. Onuradunendako handitze-espediente bana onartuko da bakarrik.

Kasu horretan, ekoizlea beharturik egonen da bere ustiategian, gutxienez ere, handitzearen ondoriozko eremuari eustera, kasuan kasuko konpromiso-aldiak diraueino.

4.-Konpromiso-aldian onuradunak laguntzaren xede den ustiategia osorik edo haren zati bat beste bati eskualdatzen baldin badio, lagapen-hartzaileak konpromisoari eutsi ahalko dio hura amaitu arte, betiere Foru Agindu honetan onuradunari eskatzen zaizkion beharkizunak betetzen baldin baditu. Bestela, onuradunak jasotako laguntzak itzuli beharko ditu gehi dagozkion korrituak, diru-zenbatekoa Espainia barrenean berreskuratzeko korritu-tasa aplikatuz, onuradunak dirulaguntza jaso zuenetik itzultzen duen arte kalkulatuak.

Nolanahi ere, onuradun baten ustiategiko zati baten eskualdaketaren ondorioz, ukitutako eremua hitzartutakoaren % 15etik beherakoa baldin bada, ez da laguntza itzuli beharko, ondoko jabeak hasierako konpromisoei eutsi edo ez.

Onuradunak nekazaritza behin betikoz uzten baldin badu, hiru urte baino gehiago igaro baldin badira eta ezinezkoa baldin bada ondokoak konpromisoa bere gain hartzea, ez da laguntza itzuli beharrik izanen.

5.-Onuradunari ezinezkoa gertatzen baldin bazaio hartutako konpromisoari eustea, ustiategia lurzati berrantolamendu baten edo lurzatiak antolatzeko beste esku-hartze publiko baten ondoriozko eragiketa baten xede izan delako, konpromisoak eta dirulaguntzaren zenbatekoak ustiategiaren egoera berrietara egokituko dira. Egokitzapena egiterik ez bada, konpromisoa bukatutzat hartuko da, konpromiso-aldiari dagokion diru-itzulketa eskatu gabe.

6.-Hartutako konpromisoekin aurrera egitea eragozten duten ezinbesteko kasuetan, konpromisoaldi eraginkorragatik ez da inolako diru-itzultzerik eskatuko. Ezinbesteko kasuak honako hauek izanen dira:

a) Onuradunaren heriotza.

b) Onuradunaren lanerako ezintasun luzarokoa.

c) Neurria aplikatu zaion ustiategiaren zati garrantzitsu baten desjabetzapena, baldin eta konpromisoa hartu zeneko egunean desjabetzapen hori ezin aurreikusi bazitekeen.

d) Hondamendi natural larriek laguntzak jaso dituen nekazaritza eremua hondatu izanagatik, hartutako konpromisoak betetzea ezinezkoa gertatzen denean.

e) Berrogeialdia eskatzen duten eritasun edo izurriteak hartzea, horiek desagertarazi edo menean hartzeko neurriak hartu beharra dakartenak (beti ere Nekazaritza, Abeltzaintza eta Elikadura Departamentuaren gainbegiradaren pean).

Ezinbesteko kasuak jakinarazi beharko zaizkio Nekazaritza, Abeltzaintza eta Elikadura Departamentuari hamar egun balioduneko epean, gehienez, gertakizuna izandako egunetik kontatzen hasita.

7.-Produkzio integratu eta ekologikorako labore bat uztea ez da neurriaren aplikazioaren etentzat hartuko, eta ez eta emandako laguntza itzultzeko arrazoitzat hartuko ere, baldin eta, labore hori jarri zenetik hilabete bat pasatuta, eguraldiagatik ezin bada aurrera egin eta merkaturako moduko uzta bat lortu.

15. artikulua. Onuradunen betebeharrak.

Onuradunek honakook bete beharko dituzte:

a) Eman eta hartutako dirulaguntzak direla eta, Nekazaritza, Abeltzaintza eta Elikadura Departamentuak egiten dituen egiaztapen ekintzak oro onartzea.

b) Beste edozein administraziori xede berarekin eskatutako nahiz lortutako dirulaguntzen berri ematea Nekazaritza, Abeltzaintza eta Elikadura Departamentuari.

c) Bere kontabilitatean edo erregistro-liburuan erregistratzea jasotako dirulaguntza, baldin eta indarrean den legeriaren arabera halako bat edukitzera behartuta badago.

d) Bere abeltegiaren eta bere abereen datuak datu base informatizatuan ageri direnekin bat datozela aitortzea.

16. artikulua. Ikuskapenak.

1.-Laguntzen onuradunak tokian-tokiko eta administrazioaren hainbat kontrolen eta diru zehapen edo murrizketaren menpean egonen dira, alegia, Europako Batasunaren laguntzen zenbait araubideri buruzko kudeaketa eta kontrolerako sistema integraturako Europako Batasuneko arauetan ezarritakoen menpean.

2.-1. idatz-zatian zehaztutako kontrolez gain, ordainen eta produkzio integraturako eta ekologikorako onuradunek laguntza-lerro bakoitzaren kontrol berariazkoak egin beharko dituzte.

3.-Bazkatokiak abeltegia ez dagoen udalerri batean deklaratu baldin badira, Nekazaritza, Abeltzaintza eta Elikadura Departamentuak egonaldiko, garraioko eta bestelako agiriak eskatzen ahalko ditu, azalera horiez baliatzen ari dela egiaztatzeko.

17. artikulua. Itzulketak, ez-betetzeak eta zehapenak.

1.-Foru Dekretu honetan aurreikusten diren laguntzei buruzko itzulketak, arau-hausteak eta administrazio zehapenak gobernatzeko, Europako Batasunaren arautegiek horri buruz agintzen dutena gorabehera, Nafarroako Foru Komunitateko eta haren erakunde autonomoetako Administrazioaren dirulaguntzak eman, kudeatu eta kontrolatzeko araubide orokorra ezartzen duen ekainaren 9ko 8/1997 Foru Legeko 21, 27 eta 28. artikuluek agintzen dutena hartuko da aintzat.

2.-Arau hausteak finkatzeko eta zehapenak ezartzeko Administrazioak erabiltzen duen prozedurak abenduaren 9ko 369/1997 Foru Dekretuak agintzen duena hartuko du aintzat. Foru Dekretu horren bidez nekazaritza, abeltzaintza eta elikagaien arloetan zehapenak ezartzeko administrazio prozedura ezarri zen.

3.-2419/2001 EEE Erregelamenduan aurreikusiriko zehapenen ondorioetarako, azalera edo abere zehaztu edo aurkitutzat joko dira administrazioaren kontroletan eta tokian-tokian balioztatuak.

4.-Nekazariendako primak, bereziki, abereak identifikatzeko kontuak hartuko dira aintzakotzat, baita abereak Nekazaritza, Abeltzaintza eta Elikadura Departamentuko Abeltzaintza Zerbitzuko Abereen Zentsuko datu basean inskribatzekoak ere.

5.-Aurrerako azienda gorriko abere batean 96/23/EE Zuzentarauaren bidez debekaturik dauden substantzien hondarrak aurkitzen direnean, edo baimendutako substantziak izan arren legeak agindu ez bezala erabilitako substantzien hondarrak baldin badira, hala nola ustiategian baimenduta ez dauden produktu edo substantziak, edozein modutan, aurkitzen badira, edo baimenduta badaude ere, legeak agindu ez bezala erabili baldin badira produktu edo substantzia horiek, ekoizlea ordainetarako laguntzetatik at geldituko da urte batez, gertaera horiek egiaztatu diren egunean hasita. Arau-haustea berriz egiten baldin bada, haren larritasunaren arabera, zehapena bost urte bitarte luzatuko ahalko da, errepikapena egiaztatzen den egunean hasita.

6.-Abereen jabeak edo edukitzaileak hondarren kontrolerako programa publikoak edo 96/23/EE Zuzentarauan aurreikusitako ikerketa eta ikuskapenak egiteko behar diren ikuskapen eta lagin-hartzeak oztopatzen dituenean, aurreko zenbakian ezarritako zehapena aplikatuko da.

7.-Halaber, Europako Batasunaren arauekin bat, deklarazio faltsu bat axolagabekeria larri baten ondorioa izan dela frogatzen baldin bada, onuraduna urte horretan herrien garapenerako maiatzaren 17ko 1257/1999/EE Erregelamenduko dagokion kapituluan ezarritako neurrietatik bazter geldituko da. Nahita egindako deklarazio faltsua baldin bada, zehapen hori hurrengo urtera luzatuko da.

II. KAPITULUA

Nekazaritzako zenbait produkturi azaleragatik eta bazkatokiengatik ordaintzekoa

18. artikulua. Ureztaketa lurrak.

1.-Diru horiek hartu ahal izateko, Nafarroako Foru Komunitatean, ureztaketa lurtzat hartuko dira Foru Agindu honetako 6. artikuluko 1. idatz-zatian eskabideak aurkezteko aipatzen den muga-egunean Nafarroako Lurralde Aberastasunaren Erregistro Fiskalean ureztaketa lurzat hartuak ziren nekazaritzako lurzatiak.

Bestetik, ureztalurtzat hartuko dira ureztaketa-lur bihurtzeko prozeduretan edo lurzatien berrantolamendu prozeduretan sarturiko nekazaritzako lurzatiak, burutzen ari direnak izan edo bukatuak izan, Nekazaritza, Abeltzaintza eta Elikadura Departamentuak aurreko paragrafoko data baino lehen hasi bazituen.

2.-Arroz-alorrean ereiteko erabiltzen diren lurzatietan, Nafarroako Foru Komunitatean, ordainak nekazaritzako lurzatiei eginen zaizkie, Nafarroako Lurralde Aberastasunaren Erregistro Fiskalean 1998ko abenduaren 20a baino lehen ureztaketa lurtzat ageri badira, eta halaxe erabiltzen badira, edo, hala ez bada, 1998/1999 kanpainan osorik ureztaketa lurrak izateagatik ordainak hartu badituzte.

19. artikulua. Salbuespenak lurrak kentzearen gehieneko portzentajeetan.

Produktorearen borondateaz kanpoko arrazoiengatik ustiategiaren egituran egindako aldaketengatik gainditu baldin bada kendutako lurren portzentajea (abenduaren 10eko 1893/1999 Errege Dekretuko 11. artikuluko 3. idatz-zatian aipatzen diren arrazoiengatik, bereziki ureztalurren berrantolamenduaren kasuan), portzentajea gainditze hori Nekazaritza, Abeltzaintza eta Elikadura Departamentuak onartu beharko du.

20. artikulua. Aletarako lekadunengatik eta hazitarako lekadunengatik ordaintzekoa baterazina da.

Europako Batasunak hazien sektorerako dituen laguntzei buruzko urriaren 29ko 1680/1999 Errege Dekretuaren 6. artikuluan eta hura aldatzeko xedapenetan ezarritakoari jarraituz, haziak ugaltzeko hazi saltoki batekin kontratu bat izenpetzen duten ekoizleek edo zuzeneko laborantzan haziak ugaltzen dituzten hazi saltokiek, 1680/1999 Errege Dekretuko laguntzak eskatu nahi badituzte Foru Agindu honetan arautzen den eskabide bakarrean deklaratutako lurzatietan ekoitzitakoarentzat, adierazi beharko dute, deklarazio batean, uko egiten dietela aletarako lekadunetarako laguntzei.

Uko egiteko deklarazioan behar bezala adierazi beharko da zein diren hazi-produkziorako laguntzetarako lurzatiak.

Laguntzei uko egiteko deklarazioa Nekazaritza, Abeltzaintza eta Elikadura Departamentuko Nekazaritza eta Nekazaritzako Finantzaketaren Zerbitzuan aurkeztuko dira 2001eko ekainaren 30a baino lehenago, hori baita Estatuko oinarrizko arautegian finkatu den epea.

21. artikulua. Oleaginosoak eta gari gogorra ekoizten dituztenek azaleraren araberako laguntzak eskuratu ahal izateko hazi dosiak.

Ulertuko da oleaginosoak ekoizten dituztenek azaleraren araberako laguntzak eskuratu ahal izateko betebeharrak betetzen dituztela, hektarea bakoitzeko hazi ziurtatuko gutxieneko dosiari dagokionez, 1893/1999 Errege Dekretuko 7. artikuluan eta 4. eranskinean xedatu bezala, ereintzan gutxienez ere ale hauek erabiltzen direnean hektarea bakoitzean:

UREZKETA

Ekilorea 50.000 80.000

Koltza (errestaurazioko hibridoak) 500.000 650.000

Koltzaren beste barietateak 1.500.000 2.000.000

III. KAPITULUA

Abeltzainendako primak

22. artikulua. Estentsibo bihurtzeko prima.

Estentsibo bihurtzeko saria kobratu ahal izateko, ustiategiko abere zama honela zehaztuko da:

a) Ustiategiko azienda gorriko ar eta eme guztiak kontuan hartuz, Abereen Zentsuaren arabera, urtean-urtean, baita primaren eskabidearen xede diren azienda zuriko abelburu guztiak ere (zuzenbideari lotuak).

b) Abere zama kalkulatzeko gutxienez ere ehuneko 50eko bazkatzeko lurrek osatzen duten bazkatokia kontuan hartuz. Bazkatokitzat ezin hartuko dira belarkien laborantzak ekoizteko erabiltzen direnak, maiatzaren 17ko 1251/1999 EE Erregelamenduko 1. eranskineko definizioaren arabera. Erregelamendu horretan zenbait belarkiren laborantzaren ekoizleei laguntzeko araubidea ezartzen da.

23. artikulua. Ustiategiko abereen mantentzea.

1.-Azienda zuriko, behi ume-hazleendako primetarako eta zekorrendako prima berezirako eskubidea izateko, ekoizleak bere ustiategian mantendu beharko ditu, atxikialdietan, primaren eskabidean aipatzen diren abere guztiak. Abere kopurua aldatzen bada, baita lekualdatzen badira ere, idatziz, hamar eguneko epean, Nekazaritza, Abeltzaintza eta Elikadura Departamentuko Abeltzaintza Zerbitzuari jakinarazi beharko diote.

2.-Behi ume-hazleak ekoizten dituztenendako primaren eskabidean:

a) Behi ume-hazleek laguntzaren xede diren abere guztien gutxienez % 60 egin behar dute eta mantendu beharreko zekorrek primaren xede diren abere guztien % 15 eginen dute gutxienez. Ehuneko hauei atxikialdi osoan eutsiko zaie. Prima hamalau abere baino gutxiagorendako eskatzen duten ekoizleek ez dute gutxieneko zekorrik eduki beharrik.

b) Primetarako, ulertuko da agintaritza eskudunari jakinarazi zaizkiola abere-galerak hil eta saltzen diren abereak behar diren osasun agiriak dituztenean, eskaturiko epeetan, eta SIMOGAN datu baseari halaxe adierazten zaionean. Arriskuko material espezifikoen plantan suntsitzeko abere hilak biltzen arduratzen den enpresari ere jakinarazten ahalko zaizkio abere-galerak, behar diren epeetan, entzefalopatia espongiforme kutsagarriei aurrea hartzeko planaren arabera.

c) Primarako aitortzen den behi edo bigantxa baten ordez, atxikialdian hiltzen bada, beste behi edo bigantxa bat sartzen ahalko da, baldin eta aldaketa horrekin ere behi ume-hazleen eta bigatxen ehuneko horietan behar den kopuruari eusten bazaio. Aldaketa horiek, beti ere, agintaritza eskudunari jakinarazi beharko zaizkio, idatziz, hamar eguneko epean, SIMOGANen erregistra daitezen.

3.-Gizentzeko zekorren ekoizleendako prima bereziaren eskabidean, ulertuko da, primetarako, abere-galerak jakinarazi direla ustiategietan hil diren abereen kasuan, SIMOGAN datu baseari adierazten zaionean, behar diren epeetan. Arriskuko material espezifikoen plantan suntsitzeko abere hilak biltzen arduratzen den enpresari ere jakinarazten ahalko zaizkio abere-galerak, behar diren epeetan, entzefalopatia espongiforme kutsagarriei aurrea hartzeko planaren arabera.

24. artikulua. Abereak hiltzeko prima. Hiltegietan parte hartzearen deklarazioa.

Abereak hiltzeko primen kudeaketa eta haien kontrola errazteko, abereak hiltzeko primen araubidean laguntzaile gisa parte hartu nahi duten Nafarroako Foru Komunitateko hiltegiek, aurreko kanpainetan eskatu ez badute, aldez aurretik, parte hartzen dutela jakinarazi beharko diote Nekazaritza, Abeltzaintza eta Elikadura Departamentuko Abeltzaintza Zerbitzuari, Estatuko oinarrizko arautegian aurreikusiriko moduan, eta Zerbitzu horrek ezartzen dituen kontrolen menpe jarri beharko dute eta kontrol horiekin elkarlanean aritu.

25. artikulua. Abereen hiltzearen ziurtagiriak.

Sisteman parte hartzen duten hiltegiek, ekoizleek eskaturik, laguntzarako eskubidea duten abere bakoitza hiltzean, ziurtagiri bat luzatuko dute. Horietan, gutxienez ere, Estatuko oinarrizko arautegian aipatzen diren datuak bilduko dira, baita Europako Batasunean indarra duen arautegiaren arabera kanalen sailkapena ere.

26. artikulua. Ordainketa osagarriak.

Azienda gorri eta zurirako 2002ko kanpainarako onartzen diren fondo osagarriak banatzeko irizpideak beste Foru Agindu baten bidez ezarriko dira.

IV. KAPITULUA

Eskualde behartsuetarako ordain osagarriak

27. artikulua. Onuradunen betebeharrak.

1.-Nafarroako eskualde behartsuendako ordain osagarriak bakarrik jasotzen ahalko dituzte 2002. urterako ezarritako laguntzak Nafarroako eskualde behartsuetan kokaturiko nekazaritzako ustiategien titular diren pertsona fisikoek, betiere ondoko baldintza hauek betetzen badituzte:

a) Nagusiki nekazaria izatea eta afiliatua egotea Gizarte Segurantzako Nekazaritzako Araubide Berezian bere konturako langile gisara, edo Gizarte Segurantzako Autonomoen Araubide Orokorrean nekazaritzako jarduerarengatik.

Deklaratutako errenten ehuneko berrogeita hamarra nekazaritzatik ateratzeko betebeharretik salbuetsirik egonen dira beren jarduera laguntza hauek eskatu baino bi urte lehenago hasi duten nekazari gazteak.

Laneko baja ezinbesteko arrazoia izanen da titularra nagusiki nekazaria den pertsonatzat hartzeko.

b) 2000ko ekitaldiko Pertsona Fisikoen Errentaren gaineko Zergaren dirusarrerei buruz deklaratutako errentaren zerga oinarria ekitaldi horretako lanbide arteko gutxieneko soldataren halako 2,5 baino handiagoa ez izatea.

c) Ustiategia non dagoen, udalerri horretako bizilaguna izatea, edo, bestela, inguruko udalerri batekoa, beti ere behartsu gisara katalogatuak badaude eta udal erroldan bost urteko gutxieneko antzinatasuna badute.

d) Nekazaritzako ustiategi baten titularra izatea edo, bestela, ustiategi asoziatibo bateko kidea; kasu horretan, elkartea Nafarroako Nekazaritzako Ustiategien Erregistroan inskribaturik egonen da, abenduaren 10eko 27/2001 Foru Legearekin bat. Bazkide bakoitzak laguntza jaso ahalko du bere parte-hartzearen arabera, eta, hala behar denean, laguntza hori erantsi eginen zaio banakako ustiategiarengatik dagokionari, ordain bakarra kalkulatzeko.

e) Nafarroako eskualde behartsu batean gutxienez bi hektareako nekazaritzako azalera erabilgarria lantzea.

f) Nekazaritza jasangarrian arituz, nekazaritzako egiteko egokien metodoak erabiltzea, beren esanahai orokorrean, ingurumena eta landa lurrak zaintzeko beharrarekin bat eginez.

2.-Laguntza jasotzea eta eskatutako betebeharren egiaztapena banaka eginen dira, baita onuraduna ustiategi asoziatibo bateko bazkide denean ere.

3.-Nekazaritza, Abeltzaintza eta Elikadura Departamentuak betebehar horien egiaztapena eskatu ahalko du Zuzenbidean onatzen ahal den edozein baliabideren bitartez, Administrazio Publikoen Araubide Juridikoari eta Guztiendako Administrazio Prozedurari buruzko azaroaren 26ko 30/1992 Foru Legearen 80. artikuluari jarraituz.

28. artikulua. Nekazaritzako ustiategien betebeharrak.

Laguntza hauen onuradunen nekazaritzako ustiategiek ondoko baldintza hauek bete beharko dituzte:

a) Nafarroako Nekazaritzako Ustiategien Erregistroan inskribaturik egotea, abenduaren 10eko 27/2001 Foru Legeari jarraituz.

b) Laguntza jaso ahal duen azaleraren 100eko 50ean gutxienez, Nafarroako Foru Komunitatean eskualde behartsu gisara katalogaturiko alde batean egotea.

c) Eskualde behartsu baten gutxienez bi hektareako nekazaritzako azalera erabilgarria izatea.

d) Ingurumen, higiene eta abereen ongizateari buruzko gutxieneko arauak betetzea.

29. artikulua. Onuradunen konpromisoak.

Laguntzak emateko ezinbesteko baldintza da nekazariek berariazko konpromisoa hartzea laguntza lehen aldiz eman ondoko bost urteetan gutxienez nekazaritzan aritzeko, eskualde behartsu batean eta nagusiki nekazaria den pertsona gisara, Batzordeak 1999ko ekainaren 20an emandako 1750/1999 EE Erregelamenduaren 20.1 artikuluan ezarritako ezinbesteko kasuetan izan ezik, eta, bereziki, ustiategia onura publikoko arrazoiengatik erosten zaionean eta erretiro pentsio bat hartzen hasten denean edo nekazaritzako jarduerak aldez aurretik uzteko laguntzak jasotzen dituenean salbu.

30. artikulua. Ustiategiaren ordainaren xede izan daitekeen azaleraren kalkulua.

1.-Foru Agindu honetan aurreikusitako laguntzak nekazaritzako ustiategiaren ordainaren xede izan daitekeen hektarea bakoitzeko emanen dira.

2.-Ordainaren xede izan daitekeen azaleraren hektareak kalkulatzeko, bazkatokia ez-hautagarria eta ustiategiaren azalera hautagarriak batuko dira, Foru Agindu honen 2. artikuluan definituak denak, ondoko koefizienteak aplikatu ondoren:

-Ureztaketa lurretako hektarea: 1,00.

-Laborantza estentsiboko eta lehorreko landaketetako hektarea: 0,50.

-Zuhaitz eta zuhaixka landaketak, zuretakoak ez direnak: 0,30.

3.-Ustiategi bakoitzean ehun hektareatarako laguntza emanen da gehienez.

31. artikulua. Laguntza kalkulatzeko aplikatuko diren koefizienteak.

Laguntza kalkulatzeko ondoko koefiziente hauek aplikatuko dira:

a) Ordainaren xede izan daitekeen ustiategiko azaleraren hektareen arabera:

-5 hektareakoa edo gutxiagokoa: 1,00.

-5-25 hektarea: 0,75.

-25-50 hektarea: 0,50.

-50-100 hektarea: 0,25.

b) Eskaeraren titularrak deklaratutako errentaren arabera:

-Lanbide arteko gutxieneko soldataren halako 1,5 baino gutxiago: 1,20.

32. artikulua. Ordainaren zenbatekoa.

1.-Ordainaren gutxieneko zenbatekoa ondoko faktoreen emaitza izanen da:

a) Ordainaren xede izan daitekeen azaleraren hektareak, Foru Agindu honen 28. artikuluari jarraituz.

b) Ustiategiaren koefizientea, Foru Agindu honen 2. artikuluan definitua.

c) Eskualde behartsuetan eta mendialdekoetan oinarrizko moduluarentzat finkaturiko urteko zenbatekoa.

Ustiategi bat eskualde behartsu batean edo mendialdeko batean kokatzeko, kontuan hartuko dira ustiategiari buruz deklaratutako azalera guztiak.

Jarduketa eremua zehaztu ondoren, haren barruan ustiategiko udalerri izendatuko da azalera handiena biltzen duena.

d) Foru Agindu honen 29. artikuluaren arabera aplikatzen diren koefizienteak.

2.-Ez da dirulaguntzarik emanen baldin eta eskabideari dagokion zenbatekoa 50 eurotik beheitikoa bada.

33. artikulua. Bateraezintasunak.

Eskualde behartsuentzako laguntzen onuradunak ezin izanen du nekazaritzako jarduera aldez aurretik uzteko laguntza publikorik, erretiro pentsiorik, langabezi sorospenik edo antzeko beste prestazio publikorik jaso.

V. KAPITULUA

Produkzio integraturako laguntzak

32. artikulua. Neurrien nondik norakoak.

1.-Produkzio integraturako laguntzak honako laboretan aplikatuko dira Nafarroako Foru Komunitatean diren lurzatietan:

a) Baratzekoen taldea.

-Zainzuria.

-Kruziferoen familia: azalorea, brokolia, erromaneskoa, azak, etab.

-Uraza, kukuluak eta osterzuria.

-Orburua.

b) Berotegikoen taldea: uraza, kukuluak eta osterzuria.

c) Arrozaren taldea: arroza.

d) Fruta gozoko arbolen taldea: mertxika, brunoia, udarea eta sagarra.

2.-Labore bakoitzerako Nekazaritza, Abeltzaintza eta Elikadura Departamentuak onesten dituen Produkzio Integraturako arautegi berariazkoak paperean egonen dira nekazarien esku Departamentuan bertan. Eskatzaileen egitekoa izanen da agiri horiek eskuratzea betebeharrak bete ahal izateko.

35. artikulua. Hartzaileen betebeharrak.

1.-Kapitulu honetan aipatzen diren laguntzen hartzaile izan daitezke abenduaren 10ko 27/2001 Foru Legeak arautzen duen Nafarroako Nekazaritzako Ustiategien Erregistroan inskribatutako nekazaritzako ustiategi baten titular diren pertsona fisiko nahiz juridikoak, beren ustiategi guztian edo parte batean Produkzio Integratuaren sistema aplikatzen badute.

Izaera juridikoa edo antzeko izaera duten elkarteek, arestian azaldutakoaz gainera, egiaztatu beharko dute estatutuen arabera elkartearen helburu bakarra nekazaritza dela.

2.-Gainera, neurri hau erabiltzeko, gutxieneko azalera batzuk errespetatu behar dira. Honakook:

a) Produkzio Integratuko ustiategiko azalera gutxienekoa: hektarea 1, salbu eta berotegietan, horietan gutxienez 1.000 metro koadrokoak izanen baita, behin neurripean sartu ondoren Nafarroako Nekazaritza garatzeko 2000-2006 Programak aurreikusten dituen labore guztiak.

b) Gutxieneko azalera, laborantzen arabera:

Barazkiak 0,50

Berotegiak 0,10

Arroza 2,00

Aire zabaleko barazkien kasuan, behar den gutxieneko azalera 0,25 hektareakoa izanen da, baldin eta ez badira garatu, gutxienez, Nafarroako Produkzio Integratuko Laborantzako bost Neurri Tekniko, barazki horiei buruzkoak.

3.-Europako Batasuneko arautegian eta zehazki maiatzaren 17ko Kontseiluaren 1257/1999 EE Erregelamenduan aurreikusirikoaren arabera zehapen baten ondorioz nekazaritza eta ingurumenerako laguntzen araubidetik baztertu direnek ezin hartuko dute laguntzarik.

36. artikulua. Hartzaileen konpromisoak.

Eskatzaileak, laguntzaren hartzaile izan ahal izateko, honako konpromisoak hartu behar ditu, gutxienez bost urtetarako:

a) Nafarroako Produkzio Integratuaren Erregistro Ofizialean inskribaturik egotea eta hortaz Kontrolatze eta Ziurtatze Entitatean ere bai, betiere kasuan kasuko lurzatietan laborea erein edo landatu baino lehen.

b) Produkzio Integratuaren metodoak aplikatzea eta beraz produkzio mota horretarako kasuko Produkzio Integratuaren arautegi berariazkoan agindurik dagoena betetzea.

c) Aholku teknikoa hartzeko egitura batean inkribaturik egotea, Produkzio Integratua ere hartzen duen batean.

d) Parte hartzea, hala ematen zaionean aditzera, hartarako Nekazaritza, Abeltzaintza eta Elikadura Departamentuak antolatzen dituen prestakuntza ekintzetan, dela berak zuzenean, dela Nekazaritzaren Kudeaketarako Institutu Teknikoak, entitate horrek ardura baitu prestakuntzarako laguntza emateko Produkzio Integratuaren teknikak hobeki aplikatzeko. Horri dagokionez, konpromisoa bete dela juzgatuko da hartzailearen partez haren eskuordea egoten bada bertan, baldin eskuorde horrek bere gain badu laguntzapeko lurzatietan benetako laborantza lanak egiteko ardura.

e) Nafarroako Foru Komunitatean taldeka antola litezkeen babes fitosanitarioko programetan parte hartzea, baldin eta Nekazaritza, Abeltzaintza eta Elikadura Departamentuko edo Nekazaritzaren Kudeaketarako Institutu Teknikoko teknikariek hala gomendatzen badute.

f) Produkzio integratuko teknikak ustiategi osoan aplikatzea, lurraldea Nafarroako Foru Komunitatean oinarri, beti ere neurrian sarturikoek dituzten produkzio orientazio berekin. Produkzio-orientaziotzat joko dira merkataritzari dagokionez produkzioa bereizten duten faktore guztiak, erabiliriko landarearen ezaugarriengatik (labore, espezie, barietate, eta abarrengatik) edo ziklo begetatiboagatik edo biengatik batera.

g) Ustiategiko liburua betetzea konpromisopeko lurzatietarako, zeinetan produkzio jarduerarekin lotura duten ekintza guztiak jasoko diren eta bai unitateei, datei, dosiei eta abarri buruzko datu osagarriak ere. Hartarako, ustiategiko liburu baliozko bakarrak izanen dira Nekazaritza, Abeltzaintza eta Elikadura Departamentuak egiten dituenak. Nekazariek Departamentuan bertan, eta Nafarroako Nekazaritzako Elikagaien Kalitatearen Institutuan izanen dituzte eskuragai liburu horiek. Liburuak euskarri informatikoan ere egin ahalko dira. Horretara aplikazio baliozko bakarra izanen da Nekazaritza, Abeltzaintza eta Elikadura Departamentuak ematen duena.

h) Administrazioko eta Kontrolatze eta Ziurtatze Entitateko ikuskatzaileei libre uztea lurzatietara sartzen, eta laguntzapeko jardueraren gainean eskatzen zaien informazio guztia ematea.

i) Ustiategi osoan nekazaritzako ohiko egiteko egokiak egitea.

j) Urtero azalera bat produkzio ekologikoan mantentzea, bost urtez, 34. artikuluan aipatzen den labore multzo bakoitzerako, lehenbiziko urtean laguntzaren eskabidearen xede den azaleran gutxienez, edo bestela 38. artikuluko 2 zenbakiaren aplikazioaren ondoriozko azaleran, epe horretan laborea eta katastroko lurzatia elkarri loturik egon gabe. Halaber, eta lurraren okupazio portzentaje txikia dakarten laborantzak direnean, konpromisoa bete dela juzgatuko da nekazaritzako urte hartan gutxienez laguntzapeko laborantzaren uzta bat bildu bada, gainerako denbora lurzatia libre utzita beste edozer gauza ekoizteko.

Nolanahi ere, ez da zilegi izanen katastroko lurzati batek edo haren azpizati batek nekazaritzako urte batean laguntza bat baino gehiago hartzea neurri ber honetan, nahiz eta azalera berean eta urte hartan errepikatu egiten diren laguntza hartzeko moduko laborantzak.

Labore ez-iraunkorren kasuan, orobat, labore-txandaketak erraztearren, hasierako konpromisoa ez dela urratu ondorioztatuko da baldin eta urteko txandaketari ekiteko asmoz lurzatian egiten den egokitzapenean labore-moten arteko aldaketa % 15etik beherakoa bada. Kasu guztietan, laguntza kalkulatzeko, urtean benetan lantzen den eremua kontuan hartuko da eta ezinezkoa izanen da hasiera batean onesten den diru-muga gainditzea.

Egurtarako laborantza iraunkorren kasuan, konpromisoak lurzati bat bera lotzen du bost urtetarako. Landaketa baten bizitza baliagarria ahitu eta hortaz altxatu beharra bada, frogatu beharko da hurrengo urtean beste hainbesteko laborantza bat ezarri dela, azaleraz kendu denaren berdina edo handiagoa, gainerako konpromiso-aldian irautekoa. Halaber, egurtarako laborantza iraunkorren lurzatiak, halakotzat joko badira, landaketa erregularrek hartuak beharko dute, eta beti ere hektareako 60 zuhaitz baino gehiago eduki.

37. artikulua. Laguntzak eskatzeko aurkezpen-urtea.

Eskuarki, urte bateko laboreen kasuan, laguntza-eskaera laborearen ziklo begetatiboaren erdia baino gehiago gertatzen den urtean aurkeztu behar da. Laborea landatu edo ereiten denetik bilketa egin bitartekoa hartzen da ziklo begetatibotzat.

Kruzifero eta urazen laborantzan azaroaren 1etik abenduaren 31 bitartean eginiko laborantzetarako laguntzak hurrengo urtean eskatu beharko dira.

Arrozaren laborantzan eskabidea aurkezten den urtean eskatzen ahalko dira laguntzak ereindako azalerengatik.

Orburuaren laborantzan, landatu eta hurrengo urtean eskatu beharko dira laguntzak.

Urte batzuetako laborantzetan, biltzen diren urtean eskatuko dira laguntzak eta bilketa arte mantendu beharko dira gutxienez.

Landaketa berriko zainzurien lurzatien kasuan, haien lehen ziklo begetatiboa hasten deneko urtean eskatzen ahalko dira laguntzak.

38. artikulua. Laguntzak.

1.-Aurreko artikuluan ezarritako baldintzak betetzen dituzten eskatzaileei gehieneko laguntza eman ahalko zaie, urteko eta azalera-unitate bakoitzeko ezartzen dena. Laguntza kalkulatzeko honako irizpide hauek hartuko dira kontuan: nekazariaren jarduera nagusia, ustiategiaren izaera eta labore-mota, honelaxe.

Hektarea bakoitzeko gehieneko laguntza, onuradunaren katalogazioaren arabera

Zainzuria 276,00 45.922 230,00 38.269

Kruziferoak 276,00 45.922 230,00 38.269

Uraza, kukulua eta osterzuria

aire zabalean 276,00 45.922 230,00 38.269

Uraza, kukulua eta osterzuria

berotegian 492,00 81.862 410,00 68.218

Arroza 180,00 29.949 150,00 24.957

Orburua 276,00 45.922 230,00 24.957

Frutarbolak 330,00 54.907 275,00 45.756

2.-Laguntza hartzeko azaleretan muga hauek ezartzen dira:

a) Pertsona fisikoen kasuan, laguntza eskuratu dezakeen gehieneko azalera 50 hektareakoa izanen da arrozerako eta 40 hektareakoa guztira beste laborantzetarako. Muga horiek % 20 goratuko dira titularra nagusiki nekazaria bada.

b) Nortasun juridikoa duten elkarteen kasuan laguntza eskuratu dezakeen gehieneko azalera honako hauen arabera kalkulatuko da: bazkide-kopurua, elkartearen kapitalean duten partea, eta ustiategiko produkzio ekologikoaren azalera. Bazkide bakoitzak laguntza eskuratzeko eskubidea duen gehieneko azalera bat sortuko du, artikulu honetako a) letran ezarritako gehieneko muga gaindituko ez duena, ez eta sozietatearen kapitalean duen parte-hartzea batetik arrozerako eta bestetik beste laborantzetarako azalerarekin biderkatzearekin ateratzen dena ere.

3.-Sozietate anonimoen kasuan edo zenbat bazkide diren esaterik ez dagoenean, laguntza eskuratzeko gehieneko azalera ezartzen da, 250 hektarea arrozerako eta 200 hektarea guztira beste laborantzetarako.

4.-Lehenbiziko urteko eskabidean laguntza izateko eskubidea zuen azalera (aurreko idatz-zatietan deskribatutakoari jarraituz kalkulatua), hasiera batez titularrak agindu zuen azalera baino txikiagoa baldin bada, konpromisoa, ondorio guztietarako, murriztua dagoela ulertuko da, laguntza izateko eskubidea duen azalera murriztua hain zuzen. Murrizketa hori era beran aplikatuko zaie laborantza-motei eta hasierako konpromisoko azalerei.

5.-1257/1999 EE Erregelamenduaren eranskinean ageri diren diru-mugak ezin izanen dira gainditu, hau da, 600 euro (99.831 pezeta) hektarea bakoitzeko, urteko laboreentzat.

39. artikulua. Bateraezintasunak.

Ez da zilegi izanen konpromiso bat berak Kontseiluaren 1999ko maiatzaren 17ko 1257/1999 EE Erregelamenduaren ondorioz (arautzen du nekazaritzaren garapenerako zer laguntza emanen diren Nekazaritzaren Berme eta Orientaziorako Europako Fondoa-FEOGAtik) hartzea laguntza eta aldi berean Europako Batasuneko beste laguntza araubide batetik. Honi dagokionez:

a) Ezin batuko dira Produkzio Integraturako laguntzak eta Kontseiluaren 2200/1996 eta 2201/1996 EE Erregelamenduetan aurreikusten diren ekintza plan, programa operatibo eta berariazko neurrietan proposatzen diren balio eta konpromiso bereko laguntzak (Erregelamendu horiek fruta eta barazki fresko eta eraldatuen sektoreko merkatu erakunde bateratuei buruzkoak dira).

b) Ustiategi bat berean ezin batuko dira produkzio orientabide berentzako laguntzak (espeziea, laborantza eta barietatea) Produkzio Integratu eta nekazaritza ekologikoko konpromisoengatik.

c) Lurzati berean ezin batuko dira zainzuri laborantzako produkzio ekologikoarentzako laguntzak eta azaroaren 2ko 323/1998 Foru Dekretua aplikatzearen ondoriozko laguntzak (finkatzen du zer laguntza emanen diren tratamendu fitopatologikoen kontrol integratua sustatzeko zainzuriaren laborantzan).

VI. KAPITULUA

Produkzio ekologikorako laguntzak

40. artikulua. Neurriaren eragin esparrua.

1.-Kapitulu honetan aurreikusitako laguntzak Nafarroako Foru Komunitate osoan aplikatu ahalko dira, honako laborantza-mota hauetan: larreak, lehorreko belarkiak, ureztaketako belarkiak, almendrondoak, mahatsondoak, olibondoak, barazkiak aire zabalean, fruta gozoko arbolak eta berotegiak.

2.-Belarki-laboreen multzoan sartuko dira, halaber, urte bateko edo gehiagotako bazka-laboreak (gramineoak, lekadunak, proteaginosoak, e.a.) eta aurrekoen nahasketak, bildu ondoren, 1251/1999 EE Erregelamenduan belarki-laboretzat jotzen badira eta sega bidez aprobetxatzen badira.

3.-Larreko taldeko laguntzak hartzen ahalko dituzte larre iraunkorretarako azalerek, berezko naturalek eta artifizialek, bazkaren bidez edo belarra bilduz ematen bada, lurra zaindu, mantendu eta hobetzeko egintzak eginez, konponketa organiko, kare-harrizko edo magnesikoak egiten ahal direlarik. Zuhaitz larreko eta zuhaizka larreko azalerak ez dira laguntzen xede izanen ez eta lurra eta honen emankortasuna zaindu, hobetu edo mantentzeko egitekorik ez dutenak ere.

41. artikulua. Onuradunek bete beharreko baldintzak.

1.-Nafarroako Nekazaritzako Ustiategien Erregistroan (abenduaren 10eko 27/2001 Foru Legeak arautua) inskribaturik dauden nekazaritza ustiategietako titular diren pertsona fisiko eta juridikoek jaso ahalko dituzte Foru Agindu honetan ezarritako laguntzak, ustiategia oso-osorik edo zati bat nekazaritza produkzio ekologikora bideratzen baldin badute. Kasu guztietan, laguntza Nafarroako Foru Komunitatean dagoen ustiategiko zatiari egokituko zaio eta titularrak Nafarroako Nekazaritzako Produkzio Ekologikoaren Kontseiluaren lizentzia indarduna beharko du.

Izaera juridikoa edo antzeko izaera duten elkarteek, arestian azaldutakoaz gainera, egiaztatu beharko dute estatutuen arabera elkartearen helburu bakarra nekazaritza dela.

2.-Gainera, neurri horretara biltzen diren lurren azalerari dagokionez, gutxieneko neurri batzuk errespetatu beharko dira, labore-motaren arabera, honako hauek hain zuzen:

Larreak 2,00

Lehorreko belarkiak 2,00

Ureztaketa lurretako belarkiak 0,50

Almendrondoak 1,00

Mahatsondoak 1,00

Barazkiak aire zabalean 0,25

Olibondoak 0,50

Fruta gozoko arbolak 0,50

Berotegiak 0,10

3.-Europako Batasuneko arautegian eta zehazki maiatzaren 17ko Kontseiluaren 1257/1999 EE Erregelamenduan aurreikusirikoaren arabera zehapen baten ondorioz nekazaritza eta ingurumenerako laguntzen araubidetik baztertu direnek ezin hartuko dute laguntzarik.

42. artikulua. Onuradunek bete beharreko konpromisoak.

1.-Laguntza jaso ahal izateko, eskatzaileak hitz eman beharko du hurrengo bost urteotan honako konpromiso hauek bere gain hartuko dituela:

a) Nafarroako Nekazaritzako Produkzio Ekologikoaren Kontseiluaren lizentzia edukitzea.

b) Produkzio ekologikoaren metodoak bere egitea eta aplikatzea; hortaz, bete beharko du produkzio mota horretarako Kontseiluaren ekainaren 24ko 2092/91 EE Erregelamenduan eta Nafarroako Foru Komunitatean nekazaritza produkzio ekologikoaren eta nekazaritzako produktu eta elikagaietan horren adierazpena egitearen gaineko Erregelamendua onetsi zuen abenduaren 20ko 617/1999 Foru Dekretuan ezarritakoa, lehen aipatu den arautegia deusetan galarazi gabe:

-Produkzio ekologikoa produkzio unitatea batean egitea. Unitate horretako lurzati, produkzio-eremu eta biltegiek argi eta garbi bereizirik egon beharko dute produkzio ekologikoko arauei jarraituz ekoizten ez duen edozein unitatetatik.

-Urtean-urtean Nafarroako Nekazaritzako Produkzio Ekologikoaren Kontseiluari jakinaraztea, entitate honek ezartzen duen eguna baino lehen, landare produkziorako programa, lurzatien arabera zehaztuz.

-Produkzio ekologikoko unitatean produkzio ekologikoan onartzen ez den lehengairik ez biltzea.

-Ekoizle batek bere ustiategian produkzio ekologikoa eta ohikoa egiten baditu, produkzio ekologikoko eta ohiko produkzioko unitateek elkarrengandik erabat bereizirik egon beharko dute. Gainera, bere ustiategian ezin landatuko du barietate bera produkzio ekologikoan eta ohikoan, Kontseiluaren 2092/01 EEE Erregelamenduko III. eranskinean ezartzen dena izan ezik, alegia, zuhaitz, mahatsondo eta lupulu kasuetan, nekazaritzako ikerketetarako azaleretan eta haziak ekoitzi eta landareak eta aldaskak ugaltzekoetan.

-Izurriteak eta gaixotasunak kontrolatzeko produktuen eta ongarri organiko eta mineralen artetik 2092/91 EEE Erregelamenduko II. eranskinean aipatzen direnak bakarrik erabiltzea.

-Nafarroako Nekazaritzako Produkzio Ekologikoaren Kontseiluaren ziurtatze arauei jarraituz lurraren emankortasuna mantendu eta handitzea.

Hori dena bermatuko da Nafarroako Nekazaritzako Produkzio Ekologikoaren Kontseiluak ezarritako betebeharrekin bat datozen laborantza metodoak erabiliz. Betebehar horiek konpromiso hitzarmenean eta Nafarroako Nekazaritzako Produkzio Ekologikoaren Kontseiluak, behar den baimena emateko, ekoizle bakoitzarekin izenpetzen duen kontratuan biltzen dira.

c) Nafarroako Nekazaritzako Produkzio Ekologikoaren Kontseiluak produkzio ekologikoa kontrolatzeko ezarrita duen programaren aplikazioa onartzea.

d) Administrazioko eta ziurtatu eta kontrolatzeko ardura duen entitateko ikuskatzaileei bide ematea labore-lurretan askatasunez sar daitezen, eta laguntzaren xede den jarduerari buruz eskatzen zaien informazio guztia ematea.

e) Nekazaritza, Abeltzaintza eta Elikadura Departamentuak agintzen dizkion prestakuntza ekintzetan parte hartzea. Horri gagozkiola, konpromiso hori betetzat hartuko da laguntzaren onuradunaren partez haren ordezkari bat joaten bada, betiere pertsona horrek benetan laguntzaren xede diren lurretako laborantzaren ardura baldin badu.

f) Horiez gainera, ustiategi osoan nekazaritzaren ohiko egiteko egokiak bete beharko ditu.

g) Urtero azalera bat produkzio ekologikoan mantentzea, bost urtez, 40. artikuluan aipatzen den labore multzo bakoitzerako, lehenbiziko urtean laguntzaren eskabidearen xede den azaleran gutxienez, edo bestela 44. artikuluko 2 zenbakiaren aplikazioaren ondoriozko azaleran, epe horretan laborea eta katastroko lurzatia elkarri loturik egon gabe. Era berean, lurra denbora gutxi okupatu behar den labore-motak direnez, konpromiso hori bete dela hartuko da, nekazaritzako urtean laguntzaren xede den labore-motaren uzta bat, gutxienez, biltzen baldin bada. Gainerako denbora, lurzatia libre geldituko da, beste produkzio baterako.

Bost urtez urteko gutxieneko azalera bat izate aldera, lehorreko belarkien kasuan kontuan har daitezke labore-txandaketan sartzen diren urteko lugorriak, betiere lurzati horiek mantentzeko lanak produkzio ekologikoaren metodoei eta Nafarroako Nekazaritzako Produkzio Ekologikoaren Kontseiluak ezarritako kontrol-programei lotuak baldin badaude, lugorri horiek inolako laguntzarik jaso gabe. Lurzati horiek larretarako laguntzak jasotzen ahal dituzte baldin eta, erein eta beste labore arruntetan usatzen diren tekniken bitartez landu badaitezke ere, produkzioa idortzen utzi gabe lurperatzen baldin bada, nahiz eta aurretik azienda zuzenean bazkatzeko aprobetxatu.

Horretarako ere, eskatzaileak aire zabaleko barazkien produkzio ekologikorako labore talde horretarako hitz emana zuen baino azalera handiagoa badarabil, gehiegizko azalera hori ureztaketa lurretako belarki-laborantzan konputatzen ahalko da eta talde horretarako emandako gehieneko azalera egin arte ureztaketa lurretako belarki-laboreei dagozkien laguntzak hartzen ahalko ditu.

Nolanahi ere, neurri horretarako laguntza bakarra emanen da nekazaritzako urte bakoitzeko eta katastroko lurzati edo horren puska bakoitzeko, nahiz eta urtean lurzati berean laguntza jaso dezaketen uzta bat baino gehiago bildu.

Labore ez-iraunkorren kasuan, orobat, nekazaritza ekologikoan beharrezkoak diren labore-txandaketak erraztearren, hasierako konpromisoa ez dela urratu ondorioztatuko da baldin eta urteko txandaketari ekiteko asmoz lurzatian egiten den egokitzapenean labore-moten arteko aldaketa % 15etik beherakoa bada. Kasu guztietan, laguntza kalkulatzeko, urtean benetan lantzen den eremua kontuan hartuko da eta ezinezkoa izanen da hasiera batean onesten den diru-muga gainditzea.

Labore iraunkorrei dagokienez, lurzati bakoitzerako konpromisoa bost urterako izanen da. Landaketa baten erabilgarritasun-aldia amaituta, hura utzi behar denean, antzeko labore-mota bati ekin zaiola egiaztatu beharko da hurrengo urtean, utzitako lurzatiaren luze-zabalera berdineko edo handiagoko eremu batean, konpromisoa bukatu arte falta den denbora puskarako. Halaber, labore iraunkorreko lurzatiei dagokienez, labore iraunkorreko izaera edukitzeko, landaketa erregularrak egon beharko dira bertan, hektarea bakoitzeko 60 zuhaitz baino gehiago betiere.

43. artikulua. Laguntzak eskatzeko aurkezpen-urtea

Eskuarki, urte bateko laboreen kasuan, laguntza-eskaera laborearen ziklo begetatiboaren erdia baino gehiago gertatzen den urtean aurkeztu behar da. Laborea landatu edo ereiten denetik bilketa egin bitartekoa hartzen da ziklo begetatibotzat.

Kruzifero eta urazen laborantzan, azaroaren 1etik abenduaren 31 bitartean ereindako laboreengatik laguntzak eskatzen ahalko dira hurrengo urtean.

Arrozaren laborantzan, eskabidea aurkezten den urtean eskatzen ahalko dira laguntzak ereindako azalerengatik.

Urte batzuetako laborantzan, laguntzak bilketa egiten den urtean eskatuko dira eta bilketa arte mantendu beharko dira.

Landaketa berriko zainzuri lurzatien kasuan laguntzak lehenbiziko ziklo begetatiboa hasten deneko urtean eskatzen ahalko dira.

Orburuaren laborantzan, laguntzak landatu eta hurrengo urtean eskatzen ahalko dira.

Olibondoaren laborantzan, aurreko urteko azaroaren 1a baino lehen landaturik zeuden olibadi lurzatiengatik eskatzen ahalko dira laguntzak.

44. artikulua. Laguntzak.

1.-Aurreko artikuluan ezarritako baldintzak betetzen dituzten eskatzaileei gehieneko laguntza eman ahalko zaie, urteko eta azalera-unitate bakoitzeko ezartzen dena. Laguntza kalkulatzeko honako irizpide hauek hartuko dira kontuan: nekazariaren jarduera nagusia, ustitategiaren izaera eta labore-mota, honelaxe:

Hektarea bakoitzeko gehieneko laguntza, onuradunaren katalogazioaren arabera

Larreak 72,00 11.980 60,00 9.983

Lehorreko belarkiak 144,00 23.960 120,00 19.966

Ureztaketa lurretako belarkiak 216,00 35.939 180,00 29.949

Almendrondoak 216,00 35.939 180,00 29.949

Mahatsondoak 252,00 41.929 210,00 39.941

Barazkiak aire zabalean 360,00 59.898 300,00 49.916

Olibondoak 360,00 59.898 300,00 49.916

Fruta gozoko arbolak 576,00 95.838 480,00 79.852

Berotegiak 594,00 98.832 495,00 82.361

Labore bat baino gehiago dituzten lurzatietan, eremurik handiena hartzen duen labore-mota zein den, huraxe hartuko da oinarri lurzati osorako.

2.-Laguntza hartzeko eskubidea duten azaleretan muga hauek jartzen dira:

a) Pertsona fisikoen kasuan, laguntza eskuratu dezakeen gehieneko azalera 40 hektareakoa izanen da lehorreko lurreko belarkietarako, eta 30 hektareakoa beste hauetarako: ureztaketa lurretako belarki, almendrondo, mahatsondo, aire zabaleko barazki, olibondo, fruta gozoko arbola eta berotegietarako. Muga horiek % 20 goratuko dira titularra nagusiki nekazaria bada.

Nortasun juridikoa duten elkarteen kasuan laguntza eskuratu dezakeen gehieneko azalera honako hauen arabera kalkulatuko da: bazkide-kopurua, elkartearen kapitalean duten partea, eta ustiategiko produkzio ekologikoaren azalera. Bazkide bakoitzak laguntza eskuratzeko eskubidea duen gehieneko azalera bat sortuko du, artikulu honetako a) letran ezarritako gehieneko muga gaindituko ez duena, ez eta sozietatearen kapitalean duen parte-hartzea batetik arrozerako eta bestetik beste laborantzetarako azalerarekin biderkatzearekin ateratzen dena ere.

b) Elkarte anonimoen kasuan edo zenbat bazkide diren esaterik ez dagoenean, laguntza eskuratzeko gehieneko azalera ezartzen da, 200 hektarea lehorreko lurretako belarkietarako eta 150 hektarea beste hauetarako: ureztaketa lurretako belarki, almendrondo, mahasti, aire zabaleko barazki, olibondo, fruta gozoko arbola eta berotegietarako.

3.-Lehenbiziko urteko eskabidean laguntza izateko eskubidea zuen azalera (aurreko idatz-zatietan deskribatutakoari jarraituz kalkulatua), hasiera batez titularrak agindu zuen azalera baino txikiagoa baldin bada, konpromisoa, ondorio guztietarako, murriztua dagoela ulertuko da, laguntza izateko eskubidea duen azalera murriztua hain zuzen. Murrizketa hori era beran aplikatuko zaie laborantza-motei eta hasierako konpromisoko azalerei.

Larreen kasuan, laguntza izateko eskubidea duten hektarea kopurua ez da ustiategiaren "azienda larriko abelburuen" kopurua baino handiagoa.

4.-1257/1999 EE Erregelamenduaren eranskinean ageri diren diru-mugak ezin izanen dira gainditu, hau da, 600 eta 900 euro (99.831 eta 149.747 pezeta) hektarea bakoitzeko, urteko laboreentzat eta labore iraunkor espezializatuentzat, hurrenez hurren.

45. artikulua. Bateraezintasunak.

Konpromiso bakar batek ez ditu batera hartzen ahal Europako Kontseiluaren maiatzaren 17ko 1257/1999 EE Erregelamenduaren babespeko laguntza (arautzen baitu zer laguntza emanen diren Nekazaritzaren Berme eta Orientaziorako Europako Fondoa-FEOGAtik) eta Europako Batasuneko beste laguntza-erregimen batzuetakoa. Horri dagokionez:

a) Produkzio ekologikorako laguntzak bateraezinak dira konpromiso berberak dituzten antzeko laguntzekin. Konpromiso horiek Kontseiluaren 2200/1996 eta 2201/1996 EE Erregelamenduetan aurreikusitako ekintza-plan, programa operatibo eta neurri berariazkoetan proposatuak dira, fruta eta barazki fresko eta eraldatuen arloko merkatuko erakunde bateratuei buruzkoak hain zuzen.

b) Lurzati bererako, bateraezinak izanen dira orientazio produktibo beretarako laguntzak jasotzea (espeziea, laborea edo barietatea), nekazaritza ekologikoan eta produkzio integratuan hartutako konpromisoengatikoak hain zuzen.

c) Lurzati bererako, bateraezinak izanen dira produkzio ekologikorako dirulaguntzak eta D1 eta D4 neurriak hartzetik datozen konpromisoengatikoak. D1 "Flora eta faunaren babesa lehorreko lur eta estentsiboko sistemetan", D4 "Higaduraren kontrako borroka". Neurri horiek irailaren 7ko 265/1999 Foru Dekretuan jasoak daude, hau da, lurraldea eta naturguneak babesteko nekazaritza eta ingurumenaren arloko laguntzak ezartzen dituen foru dekretuan.

d) Lurzati bererako, bateraezinak izanen dira zainzuriaren produkzio ekologikorako dirulaguntzak eta azaroaren 2ko 323/1998 Foru Dekretua aplikatzearen ondoriozkoak. Foru Dekretu horren bidez Nafarroako zainzuria landatzeko Tratamendu Fitopatologikoen Kontrol Integratua sustatzeko laguntzak ezarri ziren.

XEDAPEN GEHIGARRIAK

Lehenbizikoa.-Produkzio integraturako neurriek sortzen dituzten gastuak honako kontusailaren kargura ordainduko dira: Nafarroako 2002. eta hurrengo urteetarako aurrekontu orokorren 71230-4700-7171 kontusaila, "Europako Batasuneko Nekazaritzarako Politikaren erreforma. Ingurumeneko programak" izenekoa.

Bigarrena.-Produkzio ekologikorako neurriek sortzen dituzten gastuak honako kontusailaren kargura ordainduko dira: Nafarroako 2002. eta hurrengo urteetarako aurrekontu orokorren 71230-4700-7171 kontusaila, "Europako Batasuneko Nekazaritzarako Politikaren erreforma. Ingurumeneko programak" izenekoa.

Hirugarrena.-Ordainak sortzen dituen gastuak honako kontusailaren kargura ordainduko dira: Nafarroako 2002. ekitaldiko aurrekontu orokorren 71230-4700-2-7171 kontusaila, "Mendialdeko eskualdeentzako eta eskualde behartsuentzako ordaina" izenekoa.

XEDAPEN IRAGANKORRAK

Lehenbizikoa.-Azaroaren 2ko 323/1998 Foru Dekretuaren ondorioz Tratamendu Fitopatologikoen kontrol integratua sustatzeko laguntzen hartzaileek zilegi izanen dute Foru Agindu honetan aurreikusten diren laguntzak eskatzea, bost urteko beste aldi gutxieneko baterako, hartarako aurrez eskaera eginik eta baldintzak eta konpromisoak betetzen badituzte, ordura arte jasotako zenbatekoak itzuli beharrik gabe. Horretarako zainzuriaren laborantzako tratamendu fitopatologikoen kontrol integraturako laguntzei uko egin beharko diete.

Bigarrena.-1995eko abenduaren 18ko Foru Aginduaren babespean Nekazaritza ekologikoa sustatzeko laguntzen hartzaileek zilegi izanen dute Foru Agindu honetan aurreikusten diren laguntzak eskatzea, bost urteko beste aldi gutxieneko baterako, hartarako aurrez eskaera eginik eta baldintzak eta konpromisoak betetzen badituzte, ordura arte jasotako zenbatekoak itzuli beharrik gabe. Horretarako 1995eko abenduaren 11ko Foru Aginduaren arabera produkzio ekologikoei emandako laguntzei uko egin beharko diete.

AZKEN XEDAPENAK

Lehenbizikoa.-Indarrik gabe utzi dira Foru Agindu honetan ezarritakoaren kontrakoak diren maila bereko xedapen guztiak.

Bigarrena.-Foru Agindu honek Nafarroako ALDIZKARI OFIZIALean argitaratu eta biharamunean hartuko du indarra.

Iruñean, bi mila eta bateko abenduaren hogeita zazpian.-Nekazaritza, Abeltzaintza eta Elikadura kontseilaria,

Ignacio Javier Fernández Alfaro.

I. ERANSKINA

Nafarroako mendialdeko udalerrien eta udalerri behartsuen zerrenda

a) Mendialdeko udalerriak:

3 ABAURREAGAINA

4 ABAURREPEA

8 AGUILAR KODESKOA

10 ALTSASU

11 ALLIN

13 AMESKOABARREN

17 ANUE

19 AGOITZ

20 ARAITZ

21 ARANZEKOR

22 ARANTZA

24 ARANO

25 ARAKIL

26 ARAS

27 ARBIZU

28 ARTZIBAR

31 ARESO

33 ARIA

34 ARIBE

37 ARRUAZU

40 ATETZ

43 AZUELO

44 BAKAIKU

47 BARGOTA

49 BASABURUA

50 BAZTAN

52 BERASKOAIN

54 BERTIZARANA

55 BETELU

58 AURITZ

59 BURGI

63 CABREDO

71 GAZTELUBERRI

73 ZIORDIA

75 ZIRITZA

81 DONAMARIA

82 ETXALAR

83 ETXARRI-ETXAURIBAR

84 ETXARRI-ARANATZ

87 ELGORRIAGA

90 ERATSUN

91 ERGOIENA

92 ERROIBAR

93 EZKAROZE

94 ESLABA

95 ESPARTZA

96 ESPRONTZEDA

98 ESTERIBAR

100 EULATE

101 EZKABARTE

102 EZKURRA

103 EZPOROGI

110 GALIPENTZU

111 GALOZE

112 GARAIOA

113 GARDE

115 GARRALDA

116 GENEVILLA

117 GOIZUETA

118 GOÑERRI

119 GORZA

120 GESALATZ

121 GIRGILLAO

123 UHARTE-ARAKIL

124 IBARGOITI

126 IMOTZ

127 IRAÑETA

128 IZABA

129 ITUREN

130 ITURMENDI

132 ITZAGAONDOA

133 ITZALTZU

134 JAURRIETA

135 XABIER

136 TXULAPAIN

137 LABAIEN

138 LAKUNTZA

139 LANA IBARRA

140 LANTZ

141 LAPOBLACION

143 LARRAGOA

144 LARRAUN

146 LEATXE

149 LEITZA

150 LEOTZ

151 LERGA

153 LESAKA

154 LEZAUN

156 LIZOAINIBAR

158 LONGIDA

159 IRUNBERRI

162 MARAÑON

170 MIRAFUENTES

172 ELO

181 NABASKOZE

182 NAZAR

185 OTSAGABIA

186 ODIETA

187 OITZ

188 OLAIBAR

189 OLAZTI

192 OLORITZ

194 OLLO

195 ORBAITZETA

196 ORBARA

198 ORONZ

199 OROTZ-BETELU

203 PETILLA DE ARAGON

209 ERROMANTZATUA

210 ERRONKARI

211 ORREAGA

213 SALDIAS

214 JAITZ

219 SANTSOL

221 DONEZTEBE

222 SARTZE

226 SUNBILLA

230 TORRALBA DEL RIO

235 UXUE

236 ULTZAMA

237 UNTZITIBAR

238 UNTZUE

239 URDAZUBI

240 URDIAIN

241 URRAULGOITI

242 URRAULBEITI

243 URROTZ-ITZAGAONDOA

244 URROTZ-MALERREKA

245 URZAINKI

247 UZTARROZE

248 LUZAIDE

250 BERA

252 BIDANKOZE

253 BIDAURRETA

256 HIRIBERRI-AEZKOA

259 IGANTZI

261 ESA

262 ZABALTZA

263 ZUBIETA

264 ZUGARRAMURDI

265 ZUÑIGA

691 ANDIMENDI

692 ARALAR MENDIA

693 LOKIZ MENDIA

694 URBASA

904 IRURTZUN

908 LEKUNBERRI

b) Eskualde behartsuetako udalerriak:

1 ABAIGAR

2 ABARTZUZA

5 ABERIN

9 OIBAR

12 ALLO

14 ANTZIN

29 LOS ARCOS

30 ARELLANO

35 ARMAÑANTZAS

36 ARROITZ

38 ARTAXOA

39 ARTAZU

41 AIEGI

45 BARASOAIN

46 BARBARIN

51 BEIRE

53 BERBINTZANA

61 EL BUSTO

65 CAPARROSO

67 ZARRAKAZTELU

69 KASEDA

74 ZIRAUKI

79 DESOJO

80 DEIKAZTELU

97 LIZARRA

99 ETAIO

104 FALTZES

114 GARINOAIN

125 IGUZKITZA

142 LARRAGA

145 ELIZAGORRIA

148 LEGARIA

155 LEDEA

160 LUKIN

161 MAÑERU

164 MELIDA

166 MENDAZA

167 MENDIGORRIA

168 METAUTEN

171 MIRANDA-ARGA

174 MORENTIN

175 MUES

177 MURIETA

178 MURILLO EL CUENDE

179 MURILLO EL FRUTO

184 OKO

190 OLEXUA

191 ERRIBERRI

197 ORISOAIN

200 OTEITZA

204 PIEDRAMILLERA

205 PITILLAS

207 PUIU

212 ZARE

216 ZANGOZA

217 SAN MARTIN UNX

220 SANTAKARA

224 SESMA

225 SORLADA

227 TAFALLA

231 TORRES DEL RIO

251 VIANA

255 VILLAMAYOR DE MONJARDIN

257 VILLATUERTA

260 DEIERRI

690 ERREGE BARDEA

c) Toki entitateen barneko bizilagunik gabeko eskualdeak edo entitate horiek administratzen dituztenak aurreko zerrendetan sartuko dira eskualde behartsu gisara, beti ere ondoko baldintza hauek betetzen badituzte: Nafarroako foru araubide bereziaren edo publikoaren arabera inongo udalerriri atxikirik ez izatea, tradiziozko korporazio publikoen barruan egotea edo fazeria izena hartzea eta haien titulartasuna edo kotitulartasuna duen udalerria edo toki entitatea aurreko bi zerrendetako batean agertzea.

II. ERANSKINA

Ustiategien koefizienteak

1.-Sailkapenerako parametroak udalerriei dagokienez.

1.1. Kota eta malda: udalerri bakoitzaren puntuazioa ondokoen araberakoa izanen da:

a) Mendialdeko gisara katalogatutako udalerriak, batez besteko garaiera 600 m-koa baino handiagoa eta batez besteko malda % 20 baino handiagoa dutenak: 25 puntu.

b) Mendialdeko gisara katalogatutako udalerriak, batez besteko garaiera 600 m-koa baino handiagoa eta batez besteko malda % 15 baino handiagoa dutenak: 20 puntu.

c) Mendialdeko gisara katalogatutako gainerako udalerriak eta behartsu gisara katalogatuak daudenak: 15 puntu.

1.2. Jende-hustuketa: udalerri bakoitza ondoko adierazle hauen arabera puntuatuko da:

a) Populazioaren dentsitatea:

-10 bizilagun/km2 baino gutxiago dituztenak: 2 puntu.

-10-35 bizilagun/km2 dituztenak: puntu bat.

b) Herriak husteko joera (91 eta 96ko zentsuen konparazioa):

-Bizilagunen beherakada % 10 baino txikiagoa duten udalerriak: 4 puntu.

-Bizilagunen beherakada % 0tik 10era bitartekoa duten udalerriak: 2 puntu.

-Bizilagunen gorakada % 5 baino txikiagoa duten udalerriak: puntu 1.

c) izilagunen egitura:

-Bizilagunen % 32 baino gehiago 60 urtez goitikoa duten udalerriak: 2 puntu.

-Gainerako udalerriak: 0 puntu.

d) Onuraduna bizi den udalerriaren tamaina:

-Egitatezko 500 biztanle baino gutxiago dituzten udalerriak: 2 puntu.

-Gainerako udalerriak: 0 puntu.

1.3. 2. helburuko eskualdeak: 10 puntu

1.4. Lehorreko lurren errendimendua 2,2 Tn/ha baino txikiagoa dutenak: 10 puntu.

1.5. Interes komunitarioko tokia duen udalerria, IKT(*): 15 puntu gehienez.

(*) Puntuazioa kalkulatzeko, IKT-k udalerrian ukitutako azalera, bateko hainbestean adierazia, 15 puntuz biderkatuko da.

2.-Sailkapen parametroak ustiategiei dagokienez.

2.1. Titularra nekazari gaztea bada: 15 puntu.

2.2. Hobetzeko plan batean dagoen ustiategia: 10 puntu.

2.3. Nekazaritzako kooperatibetako kidea: 5 puntu.

2.4. Ustiategietik ateratako produktuen eraldaketa eta salmenta: 5 puntu.

2.5. Hemengo aziendaren ustiapen estentsiboa: 10 puntu.

Iragarkiaren kodea: A0113600