III. NAFARROAKO TOKI ADMINISTRAZIOA
MONKAYOKO UR MANKOMUNITATEA
Ordenantzaren behin betiko onespena
Moncayoko Ur Mankomunitateko Zuzendaritza Kontseiluak, 2001eko azaroaren 29ko osoko bilkuran, tasa/prezio publikoen 2002ko tarifa eguneratuak onetsi zituen hasiera batez, ur hornidura, estolderia eta saneamendua, arazketa eta uraren ziklo integralarekin zerikusia duten gainerako zerbitzu eta jardueretarako; erabaki horren jendaurreko epea 2001eko abenduaren 24an, 155. Nafarroako ALDIZKARI OFIZIALean argitaratu zen. Erreklamazio eta alegaziorik aurkeztu ez denez, bidezko da tasa/prezio publikoen ordenantza fiskaleko aldaketak behin betikoz onestea. Ondoren ematen da argitara testu osoa.
Corellan, bi mila eta biko otsailaren hogeian. Mankomunitateko burua, José María Vázquez Royo.
ORDENANTZA FISKALA, UR HORNIDURA, ESTOLDERIA ETA SANEAMENDUA, ARAZKETA ETA URAREN ZIKLO INTEGRALAREKIN ZERIKUSIA DUTEN GAINERAKO ZERBITZU ETA JARDUEREN TASA/PREZIO PUBLIKOAK ARAUTZEN DITUENA
1. TITULUA
Moncayoko Ur Mankomunitatearen tasa/prezio publikoak, uraren ziklo integralarekin zerikusia dutenak
1. KAPITULUA
Oinarria
1. artikulua. Ordenantza fiskalaren titulu honetan ezarritako tasak/prezio publikoak Nafarroako toki erakundeei aplikatzen zaien arautegi fiskalean emandako ahalmenen babesean ezarri dira eta haiekin bat etorriz.
2. KAPITULUA
Ordainarazpenaren zer-nolakoa
2. art. Titulu honen xede diren tasek/prezio publikoek presio txikiko ur hornidura eta saneamendua, eta aurrekoarekin eta uraren ziklo integralarekin zerikusia duten gainontzeko jarduera eta zerbitzuak ematea dute oinarri. Ezarri diren ordainarazpenen izaera fiskala da, beraz, Nafarroako Toki Ogasunei buruzko martxoaren 10eko 2/1995 Foru Legearen 100. artikuluan eta hurrengoetan aipatu zerbitzuak eman edo jarduerak burutzeagatiko tasek/prezio publikoek duten hori bera.
3. KAPITULUA
Aplikazio esparrua
3. art. Ordenantza hau Moncayoko Ur Mankomunitatean une bakoitzean sartutako Udalen mugapeetan aplikatuko da.
4. KAPITULUA
Zergagaia
4. art. Zergagaia ordenantza honek araututako zerbitzuak eskura izan edo eskuratu ahal izatea nahiz jarduerak erabili edo erabili ahal izatea da. Horiek behar diren tasak/prezio publikoak sortzen dituzte eta banan- banan ondoko hauek dira:
a) Edateko uraz hornitzeko zerbitzua eduki eta mantentzea.
b) Herrietako saneamendu eta estolderia-sareak eduki eta mantentzea.
c) Edateko uraz hornitzeko zerbitzua erabiltzea. Ezarriko den tasa, uraren erabilera edo helburuen arabera aldatu ahal izanen da eta tarifa konbinatuak ezarriko dira urari erabilera desberdinak eman eta neurtzeko ekipoa bakarra denean.
d) Saneamendu zerbitzua erabiltzea.
e) Edateko uraren hornidura edo/eta hondakin-uren hustuketa behin betikoz kontratatu ahal izateko (hartune kuota) beharrezkoak diren jarduketei buruzko zerbitzu tekniko eta administratiboak ematea.
f) Edateko uraren hornidura edo/eta hondakin-uren hustuketa sareei lotzeko eskubideak. Horrek, hornidura edo/eta saneamendu zerbitzuak eskura edukitzea du ondorio.
g) Behin-behineko horniduretarako altak.
h) Ikuskapena, Mankomunitateko langileek egiten dutena, arauak zehatz-mehatz betetzen diren ala ez frogatzeko, ordenantzetan araututakoa hausten den kasuetan.
5. art. Mankomunitateak behar diren prezioak ezarriko ditu hartuneetako lanak finantzatu ahal izateko, bai edateko uraren hornidura sareetakoak, bai hondakin-uren hustuketa sareetakoak; orobat kontagailuak prezintatu, egiaztatu, ezarri eta berritzeko, lan horiek Mankomunitateak berak egiten dituenean.
5. KAPITULUA
Subjektu pasiboak
6. art. 1. Subjektu pasibotzat hartuko dira, ordenantza honetan ezarritako tasak/prezio publikoak ordaintzera behartuak, zergadun gisa, pertsona fisikoak edo juridikoak eta entitateak, nortasun juridikorik izan gabe ere ezarpena izan dezakeen entitate ekonomiko bat edo ondare bereizia osatzen dutenak, ordenantza honen xedeko zerbitzu eta jardueren onura, erreala edo ahalezkoa, edo haien eragina jasotzen badute.
Zehazki, honako hauek dira ordaintzera behartutako
subjektu pasiboak:
a) 4. artikuluko a), b), c), d), e) eta g) ataletan ezarritako tasetan/prezio publikoetan, hornidura kontratuaren titularra.
b) 4. artikuluko f) atalean zehaztutako tasarako, hartunearen eskatzailea izanen da subjektu pasiboa.
c) 4. artikuluko h) atalean zehaztutako tasetarako/prezio publikoetarako, araua hausten duten pertsona natural edo juridikoak, edateko uraren hornidura eta/edo hondakin uren hustuketarako kontratuaren titularrak.
Abonaturik ez dagoenean, ikuskatu diren lur, eraikin, establezimendu, zentro, egoitza eta gainontzeko higiezinen jabeak izanen dira subjektu pasiboak, betiere, zehapena ekarri duen jarduketaren onura jaso badute.
2. Zerbitzua zer finka edo eraikinetan egiten den, haiexen jabeak izanen dira zergadunaren ordezko. Zerbitzuaren onuradunak beste batzuk badira, jabeek haiexei kobratzen ahalko dizkiete kuotak.
3. Pertsona fisiko edo juridiko batzuk halako ustiategi edo jarduera ekonomiko batean ari badira, eta horren ondorioz, zorrik badute, zor hura haien ondorengoei galdatzen ahalko zaie, ondorengotza hori titulartasunari ala aritzeari egokitu.
Borondatezko epea akituta, eskuratzailea eta eskualdatzailea zorraren erantzule solidarioak izanen dira. Norbaitek ustiategi edo jarduera ekonomiko baten titulartasuna eskuratu nahi badu, gaurko titularrak aldez aurretik baietza emandakoan, eskubidea izanen du Mankomunitateari eskatzeko kasuan kasuko jardueran edo ustiategian aritzearen ondorioz diren tributu-zorren ziurtagiri zehatza.
6. KAPITULUA
Zerga-oinarria
7. art. Hauexek dira 4. artikuluan aipatutako zergagaien karga-oinarriak:
a) 4. artikuluaren a) atalean ezarritako zergagairako: kontagailuaren diametroaren araberako kuota finkoa. Kuota horri Mankomunitatearenak diren kontagailuen alokairu-kostua gehituko zaio eta aipatu kostua kuotaren zati bereiztezina izanen da.
b) 4. artikuluaren b) atalean ezarritako zergagairako: hornidurako kontagailuaren diametroaren araberako kuota finkoa.
c) 4. artikuluaren c) eta d) ataletan ezarritako zergagairako: kontagailuak markatu edo bestelako prozedura tekniko fidagarrien bidez neurturik, kontsumitutako metro kubikoen kopurua.
d) 4. artikuluaren e) atalean ezarritako zergagairako: ezarri beharreko kontagailuaren diametroaren araberako kuota finkoa, edo ezarrita dagoenaren eta ezarriko denaren kuoten arteko aldea, diametroa nahita handitu behar bada edo teknikoki beharrezkoa delako.
e) 4. artikuluaren f) atalean ezarritako zergagairako: kuota finkoa, hartuneko diametroaren araberakoa, edo kuoten arteko aldea, handitu bada. Kuota horri koefiziente zuzentzaileak aplikatuko zaizkio, eranskinean ezarritako erabileren arabera.
f) 4. artikuluaren g) atalean ezarritako zergagairako: kontagailuak markatu edo bestelako prozedura tekniko fidagarrien bidez neurturik, kontsumitutako metro kubikoak.
g) 4. artikuluaren h) atalean ezarritako zergagairako: egindako ikuskapenen kopurua.
7. KAPITULUA
Tarifak
8. art. Tributu-kuota kalkulatzeko, Moncayoko Ur Mankomunitateko Zuzendaritza Batzordeak ekitaldi bakoitzean finkatuko du zein tarifa aplikatu tasa/prezio publikoetako zergagaiei.
8. KAPITULUA
Tributu-kuotak
9. art. Zerga-oinarriari bere tarifa aplikatzetik ateratzen den emaitza da tasa bakoitzaren tributu-kuota.
10. art. Ateratzen den tributu-kuotaren gainean legeek une bakoitzean finkatzen dituzten zeharkako zergak aplikatuko dira, haiek dioten modu eta baldintzetan.
9. KAPITULUA
Salbuespenak
11. art. Nafarroako Parlamentuak onetsi foru legeetan propio aurreikusitako salbuespenak besterik ez dira onartuko, eta Nafarroako Gobernuak, Mankomunitatea osatzen duten toki erakundeek edo bestelako entitate edo erakunde publikoek hartutako beste tankera bateko egintza edo erabakietatik heldu diren guztiak indarrik gabe geldituko dira.
10. KAPITULUA
Sortzapena
12. art. Ordenantza honetan ezarritako tasek/prezio publikoek arau hauen arabera izanen dute sortzapena:
1. 4. artikuluko a) eta b) ataletan ezarritako tasek/prezio publikoek bihileko bakoitzaren lehendabiziko egunean izanen dute sortzapena, sarearekin lotura egina duten erabiltzaile guztientzat.
2. 4. artikuluko c), d) eta g) ataletan ezarritako tasek/prezio publikoek ur kontsumoa hasten den unean izanen dute sortzapena.
3. 4. artikuluko e) atalean ezarritako tasek/prezio publikoek edateko uraren hornidura edo/eta hondakin-urak hustutzeko kontratua sinatzen den unean izanen dute sortzapena.
4. 4. artikuluko f) atalean ezarritako tasek/prezio publikoek edateko uraren hornidura sareari edo/eta hondakin-urak hustutzekoari lotzeko baimena ematen den unean, uraren ziklo integralari buruzko ordenantzarekin bat.
5. 4. artikuluko h) atalean ezarritako tasek/prezio publikoek sortzapena izanen dute, ordenantzaren arau- haustea eginez gero, baimendutako langileek ikuskapena edo egiaztapena egiten duten unean.
11. KAPITULUA
Ordainarazpena
13. art. Ordenantza honetan araututako tasak/prezio publikoak hurrengo arauei jarraikiz ordainaraziko dira:
1. 4. artikuluko a), b), c) eta d) ataletan aurreikusitako tasak/prezio publikoak bi hilabetetik behin.
2. e), f) eta g) ataletan aurreikusitako tasak/prezio publikoak, sortzapena duten unean.
3. h) atalean aurreikusitako tasak/prezio publikoak subjektu pasiboari jakinarazten zaion unean.
12. KAPITULUA
Dirubilketa
14. art. Nafarroako Toki Ogasunei buruzko 2/95 Foru Legearen 82. artikuluan eta hurrengoetan aurreikusitakoari jarraituz, ordenantza honetan ezarritako tasak/prezio publikoak aplikatu eta gero sortu tributu-zorrak "jakinarazpen gabekotzat" hartuko dira, 4.h) artikuluan ezarritakoa salbu.
4. artikuluko a), b), c) d) eta f) ataletan aurreikusitako tasek/prezio publikoek sortu tributu- zorrak, behin 13. artikuluan xedatutakoari jarraikiz ordainarazi eta gero, orori jakinaraziko zaizkio, behar den iragarki edo ediktua Mankomunitatearen iragarki oholean jarriz, eta argitalpen horretatik aitzina kontatuko da hogeita hamar egun balioduneko epea borondatezko denboraldian eta errekargurik gabe ordaintzeko.
4. artikuluko e) atalean aurreikusitako tasak/prezio publikoak, sortzapenaren unean bertan ordaindu beharko dira.
4. artikuluko f) atalean aurreikusitako tasak/prezio publikoak hartunerako eskubidea ebatzi ondotik ordaindu beharko dira, uraren ziklo integrala arautzen duen ordenantzan esan bezala, hogeita hamar egun balioduneko epearen barrenean, ebazpena eman eta biharamunetik aitzina, eta 12.2. artikuluaren kasuan, hornidura kontratatzen den unean.
4. artikuluko h) atalean aurreikusitako tasak/prezio publikoak subjektu pasiboari jakinarazten zaionetik hasi eta hogeita hamar egun balioduneko epean ordaindu beharko dira.
15. art. Borondatezko denboraldian ordaintzen ez diren tributu-zorrak, aurreko artikuluan aurreikusitakoaren arabera, luzapen aldian ordaindu ahalko dira, 6/1990 Foru Legearen 90. artikuluan ezarritakoari jarraituz.
Aurreko epea zorrak ordaindu gabe iraganik, premiamendu bideari ekinen zaio, Mankomunitateak luzamendua edo zatika ordaintzeko baimena eman duenean salbu.
16. art. Honela ordaindu ahalko dira tributu-zorrak:
-Ordainketa helbideratuta duten subjektu pasiboentzat, horretarako ezarri duten banketxe edo aurrezki kutxako kontuan kargua eginez.
-Ordainketa helbideratu ez duten subjektu pasiboentzat: Mankomunitatearen diruzaintzan edo horretarako gaitutako banketxe edo aurrezki kutxetan.
13. KAPITULUA
Arau-hausteak eta zehapenak
17. art. Nafarroako Toki Ogasunei buruzko 2/1995 Foru Legean aurreikusitakoaz gain, Moncayoko Ur Mankomunitateak ur zerbitzuaren erregelamenduan arau- hausteei eta zehapen araubideari buruz ezarritako xedapenak aplikatuko dira.
2. TITULUA
Saneamenduaren kanona
18. art. Kanon honen zergagaia, zerga-oinarria, subjektu pasiboak, e.a. oso-osorik daude araututa Nafarroako Hondakin-uren Saneamenduari buruzko abenduaren 29ko 10/1988 Foru Legean eta hori garatzeko otsailaren 2ko 26/1989 Foru Dekretuaren bidez onetsitako Erregelamenduan.
19. art. 10/1988 Foru Legearen hirugarren xedapen iragankorraren arabera ezarritako kanonaren zenbatekoa tarifen laukian finkatu da.
XEDAPEN INDARGABETZAILEA
Indarrik gabe geldituko dira, inongo balio eta eraginik ez dutela, ordenantza honek indarra hartzen duenetik aitzina, ezarrita egon eta haren kontra egiten duten lerrun bereko edo txikiagoko xedapen, erregelamendu edo ordenantza guztiak.
AZKEN XEDAPENA
Ordenantza honek arautzen ez duen orotan, ordenantza fiskal orokorra aplikatuko da, baita Nafarroako Toki Ogasunei buruzko martxoaren 10eko 2/1995 Foru Legea ere.
Ordenantza honek 2002ko urtarrilaren 1ean hartuko du indarra.
2002KO ERANSKINA
saneamendua, arazketa eta uraren ziklo integralarekin zerikusia duten gainerako zerbitzu eta jardueren tasak/prezio publikoak arautzen dituen ordenantza fiskalarenak
Hilabeteko tarifak, ur hornidura, estolderia eta 2002rako ehuneko 4 igo dira tarifak.
1.-4.a) artikuluan aurreikusitako zergagaiak.
1.1. Kuota finkoak: kontagailuaren diametroaren arabera:
13 mm artekoa: 2,70 euro hilabetean.
15 mm-koa: 3,38 euro hilabetean.
20 mm-koa: 4,50 euro hilabetean.
20 mm-tik goitikoa: 5,78 euro hilabetean.
1.2. Kontagailuak alokatzeko kuotak.
Kontagailuaren batezbesteko prezioaren % 1,25eko tarifa aplikatuko da hilean (1984ko irailaren 25eko 230. "Estatuko Aldizkari Ofiziala"), kontagailua konpondu eta kontserbatzeko gastuak barne izanik.
1.3. Sute-aho zigilatuen kuotak:
Kuota finkoak, hartunearen diametroaren arabera:
50 mm artekoa: 7,45 euro hilabetean.
50 mm-tik goiti: 12,41 euro hilabetean.
2.-4.b) artikuluan aurreikusitako zergagaiak.
2.1. Kuota finkoak: kontagailuaren diametroaren arabera:
13 mm artekoa: 0,90 euro hilabetean.
15 mm artekoa: 1,45 euro hilabetean.
15 mm-tik goiti: 1,94 euro hilabetean.
3.-4 c) artikuluan aurreikusitako zergagaiak.
3.1. Kuota aldakorra: kontsumitutako metro kubiko bakoitzeko prezioa, hilabetean.
1. tarifa: 1etik 6 metro kubiko arteko kontsumoa, 0,174294 euro/metro kubikoa.
2. tarifa: 7tik 25 metro kubiko arteko kontsumoa, 0,402678 euro/metro kubikoa.
3. tarifa: 26 metro kubikotik goitiko kontsumoa, 1,177984 euro/metro kubikoa.
3.2. Industria eta merkataritzako erabilerak.
1. tarifa: kontsumoa: 0,54091 euro metro kubikoa.
3.3. 1. tarifa: Udalak ureztatzeko.
Ureztatzeko ahoa: 1,65 euro hilabetean.
2. tarifa: obretarako hornidura: 0,468789 euro metro kubikoa.
3. tarifa: ur ihesek ekarritako kontsumoak: 0,174294 euro metro kubikoa.
4.-4. d) artikuluan aurreikusitako zergagaiak.
4.1. Saneamenduko kuota aldakorra: prezioa finkatuko da hilabetean kontsumituriko metro kubikoen arabera.
1. tarifa: 0,042071 euro metro kubikoa.
5.-4. e) artikuluan aurreikusitako zergagaiak.
5.1. Tarifa estandarrak, ezarri beharreko kontagailuaren diametroaren arabera, edo ezarrita dagoenarena, abonatuaren egoera aldatzen bada (hartunerako kuota).
13 mm artekoa: 41,38 euro.
15 mm-koa: 49,67 euro.
20 mm-koa: 51,69 euro.
20 mm-tik goitikoa: 82,76 euro.
6.-4.f) artikuluan aurreikusitako zergagaiak.
6.1. Ur-hartunerako eskubideak hornidura sareetan: tarifa estandarra, hartunearen diametroaren arabera.
13 mm artekoa: 41,38 euro.
15 mm-koa: 49,67 euro.
20 mm-koa: 51,69 euro.
20 mm-tik goiti: 82,76 euro.
6.2. Ur-hartunerako eskubideak suteei aurre egiteko kontsumoetan: tarifa estandarrak hartunearen diametroaren arabera.
50 mm artekoa: 82,76 euro.
50 mm-tik goiti: 165,51 euro.
6.3. Ur-hartunerako eskubideak saneamendu sarean: tarifa estandarrak hartunearen diametroaren arabera.
160 mm artekoa: 41,38 euro.
160 mm-tik goiti: 82,76 euro.
7.-4.g) artikuluan aurreikusitako zergagaiak.
Tarifa hauen 3. artikuluan xedatutakoari jarraituko zaio:
-Alta hartzeko eskubideak: 39,41 euro.
-Kontsumoa: 0,480810 euro metro kubikoa.
8.-4.h) artikuluan aurreikusitako zergagaiak.
Egiten den ikuskapen bakoitza: 14,78 euro.
9.-Aurreikusitako bestelako zergagaiak.
Eskulana: 19,989663 euro orduko.
Makineria erabiltzeko: 39,913214 euro orduko.
Kamioia erabiltzeko: 82,038152 euro orduko.
10.-Aurreikusitako beste fidantza eta gordailuak.
Ordenantzaren 14. artikuluko 4. atalean xedatutakoari jarraituz jokatuko da.
11.-Saneamendu kanona. Nilsak finkatua.
Etxeko zaborrak: euro metro/kubikoa.
Etxeko zaborraz bestelakoa: euro/metro kubikoa.
Iragarkiaren kodea: a0202227
