I. NAFARROAKO FORU KOMUNITATEA
Herrilanak eta Zerbitzu Publikoak
444/2002 FORU AGINDUA, apirilaren 16koa, Herrilan Garraio eta Komunikazio kontseilariak emana, "Irunberri-Ezkaroze NA-178 errepidea zabaldu eta hobetzea, tartea: Espartza-Ezkaroze" izeneko proiektuari dagozkion obrak kontratatzeko espedientea onesten duena.
Herrilan, Garraio eta Komunikazio Departamentuak lizitaziorako dei egin du "Irunberri-Ezkaroze NA-178 errepidea zabaldu eta hobetzea, tartea: Espartza-Ezkaroze" izeneko proiektuari dagozkion obrak kontratatzeko, honako baldintza orokor hauei jarraituz:
-Kontratuaren xedea: aipatu obrak egitea.
-Prozedura/esleipen modua: irekia/lehiaketa.
-Lizitazio prezioa: 2.218.700,12 euro.
-Egiteko epea: zortzi hilabete (8).
-Kontratuaren sailkapena: G taldea, 4 azpitaldea, f) kategoria.
-Proposamenak aurkezteko epea: 2002ko maiatzaren 27a arte, hori barne, Herrilan, Garraio eta Komunikazio Departamentuko Erregistroan (San Ignazio etorbidea 3, beheko solairua, Iruña).
-Aurkeztu beharreko agiriak: administrazio klausula partikularren pleguan ageri direnak. Agiriek jatorrizkoak edo kopia kautotuak izan behar dute.
Proiektu teknikoa eta administrazio klausula partikularren plegua aztertzeko, Bide eta Eraikuntza Zerbitzura jo (948-427459 telefonoa, San Ignazio etorbidea, 3-3. solairua, Iruña), edo http://www.cfnavarra.es/obraspublicas orrian begiratu.
-Proposamen ekonomikoak jendaurrean irekitzeko eguna: 2002ko ekainaren 6ko 12:00etan, Herrilan, Garraio eta Komunikazio Departamentuan.
Iruñean, bi mila eta biko apirilaren hamaseian.-Herrilan, Garraio eta Komunikazio kontseilaria, José Ignacio Palacios Zuasti.
PROPOSAMEN EREDUA
Honen azpian sinatzen duenak, ................. jaun/andreak, adinez nagusiak, ........(e)ko bizilagunak, helbidea ........(e)n, ........... kaleko ... zk.an duenak, bere izenean (edo .......... ordezkatuz), "Irunberri-Ezkaroze NA-178 errepidea zabaldu eta hobetzea, tartea: Espartza-Ezkaroze" izeneko obrak lehiaketa bidez esleitzeko ............(e)ko ..... Nafarroako ALDIZKARI OFIZIALean argitara eman den iragarkiaren berri duelarik, baita proiektu teknikoaren eta lizitazio horretako administrazio klausula partikularren pleguen berri ere, konpromisoa hartzen du, aipatu agiriei hertsiki lotuz, lan horiek egiteko ............ (zenbakiz) ........... euroren truke.
(Eguna eta sinadura)
Iragarkiaren kodea: A0204266
