I. NAFARROAKO FORU KOMUNITATEA
Herrilanak eta Zerbitzu Publikoak
181/2001 EBAZPENA, abenduaren 28koa, Nafarroako Su-itzaltze eta Salbamendu Zerbitzurako Partzuergoko buruak emana, NBQ ezbeharretan esku hartzeko, Nafarroako Su-itzaltze eta Salbamendu Zerbitzurako Partzuergoarentzat hainbat material erosteko presako espedientea onetsi eta haien aldera 7.421.251 pezeta (BEZa barne) ordaintzeko baimena ematen duena.
Ikusirik Nafarroako Suhiltzaileen Partzuergoko zuzendariaren txostena, Nafarroako Gobernuko Ekonomi eta Ogasun Departamentuak Nafarroako Su-itzaltze eta Salbamendu Zerbitzurako Partzuergoan duen kontu-hartzaile delegatuaren adostasun txostenaz hornitua.
Ikusirik Nafarroako Gobernuak 1990eko abenduaren 20an hartutako Erabakia, Partzuergoaren Estatutuak onesten dituena, Lehendakaritza kontseilariaren abuztuaren 3ko 104/1995 Foru Agindua, Barne zuzendari nagusia Partzuergoko buru izendatzeko proposatzen duena, 1999ko irailaren 6ko 285/1999 Foru Dekretua, Alfredo González Echarren jauna Barneko zuzendari nagusi izendatzeko xedatzen duena, Partzuergoko Zuzendaritza Kontseiluak 1990eko abenduaren 20an hartutako Erabakia, 100.000.000 pezetatik beherako kontratuak Partzuergoko buruaren esku uzten dituena, eta Nafarroako Administrazio Publikoen Kontratuei buruzko ekainaren 16ko 10/1998 Foru Legea.
EBATZI DUT:
1. NBQ ezbeharretan esku hartzeko hainbat material erosteko presako espedientea onestea, Nafarroako Su- itzaltze eta Salbamendu Zerbitzurako Partzuergoarentzat, eta kontratazio organo eskudunak agindutako jarduketak onestea.
2. 7.421.251 pezetako gasturako baimena ematea, "Jantziak eta ekipamendua" izeneko 1-2231-22850 kontusailaren kargura, Nafarroako Suhiltzaileen Partzuergoaren 2001eko Gastuen aurrekontutik.
3. Aipatu hornidura, 7.421.251 pezetakoa (BEZa barne) ordaintzeko baimena ematea. Hona zehazturik:
-MSA Española, SAU (A-08201832 IFZ), 1.621.386 pezeta.
-Adaro Tecnología (A-33611195 IFZ), 2.895.598 pezeta.
-Dalys, S.L. (B-31147838 IFZ), 208.429 pezeta.
-Dr„guer Hispania, S.A. (A-28063485 IFZ), 1.999.838 pezeta.
-Suinpro, S.L. (B-62139167 IFK), 696.000 pezeta.
4. Ebazpen honen aurka, gora jotzeko errekurtsoa jartzen ahal da Partzuergoko Zuzendaritza Kontseiluari zuzendua, hura jakinarazi eta biharamunetik hilabeteko epean.
Iruñean, bi mila eta bateko abenduaren hogeita zortzian.-Partzuergoko burua, Alfredo González Echarren jauna.
Iragarkiaren kodea: A0200565
