I. NAFARROAKO FORU KOMUNITATEA
Agintariak eta Langileak
34/2002 EBAZPENA, otsailaren 8koa, Justiziako zuzendari nagusiak emana, Justiziako Estatu Idazkaritzak 2002ko urtarrilaren 28an eman Ebazpena Nafarroako ALDIZKARI OFIZIALean argitaratzea xedatzen duena. Hartan, Justizia Administrazioko Laguntzaileen Kidegoan sartzeko txanda libreko hautapen probak, 2000ko azaroaren 14ko Aginduz deituak, gainditu dituzten izangaien behin betiko zerrenda onetsi eta argitara ematen da.
2002ko urtarrilaren 28ko Ebazpenaren bitartez, Justiziako Estatu Idazkaritzak Justizia Administrazioko Laguntzaileen Kidegoan sartzeko txanda libreko hautapen probak, 2000ko azaroaren 14ko Aginduz deituak, gainditu dituzten izangaien behin betiko zerrenda onetsi eta argitara ematen da.
Deialdiaren oinarrietan eta otsailaren 16ko 249/1996 Errege Dekretuaren 20. artikuluan ezarritakoari jarraituz, bidezko da Justiziako Estatu Idazkaritzak eman Ebazpena Nafarroako ALDIZKARI OFIZIALean argitaratzea. Errege Dekretu horrek Justizia Administrazioko Ofizial, Laguntzaile eta Agenteen Kidegoen Erregelamendu Organikoa onesten du.
Horrenbestez, Lehendakaritza, Justizia eta Barne kontseilariak urriaren 13ko 202/1999 Foru Aginduaren bidez delegatu eskurantzak erabiliz,
EBATZI DUT:
1. Justiziako Estatu Idazkaritzak 2002ko urtarrilaren 28 eman Ebazpena Nafarroako ALDIZKARI OFIZIALean argitara dadin xedatzea. Bertan, Justizia Administrazioko Laguntzaileen Kidegoan sartzeko txanda libreko hautapen probak, 2000ko azaroaren 14ko Aginduz deituak, gainditu dituzten izangaien behin betiko zerrenda onetsi eta argitara ematen da.
2. Justiziako Estatu Idazkaritzak 2002ko urtarrilaren 28an eman Ebazpena eta eranskin osoa Justiziako Zuzendaritza Nagusian (Iruñean, Iratxeko monasterioa, 22-behean) daude ikusgai.
Iruñean, bi mila eta biko otsailaren zortzian.-Justiziako zuzendari nagusia, José María Abad Alegría.
E R A N S K I N A
EBAZPENA, 2002ko urtarrilaren 28koa, Justiziako Estatu Idazkaritzak emana, Justizia Administrazioko Laguntzaileen Kidegoan sartzeko txanda libreko hautapen probak, 2000ko azaroaren 14ko Aginduz deituak, gainditu dituzten izangaien behin betiko zerrenda onetsi eta argitara ematen duena.
2000ko azaroaren 14ko Aginduz (Estatuko Aldizkari Ofiziala, 29koa) egin zen deia Justizia Administrazioko Laguntzaileen Kidegoan sartzeko txanda libreko hautapen probetarako. Haren 10.4 oinarrian eta hurrengoetan ezarritakoari jarraituz, izangaien alegazioak aztertu eta ebatzirik, eta Epaimahai Kalifikatzaileak hautapen probak gainditu dituzten izangaien behin betiko proposamena igorririk.
Estatu Idazkaritza honek erabaki du:
Lehendabizi.-Lurralde eremu bakoitzean hautapen probak gainditu dituzten izangaien behin betiko proposamena onestea. Ebazpen honen I. Eranskinean jaso da zerrenda.
Bigarrenik.-Behin betiko zerrenda horretako izangaiek, Ebazpen hau Estatuko Aldizkari Ofizialean argitaratu eta hogei egun naturaletan, honako dokumentuak aurkeztuko dituzte Justizia Ministerioko Erregistro Orokorrean (Justiziako Estatu Idazkaritza, calle de la Manzana, 2) edo Administrazio Publikoen Araubide Juridikoari eta Guztiendako Administrazio Prozedurari buruzko azaroaren 26ko 30/1992 Legeko 38. artikuluak aipatzen dituenetako edozein bide erabiliz:
A) Nortasun Agiri nazionalaren bi fotokopia erkatu. Nazionalitate espainiarra ez duten izangaiek beren identitatea frogatzen duen agiriaren bi fotokopia erkatu beharko dituzte aurkeztu.
B) Deialdian eskatzen den tituluaren fotokopia erkatua edo titulua eskuratzeko eskubidea ematen dioten irakasgai guztiak gainditu izana frogatzen duen ziurtagiri akademikoa, harekin batera titulua ateratzeko eskubideak pagatu izanaren frogagiria ere aurkeztuta.
Atzerrian ateratako titulazioak izanez gero, haien homologazioa frogatzen duen agiriaren jabe dela beharko da egiaztatu.
C) Justizia Administrazioko Laguntzaile eginkizunetan aritzea galarazten dion gaitz edo akats fisikorik ez duela frogatzeko ziurtagiri medikoa, interesatuari dagokion Gizarte Segurantzako Medikuntza Orokorreko Fakultatiboak emana. Interesatua ez badago Gizarte Segurantzako araubide batean sartua, Osasun eta Kontsumo Ministerioko Zerbitzu Probintzialek eta Komunitate Autonomoetako eite bereko organoek emanen dute ziurtagiria.
Legez 100eko 33ko edo gehiagoko elbarritasuna aitortua duten izangaiek Lan eta Gizarte Gaien Ministerioko ziurtagiria aurkeztu beharko dute, edo zeinek bere Autonomi Elkartekoa, elbarritasun hori dutela frogatzeko eta gai direla Justizia Administrazioko Laguntzaileen Kidegoari dagozkion eginkizunetan aritzeko.
D) Zinpeko deklarazioa, adierazten duena ez duela bateraezintasun arrazoirik eta ez eginkizun publikoetan aritzeko debekurik, Estatuaren, Autonomi Elkarteen edo toki administrazioen Kidego batetik diziplina prozedura baten bidez bereizi gabea dela, eta ez duela eginkizun publikoetan aritzeko etendurarik izan diziplina edo auzitegi bidean, non eta errehabilitazioa lortu ez duen (II. eranskina).
E) Nazionalitate espainiarra ez duten izangaiek zinpeko deklarazioa beharko dute aurkeztu, edo hitz eman ez dutela beren Estatuan eginkizun publikoan aritzea galarazten dien diziplinako zehapenik edo zigor kondenarik bete behar. (III. eranskina).
Hirugarrenik.-Aurreko atalean aipatu dokumentuak aurkeztu ezina ongi frogatzen bada, zilegi da beste edozein bide erabiltzea, zuzenbidean onartzeko modukoa bada, deialdian eskatu baldintzak betetzen direla frogatzeko.
Laugarrenik.-Funtzionario publiko diren izangaiek ez dituzte berriz frogatu beharko beren aurreko izendapenerako bete behar izan zituzten baldintzak eta betebeharrak; horren ordez, Ministerioaren edo haien gaineko Organismoaren ziurtagiria aurkeztuko dute funtzionarioak direla eta beren zerbitzu orrian agertzen diren gorabehera guztiak frogatzeko.
Bosgarrenik.-Inork behar den epean delako dokumentazioa aurkezten ez badu, ezinbesteko arrazoiengatik ez bada, edo dokumentazioa aztertuta agertzen bada ez duela betetzen 2.1. oinarrian ezarri direnetako baldintzaren bat, ez da karrerako funtzionario izendatuko eta ordura arte egindako jarduerak baliogabetuko zaizkio, hasierako eskabidean informazio okerra jartzeagatik egozten ahal zaion erantzunbeharra ezertan galarazi gabe.
Seigarrenik.-Ebazpen honen kontra, administrazio bidea amaitzen baitu, zilegi da berraztertzeko errekurtsoa jartzea, Estatu Idazkaritza honi zuzendua, hilabeteko epean, edo administrazioarekiko auzi-errekurtsoa, Administrazioarekiko Auzietako Epaitegi Zentralei zuzendua, bi hilabeteko epean, Administrazio Publikoen Araubide Juridikoari eta Guztiendako Administrazio Prozedurari buruzko Legearen 116. eta 117. artikuluetan eta Administrazioarekiko Auzien Jurisdikzioa arautzen duen Legearen 45.ean eta hurrengoetan aurreikusitakoari jarraituz. Ebazpen hau "Estatuko Aldizkari Ofizial"ean argitaratu eta biharamunetik kontatuko da epea.
Madrilen, bi mila eta biko urtarrilaren hogeita zortzian.-Justiziako Estatu Idazkaria (P.O.D. 1996ko urriaren 29koa).-Zuzendari Nagusia, Carlos Lesmes Serrano.-Justizia Administrazioaren zerbitzuko Giza Baliabideen zuzendariorde nagusia.
I. ERANSKINA
Justiziako Administrazioaren zerbitzuko Laguntzaileen Kidegoan sartzeko, txanda libreko hautapen probak, Justiziako Estatu Idazkaritzak 2000ko azaroaren 14ko Aginduz deituak, gainditu dituzten izangaien behin betiko zerrenda
(286. "EAO, 2000-11-29). Nafarroako Lurraldea
ORD. ZENB. NAN DEITURAK MAK. MOTA 1. arik. 2. arik. GUZTIRA HIZKUNTZA
1 16006018 GIL MATEO, CLARA ISABEL M 71.72 72.29 144.01 -
2 9331124 ROMAN ALONSO, MARIA NURIA M 80.03 62.8 142.83 -
3 44623972 ERVITI LARREA, GARBIÑE M 75.38 63.01 138.39 -
4 33432618 RODRIGUEZ VIEDMA, ANA M 73.05 64.76 137.81 -
5 72678657 ARMENDARIZ NAVARRO, VIRGINIA M 69.39 66.41 135.8 4
II. ERANSKINA
........................ jaunak/andreak aditzera ematen du ................ (e)an daukala helbidea, ..... urte dituela eta ........ zenbakiko NANa duela; zin egiten du edo hitz ematen, Justizia Administrazioko Laguntzaileen Kidegoko funtzionario izendatzea lortzeko, Administrazio Publiko baten zerbitzutik inoiz bereizi gabea dela, ez zaiola eginkizun publikoetan aritzeko debekurik ezarri eta ez duela xedapen organikoetan finkatzen direnetako ez-gaitasun edo bateraezintasun arrazoirik.
...........(e)n, 2002ko ....... aren ..(e)an.
Aitortzailea,
III. ERANSKINA
.................... jaunak/andreak aditzera ematen du ................ (e)an daukala helbidea, ..... urte dituela eta ........ zenbakiko NANa duela; zin egiten du edo hitz ematen, Justizia Administrazioko Laguntzaileen Kidegoko funtzionario izendatzea lortzeko, ez duela bere Estatuan eginkizun publikoan aritzea galarazten dion diziplinako zehapenik edo zigor kondenarik bete behar.
.............(e)n, 2002ko ....... aren ..(e)an.
Aitortzailea,
Iragarkiaren kodea: A0201479
