I. NAFARROAKO FORU KOMUNITATEA
Xedapen Orokorrak. Foru Aginduak
438/2001 FORU AGINDUA, azaroaren 23koa, Hezkuntza eta Kultura kontseilariak emana, Lizarrako alde historikoa interes kulturaleko ondasun deklaratzeko espedientea irekitzen duena.
Vianako Printzea Erakundea-Kultura Zuzendaritza Nagusiak txostena aurkeztu du, Udalak eskaturik, Lizarrako alde historikoa interes kulturaleko ondasun deklaratzeko espedientea ireki dadin proposatzeko.
Ekainaren 25eko 16/1985 Legeak, Espainiako Ondare Historikoari buruzkoak, urtarrilaren 10eko 111/1986 Errege Dekretuak, aipatu lege hori partez garatzekoak (urtarrilaren 21eko 64/1994 Errege Dekretuak aldatuak) eta urriaren 3ko 217/1986 Foru Dekretuak, Interes Kulturaleko Ondasunen Deklarazioa arautzekoak (abenduaren 30eko 572/1991 Foru Dekretuaren bidez aldatuak) ematen dizkidaten ahalmenak erabiliz,
AGINDU DUT:
1. Lizarrako alde historikoa interes kulturaleko ondasun deklaratzeko espedientea irekitzea, erantsitako dokumentazioan adierazten diren mugei jarraikiz.
2. Espedientea tramitatzen jarraitzea indarrean dauden xedapenek ezarritako moduan.
3. Foru Agindu honen berri ematea Lizarrako Udalari, eta ohartaraztea eten egin behar direla lurzatiketa, eraikitze eta eraispenerako udal lizentziak, bai eta jada emanik daudenen eraginak, hala ezartzen baitu ekainaren 25eko 16/1985 Legearen 16. artikuluak. Nolanahi ere, toki horretan berehalaxe egin behar bada lanen bat ezinbestean, beharrezkoa izanen da Vianako Printzea Erakundea-Kultura Zuzendaritza Nagusiaren baimena.
4. Foru Agindu honen berri ematea Hezkuntza eta Kultura Ministerioko Arte Ederren eta Kultur Ondasunen Zuzendaritza Nagusiari atxikitako Interes Kulturaleko Ondasunen Erregistroari, aurretiaz idatzia gera dadin, bai eta Vianako Printzea Erakundea-Kultura Zuzendaritza Nagusiko Arkitektura Ondarearen Atalari ere.
5. Foru Agindu hau Nafarroako ALDIZKARI OFIZIALean argitaratzea, eta Nafarroako ALDIZKARI OFIZIALean argitaratzen denetik 30 eguneko epea ematea jendaurrean egoteko, interesatuek egoki iruditzen zaizkien alegazioak aurkeztu ahal izateko.
Iruñean, bi mila eta bateko azaroaren hogeita hiruan.-Hezkuntza eta Kultura kontseilaria, Jesús María Laguna Peña.
LIZARRAKO ALDE HISTORIKOAREN MUGAK
Azucarero izeneko zubia, Sorkunde Garbiaren pasealekua kale erditik, Deierri etorbidea, Gallarda kalea, Iguzkitzako Doneztebe kalea, zuzen gurutzatu Goñerri kaleraino (520. eta 529. lurzatiak), zuzen-zuzen Udalaren Haurtzaindegiraino, Harresietako kalea eta Cordeleros kaletik San Agustin plazaraino, handik Ega ibairaino ezker-ibarretik Azucarero izeneko zubiraino. San Juan eta San Migel auzoak hartzen ditu.
San Pedro de la Rúa auzoa: Ega ibaiaren eskuinaldea, Anai Diego Lizarrakoaren kalea, San Martin plaza; San Nikolas eta Curtidores kaleak, Iruñetik Logroñorako errepidearen saihesbideraino, eta Santa Maria kalearen eskuinaldea eta ezkerraldea, eta Santo Domingo Komentua eta Hilobi Santua dauden aldea ere bai.
Santa Klara Komentua eta Errekoleten Komentua berrenean sartuta eta bertatik "Lizarra" auzo berria aterata.
Iragarkiaren kodea: A0112548
